 |
رواية من القاتل الفصل السادس عشر
مراد بتوتر / لا يا بابا اصل عمار بصراحه....
اكمل زين / عمار اتقبض عليه .
حازم بصدمة / ايه .. اي اللي انتوا بتقولوا ده اتقبض عليه فين .
مراد / لا يا بابا هو مش اتقبض عليه .. عمار مطلوب القبض عليه وهو دلوقتي هربان من البوليس و البوليس بيدور عليه .
حازم بصدمة / طب ليه هو عمل ايي.
زين / عشان عمار هو اللي قتل شهد يا بابا وانا قولت كده من الاول بس حضرتك مصدقتنيش .
مراد / زين معاه حق يا بابا عمار ده طلع وراه مصايب و مش بيحب الخير لاي حد فينا و كمان هو اللي قتل شهد هو و الاتنين صحابه ريهام و اسلام .
حازم بصدمة كبيرة/ معقول؟!! عمار يعمل كده !! يقتل !! طب ليه ... اي السبب اللي يوصلوا للمرحلة دي ؟!.
مراد بخوف علي والده / اهدي يا بابا عشان صحتك .. كل ده هنعرفة لما يتمسك .. زين خد بابا علي اوضته لحد يرتاح .
زين / حاضر.
*صعد حازم مع زين الي الغرفة وهو مصدوم من أفعال ابن اخية ومن سمعتهم الذي ستصبح علي كل لسان بسبب مكانتهم الكبيرة في المجتمع'*
مراد في داخلة / اكيد بعد ما صور عمار نزلت في كل المواقع .. كل الناس دلوقتي زمانها بتتكلم عن عيلة الدمنهوري.. انا لازم اتصرف عشان منخسرش كل حاجة بسبب الكلب عمار .
*خرج مراد من القصر ولكن تفاجأ بـ أن الصحافة تقف أمام القصر و مصممة علي أخذ الحوار معه .*
مراد ببعض الغضب/ انا مستعد اجاوب علي اي سؤال يخص الاخبار بس خارج كده. .. انا اسف .
احد الصحفيين/ مراد بيه... هل الجريمة اللي ارتكبها عمار الدمنهوري كنتوا عارفين بيها أو عارفين نواياه ؟!..
مراد / والله الجريمة اللي عمار عملها كلنا اتصدمنا بيها ومحدش فينا كان يعرف اي حاجة عن الموضوع ده و خصوصاً لأن عمار كان كويس فـ كل الاوقات معانا وعشان كده محدش اخد باله من جريمته .
صحفي اخر / بعد الصور اللي انتشرت علي جميع المواقع و القنوات التلفزيونيه اعتقد أن ممكن شركات الدمنهوري تتضر باللي بيحصل .
مراد بثقة / لا .. مفيش اي ضرر هيجي علي اي شركة من شركات الدمنهوري .. و زي ما قولت الغلطه اللي عملها عمار احنا ملناش دخل بيها و احنا أو ناس بتدور عليه عشان تسلموا للعدالة وياخد جزائة.. اكيد كلنا مصدومين أن حد من العيلة يطلع كده بس هو زي الكلب ومطمرش فيه العيش و الملح و خان ابن عمه زين وقتل خطيبته اللي كان فرحهم بعد أقل من شهرين بس كل مجرم مكانه الحبس وانا متاكد أنه هيتمسك قريب .
صحفي اخر / طب بالنسبة لـ.....
مراد بمقاطعه و غرور / مش هقدر ارد علي أسئلة اكتر من كده .. اظن اخدتوا كل المعلومات عن الموضوع .
*قام رجال الحراسة بـ محاوطة مراد لـ يتخلص من اسئلتهم و تطفلهم الزائد.*
*اتجه مراد الي الشركة بعدها ؟!.*
___________________________________________
*فـِ أحدي الشركات الكبري في مصر '*
*كان يجلس رجل اعمال معروف يدعي '' تامر الرشيدي'' وهو رجل اعمال ناجح و معروف ولدية أموال كثيرة و من اغني أغنياء مصر و لـكنه ليس اعلي من عائلة الدمنهوري '*
*- تامر الرشيدي شاب وسيم في الثلاثين من عمره عيناه من اللون العسلي و شعره بني فاتح و جسدة رياضي و لدية عضلات بارزة و وسيم للغاية '*
*_كان يجلس في أحدي شركاته و ينهي بعض الصفقات ولكن قاطعه دخول السكرتيرة'_*
الاء / تامر بيه .. في واحد برة اسموا شادي و عاوز يقابل حضرتك .
تامر باستغراب/ واخد معاد قبل كده .
الاء / لأ يا فندم بس عاوز يقابل حضرتك ضروري وبيقول مسئلة حياه او موت.
تامر / تمام خليه يدخل .
*خرجت الاء سكرتيرة تامر من المكتب لـ تقوم بالنداء علي شادي ''( نعم ذلك هو شادي صديق شاهيناز .. ولكن ماذا يريد من تامر الرشيدي؟!)'' وجلس تامر ينظر الي اللاب توب.*
دخل شادي / مساء الخير يا تامر بيه .
نظر له تامر بصدمة / انت ؟!.
شادي / انا اعرف ان انت دلوقتي من حقك تطلب لي البوليس بس ممكن تسمحلي اتكلم معاك فـ موضوع مهم .
تامر بغضب / اطلع برة يالا انت بدل ما اطلبك الأمن .
شادي بهدوء / انا جاي عشان ارجعلك حقك .
تامر بسخرية / لا والله ؟! ترجع حقي .. و يا تري جايب مين تنصب عليا المرة ديي .. المرة اللي فاتت كانت شاهيناز ومثلت أنها بتحبني و خلتني احبها لحد ما خسرتني نص املاكي وعاوزني اصدقك ؟!! ده انت حتي كنت من اعز أصدقائها .
شادي / بص بقي يا تامر بيه .. انا مستعد اخليك تاخد حقك منها تالت و متلت بس بالطريقة.
تامر باستغراب/ ازاي ؟! وايه اللي يخليني اصدقك اصلا ؟!.
شادي / لان من الاخر .. اللعبة دي متلعبتش عليك انت و بس .. في كذة واحد قبلك بس دول خسارتهم قليلة .. وانت اللي خسرت كتير فيهم فـ انت الكارت اللي معايا دلوقتي عشان أوقع شاهيناز ... انت طبعا تسمع عن رجل الأعمال مراد الدمنهوري!.
تامر / اه طبعا .
شادي بخبث / اهو ده بقي الضحية الجديدة .. بس المرة دي شاهيناز ناوية تتجوز بجد عشان تكوش علي كل حاجة لوحدها .
تامر باستغراب/ انا برضه مش فاهم ايه اللي يخليك تقلب عليها كده ؟!.
شادي / مش هكدب عليك .. انا كنت بضحك علي شاهيناز وبقولها أن أنا بحبها .. عشان اطلع منها بـ مصلحه يعني ولما اتجوزها تبقي كل حاجة بتاعتي و هي كمان فهمتني كده أنها بتحبني... واساسا خطتنا مكنتش فيها أي حاجة عن موضوع جواز شاهيناز لاي واحد من اللي نصبت عليهم .. بس لما غدرت بيا حسيت أن أنا لازم ادفعها التمن .
تامر باستغراب/ طب وانت جايلي لي ؟!.
شادي بخبث / عشان تقلب الترابيزة عليهاا .
تامر باستغراب/ ازاي ؟!
شادي / انت طبعا فاكر أن شاهيناز دخلت عليك من سكة أنها تعبانة بـ مرض الكنسر ومش فاضلها كتير و تموت صح .
تامر / صح .
شادي بخبث / انت طبعا لسه معاك التحاليل المزورة اللي هي كانت مديهالك صح ؟!
تامر / اه لسه موجودين .
شادي بخبث/ طب بص بقي واسمع هتعمل ايي .. وصدقني انا مش طالب منك اي حاجة غير الخطة اللي هقولك عليها .
*قال له شادي الخطة و اقتنع تامر بها جدا لانه يريد الانتقام من شاهيناز بعد أن خسرته نصف املاكة .*
شادي بخبث/ وهو ده المطلوب .. و لو تنفذ من انهاردة يبقي زي الفل .
تامر بتفكير / كلامك صح .. انا لازم ارجع حقي من النصابة دي .
شادي بخبث/ واتاكد أن بعد ما تعمل كده شاهيناز هتكون في السجن .
تامر / مش عارف اقولك ايي بس انت رغم انك كنت معاها بس عملت الصح و مادام جيت سكة و دغري انا هاجي معاك دغري .. لو اتسجنت هتاخد مني اتنين مليون دولار.
شادي بخبث/ حلو جداا .. ياريت تنفذ انهاردة .
تامر / انا بقول بلاش انهاردة خليها بكرة من اول اليوم .
شادي / تمام زي ما تحب .. ده رقمي عشان لو في اي حاجة عاوز تعرفها .
تامر / تمام .
*خرج شادي من المكتب .. ما هي الخطه يا تري ؟!.*
______________________________________________
*عـنـد عـمـار و ريـهـام و اسـلام'*
*كان اسلام يشغل التلفاز و نظر له بصدمة و نده علي عمار بسرعةة.*
اسلام / ي عمار .. تعالي بسرعه .
آتي عمار سريعا / في اي مالك .. بتزعق ليي ؟!
اسلام / تعالي شوفي ابن عمك بيقول ايه !.
سمع عمار كلام مراد بغضب كبير و حقد وقالـ/ طبعا ما هيصدقوا بقي عشان ياخدوا كل حاجة .. انا كنت متوقع أن بعد ما نشروا الصور يبقي شركات الدمنهوري هتنهار بس لا شوف كلام الاستاذ مراد .. كده كل حاجة هتبقي زي ما هي والصحافة هتسكت علي الكلام ده ومش هيكون في اي استفادة بس الضرر كله لينا احنا لأن دلوقتي بقي في مكافأة مالية للي يلاقينا يعني لو مخدناش بالنا ممكن نتمسك فـ ايي وقت .
اسلام بصدمة و خوف / ايه ؟!! نتمسك .. لالا أن شاء الله مش هيحصل حاجة .. لازم محدش فينا يخرج برة.
عمار / لا طبعا اومال هنوصل للراجل اللي هيسفرنا برة أزاي؟!.
أتت ريهام من خلفهم / وانت شايف أن احنا ينفع نخرج برة فـ القرف اللي احنا فيه ده ؟!.
عمار / لو اتنكرت محدش هيعرف وبعدين انا مش عاوز حاجة غير أني اجيب خط جديد و اسجلوا بـ اسم اي حد و رقم الراجل معايا كده كده .. فـ اهدوا عشان نفكر و محدش يمسكنا ممكن ؟!.
اسلام / طيب يا عمار .. لما نشوف أخرت دماغك .
عمار بخبث/ اخرتها الحرية أن شاء الله.
*جلسوا الثلاثة وقاموا بالتحدث اكتر عن الهرب و التنكر و كل تلك الخطط .. ماذا سيحدث يا تري لـ هؤلاء الثلاثة ؟!.*
" " " " " " " " " " " " " " " " " " " " " " .
```بـعـد نـهـايـة هـذا الـيـوم الـصـعـب عـلـي الـجـمـيـع بـسـبـب الـحزن والـاخـرون بـسـبـب عـدم الـوصـول لـ غـايـتـهـم و الـاخـرون مـن يـخـافـون مـن شـيـئ مـا .```
_- في قصر الدمنهوري '' رجع مراد بعد أن ذهب إلي الشركة لانهاء بعض الأعمال ولـ يبدو الأمر عاديا علي الصحافه والاعلام ولكن كان يسعي للقبض علي عمار بـ كل الطرق لـ البحث عنه .. أما زين فـ كان حزينا جدا و يتذكر حبيبتة ''شهد" وكان يتمني القبض علي عمار و من معه في اسرع وقت لـ يتم استرجاع حق حبيبته شهد'' .. كان حازم مصدوماً مما حدث لانه لم يتوقع ابدا ان ابن أخاه يصبح قاتل و يخون عائلته بـ هذة الطريقة ''._
_- في بيت عائلة الغندوري''''.. كانت بسمة تدعي ربها أن يتم القبض علي عمار فـِ اسرع وقت لـ يتم استرجاع حق اختها شهد وكانت حزينة جداا علي ما حدث مع اختها وايضا كان فـِ داخلها شعور السعادة لأنها لم تتوقع أن مراد يحبها هي و لكن كانت تهتم اكثر لـ اختها و حقها ''... أما نادر فـ نام من شدة حزنة علي ابنته ولكن قبل ذلك دعي الله أن يسترجع حق ابنته ... وفرح أيضا كانت حزينة ولكن كان لديها أمل أن سيتم القبض علي عمار فـ اسرع وقت ؛._
_- في بيت شاهيناز كانت في قمة الغضب من عدم رد مراد عليها ولكنها فهمت كل شئ عندما شاهدت الاخبار و عرفت أنه مشغول جدا ولكنها لم تحاول الاتصال به مجداا ''._
_اما شادي فـ كان سعيدا جداا لانه سيأخذ حقة من شاهيناز من بعد ما فعلته معه وطبعا كل ذلك بـ مساعدة تامر الرشيدي ''._
_- أما عند المجرمون الثلاثة كانت الليلة صعبة عليهم جداا بسبب الخوف من الشرطة و جزائهم أن تم القبض عليهم ''._
" " " " " " " " " " " " " " " " " " "
_- في اليوم التالي :)._
*استيقظت بسمة و دخلت الي المرحاض لـ فعل روتينها اليومي وبعدها قامت بـ تبديل ملابسها و قررت أن لا تذهب للجامعة اليوم و تتجه الي الشركة مباشرةً .*
*بسمة و هي في سيارتها اتصلت بـ مراد لـ تخبرة .*
بسمة بابتسامه/ صباح الخير.
مراد بابتسامة / صباح النور .. عاملة ايي .
بسمة / تمام الحمدلله .. كنت عاوزة اقولك أن أنا هاجي علي الشركة علي طول و مش هروح الجامعة .
مراد / طب كويس انا كمان لغيت كل الإجتماعات انهاردة عشان مش رايق خالص لـ اي قرار بسبب الظروف اللي بتحصل و كده و دماغي مكعبلة .. و في شغل ف الشركة فـ كويس أن أنتي هتيجي من اول اليوم .
بسمة / طب كويس اويي .. انا ربع ساعة واكون فـ الشركة .
مراد / وانا كمان أن شاء الله أنا طلعت من البيت و فـ العربية دلوقتي .
بسمة/ تمام ماشي اشوفك في الشركة .
مراد بابتسامة/ ماشي .. يالا عاوزة حاجة.
بسمة بابتسامة/ لا عاوزة سلامتك .
*أغلقت معه الخط و تابعت القيادة لـ تصل إلي الشركة ''.*
*" " " " " " " " " " " " " " " " " "*
```فـي سـيـارة مـراد.```
```- اتصل مراد بـ زين لانه كان فـ المنزل و مراد نزل باكراً.. أجاب زين بعد لحظات '```
مراد / الو يا زين .. بابا عامل اي دلوقتي .
زين/ اهو الحمدلله .. انت نزلت بدري لي ؟!.
مراد / لازم نشتغل الفترة دي كويس عشان الصحافة ما هتصدق تلاقي اي تقصير مننا فـ لازم يكون في حد مُهتم بالشغل .
زين/ خلاص ماشي ربنا يقويك وانا هطمن علي بابا و اجي وراك .
مراد / خلاص ماشي لو في حاجة كلمني .
زين/ تمام ماشي مع السلامة .
مراد / سلام .
*اغلق مراد معه الخط و تابع القيادة لـ الشركة '*
_' ' ' ' ' ' ' ' ' ' ' ' ' ' ' ' ' ' ' ' '._
_بعد مرور حوالي ربع ساعة وصل مراد و بسمة الي الشركة في نفس الوقت و قاموا بـ إلقاء السلام علي بعضهم بـ ابتسامة لطيفة ولكن لم يتحدثون فـِ اي شئ بسبب الظروف الذين يمرون بها .. وبعدها صعدوا الي الشركة وبدأوا في العمل '_
_______________________________________________
*بعد مرور ساعتين قرر تامر الرشيدي الذهاب لـ مراد في الشركة لـ ينفذ خطته مع شادي .*
*- فـ ماذا سيحدث يا تري وما هي خطة تامر و شادي ''.*
*" " " " " " " " " " " " " " " " " " " " " " " " " .*
*كانت شاهيناز تجلس في غرفتها و وجدت اتصال من شادي*
شاهيناز في داخلها قبل أن ترد عليه / اكيد متصل عشان عرف قيمتي .. طبيعي اصلا شادي بيحبني و استحالة يسيبني.
*اجابت بعدها عليه وقالتـ..*
- كنت متأكدة أن انت هترجع تاني و تتصل .
شادي بخبث/ طول عمرك غبية .. انا متصل عشان اقولك أن أنا هجيب حقي منك و قريب اويي هتفهمي كلامي ده .. سلام يا شاهي .
*نظرت شاهيناز للهاتف بـ صدمة '*
شاهيناز بغضب / ماشي يا شادي انا هعرفك مين هي شاهيناز و مش هخليك تلحق تعمل حاجة .
*من سيسبق التاني بـ خطته تلك شادي أم شاهيناز ؟!.*
________________________________________________'
*كان مراد يجلس في مكتبة و ينهي بعض الأعمال ولكن قاطعه صوت الباب و دخلت بسمة*
بسمة / مراد بيه .. رجل الأعمال تامر الرشيدي برة و عاوز يدخل لـ حضرتك .
مراد ب استغراب/ خليه يدخل .
بسمة / تمام يا فندم.
*دخل تامر الرشيدي بكل ثقة و وقف مراد لـ يرحب به .. ''ظن مراد أنه آتي من أجل صفقة ما'''*
تامر / فـ الاول انا اسف اني جيت من غير معاد بس الموضوع مهم .
مراد باستغراب/ مفيش مشكلة اهلا بـ حضرتك .. بس موضوع ايي ؟!.
تامر / الموضوع شخصي شوية بس انت من حقك تعرف كل حاجه قبل ما تقع فـ الفخ.
مراد باستغراب / انا مش فاهم حاجة.. فخ ايي ممكن توضح كلامك .
تامر / تمام .. بص يا مراد بيه .. من حوالي ٣ سنين في بنت ظهرت فـ حياتي و علقتني بيها و خلتني احبها اويي بس فهمتني أنها عندها كانسر وفضلت لديها فلوس كتير عشان تتعالج ده علي اساس الكلام اللي كانت بتقولهولي لحد ما عرفت تاخد مني تقريبا نص ثروتي وعرفت انها نصابة و هربت بعدها و معرفتش مكانها .
مراد باستغراب/ معلش انا اسف طب و انا ايه علاقتي بالكلام ده ؟!.
تامر / علاقتك بالكلام ده أن البنت دي تبقي شاهيناز ابو حطب .
مراد بصدمة / .........
