رواية مريم الفصل السادس عشر بقلم جمانه السعيدي
وصلني عبدلله للبيت وراح
بس دخلت سميه كامت تحجي ماتكدر لازم تسم بدني
سميه انشاء الله يوميه نص اليل يله ترجعين
مريم اولا جنت اشتغل ثانيا بابا يدري
ثالثا اشتغل بمكان محترم رابعا اني ما مئذيتج نهائيا
سميه وين اكو دكتوره باقيه الهسه
مريم عفتها ودخلت رحت سلمت على بابا وانطيت العلاليك للجهال حيل فرحو بيهن
وسولفت البابا اني رحت شفت بيت الحجي
ابو مريم ياحبيبتي ليش تعيشين نفسج بحزن
الحجي الله يرحمه انسان طيب والناس كلها تحجي بأخلاقه
وانت بعدج زغيره
حاولي تنسين وتعيشين حياتج
مريم مستحيل انسى
جمانه السعيدي
ثاني يوم كعدت من الصبح نضفت البيت وطبخت غدا
وسبحت وبدلت حتى اطلع للشغل
طلعت الساعه ٣ بس وصلت الراس الشارع اريد اصعد
بلخط لان ما اكدر اروح وارجع يوميه بتكسي هواي عليه
وصلت الراس الشارع وشفت عبدلله
راسا اجاني
عبدلله......هلو مريم
...هلووووو شو واكف هنا
....عندي شغل اريد اروح للعيادات وكلت امر اخذج بطريقي
مريم شكرا جزيلا بس انروح بلخط لان انت أمس دفعت التكسي الي أخذنا ورجعنا ومآ قبلت تاخذ مني فلوس
عبدلله يله خل نصعد بلخط موافق
( بيني وبينكم اني ماعندي اي شغل كذبت عليها علمود اكدر اشوفها واحجي وياها )
بس صعدنا بلخط واحد ضل عينه عليها بس يريد يأكلها بعينه
اني دمي كام يفور ليش يباوع عليها
بس وصلنا نزلنا هو نزل وبقى يمشي وارنا
اني التفتت علي وكتله خير اخي مضيع شي
...انت منو يمك اني محاجيك
...ما محاجيني بس ليش تمشي وارنا
....اني جاي امشي بطريقي مو يمك
جمانه السعيدي
عبدلله اني كوه لازم اعصابي ما اريد اتهور
التفتت على مريم وكتله يلله امشينا
هو بقه واكف يشوفنا وين ندخل اني وصلتها ورجعت
هو بس شافني رجعت سوا نفسه يحجي بلتليفون
اني دخلت بلفرع وبقيت اراقبه اشوفه شيسوي
هو راسا راح للعياده الي بيها مريم
مريم وصلت وخليت جنطتي وبديت ارتب بلمكتب
ما احس آله هذا الشخص نفسه الي هسه حجا وياااا
عبدلله فوك راسي
مريم نعم اخي تفضل تريد تحجز
...اي اريد احجز مكان بكلبي اللج
...نعم انت ماتستحي
...واني قابل شمسوي اريد رقم التليفون
هو حجا هاي الحجايه ومآ احس آله عبدلله فوك راسه
سحبه من جتفه وضربه بوكس فر راسه فر
ونزل علي ضرب
اريد اخلصه من ايده ما كو
التمت الناس وكوه شالو عبدلله من فوكه نايم فوكه ويدك عليه
اني سحبت عبدلله كعدته على الكرسي
وهو الناس طلعو برا كله دم
خشم عبدلله طالع منه دم يمكن الولد ضاربه علي
رحت جبت كطن وخليتله وكمت احجي علي
مريم ليش هيج سويت يعني مشكله من ثاني يوم دوام
انت ليش ادخلت
لازم الكطنه وخاله على خشمه وانفعل عليه
تردينه يتحرش بيج واسكت
مريم يااخي اعرف ادافع عن نفسي
عبدلله هيج نماذج ما يفيد بيهم الحجي لان اني وكفت وحجبت علي ومآ امتنع بقه يمشي وراج
هذا ما يفتهم بلحجي مثل الزمال آله ينضرب يله
مريم مو انت اتاذيت شوف خشمك تعور وملابسك ادمرن دم
.....فدوه اللج
....انت ليش رجعت
...اني ما رحت بقيت اراقب بي لان عرفته مو ادمي
وبس شفته دخل العياده اجيت ورا كبل
مريم فدوه عبدلله اني ما اريد مشاكل
عبدلله اذا شفت واحد بعد يتحرش بيج تعوفين الشغل هنا
مريم يااااا شلون اعوف الشغل اني كلش محتاجته
عبدلله اشوفلج شغل بمكان ثاني
مريم اني واثقه من نفسي واكدر اخلي حدود بيني وبين المقابل ومحد يكدر ياخذ مني شي اني ما اقبل انطي ابد
لازم تعوفني ادافع عن نفسي واصير قويه
اذا كل واحد يقربلي اخاف واشرد واغير مكان عملي هاي الشغله ما تخلص ابد
وهسه يله كوم روح غسل وغير قميصك وعوفني اشتغل
جمانه السعيدي
طلع عبدلله حسيته ضاج حيل بس ميخالف هو مو ولي أمري واني لازم اتعلم ادافع عن نفسي
عبدلله رجعت للبيت ابدل ومها وامي وابوي انتبهو انخبصو شبيك منو ضربك
كتلهم محد ضربني هيج حادث بسيط
وبقيت افكر شلون راح ترجع وحدها للبيت وخصوصا العياده تنقفل بعد أذان المغرب
قررت اروح واراقبها من بعيد واذا احتاجت مساعده اساعدها
مريم اذن الاذان وبعد عدنا اثنيين مراجعات
خابرت بابا وكتله تعال اخذني لان ما اكدر ارجع وحدي للبيت
اليوم حصلت خير من الله الدكتوره انطتني ٢٥ ومن ضرب الإبر حصلت ١٥ يعني أربعين الف
اجا بابا وجانت اخر مراجعه توها داخله على الدكتوره
طلعت المراجعه
وطلعت الدكتوره وراها
اخذت عشره من الفلوس وكلت الباب خل ناخذ عشى جاهز للجهال خطيه بذني الفلوس
بابا ذني فلوسج حبيبتي جمعيهن خاف تشترين شي
مريم اهم شي اخواني يفرحون قابل شنو اشتري
كلشي عندي والحمد لله أخذنا عشى جاهز ورجعنا للبيت
عبدلله وصلت وبقيت واكف بعيد انتضرها تطلع
شويه وشفتها طلعت هي وابوهاااا
هنا اطمنت عليها ورجعت للبيت
جمانه السعيدي
مريم وصلنا وتعشينا الجهال فرحووو بلاكل والببسي
اني غسلت ملابسي واجيت انام
اذكرت عبدلله يمكن زعلان مني
هو يدافع عني واني احجي علي بس ولله خفت اخسر شغلي بسببه
دزيتله رساله على الواتساب
هلووو عبدلله اني اسفه إذا زعلتك مني
انت صاحب فضل عليه
بس ما اريدك تتاذه بسببي
عبدلله كاعد اكلب بلوبايل واجتني رساله من مريم
عبدالله كتبتلها لا اني زعلان
مريم لاتزعل مني انت اخ وصديق عزيز عليه امسحها بوجهي
عبدلله اني عندي حجايه كلش مهمه واريد احجيها اللج
مريم تفضل
عبدلله بس اريدج تقدرين موقفي وتفهميني زين
مريم اكيد احجي
عبدلله اني احبج وانتي معشعشه بدماغي احبج من زمان
مو اليوم من جان الحجي موجود
من اتخربط الحجي واجيتيني تطلبين مساعده
من جنت انتضر رجعتج من الدوام
اعرف الساعه والدقيقه الي توصلين بيها
لاتزعلين مني وتكولين خال عينه عليه واني على ذمة رجال ثاني عمري ما حاولت اخرب بينكم
بلعكس اني كشفت خطة سجاد
ماتحملت تطلعين من البيت بفضيحه لان اني اعرف انتي بريئه
كنت اكدر ازود الكلام واخلي الحجي يصدك كلشي وتنفصلين وساعته اتقدملج
بس اني لان احبج كلت ولله ماتطلع من هذا البيت بفيضحه ابد
تحملت اشوفج وياااا واني كلبي وعقلي يمج
ضليت اللح عليج تمتحنيين لان احب اشوفج ناجحه
حتى هاي الوضيفه حسيتها راح تقربني منج
واكدر اشوفج اكثر
يوميه اكعد افكر بعذر حتى اشوفج واحجي وياج
اليوم تدرين رجعت المغرب للعياده
ما ردتج ترجعين وحدج خفت عليج
من شفت ابوج رجعت
بس ولله اني هذا حدي بعد ما اكدر
كلما اشوفج احبج اكثر واتعلق بيج اذا اليه معزه عندج انطيني فرصه وحده وشوفي اني شكد احبج
مريم هاي انت شجاي تحجي انت متزوج عبدلله
زوجتك شنو ذنبه
عبدلله واذا مزوج ما جاي اسوي شي عيب لو حرام
اني شنو ذنبي حبيتج وتعلقت بيج
لاتحرميني منج
جمانه السعيدي
مريم هذا الكلام ما مقبول منك ابد انت عندك زوجه تحبك وتحترمك شلون تحب وحده غيرها
عبدلله قابل هو بايدي حبج سيطر على كلبي
مريم ابد لاتحجي بهذا الموضوع وفكر بزوجتك المسكينه
شنو ردت فعلها اذا عرفت
بعد لاتتصل بيه ولاتحاول تشوفني رجاء
امسح رقمي وطلعني من حياتك للابد
مريم سديت التليفون وانطيته حضر
اني ما معترضه على حبه وهو انسان كلش زين
بس اني ما اقبل انزل على زوجه ثانيه
خطيه شنو ذنبها هاي المسكينه
عبدلله جنت متوقع راح يكون هذا ردها
لان الي يعرف مريم ويعرف اخلاقها زين راح يكون متأكد من هذا الرد
بس اني شسوي احبها ومتعلق بيه
ومراح اعوفها ابد لازم تقتنع وتحبني
ثاني يوم طلعت وكت طلعتها للشغل وبقيت انتضرها
اريد فرصه احجي وياها
مريم بدلت وطلعت رايحه للشغل بلعياده وصلت راس الشارع شفت
عبدلله ينتضرني
استغفر الله هسه شلون
سويت نفسي ما شفته وكفت بعيد
اجا الخط وهو اجا يمشي عليه
اني صعدت وهو صعد كعد بصفي
عبدلله شلونج مربم
مريم زينه وسكتت
عبدلله اريد فرصه حتى افهمج انتي شنو تعنيلي
وشنو مكانتج بكلبي
مريم ماكو اي فرصه انت انسان مزوج
عبدلله واذا مزوج كل شويه وكلتي مزوج
شنو يعني مزوج
مريم مزوج يعني اكو انسانه واثقه بيك وتحبك وتنتضرك
وانت هسه جاي تخونها
عبدلله اذا ما تنطيني فرصه وتفهميني ولله اطلكها
هسه اروح اطلكها وخطيتها بركبتج انتي
مريم لا انتي موصاحي اكو شي بعقلك
عبدلله اي اكو شي بعقلي وكلبي انت بعقلي وكلبي فهمتي
مريم ما حجيت اي شي وياااا نزلت من الخط
وهو نزل بس ما اجه وراي
من خلصنا شغل العياده خابرت بابا يجي باخذني
كال اني قريب هسه اوصل
وصل بابا وطلعت ويااا التفتت احجي ويااا بابا
وشفت عبدلله واكف على ذيج الجهه من الشارع ويباوع عليه
سويت نفسي ما شفته ابد
جمانه السعيدي
يوميه من اروح للشغل الكا واكف برأس الشارع
يصعد وياي بلخط ويحاول يحجي وياي واني ما اقبل
يوصلني ويرجع
اعرف هو يخاف عليه ويحبني بس ما اكدر ادمر حياة انسانه ثانيه على حساب سعادتي
المرأه تكدر تحس اذا انسان يحبها صدك
واني حاسه بحب عبدلله
بس هذا الحب غلط ومآ يصير يكمل ابد
استمر لمدت شهر يوميه يوصلني وبابا يرجعني
سوا اكثر من صفحة ودخل عليه
واني انطي حضر
لان دائما اخلي نفسي بمكان زوجته واكول لو هو متزوجني
اكيد مراح اقبل تدخل وحده وتخرب حياتنا
يكلي شنو النقص الي بيه واني اصلحه
بس هو ما يئس ابد ولا بطل يحاول وياي
وبيوم الصبح اجتنا مكالمه من تليفون باباواحد
يكول ابو مريم وكع من السكله ونقلو للمستشفى
جمانه السعيدي
اني كمت اركض منا وارجع منا كلبي كام يوجعني
خفت أتعرض للفقدان مره ثانيه
هلمره اذا فقدت ابوي اموت
بعد كافي ما اكدر اتحمل ابد
لبست بسرعه ورحنا اني وسميه للمستشفى
أجرنا تكسي ورحنا
واني ما بقه دعاء ولا ايه ما قربتها
اريد بابا
مستحيل راح اكدر اعيش بدونه
هلمره خلاص هاي نهايتي
الطريق صار شطوله اريد اوصل ما كوووول
للحكايه بقيه احبكمممممم
تفاعل حلو مثلكم
اليوم مريضه من الكتابه راسي يوجعني وطالعتلي
لطمت حمه اعذروني
