رواية مريم الفصل السابع عشر بقلم جمانه السعيدي
وصلنا للمستشفى ولكيناهم مدخلينه للطوارء رحنا نركض
طلع الدكتور من يمه وكال حولنا للأشعة
بس اكيد رجله مكسوره
واني اشك اكو كسر بضلوعه
رحنا للأشعة وبقينا ننتضر اريد واحد يفتهم ويفهمني
خابرت على عبدلله
عبدلله اني بلدوام جاي افتر ويه الدكتور على الردهات
واجاني اتصال من مريم
ما صدكت قربت التليفون هاي مربم
اخيرا حنت عليه
عبدلله الووووو
مربم فدوه الحكلي عبدلله
...شكو شصاير
... بابا واكع بلشغل ومكسور واحنا هسه باب غرفة الاشعه
عبدلله اي جايج
شويه ووصل عبدلله ولكاني اروح وارجع بلمرر
.
عبدلله هااا شصاير
....بابا واكع من السكله ويكول عندا كسر برجله والدكتور يكول اني شاك ضلوعه احتمال واحد أو ثنيين مكسرات
عبدلله اني هسه اشوف دخل جوووا
بعدين طلعو بابا على السديه
يون من الوجع
كالو محتاج عمليه فورا
جمانه السعيدي
ضلوعه مابيهن شي واحد منهن بي فطر
دخلو الغرفة العمليات واني وسميه واكفين برا بس ندعي
الجوارين خابرو يطمنون علينا لان احنا عفنا الجهال يمهم
من اجينا
ساعتين يله طلع من غرفة العمليات اني بس شفته
كمت ابجي ما مصدكه بابا طلع من العمليات
عبدلله ويه ذوله الي سحبو السديه واخذو للغرفه
واني وسميه نركض وراهم
دخلو للغرفه بس هو بعده ما راجعله وعيه
تحت تأثير البنج
اني كعدت بلكاع يم رجلي وكمت ابجي
اجت الممرضه وكالت اطلعو خل المريض يفكه البنج
ويرجعله وعيه وبعدين ادخلو ووو
اني ما قبلت اطلع بقيت كاعده بمكاني
عبدلله كومي مريم مايصير هيج تبجين الحمد لله طلع
من العمليه وزين هسه كم يوم ويتحسن
مربم ابجي من الفرح مامصدكه بابا موجود كدامي
احجي على نفسي واكول اني فكر
كل الي احبهم افقدهم
بس الحمد لله الله طلع بابا سالم
عبدلله خل اخابر اهلي يجيبون اكل
مريم لا ما اريد اكل فد شويه واروح اني اجيب اكل واجي
عبدلله ترا ماكو فرق خلي يصير خبز وملح بلكت يغزر
مربم خنزت علي لان سميه واكفه ومآ اربدها تحس بشي ابد تبقى لازمه عليه لزمه
عبدلله خابر اهله جهزو الاكل وهو راح جابه واجه
الدكتور اجا وكال الحمد لله العمليه نجحت بس محتاج عمليه ثانيه نزرع دعامات بلاتين برجله
هاي تعتبر عمليه اوليه
جمانه السعيدي
ساعه وفكه البنج وبدأ يفتح عيونه
مريم اني لزمت ايده وبسته بابا حبيبي فدوه اروحلك
الحمد لله على السلامه
بابا الحمد لله جسمي احسه كله بوجعني وخاصتا رجلي
ا
سميه اي قبل شويه طالعت من العمليه طبعا توجعك
عبدلله ما فارقنا ابد بقه كاعد يمنا
مريم شكرا تعبانه ويانه
عبدلله لاتعب ولاشي اني ما اتعب الكم
اكلج مريم اريد اسئلج سؤال
مريم اي كووول
....اذا اني انكسرت هم تبجين عليه
....يااااا هاي شبيك احنا بيا حال وانت تحجي هيج
...لا لا صدك حتى اروح اشمر نفسي من السطح
بلكت تجين تكعدين يمي
....وليش اني اكعد يمك خوب زوجتك تكعد يمك
....مو هسه جنتي تشكريني وتكولين ما اجازيك شبسرعه بدلتي عليه
...يمعود كول يالله ولا تفاول النفس بلكسر
...ولله اذا تكعدين يمي ومآ تعوفيني هسه اروح اكسر
ايدي لو رجلي
جمانه السعيدي
...اسكت رحمه الاهلك ترا ولله كلبي خلص من الهبطات
كلما انهض شويه تجيني هبطه
...لاتخافين ( عمي) مابي شي يجوز باجر لو عكبه يطلع
...عمممممممك
...اي عمي لان راح يصير نسيبي واريد من هسه اتعلم اصيحله عمي
...اسكت ترا الموقف مو مال تحشيش ابد
جمانه السعيدي
...انتي وسميه روحن للبيت واني ابات يمه
...لا شلون نعوفه
...وحده تروح الجهال بيت الجيران
شويه واجا عمي علي سامع ابوي واكع وجاي يشوفه
كال انتي وسميه روحن للبيت واني وعبدلله نبقى وياااا
والصبح وحده تجي واحنا انروح
رجعنا للبيت اني وسميه
اني سبحت ونمت لان كلش تعبانه
الصبح كعدت وسويت ريوك وجبت صمون حار وترمز جاي
وكلت السميه
مريم اني اروح هسه وانتي ترحين الضهر
لان اني لازم اروح للعياده
ومن اخلص اجي للمستشفى كبل واجيب وياي عشى حتى انتي ترجعين للبيت
رحت للمستشفى عمي عدا دوام بس شافني كال اني اروح للدوام والعصر ارجع اشوفه
عبدلله بس سمع صوتي طفر
...صباح الخير
...صباح الخيرات ياريت يوميه اكعد على هذا الصوت الحلووو
....مريم ساعدني خل نكعد بابا ويتربك
عدلنا كعدته وجبتله مي غسل وجه وتريك
وبقينا يمه اني وعبدلله للضهر
اجت سميه جايبه الاكل
ساعدته تغدي بابا وبعدين كتله راح ارجع للبيت اسبح وابدل واروح للعياده
عبدلله اني هم اروح اسبح وابدل واجي اوصلج
مريم ما يحتاج اني اروح وحدي
عبدلله خنزت عليها وكتلها شكد عنيده شلون راح اكمل عمري وياج ما ادري
مربم ياااا شلون تكمل عمرك وياي بله
...نزوج غير قابل عندج غير رائي
...تحلم اني ازوجك
...وانتي تحلمين اعوفج بيوم من الايام
وصلني للبيت اني تغديت وسبحت وبدلت
راسا اتصل عليه وكال هااا جاهزه
مريم اني اروح وحدي
...ما ترحين وحدج اني اوصلج وارجعج ممنوع تمشين وحدج منا لمن ابوج يكوم بلسلامه فهمتي
يله اطلعي بسرعه اني انتضرج لاتاخريني
جمانه السعيدي
طلعت ولكيته منتضرني صعدت ووصلني ورجع عليه المغرب أخذنا عشى ورحنا للمستشفى
بس وصلت انطيت سميه عشى الجهال
وبقا عشانا اني وبابا وعبدلله
يومين وطلع بابا من المستشفى بس مايكدر يتحرك
لان رجله مجبسينها
وعبدلله ما فاركنا ابد بس يروح للدوام ويجي يوديني للعياده ويرجع يجيبني
يومين وتفاجئنا بليل عبدلله جايب امه وأبو وزوجته
وجايين يزورونا كلهم
عائله لطيفه بشكل امه حنينه وطيبه عبالك اعرفه من زمان وزوجته مودبه وحلوه
شويه وزوجته كالت اريدج بموضوع مهم ممكن نحجي اني وياج وحدنا
دخلنا للغرفه الثانيه الصراحه اني جنت حيل محرجه منها حسيتها راح تعاتبني علمود عبدلله
وكمت ادور مبررات للموضوع
وخاصتا هليام كله هو عدنا وحتى العياده ما يفتحها
مها طبعا اني عندي موضوع اريد احجي بي وياج كلش مهم
مريم كولي
...اني عبدلله حجالي عنج هواي ولله شاهد حبيتج قبل لا اشوفج
...تسلمين حبيبتي
..واني جايه اليوم اخطبج العبدلله واتمنى ما ترديني ابد
مريم بقيت مصدومه من طلبها
سكتت ما اعرف شرد عليها هاي عاقله لو مخبله
مريم انت جاي تحجين صدك
...اي احجي صدك اني مو اكلج ما احب عبدلله
لا احبه بس احنا الله ما قسملنا اطفال
وهو من حقه يصير عندا طفل
مريم عجيب امرج
...ليش عجيب الرسول وجان عندا اكثر من زوجه
قابل عبدلله احسن من رسول الله
فكري ورجعيلي خبر الله يوفقج لاترفضين هذا الطلب
مريم انتي موتحبينه ليش تزوجي
...اذا واحد يحب انسان لازم يسعده واني احب اشوف عبدلله سعيد
