رواية من القاتل الفصل السابع عشر بقلم يارا البرعي
مراد باستغراب / معلش انا اسف طب وانا ايه علاقتي بالكلام ده ؟!.
تامر / علاقتك بالكلام ده أن البنت دي تبقي شاهيناز ابو حطب.
مراد بصدمة كبيرة/ شاهيناز !!! ازاييي انت اكيد غلطانن.
تامر / اهدي بس يا مراد بيه انا هفهم حضرتك كل حاجة .
مراد و ما زال فـِ صدمة /قول .
تامر / لما عرفت شاهيناز من ٣ سنين دخلت عليا من سكة أنها بتحبني و بصراحة خليتني انا كمان احبها و اتعلق بيها ، ولما طلبت منها الجواز رفضت لان وقتها قالتلي انها عندها كنسر ومش عاوزاني ارتبط بـ واحدة محكوم عليها بالموت ، وقتها انا رفضت اللي هي قالته و قولتلها أن هي هتتعالج و هتكون كويسة و بعدها بـ فترة شاهيناز قالتلي أن الدكتور اللي هي متابعه معاه قالها علي معاد العملية بس العملية كبيرة وهي مش معرفة حد و لازم حد يمضي علي الورق و فهمتني أن نسبة شفائها سبعين فـ المية ، قالتلي أن تكاليف العملية كبيرة اويي و داخلة علي مليون جنية ، انا وقتها بـ نية صافية وقعت علي الورق اللي المفروض أنه ورق العملية و وقعتوا من غير ما اقرا حتي اللي مكتوب و دفعت الـ مليون جنية بس تخيل بعد كل ده تطلع نصابة و كل الورق اللي مضيت عليه كان تنازل عن نص ممتلكاتي لـ شاهيناز ابو حطب ، حتي الدكتور مكنش دكتور طلع واحد صاحبها اسموا شادي ، والتحاليل كلها كانت مزورة وبعدها شاهيناز سافرت برة مصر و معرفتش عنها حاجة لحد ما عرفت امبارح أن انت الضحية الجديدة.
مراد بصدمة و ذهول كبير / مش قادر اصدق ، بجد مش قادر اصدق ، ازاي شاهيناز تعمل كل ده ، معقول بعد كل ده تطلع نصابة ؟!!!.
تامر / انا اسف طبعا يا مراد بيه لو ضايقتك بالكلام ده بس قولت الحقك قبل ما تقع فـ المصيبة دي ... و دي التحاليل اللي كانت بتجبهالي علي أنها تعبانة و خلاص بتموت و طبعا كلها فـ الآخر طلعت مزورة .
مراد بصدمة و ذهول كبير وهو ينظر للتحاليل / مش قادر اصدق بعد كل ده طلعت نصابة ، ده انا و رحمة امي لـ هسجنها و هعرفها مين هو مراد الدمنهوري .
تامر بخبث/ علي العموم يا مراد بيه لو مش مصدق تقدر تروح و توري لـ شاهيناز التحاليل و تواجهها وشوف رد فعلها .
مراد / طب وانت ليه مبلغتش و قتها ؟! .
تامر / ابلغ ؟!! ابلغ عن واحدة هربت من مصر .. يا مراد بيه دي كانت عاملة حساب لـ كل حاجة و كانت مخططة لـ كل حاجة كويس اويي و اكيد وقتها سافرت علي بلد الانتربول ميعرفش يجيبها .
مراد و مازال في صدمة / انا هاخد منك التحاليل دي و هرجع حقك وشاهيناز هتتسجن متقلقش.
تامر / انا مبسوط انك عرفت الحقيقة قبل ما كانت تنصب عليك فـ حاجة .. واسف لو ازعجتك بـ كلامي بس هو ده الصح ، عن اذنك يا مراد بيه.
*خرج تامر من الشركة و كان سعيد جداا لانه و اخيرا سوف ياخد حقة من شاهيناز ، خرج من الشركة و بعدها اتصل ب شادي و اخبرة أنه نفذ خطتهم .... و بـ كدة يكون انتهي دور تامر الرشيدي"*
*دخلت بسمة بعدها الي مكتب مراد لـ تعطية بعض الملفات و الاوراق المهمة ولكنها وجدته يجلس هو يبدوا علي الغضب و بعد الصدمة مما سمعوا .*
بسمة ببعض القلق/ في ايي يا مراد ؟! .
مراد ببعض الغضب/ تخيلي أن أنا بقالي سنتين بيضحك عليا يا بسمة .
بسمة بإستغراب/ مش فاهمة حاجة ، اضحك عليك ف ايي ؟!.
مراد / مش قادر اتكلم يا بسمة صدقيني .
بسمة / يعني ايي مش قادر تتكلم!!! انا مش هسيبك زعلان كدد لوحدك ما تقول في ايي ، ولو مش حابب تتكلم معايا خلاص براحتك .
مراد ببعض الغضب / ايه الهبل اللي انتي بتقوليه ده ، اقعدي و انا هحكيلك ، بس والله مش قصدي أن أنا مش عاوز احكيلك .
بسمة بتفهم / تمام ،، احكي بقي .
*جلست بسمة '*
مراد ببعض الغضب/ شاهيناز ... شاهيناز طلعت نصابة يا بسمة .
بسمة بصدمة و استغراب / نعم !! نصابة ازاي !! .
مراد / طلعت نصابة و كل شوية تقرب من حد عشان الفلوس و .....
*حكي لها مراد كل شيء حكاه له تامر '*
بسمة بصدمة/ معقول ؟!! ازاي تعمل كدد .. معقول تطلع نصابة ... يعني لولا تامر الرشيدي اللي جه حكالك ده كان زمانك لابس ف حيطة .
مراد بابتسامة / لا يا بسمة .. مكنتش هلبس ف حيطة لأن انا كده او كده مكنتش هكمل مع شاهيناز عشان حبيتك يا بسمة ، سواء كان تامر جه أو لا انا مكنتش هكمل مع شاهيناز .. يعني من الاخر وجودك ف حياتي هو اللي انقذني منها ، منكرش أن تامر وضحلي حقيقية كبيرة ، بس تخيلي لو مكنتيش انتي ظهرتي كان زماني لسه بحب شاهيناز ولما كان تامر يجي يقولي الحقيقة دي اكيد كنت هبقي مدمر بس برضه انا عمري ما حبيت شاهيناز زي ما حبيتك يا بسمة .
بسمة بابتسامة/ عارفة انوا مش وقتوا الكلام ده بس انا تقريبا معجبة بيك من اول ما زين خطب شهد الله يرحمها ، بس مكنتش قادرة اصارح نفسي بـ دة ، و مقدرتش احدد مشاعري غير لما اشتغلت معاك ف الشركة بس للاسف الحلو ميكملش ، يوم ما حددت كل اللي جوايا .. عرفت أن انت و شاهيناز مرتبطين فـ وقتها قررت أن أنا ابعد عنك و متعاملش معاك غير للشغل و بس ، ده غير أن أنا كنت شايفة قد ايي شاهيناز متكبرة و شايفة نفسها بس كنت دايما بقول أن اللي بيحب حد لازم يخليه مبسوط و سعيد حتي لو هيلاقي السعادة دي مع غيروا ، بس دلوقتي لما عرفت أن انت كمان بتحبني و أن انت مش بتحب شاهيناز.. مش هقولك انا فرحت علي قد ما انا زعلانة علي اللي حصل منها و اللي كان هيحصل معاك .
مراد بهدوء / شاهيناز دلوقتي بقت برة حياتي سواء دي كانت الحقيقة ولا لا .. لان انا بحبك انتي و عاوزك أنتي و أن شاء الله اول ما موضوع عمار ده يخلص و يتقبض عليه .. انا هاجي اتقدملك و نتجوز انا وانتي و نفضل سواا علي طول ، واعرفي أن سواء شاهيناز أو عمار أو ريهام أو اسلام الاربعة مكانهم هيكون السجن لأن الأربعة بصراحة يستاهلوا الحرق .
بسمة بابتسامة / ده مكانهم فعلا ، كل واحد بياخد جزاته علي اللي عملة وهما كان عملهم اسود ف الدنيا ربنا يبعدهم عن طريقنا .
مراد بابتسامة/ يارب يـ روح قلبي .
*ابتسمت له بسمة و بعدها قالتـ...*
- طب و هتعمل ايي مع شاهيناز صح ؟!.
مراد بتفكير / مش عارف بس كل اللي اعرفوا أن ف الاخر هسجنها .. طبعا التحاليل اللي معايا دي مش دليل قوي علشان نبلغ عنها .
بسمة بتفكير / طب انا عندي فكرة .
مراد / ايه هي ؟!.
بسمة / انت الاول هتروح القسم و تقدم المحضر و طبعا هما مش هيكتفوا بالتحاليل دي فـ انت بقي هتطلب منهم.....
*قالت له بسمة علي الفكرة و اعجب بها جدا و وافق علي تنفيذها.*
مراد / فكرة حلوة اويي ، لازم اتحرك بسرعةة بس استني الاول اتصل بيها اسألها هي ف البيت ولا لأ.
بسمة بغيرة / اممم اتصل اتصل .
مراد بضحك / لا بقولك احنا لسه بنقول يا هادي مش هنبتديها غيرة و كده ... طب انا عندي فكرة اتصلي انتي بيها من مكتب الشركة و قوللها أن أنا هروح لها البيت و عامل ليها مفاجاه حلوة ... يالا يالا .
بسمة / ايوا كده احلي .. قال تكلمها قال !!!.
*ضحك مراد وبعدها اتصلت بسمة بـ شاهيناز من مكتبها بالشركة، وأجابت شاهيناز بعد لحظات'*
شاهيناز بغرور / الو .
بسمة / الو ،، الآنسة شاهيناز معايا .
شاهيناز باستغراب / ايوا انا مين ؟!.
بسمة / معاكي بسمة سكرتيرة مراد بية .
شاهيناز بغرور / خير و عاوزة ايي .
بسمة / عاوزة ابلغك أن مراد بيه كلها ساعة و يجي لـ حضرتك البيت و عاملك مفاجاه وقالي ابلغك .
شاهيناز بسخرية / ياااه !! بسمة بنفسها بتبلغني أن مراد حبيبي جاي البيت عندي .. لالا هو في اي يا بسمة .. انتي سخنة ولا حاجة .
بسمة / والله يا روحي انا اتصلت بيكي بنائا علي تعليمات مراد بية و مش عشان حاجة تانية ، سلام يا شاهي .
*أغلقت بسمة معها الخط و اتجهت الي مكتب مراد مرة أخري لـ تخبرة أنها اتصلت بـ شاهيناز و بعدها خرج مراد من الشركة لـ ينفذ خطته .*
*" ' " ' " ' " ' " ' " ' " ' " ' " ' " ' " ' "*
_ع الناحية الأخري عند شاهيناز ،_
شاهيناز وهي تنزل سريعا من السلم / ماما ماما الحقي بسرعة .
احلام بـ شهقة / في ايي يا شاهيناز ، مالك بتجري كدة لي ؟!.
شاهيناز بفرح / مراد اتصل من الشركة و قال انه جاي علي هنا البيت و عاملي مفاجأة .
احلام بفرح / يبقي اكيد وافق يتقدم لك يا شاهيناز ،، الف مبروك يا حبيتي .
شاهيناز/ ايوا طبعا اكيد ، الله يبارك فيكي يا ماما ، انا هطلع اجهز نفسي لحد ما يوصل .
احلام / طيب يا بنتي .
*صعدت شاهيناز الي غرفتها لـ تجهز نفسها ولكنها لا تعرف انها تجهز نفسها لـ أسوأ موقف في حياتها `*
```ماذا سيحدث يا تري؟!.```
________________________________________________________
_صلوا ع النبي✨'_
*في دمياط '' عند صابر و زوجته سميحه ''*
*كانت سميحة في غرفتها تفكر في شئ ما و هذا الشئ كان الابلاغ عن عمار و من منه ،*
_اتصلت سميحة بـ مركز الشرطة وقالتـ...._
- لو سمحت انا كنت عاوزة ابلغ عن عمار الدمنهوري.. انا عارفة مكانوا هو فين .
*أخبرته بـ العنوان الذي يوجد فيه عمار و من معه و بعدها أغلقت الخط و قامت بـ تكسيرة و القائة في القمامة حتي لا يعرف زوجها شئ"*
*♡︎" " " " " " " " " " " " " " " " " "♡︎*
*ع الناحية الأخري في مركز الشرطة`*
دخل أخد الظباط الي مكتب المأمور و قالـ/ جالنا بلاغ يا فندم بالمكان اللي فيه عمار و اللي معاه .
المأمور بسرعة / طب و مستني ايي ،، اتحرك بسرعة يا حضرة الظابط .
*خرج الظابط سريعا و قام بتجهيز قوة و دعم و إبلاغ المنطقة الذي هم بيها و اتجهوا الي المكان "'*
_________________________________________
*_فـِ المكان الذي يختبأ به عمار و من معه '_*
عمار / كده كل حاجة جاهزة لازم نتحرك دلوقتي عشان نلحق المركب .
اسلام بخوف / ربنا يستر .
ريهام بتوتر / تفتكر يا عمار محدش هيعرفنا باللبس اللي احنا لابسينة ده ؟!
عمار / متقلقوش محدش هيعرف يالا بقى.
ريهام / لحظة واحدة اخش الحمام .
اسلام بتوتر / و ده وقتوا .
*دخلت ريهام الي الحمام و ظلت حوالي سبع دقائق و بعدها خرجت و ظلت ترتب ملابسها و ياخذون كل شئ وكل هذا أخذ ربع ساعة اخري .*
*فتح عمار الباب للخروج و لكن تفاجأ بـ أحد يرفع سلاح فـِ وجهه ، نظر له بـ صدمة كبيرة جدا هو و من معه.*
الظابط بتحذير / ايي محاولة للهروب هتفشل ، للمكان كله محاصر.
ريهام ببكاء/ لالا يا باشا والله احنا ملناش دعوة بـ حاجة. عمار هو اللي اتفق علي كل حاجة و هو اللي قتل شهد احنا ملناش دعوة .
اسلام بتوتر / احنا ملناش اي علاقة بالموضوع يا باشا والله ما لينا دعوة .
الظابط بـ قوة/ الكلام ده تقولوه ف النيابة.. هاتوهم .
*قامت العساكر بـ القبض علي عمار و من معه و سط صراخ و بكاء ريهام و خوف اسلام الشديد و صدمة عمار مما حدث وانهم قد انتهي مصيرهم '*
*ماذا سيحدث يا تري؟!*
__________________________________________________________
*كان مراد في سيارته متجهاً الي القسم لـ ينفذ خطة القبض علي شاهيناز :)*
*ولكن جائة اتصال من الظابط المسئول عن القضية ' '*
مراد / ايوا يا فندم .
الظابط بسرعة / مراد بيه حبيت ابلغك أن عمار و اللي معاه اتقبض عليهم و دلوقتي هما فـ اتجاهم للقسم .
مراد / بجد ، أمتي حصل ده ، طب يا فندم انا جاي حالا.
*اغلق مراد معة الخط و اتصل بـ زين و لكن وجد هاتفه مغلق و بعدها اتصل ب بسمة و أجابت عليه سريعا .*
بسمة / ها يا مراد عملت ايي .
مراد / بسمة بصي بسرعة روحي علي مكتب زين و قوليله أن عمار اتقبض عليه و تعالي انتي و هو بسرعةة علي القسم .
بسمة بصدمة / حاضر حاضر سلام .
*اغلق مراد الخط و اتجه سريعا الي القسم .*
______________-___________-________
*دخلت بسمة الي مكتب زين سريعا وقالت له .*
- عمار اتقبض عليه و مراد بيقولك يالا ع القسم.
زين بصدمة و فرحة / ايه اتقبض عليه ... يالا بينا بسرعة .
*خرجوا من الشركة و ركبوا السيارة و اتجهوا الي القسم .*
" " " " " " " " " " " " " " " " " " " "
*بعد حوالي ربع ساعة وصلت سيارة الشرطة الي القسم و قامت بـ ادخال المجرمين و بعدها بـ عشر دقائق وصل زين و بسمة و مراد .*
*صعدوا الي الطابق الثاني ووجدوا عمار يقف خارج الغرفة و في يده الكلبشات .*
*نظر عمار ل زين بخوف و تفاجأ بـ........*
