رواية مريم الفصل الثامن عشر بقلم جمانه السعيدي
بقيت مصدومه بليلتها من مها شلون تجي تخطب الزوجها معقوله اكو وحده تخطب الزوجها
اكيد هو مأثر عليها وجايه غصبا عليها تخطب
باجر بس اشوفه انهي كلشي بينا
لازم يعرف اني مستحيل اكسر كلبه
واذا ماعدهم اطفال قابل هذا الشي ذنبها
الاف العوائل العراقيه عايشين بدون اطفال
جمانه السعيدي
ثاني يوم طلعت رايحه للعياده وجان يتصل يكول وينج يله اتاخرتي
مريم اي اجيت
عبدلله هلو مريومه شلونج
مريم اهلا وسهلا انت شنو من بشر مو خطيه عليك جايبه تخطبلك
انت ماعندك احساس ابد
عبدلله على كيفج اكلتيني حاصل فاصل
اني ما جبرته ابد هي صار فتره تلح عليه ازوج حتى يصيرون عندك اطفال
انت وحيد والنوب ماعندك ذريه
صار سبع سنوات ننتضر يصير طفل ومآ كو فايده
واذا انتي ما قبلتي اني هم ازوج
لان امي وابوي مابقه عدهم صبر على هذا الموضوع ابد
وبعدين اني اذا ازوجت مراح اعوف مها
ولا راح أقصر وياها ابد
هاي بت عمي ويتيمه واله حق عليه
جمانه السعيدي
وافقي مربم الله يخليج ولا اضيعين احلى ايام العمر
وانتي متردده
اليوم الي يروح ما يرجع بعد
واذا الله قسملنا وصار عدنا اطفال اريدج تنطين واحد المها
ونسجله باسمه
مها حبابه وتستاهل كل خير
واذا الله جبر خاطرها وصار عدها طفل على عينج
هاي تكون رحمه الاهي واجت على عينج
مريم كلامه سكتني ومآ عرفت اجاوبه ابد
نزلت من الخط ورحت للشغل واني كلامه يرن بعقلي
قربت سنة الحجي بعد شهر واحد
طلع تعييني بلمستشفى وكمت اداوم وعفت شغل العياده العصر لان ما الحك ارجع بلثنتين ونص للبيت تعبانه
ما اكدر ارجع اطلع الساعه بتلاثه
وحددو عمليه بابا بعد عشر ايام والكل اقترح علينا نسويها بمستشفى اهلي
راح تكلف علينا هواي بس احسن جراح عضام راح يسويها
قررنا اني سميه نبيع الذهب مالتنا اثنيينه
ونسويله العمليه
طلعت الذهب وكلت الف رحمه على روحك حجي
حتى وانت ميت تساعدني
لوما هذا الذهب ما اكدر اسوي عمليه الابوي
حجزناله ودفعنا الفلوس
دخلو للمستشفى قبل يوم حتى يسوله الفحوصات اللازمه
رحت اني وعبدلله وياااا
طبعا عبدلله عرض عليه يساعدني بمبلغ مالي
بس اني ما قبلت
هو شعنده هلراتب وأبو عندا تقاعد يله مشين امورهم
اكيد اني اذا اطلب منه ما يقصر
بس يجوز يتقرض فلوس وينطيني
الحمد لله فلوس الذهب كافيات
ثاني يوم سووله العمليه والحمد لله نجحت
بقين بعد يومين بلمستشفى وطلعنا للبيت
بديت احضر نفسي اريد اروح للحجي
واريد اطبخ ثواب واوزع بثواب روحه
بعد يومين للسنه مالت الحجي بيومها اجاني اتصال من رقم غريب
اني كاعده يم بابا
مريم الوووو
...الووو مريم
...اي نعم تفضل
....اني ابو ايسر محامي الحجي
...اهلا وسهلا شلونك استاذ
....الحمد لله اريد اشوفج اكو وصيه عافها الحجي اللج
...اليه اني
...اي انتي هسه موجوده اكدر اشوفج
...اي موجوده بلبيت تفضل اهلا وسهلا
...هسه شويه وجايكم
بيومها جانت سميه رايحه تشوف اهلها وبس اني وبابا بلبيت
بدلت ولبست شالي وكعدت يم بابا
طبعا بابا بعد مجبس رجله ومآ يكدر يكوم
فتحت الباب وكتله تفضل
دخل يم بابا ورحت جبتله جاي وماي
ابو ايسر اني عندي وصيه من الحجي اللج حملني امانه
قبل لايموت
مريم شنو هاي الامانه
...الحجي من وكع مريض اخر مره دز عليه وكال اريدك دور عقار زين ونسجله باسم مريم لان اعرف ولدي مراح تحصل منهم شي
جمانه السعيدي
مربم رسا دموعي نزلن حتى وهو على فراش الموت يفكر بيه
.....وكان اهم شرط عندا يكون هذا العقار خارج المحافضه
حتى ولده ما يحسون بي ابد
اني بقيت ادور واسئل فتره منا لمن لكينا شي
وافق على الحجي
عماره بكربلا من أربع طوابق الطابق الأرضي بي مجمعات ثنيين
والثاني والثالث بي اربع شقق والرابع مخازن ثنيين
كلهن ماجرات وحسب الاصول
هاي أوراق التسجيل
هو انطاني اوراقج الهويه والمستمسكات الضروريه وسجلنا العقار باسمج
وهذا دفتر حساب اللج بلمصرف حولنا بي الإيجار مال سنه
هسه اكو بحسابج ٥٠ مليون
وكل شهر راح يتحول الإيجار بحسابج
وعافلج هاي الرساله وياي
اعذريني اذا ما اجيت قبل هذا الوكت
هاي جانت وصية الحجي
وصاني بعد سنه من وفاته يله اسلمج كل الاوراق
لان جان خايف الولد يدورون وراج
ولمن يعرفون الحجي مسجل باسمج شي ياذونج
جمانه السعيدي
ايجوز تسئلين شلون سحب هاي الفلوس واشترا بيها هذا العقار وولده ما عرفو بي
لان همه جانو مراقبين حسابه ومراقبين العقارات مالته
الحجي جان فاتح حساب باسم ام محمود الله يرحمها
ويخلي بي فلوس وهمه ما يعرفون بي
جان عندا توكيل من ام محمود
سحب كل الفلوس من هذا الحساب واشترا هذا العقار
وعافلج يمي هاي الرساله
وصاني اسلمها اللج ويه دفتر المصرف
ولاوراق الي مسجل بيها العقار باسمج
جمانه السعيدي
مريم اني كاعده بس عيوني يرمشجن والدموع تنزل شويه شويه
والنفس يصعد وينزل
معقوله اكو بلدنيا واحد مثل الحجي
حتى بعد موته يريد يامنلي حياتي
ابو ايسر طلع واني عفت كلشي بمكانه وأخذت بس الرساله ودخلت بلغرفه اقراها
افتح بيها والدموع تنزل تبللت بدموعي قبل لا اقراها
ما اشوف الكتابه من الدموع
امسح دموعي ويرجعن ينزلن مره ثانيه
الحجي حبيبتي مريم احبج حتى بعد ما يفرقنا الموت
جنت اتمنى لو ملتقي بيج من زمان
يعني مو من زمان هواي لان اكيد جنتي بعدج ما مولوده
بس جنت اتمنى ارجع شاب واحبج اكثر واكثر
بس للامانه كل نضره بعيونج ترجعني شاب بلعشرين
ماتدرين اني شكد احبج
عشتي وياي وقبلتي كل تصرفاتي وتحكمي بيج
وحتى لمن حبستج بلبيت ما جنتي تعترضين
كل هذا جان خوف عليج
يمكن حبي جان حب اناني بس ولله مو بيدي
احس الله اختارج اليه حتى اعيش كم يوم سعيد وياج
احلى شي صار اليه بلدنيا انتي
فرحتي بيج جانت تفوق فرحتي من صار عندي اولاد
شكرا لانج صبرتي عليه
وتحملتي فارق العمر
شكرا لانج ما حسستني اني جبير عليج ومآ يوم تمللتي مني
شكرا لانج تحملتي الشخير المزعج
مريم ضحكت ودموعي نزلن
الحجي اعرف ضحكتي وذكرتي الهورن مال الطوارء
شكرا لانج تحملتي حجي الولد عليج
ولايوم شحنتين عليهم ولا كلتي اخذلي حقي منهم
انت صحيح زغيره بس عقلج جبير
اتمنى تكونين بهاي اللحضه متخرجه من المعهد
ومتعينه وعندج شهاده وراتب
اني ماليه فضل بهاي الشهاده
لان انتي قريتي وتعبتي وجتهدتي حتى تحصلينه
شكرا لانج قبلتي تعيشين وياي زوجه مع وقف التنفيذ
وابد ما حسستيني ناقصج شي
رغم حلم كل البنات من الزواج الاطفال
اتاخرت رسالتي يله وصلتج
اعرف انتي جنتي محتاجه هاي الر سأله من زمان
بس ردت احميج من الولد
اعتبري هذا العقار هديه للسنيين الي ضيعتيهن ويه واحد عجوز مثلي
اتمنالج تكونين سعيده طول عمرج
واتمنى تزوجين ويصير عندج اطفال
بس عندي طلب اخير لاتنسيني من الدعاء
ادعيلي بلصلا انت كلبج طيب واكيد رب العالمين راح يستجيب الدعائج
جمانه السعيدي
سديت الرساله وكمت ابوس بيها
بس هي تبللت بدموعي
رفعت اديه ودعيتله الله يغفرله
حتى وهو ميت حاس بيه وبضروفي
اكيد هاي الفلوس احنا محتاجينها حيل
بعد بابا مراح يكدر يشتغل ويعيش اخواني
واني راتبي كلش قليل مراح يكفي نصرف منه
ونعيش منه
الف رحمه على روحك حجي
رجعت البابا جنت حاسه اريد احد ياخذني بحضنه كعدت وكتله بابا ممكن تحضني
ااشرلي اي وفتح ادي
اخذني بحضنه وكمت ابجي وهو يهدي بيه
منا لمن حسيت نفسي هديت كلش
ثاني يوم رحت للنجف قبل السنه مالت الحجي ..
اخذت اخوي وياي ورحت
كعدت يم الحجي
مريم نزلن دموعي ومسحتهن وكتله اني هلمره ما اربد ابجي
اريد اشكر الضروف الي عرفتني بيك
يا أطيب كلب بلدنياااا
اطمن اني ما نسيتك بلدعاء ولا ناسيتك بلصدقه
ولو انت افعالك الي سويتها وياي احسن صدقه
اني تعينت وعندي راتب
الفلوس الي اجتني منك اجت بوقتها
لان ابوي بعد ما يكدر يشتغل ابد
الله يجعلها بميزان حسناتك ياطيب
الله يرحمك برحمته الواسعه
قررت ابيع هذا البيت واكمل فلوسه واشتري بيت احسن
ونفتح بي محل حلويات يكعد بي بابا
منه يتسلى ومنه مصدر معيشه وراتبي ويااا
وإنشاء الله تمشي الامور
بلبدايه بابا ما قبل ابد يكول فلوسج جمعي عليهن اشتري بيت وخلي باسمج
ضمان اللج للمستقبل
بس اني صممت على رائي بابا حيل تعبان وبعد ما يكدر يشتغل ابد
اني اشتري بيت بعدين على كيفي
عرضنا بيتنا عد الدلالين وكدرنا خلال شهر انبيعه
واشترينا بيت اكبر واحلى
وبلحديقه بينينا محل وكدرنا نسوك حلويات على التصريف
بابا يمشي على عكازه وحده من جهة الرجل اامكسوره
بس الحمد لله
من اشوفه موجود بحياتي افرح هو سندي بعد الله
شكرا لزيارتكم عالم روايات سكيرهوم
