رواية عشقت كبريائي فهد ومليكة الجزء الثاني (عناد الحب والكبرياء) الفصل الثامن عشر 18 بقلم دودو محمد

اشرقت شمس صباح يوم جديد بنورها الساطع فى سماء عروس البحر ليبدء الجميع بالاستيقاظ 

فى فيلا فارس المنشاوى 

صحى فارس من نومه قام من على سريره دخل الحمام اخد شاور واتوضه وخرج لبس هدومه واده فرضه وخرج من اوضه راح عند اوضت جومانه خبط على الباب واستنا لما ترد وخبط مره كمان 

جومانه :- فتحت الباب وقالت نعم 

فارس :- يلا اجهزى

جومانه :- دلوقتى 

فارس :- ايوه 

جومانه :- يوووووه عايزه انام بقى 

فارس :- ابقى نامى فى السكه 

جومانه :- حاضر 

فارس :- هروح احضر شنتطى لحد ما تخلصى وتحضرى شنتطك

جومانه :- ماشى 

ودخلت جومانه الحمام وبعد وقت خرجت أدت فرضها ومسكت شنتطها وحضرت هدومها وشالتها وخرجت من الباب

وفى الوقت ده خرج فارس 

فارس :- خلصتى 

جومانه :- اه خلاص 

فارس :- طب يلا وشال شنتطه وشنتطها ونزلو ركبو العربيه وراحو على شرم 

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

فى فيلا فهد المنشاوى 

صحيت مليكه من نومها وقامت من على الكنبه بتبص على السرير ملاقتش فهد وشويه ولاقته خارج من باب الحمام 

فهد :- شاف مليكه واتجاهلها وراح يلبس هدومه 

مليكه :- اتغاظت من تجاهل فهد ليها دخلت الحمام ورزعت الباب وراها اخدت شاور واتوضت وخرجت لبست هدومها وأدت فرضها 

فهد :- من غير ما يبصلها خلصتى 

مليكه :- مردتش عليه وخرجت من باب الاوضه 

فهد :- نفخ وشال الشنط ونزل بيها 

مليكه :- صباح الخير يا ماما 

سهير :- صباح النور يا حبيبتى 

مليكه :- ماما خلى بالك من الفيلا انا جبت ليكى واحده وعرفتها معاد الادويه بتاعتك متقلقيش 

سهير :- ربنا يخليكى يا بنتى ويسعدكم يارب 

مليكه :- بصت لعدى وقالت عدى انت الراجل هنا مكان بابا خلى بالك على الفيلا وعلى اخواتك وان شاءالله احنا اسبوع بالكتير وهنكون هنا وبصت لجاكلين وقالت متتعبيش تيته يا جاكى واسمعى كلام اخوكى 

عدى وجاكلين :- حاضر يا ماما 

مليكه :- اخوكم فريد هخده هوديه عند ماما متشغلوش بالكم بيه ماشى وباستهم وخرجت من الفيلا وركبت العربيه وكان فهد مستنيها فيها 

فهد :- شغل العربيه ومشى بيها من غير ولا كلمه راح عند بيت عبد الرحمن 

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، 

فى بيت عبد الرحمن 

صحيت مى من نومها على صوت تليفونها بتبص لاقته رقم باسم 

مى :- بنفاذ صبر صباح الخير يا استاذ باسم خير 

باسم :- صباح النور كنت بسألك اجى اخدك بالعربيه اوصلك معايه شرم بدل ما تتبهدلى فى المواصلات 

مى :- شكرآ لحضرتك انا هروح مع فهد ومليكه فى العربيه 

باسم :- احم كده خلاص اطمنت عليكى 

مى :- شكرآ لحضرتك بس انا كبيره كفايه علشان اكون مسؤوله عن نفسى متشغلش بالك انت بس بيا

باسم :- كام مره اقولك احنا فريق واحد وشغلنا مع بعض والسفريه دى تبع الشغل يعتبر كده مدخلتش فى حاجه شخصيه ده داخل سياق العمل 

مى :- احم كلام حضرتك مظبوط بس انا اتفقت مع مليكه وفهد هركب معاهم شكرآ

باسم :- العفو مع السلامه 

مى :- سلام 

وقفلت مى مع باسم وقامت دخلت الحمام اخدت شاور واتوضت وخرجت لبست هدومها وأدت فرضها وفى الوقت ده خبط باب اوضتها 

فايزه :- يلا يا مى اختك  مستنياكى 

مى :- حاضر يا ماما انا جايه اهو واكدت على كل حاجه وشالت شنتطها وخرجت من اوضتها وقالت صباح الخير 

مليكه :- صباح النور يلا فهد مستنينه تحت 

مى :- يلا وبصت لامها وقالت خلى بالك يا ماما من البنات 

فايزه :- متخفيش يا بنتى فى عينيه 

مى :- تسلم عنيكى يا ماما سلام ونزلت هى ومليكه وسلمت على فهد وركبت العربيه من وراه ومليكه جنب فهد ومشى فهد على شرم 

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

فى شرم 

وصل فارس وجومانه للفندق 

فارس :- السلام عليكم 

العامل :- وعليكم السلام 

فارس :- لو سمحت فى حجز بأسم فارس المنشاوى 

العامل :- ثوانى حضرتك وشويه وقال بالفعل يا فندم اتفضل 310 

فارس :- شكرآ واخد المفتاح ومشيو ركبو الاسانسير 

جومانه :- ايه ده بقى أن شاءالله احنا هنقعد فى اوضه واحده 

فارس :- لاء فى اتنين انتى عبيطه ولا بتستعبطى ازاى كل واحد هيقعد فى اوضه وفهد ومراته جاين 

جومانه :- وانا مالى اصلا بأم الرحله دى مش عارفه انت جايبنى ليه معاك بس 

فارس :- علشان فهد طلب منى كده وعلشان احنا عرسان ولو سبتك فى الوقت ده لوحدك الكل هيشك أن فى حاجه فهمتى ولا لسه 

جومانه:- نفخت وسابته ومشيت وقفت قدام الباب 

فارس :- راح فتح الباب ودخل 

جومانه:- دخلت وقالت بنأدم معندكش زوق مفروض تدخلنى انا الاول علشان انا الست

فارس :- ست مش شايف ست مفيش غيرك انت يا برعى 

جومانه :- عااااااا متقوليش يا برعى 

فارس :- بذمتك ده منظر واحده طالعه شرم لابسه بنطلون وقميص من ايام جدى انا الراجل مرضاش البسه 

جومانه :- والله ده لبسى وعجبنى ورأيك ميهمنيش 

فارس :- خلاص يبقى متزعليش لما اقولك برعى  

جومانه :- بغيظ عااااا غلس بارد يارب يخدك بكرهك 

فارس :- هههههههههه سكر وسبها ودخل الحمام 

جومانه :- مستفز وبصت على المكان وعجبها جدآ فتحت شنتطها وطلعت ليها هدوم وفى الوقت ده طلع فارس من الحمام بالبشكير 

فارس :- بتعملى ايه 

جومانه :- ملكش دع واتفاجئت بفارس عريان غيرت وشها وقالت ايه يا بنأدم اللى انت عامله ده 

فارس :- ايه عامل ايه 

جومانه :- مش شايف نفسك خارج ازاى 

فارس :- اعمل ايه دخلت الحمام اخد شاور ونسيت اخد هدوم معايه ياريت تعملى معايه واجب وهاتى هدوم ليا من الشنطه

جومانه :- هوووف يارب صبرنى وراحت فتحت الشنطه وطلعت منها هدوم لفارس وحطتها على السرير وقالت اهو عندك هدومك على السرير واخدت هدومها ودخلت الحمام 

فارس :- اخد هدومه ولبسها وسرح شعره وخرج من الاوضه 

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

عند فهد ومليكه ومى

وصلو الفندق وطلعوه على الاوضه بتاعتهم ودخلو الاتنين من غير ما يكلموا بعض ولا كلمه 

مليكه :- قعدت على السرير وعملت نفسها مشغوله فى التليفون 

فهد :- فتح الشنطه واخد هدوم ودخل الحمام ياخد شاور 

مليكه :- كانت متغاظه من تجاهل فهد ليها وقالت بغيظ كده يا فهد ماشى هوريك وطلعت هدوم واستنت لما خرج فهد من الحمام ودخلت اخدت شاور ولبست هدومها وخرجت 

فهد :- اتفاجئ بلبس مليكه وبصلها بغيظ وقال ايه ده 

مليكه :- بصتله ومردتش عليه وراحت عند الباب ولسه هتفتح الباب

فهد :- شدها من درعها وقال ايه ده اللي انتى لبساه 

مليكه :- ملكش دعوه  

فهد :- هو ايه اللى مليش دعوه انا جوزك يا هانم ولا نسيتى 

مليكه :- لاء منستش يا فهد بس ياريت انت اللى تفتكر أن انا مراتك 

فهد :- مليكه ايه دخل ده فى ده متعصبنيش ومتبقيش انتى اللى غلطانه وبتتكلمى كمان 

مليكه :- لا مش غلطانه يا فهد انت اللى غلطان انت اللى جرحتنى بكلامك لما قولت عليا أن بقيت نكديه وان انا مقصره فى حقوقى وواجباتى كزوجه وام 

فهد :- مش انتى اللى حطه دعاء فى دماغك كام مره قولتلك أن انا مش ببص لحد غيرك وانتى مصممه تحسسينى أن انا واحد خاين وضعيف اوى لشهواته واى واحده هتدلع وتلبس ضيق وقصير هجرى عليها علطول صح 

مليكه :- لاء يا فهد مش صح فى فرق ما بين قلة الثقه والحب والغيره وانا علشان بحبك بغير عليك وانا ست واقدر افهم اوى اللى زى دعاء دى ايه ولسه عند كلامى البنأدمه دى فى حاجه وراها مش طبيعيه عايز تصدق صدق مش عايز انت حر مبقتش تفرق خلاص 

فهد :- يعنى هتفضلى على الحال ده كتير 

مليكه :- حال ايه ما انا جيت معاك اهو شرم وقعده معاك فى نفس الاوضه ولو تحب كمان تاخد حقك الشرعى منى اتفضل مش معترضه ده حقوقى كزوجه 

فهد :- بعصبيه واحنا من امته يا مليكه كل اللى بينا علاقه وبس انا ميفرقش معايه جسمك يا مليكه لكن انتى عندى اهم من اى حاجه وفتح الباب ونزل 

مليكه :- قعدت على السرير تهز رجليها بعصبيه وتقول يقول حاجه والفعل حاجه تانيه خالص يقول بيحبينى وفى نفس الوقت يجرحنى بكلامه يقول شارينى ويرمينى زى الكلبه وميعبرنيش طول عمرى اقول ان بتعامل مع واحد عنده انفصان فى الشخصيه مش طبيعى بجد وقامت غيرت هدومها وخرجت من الاوضه 

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

خرج فهد من الاوضه وهو متعصب قابل فى سكته فارس 

فارس :- ايه فهود وصلت امته 

فهد :- لسه من شويه 

فارس :- ومالك قالب وشك كده 

فهد :- ولا حاجه 

فارس :- اكيد متخانق مع مليكه هما الستات كلهم كده فقر 

فهد :- ايه يا ابنى انت لحقت علشان تقول كده 

فارس :- يا حبيبى النكد  عندهم بالفطره اقسم بالله 

وفى الوقت ده جه عليهم باسم 

باسم :- السلام عليكم 

فهد وفارس :- وعليكم السلام 

باسم :- مال شكلكم عامل شبه الستات اللى مطلقه كده 

فهد :- وحياة امك 

فارس :- ايوه يا عم انت اكتر واحد فينا باله رايق وعايش متهنى 

باسم :- اممم ما اللى ميعرفش يقول عدس وبعدين فهد ومليكه ده الطبيعى بتاعهم من يوم ما عرفوا بعض لكن انت لحقت يا ابنى ده انت لسه متجوز الاسبوع اللى فات 

فارس :- بذمتك انت متعرفش جومانه 

باسم :- احم الصراحه اعرفها دى صعب اوى ولسانها اطول منها 

فارس :- اسم الله عليك اهو انا بشوف ده كل يوم 

فهد :- ده ارحم من العند والتمرد اللى فى مليكه 

باسم :- ده على اساس انك مش بتكابر مع البونيه ده انت مطلع عينيها يا اخى 

فارس :- والله الستات عايزه واحد زى اخويه فهد يطلع عينيهم وفى الاخر يجرو وراه 

باسم :- صدقنى يا فارس انتو الاتنين انيل من بعض اه والله مش بجامل بس بجد الله يكون فى عون البنتين منكم تفرسه 

فهد :- بص لفارس 

فارس :- فهم قصد فهد 

ومره واحده هجموه على باسم وقعدو يضربو فيه 

باسم :- ااااااه يا ولاد المفتريه وهرب من أيديهم وطلع يجرى 

وفهد وفارس طلعو يجرو وراه 

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

عند مليكه 

خرجت من الاوضه وفى نفس الوقت خرجت جومانه 

مليكه :- ازيك يا جومانه عامله ايه 

جومانه :- الحمدالله انتى عامله ايه 

مليكه :- الحمدالله تمام 

جومانه :- انتو هنا من بدرى 

مليكه :- من شويه وانتو 

جومانه :- برضه من شويه 

مليكه :- امال فين فارس مش باين 

جومانه :- نزل من شويه 

مليكه :- اوك تعالى ننزلو ليهم بس الاول ناخد مى اختى 

جومانه :- هى اختك معاكى هنا 

مليكه :- اه اصلها شغاله فى الشركه 

جومانه :- اااه تمام يلا بينا 

وراحو الاتنين خبطو على مى واخدوها ونزلو التلاته مع بعض والتلاته وقفو مره واحده مصدومين 

مليكه :- نهار اسود ومنيل ايه ده 

جومانه :- مين دى 

مى :- دى دعاء السكرتيره 

مليكه :- يخربيتها فين هدومها هى نسيت تلبس هدوم ولا ايه 

جومانه :- لاء ووقفه مع الرجاله من غير ما تتكسف عادى 

مى :- هههههه بس التلاته هياكلوها بعنيهم 

مليكه :- طيب واحنا هنتفرج عليهم كتير

جومانه :- لاء طبعآ هجوم 

مى :- شكلها رحلة لوز اللوز ومشيت معاهم 

وراحو التلاته عند الرجاله ووقفوه 

باسم :- قرب من الرجاله وقال الحقوا فى هجوم جاى عليكم من الستات 

فارس :- انا عن نفسى مراتى عادى 

فهد :- وانا عن نفسى مراتى هتولع فى دعاء وفيا 

مليكه :- راحت حضنت دعاء جامد وقالت دعاء واحشتينى ازيك يا حبيبتى وخبطت مناخيرها جامد 

دعاء :- ااااااه ا.ا.انا ك.ك.كويسه 

باسم :- للرجاله الله يرحم دعاء كانت مزه الصراحه 

فارس وفهد :- كتمو ضحكتهم 

جومانه :- الا قوليلى يا اختى هو انتى نسيتى تلبسى هدومك ولا ايه انا مش بدخل ولا حاجه انا قولت افكرك بس 

دعاء :- لاء عادى ده لبسى 

مى :- اخس الله يفضحك ده الواحد يتكسف يلبسه ما بينه وبين نفسه فى اوضه 

مليكه :- اه قولتيلى عادى شكلنا هنشوف ايام سوده فى شرم 

دعاء :- طيب عن اذنكم هروح اتغدا 

مليكه :- اه طبعآ اتفضلى وبعد ما مشت قالت اللهى وانتى بتاكلى اللقمه تقف فى زورك ومتلاقيش ميه تنقذك يا قادر يا كريم 

الكل :- ههههههههههههههههههه

جومانه :- انا جعانه 

فهد :- طيب ايه مفيش سلام ولا كلام 

جومانه :- سورى ازيك يا فهد 

فهد :- الحمدالله عامله ايه 

جومانه :- هو الطبيعى ارد واقولك الحمدالله وطبعآ الحمدلله على كل شئ بس يعنى اللى متجوزه اخوك هتكون عامله ايه 

فهد :- هههههههه ده انتى شكلك هطقى من جنابك منه 

جومانه :- انا خاااااالص بس عرفت منين 

فهد:- هههههههه شكلك مشكله 

فارس :- لا والله ده على اساس انك ملاك بجناحات 

مليكه :- هدى اعصابك يا اخ عامل ايه 

فارس :- الحمدالله انتى عامله ايه 

مليكه :- الحمدالله ايه من لقه أحبابه نسى أصحابه ولا ايه مش بتسأل يعنى من يوم ما اتجوزت 

فارس :- معلش والله ربنا وعدنى بواحده تنسيكى اسمك ايه دى عليها حبة مقالب توديكى القبر علطول 

الكل :- ههههههههههههههه

مليكه :- طيب والله شكلها كيوت ولذيذه خالص 

فارس :- ها مين اللى كيوت برعى  

جومانه :- تشكر يا ذوق 

فارس :- دى كيوت 

جومانه :- ما خلاص يا عم ويلا ناكل لقمه انا جعانه 

ومشى كلهم على المطعم ياكلوا وبعد وقت انتهو من الاكل مشيت مليكه مع فهد ومشيت جومانه مع فارس 

اتبقى باسم ومى 

باسم :- هتعملى ايه دلوقتى

مى :- هطلع اوضى 

باسم :- من دلوقتى لسه بدرى 

مى :- ايوه ايه المشكله 

باسم :- هتعملى ايه دلوقتى فى الاوضه لوحدك 

مى :- لا متشغلش بالك بعرف  استغل وقتى حلو اوى بقراه روايه أو بتفرج على التلفزيون أو بقعد على النت

باسم :- طيب ماتيجى نتمشى شويه على البحر 

مى :- لا شكرآ عن اذنك وسابته وطلعت على اوضتها 

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

عند فهد ومليكه 

مشو الاتنين جنب بعض من غير ولا كلمه وبعدين مليكه اتكلمت

مليكه:- يعنى كنت واقف مع دعاء عادى وهى بلبس ده مقولتش حاجه اهو 

فهد :- هى متخصنيش فى حاجه أنشالله لو مشيت من غير هدوم خالص لكن انتى مراتى وعرضى وهتسأل عليكى يوم القيامه وفوق كل ده انا واحد بيغير على مراته من عيون الرجاله 

مليكه :- اشمعنا سامح لنفسك تغير عليا وانا لاء 

فهد :- انا بغير عليكى فى الحق لكن مش على الفاضى والمليان 

مليكه :- وانا مش بغير عليك على الفاضى والمليان انا لما اشوفك وقف مع واحده بلبس ده مش من حقى اغير عليك 

فهد :- وانا كنت واقف لوحدى يعنى ما كان باسم وفارس معايه

مليكه :- يعنى انت ترضاها أن ابقى وقفه اكلم شاب ولما تسألنى اقولك ما كان واقفين معايه جومانه ومى 

فهد :- شاب مين ده 

مليكه :- بقولك افرض افرض 

فهد :- لا مفرضش يا مليكه واياكى تعمليها ولو حتى على سبيل الهزار فهمه 

مليكه:- ماشى يا فهد عن اذنك 

فهد :- مسكها من درعها وقال استنى هنا رايحه فين 

مليكه :- عندى صداع هطلع اوضى اريح شويه 

فهد :- اخد نفس وقال مليكه مش ملاحظه انك اتغيرتى اوى اوى اليومين دول وبقيتى مزعجه 

مليكه :- فعلا انا اتغيرت وعلى فكره انت كمان اتغيرت مبقتش فهد اللى كان مستعد يبيع الدنيا علشانى بقيت واحد تانى معرفهوش وسابته وطلعت اوضتها 

فهد:- نفخ وبص على مليكه لحد ما اختفت 

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

عند جومانه وفارس 

جومانه :- كانت عجباك اوى صح 

فارس :- هى مين

جومانه :- السكرتيره اللى كانت واقفه معاكم 

فارس :- الصراحه كانت مزه بس مش نوعى المفضل ما كانت قدامى فى الشركه لو عجبانى كنت بكلمه واحده هتكون نايمه فى سريرى وفى حضنى 

جومانه :- والله وايه بقى نوعك المفضل 

فارس :- لاء دى حاجه كده صعب تلاقيها الايام دى حاجه كده اسطوره 

جومانه :- أن شاءالله تلاقيها قريب اوى 

فارس :- اه والنبى ادعيلى من قلبك كده 

جومانه :- بصتله بغيظ وقالت عن اذنك 

فارس :- رايحه فين 

جومانه :- الجو بقى خنقه هنا ولسه هتمشى وقفة على صوت بيقول

يالله فارس بتعمل ايه هنا مش مصدقه نفسى ايه الصدفه الجميله دى 

فارس :- اوه نازلى بتعملى ايه هنا 

نازلى :- كنت بقضى يومين استمتع بجو مصر قبل ما ارجع تانى امريكا 

فارس :- ده من حظى الحلو الصراحه طمنينى ايه اخبارك 

نازلى :- اوه يا فارس انا كنت محتاجك اوى اليومين اللى فاتو مش انا سبت جون 

فارس :- لاء بجد بس أنا قولتلك من الاول بلاش تعيشو فى مكان واحد مكنش واخد الموضوع جد كان عايز يقضى يومين حلوين وبس 

نازلى :- اترمت فى حضنه وقالت عنيت جدآ يا فارس من بعد بعاده عنى 

فارس :- طبطب عليها وقال أهدى طيب 

جومانه :- خبطت على كتفه بغيظ وقالت اهدا انت يا اخ 

نازلى :- طلعت من حضنه وقالت مين دى يا فارس 

فارس :- دى جومانه مراتى 

نازلى :- اوه يا فارس انت اتجوزت 

فارس :- للاسف من اسبوع 

جومانه :- شوف ازاى ده انا اتأثرت يا اخى 

نازلى :- مبروك يا فارس مبروك يا يا

جومانه :- جومانه محسوبتك جومانه ومدت ايديها سلمت على نازلى جامد 

نازلى :- اه ايدى 

فارس :- براحه عليها دى مش قدك دى بنت بجد 

جومانه :- والله 

فارس :- تقدرى تروحى  مكان ما كنتى رايحه من شويه واخد نازلى ومشى وسابها 

جومانه :- بصت عليهم لحد ما اختفوه ودموعها نزلت منها وقعدت على الرمل قعدت تبص على البحر وهى دموعها نزله منها 

وفى الوقت جه باسم قعد جنبها وقال 

باسم :- بتعيطى ليه 

جومانه :- مسحت دموعها وقالت مش بعيط 

باسم :- على فكره انا صديق فهد وفارس ومليكه وانتى شوفتينى مرتين 

جومانه :- ايوه فكراك مرتين فى الشركه ومره فى عيد ميلاد مليكه  

باسم :- صح كده طب ما انتى بسم الله ما شاءالله ذاكرتك قويه اهو 

جومانه :- قل اعوذ برب الفلق انت بتحسد ولا ايه 

باسم :- هههههههههه لا طبعآ انا قولت بسم الله ماشاءالله فى كلامى انا عينى مش وحشه على فكره 

جومانه :- ماشى يا عم احنا اسفين 

باسم :- ممكن نكون اصدقاء على فكره 

جومانه:- طبعآ يا باسم ده شرف ليا 

باسم :- ربنا يخليكى ها كنتى بتعيطى ليه بقى 

جومانه :- ولا حاجه 

باسم :- مش احنا قولنا نكون اصدقاء ليه بقى بتخبى 

جومانه :- مش عارفه متعودش اقول اللى جوايا ومشاعرى لحد طول عمرى وانا بحتفظ بيها جوايا 

باسم :- بس لازم تتكلمى وتحكى تخدى رأى تانى غير رأيك انتى علشان تعرفى تخدى القرار الصح 

جومانه :- كلامك صح جدآ بس انا ماما ماتت وانا صغيره وبابا ربانى لوحده واول ما كبرت شويه بقيت بنته واخته وأمه ومراته بقيت كل حاجه ليه وهو بقى كل حاجه ليا وبدأت اخد شخصية مسترجله شويه علشان اقدر ابقى فى ضهره وميحسش أن هو لوحده فى الدنيا دى وشلت معاه كل حاجه ولما كنت احس بحاجه وجعانى كنت بخبيها فى قلبى علشان ميحسش بيها ويشغل تفكيره بيا واستمرت على كده احتفظ الحاجه اللى واجعانى فى قلبى واسكت اعيط لما يكون عندى فرصه للعياط لما اكون لوحدى علشان بابا ميحسش بيا وكبرت على كده 

باسم :- مكنش ليكى أصحاب ولا حاجه تقعدى تتكلمى معاهم 

جومانه:- كان كله مش بيحبو يعرفونى بسبب طريقتى فى الكلام 

باسم :- ومحاولتيش تغيرى من طريقتك دى 

جومانه :- لاء ولا عمرى هغير طريقتى علشان حد 

باسم :- بس فى حاجات بتيجى بتلزمك تغيرى من نفسك علشان خاطر سبب معين 

جومانه :- قصدك ايه مش فاهمه 

باسم :- مثلا فارس محتاجه تغيرى من نفسك علشانه 

جومانه :- اهو ده اخر بنأدم افكر اغير من نفسى علشانه 

باسم :- ليه 

جومانه :- علشان ده بنأدم مستفز متكبر ومتعجرف على الفاضى مفكر أن هو اشترانى بفلوسه بيعمل بأى طريقه علشان يكسرنى 

باسم :- بس كده 

جومانه :- اه 

باسم :- يعنى مش علشان انتى بتحبيه 

جومانه :- ل.ل لا طبعآ

باسم :- تنكرى انك غيرتى عليه من شويه من السكرتيره دعاء 

جومانه :- لا طبعآ 

باسم :- احنا قولنا نكون اصدقاء يعنى متخبيش عليا 

جومانه :- انا بجد مش قادره افهم نفسى سعات بحس أن بكون مبسوطه جنبه وعايزه ابقى معاه علطول وسعات بكره وجودى معاه فى نفس المكان ببقى عايزه اديلو بحاجه فى وشه بس بصراحه هو السبب فى التغير ده سعات بيكون حنين وطيب ودمه خفيف وسعات بيبقى رخم وغلس كده فى نفسه مش عارفه ولا قادره افهم حاجه خالص 

باسم :- انا هقولك فارس كان غير كده خالص من كام سنه كان بيضحك علطول والدنيا حلوه معاه لحد ما سافر يمسك شغل ابوه فى أمريكا وقابل واحده وحبها واتجوزها 

جومانه :- بصدمه فارس متجوز 

باسم :- اصبرى بس وبعدين جاب ولد منها 

جومانه :- وكمان مخلف 

باسم :- الله يحرقك خلينى اكمل كلامى 

جومانه :- اتفضل كمل 

باسم :- بس يا ستى وقعد فتره كبيره اوى مع مراته بس كان لما بينزل زيارات مكنش بينزل مراته وابنه معاه وفى يوم فرح فهد ومليكه اتفاجئنه بنزول فارس ومراته وابنه والمشاكل بدأت من هنا 

جومانه :- ليه بقى 

باسم :- مراته كانت حبيبت فهد قبل ما تسرقه وتاخد فلوسه وتسافر تروح بيها امريكا 

جومانه :- يا نهار اسود يعنى حبت واحد وسرقته وراحت اتجوزت اخوه 

باسم :- وخدى الكبيره كمان طلع الولد ابن فهد مش ابن فارس 

جومانه :- احيه دى مش بنأدمه 

باسم :- عملت مشاكل وتوتر كبير فى العيله وبالذات مع فهد ومليكه 

جومانه :- طيب وهى فين دلوقتى :- ماتت 

جومانه :-لا إله إلا الله بس فارس تلاقيه اتعذب قوى لما عرف الحقيقه يعنى مراته عشيقت اخوه قبل منه وابنه ميطلعش ابنه يطلع ابن اخوه دى حكايه آخرها نتفرج عليها فى مسلسل تلفزيون 

باسم :- فعلا فارس تعب كتير ومستحملش وسافر يوم ما عرف الحقيقه ورفض ينزل مصر لدرجة أن ابوه تعب وطلب يشوفه وهو رفض وأبوه مات من غير ما يشوفه ونزل ملحقش دفنت ابوه حتى 

جومانه :- صعبه اوى عليه 

باسم :- علشان كده مش قادره تفهمى فارس بس عايز اقولك أن فارس على ايدك اتغير ورجع جزء من شخصيته القديمه اصلا جواز فارس منك ده معجزه كبيره فارس كان رافض حتى الكلام فى موضوع الجواز ده وكلنا استغربنا لما عرفنا موضوع جوازه ده انتى عارفه ده معناه ايه 

جومانه :- ايه 

باسم :- أن فارس بيحس بحاجه فى قلبه من نحيتك بس موضوع جوازته القديمه تملى بتقف ما بينك وبينه بيخاف ليتصدم من تانى 

جومانه :- ااااااه علشان كده انا غبيه دوست على الجرح من غير ما احس 

باسم :- ازاى 

جومانه :- ا.ا اصل انا قبل الجواز علشان اتحدا قولتله أن بحب واحد تانى غيره ومستنياه 

باسم :- ليه يا بنتى انتى غبيه وبعدين حتى لو مكنش موضوع فارس القديم مفيش راجل يقبلها على نفسه أن يعيش مع واحده قلبها مع غيره 

جومانه :- انا قولت كده علشان اغيظه واتحداه مش اكتر

باسم :- بس انتى بتحبيه يا جومانه وده كان واضح اوى فى عينيكى من شويه 

جومانه :- بعد ايه بقى عمرى ما هعرف ارجع ثقته فيا هفضل فى نظره أن انا شبه مراته اللى فاتت

باسم :- حاولى تغيرى من نفسك وأثبت ليه أن التغير ده علشانه هو 

جومانه :- سكتت شويه وبعدين قالت نهار اسود ده لو لحقته ده مشى مع واحده مقضيها احضان ومحن 

باسم :- ايه 

جومانه :- جريت وقالت هفهمك بعدين سلام 

باسم :- لا اكيد البت دى مجنونه رسمى وقام طلع على اوضه