رواية عشقت كبريائي فهد ومليكة الجزء الثاني (عناد الحب والكبرياء) الفصل التاسع عشر
فى الكافيه عند فارس و نازلى
نازلى :- بس ايه الحكايه مش كنت حالف ما تتجوز ايه غير رأيك
فارس :- عادى يعنى
نازلى :- يا سلام عايز تقنعنى انك غيرت رأيك فى يوم وليله كده وقررت تتجوز
فارس :- بصى هو انا قبلتها صدفه بس حسيت فيها بحاجه مختلفه عن البنات حسيت انها بنت جدعه ومكافحه بتساعد ابوها فى الشغل حتى طريقة كلامها وأسلوبها زى السكر مسليه جدآ كتير اوى بنسا نفسى واى حاجه شغلانى لمجرد بكون جنبها طريقتها فى المزوله لذيذه جدآ من يوم ما دخلت عندى الفيلا وهى بقى فيها روح ضحك ومرح مقالب خلت للفيلا حياه من جديد
نازلى :- سيدى يا سيدى على الحب
فارس :- مش حكاية حب انتى عارفه اللى فيها واللى حصلى من زمان مش هرجع اقرر نفس الحكايه وفى الاخر اتجرح على ايديها
نازلى :- بس البنات كلها مش زى بعضيها يا فارس زى ما فى الوحش فى الحلو ومراتك شكلها دمها خفيف وكيوت
فارس :- بس للاسف يا نازلى قلبها مع حد تانى
نازلى :- ازاى مش فاهمه
فارس :- جومانه بتحب واحد تانى ومجرد ما يكون جاهز هتطلق منى وتروحله
نازلى :- بس اللى انا شوفته غير كده
فارس :- شوفتى ايه
نازلى :- شوفت أن هى بتحبك انت
فارس :- لا غلطانه يا نازلى ده انا لو اخر راجل فى الدنيا مستحيل جومانه تحبينى
نازلى :- ليه
فارس :- انا شبه حبسها فى الفيلا ومانع عنها التليفونات بتكلم ابوها وقت ما انا احب غير أن انا علطول بقصد اجرحها بكلامى
نازلى :- وهى راضيه
فارس :- ايوه مع أن من طبيعتها متكنش مسلمه اوى كده
نازلى :- يبقى بتحبك يا فارس مفيش واحده تقبل يتعمل فيها كده غير لما تكون بتحب الشخص ده ده طبعآ غير غيرتها عليك منى دى كانت هتكسر ايدى علشان غيرانه منى
فارس :- ولو هى بتحبينى هتقول ليه كده
نازلى :- ممكن تكون انت جرحتها فى كلامك حبت تغيظك وتستفزك فقالت ليك كده بس بجد واضح اوى عليها انها بتحبك واللى يأكد كلامى لو حاولت تيجى دلوقتى وتقعد فى وسطنا علشان تمنعنا نقعد مع بعض لوحدنا
فارس :- خايف اعلق نفسى وفى الاخر اتجرح
نازلى :- سيب لقلبك الحريه وهو اللى هيحرك مشاعرك اتجاها
وفى الوقت ده جت جومانه
نازلى :- بصت لفارس علشان تأكد كلامها
فارس :- اتفاجئ بوجود جومانه وبص نازلى مش مصدق نفسه أن فعلا جومانه بتحبه
جومانه :- احم السلام عليكم
فارس ونازلى :- وعليكم السلام
فارس :- ايه جابك
جومانه :- ها ج.ج.جيت اشرب حاجه ما انت اكلتينى ونسيت تشربنى حاجه
فارس :- والله
جومانه :- ا.ا.اه لو مش فاضى ممكن امشى عادى
نازلى :- لاء اقعدى يا جومانه تشربى ايه
جومانه :- بصت على كوباية فارس وقالت عايزه زى ده
فارس :- انتى عارفه ايه ده
جومانه :- هزت راسها بمعنى لاء وقالت بس عايزه اجربه
فارس :- انتى حره ونده الجرسون وطلب منه العصير
وشويه وجه الجرسون وجاب العصير
جومانه :- مدت ايديها ومسكت الكوبايه وشربت منها وقالت بقرف ايه ده
فارس :- هههههههههه مش انتى اللى قولتى عايزه زي
جومانه :- ده ايه نوعه ده
فارس :- دى مجموعة فواكه على بعضها من غير سكر
جومانه :- وبتشربه ازاى ده مر
فارس :- بحبه ده مشروبى المفضل
جومانه :- مسكت الكوبايه وشربته وقالت وانا كمان هحبه
نازلى :- بصت لفارس وقربت منه وقالت اللى بيحب حد بيحب يشاركه فى كل حاجه صدقت
جومانه :- كانت متغاظه من قرب نازلى لفارس وقالت بغيظ هو انا عزول ولا حاجه تحبو امشى علشان تخدو راحتكم
فارس :- كتم ضحكته وقال ياريت
جومانه :- حبست دموعها وكانت لسه هتقوم
نازلى :- صعبت عليها جومانه ومسكتها من ايديها وقالت لاء خليكى انتى يا جومانه انا همشى علشان زمان الشله بدور عليه ووقفت وقربت على فارس وباسته فى خده وقالت خف على البنت شويه دى بتحبك وبتموت فيك بلاش تخسرها ووقفت وقالت باى ومشت وسابت جومانه اللى كانت هطق من قرب نازلى لفارس وفارس اللى كان مش مصدق نفسه ولا مصدق اللى بيحصل
جومانه :- انت تعرف نازلى من زمان
فارس :- ايوه من اول سنه سافرت فيها امريكا واحنا اصدقاء
جومانه :- اصدقاء بس
فارس :- فهم قصدها وقال ايوه اصدقاء بس وعلى فكره انا عرفت نازلى وهى بتحب واحد اسمه جون ومازلت بتحبه بس هو بعد عنها اللى بنا صداقه مش اكتر
جومانه :- والمبوسه والاحضان والمحن اللى كان من شويه ده عادى برضه
فارس :- وهو بيكتم ضحته ايوه فى أمريكا عادى وهى طول عمرها عايشه فى أمريكا ومتأثره بيهم بتنزل مصر بس لترفيه وترجع تانى تعيش فى أمريكا
جومانه :- بس دى بتتكلم مصرى احسن منى ومنك اللى يتكلم معاها يقول إنها عايشه ومتربيه فى مصر
فارس :- ايوه ابوها وامها مصرين بس مستقرين فى أمريكا وتملى بيتكلمو معاها مصرى وأصدقائها كلهم مصرين حتى فى أمريكا كلامها كله مصرى وانا عرفتها وهى كده
جومانه :- اممم والبنت جميله برضه مفيش كلام
فارس :- بغمزه ايه الحكايه انتى بتغيرى ولا ايه
جومانه :- ها و.و واغير عليك ليه
فارس :- يمكن علشان بتحبينى مثلا
جومانه :- اتكسفت ووشها احمر ووقفت وقالت ا.ا.انا عايزه اطلع اوضى انام
فارس :- ههههههههه ماشى ماشى اهربى من السؤال
جومانه :- جريت من قدامه من غير ولا كلمه
فارس :- هههههههه شكلك عندك حق يا نازلى ودفع الحساب وراح وراه جومانه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى الاوضه عند مليكه
طلع فهد وفتح باب الاوضه ودخل بص فيها لاقه مليكه نايمه قعد على حرف السرير جنبها ومشى أيده على شعرها ونزلها على وشها وقال
فهد :- انا لسه بحبك زى ما انا يا مليكه ومتغيرتش ومستعد ابيع الدنيا علشانك ومستعد اعمل اى حاجه علشان ارضيكى انتى بنتى قبل ما تكونى مراتى انتى عمرى كله انتى اللى قدرتى فى ثانيه تستحوذى على كل كيانى وشغلتينى انتى رفيقة عمرى يا مليكه وعشرتى الطيبه انتى اللى غيرتى فهد من واحد قاسى معندهوش قلب لواحد تانى بقى كله مشاعر واحاسيس بحبك يا مليكه وهفضل عمرى كله بعشقك لحد ما اموت وقرب من خدها وبسها برقه ونام جنبها واخدها فى حضنه
مليكه :- كانت صحيه وسمعت الكلام كله وقالت لنفسها وانا كمان بحبك يا فهد بس لازم اغير فيك حتة التكبر وتهورك فى عصبيتك لازم ابطلك تجرحنى وانت متعصب لان كلامك بيكسرنى من جوايا يا فهد ونامت وهى فى حضن فهد
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا اسر
كانت مها قعده على السرير
واسر جاب ليها الاكل
مها :- ايه يا اسر مش كده بقى انا زهقت من النوم علطول على السرير حتى انزل اكل معاكم على السفره
اسر :- معلش يا حبيبتى استحملى شويه علشان خاطر اللى فى بطنك وبعدين انا هاكل معاكى مش هسيبك تاكلى لوحدك
مها :- بجد الدكتور ده مش بيفهم حاجه خلينى اتحرك براحتى يا اسر علشان خاطرى ومش هبطل العلاج هخده
اسر :- لاء
مها :- يوووووه بقى يا اسر انت غلس اوى
اسر :- مش مهم غلس غلس بس كله لمصلحتك
مها:- قربت عليه وبصت فى عينه وقالت بدلع كده يا اسو تهون عليك ميمو حبيبتك تبقى قعده كده فى السرير علطول
اسر :- قرب ليها اكتر وبص فى عينيها وقال لاء يا حبيبتى متهنيش عليا بس كله لمصلحة اللى فى بطنك وبلاش الشغل ده معايه علشان مش هضعف وبسها فى خدها وبعد عنها وقال يلا كلى
مها :- كده يا اسر ماشى
اسر :- مد أيده بالاكل وقال افتحى بؤقك
مها :- غيرت وشها وقالت مش عايزه
اسر :- يلا يا مها بلاش عند
مها :- قولتلك مش عايزه
اسر :- متخلنيش البسك دلوقتى واشلك احطك فى العربيه واوديكى عند امك واسيبك هناك هى تتصرف معاكى
مها :- بصت ليه بصدمه وقالت انت بتقول ايه
اسر :- قولت اللى انتى سمعتيه انا تعبت خلاص ها هتاكلى ولا البسك
مها :- فتحت بؤقها واخدت الاكل من ايد اسر
اسر :- كتم ضحكته وقال شطوره
مها :- غلس
وفى الوقت ده خبط باب الاوضه واتفتح
مها :- تعال يا حبيبى منمتش ليه
يوسف :- كنت عايز اطلب طلب منكم
اسر :- قول عايز ايه
يوسف :- مش خالتو مى فى شرم
مها :- اه
يوسف :- وتيلا ورحمه وفريد قعدين مع تيته
اسر :- ايوه لخص عايز تقول ايه
يوسف :- احم انا بقول نشيل شويه من على تيته ونجيب تيلا تقعد معانا فى الفيلا لحد ما خالتو مى تيجى وكفايه على تيته رحمه وفريد
اسر :- بلؤم يلا خايف على تيته برضه
يوسف :- ا.ا ايوه حرام التلاته عليها
مها :- بصت لأسر وكتمت ضحكتها وقالت ماشى يا حبيبى بكره بابا هيروح يجيب تيلا تقعد معانا لحد ما امها تيجى
يوسف :- بفرحه هيييييييييا انتى احلى ماما اقسم بالله وبسها فى خدها وراح على اوضه
مها :- ههههههههههه
اسر :- بصى الولا ده واقع على بوزه فى حب بت مى
مها :- جميل خالص يا عين امه وهو بيحب كده وعايز يعمل بكل طريقه ويخلى حبيبته جنبه ده هيبقى عسل لما يكبر هيبقى رومانسى اوى
اسر :- يعنى هيجيبو من بره طالع لابوه
مها :- اممم فعلا
اسر :- امممم فعلا ايه مش عجبك كلامى ولا ايه
مها :- لاء عجبنى بس كلام من غير فعل
اسر :- بت انتى بلاش شغل السهوكه ده معايه لو مكنش الدكتور منعنى كنت وريتك أن انا كلام ولا فعل بس كلها كام شهر وهتموتى يا سوسو
مها :- بضحكة دلع بجد
اسر :- الله يحرقك يا شيخه انهدى ربنا يهدك واتفضلى كلى الاكل برد
مها :- ههههههههههههههههه
اسر :- صدق من قال عليكم جنس حويط كلى يا اختى كلى
مها :- مسكت التليفون
اسر :- هتعملى ايه
مها :- هتصل بمى اقولها أن احنا هناخد تيلا عندنا لحد ما تيجى
اسر :- ماشى
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عند مى فى الاوضه
كانت قعده زهقانه ومش عارفه تعمل ايه قامت غيرت هدومها ومسكت تليفونها ولسه هتنزل تليفونها رن برقم مها
مى :- السلام عليكم
مها :- وعليكم السلام عامله ايه يا مى
مى :- الحمدالله انتى الحمل عامل معاكى ايه
مها :- تعبنى اوى وعلطول قعده على السرير لما زهقت
مى :- معلش يا حبيبتى استحملى الكام شهر دول ربنا يقومك بالسلامه يارب
مها :- ربنا يخليكى يا قلبى بقولك يا مى
مى :- اممم قولى
مها :- كنت عايزه تيلا تيجى تقعد مع يوسف اليومين دول لحد ما انتى تيجى وهخلى بالى منها والله
مى :- ماشى بس انا عامله عليكى كفايه عليكى يوسف وسمر وانتى تعبانه اصلا
اسر :- اخد التليفون من ايد مها وقال ايه يا اوزعه واحنا هنستأذن منك علشان ناخد بنتنا انا هروح بكره اجبها من عند مرات عمى
مى :- اذيك يا زرافه عامل ايه واحشنى والله
اسر :- الحمدالله وانتى اكتر والله يا اوزعه عامله ايه فى الرحله حلوه
مى :- اهو مكان زى اى مكان مش فارقه
اسر :- لالالا اوزعتى محبطه كده ليه عيشى يومين وانسى فيهم الهم محدش واخد منها حاجه وبعدين انا مش واخد على الشخصيه الجد دى انا عايز ميوش ترجع تانى طيب بزمتك هلس مع مين انا ده انتى نصى التانى يا اوزعتى
مى :- هههههههههه مها هتعلقك على الكلمه دى يا زرافه
اسر :- لاء حسبى انا راجل اوى فى بيتى
مها :- لا والله
اسر :- احم انا لسه كنت هكمل يا حبيبتى وبعدين قال انا راجل اوى فى بيتى وبسمع كلام المدام
مى :- ههههههههههههه ونعمه الرجوله والله
اسر :- هسيبك دلوقتى يا ميوش استمتعى بوقتك وانا هروح عند مرات عمى الصبح اخد تيلا ومتخفيش هخلى بالى منها
مى :- ماشى يا اسر لو تعبتكم رجعوها عند ماما تانى
اسر :- لاء متشغليش بالك انتى سلام
مى :- مع السلامه
وقفلت مى مع اسر وفتحت الباب ونزلت تتمشى شويه على البحر
واتمشت على الشط والميه بقة تلمس رجليها ومى تبصلها وسرحانه وفى الوقت ده جه باسم
باسم :- منمتيش يعنى
مى :- مفيش مش جاى ليا نوم قولت انزل اشم شوية هوا
باسم :- انا كنت واقف فى الشباك وشوفتك وقفه كده قلقت عليكى نزلت علطول عندك
مى :- ميرسى بس سبق وقولت لحضرتك متشغلش بالك بيه انا كبيره كفايه واقدر اخد بالى من نفسى ورجعت لواره وقعدت على الرمله
باسم :- رجع وقعد جنبها وقال هو انتى ليه بتحاولى توقفى اى كلام ما بنا انتى شوفتى منى اى حاجه وحشه قبل كده تخليكى محرصه منى اوى
مى :- وانا هحرص منك ليه احنا بنا ايه اصلا كل اللى بينا شغل بس مش اكتر علشان كده بحاول تملى افكرك علشان متتعداش حدودك
باسم :- انا عمرى ما فكرت اتعدا حدودى معاكى انتى اللى واخده فكره غلط عليا يا مى
مى :- انا اصلا مش شغله تفكيرى بيك علشان اخد فكره صح ولا فكره غلط انت مش اكتر من مديرى فى الشغل
باسم :- بس انتى اكتر من موظفه عندى يا مى
مى :- قصدك ايه
باسم :- قصدى وسكت شويه وبصلها وقال انا بحبك يا مى مش من النهارده ولا من امبارح لاء يا مى انا بحبك من زمان اوى من اول لقاء ما بنا فكراه لما خبطك بالعربيه شغلتى تفكيرى بحيويتك وطريقة كلامك بحركاتك العفويه كلك على بعضك شغلتينى واكدى الكلام ده لما قابلتك تانى مره فى فرح مليكه كنتى شبه الملايكه وانتى مغمضه انتى يوميها قولتى انا بعكسك وانا أنكرت بس فعلا انا كنت بعكسك كنت واقف اتفرج عليكى وانتى مغمضه عنيكى وبتتكلمى وكان عندى كلام كتير كان نفسه أقوله بس انتى كنتى شعنونه اوى ومشيتى وسبتينا بس اصلا لا الوقت ولا المكان مناسبين للكلام وبعد كده مشوفتكيش تانى قعد مع نفسى افكر فيكى وافكر فى الخطوه اللى هخدها دى صح ولا غلط وجه موضوع حادثة فهد وكنتى بشوفك يوميآ هناك بس برضه لا الوقت ولا المكان كانو مناسبين أن اتكلم معاكى ورجعنا تانى بعد ما فهد قام بالسلامه ودخل كذا موضوع فى بعض وكان تملى بتحصل حاجه تبعدنى عنك لحد ما فى يوم اخد القرار انا هاجى اكلمك بس للاسف كان الوقت فات كنتى اتخطبتى وكان فاضل على فرحك ايام وكانت دى صدمه كبيره بالنسبه ليا خلالها اتعرفت على نورهان مراتى اتشدت ليها علشان الشبه اللى ما بينها وبين مراتى الله يرحمها وعلشان أدبها برضه بس مقدرتش انساكى ويوم فرحك لما شوفتك بالفستان الابيض اتأكد انك خلاص مش ليا وشوفت نورهان فى الفرح من غير ما افكر طلبت منها الجواز لكن المشكله بدأت معايه بعد طلب الجواز قعد اكتر من خمس سنين مخطوبين مش قادر انساكى وهى كانت حاسه بكده أن فى حد فى قلبى غيرها بس كانت مقتنعه أن اللى فى قلبى مراتى اللى ماتت علشان كده استمرت معايه وحاولت تنسينى اللى فى قلبى لكن أنا للاسف مقدرتش انساكى واتجوزت نورهان بعد معاناه وعشت مشاكل كتير اول الجواز بسببك انتى بسبب أن مكنتش قادر انساكى لكن نورهان اعتقدت أن انا مش قادر انسا حبى لمراتى الاولانيه وكنا خلاص هنطلق لان اكتشفنا احنا الاتنين مش قادرين نعيش مع بعض تانى وراحت عند اهلها بس القدر وقف قصادنا ونورهان اغمى عليها وعرفنا انها حامل طبعآ كنا صعب نطلق وفى طفل جاى فى نص مش ذنبه حاجه ورجعت نورهان الفيلا وحاولت اعوضها اللى حصل منى وحاولت انساكى بس للاسف كنتى شغله مكان كبير اوى فى تفكيرى بس اللى صبرنى قولت اكيد انتى عايشه ومبسوطه مع الراجل اللي. اختاره قلبك ونورهان ولدت وجابت ليا فرحه وقررت اعيش لمراتى وبنتى لحد ما ظهرتى فى حياتى فاجئه وكل المشاعر اللى فى قلبى ليكى رجعت تانى واكتر من الاول انا مش قادر استحمل اكتر من كده يا مى انتى مش مجرد واحد اعجب بواحده وعايز يعيش يومين لاء يا مى انا بجد بعشقك وحبك كل يوم بيزيد اكتر من اللى قبله
مى :- كانت بتسمع الكلام ده وهى مصدومه وبعدين وقفت وقالت يا للقدر الكلام اللى كنت بتمنه أسمعه من جوزى راجل تانى غريب بيقوله ليا وايه كمان متجوز ومعاه طفله دموعها نزلت منها وصقفت وقالت برافو يا دنيا ادينى كمان وكمان اوعى تسبينى مبسوطه ابدآ وبصت لباسم وقالت وانت مفكر كده هحبك بعد الكلام اللى سمعته ده لاء يا باسم انت نوع تانى من الرجاله وبرضه كرهتنى فيه زى ما مازن كرهنى فى جميع انواع الرجاله انت من النوع الخاين وده اوسخ مليون مره من نوع مازن كلكم رجاله عايزه القتل وكل يوم الدنيا تثبت ليا أن انتو اقذر شئ موجود فى الارض انت عارف معنى كلامك ايه انت حملتنى ذنب مراتك وبنتك ان انا واخده منهم الاهتمام بتاعهم حرام عليك انا نقصه ليه ليه بتعملوا فيه كده ليه هو مفيش غير انا اللى قدمكم بتموتو فيا كملت عليا يا باسم وحطيت حمل تقيل تانى على قلبى بس ده اصعب الف مره من اى حمل انا ست وحاسه بأحساس مراتك دلوقتى حاسه قد ايه مجروحه وموجوعه من جواها حاسه بالضغط النفسى اللى هى عايشه فيه والصراع اللى جواها الصراع اللى نهيته هتبقى قلب متقطع ومجروح وفاقد لذة الحياه جسد منهك وتعبان من قلة النوم والتفكير صراع ما بين عقلها وقلبها وفى الاخر هينتهى بموت واحد فيهم صراع أن هى تعيش معاك علشان خاطر بنتها وتيجى على كرامتها ولا تبعد عنك وتحرم بنتها من العيشه مع ابوها اللى هو احتمال كبير مش بيسأل فيها اصلا وتكسب كرامتها وفى تلك الحالتين روحها بتموت اقسم بالله انا بتكلم عن واحده عشت احساسها لحظه بلحظه وعارفه ومتأكده باللى هى عايشه اتقى ربنا فيها وفى بنتك وبلاش تحملنى ذنب مش قده بالله عليك وسابته ومشيت
باسم :- بص عليها لحد ما اختفت وقال ياريت الفعل سهل زى الكلام كده يا مى مكنش حد تعب وقعد على الأرض وبص على البحر وسرح فى كلام مى
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى اوضت جومانه وفارس
طلع فارس الاوضه وكانت جومانه قعده على الكنبه
فارس :- قعد جنب جومانه وقال طلعتى تجرى ليه وانا بكلمك
جومانه :- ع.ع عادى يعنى طلعت الاوضه ع.ع.علشان اريح شويه
فارس :- بغمزه بس
جومانه:- ا. ا.اه يعنى هيكون ليه
فارس :- والله شوفى انتى بقى
جومانه :- ب.ب.بطل كلام بقى واوعى علشان عايزه انام
فارس :- هتنامى هنا
جومانه :- اه
فارس :- طيب ما تنامى على السرير
جومانه :- وانت هتنام هنا على الكنبه
فارس :- لا هنام برضه على السرير
جومانه :- هههه خفه قوم اخلص
فارس :- ده انا زى جوزك يعنى مش حد غريب
جومانه :- فارس
فارس :- هنام بأدبى مش هعمل حاجه
جومانه :- فارس بطل قلة ادب وروح نام على السرير علشان عايزه انام
فارس :- روحى نامى انتى طيب وانا هنام على الكنبه
جومانه :- انت مش واخد بالك من طول الكنبه وطولك دى يدوب تاخد نصك بص
فارس :- قومى انتى بس ملكيش دعوه
جومانه :- والله انت حر وقامت وقالت تصبح على خير ونامت على السرير
فارس :- وانتى من أهله ونام على الكنبه وكانت صغيره اوى عليه
جومانه :- أدت ضهرها لفارس ونامت وراحت فى النوم
فارس :- قعد يبص عليها
جومانه :- اتقلبت والغطا وقع من عليها وهدمها اترفعت شويه من على جسمها
فارس :- اتفاجئ باللى حصل واتوتر وحاول يغير وشه بس كانت الكنبه مش مريحه قام قعد وقعد يبص على جومانه وقال وهو متوتر ده ايه الليله اللى مش معديه دى دا الواحد ماسك نفسه بالعافيه يارب هون على الواحد بقى احسن ده الواحد بينهار
جومانه :- اتقلبت تانى وهدومها اترفعت اكتر
فارس :- يانهار اسود ومنيل الله يحرقك يا شيخه وقام وقف فى الشباك ياخد شوية هوا
جومانه :- صحيت بصت على الكنبه ملقتش فارس بتبص على الشباك لاقته وقف فيه بصت على نفسها لاقت نفسها هدومها مرفوعه والغطا واقع من عليها قالت يا خبر اسود يا فضحتك يا جومانه الراجل شاف جسمك سامحنى يارب وبعدين سكتت وقالت ايه الهبل اللى بعمله ده ده جوزى يعنى عادى بس برضه هبص فى وشه ازاى يا كسوفى وفى الوقت ده دخل فارس ولاقه جومانه بتكلم نفسها
فارس :- جومانه انتى اتجنيتى بتكلمى نفسك
جومانه :- ها ونزلت هدومها ومدت ايديها على الأرض تجيب الغطا ووقعت على الأرض وقالت اااااااه يا ضهرى ده ايه اليوم الغريب ده
فارس :- طلع يجرى عليها وقال جومانه انتى كويسه
جومانه :- ما اعتقدش ممكن يكون الفقره اتنقلت من مكانها ااااااااه يا فقراتى يا انى الفقره التانيه لالالا دى التلاته لا ده العمود الفقري كله ااااااه يا عمودك يا جومانه
فارس :- ههههههههه طيب هاتى ايدك اقومك ومد أيده ليها
جومانه :- مدت ايديها وقالت براحه بس
فارس :- جه يشد ايديها
جومانه :- لالالا مش قادره انا اتكسرت الحمدالله
فارس :- ساب ايديها ونزل عندها وحط أيد تحت رجليها وايد وراه ضهرها وشالها
جومانه :- اتفاجئت من حركة فارس واتكسفت ووشها احمر
فارس :- حطها على السرير وبص فى عينيها وقال مرتاحه كده
جومانه :- وهى مكسوفه ا.ا.اه ش.ش.شكرآ
فارس :- العفو انا فى الخدمه وتحت امر عمودك الفقرى فى اى وقت
جومانه :- احم ش.ش.شكرآ
فارس :- نيمها وغطها وبسها فى خدها وقال تصبحى على خير وابقى لفى الغطا كويس عليكى علشان ميقعش تانى
جومانه :- كان قلبها هيقف عليها من الكسوف وقالت ح.ح.حاضر وغمضت عينيها علطول
فارس :- ضحك على منظرها الطفولى وراح على الكنبه وحاول ينام وبعد وقت طويل نام
