 |
رواية عشقت كبريائي فهد ومليكة الجزء الثالث (لقاء الاحبة) الفصل الثامن عشر بقلم دودو محمد
فى شركة فهد المنشاوى
فى مكتب عدى
خلص عدى شغله ولسه بيقوم من على مكتبه لاقه روان داخله
عدى :- روان جايه ليه
روان :- راحت عنده وحضنته وقالت واحشنى يا بيبى
عدى :- شال ايديها من عليه وقال روان مش هنخلص بقى مش قولتلك كل شئ قسمه ونصيب جايه ليه
روان :- مشت ايديها على صدره وقالت اصل انا اكتشفت أن بحبك اوى اوى ومستحيل هسيبك تضيع من ايدى ومش هسمح لاى واحده تخدك منى وهعمل بكل طريقه وهرجعك ليا
عدى :- بعد عنها وقال وانا قولتلك أن قلبى مع واحده تانيه ومستحيل احب ولا افكر فى واحده غيرها وقعد على كرسى المكتب
روان :- راحت قعدت قصاده على حرف المكتب وقالت يبقى بتأذيها
عدى :- قصدك ايه
روان :- قصدى عليا وعلى أعدائى متعودتش اسيب لحد حاجه انا عايزها وانت ممتلكاتى الخاصه اللى يفكر يقرب منك هيروح وراه الشمس
عدى :- بتهديدينى يا روان
روان :- طق يا قلبى مش بهدد وقت التهديد راح لان معايه ده وطلعت ظرف من شنتطها وادته لعدى
عدى :- بأستغراب ايه ده
روان :- افتحه يا بيبى
عدى :- فتحه واتصدم لما شاف صور ليه هو ومى وهما بيبوسه بعض وصور وهى مى فى حضنه وصور وهو عدى ماسك ايديها بيبوسها بص لروان وقال انتى ازاى تعملى كده
روان :- ما قولتلك يا بيبى عليا وعلى اعدائى ولو مرجعتش لعقلك ورجعتلى وبعد عن الطفله دى الصور دى والفلاشه اللى فيها فيديو ليكم مع بعض هيكون عند العيله كلها شوف بقى ايه هيحصل لحبيبت القلب من ابوها واخوها وشوف صدمت العيله فيها وفيك والمشاكل اللى هتحصل كل ده بسببك
عدى :- مستحيل ابعد عن مى مستحيل
روان :- براحتك يبقى انت مش خايف عليها
عدى :- مسكها من دراعها وقال بعصبيه انتى ايه شيطانه انا ازاى اتخدعت فيكى بالشكل ده انتى اكبر غلطه فى عمرى
روان :- انا بحبك يا عدى ومش هبعد عنك
عدى :- زقها وقعد على الكرسى وقال انتى عايزه ايه ياروان
روان :- رجعنى ليك انشالله فى السر وانا هكون خدمتك وملك ايديك
عدى :- ياروان افهمى مقدرش اعمل كده لو مى عرفت مستحيل تسامحنى
روان :- م.م.محدش هيقولها حاجه ولا حد هيعرف حاجه يكفينى تكون جنبى وانام فى حضنك أنشالله ساعه فى اليوم مش محتاجه اكتر من كده
عدى :- سكت ومردش عليها
روان:- وقفت قصاده وقال عدى احنا لسه فى شهور العده ردينى ليك وقعدنى فى اى شقه وصدقنى مش هعمل ليك اى مشاكل ولو عايز تتجوز مى اتجوزها المهم اكون ليا فيك جزء
عدى :- والصور والفيديوهات
روان :- كلها هتبقى معاك
عدى :- عايزانى اصدقك هاتيهم
روان :- لما تردنى الاول ليك ونقضى ليله مع بعض
عدى :- غمض عينه وقال قرار صعب يا روان سبينى افكر وهرد عليكى
روان :- ماشى يا قلبى هستنا لقائك على نار وبسته فى خده واخدت شنتطها ومشيت
عدى :- حط أيده على راسه وقال هتعمل ايه يا عدى فى المصيبه دى لو رفض هخسر مى ولو وافقت هخسر برضه مى وبعدين بص على الصور اللى على مكتبه وقال بس لو حد شاف الصور دى من العيله المشاكل هتكتر وممكن يوسف يأذى مى
ولو وافقت مى هخسرها العمر كله ومستحيل هترضا تبص فى وشى و لو حكيت ليها هتختار البعد علشان هتخاف ااااااااااه يارب اعمل ايه بس اخد الصور من على المكتب وخرج ركب عربيته وخبى الصور علشان مى متشفهومش وراح ليها على الكليه ووقف استناها لحد ما خرجت
مى :- ركبت العربيه وضحكت وقالت هاى
عدى :- ازيك يا قلبى
مى :- تعبانه جدآ ومرهقه ودماغى فيها مزيكا حسب الله
عدى :- بعدالشر عنك يا حبى
مى :- مالك يا عدى
عدى :- بتوتر م.م.مفيش مالى
مى :- مش عارفه حاسه انك متغير ومتوتر كده وفى حاجه شاغله تفكيرك
عدى :- من الشغل بس يا قلبى
مى :- اقولك على حاجه حلوه
عدى :- قول
مى :- شغلت الاغانى فى العربيه وقالت غنى معاهم وأجرى بالعربيه هتحس كأنك طاير
عدى :- ده على اساس انك مصدعه
مى :- اه مصدعه والطريقه دى الصراحه بضيع الصداع من عندى
عدى :- مجنونه وشغل العربيه ومشى
مى :- شغلت أغنية أنا طبعى كده وخلت الصوت عالى جدآ وقعدت تغنى معاها وترقص
عدى :- كان بيبص عليها ويضحك وكان فرحان بوجودها جنبه وافتكر كلام روان سرح وبقى يسرع العربيه من غير ما يحس
مى :- كانت فرحانه بسرعة العربيه وطلعت راسها من شباك العربيه وشعرها قعد يطير وتصرخ وتقول ووووواااااووووو
عدى :- فاق على صوت مى واخد باله من سرعة العربيه بيبص لاقه مى مخرجه راسها من الشباك وعماله تصرخ هدا السرعه شويه وشد مى دخلها من الشباك
مى :- ايه فى ايه
عدى :- بعصبيه انتى مجنونه ايه شغل العيال ده
مى :- فى ايه يا عدى كنت فرحانه بالهوا
عدى :- بعصبيه افرضى عربيه جت من وراه وحصلك حاجه
مى :- عدى انت بتتعصب عليا
عدى :- ايوه يا مى بتعصب عليكى انتى واحده مستهتره وطايشه ياريت بلاش شغل العيال ده وتعقلى شويه
مى :- دموعها نزلت منها وقالت روحنى يا عدى
عدى :- بلاش والنبى نكد يعنى انتى كمان اللى غلطانه وبتزعلى
مى :- بعصبيه عدى بقولك روحنى
عدى :- بعصبيه اكتر وبصوت عالى مىىىىىىى اياكى حسك عينك صوتك يعلى عليا فهمه
مى :- لاء مش فاهمه يا عدى وانا صوتى يعلى زى ما انا عايزه مش باخد أوامر من حد
عدى :- وقف العربيه مره واحده وقال ودينى وما اعبد يا مى لو متلمتيش لهوريكى
مى :- هتعمل ايه يعنى هتمد ايدك عليا مثلا
عدى :- اه يا مى امد ايدى عليكى
مى :- ده لا انت ولا عشره زيك يعملوها وفكر كده وانا اكسرك دراعك
عدى :- رفع أيده وقال شكلك عايزه تتربى من اول وجديد
مى :- مسكت أيده وقالت اياك تفكر تعملها ومن هنا ورايح انسا أن ما بنا حاجه ولا حتى ولاد خاله وفتحت باب العربيه ونزلت وفى الوقت ده كانت جايه عربيه بتجرى
عدى :- شاف العربيه جايه على مى نزل يجرى على مى وشدها فى حضنه قبل ما العربيه توصلها
مى :- ابعد عنى
عدى :- ضمها اكتر ليه وبسها فى راسها وقال حقك عليا متزعليش
مى :- بدموع ابعد عنى يا عدى
عدى :- مقدرش ابعد عنك اموت يا مى ولله اعصابى مشدودة ومش عارف عملت كده ازاى
مى :- مش انا يا عدى اللى تتعامل المعامله دى
عدى :- عارف حقك عليا بقى تعالى اركبى بقى وحيات اغلى حاجه عندك
مى :- لاء يا عدى وسابته ومشت وقفت تاكسى وركبت وروحت الفيلا
عدى :- خبط بأيده على العربيه وقال يااااارب مش عارف اعمل ايه وخايف اخسر مى وركب عربيته وروح على الفيلا
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عند مليكه فى الكليه
كانت ماشيه وندهت عليها ولاء
ولاء :- ملوكا يا ملوكا
مليكه :- بصت وقالت ايوه يا ولاء
ولاء:- بقولك وراكى حاجه
مليكه:- لاء خلصت وهروح البيت
ولاء :- طيب استنى أبيه ايمن جاى يوصلك معانا بالمره
مليكه :- ها ل.ل.لاء شكرآ هركب تاكسى
ولاء :- طيب وليه وجع القلب ده ما العربيه موجوده وهتوصلك لحد البيت
مليكه :- م.م.معلش سبينى على راحتى باى ولسه هتمشى
ايمن :- مليكه استنى
مليكه :- اول ما سمعت صوته اتوترت وغمضت عينيها تهدى نفسها
ولاء :- هههههههه انتى بتعملى ايه هتنامى ولا ايه
مليكه :- اتلمى يا ولاء معرفتك سوده ومنيله بطين وفى الوقت ده ايمن جه وقال اذيكم يا بنات
ولاء :- انا فله شمعه منوره
ايمن :- اتكتمى انتى وبص لمليكه وقال اذيك يا مليكه
مليكه :- ك.ك.كويسه
ولاء :- تصدق انها كانت ماشيه ومش راضيه تركب معاك ههههههههههه
مليكه :- لنفسها اشوف فيكى يوم يا بعيده
ايمن :- ليه طيب
مليكه :- ها م.م.مش عايزه اعطلكم انا هركب تاكسى
ايمن :- مستحيل طبعآ هسيبك تركبى مع واحد غريب وانا موجود اتفضلى يلا
ولاء :- اياكى تعترضى معاه كلبشات ايه مقولكيش عليها ياما حطهم فى ايدى وذلنى علشان يفتحهم
مليكه :- هههههههههههههههه
ايمن :- يخربيت كده يا شيخه هو فيه فى الجمال ده امشو يلا
ولاء :- قربت على ودن مليكه وقالت يخربيتك جننتى الراجل
مليكه :- اشوف فيكى يوم زى ما انتى بتحطينى فى مواقف لا احسد عليها الصراحه
ولاء :- يارب الاقى واحد كده شبه ابيه ايمن
ايمن :- انتو بتقولو ايه
ولاء :- مليكه بتقول
مليكه :- حطت ايديها على بؤق ولاء وبصت لايمن وقالت ولا حاجه مش بنقول حاجه خالص
ولاء :- امممم اممممم
مليكه :- شالت ايديها
ولاء :- يخربيتك كنت هروح فيها يا جزمه
مليكه :- علشان تحطى لسانك جوه بؤقك
ايمن :- انا حاسس أن واقف مع طفلتين
ولاء :- بس والنبى مزز صح يا أبيه
ايمن :- ده على اساس انك حاسبه نفسك من البنات
مليكه :- ههههههههههه
ولاء :- كده يا أبيه ماشى
ايمن :- امشو يلا
مليكه :- مشت هى وولاء ومشى وراهم ايمن وراحو عند العربيه ولسه مليكه هتركب وراه
ولاء :- لاء يا حلوه اركبى انتى قدام اصل انا بحب انام وأفرد رجليه
مليكه :- قرصتها وقالت وربنا لاوريكى
ولاء :- ااااااه
ايمن :- ركب العربيه وقال يلا يا بنات
ولاء :- ركبت وراه وسابت مليكه
ايمن :- يلا يا مليكه
مليكه :- ح.ح.حاضر وركبت قدام جنب ايمن وجت تحط حزام الامان معرفتش
ايمن :- قرب منها ومسك حزام الامان وحطه ليها
مليكه:- اتوترت وقالت ش.ش.شكرآ
ايمن :- العفو وغمز ليها وشغل العربيه ومشى بيهم وصل مليكه الفيلا وراح على البيت
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى المستشفى
فاقت جومانه وكان فارس قاعد جنبها على الكرسى وماسك ايديها ونايم
جومانه :- سحبت ايديها من ايد فارس
فارس :- قام مفزوع من حركة جومانه وقال جومانه انتى كويسه
جومانه :- لاء مش كويسه طول ما انت قصادى يا فارس
فارس :- جومانه أنا غلط فى حقك وعارف أن ليكى حق تعملى كده بس بجد انا ملمستهاش اقسم بالله كل اللى كان بينا اننا نروح الكافيه نشرب حاجه نتكلم كلمتين بس مش اكتر
جومانه :- برضه خيانه يا فارس خيانه لما تسبنى بساعات قلقانه عليك وتكون انت قاعد معاها وبتحب فيها خيانه لما فكرت فى واحده من دور ولادك انا بجد مصدومه فيك انت يا فارس تعمل كده فيا ط.ط.طب ليه ده انا طول عمرى عشت مخلصه ليك اه كنت بتعصب وبزعق وده طبيعى من ضغوطات الحياه ومذكرت الاولاد لكن انت عارف قلبى مكنش فيه حد غيرك للاسف حبيتك واخلصت ليك لكن انت قدمت الخيانه قصاد كل ده
فارس :- اعتبريها نزوه يا جومانه وسامحينى انا عارف قلبك طيب ومش ههون عليكى زى ما بتعملى علطول وتسامحينى
جومانه :- للاسف يا فارس الست تسامح فى اى حاجه الا الخيانه
فارس :- بقولك ملمستهاش
جومانه :- مجرد تفكيرك فيها وانا جنبك دى خيانه طلقنى يا فارس مش هقدر اعيش معاك بعد اللى حصل
فارس :- بلاش علشان خاطرى علشان خاطر الاولاد
جومانه :- ولادك مش صغيرين كبرو ويقدرو يعتمدو على نفسهم
فارس :- احنا مش عشرة يوم ولا اتنين يا جومانه احنا عشرة سنين طويله عشناها مع بعض على الحلوه وعلى المره
جومانه :- وانت اللى خونت العشره يا فارس مش انا
فارس :- حقك عليا
جومانه :- فارس متحاولش معايه مش هقدر اعيش معاك تانى فى مكان واحد طلقنى
وفى الوقت ده دخل كريم وراح قعد جنب جومانه على السرير وباس راسها وقال
كريم :- عامله ايه دلوقتى يا ماما
جومانه :- كويسه
كريم :- طب الحمدالله
جومانه :- كريم قول لابوك يبعد عنى ويطلقنى
كريم :- يا ماما يا حبيبتى بلاش تخدى قرارات وانتى متعصبه علشان متندميش أهدى وبعدين فكرى بهدوء والقرار اللى هتخديه هنفذه ليكى حالا
جومانه :- انا مستحيل ابص فى وشه تانى
كريم :- اللى انتى عايزاه كله هيتنفذ بس أهدى
جومانه :- انا مش هروح معاه انا هروح اقعد فى فيلا بابا الله يرحمه
فارس :- لاء مستحيل اسيبك تقعدى لواحدك
جومانه :- بصت لكريم وقالت والله حاجه متخصهوش
فارس :- جومانه مش هسيبك تروحى اى مكان
جومانه :- كلامك مش هيمشى عليا يا فارس
كريم :- اهدو انتو بس بابا لو سمحت ثوانى وبص لأمه وقال خلاص تعالى معانا الفيلا واقعدى فى اوضك لوحدك
جومانه :- لاء مش هرجع الفيلا
كريم :- بابا سبها براحتها وانا هقعد معاها لحد ما اعصابها تهدا
فارس :- ماشى براحتك يا جومانه وخرج من الاوضه
كريم :- قام وراح وراه ابوه
جومانه :- قعدت تعيط
كريم :- بابا بابا
فارس :- عايز ايه يا كريم
كريم :- متزعلش من ماما هى بس مصدومه من اللى عرفته واكيد لما تهدا هتفكر بقلبها وهتختارك
فارس :- عارف ان جرحتها يا كريم بس انا بحبها ومقدرش استغنا عنها
كريم :- وهى كمان بتحبك وعلى فكره متقدرش هى كمان تستغنا عنك بس كرامتها وجعها شويه
فارس :- خلى بالك منها يا كريم وهتصل بيك كل يوم اطمن عليها
كريم :- حاضر متخفش وبسمله هتكون معاك علشان لو احتاجت حاجه تعملها ليك
فارس :- ماشى وسابه ومشى
كريم :- رجع تانى لجومانه
جومانه :- لما شافت كريم مسحت دموعها
كريم :- قعد جنبها وقال مدام انتى بتحبيه اوى كده ليه عايزه تبعدى عنه وانتى عارفه ومتأكده انه بيحبك
جومانه :- صعبانه عليا نفسى اوى من اللى عامله فيا انا مصدقه أن هو ملمسهاش بس موجوعه اوى على أن هو فكر يخرج مع واحده ويتكلم معاه ويهزر معاها شعور صعب اوى بالنسبه ليا
كريم :- ضمها لحضنه وقال يا ماما بابا بيحبك بس بابا اضحك عليه من عيله حاولت تعمل بكل طريقه توقعه فيها علشان يصرف عليها وتاخد منه قرشين وانتى الكبيره المفروض تقفى جنبه وتمنعيه من كده ومتديش فرصه للبنت دى انها تضحك عليه اكتر من كده وتاخده منك الموضوع لسه فى أوله رجعيه ليكى احسن ما الموضوع يكبر ويدخل فى جواز وسعتها هتبقى انتى اللى خسرتى مش هو
جومانه :- مش قادره يا كريم كل ما بشوفه افتكر اللى هو عمله
كريم :- خلاص يا ماما اقعدى يومين تلاته فى الفيلا ريحى اعصابك شويه وبعدين ارجعى تانى بيتك وحافظى على جوزك وشوفى ايه النواقص اللى فيكى خلت بابا يدور عليها بره فى حد تانى
جومانه :- عيطت وقالت انا تعبانه اوى يا كريم اوى
كريم :- طبطب عليها وقال ششششش أهدى يا ماما كل حاجه هتبقى تمام
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا باسم
فى اوضت تيلا
كانت بتجهز نفسها وتليفونها رن برقم يوسف
تيلا :- فتحت وقالت الو
يوسف :- ايوه يا تيلا خلصتى
تيلا :- اه جهزت ونازله اهو
يوسف :- ماشى
تيلا :- يوسف انت زعلان
يوسف :- هزعل ليه وانتى عملتى حاجه تزعل
تيلا :- اللى حصل فى المكتب ده كان هزار بالله عليك بلاش نكد انا فرحانه أن هشوف خالتو مها وعمو اسر
يوسف :- بس هزار تقيل يا تيلا
تيلا :- خلاص يا عم فكها شويه
يوسف :- ماشى
تيلا :- طيب توت توت انشالله اموت لو زعلان
يوسف :- بلهفه بعد الشر عليكى يا توته متقوليش كده تانى ربنا يخليكى ليا
تيلا :- ايوه كده يا حبى بموت فيك
يوسف :- وانا بعشقك سلام
وقفلت تيلا مع يوسف وجهزت نفسها ونزلت
مى :- رايحه المطار
تيلا :- ايوه يا ماما
مى :- واحنا هنستناهم فى الفيلا وخلتك مليكه وعيالها برضه جاين
تيلا :- بستها فى خدها وقالت باى
مى :- مع السلامه يا قلبى
ومشت تيلا وراحت عند يوسف الفيلا سابت عربيتها وركبت مع يوسف
تيلا :- يويو واحشتنى
يوسف :- وانتى اكتر وقرب بسها فى خدها
تيلا :- حطت ايديها على خدها مكان ما يوسف بسها وقالت بكسوف يوسف
يوسف :- قلب يوسف وشغل العربيه ومشى راح على المطار وانتظر هو وتيلا وصول الطياره وبعد وقت قصير وصلت الطياره وخلصت مها الإجراءات وراح يوسف جرى عليهم وقال
يوسف :- ماما واترمى فى حضنها وباس ايديها وقال واحشتنى اوى اوى يا ام يوسف
مها :- قعدت تبوس فى كل حته فى وشه وتحضن فيه وتقول ابنى حبيبى واحشتنى يا عمرى يا ضى عنيا
يوسف :- وانتى اكتر يا ست الكل وحضنها جامد وباس راسها وبعدين بص على ابوه وراح حضنه وقال واحشتنى يا ابو يوسف
اسر :- بتعب وانت اكتر يا قلبى عامل ايه
يوسف :- نزل باس أيده وباس راسه وقال انا كويس طول ما انتو بخير بس ايه يا حاج انت غيرت قلبك وجدد شبابك هناك ولا ايه ده انت بقيت اصغر منى
اسر ومها بصو لبعض
مها :- انت بتهزر ده ايه اللى حصل فى الدنيا
يوسف :- شد تيلا وقال دى اللى رجعت ليا الحياه من تانى
اسر ومها مكنش حد فيهم مصدق نفسه
مها :- شدته وقالت ليه مين دى وعرفتها ازاى
يوسف :- رجع حط أيده على كتف تيلا وقال شوفتى خالتك يا توته مش عرفاكى
مها :- خالة مين وتوته مين انت بتقول ايه
تيلا :- بدموع فرحه ا.ا.انا تيلا يا خالتو وطلعت تجرى عليها واترمت فى حضنها
مها :- مش مصدقه نفسها وقالت ت.ت.توته حبيبت قلبى ياروح خالتك ط.ط.طب ازاى وأمته وقعدت تبوس فيها وضمتها جامد
تيلا :- واحشانى اوى اوى يا خالتو واحشانى خفت دمك وكلامك وحنيتك عليا وكل حاجه فيكى
مها :- انا اكتر ياروحى بس بقيتى عروسه زى القمر
تيلا :- ربنا يخليكى يا خالتو وبصت لأسر وقعدت على ركبها وباست أيده وحضنته وقالت عامل ايه يا عمو
اسر :- بتعب الحمدالله يا بنتى فرحان اوى انك رجعتى تانى لينا كان نفسى اكون بصحتى علشان اقدر اخدك فى حضنى يا حبيبت عمو
تيلا :- حطت راسها على صدره وقالت كفايه عليا سمع دقات قلبك فرحانه بيا وبعدين على رأى يوسف ده اللى يشوفك يقول عليك اصغر منه ماشاءالله اصغر واحلى كمان وغمزت ليه
اسر :- بتعب هههههههه لسه لمضه زى ما انتى يا اروبه
تيلا :- وانت لسه عسل زى ما انت
مها :- انا ملاحظه انك بتقطعى عليا وبترسمى على جوزى
تيلا :- ههههههههه الصراحه اه اصل مع العمر زاد حلاوه ووسامه
يوسف :- طب لمى نفسك احسن
اسر :- هههههههه مش هنخلص منهم هما الاتنين
تيلا :- ههههههههه على رايك يا اسو وبعدين خالتو مها ممكن تقتلنى وتدفنى مكانى ده كله الا انت يا اسو
الكل :- ههههههههههههههه
مها :- ايدك معايه يا يوسف سند ابوك
تيلا :- لاء سبيه ليا انا ويوسف وراحت عنده واسر حط ايد على كتف يوسف وايد على كتف تيلا وساعدو وحطوه فى العربيه جنب يوسف وتيلا ومها ركبو وراه
تيلا :- نامت فى حضن مها وقالت واحشنى اوى حضنك يا خالتو
مها :- طبطبت عليها وبستها فى راسها وقالت وانتى كلك على بعضك واحشتينى وكانت واحشانى ضحكت يوسف وانتى رجعتيها ليه من تانى بجد انا حاسه نفسى بحلم مش مصدقه نفسى انك رجعتى تانى يا توته بس احكيلى كنت فين كل ده
تيلا :- حكت ليها اللى حصل معها
مها :- الواطى الجبان يعنى يسيب بنته تغرق ده الحيوان عنده رحمه عنه
يوسف :- واخته جايه تقول كلام اهبل مفكرين أنهم بيكلمو عيال
مها :- كلام ايه
يوسف :- حكا ليهم اللى حصل
مها :- ايوه كده انا كنت شاكه فى تصرفاته لان مكنش هو هو البنأدم اللى قابلنا واتكلمنا معاه شكله كان فيه حاجه غلط وكلامكم دلوقتى أكد شكوكى أن هو مريض نفسي كان واضح اوى
تيلا :- ياريت ربنا كان اخده وارتحنا منه ده حرام عليه يعيش وسط البنأدمين
اسر :- بتعب بس مهما يكون يا توته ده ابوكى وعرفنا تصرفاته دى ليه يعنى كان غصب عنه
تيلا :- متقولش ابوكى انا بكرهو ومستحيل افكر اسامحه ومهما يكون السبب برضه هيفضل فى نظرى بنأدم زباله
يوسف:- ايوه يا بابا تيلا عندها حق مهما تكون الحقيقه مش هيرجع لينا سنين العمر اللى راحو مننا فى أيام الفراق ووجع القلب والحزن
مها :- بس فعلا يا توته مازن مكنش بنأدم وحش اول ما شفنا وكان معيش امك فى اول سنه ليها جواز اسعد واحده وكان حنين اوى عليها وكان معانا بنأدم كويس جدآ بس بدأ أسلوبه يتغير بشكل غير طبيعى
تيلا :- خالتو بالله عليكى بلاش نتكلم عنه كتير سيرته بتعصبنى خلينى فرحانه برجوعكم لينا
مها :- ربنا يصلح ليكم الحال
وفى الوقت ده وصل يوسف بالعربيه وكان الكل منتظره وبعد الترحيب بيه يوسف وعدى ساعدو اسر ودخلو جوه الفيلا
مى الكبيره :- والله العظيم واحشتونا
مها :- وانتو اكتر والله ده اسر كان مش على بعضه وعايز يرجع هنا فى وسطكم بأى طريقه
مليكه الكبيره :- المهم الحمدالله عمل العمليه وبقى كويس
مها :- ده انا اللى كنت بموت مش هو وبالذات الوقت اللى دخل فيه العمليات كنت حاسه ان روحى بتروح منى
فهد :- حمدالله على السلامه بجد البلد رجعت نورت بوجودكم فيها
مها :- ربنا يخليك يا فهد
باسم :- قعد تقول كبرنا كبرنا لحد ما انت اللى خستعت اولنا
اسر :- هههههه ماهو انا واقعى علشان كده اول واحد حصل فيه كده
مى الكبيره :- اخيرآ سمعت صوتك ده انا قولت انك اخرسيت بعد العمليه
اسر :- بتعب اتلمى يا اوزعه انتى لسه فيكى نفس
مى الكبيره :- ايوه ومش هيبقى فيا نفس ليه الدور والباقى عليك يا زرافه سلمت نمر بدرى اوى
اسر :- اصبرى شويه بس أشد حيلى وهطلع عنيكى يا اوزعه
مى الكبيره :- ههههههههه وانا مستنيه يا زرافه
اسر :- تويتى
مى الكبيره :- نخله
مليكه الكبيره :- هههههههه من زمان اوى مضحكناش عليكم انتو الاتنين
مى الكبيره :- البركه فى الاشبال الصغيره الجيل الجديد مليان بخفة الدم عندك مى بسبع لسانه وعندك عمار ده مشكلة المشاكل وعندك جاكلين طقه ومجنونه وكريم ابن فارس ده برضه مشكله ده غير الرومانسي
جاكلين :- انا يا خالتو ده انا عقله جدآ
مى الكبيره :- اه وست العاقلين كمان
مليكه الصغيره :- بس انا يا خالتو مليش فى جو الجنان ده
مى الكبيره :- لاء انتى اسم على مسمى طلعه نسخه من خالتك مليكه
مليكه الكبيره :- كانت قعده جنبها ضمتها وقالت حبيبت قلب خالتها دى
مليكه الصغيره :- ربنا يخليكى يا خالتو
مها :- وقفت وقالت تعالى يا مليكه تعالى يا مى الاربعه وقفو وقالو احنا
مها :- هههههههههه لاء مش التوأم انا بقول لمليكه ومى الكبار اصلهم واحشنى وعايزه اتكلم معاهم كتير
مليكه الكبيره:- تعالى
ودخلو التلاته قعدو فى الاوضه مع بعض
فهد :- بص للشباب والبنات وقال اطلعو انتو اقعدو براحتكم مع بعض وسبونا احنا العواجيز مع بعض
الشباب :- ماشى وخرج الشباب والبنات الجنينه
وسابو فهد وباسم واسر مع بعض
فهد :- عملت ايه مع العريس
باسم :- مش قادر أفهمه عينه فيها نظره غريبه مش قادر افهمها طريقه كلامه مش مريحانى بس حاسس أن فرحه مرتحاله
فهد :- عرفت اسمه ايه
باسم :- ايوه اسمه وحيد مجدى الجلاد
فهد :- يعنى مش ابن امجد وسحر زى ما كنت مفكر
باسم :- ايوه مش ابنهم بس برضه مش مرتاح للغموض بتاعه
اسر :- انا مش فاهم حاجه عريس مين وابن مين
فهد :- ده عريس متقدم لفرحه بس أمه ماتت مقتوله واللى قاتلها ابوه واتعدم باسم شك ليكون ابن امجد وسحر بتوع زمان
اسر :- مين سحر وامجد
باسم :- يا ابنى اللى ضرب فهد بالرصاص واتحبست مليكه فيها ظلم
اسر :- ايوه صح افتكرت بس ايه هيفكرهم بينا دلوقتى
باسم :- مش عارف انا لما سمعت القصه دى اول ناس جت فى تفكيرى هما وحتى بعد ما قابلته واتكلمت معاه قلقت اكتر
اسر :- ارفضه
فهد :- بنته شكلها بتحبه
اسر :- قررت ايه طيب
باسم :- مش عايز اظلمه هخلى يوسف يسأل عليه كويس
فهد :- واللى فى الخير يقدمه ربنا
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عند مها ومى ومليكه
مها :- انا فرحانه اوى برجوع تيلا وفرحانه برجوع ضحكة يوسف ابنى انا مصدقتش نفسى لما لاقيت يوسف بيضحك ولما عرفنى على تيلا حسيت نفسى بحلم
مليكه :- كلنا فرحنا برجوعها تيلا جت وجابت الفرح معاها
مى :- بس يارب نفضل سعاده كده متجيش حاجه تعكنن علينا
مها :- ليه بتقولى كده
مى :- بعد السنين الكتيره دى جايه اخت مازن وتقولنا أن مازن كان مريض نفسى
مها :- اه تيلا ويوسف حكو لينا وتيلا رفضه تسامحو ولا تديه اى اعذار
مى :- ولا انا يا مها مش قادره انسا اللى حصل منه ووجع قلبى طول السنين دى كلها مهما كان عذره
مليكه :- بس اقولك حاجه انا صعب عليا مازن اوى لان احنا كلنا شوفنا مازن على حقيقته شوفنا طيبته وشهامته
مها :- عندك حق يا مليكه مازن كان كويس اوى قبل اللى حصله ده
مليكه :- ومتنكريش أن لما كان بياخد علاجه كان حنين اوى عليكى يا مى
مى :- محدش فيكم جرب حرقة القلب والوجع اللى عشته بسببه صدقونى ده انا كنت بموت مليون مره فى اليوم وبعدين ايه دخل مرضه فى اللى كان بيعملو فيا ولا جوازه عليا من غير اى سبب ولا مبرر وازاى جاله قلب يسيب بنته تغرق فى البحر من غير ما ينقذها هو فعلا عيشنى احلى سنه فى حياتى بس قصادها عيشنى اتعس سنين حياتى محدش شاف ولا جرب اللى انا عشته مازن ده اخر واحد افكر اسامحو على اللى عملو فيا و فى بنتى ابدآ
مها :- أهدى يا مى احنا بنقول رأينا مش اكتر وانتى وراحتك محدش بيغصبك على حاجه
مليكه :- احنا بنقول كده علشان تيلا مهما كان ده ابوها ولازم تبره مهما عمل فيها وهنا ذنبها ايه فى كل ده هى مش واعيه على اى حاجه من دى خالص
مى :- ابو بناتى باسم يا مليكه وزى ما اعتبرنا أن هو مات طول السنين الطويلة دى هنفضل كده فى الجاى
مها :- المهم رجوع تيلا لينا ونجمع بقى يوسف وتيلا مع بعض
مى :- مش لما اشبع منها شويه
مليكه :- هههههههه شغل الحموات بدأ اهو
مى ومها :- ههههههههههههه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عند الشباب فى الجنينه
الشباب كانت قعده مع بعض
عدى :- بقالنا كتير مقعدناش مع بعض القعده دى
يوسف :- كبرنا وكبرت معانا المسئوليات وكل واحد انشغل بحاله
فريد :- وجود عمو اسر جمعنا فى الخير ياريت نحدد يوم نتجمع مع بعض فيه ده ربنا أمرنا بصلة الرحم
عمار :- بس انتو عارفين القعده دى نقصها ايه
الكل :- ايه
عمار :- عايزه حتة طريه بدل الوشوش العكره دى
عدى :- تصدق بأيه أن احنا غلطانين أن قعدنا معانا عيل اهبل شبهك
يوسف :- احم انا هقوم اقعد مع توته حبيبت قلبي
عمار :- ايه عندك انت يا اخ شيفنى كيس جوافه قدامك مش تيلا دى اختى ولا بيتهيألى
يوسف :- مش عارف كده سامع صوت صرصار بيتكلم لو سمعت صوته تانى هدوس عليه برجلى
عمار :- احم خد راحتك يا كبير
فريد :- هههههههه بتجيب لنفسك التهزيق على الفاضى
عمار :- احم ما هما زى المخطوبين برضه
عدى :- هايف وقام وسابه
فريد :- ههههههههه عن اذنك يا ابن خالتى وسابه ومشى
عمار :- ايه ده هو انا هقعد هنا لوحدى ولا ايه وقام هو كمان
عند البنات
تيلا :- تعرفو يا بنات كان نفسى من زمان اوى اقعد قعده حلوه زى دى طول عمرى بحلم يكون عندى بنات خالتى نتجمع مع بعض ونضحك ونهزر ونلعب مع بعض والحمد الله اليوم ده اتحقق
جاكلين :- لعلمك برضه احنا كنا قليل اوى لما نتجمع مع بعض زمان علطول كنا نتجمع فى الفيلا بتاعتنا أو هنا لكن لما بدأنا نكبر وندخل الكليات مبقاش نتجمع كده
سمر :- ياريت والله نتجمع مع بعض علطول
فرحه :- ملناش دعوه بالكبار احنا نحدد يوم نتجمع فيه احنا البنات مع بعض بس اللى عنده مشكله يحكيها ونلعب ونضحك ونهزر
مليكه :- انا موافقه الرأى ده
هنا :- وانا كمان
تيلا :- وانتى يا مى
مى :- كانت قعده سرحانه ومش بترد
سمر :- مى بت يا مى مالك شكلك مقلوب من الصبح
مى :- مفيش
تيلا :- بنقول نتجمع مع بعض كل اسبوع ايه رأيك
مى :- ماشى انا معاكم
جاكلين :- مالك يا بنتى انا مش واخده عليكى كده
مى :- يا جماعه قولتلكم مفيش ووقفت وقالت عن اذنكم
مليكه :- رايحه فين خليكى قاعده معانا
مى :- معلش مصدعه شويه
وسابتهم ومشيت
سمر :- مالها دى
وفى الوقت ده تليفون تيلا رن بتبص لاقته رقم غريب
تيلا :- عن اذنكم وقامت وقفت بعيد وردت على التليفون وقالت الو مين معايه
........:- لاء كده كتير المفروض تكونى متوقعه اتصالى بيكى فى اى وقت
تيلا :- انت مين وعايز منى ايه
.........:- حلوه القعده مع الاسره صح ودعيهم بقى علشان دى هتكون اخر قعده معاهم ودى اصلا اول قعده معاهم
تيلا:- على فكره انا مش بخاف من التهديد ده واللى عندك اعمله
.........:- لاء عجبتينى يا بت بس ده مش تهديد لان هيتنفذ قريب اوى
تيلا :- ليه
..........:- وقتك انتهى يا مزه
تيلا :- الو الو وفى الوقت ده جه يوسف
يوسف :- تيلا
تيلا :- اتصدمت لما سمعت صوت يوسف وبصت ليه بتوتر وقالت ن.ن.نعم
يوسف :- بتكلمى مين
تيلا :- ...................
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عند مى طلعت اوضتها ولسه هتفتح الباب حست بأيد على ايديها بتبص اتفاجئت بعدى
مى :- عدى انت ازاى طلعت هنا انزل قبل ما حد يشوفك
عدى :- فتح الباب ودخل مى ودخل هو كمان وقفل الباب عليهم
مى :- عدى متستعبطش اخرج حالا قبل ما حد يجى
عدى :- ششششش أهدى يا مى محدش هيجى دلوقتى ابوكى وميقدرش يقوم يوسف راح يقعد مع توته ومش هيجى دلوقتى وامك مدام اتلمت على امى وخالتو مى مش هيسيبو بعض دلوقتى
مى :- وعايز منى ايه
عدى :- انا اسف
مى :- لاء يا عدى مش انا اللى ترفع ايدك وتفكر تمد ايدك عليها
عدى :- انا اسف بجد بس فعلا اعصابى مشدوده النهارده وكان غصب عنى
مى :- ده مش مبرر على فكره
عدى :- حقك عليا متزعليش انا مقدرش اعيش من غيرك يا مى
مى :- خلاص ماشى يا عدى بس أخرج بقى
عدى :- هخرج بس لما تقولى انك سامحتينى
مى :- خلاص بقى يا عدى أخرج
عدى :- قولى انك سامحتينى
مى :- سامحتك خلاص
عدى :- قرب منها وقال بجد
مى :- ايوه
عدى :- قعد على السرير
مى :- نهار اسود انت قعد ليه
عدى :- قلبى بيقولى أن السرير اللى قاعد عليه ده سريرك صح
مى :- ايوه صح اطلع بقى ومسكت أيده تشده علشان يقوم
عدى :- شدها ليه وقعدها على رجله وبص فى عينيها وقال انا اسف يا مى انا بحبك ومكنش قصدى أن ازعلك ووعد منى مش هعمل كده تانى
مى :- اتوترت ولسه هتقوم
عدى :- شدها وقرب منها ولسه هيبوسها الباب اتفتح
و...............
