رواية جراح قلبي الفصل الثامن عشر بقلم جوهرة
لينا / حفاظات وكريم مرطب ها وكلينس مرطب وياك
ايهم / بعد خاف ناسية شي
لينا / هههه لا مناسية إذا اتذكر اخابرك
دنك باس خدي وأخذ يوسف ونزلوا جوا
اني صارلي اسبوعين من ولدت والحمدلله صرت احسن ولادتي هالمرة اسهل من ولادة يوسف
كملت رضاعة ومسحت حلكه بكلينس خليته على جتفي طبطبت على ظهره ونيمته بقريولته هي نفسها قريولة يوسف جانت بالمخزن وأيهم طلعها ورتبها
تاكدت منه نايم ونزلت جوا اساعد علا بالشغل جانت كاعدة متربعة وتلف كبة جريش
كعدت وياها اساعدها حتى نسوي الغدا
اجت عمتي من برا جانت أبيت عمة اميرة ذبت عباتها عالقنفة وصاحت ملاك تنطيها مي تشرب
شربت مي جان تحجي /صفوة منطيها لبيت ابو عامر وماتحجين
علا بصدمة / منو لا والله ولا أدري توني سمعت منج
ام حذيفه / ايباه شلون متدرين معقولة امج ماكالت
علا / لا والله ما حجت
ام حذيفه / مدري شأحجي شايفة الخير
لينا / يلة بالخير عليها بس شعجب قبلت مو جانت رافضة
علا / والله لينا مدري
اجت جنات تركض / عمة لينا عصومي يعيط
كمت عالسريع غسلت أيدي وصعدت واني اسمعه يصرخ
شلته وكعدت عالفراش حتى ارضعه الحمدلله سكت وبقى يرضع دك موبايلي سحبته من الكومدي خالو عمر اتصل يسأل علية ويطمن حجيت وياه شوية وسديته نام عصومي ونزلته وياي هالمرة خفت اخلي وحده فوك
وديته بغرفة عمتي عالجرباية وغطيته بالبطانية مالته وطلعت
كملنا الغدا والتمو الولد حتى بيت اياد اجوي مشتري سمجتين شوي وجاب مرته وجهاله
اياد طبعه حلو دوم هيج يتصرف انجمعنا بالهول تغدينا والحمدلله عصومي بقى على نومته وين يلة كعد
عمو عبدالله فتح موضوع زواج صعب وقرروا باجر البنت تجي لبيت عمة ايمان حتى يرحون يحللون وبعدها يعقدون محكمة
بقوا يسولفون همة وعمتي كلمن ينطي رأيه احنا طلعنا مابقينا وشهد اخذت جهالها ورجعت لبيتها لأن بيت اياد قريب بصف بيتنا
صحت يوسف يجي ماقبل منتجي على رجل ايهم عفته وأخذت عصومي وصعدت فوك
ـــــــــــــــــ
علا / هسة انتي قبلتي لو شنو مو لعب جهال ترى
صفا / اييي قبلت خلص
علا / وشبيج تصيحين يلة مبروك ولو جان المفروض اني اول وحدة اعرف لأن منظري محلو كدام عمتي ولينا تسألني وكولشي ما اعرف
صفا / علا اصلا بابا خلاني اقبل هو وصلاح لحوا علية اضطريت اقبل
علا / يلة بعد كولشي بالقسمة سلميلي
سديته والتفتت على حذيفة دخل يضحك
علا / ها ابو ملاك شنو سبب هالضحكه الحلوة
حذيفة / هههههه أبويه نصب على صعب على ليلة العرس خلاه يكمز
علا / عليك الله هههه شكد عيب والله عمي عنده سوالف
حذيفه / صدك علا اختج انطوها لبيت ابو عامر
علا / اي والله سمعت من عمتي وبقيت افر بأذاني
حذيفه / يلة عالخير احسن ماتنتظر صعب
علا / فدوة حذيفة سد الموضوع لأن نفسي لعبت من سوالفها شكد عيب من صعب والنبي اموت قهر من أشوفها ذابة روحها عليه وهو ممعبرها
حذيفه / الله يسعدها كلمن يأخذ نصيبه
ـــــــــــــــــ
نرجس/
كمل الإجراءات واني وخالة ايمان كاعدين ننتظر لأن يعرف جماعة راح ينطونه نتيجة التحليل
اني من البارحه أبيت خالة ايمان وصلت بالليل صعب اجى اخذني المغرب وهذا الشي بي قصد ميريد احد يشوفني لو شنو قصده
الطريق كله ساكت ماحجى واني هم حبيت هالشي لأن ماعندي شي احجي وياه
بس دخلني للبيت وعافني وراح
محد يدري اني موجودة
طلع صعب شايل ورقة بيده واشرلنا طلعنا من المستشفى بالطريق خالة كالت مررنا مطعم وكت غدا
اني ماحجيت بقيت ساكته وفعلا مرينا لمطعم كولش راقي تغدينا ورجعنا ذبنا بالبيت وراح صاحت عمته وراه مدري شحجت وياه ورجعت اني دخلت جوا
التفتت عليها / تعاي ماما غيري ملابسج واخذي راحتج ومثلما كتلج الغرفة الفوك الج هاي جانت غرفة لينا بنت اخوية الله يرحمه وراح تصيرين مرة حماها
صعدت بالغرفة واني اتشكر منها كعدت عالجرباية الي نمت البارحه عليها وتذكرت سوالف خالة ام عقيل وصتني هواي
