رواي عذابي وقدري الفصل العشرون بقلم ارسلان جاف
روان… بعد محجيت ويه علاء وسديته نمت
- وكعدت على دكت الباب كمت فتحته شفت احلام
روان… شتريدين موو كافي الي سويتي
واشرتلي باصبعها وهي تهدد وتتوعد وكالت
اخاف عبالج هيج خلصتي مني… لا
- شوفي الايام الجايه راح تشوفج شسوي بيج
روان .. اني مااخاف منج شتريدين تسوين
روحي سوي…
اني وياي الي اقوه منج ومن كل بشر رب العالمين
وماراح تكدرين لا انتي ولا غيرج… تاذيني…
-احلام ..السانج طوولان
روان انتي السبب ...
احلام اني اعلمج شلون من احاجيج تجاوبين
كتلها روووحي سوي الي تريدي كلشي مايهمني
هااا ونسيت اكلج هذا ثوبج باقي بغرفتي…
اخذي وياج تعرفين مالت شنووو او تريدين اذكرج
شجابه هنااا ووشمرته عليها…
صااحت كافي بنت الكلب… ليوم انعل والديج
كتلها الي تكدرين عليه سوي اريد انام…
- ورجعت نمت واتغطيت وهي طلعت وسدت لباب
كمت وراهه وقفلت لباب ورجعت نمت ماكعدت
لليل راسي يوجعني وبقيت ليوم بدون اكل…
-خابرت علاء وبقينه نحجي لليل كله لحد ماغفيت
ع صوته مره ثانيه خلصت ليوم…
كعدت ثاني يوووم من لصبح حسيت نفسي احسن
نزلت سويت ريوك وتريكت وبدت مرت عمي
وحجيها وغلطها السمفونيه اليوميه…
لكيت المطبخ المواعين مكومه على السنك
محد غاسلها مالت لبارحه والمطبخ وصخ ولا عبالك مريضه ونايمه عبالك جنت اتونس ومن لصبح لحد
الساعه ب 12 ونص يله خلصت غسل لمواعين
وتنظيف المطبخ…
ماخلصته الا واني متت تعب اريد اتحرك بعد
ماكدر احس ظهري انقسم نصين من الوجع ظهري
وبطني صار عندي تقلصات جان شويه الجو بارد
سويت حليب دافئ وشربته وصعدت اخذ علاجي
ومرت عمي احلام صعدت وراي ..
-هااا لازم تليفون دك ماتريد واحد يسمعج ويامن
تحجين ..
الله يعلم تخابريلج شكم واحد…
وانتي براس ابني…وووو
- قاطعتها وكتلها شوفي اكلج
اني حضي طايح سكتتت ماحجيت شي
لخاطر علاء بسسس لهنا وكافي تعبتت
انتي موو بشر ماتحسين ليش تكرهيني هلكد
شبيج وياي شماخذه منج اني الي سويته الج شنوو
تعبت صاررر 5 اشهر من ازوجت علاء
ماشفت بيهن يووم راحه حتى من افرح لازم
طلعينها من عيني… رحمه لوالديج عوفييني بحالي
ادنت عليه ولزمتني من ايدي حيل وكالت
من اشوفج مااكدر اسيطر على نفسي واسوي
هيج بيج مااريدج يمي مااحبج اكررررهج ..
روان… عوفيني ..اني ماجايه يمج الي عليه انزل اكمل
شغلي واصعد لغرفتي وبعد حتى اكل ماكل وياكم
ارتاحيتي عفتها وصعدت لغرفتي اني بين وجع
بطني تقلصات وجع راسي ..
- ماتغديت ولا نزلت اخذت علاجي ونمت للعصر
خابرت اهلي وبقيت احجي ويه امي…
جان قلبي يوجعني ومخنوكه اريد واحد احجيله
كل الي بقلبي وكل الي يصير ويايه ..
كملت وسديته ..
صارت المغرب كمت توضيت وصليت ودعيت ربي
يساعدني ماعندي غيره كملت وقريت قران شويه
وبقيت ادعي وابجي اريد رب العالمين ينطيني
القوه واتحمل حسيت براحه .. نزلت غسلت لمواعين
وغسلت لمطبخ كملت سويت لفه جبن وجاي
واكلت…
-اني من صرت حامل صرت اكره ريحه الاكل كله وصرت احب
الحامض والرمان ولفات مااكل غيرهن مرت ايام
واني هيج ..
بيوم جنت نايمه كعدت على صوت تليفون يدك شفته حبيبي علاء جانت لساعه ب 4 الفجر
فتحت خط .
الووو… الووووو يرووحي
علاء حبيبتي اجتنه سيارات كبار وراح ياخذونه
لسامراء هسه ..
خابرتج لان اخاف اجهزتنه تنسد لو مااجاوب
لا يضل بالج لان مانعرف شراح يصير
ويانه بالطريق روان حياتي،..
اخاف يصير عليه شي ديري بالج على نفسج
وعلى الي بطنج ..
روان… دير بالك ع نفسك الله وياك
وهو يحجي واي انسد جهازه بقيت بقلق وخوف عليه ودعيت الله يرجعه اليه سالم…
ماكدرت انام رايحه جايه بالغرفه متت خوف عليه
حتى منزلت لصبح بقيت كاعده ومكابله تليفون
لليل دك تليفون فتحت خط وكلبي يدك بسرعه سمعت صوته كال الووو
-جنت بس ابجي ماحجيت ولا حجايه ..
علاء… يرووحي ليش تبجين
روان .. خفت صار عليك شي ونغلق تليفون وادك مغلق
علاء .من جنت احجي وياج بالطريق صار هجوم
وهسه احنه وصلنه للمقر مالتنه بس ماكامل راح
يخلونه بمدرسة وهنا موو مثل ماجنه بغداد
لوضع مو زين شويه وانتي لا تخافين ..
روان اني هنا زاد بجيي فدوه علاء دير بالك ع روحك…
علاء اني كل مايصير عندي مجال اخابرج… وسده
علاء… .
علاء .. بعد مانزلت للبيت بعد 41 يوم… نزلت 6 ايام
خابروني كالوا يوم لسابع تلتحق راح ياخذونه
سامراء… بلليل خبرت روان تجهزلي جنطه
كعدت لصبح… .لكيت روان مجهزه كلشي
بطلعتي شفت دمعه بعيونها وتباوع بعيوني
علاء ليوم التحقت كملت لبس البدلة العسكرية
وجنت اشد البسطال مالتي اجتي روان وشفت
بعينها دمعتها وتباوعلي…
علاء بس لا تبجين فدوه اروحلج
روان فدوه علاء خايفه عليك بستها من راسها
وطلعت اني واخويه كرار وهي طلعت ذبت
طاسه مي مشيت اني وكرار لراس لشارع
شفت ابو منتظر كاعد بالمحل رجال جبير بالعمر
سلمت عليه…
ابو منتظر الله ينصركم ياوليدي ويحفظكم
علاء امين مشكور عمي الله يخلصنه من ذوله الانذال…
وصلنه لراس لشارع وكفنه اني وكرار 10 دقايق
واجتي سياره اخذتنه شفت صديقي ايمن ولد
من اهل البصره تعرفت عليه اهنا بالحشد وهو من معسكرنه بقينه سوالف وضحك…
احنه نرووح ونرجع حسب يعني ممعروف شكد
وكالعاده تدريب بالنهار وحراسات بالليل
بيوم الالتحاق اخذونه لسامراء اجانه خبر ساعه2
اجتنه سيارات كبار وكالوا حضروا نفسكم راح
تصير مواجهه والوضع موو زين…
جهزنه السلاح واغراضنه اتصلت ع روان خاف
تتصل لان كالونه نغلق الاجهزه ويضل بالها
خابرتهه وصيتهه دير بالها ع نفسها وعلى بنتي
ولساعه ب4 طلعنه بالسيارات
وصلنه قريب ع صلاح الدين وصار علينه
وصلنه قريب ع صلاح الدين وصار علينه هجوم
قوي بقينا اكثر من ساعتين اشتباك احنه وياهم
ورا مخلص الهجوم وفضت وصلنه لسامراء بسلامه
مقر ماكوو النه اضطرينه نكعد بمدرسة اول موصلنه
عرفت الموت قريب عليه وصيت اخوية كرار
على روان وكتله اذا صار عليه شي زوجتي والي
بطنها امانه بركبتك وهو هم وصاني على زوجته
واطفاله…
بعد ساعتين او اكثر من وصولنه واستقرينه بمكانه
فتحت جهازي وخابرت ع روان ..
علاء الووو
روان الوووو يروحي شلونك
الحمد لله .. انتي شلونج ..زينه
علاء جان من صوتها مبينه تعبانه سالتها
رنوووو شبي صوتج
مابيه شي حبيبي
علاء بس صوتها ابد ماعاجبني بقيت صافن وافكر
شراح يصير بيها اذا صاارر عليه شي
وشلون راح تتحمل اهلي والناس اعرفها ضعيفه
وانسانه حساسه والدنيا ماترجم وصعبه
بعدهه صاح علينه الامر يله حبيبتي ارووح بعدين
اتصل بيج مع السلامه
روان الله وياك ربي يحفظك الي…
اجتمعنه احنه والقائد وانطانه توجيهات واوامر
وطلب تنفيذها…
لليل اتصلت اختي نبراس قلقت فتحت خط
علاء الوووو
الوووو شلونك
الحمد لله شبيج نبراس صاير شي
نبراس ..اسمع علاء اكووو شي صار لازم تعرفه
سوي حل لمرتك
علاء روان شبيها ..
نبراس ..تعرف شصار اليوم مرت ابوك تريد تموتها
ليوم ضربتها وكعت من الدرج وراسها انشك وخيطو
اربع خياطات والله ستررر وكدام الكل كالت وكعت
من الدرج ياريت ياخويه تاخذها وتطلع من البيت
علاء… ليش محجتلي
نبراس لان مرتك اتحبك وماراح تحجيلك حتى لا تضوجك…
سديته من نبراس وافكر شلون راح تخلص ويه
مرت ابويه احلام… .
روان… كعدت لصبح مثل كل يوم نزلت اتريكت
وبديت بشغلي وحجي مرت عمي احلام الي ميخلص تعبت منها انطيها الاذن الطرشه
وحجيها الي يسم البدن مجبوره اتحمل شسوي
وشبيدي اسوي من احجي ويه علاء ابينله كلشي
ماكوووو بالبيت ومرتاحه واني شايفه الضيم
وياهم اذا هووو مموجود .
غسلت لمواعين ونظفت كملت شغلي وصعدت
الحمل تعبني ومعدتي موتتني شنوو الي اكله
اذبه صعدت اتمدد… ماحسيت الانمت للمغرب
خابرتني امي…
الووو…
الوووو هلا ماما شلونج شلون بابا
الحمد لله كلنه زينين
انتي شلونج الحمدلله ماما
روان… حبيبتي ام علي اتوفت ليوم… بيبيتي
ام علي زوجه جدي طبعا جدي ابو امي متزوج 4 نسوان سديت التليفون منها وبقيت ابجي
وضجت جنت كاعده بغرفتي ع جربايه
وايديه ع وجهي ومااحس غير الباب اندفرت
وبنت الكلب بنت النع….
كاعده تبجين عليمن ابوج مات واكفه باب الغرفه
وتحجي…
كمت عليها كتلها ولج انتي شنوو من بشر بيبيتي
ماتت ..
احلام اي وشنو يعني الله انطاها والله اخذها وهي
لا اول ولا اخر الناس تموتين وراها
كتلها اريد ارووح للفاتحه ..
احلام والله محد فارغ يوديج خاتون…
شوفي اكلج لا تسوين روحج حنينه وتكعدين
تبجين واسود ماتلبسين سامعه ..
واذا اسمعج تبجين انعل والديج…
ركعت الباب وطلعت وبقيت ابجي بخنكه ودموعي
تنزل مثل الجمر ع قلبي قبل خدي ..
وماعرف شسوي وعلاء مموجود وشلون ارووح
بقيت انتظر احد يوديني ماكووو…
خابرت حبيبي علاء وكتله
كال حبيبتي انتظريني انزل وان شاء الله نرووح
اني وياج سوه…
والمووت حق علينه كلنه وبقى يحجي وياي
ويصبر بيه وانتظرته لحد مانزل من الدووام
ورا ماتوفت بيبيتي ب 15 يوم رحنه اني وعلاء،
اخذنه من خاطر خالي ورحت لاهلي شفتهم
ورجعنه… .بنزلته جان مستلم راتب جان اول راتب انطه لعمي 300 وانطه بيد مرت عمي 250
وماخلى شي ماجابه اليه خاف هوو ماكووو
واريددد شي،…
بعدهه صار دووامه علاء 14 يوم بادووام يروح
و7 ايام ينزل بعد ماخلصت اجازته والتحق
بيوم اتمرضت ونمت بالفراش 4 ايام بغرفتي
محد صعدلي وكلي شبيج اريد واحد منهم ياخذني
لطبيب ماكووو…
نزلت كتلهم تعبانه اريد ارووح لدكتورة
عمي ومرته احلام كالواا ماعدنه فلوس،واني ادرري
عدهم فلوس وحتى سياره موجوده عدنه بالبيت
مالت عمي…
متت من الوجع خابرت على امي وكتلها خفت لا
يصير شي على الي بطني اخاف عليه كالت راح
ادزلج عمتج تاخذج لدكتورة اخت ابويه موجوده
يمنه بالديوانية…
للعصر اجتي عمتي تاخذني لدكتورة
عمي ومرته احلام كالوا احنه ماعدنه فلوس هيه
تاخذج ع حسابها…
روان كتلهم ماريد من عدكم اني عندي فلوس
ماريد من احد شي 4 ايام الالم موتني وابجي كدامهم من الوجع واني حامل وهمه كل همهم لفلوس
روان ..اني ماعندي فلوس…
طبعا لراتب علاء كله انطاه الهم ولدين
عمتي من اجتي تاخذني لدكتوره جابت وياهه
150 الف…
بدلت لبست صايه وشال وطلعنه اني وعمتي لدكتوره اخذنه تكسي
وصلنه لدكتوره عمتي تعرفها تكول كلش زينه
وصلنه وصعدنه للعماره جانت لدكتوره بالطابق
الثاني صعدت الدرج تعبت دفعنه الكشفيه وكعدنه
ننتظرهه الدكتوره متجي الا لساعه ب 4 واحنه
وصلنه ب 3…
لان عدهه دووام بالمستشفى وصلت دكتوره وجان
قبلنه كم اسم كعدنه ننتظر الى ان اجه اسمي
ودخلت لدكتوره…
سالتي كتلها الم بطني صار 4 ايام كلتلي صعدي
صعدت ع السديه حتى تفحصني فحصت وكملت
ولبست نظاراتها وكعدت تكتب الراجيته
واباوعتلي كالت ماما انتي تعبانه ومحتاجه راحه
وكتبتلي ع علاج وكالت اسبوع تبقين نايمه ع ظهرج وعمتي كالت اخذج وياي للبيت
وبعدهه من تخلصين علاجج نرووح لزياره
وارجعج لبيت…
خابرت علاء وكتله كال رووحي بس تبقين 4 ايام
مووو اسبوع… لان راح ينزل
واذا انتي ماكووو شيسوي بالبيت
كتله ماشي يرووحي
خابرت امي تسال عليه حجيتلها شنو كالت لدكتوره
وراح ارووح لبيت عمتي…
كالت عيب نخابر بيت عمج ونكللهم ماما خابرت عمي وحجتله ماعترض وكال اهم شي سلامتها
وهي تكون مرتاحه احنه ماعدنه شي ..
رحت لبيت عمتي اول موصلت اخذت علاج
وفتت لحمام سبحت حتى ارتاح لكيت 4 مكالمات
من مرت عمي احلام وبقت تحجي كولي اريد
اطلع واتونس مسويه روحج مريضه شبيج قز القرط
مابيج شي بس هاطلع واتونس مسويه روحج مريضه شبيج قز القرط
مابيج شي بس هاي استهتار وتغلط كتلها مشكوره…
بس اني عندي رجل واخذت اذنه… .
شكرا لزيارتكم عالم روايات سكيرهوم
