رواي عذابي وقدري الفصل الواحد والعشرون بقلم ارسلان جاف
داده اسف على تاخير ضروف بعد شنسوي وهم تفاعلكم مو شي ما يسوي واهس لا تنسون لايك وتعليقات فدوه
روان…
--رحت لبيت عمتي اول موصلت اخذت علاج
وفتت لحمام سبحت حتى ارتاح لكيت 4 مكالمات
من مرت عمي احلام وبقت تحجي كولي اريد
اطلع واتونس مسويه روحج مريضه شبيج قز القرط
مابيج شي بس هاي عياره وتغلط كتلها مشكوره…
بس اني عندي رجل واخذت اذنه… .
- روان… كتلها عندي رجل وهو قابل ابقى… .
-وهي كامت تصيح وعمي يصيح من صدك طلعت رووحي وسديت التلفون… ..
-خابرت علاء وكتله اني متزوجتك انت لو اهلك
كال انتي مرتي والي يحجي وياج انعل والديه
-- شكوو شبيج…
-روان… علاء احجي ويه مرت ابوك صار 4 ايام
نايمه بالفراش مريضه والوجع موتتنني
وكووه اكوم واتحرك وهي هسه جاايه تحجي
وتغلط عليه وتكول طالعه ونسسه
تعبت اعصابي بقيت احجي وابجي وسديته
انهاريت كعدت ابجي ع حظي… .
واحجي ليش ياللهي شنوو الي سويته اني علمود
كل هذا يصير بيه…
--بقيت بيت عمتي 5 ايام واخذتني زياره لامام
علي عليه السلام زرت صدك حسيت نفسي ارتاحيت كعدت صليت وبقيت احجي وابجي لحد مارتاحيت
-عمتي كالت حبيبتي نطلع كتلها ..اي
اخذتني اتغدينه بالمطعم اني وياها وزوجها
وعجبتني كم شغله اخذتهم زوج عمتي خطيه
ماخلاني ادفع اي شي استحيت منه
كملنه ورجعنه…
-ثاني يوووم خابرني علاء كال ليوم ارجعي للبيت
اني هاليومين انزل…
ماشي حبيبي العصر ان شاء الله ارجع ..
كلت لعمتي وكالت حضري نفسج اوصلج
للعصر حضرت نفسي ولميت غراضي وصلتني
هي وزوجها لبيت عيالي…
-وصلنه باب مفتوح دخلنه عمتي وزوجها
سلموا محد رد السلام غير بس عمي كريم
-احلام كاعده يمه محجت بس تخزرني…
-اني صعدت لغرفتي لكيت قفل الباب مكسور
كاسرينه المكياجات والعطور كلها مكسره
والكنتور مفتوح والملابس مشموره بالكاع
نزلت جبت مكناسه ولميت الكزاز من الكاع وشكووو شي مكسور ذبيته بالزبل…
وخليت الملابس بسله ونزلت اغسلهم بعد
مكملتهم غسلت الغرفه ونظفتها طلعت رووحي
لساعه ب 11 بالليل ..
والبيت كله كالب خلقته محد يحاجيني
ووجوهم ثكيله عليه بس عمي يحجي وياي
لان خابرته واحترمته…
- اتعشيت وصعدت اتمدد تعبت من تنظيف
وخابرت علاء طبعا محجيتله شي
لان هو بحرب ومكان بعيد ونوب اني اضوجه
وكال بعد يومين ان شاء الله النزول مالتي
يصادف يوم 2 ب محرم…
خلصت ليوم تعب وشبعت بجي بس من جنت
اسمع صوت حبيبي علاء انسى همي ومعامله
مرت ابوه اليه…
مالي واهس
غيبتك خنكت حسرتي
وكامت أتنكط حزن
وروحي تتراجف محنه
وكامت لصوتك تحـــن 💔
-ثاني يوم كعدت نفس الحجي والغلط وبكل عين
صلفه تحجي وتغلط وتسب بعد كل الي سوته
بلليل ساعه ب 11 اندكت باب غرفتي
روان… منووو
---كالت اني احلام
عدلت كعدتي فتحت لباب ودخلت واجتي يمي
وكالت انتي مثل بناتي واني من حجيت عليج
هيج جنت ضايجه يمه والبنيه ماعدهه غير
بيت عيالها…
-واني مااريد كل حجايه توصل لعلاء واحنه هم اهله
وادري بيج انتي زعلانه مني لا تكليله ولا تبينيله شي ابد مهما يصير احنه اهله…
-اني فتحت حلكي ع حجيها منها من الشيطان
لو لان علاء باجررر راح يجي ومستلم راتب
وانطوهم مكافأه بمكان الاشهر الي داومم بيها
وراتب هذا الشهر صدك لفلوس تغيير النفوس
روان… كتلها اذا وحده من بناتج تتحمل من عيالها
الي اني اتحمله والي انتي تسوينه بيه ماحجي
- كالت لا يمه جانت ساعه عصبيه وسكتت… .
كامت من يمي ورادت تطلع التفتت الي وكالت
لو تعيشيت ليله وحده وياي مثل مااريد اعيشج
بالجنه…
- روان كتلها محد يتقرب مني ويدنالي غير علاء
حبيبي انتي شتحجين صرت اعصاب من سمعت
كلامها وكتلها الساعه ب 12 يله اريد انام
ورايه كعده ب 6 لصبح… ..
- نمت وغطيت راسي بس جسمي يرجف…
وهي طلعت دردم وسدت لباب حيل
وتحجي بصوت عالي ساقط….
24 ساعه لازمه تلفونها ع اذنها وماتصير حجايه
بالبيت الا ماتحجيها الله بلانه بيها…
الليل كله مكدرت انام بقيت بس ابجي. تعبت
بعد مااكدر اتحمل طلعت رووحي وخلص صبري
وتاذيت هووواي…
-- ثاني يوووم كعدت ونزلت مثل كل يوووم
فتت للمطبخ وخليت الجاي على الطباخ
واطلع اغسل لكراج والحديقة انظفها واكنس الباب
اكمل وارجع اكمل لريوك ومن يكعدون عمي
ومرت عمي احلام الم لفراشات مالتهم ومالت البنات
بين ميتريكون ومن يخلصون ريوك اجمع لمواعين
على السنك واغسلهن بعد مااخلص اجمع ملابسهم
كلهم واغسلهن ومن يصير وكت الغده ابدي
احضر للغده. هيج جانت يخلص يومي…
بس خبز مااخبز لان مريضه عيوني بيهن حساسيه
اتغدينه وجنت امسح بالمطبخ وتلفوني
دك بجيبي شفته عمتي سلامه ماكدرت ارد
انسد كملت تنظيف وغسلت وصعدت فوك بغرفتي
حتى احجي وياهه…
-خابرتها فتحت خط بعدني هستوني دااحجي
وياهه علمود فلوس اخذنه منها من انضربت
سياره علاء ومااحس غير الباب انفتحت
وكامت تحجي وتصيح هذا ياكواد الي تخونين
ابني وياه ..
-- روان اني جمدت بمكاني … .
وماتحجين وياه كدامنه هااا تخافين لا احد
يسسمعج بس انتي صدك وحده كح…….
- فتحت سبيكر حتى تسمع حجي عمتي علمود
شغله لفلوس وخليته كتم علمود عمتي ماتسمع
تقسسيم وحجي مرت عمي احلام عليه ..
ويوصل الحجي لاهلي ..
هي سمعت كل كلام عمتي كملت ويه عمتي وسديته ..
مرت عمي احلام طبعا بعد الي سمعته سكتت
-اندارت تريد تطلع ركضت عليها وسحبتها من
ايدها وكتلها هاااا سمعتي…
متكليلي اني شمسويتلكم. وهيج تعاملوني
لووو ماخذيني فصليه هم موو هيج…
دين ابنج والناس تريده…
وانتي تصيحين كح… اذا اني كح.. ..
- ششكو مخليني بيتكم لزمت جهازي وركعته
بالكاع واطششر وكمت اصيح بصوووت مسموع
هاااا ارتاحيتي…
وطلعت الخط ردت اكسره اجتي مرت حماي
كرار سجى على صوتي وصاحت لا روان
واخذته مني ونزلتني وغسلت وجهي وشربتني
مي جنت ارجف من العصبيه
مي جنت ارجف من العصبيه…
-سجى روان اهدائ اشويه علاء جاي بالطريق
هسه خابرني لان جهازج مغلق …
- كومي لا يجي ويشوفج هيج طبيت لحمام احس
نار تطلع من جسمي غسلت وطلعت صعدت لغرفتي
ارتاحيت شويه ورتبت غرفتي وحضرت نفسي
وحضرت ملابس حبيبي علاء لليل اجه
لساعه 7 ونص طب للبيت…
جنت مشتاقتله كلش لليل نمت بحضن حبيبي علاء
جنت محتاجه حضنه احس بالامان وبنفس الوقت
ونزلت دموعي…
--علاء .. شبيج روان ليش تبجين… .
- روان مسحت دموعي وابتسمت ماريد اضوجه
كتله مبيه شي مشتاقتلك…
ضحك وكال هاي اني يمج وجرني من خدي
جنت مجرووحه من الي يصير ومااكدر احجيله شي
وجنت تعبانه ومتاذيه علاء من تعب ودووام نام
بقيت اني كاعده مكدرت انام بقيت اباوع على
ملامحه وهو نايم والعب بخصل شعره
الدوووام بالحشد اخذه مني
قبلها جنت اشوفه ويمي 24 ساعه وحتئ من
جان يطلع لشغل يتصل بيه هسه قليل يتصل
هو نايم واني دموعي موكفت من البجي
شفته اتحرك مسحت دموعي حتى لا يشوفني
فتح عيونه ابتسم…
-واني ابتسمت اله وسحبني لحضنه… وكال حياتي
اجازتي 5 ايام ليوم خلص باقي 4 ايام
نامي علمود نكعد من الصبح ونرووح لاهلج
اني فرررحت…
وبعدهه نرووح لبيت عمي بالنجف…
-روان بقينه سوالف وضحك ل 2 بالليل يله نمت
-- علاء… ليوم نزلت اجازه كانت مدتها 5 ايام
شفت روان منو ع بعضها عرفت من ورا احلام
حبيت افرحها وكلتها باجر لصبح نروح لبيت اهلج
ومناك ارووح اشوف بيت عمي وحتى اطلع
لسوك اريد اشتري هديه لحبيبتي رنووو… .
لان هذيج الاجازه اجتاجيت فلوس،وباعت
حلقه مالتها علمود تنطيني فلوسها والتحق بيهن
-روان… كعدت للصبح ونزلت كملت شغلي مثل
كل يوووم وغسلت وبدلت وحضرت جنطتي
طلعنه ساعه 9 لصبح وتعبت من الطريق دخت
ونفسي تلعب متتت اريد بسس اوصل
طلعنه بطريق مجايه بي ابد كله بساتين واشجار
وخضار ومناظر تخببل…
روان ..علاء احنه وين هذا مو طريق الي نجي بي
كل مررره .
-علاء اي هذا طريق لكربله نرووح نزور ونررجع
-روان ..لا علاء تحجي صدك
كال والله
- والله تعبانه واريد اوصل لاهلي ارتاح ونرووح
نزووررر حباب
ضحك وكال اني مووو حباب
واني دايخه وكفت لسياره ماشفت بيت اهلي
- كتله شكووو وكفت هنا
طبعا رحنه اني وياه بسيارته ..
كال انزل اجيب ماي واجي هذا بيت صديق
اني جنت كاعده يمه ومخليه راسي ع الكشن ومغمضه دايخه
- اجه اخوي علي وكال انزلي شبيج ولج
فتحت عيوني كتله والله دايخه ونفسي لعبانه
سلمت عليه وطبيت للكراج شفت بابا رحت
عليه وحضنته جنت مشتاقتله وبجيت
رفع راسي وكلي شبيج باباتي…
-مسحت دمووعي وكتله مشتاقتللكم هوواي
وصارر هواي ماشايفتهم طلعن اخواتي رونق
ورقية اجوي عليه ركض وحضنوني وصلت لباب
لمطبخ طلعت ماما وحضنتني بوستها وخليت
راسي بحضنها واشم ريحتها اوووفيش ياريحه الجنه…
احس روحي مشتاقه انام بحضنها اريد ابقئ
بحضن امي مااريد اتركها مثل الطفل الي يخاف
يترك امه وتعوفه هيج جانت حالتي،…
علي… يمعودين فوتووو جوه وخرت من حضنها
شفت علاء واكف يباوعلي واكووو بعيونه نظره
معرفت شنووو…
فتتنه للبيت وكبل دخلت للحمام سبحت وبدلت
وطلعت حسيت براحه…
- وعلي ورونق اجووي يمي ويتعاركون منووو
يخلي ايده على بطني ويشوف الي بطني
يتحرك لووو لا…
- وعلي يكله اطلع على خالك وكح
- ورونق تكوول لا ان شاء الله بنوته حلوه ع خالتها
علي روان شوفي اكلج بنتج من هسه راح تبقئ
على كلبج محد ياخذهه…
رونق ضربنه بخفه ع جتفه وكالت فديتني اخبل
وهو يقلد ويضحك عليها وهي تخبلت…
صبوا الغده وكلنه كعدنه اتغديه وكملنه
وغسلت لمواعين ويه البنات وسويت جاي
خدر صبيته واخذته الهم وكالوا بلليل نرووح
لنجف نزوووررر ..
- نمت وارتاحيت ساعه بعدهه حضرت نفسي لزياره
وطلعنه بالليل لنجف …
طبعا بمحرم النجف تصير جنه واتعشينه بالمطعم
طبعا على بابا كملنه وطلعنه نفتر
كتلهم مشتهيه مووطه… كالوا ولج هسه بشهر 10
وين اكووو مووطه…
-روان كتلهم مادري اريدد لا ترووح تطلع بنتي
مادري ابني كاموا يضحكون عليه ..
راح اخويه علي جابلي موطه واجه
وعلاء يضحك علينه يكله مخابيل انت وياهه
بعد ان زرنا وتعشينه وانفترينا رجعنه للبيت
الساعه ب 11 بالليل ..
-- كعدنه باوعنه فلم هندي حلووو جان بطوله
شاروخان وكاجول بقينه لساعه ب 2 اني كتلهم
تعببت ارووح انام…
اني نمت ويه البنات بغرفتهم وعلاء نام ويه
الولد بالهول بالليل دزيتله مسج حبيبي اول مره
اني وياك بنفس للبيت وماانام بحضنك راح اشتاقلك…
كلي تعاي ..
عزززه وين اجي ..كال يمي…
اخوتي…
رجع ضحك وكال اتشاقه حبيبتي اني راح اموت
لحد للصبح… بقينه نحجي بالرسائل
بقينه يومين 2 بيت اهلي ويووم الثالث رجعنه
للبيت عيالي للديوانية ..
شكرا لزيارتكم عالم روايات سكيرهوم
