رواية جراح قلبي الفصل العشرون 20 بقلم جوهرة

منو الجذاب ولج

جنت حيل قريب عليها هي رأسا من شافتني عصبي غاصت بالمقعد وعينها بعيني بس مليانه خوف 

عضيت شفتي واني استغفر بداخلي لأن عصبتني فعلا ولحظة ردت اكفخها بس تراجعت واني اتذكر وعدي الها

انتجيت براسي عالمقعد / لسانج !!! اخر مرة اكلج لا تتجاوزين انتي تردين البيت خلص راح اخذج نبقى اليوم وباجر نرجع لديالى حاولي تتأقلمين وية الوضع مثلما اساعدج انتي هم ساعديني

تنهدت واني استعدل بكعدتي ونترت بيها / تمااااام 

هي بقت خانسة ما ردت

نرجس /

نتر بية واني بقيت خانسة إلى أن وصلنا البيت ورحت اخذت المفاتيح من ام عقيل صعب راح كعد بالاستقبال واني فتت لغرفتي بقيت صافنه اول ما دخلت هاي خالة ام عقيل شمسوية مغيرة الفراش والفرشة جديدة عالجرباية عكدت حاجبي واتصلت عليها

نرجس / خالة شنو هاي شمسوية

ام عقيل / ها لازم دخلتي الغرفة ديلة هاي الفرشة هدية زواجج

نرجس / خااالة صدوك تحجين يا زواج هذا 

ام عقيل / اششش اسكتي لا يعلى صوتج ورجلج يسمعج اكلج لا تسوين غدا غداكم عندي

نرجس / ما اريد ازاحمج فدوة خالة

ام عقيل / لا يمة رحمة إن شاء الله

سديته ورحت طلعت كلبية مرتبة لبستها وعلكت ملابسي وطلعت اشوف الجنطه يمكن بعدها بالسيارة 

شعري عفته مفتوح تلاكيت بالصالة وية صعب 

استحيت من بقى عينه علية تنحنح / احممم الجنطه نزلتها وخليتها بالاستقبال

نرجس / ها اي لأن اريد افرغها وارتب الملابس ، أأ خالة عازمتنا عالغدا توني اتصلت بيها

صعب / إن شاء الله

دخل الاستقبال واني رحت سحبت الجنطه وديتها للغرفة حتى أفرغ الملابس التهيت بغرفتي ماطلعت الا سمعت صوت ام عقيل تسولف هي وصعب رحت سلمت عليها بوستني وهي تباركلي عبالك صدوك عروس وفرحانه والله عليها سوالف ام عقيل

رحنا نتغدى يمهم اني ماغيرت ملابسي لبست عباية فوك دشداشتي وذبيت الشال على راسي 

بقينا للعصر مدري ليش صعب عجبته الكعدة كضاها سوالف هو وعقيل وخالة اني عفتهم ورحت يم البنات 

صاحتني خالة تعاي رجلج يريد يروح كمزت جنت كاعدة مفرشة بالكاع يم الصوبة ونكرز حب 

رجعنا للبيت هو راح يتوضى يصلي اني هم على أساس اتوضى وعفته رجعت لغرفتي ادور بالكومدي واحجي وية روحي .. يربي خلصانات ماعندي يوو شلون لعد 

بقيت محتارة منين اجيب استحي احجي وية صعب خل اخابر خالة لأن دوم تشتريلي خطية اتصلت عليها وكالت راح اخليهم بعلاكة عالسياج البيناتنا 

طلعت عالسريع من المطبخ للكراج وكفت بسد السياج صاحتني وشمرتهن شكرتها ودنكت أشيل العلاكة وكعت بالكاع وصار صعب بوجهي من اريد ارجع اني بدون تفكير ضميتها بظهري ودنكت اريد امشي

صعب وعينه عليها / اكو شي ليش ارتبكتي

رفعت راسي جان مركز بوجهي / لااا لااا

ماخلاني ادخل لأن واكف كدامي / شنو هذا الضميتي وراج

نرجس / ماكو شي شبيك خل ادخل بردت والله

يربي شنو هالاحراج الا يعرف ماحسيت الا جرني من جتفي وأخذ العلاكه فتحها واني طمست بهدومي هو رأسا دفعها بحظني وكام يتعذر عافني ودخل للبيت 

احس خدودي جمرن عالسريع فتت للغرفة اخذت الاحتاجة ودخلت الحمام 

من طلعت صاح علية / رايح للسوك محتاجه شي 

فكيت عيني وبقيت مفهية معقولة فهم علية بلعت ريك والتفتت جان واكف يم باب الاستقبال الداخلي / هااا

صعب / شبيج كلت محتاجه شي

هزيت راسي بمعنى لا

صعب/

اخذت سويجي وطلعت بسيارتي واني احك بلحيتي وعلى اقرب سوبر ماركت اشتريت االلي محتاجته لأن عرفت بدون متحجي وأخذت حاجات للبيت دفعت الفلوس والعلاليك بيدي هه والله يربي النسوان عدهم سوالف وشغلات 

دخلت المسواك بالمطبخ بسد القنفة ذبيته وطلعت علاكه الحفاظات صحت عليها واني اعرف بيها محرجة بس عجبني احرجها طخت براسي واني أشوفها تتهرب مني طلعت لابسة تراك وفوكاه روب وشايله شعرها كبوبة مديتلها العلاكه / هاي شوفيهن نفس الردتيهن 

هي بسرعة سحبتها من أيدي شكرتني ودخلت

صعب / وووين تعاي سويلي جاي

طلعت راسها من باب الغرفة / هسة اسوي

بقيت احوص بالبيت واني متضايق البيت صغير واني ممتعود ابقى هيج يادوب استقبال ومطبخ وغرفة نوم بيناتهم صالة صغيرة والحمام اريد اغير ملابسي شني السالفة دكيت الباب عليها

نرجس / دقيقة اجيت

صعب / اريد اغير ملابسي افتحي

فتحت الباب ودخلت عكدت حاجبي وعيني تحومي بالغرفة گلبي انقبض بحزن واني اتذكر معتصم هاي غرفته جريت حسرة وذبيتها وعيني راحت عالجرباية وفرشة العرسان نترت بيها بدون وعي واني مرارة وحزن سيطرن علية ..

صعب / مابيها داعي تفرشين الفرشة

ردت بحزن / خالة اشترتها وفرشتها لا عبالك اني

صعب / اي احسن لا تفكرين بشي ثاني

نرجس / انت شتحس هااا ترى ما ذابحة روحي عليك والله لو علية ما اخليك حتى تشوفني وتحجي وياي بس مضطرة 

تقربت عليها وكلامها استفزني منظرها من شافتني قريب يسليني أحسها خايفة طبعا طولها يادوب يوصل لجتفي مدري ليش مرات نعومتها وشكلها يخليني اضغط عليها واضوجها بس فعلا ضوجني كلامها هي رجعت خطوة ورى جريتها من ذراعها ولزكتها بصدري واني اتنفس عطرها الهادىء دنكت عليها حيل قريب نفسي يطخ بشعرها / سبق وكتلج لسانج اخرسة الج وبطريقتي إذا حجيتي شي مايعجبني

تلت ذراعها تريد تبتعد بس ماكدرت مسيطر عليها وبعدها مدنكه راسها مارفعته

نرجس / شنو تريد تمد ايدك علية

رفعت راسها بيدي وايدي الثانيه على ذراعها

صعب / إذا اضطريت ،، لأن مرات ما اتحكم بعصبيتي فلا تحاولين تستفزيني 

دفعتني بصدري تريد تنهزم بس جنت ضاغط عليها مدري بلحظتها شي سيطر علية يمنعني اتركها يمكن عناد أو حبيت اضوجها حتى لا تتجاوز مرة ثانية  

نرجس / عوفني شبيك ترى مو لائقة ابد منظرك وياي 

صعب / ليش حرام ترى متزوجين وبشرع الله

وجوده بهالقرب خوفني بطني مغصتني آلام الدورة لأن اتأذى اول وثاني يوم 

اريد بس ابتعد يربي صدوك ضوجني / رجاءا خليني اروح

عيني بعينه دنك علية واني متت بدمي قربه خوفني أنفاسه على وجهي لحظات حسيته راح يبوسني كثرما قريب وفجأة ابتعد بكل هدوء 

طلع من الغرفة واني تنهدت بقوة ورحت كعدت عالجرباية دنكت اتلمس الفرشة لونها كريمي وذهبي حيل حلوة عكدت حاجبي واني اتخيل معتصم احس روحه محاوطتني سحبت الفرشة وصفطتها وذبيتها بالكنتور وطلعت جرجف شتوي فرشته طلعت من الغرفة الجو بارد حيل الوطنية طافية مولد ممشغل الجو اظلم البيت صار يقبض الروح رحت شعلت الصوبة اريد ادفى رغم لابسة تراك شتوي وجواريب وروب بس احس جسمي مثلج 

بقيت بالمطبخ كاعدة عالزولية المطبخ صار دافي 

صعب مموجود يمكن بالاستقبال على أساس يغير ملابسه اوي معلية شو تصرفاته خوفتني أحسه يتعمد يتقربلي بعدين فجأة يسحب روحه وكلامه كله نغزات

حاظنه بطني ومدنكه والصوبة كبالي ماحسيت الا اني غفيانة فزيت على ايد صعب على ظهري ويحجي وياي / مبين عليج مريضة روحي ارتاحي بغرفتج

جنت صافنه بوجهه ممركزة رجع كال / اخذج للطبيب وجهج اصفر صار

فعلا جنت موجوعة بس استحي احجي وياه لأن احراج بالنسبة الي اني متعودة بس أخذ براسيتول اتحسن

جان مثني تك رجل ويحاجيني سكتت مارديت اجت الكهرباء والبيت نور كمت وهو ابتعد بقى واكف فوك راسي رحت طلعت شريط حبوب من الكاونتر بلعت حباية براسيتول وشربت ماي أحسه عينه علية التفتت / اسويلك عشا هسة

منظره بالتراك الاسود فد شي يصفن الحقيقة الي اعترف بيها صعب وشكله الرجولي يضخ وسامة 

جان صافن علية والبيت صنطة مغص بطني فززني ابتعدت انطيته ظهري ورحت ادور بالثلاجة اشوف شأسوي عشا لأن حظرته مكال شي 

طلعت ستيك دجاج وأخذت جيس معكرونه مدري احتمال ميحبها خل اطبخها وأشوف

حسيته كعد عالكرسي وعينه علية ما اهتميت التهيت بالعشا واريد الوجع يخف كملت كولشي عبالي اسوي زلاطة ماعندي مسواك 

خليت كجب عالميز ورتبت المواعين جان  

يركز بالاكل ورفع رأسه / جبت مسواك ليش ماكو زلاطة ، خضرة ترى حتى صمون موجود 

نرجس / مدري عبالي مجايب وين خليته

صعب / بالمطبخ هنا هاي شبيج مطفية حتى من طلبت جاي ماسويتلي

نرجس / اشوكت شو .. يوو اعتذر والله هسة اخدرلك قوري

صعب / اي خدري لا عبالج تفلتين

ادحك عليها راحت طلعت المسواك جان بسد القنفة حطت الصمون عالميز وراحت عزلت الباقي وسوتلي زلاطة خس وطماطه

صعب / يلة اكعدي تعشي

نرجس / ما أشتهي

صعب / لا ميصير عالواهس اقلها

كعدت تتعشى بس اكلها قليل عفتها براحتها لأن مبينه محرجه مني

كملت العشا وكمت / جيبي الجاي وراية مو تغلسين

نرجس / اي هسة اجيبه

ودينله الجاي ورحت لغرفتي نمت ماحسيت لأن جوا الغطا ودفيانه انفتحت الباب عرفت صعب دخل بدون صوت ولا شغل الضوة مدري شيريد اخر شي طخت عندي اكيد يدور غطا حتى ينام ،،، والله من التعب مدري بروحي ولا اجى على بالي احضرله فراش كولش استحيت لأن تصرفي موحلو هسة شيكول علية شكد مهملة هاي 

كعدت بفراشي وقبل ميحجي شي نزلت .. هسة احضرلك فراش

فرك ايديه / ترى باردة ثلجت بالاستقبال التدفئة فصلت والصوبة خلصت نفط وطفيتها

طلعتله لحاف وبطانية اريد اوديهم بالاستقبال سحبهم من أيدي / انطيني دوشك عالسريع اريد انام

اشرتله عالكنتور جان كم دوشك مصفطات

سحبه ماشاء الله طويل بس رفع أيده 

ذبه بالكاع وسحب مخدة من الجرباية نفسها الجنت نائمة عليها سكتت خل ينام يخلصني لأن مبين راح يجودر بغرفتي بحجة باردة 

مدد وتغطى بعدما طبك البطانية واللحاف

عضيت شفتي ورحت بفراشي سحبت مخدة وخليتها جوة راسي بس حواسي كلها انتبهت نسيت وجع بطني كل الاجى على بالي الحجي السمعته قبل فترة معقولة سمعته موزينة وعنده سوالف مكسرة لعد تصرفاته وياي عكس السمعته احتمال يمثل علية بقيت جوة الغطا بس انتباهي كله يم صعب افز إذا سمعت أقل حركة يسويها ورى ساعة رفعت راسي الغرفة ظلمة بس ضوة خفيف من الصاله لأن الباب مفتوح شوية 

ماله صوت اكيد نايم رجعت ذبيت راسي عالمخدة حتى انام

كعدت متأخرة صعب بعده نايم متلفلف بالغطاء ممبين جسمه 

اخذت منشفة وحاجات تخصني وفتت للحمام 

طلعت للمطبخ حطيت القوري عالطباخ ورحت اجهز الصوبة حتى أشعلها

ورى نص ساعه مجهزة الريوك وانتظره يكعد صارت تسعة ونص 

دك موبايله طلعت للغرفة سمعته يحجي وكفت اتصنت تنفست براحه واني اسمعه يكول بعد يومين نرجع الحمدلله يعني راح ابقى اووف والله شايلة هم وخايفة ينكت بوعده ويجبرني اعيش هناك 

رجعت اتسحب للمطبخ كاعدة عالميز والريوك كدامي لمحته فات للحمام كمت خليت القوري عالصوبة حتى يبقى حار

صعب / صباح الخير

نرجس / صباح النور .. تعال تريك

كعد مقابيلي وبدى يتريك صبيتله جاي اعترض عالاستكان يريده بالكوب كمت طلعت كوب وصبيتله وقدمتله 

تريكنا بهدوء كل واحد صافن على حالة اني من كملت كمت وعفته كاعد رحت للغرفة رتبتها وشلت الغطى ضميته والدوشك رفعته عالكنتور ماكدرت اشمره عفته على جهة وطلعت صار بوجهي يريد يدخل الغرفة ابتعدت عنه 

صاحني حتى اكوي قميصة شمره اول ما دخلت اخذته بيدي واني اتفحصه / شبي هذا مكوي

صعب / عيدي الكوي بي تعقيجة

اخذته اكوي بدون حجي مابية حيله 

شكلي راح احتار وياه طبيعته متنحزر ساعة هادىء وساعة عصبي الله يستر من هيج واحد راح يتعبني هاي انطباعي عنه احتمال اكون ظالمته مدري بس للأن اكو خوف بداخلي يطلع كلام البنت صحيح الله يستر

جنت كاعدة بالمطبخ ورى ما كملت ترتيب اتفرج عالبرنامج لأن شاشة بلازما عندي بالمطبخ دخل وعطره يسبقه كاشخ اني صفنت على أناقته شوية ورجعت اركز بالبرنامج بس 

فكري يودي ويجيب وين يريد يطلع معقولة راح ينزل لديالى

تشجعت وسألته / راح تطلع

فات عالبراد شرب مي والتفت خزرني / لعد ابقى حابس نفسي هنا عبالك كاعد بقفص اختنكت اريد اشم هوى

طلع واني بقيت فاكة حلكي عابت اي والله معاجبه صعب افندي

رجع مرة ثانية / لاتسوين غدا اجيب وياي من برى

طلع واني رحت لغرفتي مددت بالفراش احس روحي شوية احسن اخذت موبايلي وبقيت اكلب باليوتيوب اكضي وكت شسوي لعد

صارت الساعة وحدة وصعب مارجع وين راح هذا ليش تأخر انوب اني جعت لازم اكل اصلا اكلي هالفترة كولش قليل وهالشي راح يضرني لأن يشكل عندي فقر دم رحت طلعت بتيته حتى اكليها واتغدى خوما انتظره 

بعدني جاي احجي وية روحي انفتحت الباب البرا 

دخل صعب سلم علية وحط العلاكه عالميز ودخل جوا 

اووف همزين اجى فتحت العلاكه وريحة المشاوي سطرتني الله مممم رتبتهن عالميز وكعدت انتظره 

يمكن راح يصلي سويت لفة صغيرة واكلتها اسد جوعتي شوية بينما يجي

اجى كعد لابس تراك ، بدون اي حجاية بدى يتغدى جان الاكل طيب كملت اني ورحت اخدر جاي سمعت موبايله دك جان بصفه عالميز فتحه وبقى يسولف ويضحك يمكن صاحبه لأن اسمعه يكله أرشد واتفق وياه باجر لو عكبه يشوفه من يرجع لديالى

من كاعد يشرب جاي سالته إذا باجر نرجع رد علية بكل برود / حظري نفسج عكب باجر

بقيت صافنة عليه عضيت شفايفي بقوة اريد اسيطر على اعصابي وعفته رحت لغرفتي

بيوم الي راح نرجع بي كملت سبح وتنظفت ورتبت نفسي وتحظرت بس كوة على اعصابي اجت خالة والبنات ودعني وخالة بقت توصي بية 

رجعت هي والبنات واني بقيت انتظره دخل الغرفة / يلة وين الجنطه صدك لاتنسين البدلة عمتي وصت حتى ترجعها للمحل 

هزيت راسي بدون ما احجي واني كالبة خلقتي انتبه علية اجى وكف بصفي / خيرج اكو شي 

تنهدت بقوة ورفعت راسي / ايي اكو اني ممرتاحة يا اخي اعتقني لوجه الله ارجع وحدك وعوفني ابيتي

حك لحيته ورجع مسدها بس عينه اطك شرار / احترمي نفسج اليسمعج يكول ذابح روحي عليج 

نرجس / صعب لخاطر الله خليني هنا والله اعرف روحي مراح اكدر اعيش بيناتكم 

صعب /؛وليش بلة شنو الفرق حضرة جنابج هالتكبر هذا عوفي ماكو احد احسن من أحد 

نرجس / خرب حظي انت عبالك هذا قصدي افهمني يرجال ما اكدر واني راح اشوف زوجة معتصم ولده وبنته هالشي فوك طاقتي 

رفع إصبعه بوجهي / اخر مرة تذكرين اسم معتصم احشمي نفسج ترى انتي على ذمة رجال ومو اي رجال بعدج متعرفيني لو تحاولين تتغابين لا تخليني اراويج الوجه الثاني لصعب ترى مللتيني وانتي تحجين بي خلي شوية عندج حيا واتركي سوالفج المايعة

نرجس / انت قاسي وتحب نفسك هاي على أساس اخوك وصاحبك وتحبه

زمخ بية / انجبي مو تفسرين علاقاتي بكيفج 

هالشي مالج علاقة بي خلي وعي كافي لنفسج واتذكري انتي على ذمتي انتي زوجتي واي تصرف تسوينه راح ينحسب علية

نرجس / لاااا اني مو زوجتك ولا راح اصير اني مراح انسى معتصم مو بكيفك تريد تتحكم حتى بمشاعر گلبي

صعب / استغفر الله يارب ولج لا تخليني افهمج بطريقتي

نرجس / انت انسان مليان عقد وتريد اطلعها براسي من البداية جانت موافقتي عالزواج بشروط بس انت متريد تنفذ اي شرط

صعب / ترى دوختيني واني كوة متحمل يكفي متحمل غرورج وقحاتج هاي ولسانج الطويل واكول خلها بعدها ممتعودة وماتعرف طبعي بس الظاهر جنت غلطان انتي وحدة ميفيد بيها الا الشدة

نرجس / صعب ارجع وحدك اني باقية هنا

سحبتها من جتفها بقوة وضغطت بيدي عليه / ليش هو لعب جهال اهلي منتظرين رجعتنا تردين تحرجيني جدامهم 

نرجس / عوووفني كاعد تأذيني

صعب / لا ماعوفج لحد ما تفهمين ويصير براسج عقل

تنفسها يصعد وينزل وهي تشوفه مسيطر عليها وأيده تحفر بجتفها تألمت ودفعته بقوة

نرجس / والله اني الغلطانة لأن ماصدكت السمعته عنك وقبلت اتزوجك وين جان عقلي مدري

عض شفته بقوة ورجع كال وبأيده سحب فكي وضغط عليه / قسم بالله لوما معتصم يتوسل اتزوجج جان تحلمين انطيج نظرة 

لاعبالج الدنيا واكفة عليج اصحي لنفسج انطيتج اكبر من حجمج سبق وكلتلج لسانج هذا لا يستفزني لأن راح تتأذين 

نترت / لعد عوووفني

ضغطت أكثر على فكها واني اعرف اذيتها بس جنت بحالة متسمحلي انتبه عالجاي اسوي كثر ما اعصابي مضغوطه

صعب / تحلمين والله انتي على اساس بهيج تصرفات تخليني اعوفج لو اريد مجان صرفت عليج فوك السنة واني ازخلج فلوس مو لسواد عينج لااا بس اني رجال عد كلمتي رجال صديقة وأخو انتخى بي وما كسر بخاطره وهو جاي ينازع الموت

دفعتها انركع ظهرها بالكاونتر طلعت صوت تأذت ما اهتميت جنت حيل عصبي وصلت لحالة اريد اعصرها بيدي اموتها ، اطلع روحها

نرجس / 

يخوف وهو يحجي بكل عصبية دكات گلبي تضرب بصدري ومن دفعني تاذيت طفرت دمعتي واني أشوفه يفتر بالمطبخ وعينه علية خفت ياذيني شمدريني بتصرفاته جريت حسرة وذبيتها وعدلت وكفتي واني اتلمس خاصرتي بيدي لأن انطخت بمجر الكاونتر 

عفته اريد اروح للغرفة عاط بية جفلني ..

صعب / ووويييين امشي اطلعي للسيارة يلة

حاولت ما انتبه اريد اوصل للغرفة واقفل الباب علية ماريد أشوفه بعد خبل ولا يتفاهم 

ماحس الا سحبني من زندي وطلع بية للكراج 

وهو يكز سنونه ويحجي / عين صلفة كتلج لا تتحديني

فتح الباب ودفعني عالسيارة صعدني وقفل البيبان ورجع للبيت ضربت عالجامة بقوة ولا أهتم بية طلع من البيت يسحب بالجنطه ذبها ورى وصعد ورجع قفل السيارة شغلها وطلع 

اني اتخبلت وجاي اشوف اشلون يعاملني بكل هالبرود والأذية طلع الوجه الثاني لصعب جنت مخدوعه بي كذاب وافق على شروطي بس كلام والدليل تصرفه هذا وياي 

انقهرت على روحي اريد انتقم منه بهاي اللحظه اريد ااذيه مثلما آذاني

نرجس / تريدني تحت سيطرتك مو ميخالف بعيني بس خلك متحظر بس اوصل اكلب الدنيا هناك واخبرهم منو اني

انلطخ راسي بالجامة البصفي من داس بريك وكفت السيارة التفت علية وسحبني عليه أيده مسيطرة على رقبتي وجهه قريب علية

صعب /؛ كوليها وشوفي شلون أتمم زواجي عليج

نرجس عاطت / اكتل روحي وماخليك تتقرب علية

صعب / قسم بالله لا اخليج اتعضين اصابعج ندم 

دفعتها عالمقعد وحركت السيارة وفريتها رجعت للبيت المسافة قليله مجنت مبتعد أكثر من كيلو متر 

شيطان تربع براسي اليوم إلا اخليها تعض اصابعها ندم

ــــــــــــــــــــــــــ

الفصل الواحد والعشرون من هنا