رواي عذابي وقدري الفصل الثاني والعشرون بقلم ارسلان جاف
صباح الخير داده شونكم رجعنه بين يوم ويوم ها نشر يصير تفاعل مو شي
روان… طلعنه من لصبح…
- رجعنه لديوانية لبيت عيالي اني وعلاء
وموصلنه لساعه ب 12 لظهر لان جانت ازدحامات
الشوارع وهوسه وبيومها جان 7 ب محرم
والتطبير والساعه ب 2 تنسد لديوانيه تبقي
بسس المراكب متت علماوصلت وصلنه صعدت
الغرفتي كبل غسلت وبدلت ارتاح ..
-بيومها عمي كريم مموجود بالبيت اتغدينه وكملنه
وعلاء كال يله نطلع…
- طلعنه كلنه سوه علمود نشوف التطبير ويه لمواكب…
شفت الرياجيل لابسين ملابس بيضه دشداشه
وراسهم يجري الدم واكو ولد لابسين اسود
وبيدهم زناجيل ويضربون ع ظهرهم بيها ويلطمون
- شفت منظر الدم نفسي لعبت… واني اخاف من الدم
ودخت اول مره اشوف تطبير…
- كتله عفيه علاء خلي اطلع… ورجعتني انوار
اخت علاء …
-كعدت بالصاله انتظرهم هما مرجعوا لساعه
ب 8 بالليل…
اجه عمي كريم فات للبيت وعيونه تجدح ناررر
مدري شبي…
شافني وكام يحجي هااا لفه ابني السايب
راح خلص لفلوس ورجع ماسال مكال ابويه
شمحتاج… .
-روان ..اني من شفت عمي عصبي ويحجي هيج
كلت بسس يجي علاء اكييد راح يتعاركون
لان اعرف اثنينهم اعصاب…
معرفت شسوي .. خابرت عليه كتله حبيبي باجر
للصبح مو تلتحق ..
-علاء اي شكووو شبيج…
يله اني بالباب طلعي فتحيلي الباب ..
مكدرت احجي شي… ولا اكدر امنعه مايدخل للبيت طلعت افتح لباب لعلاء وجان صووت
عمي كريم عالي وهو يصيح ويغلط فاتت
علاء ..روان شصاير سكتت محجيت شي
فات علاء جوه لصاله وتلكاه عمي وكام يحجي عليه
هااا افندي واخيرا شرفت
متكول شمحتاجين رحت صرفت فلوسك واجيت
-علاء ليش مو اني قبل 20 يووم انطيتك 300 الف
وحتى مصرف لمرتي ماخليت…
وصار حجي بينه وبين عمي وصياح
عمي هااا فرت عقلك الكح… واجه يضربني
واني واكفه وجسمي كام كله يرجف من الخوف
- علاء وكف كدامه وكاله كلشي سوي بسس
مرتي روان محد يدنى يمها والي يمد ايده
عليها ويضربها الله ماخلقه مادام اني عدل واشم
الهوئ ومرتي تنضرب لا والله ..
-عمي جان يضرب علاء راشدي ورجع ضربه
راشدي ثاني ودفعه وكاله امشي ولي اطلع من بيتي
بعد مااريدك لا انت ولا مرتك بعد هناااا بيتي…
-روان من لصياح ولعياط الصار وعمي ضرب علاء
بعد وكعت فقدت ماحسيت بالدنيا ..صحيت
الا واني بالمستشفى فتحت عيوني ومشكليلي
بايدي المغذي وحبيبي علاء جان كاعد يمي
ومدنك راسسه ..
-كتله علاء رفع راسه وكال الحمدلله ع السلامه
يرووحي …
ولزم ايدي وكال حبيبتي كلشي صار انسئ
واتحملي لخاطري كلها كم شهر ارتب اموري
وابني بيت ونطلع بعد مابقى وياهم…
جانت اثر ضربات عمي مبينات على وجهه علاء
كلش انقهرت وبقيت بس اشهك وابجي
وهزيت راسي ايييي. .
-طلعنه من المستشفى ورجعنه للبيت الساعه 12 بالليل ..
بعد مخلص المغذي ..كالت لدكتوره طلعوا ..
ساعدني حبيبي علاء عدلت شالي ولبست عباتي
علاء ..روان تكدرين تمشين لو ارووح اجيبلج
عربانه…
روان لا حبيبي اكدر اكوووم بس انت الزم ايدي
ضحك وكلي بسس هاي بصيطه
--- صعدنه بالسياره ورجعنه للبيت…
اول مدخلت للبيت كبل صعدت لغرفتي
ذبيت عبايتي واتمدد ع الجربايه ارتاح
اجه ورايه علاء فات وسد الباب وفتح باب
الكنتور يبدل ملابسه لبس تراك نيلي
وداير وجهه ع الكنتور وكال ..باجر التحق
ومن اجي من الدووام اشوفلي مكان
كمل واجه يمي تمدد وكال حتى لو نرووح نكعد
بيت علي اخويه…
روان… كتله انت ارجع حبيبي بالسلامه
والله كريم ..
كمت حضرت جنطته علمود خاف تاخذني نومه لصبح
علاء… روان شدسوين
حبيبي احضرلك اغراضك خاف تاخذني نومه
وتتاخر الصبح…
خليت بجنطه ملابسه واغراضه وسديتها وخليتها يم الكنتور ونزلت خليت ملابسه بالحمام وفتحت
السخان حتى المي يصير حار وصعدت لغرفتي
فتت وصاحلي علاء… .
علاء تعالي رحت يمه…
سحبني عليه وحضني ووووو….
-كعدنه ب 4 سبحنه وحضرت ريوك لحبيبي
اتريك وطلع لدوووام اني كل مايروح لدووام
اطلع وراه واذب طاسه ماي وابقى واكفه بالباب
اباوع على خطواته وهو يبتعد عني يله افوت
للبيت واصعد لغرفتي ارجع انام واكعد لساعه
ب 6 احضر الريوك واكمل شغل البيت
-نمت وكعدت على صوت صياح عمي كريم
راج البيت صوته عالي يمكن سمعو اهل المنطقه
كلهم فزيت من نووومي…
خليت شال على راسي ونزلت اشوف شصاير…
وهو يصيح ويحجي اريد السويج مال سيارة
علاء…
-روان ..كتله عمووو بسس علاء كلي لاتنطي
هد عليه و كام سيب وغلط بنت الكلب.. بنت النع….
انوووب اتراددين اشوو لسانج طوولان
- صعدت لغرفتي وخابرت علاء كال انطيهياه
طلعت السويج من المجر ونزلت انطيته اله
هوه عنده مكاتبه السياره باسمه مسويها اله علاء
اخذ السويج مني وطلع ..…
بعد فتره رجع عمي كريم للبيت بسس
بدون سياره علاء وبيده علاكه فلوس ..
قلقت وشكيت اكووو شي اني ماسالته لان ادري
اذا افتح حلكي بكلمه وحده راح يبقى يسب ويغلط
سسكتت…
-- روان… بعد يومين خابرت علاء حبيبي
طبعا اني وياه تقريبا كل يوم احجي وياه الصبح
من اكعد من النوم قبل لاانزل…
ليوم من اتصلت بي حسيته ضايج
وصوته ماعجبني ..
--كتله حبيبي شبيك ضايج
-اتنهد بحسره وكال لبارحه خابرني
مهند وكال ابوي بايعله لسياره وماخذ،
لفلوس نقدي…
- روان اني سمعت لطمت ع صدري
علاء واني طالعه رووحي هاي تعب عمري
كله وتالي ابوي يبيع لسيارة ..
روان ردت اخفف عنه وكتله حبيبي لا ضوج
ولا تزعل نفسك السيارة فدووه الك .. .
اهم شي انت موجود والسيارة تتعوض
ان شاء الله تشتري غيرها يعمري…
علاء ربي يخليج اليه… ويخليك الي ياعمري
روان حبيبي اليوم الحجه والبنات يحضرون
من البارحه ارووح وياهم لو لا
علاء رووحي وياهم… ..
- حبيبي راح انزل اكمل شغلي ومن اصعد اخابرك
حبيبي راح انزل اكمل شغلي ومن اصعد اخابرك
-علاء ماشي يروووحي ديري بالج على روحج
وانت هم حياتي وسديته…
-جنت من احجي وياه انسى تعب واذيه عيالي الي
و كل الحجي الي اسمعه منهم بسس مجرد اسمع صوته كان كفيل بزووال حزني وهمي…
نزلت حتى اكمل شغل البيت بعدهه اجوي خطار
كرايبهم وماكدرت اصعد…
التهيت جاي وغده وبعدهه غسلت لمواعين
ومسحت لمطبخ ورتبته صارت لساعه 4 العصر
يله صعدت لكيت علاء متصل 5 مكالمات
ورسائل ليش مااجاوب ..وباله باقي يمي حارك التليفون…
-خابرته فتح خط وصاح ليش متردين وين جنتي
كوومه اتصلت عليج وحتى رسائل ومتردين
روان… حبيبي والله مادري هسه شفتهم جنت جوه
اجوي خطار وبقيت احضر غده وجاي وغسلت
لمواعين وهسه يله صعدت وسفت مكالماتك
ورسايلك… وخابرتك…
- كال بالي ضل يمج ..كتله حبيبي مابيه شي
وبقينه نسولف اكثر من نص ساعة سديته وياه
ورحت فتحت الكنتور اخذت ملابس ونزلت
سبحت لبست تنورة طويله دبل كلوش لون اسود
وقميص هم اسود علمود ارووح وياهم بالحجه
لان مرت عمي احلام كالت نطلع ب 6 ساعه
ل ابن لكاظم عليه السلام ونحج هناااك
احسن من مانرروح ويه الملايه وتخلص حجي
وضحك… ع الاقل هنا نبجي وندعي ونحصل اجررر
كملت تبديل ونزلت حضرت العشه وخليته تعشوا
من وكت علمود نروووح…
لفيت حجابي عدل ولبست ستره سوده لان الجووو
بي كرصه برررد… ولبست عباتي وحذاء رياضي
ماعرف البس غير شي لان مريح بالمشي
خصوصا اذا جانت المسافه بعيده مو قريبه
طلعنه كلنه من البيت ومرت عمي احلام واكفه
بالطرمه وتصيح ع بناتها يطلعن… ..
ريام ورنين وهي تستعجلهن يله خلصن
- ومرت حماي كرار… سجى محتاره بجهالها
وتلبسهم…
- ومرت حماي الثاني امير… حنان تريد تشوف
زوجها وين رراح…
- واني واكفه ع صفحه بالباب وبيدي جنطتي
ويايه نونه اخت علاء انوار… بسس اني احب
اصيحهه نونه حبابه كلش هي ونبراس
ابد ماذوني بيوم…
-كملوا وطلعنه كلنه ب 7 يله هههه احنه العراقيين
لوقت عدنه ممضبوط ساعتين او 3 يله نخلص
هوسه وتبديل خصوصا الي عدهه جهال
تحتار بيهم…
طلعنه من البيت ومشينه مسافه اشويه بعيده
والدنيا صارت ضلمه وع الطريق اضويه المراكب
والحسينيات واصوات القصايد وصوت باسم
الكربلائي الي يتغلل لرووح بسرعه … .
اصوات عاليه واجواء تخببل والجوو جان حلوو
بيه برروده تتمنى هذا اليوم مايخلص
وتسسمع لمحاضرات الدينيه والقصائد الي
تحجي عن الامام الحسين عليه السلام
الي تبجي الصخر ع مصيبه الامام واهل بيته
الله يساعد زينب بهذا اليووم ..
-واني بمجرد ذكر اسم الحسين دمووعي تنزل
طول لليل بقينه اني وحبيبي علاء واحد يدز
لثاني رسايل لان ماكدر اخابره واني بنص الناس
والهوسه ماسمع شي…
- بقينه نبجي ع مصاب الامام وندعي
ودموعي ماوكفت ..
ودعيت الله يحفظلي علاء ..
-للصبح رجعنه للبيت فتنا للبيت لساعه ب 6
رجعنه تعبانين ومنايمين لليل كله
مطفين نريد بسس انام…
- صعدت الغرفتي… والكل ناموا. كعدت
لساعه 4 العصر…
حبيبي علاء بالدوووام وماعندي شي
نزلت غسلت لمواعين الي ماكلين بيها
ونظفت لمطبخ والبيت وبديت احضر للعشه
- للمغرب واجووي بيت عمهم وياهم بنيه ابد
مارتاحيتلها الي جانت رايده علاء
وعمهم ع اساس كايل سجى لاخو علاء
كرار حنان لامير وداد لعلاء بسس علاء مقابل
وكايللهم اني ماريدها واعتبرهه مثل اختي،
بقوا يمنه يومين شفت بيها نجوم الظهر
عيالي وزياده 5 نفرات وذابين الشغل كله عليه
اموووت يله اكمل الشغل واني حامل
اكمل واصعد لغرفتي ارتاح شويه الكه وداد
مسويتها سسوك هرررج كالبتها كلام شدور مادري
جهازي اتركه فوك بغرفتي وبدون رمز لان علاء
مايقبل واتركه مفتوح…
-اصعد الكاه مابي رصيد مخلص جنت اخابر امي
يعني ترميشه هي تشوفه وتتصل عليه ودزلي
رصيد واخابر علاء احجي وياه شويه اطمئن
عليه اكمل وانزل اشتغل ومن اكمل اصعد
الكاها نفس الشي…
--صاارت تدك عليه ارقام غريبه كمت شسوي
اسويله حظر يعني بقائمه الرفض تلقائي
حتى اخلص منهم…
- بعد يومين راحو لبيتهم بسس ابد مارتاحيت
من وره بنتهم وداد بعد مراحو جنت غاسله
الملابس جبتهم من السطح ورحت اصفطهم
بالكنتور وشفت الكنتور صاير هوسه ممرتب
كلبت لملابس بالكاع وكعدت اصفط وارتب بيهم
اكو علبه حمره شفتها ماكوو مختفيه بيها
ساعه ذهبيه وسبحه اني هديتهم لعلاء بخطوبتنه
كلبت الكنتور والغرفه والبيت كله مالكيتهم
بنت سجى زغيره بالعمر4 سنوات بس تفتهم ولسان…
- رزان اسمها كالت شفت ساعه مالت عمووو علاء
بجنطه خاله وداد وكالتلي اذا حجيتي اكتلج
روان… كتلها رزونه حبيبتي انتي لا تكولين لاحد
شفتي ساعه عموو علاء بجنطه خاله وداد
علمود خاله ماتكتلج واني ماراح احجي لان
اني وياج صديقات ابتسمت…
شكرا لزيارتكم عالم روايات سكيرهوم
