 |
رواية عشقت كبريائي فهد ومليكة الجزء الثاني (عناد الحب والكبرياء) الفصل الثاني والعشرون بقلم دودو محمد
انتهى اليوم والكل اتجمع ورجعو اسكندريه وكل واحد راح على بيته ونامو بعد مشوار طويل متعب وشاق ليستعدو ليوم جديد
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اشرقت شمس صباح يوم جديد بنورها الساطع فى سماء الاسكندريه لتبدء جومانه بفتح عيونها وهى سعيده ومبسوطه من تقرب فارس ليها قامت دخلت الحمام اخدت شاور واتوضت وخرجت لبست هدومها وأدت فرضها وخرجت من الاوضه بس اتفاجئت بصوت ابوها نزلت تجرى تتأكد من الصوت واول ما شافت عز طلعت تجرى عليه واترمت فى حضنه وقالت
جومانه :- بدموع واحشتنى اوى اوى يا بابا
عز :- مسح دموعها وقال ششششش أهدى يا حبيبت بابا انتى واحشتينى اكتر يا عمرى بس كل اللى كان مطمنى أن انتى مع راجل بيحبك وبيخاف عليكى
جومانه :- قعدت تبوس ايديه وتقول انت بكل رجالة العالم كله يا بابا مفيش حد يقدر ياخد مكانتك فى قلبى ابدآ يا بابا
عز :- باس راسها وقال بس فارس راجل بجد يا جوجو صح ولا ايه وغمز ليها
جومانه :- اتكسفت ووشها احمر وقالت احم اكيد طبعآ بس هو فين
عز :- دخل يجيب حاجه من المطبخ اشربها وشدها وقعدها على الكنبه قصاده وقال قوليلى بقى عامله ايه مع فارس
جومانه :- مبسوطه اوى يا بابا اوى بجد ربنا بيحبينى أن بعتلى واحد زى فارس طيب اوى وحنون عليا بيخاف عليا من اى حاجه وعايز يعمل اى حاجه علشان يفرحنى
عز :- ربنا يسعدكم يارب طيب ايه مفيش حاجه جايه فى السكه نفسى ابقى جد
جومانه :- اتكسفت وقالت احم ل.ل.لسه وفى الوقت ده دخل فارس وقال
فارس :- ايه رأيك فى المفاجئه دى قولت اروح اجيبه ليكى علشان اول ما تصحى من نومك تشوفيه وتفرحى
جومانه :- بفرحه هو انت اللى روحت جبته
فارس :- امممم ايه رأيك
جومانه :- ميرسى يا فارس بجد عرفت تفرحنى اوى كنت هتجن عليه
فارس :- وانا حسيت بيكى
جومانه :- ش.ش.شكرآ
فارس :- اقعد يا عمى
عز :- كان مبسوط جدآ وهو شايف السعاده فى عيونهم وقال انا همشى بقى وابقى اجى ليكم مره تانيه
جومانه :- بزعل ايه ده يا بابا هو انا لحقت اقعد معاك خليك شويه
فارس :- طيب اقعد شويه اشرب العصير حتى
عز :- معلش يا حبايبى عندى شغل كتير وانتو عارفين أن الشغل كله عليا
فارس :- لو عايز جومانه تنزل معاك تشتغل زى الاول تنزل عادى انا مش ممانع
جومانه :- اتفاجئت بكلام فارس وبصت ليه بأستغراب
عز :- لاء يا ابنى انت أوله بمراتك دلوقتى انا كده كده بقضى وقتى فى الشغل مش ورايا حاجه لكن انت مراتك تبقى جنبك ومعاك وفى ضهرك وسند ليك
جومانه :- ربنا يديك الصحه يا بابا
عز :- ربنا يسعدكم يارب السلامه عليكم ومشى عز
فارس :- مبسوطه
جومانه :- اوى يا فارس
فارس :- ربنا يقدرنى واسعدك تملى
جومانه :- ربنا يخليك
فارس :- مفيش اى مكافئه طيب
جومانه :- يعنى ايه
فارس :- يعنى بوسه حضن اى مكافئه
جومانه :- بطل قلة ادب
فارس :- دى بوسه شريفه مش بوسه مشبك زى ما كنتى عايزه وغمز ليها
جومانه :- اتكسفت ووشها احمر وبصت للأرض
فارس :- وبعدين الراجل نفسه يبقى جد وانا الصراحه بحبه وبحب احقق ليه اللى فى نفسه
جومانه :- اتصدمت لما عرفت أن فارس سمع ابوها وقالت ا.ا.انت سمعت
فارس :- ايوه وانا داخل سمعته بيقولك نفسه يبقى جد قولت احقق للراجل أمنيته
جومانه :- اتكسفت اكتر ومستحملش وطلعت تجرى على اوضتها ودخلت وقفلت الباب وراها وحطت ايديها على قلبها وقالت يخربيت كده ده انا قلبى كان هيقف عليا من الكسوف هوف ده انا حاسه انا وشى بيطلع نار وفى الوقت ده الباب خبط
فارس :- جومانه افتحى عايزك
جومانه :- فتحت وقالت ن.ن.نعم
فارس :- جومانه لو حابه تنزلى معايه الشركه انا موافق لو بتزهقى من قعدت البيت
جومانه :- بجد يا فارس
فارس :- ضحك وقال لاء بهزر
جومانه :- على فكره انت غلس
فارس :- هههههههه عارف ايه هتنزلى
جومانه :- ماشى هنزل بس هشتغل ايه
فارس :- الشركه كلها تحت امرك اختارى المكان اللى انتى عايزاه
جومانه :- عايزه مكان قريب منك
فارس :- بفرحه بجد
جومانه :- اخدت بالها انها اندفعت بالكلام قالت ق.ق.قصدى يعنى علشان معرفش حد هناك
فارس :- بغمزه علشان كده بس
جومانه :- ا.ا اه امال هيكون ليه يعنى
فارس :- وهو بيقرب منها قال مش علشان هوحشك لو بعد عنك
جومانه :- وهى بتبعد عنه ل.ل.لا طبعآ
فارس :- وهو بيقرب منها قال طب عينى فى عينك كده
جومانه :- وهى بتبعد عنه مقدرتش تبص فى عينه
فارس :- وهو بيقرب منها شوفتى انك كدابه ازاى مش عايزه تبصى فى عينى احسن اشوف العكس فى عينك
جومانه :- وهى بترجع لواره كانت هتقع على السرير
فارس :- مد أيده ومسكها وقربها اكتر منه وقال خلى بالك كنتى هتقعى
جومانه :- ش.ش.شكرآ
فارس :- وهو بيبص فى عينيها قال بتحاولى تبعدى عنى ليه اخرتك برضه وقعه فى حضنى وبين ايديه
جومانه :- وهى بتحاول تبعد عنه قالت ف.ف.فارس ا.ا.ابعد
فارس :- ياريت اقدر ابعد بس خلاص انتى بقيتى بالنسبالى إدمان لما بكون بليل ببقى عايز النهار يطلع بسرعه علشان اشوف عيونك دى واسمع اسمى من شفايفك بقيت مدمن ضحتك اللى بترن فى الفيلا انا بقيت مدمن كل حاجه فيكى
جومانه :- ف.ف.فارس
فارس :- توترك وكسوفك ده كفيل أن يقوم حروب العالم كله جوايا انتى بجد شخصيه صعب تكون موجود منها اتنين اليومين دول مزيج عجيب بنت جميله ورقيقه وجدعه ودمها خفيف وجد فى نفس الوقت انا مش عارف عملتى فيا ايه يا جومانه
جومانه :- كانت بتسمع الكلام ده وهى فرحانه من جواها ومتوتره فى نفس الوقت من قرب فارس ليها وكانت مش عارفه ترد تقول ايه
فارس :- ساكته ليه
جومانه :- هقول ايه مش عارفه
فارس :- قولى احساسك ايه من نحيتى انا عارف انك قولتى ليا وانتى مش فى وعيك لكن انا عايز اسمعها وانتى فايقه
جومانه :- بأستغراب قولتلك ايه وانا بهلوس
فارس :- بص فى عينيها وقال قولتيلى انك بتحبينى وان نار حبى قايده جواكى وعايزانى اطفيلك نار حبى
جومانه :- بلعت ريقها بالعافيه وقالت ا.ا انا قولتلك ك.ك.كده
فارس :- ايوه
جومانه :- لنفسها نهارك اسود ومنيل بطين ده انا شكلى خربتها على الاخر
فارس :- ساكته ليه
جومانه :- ها م.م.مفيش هو احنا هنقف كتير كده وشاورت على جسمهم
فارس :- انا لو عليا عايز العمر كله نقضيه واحنا كده ومنبعدش ثانيه واحده عن بعض
جومانه:- احم ط.ط.طب ابعد شويه
فارس :- طيب هاتى بوسه
جومانه:- ايه بطل قلة ادب
فارس :- لاء ما هو النهارده مش هبعد الا لما اخد بوسه
جومانه :- ف .ف.فارس ا.ا انت مالك النهارده غريب فى كلامك وتصرفاتك
فارس :- حبك اللى عامل فيا كده
جومانه :- بفرحه حبى
فارس :- ايوه حبك اوعى تكونى كل ده مش حاسه بيا وبحبى ليكى جومانه انا بحبك
جومانه :- كانت فرحانه جدآ بأعتراف فارس ليها
فارس :- انا عارف ان ظلمتك ووجعتك اول الجواز بس صدقينى انا اتشديت ليكى من اول مره شوفتك فيها بس انا مريت بظروف تمنعنى أن أوثق فى اى واحده نهائى لكن انتى كنتى مختلفه وعرفتى تدخلى قلبى من غير استأذان عرفتى تستحوذى على كل كيانى بخفة دمك وروحك الحلوه
جومانه :- فارس انا خايفه وانا اول مره اخاف فى حياتى كلها
فارس :- قعدها على السرير وقعد جنبها ومسك ايديها وقال خايفه من ايه يا جومانه
جومانه :- خايفه يكون اللى حاسس بي مجرد شهوه وبس ولما تاخد حقك منى ترجع معايه فارس زى الاول وانا مش هقدر استحمل تغيرك معايه لان مش هكون سلمتك جسمى بس هكون سلمت ليك قلبى وروحى وعمرى وانت أول راجل احبه بعد بابا يعنى انت وبابا اغلى ما عندى فى الدنيا دى بحالها
فارس :- ليه بتقولى كده يا جومانه
جومانه :- علشان انا عارفه اللى حصل معاك زمان واللى شوفته مع مراتك الأولى وقد ايه اتعذبت وصعب واحد اتجرح بالطريقه دى يأمن لحد بسهولا ولا يسلم قلبه لواحده من تانى وانا خايفه يكون اللى بيحركك وبيحرك مشاعرك اتجاهى شهوتك مش قلبك
فارس :- وعرفتى منين اللى حصل معايه زمان وعرفتى من امته
جومانه :- عرفت من باسم لما كنا فى شرم
فارس :- وانتى بقى شيفانى راجل شهوانى ومعنديش عقل افرق بين الشهوه و الحب صح
جومانه :- لاء مش صح انا قولت كده علشان بح
فارس :- قطعها وقال لاء يا هانم متخفيش انا راجل كبير وعاقل علشان اعرف الفرق ما بين ده وده لو على الشهوه اى واحده بقرشين هقضى معاها ليله وخلاص لكن انتى اخترتك تكونى مراتى علشان بحبك انتى مش بحب جسمك وأعتقد أن انا مطلبتش منك حاجه كان كل همى تكونى معايه وجنبى والدليل انك بتنامى فى اوضه وانا بنام فى اوضه
وعلى العموم انا مش عايز جسمك فى حاجه يا جومانه يكفينى انك معايه ومراتى وسبها ومشى
جومانه :- بصت عليه لحد ما خرج من الاوضه وقالت غبيه ليه زعلتيه كان خلاص صرح ليكى بمشاعره حتى مهنش عليكى تعرفيه انك انتى كمان محتاجه اكتر منه غبيه رجعت معاه من نقطة البدايه اعمل ايه بس ياربى
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا فهد المنشاوى
صحيت مليكه من نومها وهى قلبها مقبوض وحاسه أن في حاجه هتحصل قعدت على السرير واستعذيت بالله من الشيطان الرجيم
وفى الوقت ده صحى فهد وبص على مليكه بأستغراب وقال
فهد :- مالك يا قلبى
مليكه :- مش عارفه قلبى مقبوض وحاسه أن هتحصل حاجه
فهد :- حاجه لمين ليا يعنى
مليكه :- مش عارفه يا فهد
فهد :- متخفيش يا قلبى ( قل لا يصيبنا الا ما كتب
الله لنا )
مليكه :- ونعمه بالله
فهد :- بسها فى راسها وقال قومى كده اتوضى وصلى ركعتين هتستريحى شويه
مليكه :- ماشى وقامت اتوضت وصلت ركعتين
فهد :- عامله ايه دلوقتى
مليكه :- احسن الحمدالله
فهد :- ماشى يا حبى انا هاخد شاور وانزل الشركه وانتى يا مليكه اشترى اكل الشهر ووديه لسحر علشان المفروض كان يبقى عندها من يومين
مليكه :- حاضر
فهد:- خدى العربيه بالسواق ماشى
مليكه :- حاضر يا فهد
فهد:- قام دخل الحمام واخد شاور واتوضه وخرج لبس هدومه واده فرضه وباس مليكه وقال خلى بالك من نفسك
مليكه :- حاضر متخفش
فهد:- مليكه تركبى مع السواق العربيه اوعى تسوقى انتى فاهمه
مليكه :- خلاص بقى يا فهد
فهد :- حضنها وقال هتوحشينى وبصلها ومشى راح الشركه
مليكه :- غيرت هدومها وخرجت من الاوضه ودخلت اوضت عدى وقالت صباح الخير
عدى :- صباح الخير يا ماما انتى خارجه
مليكه :- ايوه يا قلبى بس جيت اشوفك عامل ايه فى المدرسه
عدى :- الحمدالله يا ماما كويس ربنا مسهلى المنهج بفضل دعائك ليا
مليكه :- ربنا يسهلك الصعب يا عدى يا ابن قلبى واشوفك من المتفوقين تملى يارب
عدى :- باس ايديها وقال ويخليكى لينا يا ماما يارب
مليكه :- عدى خلى بالك على اخواتك يا عدى انتو ملكمش غير بعض يا حبيبى واوعى فى يوم من الايام حد يفرق ما بنكم عن طريق انكم اخوات من الأب بس انت طول عمرك ابنى انا زى جاكلين وفريد
عدى :- طبعآ يا ماما انتى امى حبيبتى وفضلك كبير عليا وانا بحب اخواتى وعمرى ما هسمح لحد يفرق ما بينا
مليكه :- ربنا يباركلى فيك يا حبيبى وباسته وخرجت من الاوضه وراحت على اوضت جاكلين
جاكلين :- اول ما شافت امها جريت عليها وقالت ملوكه وحشانى اوى
مليكه :- ضربتها على راسها من وراه بخفه وقالت يا بت مفيش ماما ايه ملوكه دى
جاكلين :- خلى البساط احمدى يا مليكه
مليكه :- يخربيت كده انا حاسه ان بتكلم مع خالتك مى بتاعة زمان
جاكلين :- هههههههه طيب والله خالتو مى دى عسل بس بنتها دى عايزه الحرق
مليكه :- جاكى عيب كده متقوليش كده على بنت خالتك
جاكلين :- سورى يا ماما بس بجد بنت خنيقه مش بحبها خالص
مليكه :- انتو كلكم اخوات وتيلا طيبه بس انتى اللى حطاها فوق دماغك علطول المهم انا نزله دلوقتى وانتى خلى بالك من نفسك ومن اخوكى فريد واسمعى كلام اخوكى عدى
جاكلين :- هو انتى مسافره ولا ايه
مليكه :- لاء ريحه مشوار
جاكلين :- خلاص يا ماما كل ده على مشوار مأفوره اوى الصراحه
مليكه :- يابت يا لمضه وبستها وخرجت راحت على اوضت سهير وقالت صباح الخير يا سوسو
سهير :- صباح النور يا قلب سوسو انتى خارجه ولا ايه
مليكه :- اممم ريحه مشوار بس قولت اجى أصبح عليكى ومعرفش أن المفعوص ده معاكى
سهير :- فريد ده حبيب تيته يكفى أن كله جده فريد
مليكه :- ايوه يا عم هنيالو واخد الحب مضاعف علشان اسم وشكل جدك
فريد :- ههههههههه
مليكه :- يا خراشى يا ناس على الضحكه الحلوه دى هاتى بوسه لماما
فريد :- اداها بوسه وقال باباى ماما
مليكه :- باى يا روح ماما
وخرجت من الاوضه وركبت مع السواق وراحت تشترى الحاجه لسحر
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى شقة عبدالرحمن
صحيت مى من نومها على صوت بنتها تيلا
مى :- فتحت عينيها واول ما شافت تيلا قامت حضنتها وقالت حبيبت ماما واحشتينى اوى يا قلبى
تيلا :- وانتى يا ماما واحشتينى اوى
مى :- جيتى امته
تيلا :- عمو اسر جبنى بالعربيه ومشى
مى :- اتبسطى عند خالتو مها
تيلا :- اووووووووى يا ماما ولعبت مع يوسف كتير بالالعاب بتاعته وكان يوسف كل يوم يجيب ليا شيكولاته وهو جاى من المدرسه
مى :- هههههههه انا شايفه أن كلامك كله على يوسف مفيش حاجه عن خالتو مها وعمو اسر
تيلا :- لاء يا ماما خالتو مها تعبانه ونايمه علطول على السرير بس كنت بقعد معاها شويه انا بحبها اوى وعمو اسر انا بموووت فيه بس يوسف بيزعل منى لما بقول على عمو اسر كده بس اوعى تقوليلو اصل انا بحب عمو اسر اوى علشان طيب اوى وبيحبينى وبيعملنى زى يوسف ابنه بالظبط طب انتى عارفه يا ماما قلى أن هو هينقلنى المدرسه اللى فيها يوسف وجاكلين بنت خالتو مليكه وانا فرحانه اوى انا بحبه اكتر من بابا بابا ده وحش لكن عم اسر ده طيب خالص يا ماما
مى :- حاولت تمسك دمعتها وقالت ماشى يا حبيبت ماما روحى عند تيته على ما البس هدومى علشان انزل اروح الشغل
تيلا :- حاضر يا ماما وخرجت من الاوضه
مى :- دمعتها نزلت منها وقالت منك لله يا مازن زى ما خليت بنتك تدور على حنان الاب عند حد بره علشان ملقتهوش فيك يارب قوينى وعنى على تربيتهم وقامت دخلت الحمام اخدت شاور واتوضت وخرجت لبست هدومها وأدت فرضها وخرجت من الاوضه
فايزه :- صباح الخير يا حبيبتى
مى :- صباح النور يا ماما
فايزه :- واخرت الدموع اللى فى عيونك دى ايه يا بنتى
مى :- اتكتب عليا اكون كده العمر كله يا ماما واه ياريت بلاش تبلغى مازن تحركاتى لان عمرى ما هفكر ارجعله تانى
فايزه :- يابنتى الراجل عرف غلطه وعايز يصلحو ارجعلو لبعض علشان خاطر بناتكم
مى :- بناتى انا ضيعت سنين عمرى وانا مستحمله علشان البنات وهو اصلا اخر همه البنات خلاص يا ماما معدش ينفع عن اذنك وسابتها ومشيت
فايزه :- ربنا يهديكى يا بنتى
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى شركة فريد المنشاوى
وصلت مى بالتاكسى ونزلت منه وحاسبته ولسه هتدخل الشركه سمعت صوت مازن
مازن :- مى مى
مى :- خير يا مازن
مازن :- عامله ايه دلوقتى
مى :- الحمدالله بحاول اكون كويسه
مازن :- النهارده هشوف ليكى عنوان دكتور وهخدك ونروح عنده
مى :- لاء النهارده مش هينفع وبعدين متشغلش بالك انا هبقى اشوف بنفسى عن اذنك
مازن :- مالك يا مى اتغيرتى تانى مش كنا اتفقنا واحنا فى الشرم
مى :- احنا عمرنا ما هنكون متفاقين يا مازن جربنا ومنفعش ياريت تبعد عن سكتى وسبنى فى حالى وخلينى انتبه لتربية بناتى
مازن :- امممم اسيبك علشان تروحى تتجوزى الواد الملزق ده صح
مى :- لاء ريح نفسك انت قومت بالواجب وزياده كرهتنى فى صنف الرجاله كلها و عمرى ما هسلم نفسى للراجل تانى كفايه بقى اللى شوفته على ايدك وياريت متجيش ليا هنا تانى وسابته ومشيت
مازن :- مى انتى ليا انا ومش هسمح لحد تانى ياخدك منى وبص بصه اخيره على الشركه ومشى
مى :- دخلت الشركه وهى مخنوقه من مازن ودخلت المكتب عند باسم ملقتهوش جه طلعت تانى وراحت عند السكرتيره ملاقتهاش سألت موظف وقالت امال فين اللى هنا
الموظف :- السكرتيره دعاء مجتش النهارده ولا استاذ باسم جه لحد دلوقتى ولا حتى استاذ فهد ولا استاذ فارس
مى :- بأستغراب ده اول مره محدش يجى الشركه كده ده كلهم فى وقت واحد
الموظف :- يمكن حضرتك علشان لسه نازلين من الرحله
مى :- يمكن شكرآ ليك وسابته وراحت تشوف شغلها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عند باسم
كان قاعد فى المستشفى ودموعه على خده وبيفتكر كلام الدكتور
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فلاش باااااك
وصل باسم المستشفى وهو على اخر نفس وطلع يجرى على اوضت نورهان ولسه هيدخل قبله الدكتور
باسم :- بلهفه خير يا دكتور انا جوزها
الدكتور :- اهلا بحضرتك اتفضل معايه فى المكتب
باسم :- ياريت تقولى نورهان فيها ايه
الدكتور :- طيب اتفضل معايه وانا هفهمك
باسم :- مشى مع الدكتور ودخل المكتب وقعد وقال ممكن بقى تفهمنى
الدكتور :- مرات حضرتك جت من فتره وهى بتشتكى من صداع مزمن علطول وضعف فى نظرها طبعآ كل ما تروح لحد يشخص ليها أن ضعف نظر بس انا شكيت فى الحاله وطلبت اعمل ليها تحاليل واشعه على المخ رفضت انها تقعد فى المستشفى كانت بتيجى كل يوم الصبح تعمل الاشعه والتحاليل وللاسف شكى كان فى محله طلع عندها كانسر على المخ فى مرحله متأخره جدآ
باسم :- بصدمه كانسر ط.ط.طب ملهوش علاج
الدكتور :- كان فى فرصه لما اكتشفنا المرض لكن هى رفضت معرفش ايه السبب وكانت عايشه على المسكنات بس للاسف المرض وصل المرحله الاخيره ومعدش ينفع معاها العلاج ولا حتى المسكنات
باسم :- بصدمه ي.ي.يعنى ايه نورهان خلاص هتموت لا لالا ا.ا انا هسفرها بره اعلاجها فى احسن المستشفيات بره
الدكتور:- للاسف يا استاذ حتى لو سفرتها بره هيبقى برضه ده كلامهم ده لو لحقت تسافر بيها اصلا ربنا يصبر قلوبكم
باسم :- خرج من عند الدكتور وعيونه كلها دموع ودخل الاوضه عند نورهان
نورهان :- وهى شيفاه بالعافيه قالت باسم كويس انك جيت قبل ما اقبل وجه كريم
باسم :- بدموع متقوليش كده انتى هتعيشى وهتربى فرحه بنتنا
نورهان :- بضحكت تعب انت بتضحك على نفسك ولا عليا يا باسم انا كلها ايام بقضيها فى الدنيا وربما كمان تكون سعات
باسم :- ليه يا نورهان معرفتنيش من اول ما عرفتى كان زمانك اتعالجتى وعايشه وسطنا
نورهان :- بتعب كده احسن للكل انا هروح لمكان احسن من هنا بكتير يا باسم وانت تقدر تتجوز البنت اللى عشت معايه بجسمك وعقلك وقلبك معاها انت كنت بتحلم بيها طول الليل يا باسم مكنش فى كلمه على لسانك طول الليل غير كلمة بحبك يا مى انا مش زعلانه منك يا باسم لان الواحد معندهوش تحكمات فى قلبه زى ما انت معرفتش تحبنى وتكرها برضه انا مليش تحكمات فى قلبى حبيتك ومقدرتش اكرهك رغم ان كنت عارفه أن قلبك مع واحده غيرى
باسم :- بدموع نورهان انتى رفضى العلاج بسببى
نورهان :- بلاش دموع علشان خاطرى دموعك غاليه عليا يا باسم متحملش نفسك ذنب ملكش يد فيه
باسم :- مسك ايديها وباسها وقال حقك عليا يا نورهان حقك عليا
نورهان :- طبطبت عليه وقالت انا مش زعلانه منك ومش زعلانه أن هموت بس اكتر حاجه وجعانى بنتى مش هشوفها تانى ولا هى هتشوفنى ودموعها نزلت منها وكملت كلامها وقالت خلى بالك عليها يا باسم اوعى تزعلها فى يوم من الايام ولما تكبر عرفها إن كنت بحبها اوى وكان نفسى أشوفها وهى عروسه وافرح بيها بس محدش ليه حاجه فى عمره ده ملك اللى خلقنا
باسم :- بدموع نورهان حقك عليا حقك عليا اااااااه يارب
نورهان :- باسم ممكن اطلب منك طلب اخير
باسم :- لو طلبتى عمرى مش كتير عليكى يا نورهان
نورهان :- ربنا يديك طولت العمر وتربى بنتنا وتفرحنى بيها وانا فى مكانى المهم عايزه اشوف مى دى
باسم :- اتصدم وقال ايه
نورهان :- ده اخر طلب ليا ممكن
باسم :- عايزه تشوفيها ليه يا نورهان صعب انها تسمع كلامى وتيجى ليكى هى اصلا مش بترضه تتكلم معايه كتير ازاى هقنعها تيجى المستشفى
نورهان :- بالله عليك يا باسم تنفذ الطلب ده ليا ده اخر طلب ليا فى الدنيا ديه
باسم :- حاضر يا نورهان هحاول
نورهان :- شكرآ يا باسم بس ياريت بسرعه يا عالم هلحق أشوفها ولا لاء
باسم :- حاضر وخرج من الاوضه وهو دموعه على خده وقعد يعيط
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
باااااااك
باسم :- ااااااااه يارب مش قادر استحمل تأنيب الضمير يارب انا ظلمتها كتير اوى ليه بيحصل معايه كده مراتى وحب عمرى ماتت وهى حامل فى ابنى وحبيت واحده اتجوزت من قبل ما اعترف ليها بحبى واتجوزت نورهان وظلمتها كتير واهملتها كتير بسبب حبى لمى وفى الاخر هتموت وهتسيب قلبى عايش بتأنيب الضمير ياترى يا بنتى هتسمحينى لما تكبرى ولا هتشيلنى ذنب موت امك ومسح دموعه ومسك تليفونه وطلب رقم مى وانتظر لآخر الرنه بص مردتش عليه جرب تانى وفى الاخر ردت عليه
مى :- خير يا استاذ باسم
باسم :- مى محتاجك دلوقتى جدآ جنبى
مى :- استاذ باسم كام مره اقولك لاء انسانى
باسم :- بدموع مى نورهان فى المستشفى وحالتها خطر واتبقى ليها سعات فى الدنيا
مى :- بصدمه ازاى حادثه يعنى
باسم :- لاء يا مى نورهان طلع عندها كانسر وللاسف فى المرحله الاخيره وتعبانه خالص وطالبه تشوفك
مى :- تشوفنى انا
باسم :- ايوه يا مى ياريت بلاش ترفضى بلاش علشان خاطرى علشان خاطر بنأدمه اتبقى ليها سعات وتفارق الدنيا
مى :- فى مستشفى ايه
باسم :- مستشفى (.......)
مى :- ماشى انا جايه حالا سلام
وقفل باسم مع مى وقعد ينتظرها
وبعد وقت وصلت مى المستشفى وطلعت المكان اللى فيه باسم واول ما شافت حالته صعب عليها
باسم :- اول ما شاف مى راح عندها وقال شكرآ ليكى يا مى انك جيتى
مى :- هى فين
باسم :- تعالى وراح خبط على الاوضه وقال نورهان مى جت
نورهان :- بتعب طب دخلها وسبنا لوحدنا
باسم :- حاضر
مى :- دخلت وقفلت الباب وراها وبعد وقت خرجت ودموعها على خدها
باسم :- راح عندها وقال هى كويسه
مى :- بدموع البقاء لله يا باسم
باسم :- لالالا بالسرعه دى انا ملحقتش اطلب منها السماح ماتت وهى زعلانه منى طيب اسمع منها كلمة سمحتك الاول يااااااااارب ليه حصلى كل ده هعيش ازاى بتعذيب روحى مش هقدر اقسم بالله
مى :- اخر كلمه قالتها انها مسمحاك وأنها بتحبك
باسم :- قعد فى الارض وقعد يعيط
مى :- صعب عليها قعدت جنبه فى الارض ودموعها نزلت منها وقالت اهدا يا باسم وادعلها بالرحمه وقوم حاول تخلص اجرأت الدفن اكرام الميت دفنه
باسم :- هقول لبنتى ايه هقولها امك اختارت الموت علشان مش بحبها هقدر ابص فى وشها تانى ازاى
مى :- طبطبت عليه وقالت ده عمرها وانتهى لكل اجلا كتاب يا باسم محدش بيتقدم ساعه ولا بيتأخر ساعه كلنا لينا معاد محدد هنقابل ربنا فيه
باسم :- اترمى فى حضن مى وقال ياريت كنت انا اللي موت مش هى بنتها محتاجها اكتر منى اعيش ازاى يا مى ازاى
مى :- اتفاجئت بحركة باسم بس حاولت تواسيه وقالت شد حيلك وخليك قوى علشان خاطر بنتك يا باسم هى دلوقتى محتاجك اكتر من اى وقت تانى
باسم :- مسك ايديها وقال بدموع مى خليكى جنبى متسبنيش
مى :- قوم انت بس خلص الإجراءات بتاعت الدفن
باسم :- حاول يقوم كان هيقع
مى :- قامت وقفت ومدت ايديها وسندته
باسم :- راح يخلص إجراءات الدفن
مى :- اتصلت على تليفون مليكه علشان تبلغها بالخبر لكن اتصدمت لما سمعت صوت مليكه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عند مليكه
وصلت بالعربيه للشقه بعد ما اشترت حاجة الشهر لسحر
وطلعت واستغربت لما شافت الباب مفتوح زقته ودخلت وقعدت تقول
مليكه :- سحر يا ست سحر ا.ا انتى هنا طيب فى حد موجود بس شافت نور الاوضه مفتوح دخلت عندها وزقت الباب واتصدمت من اللى شافته وقالت فهههههههههد وفى الوقت ده تليفونها رن فتحت التليفون وقالت الحقينى يا مى
