رواية عشقت كبريائي فهد ومليكة الجزء الثاني (عناد الحب والكبرياء) الفصل الثالث والعشرون
فى المستشفى خلص باسم الإجراءات بتاعة الدفن وراح عند مى لاقها وقفه مصدومه
باسم :- مى مالك
مى :- مليكه مش عارفه مالها اتصلت بيها لاقتها منهاره وبتقولى الحقينى والسكه اتقفلت اتصلت بيها فى الفيلا مش موجوده واتصلت على تليفونها مش بترد
باسم :- هيكون ايه اللى حصل
مى :- مى مش عارفه انا خايفه اوى على مليكه
باسم :- طيب اتصلى على فهد
مى :- اتصلت برضه محدش بيرد
باسم :- طيب والعمل
مى :- باسم معلش مش هقدر أكمل معاك وانا قلبى قلقان على مليكه خلص انت الدفن والعزا وانا هروح احاول افهم فى ايه
باسم :- ماشى يا مى روحى انتى وانا هبقى اطمن منك بالتليفون
مى :- ماشى يا باسم انا اسفه أن مقدرتش أقف جنبك البقاءلله
باسم :- ازاى يكفى انك جيتى وحققت طلب نورهان ربنا يرحمها انها تشوفك قبل ما تموت
مى :- ربنا يرحمها يارب عن اذنك وسابته ومشيت
باسم :- خلص كل حاجه والغسل وكله واستلم نورهان وراح صله عليها واندفنت
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى الشقه عند مليكه وفهد
كان وكيل النيابه قاعد بيتكلم مع مليكه وهى منهاره
وكيل النيابه :- قتلتيهم ليه اعترفى الادله كلها ضدك
مليكه :- بدموع مقتلتهمش والله العظيم ما قتلتهم انا مقدرش اعمل كده اقسم بالله
وكيل النيابه :- طيب تسمى ايه وجودك فى مكان الجريمه ومسكك لأداة الجريمه
مليكه :- ا.ا انا كنت جايه وجايبه الاكل بتاع الشهر لسحر ولاقيت الباب مفتوح استغربت ودخلت وقعد انادى عليها وشوفت نور طالع من الاوضه دخلت عنده لاقيت سحر نايمه على السرير و.و.وفهد نايم جنبها والدم مغرق المكان
وكيل النيابه :- وكنتى ماسكه المسدس ليه
مليكه :- وهى منهاره والدموع نازله منها انا شوفت خيال حد وشوفت المسدس واقع على الأرض مسكته علشان اشوف مين فى المكان وعمل كده فى نفس الوقت لاقيتكم داخلين
وكيل النيابه :- مليكه عبدالرحمن اعترفى انك قتلتيهم بدافع الغيره بعد ما شوفتيهم فى وضع مخل فى اوضت النوم
مليكه :- محصلش محصلش
وكيل النيابه :- احنا مضطرين نتحفظ عليكى لحين انتهاء التحقيق
مليكه :- ط.ط.طيب عايزه اطمن على فهد حصله ايه
وكيل النيابه :- يا عسكرى تعال خدها على البوكس
مليكه :- بدموع عايزه اطمن على فهد ابوس ايديكم
وكيل النيابه :- خدها يلا
مليكه :- بدموع لالالا فههههههههد
العسكرى :- انجرى يلا قدامى
وفى الوقت ده خرج فهد على السرير النقال مع بتوع الإسعاف وسحر نفس الحكايه
مليكه :- بدموع وهى بتحاول تروح عنده فهد اوعى تسبنى فهد علشان خاطر ولادنا قوم بالله عليك قوم مقدرش اعيش من غيرك لو حصلك حاجه هموت
العسكرى :- امشى يا بت
مليكه :- فهد رد عليا انت ليه ساكت اوعى يا فهد تبعد وتسبنى اوعى انت وعدنى عمرك ما هتبعد عنى وعمرك ما وعدنى بحاجه ومنفذتهاش
بتوع الإسعاف نزلو فهد فى عربية الإسعاف ومشيو بيه
مليكه :- نزلت وراها وقعدت تبص على عربية الإسعاف وتصرخ وتقول فههههههههد متسبنيش بالله عليك يا فهد فههههههههههد واغمى عليها
العسكرى :- قومى يا بت بلاش تمثيل وقعد يضرب على وشها بس ما فقتش بص لزميله وقال اطلع بلغ حسام باشا بسرعه
وطلع العسكرى بلغ وكيل النيابه
حسام وكيل النيابه :- نزل يجرى وحاول يفوق مليكه بس مفقتش اطمن أن النبض شغال وانها عايشه وجت الإسعاف وفاقت فى العربيه
مليكه :- بدموع فهد انا عايزه فهد جوزى
حسام :- ممكن تهدى يا مدام شويه
مليكه :- عايزه اطمن على فهد
حسام :- بعد ما قتلتيه عايزه تطمنى عليه
مليكه :- بدموع انا معملتش حاجه ومقدرش أاذى فهد ده هو النفس اللى بتنفسه ازاى هقدر اوجعه وازاى اقدر أذى روح خلقها ربنا مستحيل اعمل كده
حسام :- حس بصدق كلام مليكه بصلها وقال انتى دلوقتى كويسه
مليكه :- ازاى هكون كويسه وجوزى وعمرى كله فى حاجه وجعه ازاى
حسام :- مدام مليكه احنا لازم نروح النيابه علشان نكمل التحقيق معاكى
مليكه :- بدموع وحياة اغلى حاجه عندك عايزه اطمن على فهد
حسام :- نروح النيابه وهناك هنعرف حالته ايه بالظبط ونده على العسكرى واخد مليكه فى البوكس وراحو على النيابه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عند مى
حاولت توصل لمليكه بأى طريقه بس فشلت افتكرت اسر مسكت تليفونها واتصلت عليه وانتظرت الرد
مى :- السلام عليكم
اسر :- وعليكم السلام ازيك يا اوزعه عاش من سمع صوتك
مى :- وهى متوتره اسر الحقنى
اسر :- بخضه خير يا مى فى ايه
مى :- حكت لأسر اللى حصل فى مكلمة مليكه
اسر :- طيب مقلتش هى فين ولا اى كلمه تانيه تدل على مكانها
مى :- بدموع لاء يا اسر هى مقلتش غير الحقينى يا مى
اسر :- طيب انتى فين دلوقتى
مى :- انا وقفه جنب الشركه بتاعة فهد
اسر :- طيب انا جاى ليكى حالا
مى :- بسرعه بالله عليك يا اسر
وقفلت مع اسر وفى الوقت ده تليفونها رن برقم باسم
مى :- ايوه يا باسم
باسم :- موصلتيش لحاجه
مى :- لاء لسه برضه
باسم :- نورهان اندفنت وبليل العزا اجيلك
مى :- لالالا خليك انت ريح وحضر عندك كل حاجه وانا اتصلت بأسر ابن عمى وجاى ليا دلوقتى
باسم :- وليه تتصلى بيه
مى :- هو فى مقام اخويه وملناش حد غيره يقف جنبنا وعن اذنك علشان هو وصل اهو وقفلت مع باسم
باسم :- اتغاظ منها بس الوقت مش مناسب راح يشوف اللى وراه
عند مى
اسر :- تعالى يا مى اركبى
مى :- ركبت جنب اسر وهى متوتره وقالت انا خايفه عليها اوى يا اسر
اسر :- طيب أهدى شويه وفكرى كده تكون راحت فين
مى :- معرفش ده حتى النهارده محدش جه الشركه النهارده خالص وده اللى قلقنى اكتر
اسر :- طيب فهد اتصلتى عليه
مى :- ايوه مش بيرد ومحدش فى الفيلا يعرف مليكه راحت فين بس الغريبه قالو أن فهد نزل الشركه وهو مجاش النهارده
اسر :- طيب لو هو نزل الشركه ومجاش يبقى ممكن عمل حادثه ولا حاجه ومليكه عرفت وراحت ليه ولما انتى اتصلتى بيها قالت كده وقفلت
مى :- طيب نتصل على المستشفيات نسأل كده
اسر :- ماشى ومسك تليفونه وقعد يتصل على المستشفيات ويسأل على اسم فهد ومليكه لحد ما وصل لاسم فهد فى المستشفى
اسر :- بصدمه انت بتقول ايه
فى المستشفى :- ايوه حضرتك الاسم ده وصل من شويه مضروب بالرصاص هو وواحده معاه اللى معاه ماتت وهو حالته خطر جدآ لان الرصاصه جنب القلب علطول وحاليآ فى العمليات
اسر :- بخوف ط ط طيب اللى معاه اسمها ايه
فى المستشفى :- ثوانى حضرتك وبعد شويه رد عليه وقال اسمها سحر عبد الكريم
اسر :- اخد نفس وطلعه وقال طيب حضرتك متعرفش مين عمل كده
فى المستشفى :- والله حضرتك بيقولوا مراته بس معنديش معلومات اكتر من كده بس ممكن تروح النيابه وحضرتك تعرف كل حاجه مراته موجوده هناك
اسر :- بصدمه ش.ش.شكرآ
وقفل التليفون
مى :- بخوف ودموع اوعى تقولى أن مليكه حصلها حاجه
اسر :- بصدمه مليكه فى النيابه
مى :- بصدمه ايه ليه
اسر :- بيقولوا ضربت فهد وواحده معاه بالرصاص الست ماتت وفهد حالته خطر فى العمليات
مى :- بدموع م.م.مستحيل مليكه تعمل كده مستحيل
اسر :- شغل العربيه وراح عند مليكه فى النيابه هو ومى ودخل المكتب وطلب أن هما يشوفه مليكه ووكيل النيابه وافق وطلب من العسكرى يجبها من الحجز
مليكه :- اول ما شافت مى طلعت تجرى عليها واترمت فى حضنها وقعدو الاتنين يعيطوا
حسام :- هسيبكم مع المتهمه شويه
اسر :- شكرآ لحضرتك
وخرج حسام من المكتب
اسر :- ايه اللى حصل يا مليكه
مليكه :- بدموع والله ما عملت حاجه يا اسر انا دخلت لاقتهم مضروبين بالرصاص
اسر :- طيب ايه وداكى هناك
مليكه :- كنا متفقين انا وفهد انا أودى ليها اكل الشهر واشتريت ليها الحاجه وروحت اديها ليها
مى :- وايه اللى يخلى فهد يروح هناك
مليكه :- مش عارفه هو نزل من الفيلا على أساس أن هو هيروح الشركه
اسر :- وغريبه برضه أن هو عارف ان مليكه رايحه بحاجة الشهر ليها وهيروح يخونها معاها طيب ازاى فى حاجه غلط فى الموضوع ده
مليكه :- بدموع ايوه كان فى حد فى الشقه ساعة ما وصلت وشوفت خياله ومسكت المسدس علشان اشوف مين بس البوليس وصل فى الوقت ده والخيال اختفى شكله هرب
مى :- طيب مين هيعمل كده وبعدين عايزين نعرف ايه وده فهد الشقه عندها
مليكه :- بدموع مش مهم كل ده انا عايزه اطمن عليه حد فيكم يعرف هو عامل ايه
اسر :- بص لمى وبعدين بص لمليكه وقال هو فى العمليات دلوقتى حالته خطر
مليكه :- بدموع يارب قومه بالسلامه علشان خاطر ولاده مش مهم اى حاجه فى الدنيا دى بس رجعه ليا بالسلامه
مى :- طبطبت عليها وقالت أهدى يا مليكه أن شاءالله هيبقى كويس وهو يحكى ويقول ايه اللى حصل فى الشقه
اسر :- انا هقوملك اكبر محامى متخفيش يا مليكه
مليكه :- انا مش خايفه من اى حاجه غير على فهد وبس
اسر :- وانا برضه هقف معاه فى المستشفى وهعرفك حالته اول بأول
مليكه :- ربنا يخليك يا اسر وبصت لمى وقالت مى معلش خلى بالك على ولادى وخلى باسم يخلى باله على الشركه لحد ما فهد يقوم بالسلامه
مى :- متخفيش على الولاد وعلى الشركه هخلى بالى منهم باسم مراته ماتت النهارده
اسر :- لاحولا ولا قوة الا بالله نورهان ماتت
مى :- ايوه
اسر :- هى مال المصايب نزله علينا كده
مليكه :- ربنا يرحمها ويطمن قلبى على فهد يارب
وفى الوقت ده دخل حسام وقال تمام كده يا جماعه المتهمه لازم يتحقق معاها دلوقتى وياريت تقومو ليها محامى كويس لان فى حاجه تانى ظهرت فى القضيه تثبت التهمه عليها
اسر :- بص لمى وبعدين قال خير حضرتك
حسام :- المسدس اللى استعمل فى الجريمه طلع مرخص بأسم فهد فريد المنشاوى يعنى الأداة المستخدمه هى جايبه معاها وناويه على الجريمه
مليكه :- بدموع محصلش وانا اصلا معرفش فهد بيحط المسدس بتاعه فين وانا عمرى ما اقدر اجرح فهد جرح صغير هقدر اضربه ازاى بالرصاص
حسام :- والله تقدرى تقولى الكلام ده فى التحقيق وبص لأسر ومى وقال ممكن لو سمحتو علشان نبدء التحقيق
اسر :- ايوه طبعآ وانا هقوم ليها محامى وابعته ليها حالا وبص لمى وقال يلا يا مى
مليكه :- وقفت وقالت اسر انا خايفه
اسر :- طمنها وقال متخفيش يا مليكه انا جنبك ومش هسيبك
مليكه :- بدموع ابقى طمنى على فهد
اسر :- حاضر خليكى انتى بس قويه علشان خاطره
مليكه :- بدموع حاضر بلغه أن بحبه ومهما يحصل هفضل جنبه بروحى
مى :- بدموع مليكه علشان خاطر ولادك اقوى
مليكه :- حاضر
ومشت مى مع اسر وقومه محامى لمليكه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى المستشفى
كانت حالة فهد بتسوء اكتر
وكانت الدكاتره بيحاولو ينقذوه وبعد وقت طويل فى العمليات قدرت الدكاتره تخرج الرصاصه من جنب قلبه ولكن مع الاسف دخل فى غيبوبه خرجو من العمليات حطوه فى العنايه المركزه تحت الاجهزه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا فارس المنشاوى
كان فارس قاعد فى اوضه وبيفكر فى كلام جومانه وفى الوقت ده باب اوضه خبط قام فتحه وقال
فارس :- ايوه يا جومانه
جومانه :- انت زعلان منى
فارس :- لاء يا جومانه انتى عندك حق
جومانه :- على فكره يا فارس انا مش قصدى انك وحش ولا واحد شهوانى بتحركك شهوتك لاء انا عارفه انك واحد مخلص فى مشاعرك وحبك وده قالو ليا باسم عنك وانك كنت بتحب مراتك الاولى من كل قلبك وانك كنت مخلص ليها وعمرك ما فكرت تبص لواحده تانيه غيرها وده بيدل انك راجل شريف بس كان لازم اسمع منك كلمه تشجعنى
فارس :- تشجعك على ايه
جومانه :- طيب ممكن ادخل اقعد
فارس :- ايوه طبعآ ووسع ليها السكه
جومانه :- دخلت وقعدت على السرير وقالت وهى متوتره فارس انا عمرى ما حبيت عمرى ما كنت بفكر فى الحب وكنت بقول عليه كلام فارغ ومضيعه للوقت وخلاص لكن من بعد ما قبلتك بدأت اغير تفكيرى عن الحب وبدأت احس احساس غريب فى قلبى وده كان بيزيد كل ما تكون جنبى وبدأت تشغل تفكيرى وعلطول مستحوذ على كل وقتى بس للاسف كنت تملى تجرحنى بكلامك ورغم انك كنت بتوجعنى بس برضه معرفتش اكرهك بلعكس كنت بتعلق بيك اكتر وبدأت احب ضعفى قدامك بقيت بفرح لما تنطق اسمى على لسانك ولما وافقت على الخطوبه كنت فرحانه اوى رغم إن كنت مبينه عكس كده ويوم الخطوبه فرحت اوى لما شوفت المأذون وقولت مش معقوله يعنى هتكون واخدها تحدى وتجيب المأذون بالسرعه دى وبقى عندى امل انك تكون بدأت تحبنى وجيت معاك الفيلا هنا وانا راسمه حياة تانيه خالص بس اتفاجئت بمعملتك ليا قررت أن مش هضعف ليك مهما يكون لكن غصب عنى كنت بضعف مجرد ما تلمسنى فاكر يوم الفار وجيت ليك اوضك واللى حصل ما بنا كنت خلاص سلمت نفسى ليك بس تليفون فهد جه فى وقت قاتل قولت مع نفسى انك هترد عليه وهترجع تانى ليا بس وقتها فجأتنى بكلامك وجرحتنى اوى وكسرت كبريائى أن انا سلمت نفسى ليك وانت رفضنى وكنت اخد قرار أن هبعد عنك بس برضه مقدرتش عارف ليه لأنك بقيت انت بالنسبالى كل الحياه والبعد عنك وجع قلب وانكسار فارس انا بحبك اوى واكتر منك كمان وبحلم باليوم اللى نكون انا وانت عيله بجد ويبقى عندى منك طفل يشبهك لما قولت ليك بحبك وانا مهلوسه كان كلام بجد طالع من قلبى صدقنى انا من بعد ما عرفت اللى حصل معاك زمان خلانى اتمسكت بيك اكتر وعرفت ايه سبب معاملتك ليا زمان واديتك الحق لان مفيش واحد عاش اللى انت عشته ويرجع يأمن لحد بسهولا وفرحت اوى لما جيت اعترفت ليا بحبك بس سألتك السؤال ده علشان ترد عليا واتأكد ليا انك بتحبينى انا وتشجعنى أن اعترفلك بحبى لكن لاقيتك زعلت واخد على خاطرك وعلشان كده جيت أوضح ليك كلامى واعترفلك بحبى
فارس :- كان بيسمع الكلام ده ومش مصدق نفسه وقعد جنب جومانه على السرير ومسك ايديها وبص فى عينيها وقال جومانه انا بحبك وبعشقك وبتمناكى اكتر منك بس كلامك صدمنى لانك شكيتى فى حبى ليكى وسمتيه حب شهوه مع أن لو كان حب شهوه كنت اخد منك اللى عايزه وانتى مش حاسه بحاجه وكنتى هستمتع لان كنتى انتى يوميها مهلوسه وبتعملى كل حاجه لا اراديه وكنتى مسلمانى نفسك وبمزاجك لكن أنا رفض لان اهم حاجه عندى انتى يا جومانه مش جسمك
جومانه :- عارفه يا فارس مش محتاج توضح حاجه ليا لأن انا عارفه انت ايه
فارس :- بص فى عينيها وقال جومانه انا عايز نبقى عيله بجد ايه رأيك
جومانه :- اتكسفت ونزلت عينيها من عين فارس وهزت راسها بمعنى موافقه
فارس :- رفع رأس جومانه وبص على شفايفها وبسها ومد أيده على سوستة ترنج جومانه وبدأ يفتح السوسته ونيمها على السرير ولكن فى الوقت ده رن تليفون فارس
جومانه :- فارس ا.ا.التليفون
فارس :- وهو بيبوسها فى رقبتها قال سيبك منه
لكن التليفون رن تانى
جومانه :- ف.ف.فارس ر.ر.رد ليكون حاجه مهما
فارس :- بعد عنها وهو بينفخ وقال بأستغراب دى مى
جومانه :- طيب رد
فارس :- رد وقال ازيك يا مى
مى :- الحمدالله يا فارس انا اسفه أن اتصلت بيك فى الوقت ده بس فى خبر مش حلو
فارس :- خير يا مى
مى :- فهد فى المستشفى
فارس :- بصدمه فهد ماله يا مى اخويه
مى :- لاقوه مضروب بالرصاص فى شقته القديمه مع واحده
فارس :- ايه ومين عمل كده
مى :- متهمين مليكه
فارس :- مليكه انا جاى حالا وقفل مع مى وقام وقف
جومانه :- ماله فهد
فارس :- فهد مضروب بالرصاص وفى المستشفى
جومانه :- خبطت على صدرها وقالت يا نهار اسود ومنيل وهو عامل ايه ومين عمل كده
فارس :- معرفش عامل ايه وبيقولو أن اللى عمل كده مليكه
جومانه :- يا خبر ومليكه هتعمل كده ليه طيب اصبر انا جايه معاك
فارس :- بسرعه على ما اشغل العربيه ونزل يجرى ودخلت جومانه لبست هدومها ونزلت ركبت معاه وراحو على المستشفى
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
الخبر وصل للكل عن فهد ومليكه وفى اللى صدق أن مليكه قتلتهم وفى اللى مصدقش أن مليكه تقتل حد
حالة فهد بتسوء تحت الاجهزه
وحالة مليكه كانت بتسوء اكتر على قعدتها فى الحبس بعيد عن فهد وكان اسر بيوصل اخبار فهد اول بأول وهى كانت هتموت وتشوفه
لحد ما باسم خلص العزا وراح المستشفى بص على فهد وبعدين راح عند مليكه ودخل قعد معاها
مليكه :- بدموع تصدق يا باسم أن انا اعمل كده فى فهد
باسم :- لاء طبعآ يا مليكه انا اكتر واحد كنت شاهد على حبكم لبعض
مليكه :- بدموع هموت عليه يا باسم نفسى اشوفه اطمن عليه اخده فى حضنى احسسه بوجودى جنبه يمكن يعمل زى قبل كده يتمسك بالحياه علشان خاطرى
باسم :- انا هعمل بكل طريقه واخد إذن انك تشوفيه ومش هسكت غير ما اخرجك من هنا يا مليكه
مليكه :- باسم خلى بالك من فهد بالله عليك خليك جنبه
باسم :- هخلى بالى منه ومنك يا مليكه زى ما هو اخويه انتى اختى برضه
مليكه :- مش مهم انا المهم فهد فداه عمرى كله يا باسم
باسم :- أن شاءالله انتى اللى هتخلى بالك منه يا مليكه
وفى الوقت ده دخل حسام
باسم :- ازيك يا حسام باشا
حسام :- باسم عاش من شافك وبعدين شاور على مليكه وقال تبعك
باسم :- ايوه مليكه زى اختى هو انت اللى ماسك القضيه
حسام :- ايوه
باسم :- امال مين اللى كان قاعد مكانك ده
حسام :- ده واحد زميلى كان قاعد مكانى ساعتين
باسم :- بص لمليكه وقال كويس أن حسام باشا اللى ماسك القضيه بجد راجل حقانى وبيفضل وراه الحقيقه لحد ما يوصل ليها
مليكه :- انا مش مهم أن أخرج انا عايزه بس اشوف فهد ولو مره واحده بس اطمن عليه والمسه بأيدى
باسم :- حسام باشا ده طلب شخصى علشان خاطر الجيره والعيش والملح اللى كان بينا
حسام :- صعب جدآ يا باسم ده قانون مينفعش العب فيه
باسم :- حسام اعتبرها زى اختك انا واثق أن مليكه معملتش كده بس مش ده موضعنا لان انا واثق انك هتوصل للحقيقه لكن ده جوزها وأبو عيالها وهى روحها فيه ونفسها تشوفه وتطمن عليه بنفسها لو حتى انت اللى روحت معاها وسبها معاه شويه لعلها تكون هى السبب فى تمسكه بالحياه مليكه كل حياة فهد ووجودها جنبه هيفرق صدقنى
حسام :- سكت وقعد يفكر فى كلام باسم
باسم :- كمل كلامه وقال وبعدين انا اعرف حاجه اسمها روح القانون يعنى مش هتخالف ضميرك ولا حاجه
حسام :- ماشى يلا بينا بس هى ساعه بس ونرجع تانى للنيابه
باسم :- بجد شكرآ ليك يا حسام انت طول عمرك معروف بطيبة القلب وروحك الحلوه
حسام :- ده واجبى كأنسان قبل ما اكون وكيل نيابه
مليكه :- بدموع شكرآ ليك جميلك ده عمرى ما هنساه ابدآ
حسام :- طيب يلا بينا علشان الوقت
ونزل حسام ومليكه وباسم وركبو عربية باسم وراحو المستشفى عند فهد
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى المستشفى
وصلو التلاته وكانت سهير قعده ومنهاره من العياط واول ما شافت مليكه قالت
سهير :- انتى ايه جايبك تانى ها جايه تطمنى أن هو مات ولا جايه تشمتى فيه منك لله يا بعيده اشوف فيكى يوم زى ما حرقتى قلبى على ابنى
مليكه:- بدموع ماما انتى تصدقى أن انا اعمل كده
سهير :- انتى ايه يا شيخه شيطانه قدرتى تخدعينا العمر ده كله اااااااه يا ابنى ربنا يحرق قلبها زى ما حرقت قلبى عليك
مليكه :- ماما
سهير :- متقوليش ماما
مليكه :- بدموع متقوليش كده بالله عليكى
باسم :- تعالى يا مليكه هى معذوره قلبها وجعها على ابنها انتى ام وتقدرى تعرفى شعورها ايه دلوقتى سبيها بعدين هتعرف الحقيقه
وفى الوقت ده جه فارس واتفاجئ بوجود مليكه
فارس :- مليكه بتعملى ايه هنا
مليكه :- فارس انا جايه اطمن على فهد
فارس :- لا والله تعمليها وتيجى تنزلى دموع التماسيح ليه تعملى كده شوفتيه بيخونك سبيه اطلقى منه لكن تقتليه ليه احنا كنا محتاجينه
باسم :- فارس حتى انت مصدق كده على مليكه
فارس :- وايه يخلينى مصدقش ها وكل حاجه تأكد أنها هى الغيره تعمل اكتر من كده يا باسم
مليكه :- انا بحب فهد وعمرى ما اعمل كده فيه طيب ما انا شوفته قبل كده معاها وكان عريان من فوق ليه معملتش كده فيه انا بثق فى فهد وعمرى ما اصدق أن هو يخونى
فارس :- وحيات امك بلاش تمثيل وياريت تمشى من هنا مشوفش وشك هنا تانى
جومانه :- فارس ده جوزها وأبو اولادها ومن حقها تشوفه
فارس :- جومانه ملكيش دعوه انتى
جومانه :- لاء يا فارس ليا مش بحب اشوف الظلم واسكت عليه وانت بتظلم مليكه
فارس :- جومااااااانه بلاش انتى
مليكه :- جومانه بلاش انتى تدخلى علشان جوزك ميزعلش منك وتحصل مشاكل بسببى
جومانه :- لاء يا مليكه لو هو ظالم مش هقدر اامن على نفسى معاه
فارس :- جومانه متدخليش فى اللى ملكيش فيه علشان متشوفيس حاجه مش هتعجبك
جومانه :- اعمل اللى تعمله يافارس انا هقف مع الحق وانا مصدقش أن مليكه تعمل كده
فارس :- كده يا جومانه براحتك ومشى وسابهم وراح باسم وطلب من الدكتور أن مليكه تدخل لفهد والدكتور وافق وراحت مليكه والممرضه جهزتها ودخلت لفهد
مليكه :- اول ما دخلت وشافت فهد طلعت تجرى عليه ونامت على صدره وقالت بدموع اااااااه يا فهد انشالله انا اللى كنت مكانك الكل مصدق أن انا اللى عملت فيك كده ميعرفوش أن الوجع اللى انت بتحس بيه انا بحسه مليون مره اكتر منك ميعرفوش انك روحى ومستعده أن اضحى بعمرى كله علشان تكون انت كويس وبخير ميعرفوش انك انت بالنسبه ليا مش مجرد راجل وخلاص انت كل حاجه حلوه بالنسبه ليا انا عايزاك ترجع الدنيا دى تانى مش علشان تخرجنى من اللى انا فيه لاء علشان انا بحس بالامان طول ما صوتك فى الدنيا حتى لو بعيد عنى أو ايدك مش لمسه ايديه بحس بيهم من بعيد يا فهد ارجع تانى للحياه ورجع روحى معاك طول ما انت كده حاسه ان انا اللى تعبانه مخنوقه وروحى مش فيه انا بحبك وبعشقك ووثقه فيك مهما الدنيا دى كلها عملت وحاولت تفرق ما بنا وبسته فى راسه وباست ايده وقالت عايزاك تكون تملى بخير وكويس مهما يكون عايزاك تفضل تملى فهد المنشاوى اللى شوفته اول مره وقلبى اتعلق بيه بقوتك وتكبرك ارجعلى يا فهد ومسحت دموعها وبصت عليه شويه وقامت خرجت من الاوضه وراحت عند حسام وقالت انا جاهزه
باسم :- بص لحسام وقال عرفت انا ليه طلبت منك انها تيجى ليه علشان الاتنين مصدر قوه لبعض هى قوته وهو قوتها الزياره دى هتفرق للاتنين جدآ
مليكه :- انا جاهزه ومتأكده أن فهد هيكون كويس وهيقوم ويرجع لينا احسن من الاول ومشت مع حسام وقبلت فى سكتها ناديه
ناديه :- فتحت ايديها ليها وقالت تعالى يا بنتى فى حضنى
مليكه :- اترمت فى حضنها وعيطت وقالت فهد يا نانا نايم جوه ومش بيرد عليا
ناديه :- مسحت دموع مليكه وقالت اجمدى يا مليكه فهد هيكون كويس وهيرجع احسن من الاول وهينتقم من اللى عملو كده
حسام :- يلا يا مليكه
ناديه :- روحى يا مليكه وخليكى واثقه فى ربنا واتأكدى أن ربك رب المظلومين ومسير الحق هيبان وكل واحد هياخد جزائه
ومشت مليكه مع حسام ودخلت ناديه عند فهد
وقعدت قصاده على الكرسى ودموعها نزلت منها وقالت
ناديه :- قوم يا ابن قلبى سلامتك من النومه ديه قوم يا فهد علشان خاطر ستك اللى بتحبك انا بصبر الكل وانا قلبى نار عليك انا اللى ربيتك وعارفه معدنك ايه عارفه انك قوى ومفيش حاجه فى الدنيا دى تكسرك ومهما تقع هترجع تانى وتقف على رجليك علشان انت السند اللى شايل الكل على ضهرك ومينفعش تقع لان ساعتها الكل هيقع وراك انا عارفه ومتأكده انك سامعنى وكلامى ده واصلك وانك هترجع تانى علشان خاطرى وخاطر مليكه وخاطر عيالك وكل اللى بيحبوك هسيبك علشان متتعبش وهرجعلك تانى وباسته فى راسه وخرجت من الاوضه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى مكان تانى
الشخص :- كنت خلاص خلصت عليها وبخلص على اللى اسمه فهد بس الست اللى دخلت دى جت فى وقت غلط وكانت هتكشفنى
دعاء :- بس احسن فرحانه فى مراته اوى تستاهل اللى حصلها ده واكتر كمان يارب تتعلق على حبل المشنقه علشان ارتاح
الشخص :- بس مين اللى بلغ الشرطه
دعاء:- انا بلغتهم قولت على ما تخلص وتخرج يوصله ويشوفه الجريمه
الشخص :- غبيه كنت انا اللى هروح فيها وصلو وانا لسه فى الشقه
دعاء :- وانا ايه عرفنى أن هيوصلو بسرعه كده
الشخص :- بس سألت من بعيد لبعيد على اللى اسمه فهد ده عرفت أن حالته ميؤس منها وان هو هيودع قريب اوى
دعاء :- يلا داهيه تشيله هو والزفته مراته
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
