 |
رواية عشقت كبريائي فهد ومليكة الجزء الثاني (عناد الحب والكبرياء) الفصل الرابع والعشرون بقلم دودو محمد
فى النيابه
كان حسام بيحقق مع مليكه
حسام :- مليكه عايزه تقوليلي اى حاجه فكراها عن القتيله
مليكه :- سحر كانت شغاله فى الدعاره وكان ليها علاقات كتير مع الرجاله ومنهم فهد جوزى ومن ساعة ما اتقبلنا انا وفهد جوزى قطع علاقته بيها وبأى واحده ومن فتره صغيره جدآ اكتشفت أن جوزى معاها فى الشقه بتاعتنا القديمه وحصلت مشكله ما بنا لحد ما عرفت الحقيقه
حسام :- اللى هى ايه
مليكه :- إن جوزها هو اللى كان مشغلها الشغل ده وهى قرفة من الشغل ده وكانت عايزه تتوب بس جوزها كان منعها وبيضربها وبيهنها علشان ترجع تانى تشتغل الشغلانه دى فهى قررت أنها تاخد اولادها وتروح تطلب حماية فهد وفهد فعلا متأخرش عن مساعدتها وقعدها هى وعيالها فى الشقه القديمه بتاعتنا وحماها من جوزها وكان هو بيجيب ليهم اى حاجه محتاجنها لحد ما جوزها وصل ليها وطلب منها أنها ترجع تانى الشغل اتصلت بفهد وقالت ليه اللى حصل مع جوزها
حسام :- ها وبعدين
مليكه :- بس فهد جاب جوزها ده وخلاه طلقها
حسام :- وهو وافق بسهولا كده أن يطلقها
مليكه :- معرفش والله
حسام :- طيب انتى ايه وداكى الشقه عندها
مليكه :- ما لما حصلت المشكله ما بنا طلبت منه أن انا اللى اجيب ليها طلبات الشهر واوديها ليها وهو ملهوش دعوه بيها
حسام :- طيب يوم الحادثه ايه اللى خلى فهد يروح هناك
مليكه:- معرفش هو اليوم ده طلب منى أن أجيب طلبات الشهر لسحر واوديها ليها لان عده يومين على معادنا وأصر على كده ونزل على أساس أن هو رايح الشركه
حسام :- طيب انتى قولتى أن هى كان معاها اطفال لما روحتى كانو موجودين
مليكه :- لاء مكنش فى حد فى الشقه غير خيال حد هرب اول ما انتو وصلتو
حسام :- هما فى مدرسه
مليكه :- ايوه على ما اعتقد فهد كان قايل انهم فى مدرسه
حسام :- ووقت ما انتى روحتى اكيد كانو لسه فى المدرسه طيب هما راحو فين دلوقتى
مليكه :- مش عارفه
حسام :- بصى يا مليكه انا شخصيآ مصدق كلامك لكن القانون مش فى صفك لان الادله كلها ضدك واللى هيظهر برأتك فهد لما يقوم من اللى هو فيه ونعرف ايه وداه هناك
مليكه :- بدموع انا مش عايزه حاجه من الدنيا دى غير أن فهد يقوم بالسلامه ويبقى كويس
حسام :- بص وقال اكتب عندك قررنا نحنو وكيل نيابه اول حسام الدهشورى بحبس المتهمه مليكه عبدالرحمن خمسة عشر يومآ على ذمة التحقيق مع مراعاة تكرار المده لاستكمال الحقيقه وبعدين قرب الورق لمليكه وقال أمضى هنا على اقوالك
مليكه :- مسكت القلم ومضت على اقولها
حسام :- يا عسكرى خد المتهمه نزلها الحجز
العسكرى :- تمام يا فندم وراح مسك مليكه من دراعها
مليكه :- بصت لحسام وقالت بدموع حسام باشا ممكن تمنع عنى اى زياره وحضرتك تبلغنى بصحة فهد اول بأول
حسام :- ولا حتى المحامى بتاعك
مليكه :- بدموع مش عايزه اشوف اى حد
حسام :- تمام
مليكه :- شكرآ لحضرتك ومشت مع العسكرى
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مر اسبوع على نفس الوضع
فهد :- لسه فى غيبوبه ومفقش وحالته بتدهور
مليكه :- محبوسه وبيتحقق معاها وحالتها بتسوء اكتر بسبب حالة فهد واشتياقها ليه ورفضه تقابل اى حد
مى ومها واسر وجومانه وفايزه وباسم بيحاولو يشوفوا مليكه ومش عارفين وبيحاول يوصلو للحقيقه
فارس :- اخد موقف من جومانه ومش بيسأل عليها نهائى
جومانه :- عايشه مع ابوها فى الفيلا بتاعتهم
سهير :- مش بتتحرك من المستشفى وقعده علطول هناك جنب فهد
ناديه :- بتحاول توصل لمليكه ومش عارفه وعلطول قعده مع فهد بتكلمو وبتحاول تقويه
مازن :- عرف بالموضوع وحاول يقف جنب مى بس هى رفضت
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى المستشفى
كانت ناديه قعده فى الاوضه مع فهد وبتتكلم معاه وحاسة بحركه قليله من فهد بس فكرت انها بتتخيل
فهد :- اتحرك حركه اقوى من الاولى
ناديه :- فهد حبيبى انت فؤقت ولا انا بيتهيألى يا عمرى
فهد :- امممم
ناديه :- ابنى حبيبى حمدالله على سلامتك يا قلبى
فهد :- بصوت واطى جدآ مليكه
ناديه :- بتقول ايه مش سامعه حاجه
فهد :- مليكه
ناديه :- مش عارفه بتقول ايه هروح ابلغ الدكتور انك فؤقت وخرجت من العنايه وبلغت الدكتور وجه معها الدكتور وكشف على فهد
ناديه :- خير يا دكتور
الدكتور :- الحمدالله بقى كويس بس لازم يقعد فى العنايه 24 ساعه تحت الملاحظه وبالنسبه للجرح انا شايف الحمدالله بقى تمام يعنى هو الحمدالله كله تمام
ناديه :- الف حمد والف شكر يارب إن رجع لينا بألف سلامه
الدكتور :- هبلغ النيابه أن هو فاق بس هخليهم يستجوبوه بعد ما نطمن عليه
ناديه :- شكرآ يا دكتور على تعبك معانا
الدكتور :- لا شكر على واجب ده واجبى وقومت بيه وسبها وخرج
فهد :- بتعب مليكه
ناديه :- ارتاح انت بس
فهد:- فين مليكه
ناديه :- مليكه فى ال وفى الوقت ده دخل فارس وسهير وناديه قطعت كلامها
سهير :- ابنى حبيبى حمدالله على السلامه يا ابنى اااااه يا حبيبى قلبى كان نار عليك منها لله اللى كانت السبب
فهد :- قصدك مين
فارس :- حمدالله على السلامه يا بطل ده احنا كنا هنموت عليك اقسم بالله
فهد :- بص حواليه وقال هو فى ايه فين مليكه مش معاكم ليه هى حصل ليها حاجه ولا ايه انا كنت حاسس بيها ومره واحده بعدت عنى وضعت من غيرها
سهير :- منها لله حسبى الله ونعمه الوكيل فيها كانت هضيعك مننا
فهد :- بعدم فهم انتى بتقولى ايه
فارس :- فهد انت لسه بتحبها بعد اللى عملته فيك وكانت عايزه تقتلك
فهد :- مين دى اللى كانت عايزه تقتلنى
فارس :- مليكه
ناديه :- فارس مش وقته الكلام ده اخوك لسه تعبان
فهد :- اصبرى يا نانا لما افهم مين اللى قال إن مليكه كانت عايزه تقتلنى
سهير :- فهد متحاولش تدافع عنها بعد اللى عملته فيك
فهد :- ايه التخريف ده مليكه عمرها ما تفكر تعمل كده اوعى يكون عدم وجودها هنا انتو تكونو منعتوها تقعد معايه نانا قولى انتى الحقيقه مليكه فين وفى حد جرحها بالكلام ولا ايه
ناديه :- مليكه فى
فارس :- فهد متحاولش تخفى الحقيقه لو مش هى اللى عملت فيك كده يبقى مين اللى عمل كده وليه
فهد :- بعصبيه متردوش السؤال بسؤال فين مليكه
سهير :- مرميه فى الحجز بتاخد جزائها
فهد :- بصدمه وتعب ايه الكلام ده وبص لناديه وقال نانا قولى أنهم بيكدبوه عليا
ناديه :- للاسف مليكه محجوزه فى النيابه من يوم اللى حصل
فهد :- قام يقف مره واحده وشد الاجهزه من عليه ووقع على الأرض من الدوخه وحاول يقوم يقف
ناديه :- فهد ايه اللى انت بتعمله ده يا ابنى فى خطوره عليك كده
فهد :- اوعى يا نانا سبينى مليكه اكيد محتجانى جنبها دلوقتى تلاقيها تعبانه ودموعها مفرقتش عينيها وانا الموت اهون عليا مليون مره من أن اشوف مليكه زعلانه ودموعها تنزل منها ومقدرش امسحها بأيدى
فارس :- فهد انت كده بتخفى الحقيقه ومشاعرك بتتحكم فيك
فهد :- ابعد عنى يا فارس مش مليكه اللى عملت كده
سهير :- امال مين لو مش هى
فهد :- معرفش مين عمل كده بس مش مليكه مش مليكه اللى تقدر توجعنى ابدآ
ناديه :- طيب استهدا بالله يا ابنى واقعد علشان متأذيش نفسك وتقدر تقف جنبها وكده كده النيابه هتيجى تحقق معاك هنا
فهد :- محدش يجى جنبى مستحيل اقدر اقعد هنا وروحى مش معايه
فارس :- طيب انت شايف نفسك ازاى انت عريان يا فهد
فهد:- مليكه هى سترتى وغطايه
ناديه :- طيب اهدا وبصت لفارس وقالت اخوك عندى ومش هيهدا غير لما ينفذ اللى فى دماغه شوف هدوم ليه ووصله النيابه
فارس :- يا ابنى اهدا مش كده متبقاش ضعيف علشان خاطر واحده كانت هضيع عمرك من غير ما تشفق عليك
فهد :- بعصبيه فااااااارس قولتلك مليون مره مش مليكه اللى عملت كده
ناديه :- فارس كفايه كده مش شايف حالته عامله ازاى هات هدوم ليه واخلص
فارس :- حاضر يا نانا
سهير :- عمرك ما كنت ضعيف كده يا فهد
فهد :- علشان مليكه قوتى وبعدها عنى ضعف ليا يا ماما
فارس :- نزل جاب هدوم لفهد ورجع لبسها ليه وخرجو من الاوضه وفى الوقت ده شافهم الدكتور
الدكتور :- ايه ده انت واخده ورايح فين ممنوع خرجوه من هنا ده ممكن يسبب ليه مضاعفات
فارس :- انا مليش دعوه انا لو عليا مش عايزه يخرج لكن هو اللى مصمم
الدكتور :- رجعه مكانه بدل ما اجيب الأمن يتصرف معاكم
فهد:- مسك الدكتور من لياقة هدومه وقال اقسم بالله لو مبعدش عن سكتى دلوقتى لكون مطلع روحك فى ايديه
فارس :- فهد اهدا مش كده هو عامل كده علشان خايف على صحتك
فهد :- انا مش محتاج حد يخاف عليا انا عارف مصلحتى
الدكتور :- ا.ا االلى تشوفه يا باشا
فهد:- سابه وبص ليه بقرف وكمل مشى مع فارس ركب فى عربية فارس من قدام
فارس :- ركب العربيه وساق العربيه وراح على القسم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى القسم
كان كلهم واقفين بيحاولو يوصلو للمليكه وهى رفضه تقابل حد
مى :- طيب ايه العمل دلوقتى هموت واشوفها واطمن عليها
باسم :- للاسف حسام بيقولى رافضه تقابل اى حد حتى المحامى بتاعها
جومانه :- كلنا هنموت ونطمن عليها ونشوفها بس اللى هى فيه برضه مش شويه صعب عليها اتظلمت فى قضيه ملهاش ذنب فيها وجوزها وحب عمرها كله فى غيبوبه وحالته سئ جدآ الله يكون فى عونها بجد
مها :- بدموع انا لو حصلها حاجه اقسم بالله اموت علشانها مليكه طول عمرها هى امى التانيه كنت برمى كل حاجه وجعانى فى حضنها وهى عمرها ما اشتكت ولا اتخلت عن حد وبعدين مسكت بطنها
اسر :- مها أهدى علشان اللى فى بطنك وبعدين انتى لازم تريحى على السرير انتى من يوم اللى حصل لمليكه مش بتتحركى من هنا
مها :- بدموع ومش همشى من هنا الا لما مليكه تخرج وتروح معايه
فايزه :- بدموع مها اسمعى كلام جوزك وامشى ريحى على سريرك ولو حاجه حصلت هبلغها ليكى فى التليفون وبعدين جوزك موجود معانا وقفتك ملهاش لازمه امشى يلا
مها :- بدموع بس يا ماما
فايزه :- قطعتها وقالت مفيش بس هى كلمه واحده امشى يلا مع جوزك
مها :- بدموع حاضر ومشى اسر يوصل مراته الفيلا
وفى الوقت ده وصل فارس ومعاه فهد ونزل فارس سند فهد ونزله من العربيه
الكل اول ما شافو فهد طلعو يجرو عليه
باسم :- فهد حمدالله على السلامه انت فؤقت امته
فهد :- الله يسلمك فين مليكه يا باسم
باسم :- رفضه تقابل اى حد حتى المحامى بتاعها ومش عارفين نوصلو ليها
فهد :- تعال يا باسم معايه وساب فارس ودخل مع باسم
فارس :- وقف مكانه وبص لجومانه
جومانه :- بصت ليه بقرف ولسه هتمشى
فارس :- جومانه استنى
جومانه :- لو سمحت مطنتقش اسمى على لسانك
فارس :- جومانه متعمليش كده معايه احنا لو مكنش اللى حصل ده كان زمانه عايشين مع بعض وفى حضن بعض
جومانه :- اممم الحمدالله أن الموضوع ده حصل قبل اى حاجه علشان اعرفك على حقيقتك انك واحد ملكش امان متهور فى قرراتك ومع تهورك ده بتحكم على الناس ظلم مليكه دى عاشت معاكم قد ايه ومع ذلك حكمت عليها وظلمتها مع أن انا اللى لسه عارفها من قريب صدقتها انها مظلومه وأنها مستحيل تعمل كده عايزينى أمن على نفسى معاك ازاى اذا كان ظلمت مرات اخوك من اول مشكله امال هتعمل معايه انا ايه هتموتنى مثلا
فارس :- غصب عنى فهد ده بالنسبه ليا مش اخ بس فهد اخويه ده كل حاجه ليا فى الدنيا دى اخويه وابويه وصاحبى وابنى ومن خوفى وقلقى عليه كنت مش شايف قدامى كانت كل حاجه سوده فى عينى من الطبيعى أن أصدق اى حاجه تتقال فى الموضوع ده والكلام اللى تقال منطقى جدآ ان اللى حصل ده بدافع الغيره
جومانه :- يعنى لو حد جه قال ليك أن شاف مراتك مع واحد هتصدق كلامهم ما هو هيكون منطقى برضه
فارس :- لاء طبعآ انا بثق فيكى يا جومانه
جومانه :- وانا برضه بثق فى مليكه علشان كده مصدقتش كلامهم يا فارس ومش هقدر امن على نفسى معاك طلقنى يا فارس
فارس :- اتصدم وقال ايه اللى انتى بتقوليه ده يا جومانه احنا لسه كنا هنبدأ حياتنا مع بعض
جومانه :- وانا ميشرفنيش أن اعيش مع واحد زيك وسابته ومشيت
فارس :- وقف مكانه مصدوم من كلام جومانه
جومانه :- مشيت وحاولت على قد ما تقدر تمسك دموعها قدامه واول ما بعدت عنه دموعها نزلت منها وحطت ايديها على بؤقها تكتم صوتها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى مكتب وكيل النيابه
دخل فهد مع باسم وقعدو
باسم :- فهد المنشاوى اهو يا حسام فاق وجه بنفسه علشان يقول الحقيقه
حسام :- بس المستشفى بلغتنا أن هو فاق بس هيتحط تحت الملاحظه 24 ساعه وبعد كده نقدر نسمع أقواله
باسم :- ما هو مقدرش يستنا ويسيب مليكه محجوزه هنا ظلم
حسام :- تمام نسمع اقوالك
فهد :- قبل اى حاجه عايز اشوف مليكه
حسام :- رافضه تقابل اى حد
فهد :- قولو ليها أن انا اللى عايز أشوفها وهى هتوافق علطول
حسام :- يا عسكرى روح هات مليكه عبدالرحمن من الحجز وبلغها إن جوزها فهد المنشاوى موجود وعايز يشوفها
العسكرى :- تمام يا فندم ونزل الحجز وقال مليكه عبد الرحمن زياره
مليكه :- قولت مش عايزه اقابل حد
العسكرى :- حسام باشا بيقولك أن الزياره دى جوزك فهد المنشاوى
مليكه :- مصدقتش نفسها وقالت مين
العسكرى :- جوزك فهد المنشاوى
مليكه:- وقفت وقالت بفرحه بجد ولا بتقولو كده وبتضحكو عليا
العسكرى :- وهنضحك عليكى ليه لو مش حابه اروح ابلغ حسام باشا انك رافضه تقابليه
مليكه :- لالالا ا.ا انا هاجى معاك وخرجت مع العسكرى وطلعت معاه مكتب وكيل النيابه واول ما الباب اتفتح وشافت فهد طلعت تجرى عليه ورمت نفسها فى حضنه
فهد :- اتوجع من الجرح بس حاول يدارى الوجع وضم مليكه اكتر ليه وباس راسها
مليكه :- فهد ا.ا الحمدالله انك بقيت كويس انا مصدقتش نفسى لما العسكرى قالى أن انت اللى موجود
حسام :- بص لباسم وقال احنا هنخرج بره ونسبكم شويه مع بعض وخرجو الاتنين وسابوهم مع بعض فى المكتب
فهد :- مسك وش مليكه ما بين ايديه وبص فى عينيها وقال واحشتينى اوى يا مليكه
مليكه :- بدموع ده انا اللى كنت هتجن عليك يا فهد كنت حاسه ان روحى مش فيه وانت بعيد عنى ومكنتش قادره اكون جنبك وانت فى الحاله دى
فهد :- مسح دموعها وقال ششششش مش عايز اشوف دموعك دى تانى يا مليكه طول ما انا عايش فى الدنيا
مليكه :- ربنا يخليك ليا الحمدالله ان ربنا استجاب دعائى ورجعك ليا تانى ده انا كنت بموت فى اليوم الف مره وانت بعيد عنى انا مش محتاجه حاجه تانى من الدنيا دى
فهد :- ومش هتبعدى تانى عن حضنى واللى عمل كده هيتحاسب وهدفعه تمن كل دمعه نزلت منك تمن كل لحظه بعدنا عن بعض فيها
مليكه :- مين اللى عمل كده وليه عمل كده اصلا
فهد :- اللى عمل كده انا عرفته ودينى ما انا سايبه
مليكه :- طيب ازاى وصل للمسدس بتاعك
فهد :- ده اللى هعرفه لما أوصل ليه
مليكه :- مين يا فهد
فهد :- اللى عمل كده يبقى وفى الوقت ده دخل حسام وقال يلا يا جماعه علشان نبدء نسمع اقوالك ومحامى المدام واقف بره
فهد :- مين قوم ليكى المحامى ده
مليكه :- باسم
فهد :- باسم ده عمل معايه اللى اخويه معملهوش بجد انا بشكر ربنا أن بعت ليا صديق زى باسم
حسام :- باسم ده عشرة عمرى ومن احنا عيال وعشنا واتربينا فى منطقه واحده طول عمره أخلاقه عاليه ومحترم جدآ وصاحب صاحبه ويخدم اللى بيحبهم برقبته
فهد :- فعلا عندك حق
حسام :- المهم يلا نبدء الاستجواب واسمع اقوالك
فهد :- مستعد اتفضل
حسام :- قال طب اقعد يلا
وبص للمحضر وقال افتح يلا المحضر بتاريخ النهارده وقال..............
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
