رواية جراح قلبي الفصل الثالث والعشرون 23 بقلم جوهرة

/ وينك صعب انت بالبيت

صعب / الو هاا اياد بالبيت اني

اياد / يلة لعد اجيت عليك 

سديته جهازي وخليته بجيب البنطرون وسحبت الدرج حتى اصعد اعللك البردة لشباك الاستقبال ...

مابقى شي بس اعلك هاي كملت ونزلت طلعت الدرج برى ورجعت اباوع بالاستقبال ناقصه تخم قنفات اياد راح يجيبه هدية الزولية بعدها مبرومه بالزاوية مافرشناها انتظر اياد 

صار اسبوع ارتب بالبيت اني ونرجس والبنات علا ولينا ويانة عمتي ايمان غسلن البيت ونظفنه طلع يلمع كل واحد من أهلي جاب حاجه للبيت انترس رغم اعتراضي بس ماقبلو يمكن لان شافوني ضايج لان طلعت بيت وحد حتى يطيبون خاطري ويحسسوني هم وياي 

رحت لغرفتي جانت نرجس تصفط بالملابس وتعلك بالكنتور كعدت عالجرباية وعيني عالاخشاب اشتريتها البارحه وجبت ولد نجار نصبها موديل تركي بس صغيرة مو نفس غرفتي الي بقيتها لخاطر امي تخبلت من عرفت راح اطلع أجرت بيت رغم اياد طالع بيت بصفنا ماسوت هيج وحلفت تبقى غرفتي محد يطخها أبوية كام يحجي عليها ماحبيت تكبر السالفة واكسر بخاطر امي عفتها بس قفلتها كالت اقفلها اهم شي ماتطلع الغرفة من بيتي ويكولون أخشاب صعب هاي والله امي عليها سوالف هو اني بلحمي ودمي طالع من البيت بقت عالاخشاب 

بس اعرفها متريد تحس بغيابي 

انتبهت على طخت باب الكنتور من سدته نرجس

نرجس / صعب اليوم نبات هنا ؟؟

صعب /ان شاء الله انتي جبتي غراضج ماعندج شي هناك

نرجس / اي كملت

صعب / ديلة هسة اياد يجي يجيب تخم نرتبه واطلع للسوك اي شي محتاجته اكتبي ودزي رسالة عالموبايل

طلعت وعفتها شوية وهورن سيارة بالباب طلعت للكراج دخل اياد فتح الباب والعمال اثنين دخلو التخم للاستقبال وراحو 

رتبنا اني واياد وفرشنا الزولية طلع الاستقبال حلو طبعا التخم كولش انيق بعد ذوق اياد حلو

صعب / حبيبي ابو اسد مشكور والله ترى زاحمت روحك

اياد / الف عافية تتهنون يارب ، قليل بحقك والله

صعب / الله يعافيك متقصر انت

اياد / يلة اروح وراي محلات عايفها

صعب / ابقى عالغدا لاتروح

اياد / هههه شوكت لحكتو تتطبخون بيت جديد ومخبوصين لاتشيل هم الغدا تلكاهن واكفات يطبخن الحبايب وراح يجيبونه للبيت

صعب / اي هسة امي تخبصهن

اياد / ترى من طلعتوا الصبح وشافت الجنط كامت تبجي وراكم

صعب / متشوف ما حجيت كلت أمر عليها ورى الظهر

اياد / اي خطية امي وكعت بين نارين رانيا من جهة وانت من جهة

يلة فيمالله واي شي تحتاجه خابرني

صعب / ماتقصر الله وياك

طلع اياد وصحت عليها / نرجس وينج نرجس

نرجس / 

جنت انظف وامسح بالاثاث مال الغرفة طلعت بسرعة من سمعته صاحني

نرجس / نعم صعب

صعب / شنو محتاجه رايح للسوك

نرجس / اي جيب وياك مسواك ومنظفات وشامبو وبهارات و.......

صعب / يمعودة دوختيني اكلج ليش ماتجين وياي شوفي التردينه حتى اشتري

حسيته محتاجني اطلع وياه اني هم من اجيت لديالى ماطلعت لمكان

نرجس / اروح البس لعد

صعب / لااا البسي عباية لو جبة

عالسريع رحت لبست عباية إسلامية ولفيت شالي وطلعت جان منتظرني بالكراج قفل البيبان وطلعنا سيارة جانت برا بالشارع

نرجس / نروح بعقوبة لو هنا بالناحية

صعب / كيفج تردين نروح ماعندي مانع

نرجس / لا بس سالت اصلا ماعرف المنطقه

صعب / يلة تتعودين بعدين ناحيتنا بيها محلات راقية وكولشي متوفر

السوك جان قريب عالمنطقه الساكنين بيها وفعلا مثلما حجى صعب حلوة المحلات اشكال بيها من البضاعة 

تسوكنا المحتاجينه للبيت ولاحظت على صعب اي شي ااشر عليه يشتري بداخلي احساس حلو اتسوك لبيتي مدري ليش أحس براحة يمكن لان بعدت عن التوتر الجان محاوطني وخوفي من المشاكل خلاني ارتاح من صرت وحدي 

رجعنا وجانت ساعة 12 الظهر البيت طابكه عنده سيارة ايهم هو والجهال 

نزلنا وهو من شافنا نزل وياه يوسف وأيمن واسد 

صاح بيهم صعب / ها اليوم ضاربين الدوام ولكم

ايهم / خبصوني يردون يجون عليكم كلت يلة خلهم اليوم إجازة بس اسد راح يحصل كتلة من أبوه

اسد / لا عمو كول اخذتله إجازة عليك الله

ايهم / ههههه اي صار يدلل اسد

صعب / يلة ساعدو عمتكم دخلو الغراض للبيت

دخلو ايهم وصعب للبيت واني والولد نزلنا العلاليك دخلناهن المطبخ 

بديت أعزل بالغراض وهم على أيدي شغلتهم 

وطبعهم حلو يسمعون الكلام كملنا ورتبت كولشي بالكاونترات والثلاجه 

دخل صعب شايل جدر بيده وأيهم شايل علاكه جبيرة حطوهن عالارضية ..

صعب / هذا الغدا من اهلي سويلنا سفرة

نرجس / ان شاء الله

فرشت السفرة بالهول وكعدو يتغدون اني طلعت صاح ايهم علية يابه تعاي تغدي ترى لينا وصتني تكول خل تاكل وتنطي رأيها بطبخي

نرجس / والله ام يوسف طبخها طيب عاشت أيدها

كعدت بين ايمن ويوسف وتغدينا جان الاكل طيب تشريب لحم وتمن وحبشكلات فوكاه 

ورى الغدا ايهم أخذ الجهال وراح ماقبل يشرب جاي كال هناك نشربه وصعب طلع وياه وقبل ميطلع اجى علية واكفة اغسل المواعين عالسنك

صعب / اقفلي الباب ولا تفتحي مفهوم

هزيت راسي بدون ما احجي راحو واني لملمت المطبخ والبيت طلع يضوي قفلت الباب وفتت للغرفة رتبت الجرجف عالجرباية وعطرتها صح غرفة بسيطه مو مثل ذيج الفخمه بس هاي أشوفها حلوة 

طلعت منشفة وتراك احمر مقدف وفتت للحمام سبحت براحة وطولت احس تعبي كله راح الحمام انملى بخار كمت ماشوف نشفت جسمي ولبست ولفيت شعري بالمنشفه وطلعت اسمع الباب تندك باوعت من باب المطبخ الداخلي صعب هذا والباب قافلته من الداخل رحت فتحته دخل وعينه علية ماشالها اني استحيت لأن جسمي بعرز بتفاصيله من البس تراك ، الروب بالغرفة رجعت بسرعة حتى البسه واحسه اجى وراية خرب حظي واني امشي كدامة افر بجسمي تناوشت الروب معلك بالزاوية 

لبسته وأخذت المشط اسرح شعري سويت نفسي ممنتبهة عليه كعد عالجرباية وجر نفس طويل

صعب / الله طيب هالعطر هذا

مارديت عليه من حجى 

كملت وشسورت شعري وعفته مفتوح ماحب البس حجاب بالبيت جنت على اعصابي لأن الولد موجودين واستحي منهم اضطر اذب شال على راسي رتبت وجهي حطيت كحلة وتعطرت اريد ادلل روحي عاجبني هيج عندي احساس يكلي شعشعي نرجس ونوري

صعب / 

من رجعت فتحتلي الباب بقيت عيني عليها بنت الاوادم اجنن طالعة بالاحمر انوب التراك حاصرها وجسمها يضخ انوثه جانت طالعة من الحمام الوجه يضوي والخدود وردي رحت وراها للغرفة واني عيني على جسمها وخلفيتها ، مسحت وجهي وكعدت اراقبها وهي ملتهية بروحها راحت لبست روب سترت جسمها الحمدلله ريحتني والله سوتلي اغراء اعترف بهالشي رغم اني لحد هسة ممتقربلها بس احساسي بوجودها وتاثيرها يزيد 

وكفت وتقربت عليها صار ظهرها بحظني واني عيني بالمراية وأيدي تمسد لحيتي هي رأسا ارتبكت وجمدت بمكانها التفتت عليها وانفاسي تضرب خدها وهمستلها / حظريلي الحمام اريد اسبح واصلي

جريت نفس وتشبعت ريتي بعطرها ابتعدت عنها وبديت انزع قميصي وعيني عليها راحت طلعت منشفة وتراك

صعب / لا طلعي دشداشة لون رمادي وحظريلي الفروة

نرجس / خل اكويها خاف تحتاج كوي

صعب / شو خل أشوفها

اخذتها كلبتها بيدي / لا مكوية متحتاج

انتبهت عليها كورت شفايفها معترضة / بس انت مرة خليتني اكوي القميص رغم جان مكوي والله

رفعت تك حاجب وتقربت عليها هي ابتعدت مهززمة من الغرفة 

عفتها وفتت للحمام والمنشفة بيدي لاكتني يم باب الحمام

صعب / حظرتي الحمام

نرجس / اي تعال اسبح

عفته وطلعت حظرت الاوتي اكوي بي

يربي مدري شبي يحب يحرجني اووف بس لا صحيح الجاي افكر بي يريد يتقربلي بس كبريائه تمنعه لأن اشترطت ميتقربلي بوكتها حجى علية 

صدري نفسه يصعد وينزل كملت كوي بالصالة وفتت للغرفة ذبيتها بترتيب عالفراش مابية حيله يبقى يحجي ورحت كعدت عالجرباية من الجهة الراح انام بيها 

اخذت موبايلي اتصلت على خالة ام عقيل وحجيت وياها شوية وسالتني اخباري كتلها مرتاحه ،، اخاف احجيلها اخاف صعب ميقبل فأسكت احسن

سمعته صاحني اخذت الدشداشة ورحت عليه يريد يلبسها

صعب / انطيني دشداشتي وينج

نرجس / اخذها كويتها توني

لبسها وطلع فات للغرفة واني دخلت الحمام رتبته والملابس ذبيتها بالغسالة طبعا هاي الغسالة هدية من علا 

نشفت الحمام بالماسحة وطلعت اسمعه يحجي / ليش ممحظرة الفروة تعاي جيبيها خل ألبسها اريد اصلي وروحي شغلي الصوبة 

انطيته فروته لبسها وكف مشط شعره وتعطر بعدها كام يصلي 

شعلت الصوبة وجبتها بالغرفة وأخذت حجاب الصلاه والسجادة وكفت اصلي 

كملت صفطتهم ورجعت كعدت بسد الصوبه لأن بردت وصعب منتجي على تك ذراع ومدد رجليه عالصوبه دنكت وعيني راحت على جسمه متلفلف بالفروة والمخدة منتجي عليها 

حظنت جسمي وحسدته هنياله اكيد دفيان مدري بروحي ابتسمت لحالي طلع منتبه علية

صعب / ليش تضحكين

نرجس / هااا لا ماكو شي

صعب / بس جنتي توزعين ابتسامات خير

نرجس / لا والله بس اشوفك دفيان وانت ملفلف روحك والصوبة كبالك

صعب رفع تك حاجب / حاسدتني نرجس

نرجس / هنيالك والله

فكيت عيني من فتح ذراعه وصاحني / تعاي ادفيج خطية تبقين ناغصتني

بقيت مفهية مارديت رجع صاحني / تعاي لا تبقين فاهيه تندمين والله لأن خوش دفو 

لحظة ردت اروح لحظنة واجرب الدفو واعيش الاحساس بس اتراجعت واني اتقرب عالصوبة مديت أيدي ادفيها اسمعه يدردم علية .. جبانة 

ـــــــــــــــــــ

لينا / 

عمة فدوة شوفي والله جسمه حار وميقبل ياخذ صدري

اخذت ام سما عصومي وفتحت حظينته .. اللهم صل وسلم عليك يارسول الله عيني عصومي بيبي شبي الحلو يبجي

شو اكعدي لا تبقين تحومين فوك راسي وتبجين ولج مابي الا العافية وين راحت ام حذيفة عنج

لينا / من الصبح راحت لبيت رنا واحتمال تبات

علا / هاج عمة هاي الممة 

اجت علا وانطتها ممة الحليب اخذتها ام سما وبدت ترضع عصومي الي جان يصرخ ميتقبل شي

من شفت ابني بهاي الحالة متت بدمي خفت كولش جسمه مصخن يربي وميقبل يرضع خابرت ايهم كال اني راجع للبيت عمتي كامت تحجي علية لأن اتصلت

ايمان / هسة يجي ويسوق سرعة ياماما ليش خابرتي عليه

بقيت ابجي وأيدي تتلمس ايد عصومي متحملت شلته بحظني وكمت ابجي وياه 

حبيبي يوسف كام يخاف اجى حظن رجلي

لينا / لك ماما ليش تبجي فدوة عمة خل نأخذه للطبيب

دخل ايهم للبيت وعيونه طايرة علينا من شافني ابجي وعصومي يصرخ اجى بسرعة وحظنا اثنينا ..

ايهم / شبي ليش هيج امشي للدكتور

ايمان / جيبي الولد بحظني خل الفه بحظينته وبطانيته وروحي البسي وتعاي 

انطيته لعمة ايمان ورحت لغرفتي

ايهم سلم على عمته / شلونج عمة والله عقل ماظل براسي من خابرتني

ايمان / هلة بيك يمة تعال اكعد لاتفاولون عالوليد مابي الا العافية هاي لأن مصخن وحلكه مطبوخ مايكدر يرضع ويبجي جوعان

ايهم / عمة الولد طك من البجي لخاطر الله

ايمان بهدوء / شو علا انطيني ماعون صغير وخاشوكه وفرغي شوية حليب من الممة خل اقطرله بحلكه

سوت علا مثلما كالت ام سما وبدت تقطر بحلكه هدأ الولد شوية مسحت حلكه وخلته على متنها طبطبتله بلكن يرتاح 

نزلت لينا شالته بحظنها وسالت عمتها بصوت مخنوك .. عمة تعاي ويانة

ايمان / يلة عمة شعندي لعد

طلعو وأيهم عينه كل شوية تروح لزوجته وابنه يوسف اجى وياهم خانس بصف عمتهم ميحجي من شاف اخوه يصرخ وأمه تبجي كام يخاف

ايهم 

انتبهت على يوسف / ها بابا لاتخاف حبيبي هذا عصومي واوا هسة يصير زين

يوسف / بابا شوف ماما تبجي

ايهم / اي جبانة لاتصير مثلهم انت بطل ... التفت على لينا / ها يبين هدأ

لينا /يبين يارب تشفيه مدري الصار وياه الصبح كولشي مابي 

دنكت بست راسه وخليت وجهي على راسه 

جان حار 

وصلنا لعيادة الطبيب جان قليل مراجعين كعدنا على جهة اني وعمة ايمان وأيهم راح حجزلنا وبعدها طلع برا ويوسف وياه 

نص ساعة وصاحو علينا دخلنا اني وعمتي شوي ولحكنا ايهم 

فحص الطبيب طلعت حرارته مرتفعه مأخذ برد كتبلنه العلاجات وطلعنا 

والطريق كله ايهم يحجي علية على ليش استبرد وشلون تعوفينه يستبرد

لينا / والله معايفته اصلا حيل مهتمة بي وكلها تعرفني

ردت عمة ايمان / انت ماتسكت عاد اكلت گلبها كل لروحك مأخذ البنت فلاحة ملاجة هي تستبرد وينزل بحليبها

اني خنست من حجت عمة يربي شلون فشلة

ايهم / واني شعلية كولشي وكلتو ايهم

ايمان / لا بس عليك تنام الدنيا ثلج البنت تسبح وتطلع اعتيادي تستبرد

ايهم فهم على عمته طكها بضحكة / هههههههااااي صدك تحجين يأبه ماعندي علم وهسة يلة عرفت بعد ناجل احتفالاتنا للربيع والصيف

ايمان / اي اني هم ادري بيك

ايهم / ها عمة ناصية علية

ايمان / مو انت اخذت البنت حاصل فاصل

سكت ايهم ماحجى بعد بس والله عمة ايمان طلعتها قوية ههه

وصلنا البيت وانطيته لعصومي من العلاج والحمدلله ورى ساعتين تحسنت حالته وكدر يأخذ صدري

بالليل صعدت لغرفتي نيمته وغطيته والتفتت ايهم هو ويوسف دخلو .. شلون صار

لينا / الحمدلله رضع صدري ونام

تقرب ايهم على سريره ودنك بأسه والتفت علية فتحلي حظنه / تعاي مبين عليج التعب

انحشكت بحظنه وضغطني بقوة ورأسه على راسي تنهد بقوة / من خوفي حجيت عليج

أيدي على صدره / اهم شي عصومي بخير والباقي يهون

يوسف / ماما انام

التفتت على يوسف ابتعدت من حظن ايهم وأخذت يوسف لغرفته غيرت ملابسه وفات للحمام متعود قبل النوم ادخله تواليت 

مددت وياه بالفراش حظني باس خدي فدوة لوليدي بوسته بوجهه وكام يضحك بس شنو مطفي نعسان ماحسيت الا غفيت شوي وصحيت على ايد ايهم / اكعدي ليش نايمة هنا تعاي بالغرفة

رفعت جسمي بهدوء ونزلت من الفراش غطيته ليوسف وطلعت لغرفتي رحت أراقب عصومي نايم وتنفسه اعتيادي

فتت غيرت دشداشتي ماحب انام الا بثوب نوم كملت وانحشكت جوا اللحاف والبطانية 

سحبني ايهم لحظنه راسي بصدره تنهدت وغمضت عيوني

شوي وجسمه يهتز بضحكه رفعت راسي مستغربة 

رجع راسي بصدره / نامي ماكو شي بس تذكرت عمتي ورزالتها هههه

لينا / ههه ترى حجيها صدوك

ايهم / لا بلة وشنو القصد هسة

لينا / ها لا ماكو قصد يلة خل انام حيييل تعبانة

ايهم / اي نامي اليوم راحة هههه

ابتسمت لكلامه حبيبي ادري بي يشتاقلي 

الحمدلله يارب من هديته وحننت گلبة علينا حيل تغير وأكثر شي من حبلت بعصومي كام يتقربلي ويبينلي حبه رغم مرات نتعارك بس تبقى عركة حبايب واني تعودت ما ازعل منه اعرفه من يتعصب بس من يهدأ يصير غير شكل ، يهتم بية وباطفالنا وهذا اللي اريده

ـــــــــــــــــ

صفا / 

 رانيا ترحين لبيت عمو

رانيا / لا غير مرة

صفا / ليش امشي خل نروح لو بعدج مصممة مترحين

رانيا / لا عليش بيت أبوية هذا

صفا / وإذا شفتي نرجس هناك شلون

رانيا / صفا انتي ليش تحبين اضوجيني تدرين ماحب احجي بيها

صفا / اوي شبيج مجرد حجي رأسا تعصبين

رونق / ماما ترحون بيت جدو خل اروح وياكم اشوف خالو صعب

اندكت الباب وراح نذير فتحها دخل صعب وبيده علاليك خلاهم عالميز

/ السلام عليكم

كمزت رونق راحت حظنته .. خالوووو حبيبي

حضنها وباسها .. حبيبة خالها شلونج حبيبي

رونق / زينة

وكفت رانيا وسلمت عليه بثكل جرها وحظنها باس خدها / شلونج خيتي

رانيا / الحمدلله انت شلونك

صعب / الحمدلله

رانيا / تعال اكعد ارتاح

صعب / لا بس اشتاقيتلكم انتي والوليدات ومريت اسلم وهاي شغلات رونق تحبها اشتريتها

رانيا بحب لاخوها / مشكور عيوني الله يحفظك

رونق / خالو تعال شوفني شنو اشتريت الي

فتحتلها العلاكه وبدت اطلع بيهم فرحانه

صعب / وين عمي

رانيا / راح هو وعمتي على جماعة

صفا / شلونك صعب شو متسلم

رفعت راسي عليها وخزرتها / هلة

صفا / توني احجي وية رانيا نروح لبيت عمو عبدالله وانت اجيت ها رانيا شكلتي حتى يوصلنا بطريقه

صعب / ام صهيب إذا ترحين حتى اوصلج لأن راجع للبيت

رانيا / لا عيوني توكل انت عود غير مرة اروح

صفا / شخباركم بالبيت الجديد مرتاحين

صعب / اكيد ليش منرتاح

صعب / يلة اروح محتاجة شي

رانيا / سلامتك ممحتاجه ، بالسلامه عيوني .

راحت ورى اخوها من طلع شوي ورجعت

صفا / هسة انتي ليش متقبلين ترحين

رانيا / يووو شبيج صفا شكد تلحين

صفا / كيفج عيني ميحتاج هياتهم خطوتين اني رايحه هم اشوف علا وجهالها صار اسبوع وأكثر مشايفتهم

راحت لبست عباية وطلعت لبيت ابو حذيفة 

ورانيا بقت بالمطبخ هي وبنتها الجانت فرحانه بالغراض

ــــــــــــــــ

نرجس / 

صعب شلون صار عصومي

صعب جان صافن / شبيج فززتيني الحمدلله زين

نرجس / شكد مشتاقه أشوفه

عكدت حاجبي واني أشوفها تحجي بلهفة اعرف تعلقها بالولد لأن اسمه معتصم فحبته

صعب / شسويتي عشا كولش جوعان

نرجس / خل اصلي المغرب واسوي عشا بعد وكت

صعب / ادري بعد وكت بس جوعان جهزي بسرعة

نرجس / اي ادلل

فتت للمطبخ وعالسريع طلعت كباب دجاج جاهز وقطعت بتيته وعندي باقي تشريب دجاج من الغدا حميته موجود نص دجاجه باقية 

سويتها صينية مرتبة واخذتها للهول صعب جان يصلي كمل وكعد خليت الصينية قريب عليه اخذت الخبز خليته عالصوبه يحمى وطلعت اريد اتوضى اصلي

من كملت صلاة طلعتلي دشداشة ولبستها لونها جويتي حيل كاعدة على جسمي ،، شعري رفعته فوك وخصل ناعمه نزلتها باوعت ملامحي بالمراية عجبتني اخذت عطر ورشيته علية 

رحت بالهول صعب كاعد يتعشى ويتفرج عالتلفزيون 

انتبه علية ورجع يلتهي بالاكل / تعاي تعشي

نرجس / مجوعانه بعد وكت

صعب / ميخالف عالواهس

نرجس / ماحبيت اكسر بخاطرة كعدت بصفة رأسا مد أيده سوالي لفة صغيرة اخذتها .. شكرا

صعب / العفو يابة

تعشينا بهدوء بس كل شوية يسويلي لفة صغيرة واني اكلها انتخمت هههه شلت الصينية وصاح وراية /لاتنسين الجاي

كملت غسل المواعين ونظفت الطباخ والسنك خدر الجاي صبيت وديتله اني ما اشرب بالليل قليل 

بقينا سهرانين هو كام صلى العشا ورجع لابس الفروة وبيده مخده ذبها عالزولية وانسدح عليها

نرجس / اروح اجيبلك دوشك

كمت سحبتله دوشك وديته عاد مدد عليه عفته رحت اصلي بعدما رجعت نمت بفراشي 

حسيت تالي الليل اجى نام بصفي انحشك بظهري ومد أيده سحبني بحظنه اني جسمي جمد وفكيت عيني ممستوعبة

نرجس / 

جمدت بالفراش وگلبي كام يدك سريع أنفاسه الحارة برقبتي همسلي .. اووف شلون دفو هنا

جسمج حار

نرجس بارتباك / صعب اذا بردان اجيبلك بطانية ثانية

صعب بصوت ثكيل / شسوي بيها وعندي خوش بطانية

خلة رجله فوك فخذي وحصرني وايدة ضغطت بطني سحبت جسمي اريد ابتعد قفلني أكثر ..

صعب / اششش نامي لا تخافين 

شلون انام وهو مسيطر علية طار النوم من عيني وبقيت اترقب لكل حركة يسويها احتكاك جسمة بجسمي خبلني اول مرة يتقربلي بهيج وضعية خنست بمكاني حسيت نفسة هدأ يمكن نام ورى ساعة واني على اعصابي بحظنه غفيت ماحسيت الا الصبح رفعت راسي صعب نايم منطيني ظهره تنهدت ونزلت من فراشي جريت روبي لبسته ورحت حظرت الصوبة النفطية شعلتها والكهربائية هماتين لأن تطفى والبيت بارد فخل أخذ احتياط احسن من يكعد يبقى يحجي إذا ممحظرتها توضيت وصليت وهو بعده نايم شنو اليوم مموقت منبه موبايله حتى يكعد عفته ورحت للمطبخ احضر الريوك بقى بالي عليه خاف تأخذه نومه واترزل 

فتت للغرفة وهو متلفلف بالغطا .. صعب صعب ساعة ثمانية

دنكت وسحبت الغطا فتح عيونه وعاكد حاجبه بقى صافن بوجهي

نرجس بهدوء / صباح الخير ،، ساعة ثمانية تكعد

فرك وجهه ومسح على شعره ودفع الغطا وكام بدون ميرد علية ،، اني رتبت الجرباية ورحت سحبت البرده تدخل شمس للغرفة هيج وكت واليوم الجو مابي غيوم فتحت الكنتور حضرتله ملابسه وحذائه والجواريب كولشي جهزته وطلعت

جهزت الريوك عالميز وكعدت انتظره من دخل جان مبدل بالملابس الحضرتهن وريحة العطر ترست البيت سطرني عطره يربي شكد ريحته طيبة عضيت شفتي ودنكت عباله اراقبه 

سحب الكرسي وكعد / صباح النور

رفعت راسي شبي هذا صبحت عليه مارد هه يمكن توه تذكر

نرجس / صباح النور

صبيت جاي وقدمتلة تريكنا بهدوء ماكو أي كلام بيناتنا اني عرفت طبعه يحب الهدوء وخاص الصبح

من كمل وراح غسل أيدية صاح علية جان واكف بالصالة وموبايله بيده .. محتاجة شي راح اطلع

نرجس / سلامتك 

صفن بوجهي ورفع تك حاجب وطلع مدري شبي مرات،، شسويلة خل اروح الملم الميز

مرن يومين على وضعنا بالبيت ماكو شي خالة ايمان اجت علينا بقت ورى العشا راحت صعب وصلها طلعو يتمشون بيتها قريب عالبيت هذا

ثاني يوم صعب رجع الظهر ودخل مسواك للمطبخ سلم علية / شلونج

نرجس / الحمدلله هاي شنو هواي متسوك

اخذت المسواك كمت أعزل بي

صعب / باجر اهلي يتغدون هنا سوي غدا يبيض الوجه ادبريهنا لو اجيب من المطعم

نرجس / ليش لعد ما ادبرها

تذكرت من جنت اطبخ وجبات وابيع اي والله دنيا

صعب / خوش واي شي محتاجته انطيني خبر حتى اجيبه

كملت ورحت عليه جان مبدل لابس تراك .. صعب بالنسبة للخبز جيبلي كمية خاف ميكفي عيب احراج

صعب / اي باجر اامر المخبز ليش انتي متعرفين تخبزين

نرجس / اعرف علمتني خالة ام عقيل بس وين اخبز وتنور ماعندي

صعب / يلة اشتريلج تنور سهلة بس خلها بعدين

نرجس / اسوي دولمة ودجاج شوي وبرياني شنو رأيك

تقرب علية رفعت راسي / اكلج انتي ادبرين هذا كله لو راح أنصدم باجر

كورت شفايفي معاجبني كلامه / لا تستهزء عفية

صعب / هههه لا والله بس ممبين عليج يلة باجر احكم

تخوصرت معترضة /وشلون يبين يعني

تنهد وعينه على شفايفي لحظه مد أيديه وحظن وجهي ودنك قريب لدرجة حسيته راح يبوسني جسمي رجف ورمشت بعيوني

صعب / انتي تركيبتج وشكلج تنفع ل..

انتظرته يكمل بقى مفهي بوجهي وعينه على شفايفي لثمهن وبقى حاجزهن بشفايفة گلبي يضرب بصدري وجسمي جفل دفعته بصدره واني احرك راسي

ما تركني الا اكتفى رفع راسه وعيونه جان مغمضهن تنفس بقوة وفتح عينه وبعدني محجوزة بين ايديه وجسمي يرجف مسحت شفايفي بيدي وفركتهن بقوة ونترت واني التوتر صعد فول / لا تتقربلي رجاءا

ضغط على وجهي بين ايديه وقربني أكثر ونترة واضحة /ليش ولج

نفسي يصعد وينزل خايفة من هذا القرب الرجال مبين كوة مسيطر على روحه اني مريت بهذا الشي وية معتصم واعرف من يوصل شوكه وحاجته الي ونفس الموقف والتصرف أحسه ينعاد بس بشخص ثاني يربي والله ما اكدر ابعد ذكرى معتصم 

رجعت ادفعه بصدره اريد انهزم من نظراته وسيطرة جسمه علية اني متأكدة يكدر يأخذني ومراح امنعه إذا تصرف بقوة ..

نرجس / عوفني صعب ماعندي جواب

صعب / مو زعطوط عبالج اصدك كلتي لا تتقرب واني اريد السبب

نرجس / تعرفه زين واضح ترى بس انت تريد اضوجني

صعب / تمام لعد اسمعي اني ما انكر بزواجي منج جان شي ممتقبله وبعيد عن تفكيري بس كواقع حال رجال ومرة وحدهم ومتزوجين اكيد راح تتولد مشاعر معينة ولو جنت كاره الزواج وطاري النسوان بس وجودج بحياتي انتي وكل هاي الانوثه والحلا يخليني احارب حاجتي لقربج بعض المرات ومرات احاول اشبع هالشي مثلما صار قبل دقيقة

ابتعدت عنه وهو تركني براحتي / صعب انت انت تريد ت...

سكتت استحيت احجيها فتحت حلكي من كال

+

صعب / اي انام وياج كمليها ليش تسكتين !!!!

عفته وطلعت من الغرفة ما احس إلا سحبني ظهري بحظنه وقفلني بقوة فزيت بعيطة دنك راسه وشفايفه يم اذني /محتاجج والله

خوفي من الراح يصير خلاني احجي واتندمت بعدها لأن اللي حجيته خطأ وميصير

نرجس / معتصم هو صاحب الحق بية وو..

1

شهكت بقوة من فرني بعنف وعينه اطك شرار يريد يموتني بنظراته قفل فكي بيدة وعصره 

وصوته ثكل / بكل عين صلفة هيج تحجين جدامي

صعب /؛

الخوف بعيونها ورجفة جسمها قهرني مجنت اريدها تخاف مني اعترف محتاجها وهذا مو عيب ولا حرام اني رجال وجودها محاوطتني وانفاسها بالبيت واهتمامها بكولشي يخصني خلاني افكر بيها طبعها الهادىء رغم مرات لسانها يفلت بكلام من الح عليها بس احساسي بطيبتها ورقتها يخليني غصب عني التفت عليها 

بعدها تفكر بمعتصم وهذا حقها جان زوجها الله يرحمه بس هي على ذمتي اني زوجها وبديت أتحسس من تفكيرها هذا لازم نكمل حياتنا سوية لأن مستحيل اعوفها بس هي مجاي تستوعب رجال ثاني بحياتها والجاي اسوي وياها اريدها تسلم للأمر الواقع

هزيتها وأيدي على زندها قربتها لزكتها بجسمي / مو بعينج احجي

نرجس / 

بجت بصوت مخنوك / كاعد توجعني صعب 

بغضب / احترك صعب،، ولج انتي تالي وياج جاي تشوفين الخير العايشة بي مستوعبة الاهتمام والتقدير هذا مافكرتي وانتي تتنعمين بي بالرجال الكاعد يصرف عليج ومحسسج بقيمتج

نرجس / كاافي لخاطر الله شنو هالمذلة انت جاي تهيني تعرف غصب قبلت ازوجك واعيش وياك وهسة تتمنن علية تريد تشبع رغبتك هذا التريده مني تمام يلة كدامك اني اخذ التريده بس ارحمني لا تبقى تذكرني شلون كاعد تصرف علية

عكدت حاجبي واني أراقب دموعها وحركاتها من حجت بعصبية وجسمها يرجف دفعتها بصدرها ورفعت إصبعي بوجهها ..

صعب / ولي من وجهي لا تخليني اطلع شياطيني عليج كادر اخذج بسهولة بس شي غصب ماحبه

عافني وطلع من الغرفة واني من رهبة الموقف وكلامه جسمي يرجف كعدت عالجرباية نفسي يصعد وينزل ادري غلطانة المفروض ما هيج احجي كلامه رغم قاسي بس حقيقة هذا اني متنعمة بخيره ومحاسة اووف شسوي يربي ماعندي ذيج المشاعر القوية تخليني اسلم نفسي تذكرت كلام خالة ام عقيل مرة حجت وياي جريت حسرة وذبيتها لازم ادوس على نفسي هذا رجلي المفروض أكسبه ما اخلي يبقى شايل بگلبه 

عضيت شفتي بقوة وطلعت واني أرتب بشعري

جان بالمطبخ يشرب مي ما التفت علية 

وكفت كدامه ذب الكلاص عالسنك وعينه بعيني ..

نرجس / اعتذر والله مجنت اقصد اضوجك صعب والله اسفة

رفع تك حاجب / لا تخافين مصروفج باقي نفسه مراح اكطعه

رمشت بسرعه مصدومة من لهجة والنبرة الي كالها / مو على بالي والله ..

رفع أيده قاطعني / لا اكيد فكرتي وانتي ذكية وتحسبيها عدل

انقهرت والله واني اشوف الملامة بعيونه

نرجس / لعلمك اني شايفة خير وربيت بخير وعز بس ياحيف شسوي للزمن خلاني تحت رحمة الغريب

صعب /

عضيت شفتي عصبتني من حجت يعني اعتبرتني غريب كل هذا السويته واني غريب 

استغفر الله يارب

صعب /؛ماريد لغوة فارغة روحي حظري الغدا

طلعت من المطبخ حيل ضايج كعدت بالهول فتحت التلفزيون التفتت صوبة بسدي شغلتها 

وبقيت اكلب بالريمونت لحدما جابت صينية الغدا ذبتها عالطبلة كدامي وراحت ماصحتها تتغدى خلها مطنكرة راسها يابس

نرجس / 

بقيت طول اليوم بعيده عنه التهيت ورى الغدا أحظر لباجر العزيمة ،، العصر من طلع خابرت خالة ام عقيل اسالها شغلات تخص العزيمة شنو اسوي وهي ماقصرت كومة نصائح انطتني 

من عرفت طلعنا بيت بوحد ماحجت شي كالت الله يسهللكم وتشوفون الخير 

كملت لف دولمة اول شي خلصت منه همزين وخليته بالثلاجة عالسيم جوا وطلعت الغراض نزلتهم بالمجر ماعندي مجمدة بس ثلاجه بابين جبيرة ودجاج عدل همزين منظفه جان شلون نظفته اربع دجاجات تكفي نكعتهم باللبن لباجر خالة كالت طيبات بالشوي يصيرون حتى تبقى حشوة البرياني من الصبح

الفصل الرابع والعشرون من هنا 

شكرا لزيارتكم عالم روايات سكيرهوم