رواية جراح قلبي الفصل الرابع والعشرون بقلم جوهرة
اكعد أسويها
تقريبا المغرب خلصت شغلي والبيت كملته تنظيف حتى باجر بس اطبخ صعب اجى ورى المغرب سلم بثكل علية ودخل ذب علاكة صمون عالكاونتر ... رحت اسأله شيحب عالعشا لأن اريد اسبح ارتاح
كاعد يكلب بموبايله / شتحب عشا
بدون ميرفع عينه علية / بكيفج
طلعت واني افكر شأسوي عندي صدر دجاج سويته شرائح وبرشت وياه ليمون وخليته بالطاوة نصبت جواه النار ورشيتله خلطة بهارات شاورما وعفته رحت اسبح واصلي المغرب ولو ميجوز سبحة المغربية بس تعدت هسة ليل يلة اقنع نفسي اريد اسبح طكت روحي ،، كملت سبح وطلعت صليت ورتبت نفسي وشعري نشفته ورجعت للمطبخ كلبت الكص دجاج ورشيت شوية ملح مممم ضكته طعمه يجنن طلعت كبة حجم عائلي كليتها وشرائح طماطة وفلفل المهم رتبت صينية اخذتها وديتها ورجعت اجيب مي خليته كدامه ماكعدت وياه احس وجهه ثكيل علية لا اكيد لأن مسويلي تجاهل
جنت مسوية لفة فخدرت جاي انتظرته خدر وصبيت بالكوب وكعدت بالمطبخ اكل لفة واشرب جاي
اجى شايل الصينية ذبها عالسنك وطلع كوب من الكاونتر حتى يصب جاي
من شفته ذبيت اللفة عالميز ورحت اصبله سحبت الكوب من أيده رجع جره / ابعدي شوي شكووو مشايفة رجال يصب چاي
عفته ورجعت كعدت هو كمل وأخذ كوبه وراح
مابيناتنا كلام تجاهلة واضح الي بالليل اجى ينام سويت روحي نايمة اسمعه يستغفر خلة راسه عالمخدة بدون صوت أحسه يراقبني يمكن نام شوية والتفتت أتأكد فاتح عينه ويباوعلي جفلت عبالي نايم طلع عينه مركزها علية انطاني ظهره وسحب اللحاف متعمد اششح والله باردة شكد خبيث أخذه كله تلفلف بي من شافني كاعدة ،، نزلت بسرعة من فراشي جبت بطانية نفرين طبكتها وتغطيت بيها
الفجر حسيت شفت اللحاف مغطيني ابتسمت لأن اعرفه گلبه طيب وياي بس يحب يضوجني لأن ضايج مني بس اني اعتذرت لا نرجس هو ميريد هيج اعتذار
بقيت احجي وية نفسي إلى أن رن المنبه جنت موقته طفيته عالسريع ورحت اتوضى حتى اصلي وابلش بالمطبخ احظر للعزيمة
الحمدلله من صار الظهر كولشي حاظر البنات اجو من وكت حتى يساعدوني شافوني مجهزة ومرتبه الغدا
علا / والله ذيبة عاشت ايدج
نرجس / تسلمين حبيبتي
علا / واني كلت ولج لينا خطية خل نروح من وكت نساعدها وجبنا ام اسد ويانة
نرجس / هههه الحمدلله ماعندي شي بس الزلاطه وهسة لينا تكعد تثرمها شو جيبي حبيبي عصومي والنبي مشتاقتله
اخذته من امه ابوس بي وانتبهت لعلا صافنه علية بس ماحجت اني هم غلست احس عدها كلام بس متكول ، علا ابد ما ضايقتني فعلا انسانه محترمة
بقينا بالمطبخ نسولف بعدما ضيفتهم ،، لينا كعدت تثرم زلاطة ورحت طلعت كاسات حضرتهم
عصومي انطيته لشهد زوجة اياد خلته بحظنها
صوت بالكراج باوعت من شباك المطبخ عمتي والولد دخلو ذبيت شال على راسي وطلعت اسلم عليهم بوست الجهال تلكوني ورحت اسلم عليها زين لاكتني بوجه هادي الحمدلله وعمو باسني طبطب على جتفي / شلونج بنيتي
نرجس / الحمدلله عمو تفضلو اهلا وسهلا نور البيت
ردت عمتي / منور براعيه
تقصد ابنها صعب
دخلو من الكليدور بالاستقبال واني رحت احضر ضيافة اجى صعب وراية سلم عالبنات
صعب / نرجس إذا الغدا حاضر صبي
نرجس / خل اضيفهم بالاول
صعب / لا قابل همة غربة ،،،، عافنا وطلع
شهد / صدوك كلامه احنا اهل عيني
التفتت لشهد زوجة اياد وابتسمتلها .. اي والله صحيح
كلها مدحت بطبخي جانت سفرة مرتبة الحمدلله حيل ارتاحيت لأن دبرتها للعزيمة وارتاحيت أكثر من شفت الرضى بعيونهم خاصة عمتي رغم ماحجت بس أحسها مرتاحه
بالمطبخ شهد ماقبلت الا هي تغسل المواعين رغم اني اعترضت كالت .. ابد وراج تنظيف البيت الجهال لعبوا جولة
عفته ورجعت كعدت هو كمل وأخذ كوبه وراح
مابيناتنا كلام تجاهلة واضح الي بالليل اجى ينام سويت روحي نايمة اسمعه يستغفر خلة راسه عالمخدة بدون صوت أحسه يراقبني يمكن نام شوية والتفتت أتأكد فاتح عينه ويباوعلي جفلت عبالي نايم طلع عينه مركزها علية انطاني ظهره وسحب اللحاف متعمد اششح والله باردة شكد خبيث أخذه كله تلفلف بي من شافني كاعدة ،، نزلت بسرعة من فراشي جبت بطانية نفرين طبكتها وتغطيت بيها
الفجر حسيت شفت اللحاف مغطيني ابتسمت لأن اعرفه گلبه طيب وياي بس يحب يضوجني لأن ضايج مني بس اني اعتذرت لا نرجس هو ميريد هيج اعتذار
بقيت احجي وية نفسي إلى أن رن المنبه جنت موقته طفيته عالسريع ورحت اتوضى حتى اصلي وابلش بالمطبخ احظر للعزيمة
الحمدلله من صار الظهر كولشي حاظر البنات اجو من وكت حتى يساعدوني شافوني مجهزة ومرتبه الغدا
علا / والله ذيبة عاشت ايدج
نرجس / تسلمين حبيبتي
علا / واني كلت ولج لينا خطية خل نروح من وكت نساعدها وجبنا ام اسد ويانة
نرجس / هههه الحمدلله ماعندي شي بس الزلاطه وهسة لينا تكعد تثرمها شو جيبي حبيبي عصومي والنبي مشتاقتله
اخذته من امه ابوس بي وانتبهت لعلا صافنه علية بس ماحجت اني هم غلست احس عدها كلام بس متكول ، علا ابد ما ضايقتني فعلا انسانه محترمة
بقينا بالمطبخ نسولف بعدما ضيفتهم ،، لينا كعدت تثرم زلاطة ورحت طلعت كاسات حضرتهم
عصومي انطيته لشهد زوجة اياد خلته بحظنها
صوت بالكراج باوعت من شباك المطبخ عمتي والولد دخلو ذبيت شال على راسي وطلعت اسلم عليهم بوست الجهال تلكوني ورحت اسلم عليها زين لاكتني بوجه هادي الحمدلله وعمو باسني طبطب على جتفي / شلونج بنيتي
نرجس / الحمدلله عمو تفضلو اهلا وسهلا نور البيت
ردت عمتي / منور براعيه
تقصد ابنها صعب
دخلو من الكليدور بالاستقبال واني رحت احضر ضيافة اجى صعب وراية سلم عالبنات
صعب / نرجس إذا الغدا حاضر صبي
نرجس / خل اضيفهم بالاول
صعب / لا قابل همة غربة ،،،، عافنا وطلع
شهد / صدوك كلامه احنا اهل عيني
التفتت لشهد زوجة اياد وابتسمتلها .. اي والله صحيح
كلها مدحت بطبخي جانت سفرة مرتبة الحمدلله حيل ارتاحيت لأن دبرتها للعزيمة وارتاحيت أكثر من شفت الرضى بعيونهم خاصة عمتي رغم ماحجت بس أحسها مرتاحه
بالمطبخ شهد ماقبلت الا هي تغسل المواعين رغم اني اعترضت كالت .. ابد وراج تنظيف البيت الجهال لعبوا جولة
نرجس / ههه سلهة التنظيف يمعودة فدوة الهم
علا صبت الجاي ودته واني وكفت انشف المواعين وارتبهم بمكانهم
بقوا للعصر يلة راحوا وبالباب عمتي التفتت علية / من يجي صعب لا تبقين بوحدج تعاي وياه
نرجس / ان شاء الله عمة
تاكدت من كلامها تريدني اتقربلهم يمكن لخاطر ابنهم مدري والله
دخلت البيت اول ما بلشت بالاستقبال نظفته وراها بقية البيت اشتغل وعيني على صعب ساكت ما يحجي وياي اقلها امدح طبخي اشكر تعبي يلة هو طبعه بعد
قبل المغرب كملت وفتت للحمام سبحت وطلعت رتبت روحي لبست تراك لون نيلي مقدف وتعمدت ما البس روبي طخت براسي ،، سرحت شعري وعفته مفتوح ومكياج خفيف يلوكلي وبخة عطر طلعت اطك بالكاع ههه
فتت للهول كعدت كبال الصوبه وخليت رجل على رجل اتفرج عالتلفزيون
وكل شوية ابوك نظرة لصعب كام ينافخ والله يربي الزلم عجيبين عكدت حاجبي واني اسال روحي شاريد بتصرفي هذا يتقربلي مثلا لو يقبل اعتذاري بس اني بتصرفي هذا جاي اكله تعال
فكيت عيني واني استوعب الراح يصير يعني اني أريده يتحرش بية !!!!!!!!!! هذا الراح يفهمها صعب بلعت ريك وعيني اجت بعينه رفع طرف دشداشته ومدد رجليه ،، خفت من فكرت بالراح يصير طلعت من الهول للغرفة اخذت روبي لبسته ولميت شعري كبوبة ورجعت كعدت رفع تك حاجب من شافني لبست روب
تنهد بقوة ورجع يكلب بالريمونت
صعب /
تصرفها اليوم وضيافتها حيل عجبني والكل مدح طبخها وأشوف امي مرتاحه منها ،، طول الوكت مابينا كلام يعني شي قليل من اجت دخلت ولابسة تراك شكد لايكلها الصراحة شكلها مغري شو هاي شوية وراحت لبست روبها تغطي جسمها
كوة جاي اسيطر على روحي البنت داخلة دماغي حيل عاجبتني بعد هي حلالي اني على شنو عايفها وشروطها تنكعهن وتشرب ميهن اني مامقصر وياها وماكو هيج زواج رجال عايفها لمرته صح بالبداية مجانت على بالي اصلا مجرد زوجة بالاسم بس جاي احس روحي تعلقت بيها اريدها اريد أتمم هالزواج هذا اذا ما اتقربلها راح تبقى راكبة دماغها بس اني كلت ماريد شي غصب هه وعليش غصب اكو طرق هواي تخليها اطخي
كورت شفايفي ومسحت لحيتي اشتهيت نفس نركيلة يوو أبيت اهلي باقية خل اخابر ايهم
خابرته وكلتله يعمرلي / عمرلي نركيلة حيل ضاربة براسي وهسة جايكم
ايهم / هههه ادلل يابة شعندي غيرك بس خاف غير شي ضارب برأسك
صعب / ههه ايا هتلي شنو قصدك
ايهم / تعال تعال ماعندي قصد على شنو متزوج لعد إذا ما اطلع حيفي بيها
صعب / مو كلت عليك هتلي هههه
دخلت الغرفة اخذت الفروة لبستها .. رايح لأهلي تعاي اقفلي الباب خوما تخافين
نرجس / لا عليش اخاف انت تتأخر
صعب / لا شغلة ساعة
+
طلع ورحت قفلت الباب ورجعت بدلت التراك لبست دشداشة بسيطه كولش ارتاحلها لون وردي وطفيت الاضوية ومددت بفراشي
ماخذتني النومة فزيت رنة موبايلي فتحته عالسريع بدون ماشوف الاسم
صعب / وينج كسرت الباب دك وانتي ماكو
كمزت / عززااا والله نمت مدري
سديته بوجهه وكمزت شعري مفتوح وعيوني كوة فاتحتهن من النعاس فتحت باب المطبخ دخل وقفله
صعب / شنو هالنوم هذا ربع ساعة واكف برا
تقرب مني ريحته كلها معسل ودخان نركيله اني اتخبل من ريحتها .. اووي صعب ريحتك مطيبة
صعب رافع حاجبه / لا بلة
نرجس / اي والله اووف ماحب دخان النركيلة حباب غير ملابسك اسبح اي شي سوي حتى تروح الريحة
عفته ودخلت للغرفة والنومه طارت اجى وراية ذب الفروة عالكرسي حك لحيته وعينه علية يشوفني عاقجة وجهي هز راسه وطلع مدري وين راح شوية ورجع اجى نام بصفي
اني من صدوك ضجت ابتعدت عنه ماحس الا سحبني وصرت جواه عطت / صععب عوفني
هزيت راسي ماريده يبوسني
نرجس / لاتبوسني والنبي ازوووع
النفس بصدري يصعد وينزل بقوة وأخذ اكبر كمية من عطره المتشبع بدخان
ايديه قافله على أيدي وقرب راسه .. فرشت اسناني ولمعتهن اتخبل
نرجس / صعب رجاءا لاتسوي هاي التصرفات وياية
صعب / تجربة حلوة خل اجرب
نزلت على شفايفها لثمتهن بهدوء رفعت راسي اباوع فاكه عينها وصدرها يصعد وينزل رجعت أخذ شفتها حسيت بيها هدأت جسمها رخى وهذا الاريدة طبعت بوسه على خدها وشميته بلهفة واني امسح خدها الثاني رفعت جسمي عنها وجريت الغطا حتى انام
متعمد بتصرفي اريدها تتعود رغم جنت محتاج اكمل للأخير بس كولشي بوكته حلو
غمضت عيني واني اتخيل منظرها وطعم شفايفها الترفات
نرجس /
أيدي على شفايفي وگلبي يدك سريع بالبداية خوفني من اجى فوكاية وبدا يبوسني من ابتعد حسيت جسمي خدر رقة تصرفه فاجئتني
الصبح كعد قبلي فات للحمام واني رحت وراه وديت منشفة وملابس اخذهم وعينه على شفايفي استحيت ونزلت راسي
حضرتله االريوك تريك وطلع بدون ميحجي اني التهيت بالبيت غسلت ملابس ونظفت وراها طلعت الاكل باقي من العزيمة خليت الجدورة عالطباخ وأخذت موبايلي اكلب بي
اندكت الباب ماطلعت صعب ميقبل رجعت تندك بقوة منو هذا اسمع صوت بنت مو غريب طلعت اشوف منو ومن سالت ردت
/ افتحي يمعودة اني صفا
عكدت حاجبي هاي شجابها ام البلاوي
ردت ما افتح بس خفت من صعب وأهله إذا عرفوا على متريد احد يدخل لبيتها
فتحت الباب ودخلت سلمت ..
صفا / شلونج نرجس
نرجس / الحمدلله تفضلي !!!!!!
دخلنا المطبخ وكعدت عالكرسي واني كبالها
ادحك عليها كاشخه ومكياج ولبس
صفا / نرجس اني اعتذر عن تصرفي وياج والله جنت عصبية ومصدومة اتمنى تقبلين اعتذاري
نرجس ممصدكة / معقولة صفا انتي تعتذرين وكل الغلط ذبيتي براسي
صفا / حزة شيطان واني على وجه زواج اريد ابدي حياة جديدة
نرجس / والله الصراحه فاجئتيني شايفة الخير يارب
صفا / هسة انتي سامحتيني
نرجس / صفا اني ماعندي شي وياج اني اريد اعيش بدون مشاكل
صفا / ان شاء الله ماكو مشاكل
نرجس / رانيا شلونها
صفا / زينة احسن من قبل اعتقد بدت تستوعب ولاتهتمين متحسين الا جاية للبيت تزوركم گلبها طيب بس هي غيارة حيل على معتصم الله يرحمه
رديت بحزن / الله يرحمه
صفا / يلة اني اروح وراية دوام ظهري بالمدرسة بس اكلج لا تحجين وتكولين اجت تعتذر مني لأن مراح يصدكون وماريد رانيا تسمع تزعل علية خليني اني أقنعها براحتي
نرجس / اي عادي مراح احجي معلية اني
طلعت بسرعة واني افتر دماغي معقولة اجت تعتذر الله يهدي النفوس كولشي اتوقع بهالزمن هذا
ــــــــــــــــــ
نرجس /
مرت الايام وعلاقتي بصعب على حطتها بس مرات يحاول يتقرب يبوسني لو يحظني واني صرت أتقبل هالشي
عيالي رحتلهم مرتين بالنسبة لصفا ماحجيت شي عنها واجت مرة ثانية زارتني قبل متروح للدوام كعدت شوية وياي وطلعت كضت الوكت تسولف على خطيبها واهله وشنو راح تسوي بالعرس واي صالون تروح
ثاني يوم اجت ومبين عليها مستعجلة دخلت
سلمت .. فدوة نرجوسة تعاي وياي
نرجس باستغراب / وين يمعودة غير صعب يذبحني إذا اطلع بدون علمه
صفا / فدوة مضطرة أخذ وحدة وياي هالاسبوع عرسي واريد اروح طبيبة اجيك روحي لأن دورتي متخربطه واخاف تنزل بيوم العرس والنبي استحي احجي بس انتي اعرفج متسولفين واكيد مريتي بهاي الوضعية
نرجس بتفهم لوضع صفا لأن قرب عرسها / ياه خطية ليش ما اجلتي العرس
صفا / خطيبي مصمم ميقبل شسويله يلة فدوة نرجس احلفج بروح معتصم تعاي وياي
صفا لا تحلفيني فدوة والله صعب ميقبل اخاف يضوج ويبقى يحجي علية
صفا / عزااا بس لا تحجين علية يم صعب شكد عيب لا فدوة هاي سوالف نسوان اني جان رحت على علا بس ادري بيها متضم شي على حذيفة
نرجس / امري لله شسوي اروح وياج خوما نتأخر
صفا / لا نفس الناحية مو بعيد هسة ناخذ تكسي عالسريع
رحت عالسريع لبست جبة فوك دشداشتي ولفيت حجابي حتى موبايلي عفته قفلت الباب وطلعت
