 |
رواية عشقت كبريائي فهد ومليكة الجزء الثاني (عناد الحب والكبرياء) الفصل الخامس والعشرون بقلم دودو محمد
فى مكتب وكيل النيابه
بدء حسام سماع أقوال فهد فى القضيه
حسام :- اسمك وسنك ووظفتك
فهد :- فهد فريد المنشاوى
سنى 37 سنه
وظفتى رجل اعمال
حسام :- ايه اللى حصل يوم الحادثه
فهد :- انا نزلت من الفيلا على أساس أن رايح الشركه بتاعتى وركبت العربيه وخرجت من باب الفيلا لاقيت واحد ظهر قصادى فاجئه وخبطه بالعربيه نزلت اشوفه وعرض عليه اخده المستشفى واطمن عليه وافق ركبته العربيه جنبى وبدأت اسوق العربيه بس فاجئه رش حاجه على وشى محستش بحاجه تانى غير فى الشقه بدأت افوق لكن حسيت برصاصه فى جسمى من واحد مغطى وشه وسحر كانت نايمه جنبى على السرير ومضروبه بالرصاص بس هو ده اللى حصل
حسام :- طيب فى حد بتشك فيه أن هو اللى عمل كده يعنى يكون منافس ليك فى الشغل أو فى اى عداوه ما بنكم
فهد :- بكدب لاء
حسام :- طيب ايه ردك على أن الأداة المستخدمه فى الجريمه كانت مرخصه بأسمك
فهد :- معرفش وصلو ليها ازاى انا شايلها فى خزنة الشركه علشان لو حرامى دخل ولا حاجه وانا فى الشركه اقدر ادافع عن نفسى
حسام :- طيب ايه سبب تواجد زوجتك مليكه عبدالرحمن فى نفس مكان الجريمه وفى نفس اللحظه
فهد:- انا اللى طلبت منها انها تجيب طلبات الشهر لسحر
حسام :- يعنى بتنفى التهمه عن زوجتك مليكه عبدالرحمن
فهد :- ايوه مستحيل مليكه تعمل كده وبعدين مليكه متعرفش اصلا مكان المسدس بتاعى فين وهى بقالها فتره مرحتش الشركه وكنا لسه راجعين من رحلة شرم ومنزلتش نهائى من البيت
حسام :- بس لما وصلنا كانت ماسكه السلاح فى ايديها وعليه بصماتها
فهد :- اكيد لما شافت المنظر خافت ومسكت المسدس علشان تشوف فى حد فى الشقه ولا لاء
حسام :- هل لديك اقوال آخره
فهد :- لاء
حسام :- طيب أمضى هنا على اقوالك
فهد :- مضاه وقال طيب ومليكه هتعملو معاها ايه
حسام :- مدام مليكه هتفضل محبوسه على ذمة القضيه
فهد :- بصدمه ليه تانى
حسام :- لازم نلاقى القاتل الحقيقى ووجود مليكه فى مكان الجريمه وبصماتها اللى على المسدس بتثبت التهمه عليها
فهد:- حتى بعد سماع اقوالى
حسام :- طبعآ اقوالك هتفرق كتير فى القضيه بس برضه مش هتخرج مليكه من القضيه لان فى معانا ادله ضدها
فهد :- بس انا مستحيل هسيب مليكه هنا تنام مع المجرمين فى الحجز
حسام :- مش فى ايدك حاجه
فهد :- يعنى
حسام :- يعنى انتهى شغلك لحد كده والباقى علينا احنا هندور على المجرم الحقيقى ونظهر برأة مليكه
فهد:- ولا حتى ينفع خروج مليكه بكفاله
حسام :- للاسف برضه لاء
فهد :- طيب ممكن حضرتك طلب شخصى
حسام :- اه طبعآ اتفضل
فهد :- مليكه متنزلش الحجز خليها قعده هنا فى المكتب
حسام :- سكت شويه وقال هو ممنوع بس علشان انا متأكد من برأة مليكه وعلشان خاطر باسم عشرة عمرى هخليها هنا فى المكتب
فهد :- وتتعامل معامله كويسه من العساكر
حسام :- لاء اطمن احنا مش بنستخدم العنف ضد اى حد
فهد :- شكرآ ليك وان شاءالله الوضع ده مش هيطول
حسام :- تقصد ايه
فهد:- ها قصدى يعنى أن شاءالله هتوصل للحقيقه فى أقرب وقت
حسام :- أن شاءالله
فهد :- اشوف بس مليكه اطمنها
حسام :- بس ياريت بسرعه وبعدين طلب من العسكرى أن يدخل مليكه وخرج هو ساب مليكه مع فهد فى المكتب
مليكه :- بفرحه خلاص هنروح الفيلا مع بعض
فهد :- مسك وش مليكه وبصلها وقال للاسف يا مليكه مش هينفع تخرجى من هنا لحد ما نوصل للمجرم الحقيقى
مليكه :- بحزن يعنى هفضل برضه بعيده عنك
فهد :- بص فى عينيها وقال مليكه عمرك ما كنتى بعيده عنى حتى وانا فى غيبوبه كنتى معايه طول الوقت ريحتك كانت معايه عيونك كانت قصاد عيونى علطول انتى هنا يا مليكه وشاور على قلبه وقال وهتفضلى العمر كله هنا ومحدش يقدر يبعدك عنى مهما يكون وهترجعى فى حضنى فى أقرب وقت ممكن
مليكه :- اترمت فى حضن فهد ودموعها نزلت منها وقالت واحشتنى اوى يا فهد انا من غيرك جسد من غير روح قلب من غير نبضات انت حياتى كلها يا فهد
فهد :- طلعها من حضنه ومسح دموعها وقال وحيات مليكه عندى لادفع تمن كل دمعه نزلت منك للى كان السبب واعرفهم مين فهد المنشاوى واللعب معاه اخرته ايه مش عايز اشوف دموعك دى تانى يا مليكه دموعك غاليه عليا اوى وضمها فى حضنه جامد وشم ريحت شعرها وقال متخفيش يا مليكه هخرجك من هنا قريب اوى
مليكه :- اتشبثت اكتر فيه وقالت حضنك ده قوتى يا فهد صدقنى طول ما انت موجود مش بحس غير بالامان وعارفه ومتأكده انك هترجعنى لحضنك قريب اوى انا واثقه فيك يا فهد
فهد :- بسها من راسها وقال ربنا يخليكى ليا وميحرمنيش منك ابدآ يارب
مليكه :- ويخليك ليك
فهد :- بصلها وقال انا كلمت حسام هيخليكى قعده هنا فى المكتب ومش هيرجعك تانى الحجز
مليكه :- ماشى
فهد :- متخفيش الوضع ده مش هيطول
مليكه :- انا عارفه يا قلبى
فهد :- محتاجه حاجه
مليكه :- طول ماانت كويس مش محتاجه حاجه من الدنيا تانى
فهد :- بحبك
مليكه :- بعشقك
فهد :- مشى وهو بيبص ليها يطمنها
مليكه :- فهد خلى بالك على نفسك
فهد :- ما هو انتى نفسى اكيد هخلى بالى عليكى
مليكه :- ضحكت ليه
فهد :- هتواحشينى
مليكه :- وانت اكتر
فهد :- اتخبط فى الباب وقال اااااه
مليكه :- ضحكت على منظره وقالت ههههههههههه خلى بالك
فهد :- فتح الباب وبعت ليها بوسه فى الهوا ومشى
مليكه :- يارب احميه واحرسه وابعد عنه اى حاجه وحشه وفى الوقت ده دخل حسام
حسام :- اقعدى يا مليكه على الكنبه وخدى راحتك واعتبرينى مش موجود
مليكه :- شكرآ لحضرتك
حسام :- العفو على ايه بس انا لو مكنتش متأكد من برأتك مكنتش هعمل معاكى كده
مليكه :- بجد حضرتك طيب اوى ومحترم زى ما باسم قال عليك
حسام :- شكرآ ولو محتاجه حاجه اطلبيها منى علطول من غير كسوف اعتبرينى زى اخوكى
مليكه :- ربنا يخليك اكيد طبعآ وقعدت مليكه على الكنبه تفكر فى فهد
حسام :- بدأ يشوف شغله
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عند فهد خرج من المكتب
وهو بيتوعد بالشر لكل اللى كان السبب فى بعد مليكه عنه
باسم :- فهد عملت ايه وفين مليكه
فهد :- قولت اقوالى ومليكه مش هتخرج غير لما يمسكو القاتل الحقيقى
باسم :- يعنى مليكه لسه هتقعد هنا تانى طيب واقوالك مش مفروض فى صالحها
فهد:- ايوه فى صالحها بس مش دليل برأتها علشان فى ادله عليها
باسم :- طيب دلوقتى هنعمل ايه
فهد :- دلوقتى ورانا شغل كتير علشان على الصبح يكون مليكه فى فيلاتها
باسم :- مش فاهم
فهد :- هفهمك فى الطريق يلا بينا
باسم :- اوك يلا
ومشى فهد وباسم مع بعض
وشافو مى وفايزه واسر وجومانه
مى :- طلعت تجرى عليهم وقالت فين مليكه ليه مش معاكم
باسم :- مليكه مش هتخرج غير لما يلاقو المجرم الحقيقى
جومانه :- مش فهد قال اللى حصل ليه بقى هتقعد هنا تانى
فهد:- لأن فى ادله ضدها فى القضيه ولازم يوصلو للقاتل الحقيقى علشان يثبت برأة مليكه
فايزه :- يارب اظهر الحق وازهق الباطل يا قادر يا كريم
فهد:- ايوه كل اللى محتاجينه دلوقتى الدعاء
اسر :- طيب وايه العمل دلوقتى احنا عارفين امته هيوصلو للحقيقه
باسم :- لاء طبعآ مش هنسكت وهنحاول نوصل للحقيقه فى أقرب وقت
جومانه :- يارب يا باسم
فهد :- يلا احنا يا باسم نلحق وقتنا
باسم :- يلا
اسر :- انتو رايحين مشوار يخص برأت مليكه
فهد:- ايوه
اسر :- انا جاى معاكم
باسم :- تمام يلا
جومانه :- ربنا معاكم يارب وتقدرو تظهرو الحقيقه فى أقرب وقت
فايزه :- يارب يا بنتى
مى :- فهد خلى بالكم على نفسكم وبصت على باسم
فهد :- ربنا يستر وبص لباسم وقال عربيتك فين
اسر :- تعالو نركب عربيتى احسن
فهد :- ماشى يلا وركبو التلاته العربيه ولسه اسر هيمشى
فارس :- فهد انت رايح فين انت لسه تعبان والمفروض ترجع المستشفى
فهد :- وهفضل تعبان طول ما مليكه بعيده عنى لازم مليكه ترجع تانى ليا علشان اخف يا فارس واكون كويس
فارس :- طيب انت رايح فين كده
فهد :- رايح مشوار ارجع انت لامك وطمنها
فارس :- بس
باسم :- قطعه وقال خلاص يا فارس اطمن انت انا معاه وهخلى بالى منه
فهد :- يلا يا اسر
اسر :- مشى بالعربيه
فارس :- قعد يبص عليهم لحد ما اختفوه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى مكان تانى
دعاء:- انا خايفه اوى يوصل لينا
الشخص :- متخفيش هو اصلا ميعرفش مين اللى عمل كده انا كنت مغطى وشى
دعاء:- بس انا خايفه يشك فيا ويوصلى
الشخص :- لاء متخفيش اكيد مش هيشك فيكى ولو حصل مش هيعرف يوصلنا
دعاء:- ربنا يستر ده مفيش حاجه صعبه عليه ده حتى الموت عرف يهرب منه
الشخص :- عندك حق ده كانو مأكدين ليا أنه خلاص بيموت
شبه القطط بسبع ارواح
دعاء :- ربنا يستر بقى
الشخص :- اجمدى انتى بس كده وبلاش تفضحينا
دعاء :- حاضر
الشخص :- قومى اعملى لينا لقمه حلوه ترم للواحد عضمه
دعاء :- انا مش فايقه ابعت هات اكل جاهز
الشخص :- وانا من يوم ما اخدك عارف اكل لقمه عدله ومسك التليفون وطلب اكل جاهز
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عند فهد وباسم واسر
باسم :- ها قول بقى انت ناوى على ايه
فهد :- قبل ما اقولك حاجه احكيلى امجد قالك ايه يوم ما طلق سحر ومشى
باسم :- بعد ما طلقها قال قول فهد بتاعك أن مش هيعدى اللى انت عملته ده بسهولا واستنا رده عليك قريب اوى وبس ومشى
اسر :- مش فاهم حاجه حد يفهمنى مين امجد ده
باسم :- امجد ده يبقى طليق اللى اتقتلت وفهد اللى طلقها منه
اسر :- قصدكم يعنى هو اللى عمل كده
فهد :- اكيد بس مش لواحده اكيد فى حد بيساعده وهو اللى جاب ليه المسدس بتاعى من مكتبى
باسم :- قصدك مين
فهد :- هى دعاء فين من آخر يوم فى شرم محدش شافها
باسم :- فعلا اختفت بعد اللى عملته فى جومانه
اسر :- انا مش فاهم اى حاجه مين دعاء دى كمان
باسم :- دى كانت شغاله سكرتيره فى شركة فهد بس مليكه مرتحتش ليها وكان فى مشاكل تملى ما بين فهد ومليكه بسببها
فهد :- ياريت كنت سمعت كلامها من الاول مكنش كل ده هيحصل بس ايه جاب امجد لدعاء وازاى اتعرفو على بعض وعرفو بعض من وهى شغاله فى الشركه ولا هو اللى كان بعتها تشتغل عندى فى الشركه علشان تنقل ليه اخبارى كل دى أسأله شاغله تفكيرى
اسر :- طيب ما واضحه اهو يعنى السكرتيره هى اللى اخدت المسدس بتاعك وادته لامجد ده علشان ينتقم منكم انتو الاتنين ويبان ان انت اللى قتلتها وبعدين موت نفسك بس مليكه جت غيرت كل خططه ومليكه اللى ادبست فى الموضوع وانت قومت بالسلامه
فهد :- بالظبط كده بس فى حاجه تانيه
باسم :- ايه هى
فهد :- ولادها مش ظاهرين خالص
باسم :- مش محتاجه تفكير ساعة ما راح يقتلكم كان الولاد لسه فى المدرسه وبعد ما خلص راح اخدهم معاه
اسر :- بالظبط كده
باسم :- طيب احنا كده ربطنا الخيوط ببعضيها ازاى بقى هنوصل ليهم اكيد هيختفو فى مكان بعيد محدش يعرف يوصلهم
فهد :- انا اقدر اوصل لدعاء ومن خلالها نوصل لامجد ده
اسر :- ازاى هتوصل ليها
فهد :- عن طريق اهلها
باسم :- وهما اهلها هيقولو ليك علطول مكانها اكيد منبها عليهم
فهد :- الفلوس تعمل اى حاجه
اسر :- قصدك ايه
فهد :- هقولكم بس روح على العنوان ده
اسر :- عنوان مين ده
فهد :- ده عنوان اهل دعاء خليت واحد جابه من صورة البطاقه بتاعتها اللى فى الملف
باسم :- برافو عليك هو ده فهد المنشاوى ولا بلاش
اسر :- معلش استحملونى اصل انا غبى هنروح نعمل ايه عند أهل اللى اسمها دعاء دى
فهد :- هههههههه ماشى يا غبى بص يا سيدى هنروح ولا اقولك خليك كده وانت تشوف بعينك
اسر :- تصدق بأيه لو مكانتش اللى مرميه فى الحجز دى بنت عمى واخت مراتى كنت حدفتكم انتو الاتنين من العربيه وارتحت
فهد :- تحدف مين ده انا بنفخه واحده منى اطيرك مش شايف فرق الجسم ولا ايه
اسر :- ربنا على المفترى انت لسه فيك صحه بعد اللى حصل فيك
باسم :- ههههههههه شكلك بقه وحش خالص الصراحه يا اسر
اسر :- لا والله انتو هتتسلو عليا بقى
فهد :- سوق وانت ساكت احسنلك واه أقف عند اى مكنه اسحب منها فلوس
اسر :- حاضر ما هو انا اللى جبته لنفسى وساق على العنوان اللى فهد قال عليه
وبعد وقت وصل اسر بالعربيه ونزلو التلاته من العربيه وطلعو على شقة اهل دعاء ورن الجرس وفتحت ليهم ام دعاء
فهد :- السلام عليكم يا حاجه
ام دعاء :- وعليكم السلام خير يا ابنى
فهد :- ممكن بس نقابل الانسه دعاء
ام دعاء :- ليه خير يا ابنى
باسم :- متخفيش يا ماما احنا عايزنها فى شغل
وفى الوقت ده خرج اخوه دعاء وقال
اخودعاء :- خير يا اخ منك ليه عايزين دعاء ليه
اسر :- احم ايه الليل اللى هجم ده
باسم :- خبطه بكوعه وقال لو سمحت احنا كنا محتاجين دعاء فى شغل مهم جدآ
اخوها :- بس هى شغاله فى شركة فريد المنشاوى
اسر :- ايوه ما هو ده ف
فهد :- قطعه وقال ايوه عارفين بس احنا عايزينها فى شغلانه بسيطه ورقه تجبها لينا من شركة فريد المنشاوى وكان معايه العربون
اخوها :- مشى أيده على شعره وبص للظرف وقال كام دول
فهد :- لاء معلش الظرف ده يتسلم لدعاء فى ايديها
اخوها :- احم طيب اتفضلو مينفعش الكلام على الباب
فهد :- بص لباسم ولاسر ودخلو قعدو جوه
اخوها :- تمام انا هتصل بيها واخليها تستأذن من الشغل وتيجى حالا
فهد :- بس بلاش تقول ليها حاجه فى التليفون ليكون حد جنبها يسمع الكلام
اخوها :- صح عندك حق انا هقولها امك تعبانه واخليها تيجى من غير ما تعرف حاجه تشربو ايه
فهد :- تلاته قهوه
اسر :- بس انا مش بحب القهوه عايز كابتشينو
اخوها :- ايه البتاع ده
اسر :- ها لا ده شاى باللبن
اخوها :- ااااااه من عنيا وخرج من الاوضه
فهد :- بص لأسر بغيظ وقال تصدق أن اكبر غلطه أن جبتك معانا
اسر :- الله مش عايز قهوه انا
باسم :- يا ابنى احنا جاين نضايف ولا ايه
اسر :- خلاص انا غلطان
فهد:- المهم مش عايزين اخوها يحس بحاجه
باسم :- ايوه بس انت سمعت قال ايه ده مفكرها انها لسه شغاله فى الشركه
فهد :- ايوه معنى كلامه كده انها مع امجد دلوقتى
اسر :- طيب ناوى على ايه دلوقتى
فهد :- صدقنى سؤال غبى
اسر :- ليه بس
باسم :- يا ابنى انت احنا هنستنا دعاء تيجى وهنضغط عليها تقولنا على كل حاجه بس من غير ما اخوها يحس
اسر :- اااااااااه طيب
وفى الوقت ده دخل اخو دعاء وقال انا كلمتها وهى جايه دلوقتى وكان بيتكلم وعينه على الظرف اللى فيه الفلوس
فهد :- تمام واحنا مستنينها
اخوها :- وهى الشغلانه دى فيها خطوره على البت دعاء اصل البت دى عبيطه وبتخاف علطول
باسم :- لالالا دى ورقه هتجبها من ملف فى الشركه مش هتاخد منها غير خمس دقايق ومحدش هيحس بحاجه
فهد :- وطبعآ هتاخد قرشين كويسين فى خمس دقايق
اخوها :- تمام انت ممكن تدينى الظرف ده وابقى اتفاهمو معاها براحتكم
اسر :- لاء طبعآ نتفق الاول وبعدين تاخد الفلوس
اخوها :- بعصبيه نعم
اسر :- بخوف انا مليش دعوه الكلم مع الاخ ده وشاور على فهد
فهد :- بص بغيظ لاسر وبعدين بص لاخوه دعاء وقال نشوف بس الانسه دعاء هتقدر تجيب الورقه ولا لاء وبعدين نتفق على الفلوس وهحليلك بؤقك متخفش
اخوها :- تشكر يا ذوق وفى الوقت ده جرس الباب رن بص ليهم وقال شكل البت دعاء جت
فهد :- تمام احنا مستنين
اخوها :- وقف وقال تعالى يا بت اتأخرتى كده ليه
دعاء :- مش على ما عرفت اخد اذن من مدير الشركه
اخوها :- طيب تعالى فى ناس عايزينك فى الاوضه
دعاء :- بأستغراب ناس مين دى ودخلت واتفاجئت بوجود فهد ووقفت مصدومه وقالت ف.ف.ف
فهد :- قطعها وقال تعالى يا انسه دعاء
دعاء :- دخلت قعدت وهى متوتره
فهد :- لو سمحت يا اخ اسمك ايه بقى
اخوها:- رجب اسمى رجب
فهد :- عاشت الاسامى يا رجب ممكن تسبنا لوحدانا شويه وعمولتلك برضه محفوظه
رجب :- اه طبعآ براحتكم وبص لدعاء وقال فتحى ودانك مع الباشا فاهمه
دعاء :- هزت راسها بمعنى ماشى
رجب :- خرج من الاوضه وقفل الباب وراه
فهد:- بص لباسم وقال باسم روح براحه وافتح الباب بشويش
باسم :- ماشى ومشى براحه وفتح الباب لاقه رجب وقف وراه وحاطط ودانه
اسر :- هههههه ايه ده مش عيب لما تلمع اكر يا كبير
رجب :- احم انا بس بطمن على اختى هتسمع كلامكم ولا لاء
فهد :- لاء متشغلش بالك انت يارايق انا هتصرف معها
رجب :- ماشى خده راحتكم ومشى وسابهم
باسم :- قفل الباب وقعد جنب فهد
فهد :- بص لدعاء وقال اذيك يا انسه دعاء فينك مش باينه يعنى
دعاء :- م.م.مفيش مش مرات ح ح.حضرتك مشتنى من الشركه
باسم :- ايوه بس كان لسه فى كلام مع المحامى
دعاء :- سكتت
فهد :- انتى مش قايله ليهم هنا انك سبتى الشغل ليه
دعاء :- ها ا.ا اصل انا ا.ا.اللى بصرف عليهم هنا وخفت من رجب اخويه وكنت بنزل فى معاد الشركه ادور على شغل ع ع علشان محدش يحس بحاجه
اسر :- بدورى على شغل برضه ولا بتروحى تظبطى نفسك مع اللى اسمه امجد
فهد :- غمض عينه علشان يتحكم فى أعصابه وقال اسر ممكن تسكت شويه وبص لدعاء وقال فين امجد يا دعاء
دعاء :- ا.ا امجد مين ا.ا.انا معرفش حد بالاسم ده
فهد :- دعاء انطقى بالذوق بدل ما اخليكى تنطقى بالعافيه
دعاء :- ا.ا انا لو اعرف حد بالاسم ده كنت قولت ليك علطول
باسم :- دعاء من غير لف ودوران احنا عارفين انك زباله وعارفين اللى عملتيه فى جومانه وكنتى ناويه تعمليه فى مليكه فا متحاوليش تعملى فيها دور البريئه
دعاء :- قامت ولسه هتطلع تجرى من الاوضه
فهد :- مسكها من شعرها وقال اياكى لو فكرتى تهربى مننا هقول لاخوكى كل حاجه وانك كل يوم بتروحى لامجد شقته
دعاء :- بدموع اااااه شعرى معرفش م.م.مين امجد ده
باسم :- ماهو انتى هتقولى مكانه بالذوق أو بالعافيه
دعاء :- ابوس ايديكم خرجونى من اللعبه دى انا مليش دعوه بحد انا مش قد حد فيكم لا انتو ولا هو
فهد :- قولى ومتخفيش هحميكى منه
دعاء :- بدموع مقدرش مقدرش
باسم :- كلنا معاكى يا دعاء وبعدين لو قولتى مكانه الحكومه هتمسكه ومش هيقدر يوصلك
دعاء :- مقدرش انتو متعرفهوش ده يقدر يعمل اى حاجه فى اى وقت مش بيهمه حد نهائى
اسر :- متخفيش مش هيقدر يوصلك
دعاء :- زى ما عرف يوصل لمراته ويقتلها هيعرف يوصلى ويقتلنى زيها
فهد :- بص لباسم ولاسر ورجع بص لدعاء وقال يعنى هو اللى ضربنى بالرصاص وقتل مراته
دعاء :- بصت ليهم وسكتت
باسم :- تعالى يا دعاء اقعدى واحكى كل حاجه تعرفيها عنه واحنا هنحميكى
دعاء :- قعدت وايديها كانت بتترعش ومتوتره
فهد واسر وباسم قعدو جنب بعض قصاد دعاء
فهد :- ها اتكلمى انتى تعرفى امجد منين ومن امته
دعاء :- انا أعرفه من اربع سنين ومتجوزين عرفى ومن فتره طلب منى أن أقدم عندك فى الشركه واعرفه اخبارك علطول وكان ده اللى بيحصل ومن فتره اختفى ايام وحاولت أوصله معرفتش وبعد شويه لاقته بيكلمنى وبيطلب منى اجيب ليه المسدس بتاعك وعرفت أن الفتره اللى كان غيبها دى كان محبوس عندك فى الشركه ولما معرفتش اوصل للمسدس قال لازم اوصل ليه بأى طريقه علشان ينتقم منها ومنك ولما سألته عرفت ان عايز يقتل مراته بالمسدس بتاعك وبعدين يضربك بى ويحط بصماتك عليه علشان يبان انك قتلتها وبعدين ضربت نفسك بالرصاص
باسم :- يعنى انتى اللى اخدى المسدس من مكتب فهد
دعاء :- بدموع لاء معرفتش
اسر :- امال وصل ازاى ليه
دعاء :- واحنا فى شرم دخل المكتب ودور عليه وعرف يوصله
فهد :- ها وبعدين
دعاء :- بس ونفذ الموضوع زى ما هو مخطط ليه بس فى اخر لحظه جت مراتك عليه ومسكت المسدس هى وهو هرب قبل ما الحكومه تمسكه وبعدين راح جاب أولاده من المدرسه ووداهم البلد عند أهله
باسم :- فين مكانه يا دعاء
دعاء :- سكتت
فهد :- قولى يا دعاء وانا بوعدك مش هخليه يأذيكى
دعاء :- قاعد فى شقه فى منطقة (........)
فهد :- وقف وقال اسر خد دعاء وروح النيابه وخليها تقول الكلام اللى قالته ده لوكيل النيابه
دعاء:- ايه ل.ل لاء طبعآ انا مش هروح فى حته
باسم :- ده لامانك يا دعاء لازم الكلب ده يترمه فى الحبس ومليكه تخرج لأولادها
دعاء :- سكتت
فهد :- يلا يا اسر خد دعاء وروح
اسر :- ماشى يلا يا انسه معايه واخد اسر دعاء ومشى
فهد :- بص لباسم وقال يلا احنا نروح عنده
باسم :- يلا
رجب :- دخل وقال الاخ اللى اخد اختى ده رايح بيها فين
باسم :- ها اخدها تروح تجيب الورق من شركة فريد المنشاوى
رجب :- دلوقتى
باسم :- اه دلوقتى
رجب :- يمكن طيب فين القرشين بتوعى
فهد :- مد الظرف ليه وقال خد اهو اتفضل عن اذنك بقى واخد باسم ونزلو وركبو تاكسى وراحو العنوان اللى قالت عليه دعاء
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
وصلت دعاء مع اسر النيابه
ودخلت عند وكيل النيابه وقالت كل أقوالها والعنوان اللى قاعد فيه امجد واخد حسام قوه وراح على العنوان اللى قالت عليه دعاء
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عند امجد كان قاعد فى الشقه بيتفرج على التلفزيون
الباب خبط فكر بتاع التليفرى قام فتح الباب اتفاجئ بفهد قصاده حاول يقفل الباب بس فهد حط رجله ومنعه أن يقفل الباب وزق الباب
امجد :- وقع على الأرض حاول يقوم ويجرى بس فهد مسكه وقعد يضرب فيه
فهد :- وهو بيضرب فيه بقى مفكر نفسك ذكى وتعرف تهرب منى ده انا فهد المنشاوى يا ع******
امجد :- وهو بيطلع دم من بؤقه ضحك وقال ههههههه انت لسه فيك الروح اهو وضربه مكان الجرح
فهد :- اتوجع والجرح نزف
باسم :- طلع يجرى على فهد وقال فهد انت كويس
فهد :- ايوه كويس
بس فى الوقت ده امجد جاب سكينه ولسه هيضرب فهد بيها باسم حط دراعه وجت السكينه فى دراعه
فهد:- باسم خلى بالك
باسم :- قع على الأرض والدم نزل من دراعه
امجد :- رفع السكينه تانى ولسه هينزل بيها على فهد
فهد :- حاول يقوم من مكانه ومسك ايد امجد وحاول يوقع السكينه من أيده
امجد :- انت جيت النهارده لموتك يا فهد
فهد :- عرف يوقع السكينه من ايد امجد وراح علشان هو يمسكها
امجد :- مسك فهد وقعد يضربه تانى فى الجرح
فهد :- الجرح بقى ينزل فى دم اكتر ويألمه اكتر واكتر بس اتحامل على نفسه وزق امجد من عليه وقعه الارض ومسك السكينه ولسه هيضرب بيها امجد حسام وصل ومسك ايد فهد
حسام :- بلاش يا فهد سيبوه للقانون
فهد :- بعد عنه وقعد على الأرض وحط أيده على الجرح
حسام :- شاف باسم بينزف من دراعه وقميص فهد كله دم بص للعسكرى وقال اطلب الإسعاف بسرعه
العسكرى :- تمام يا فندم
حسام :- مسك امجد وحط فى أيده الكلبشات وقال خدوه يلا
امجد :- بص لفهد وقال لسه حسابك معايه منتهاش رجعلك وهنتقم منك أشد انتقام
حسام :- خدوه يلا
والعساكر اخدت امجد
وجت عربية الإسعاف واخدت فهد وباسم وراحو على المستشفى
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى النيابه وصل حسام
وقفل ملف القضيه بعد اكتمال الادله وأمر ببرأت مليكه من التهمه المنسوبه ليها وحبس امجد ودعاء على ذمة القضيه
مليكه :- عرفت باللى حصل وخرجت من النيابه وراحت هى واسر ومى وجومانه على المستشفى ودخلت تجرى على فهد
فهد :- كان نايم على السرير وعريان وصدره ملفوف بالشاش
مليكه :- دخلت تجرى عليه وحسست على صدره
فهد :- حس بأيد على صدره وشم ريحة مليكه فتح عينه ومصدقش نفسه حاول يقوم
مليكه :- منعته يقوم من مكانه وقالت خليك نايم علشان خاطرى
فهد :- مش مصدق نفسى انك رجعتى تانى لحضنى
مليكه :- باسته فى صدره وقالت انا ملكك وبين ايديك يا عمرى بس زعلانه منك
فهد :- ليه
مليكه:- علشان واعدنى انك هتخلى بالك على نفسك ومع ذلك منفذتش واعدك ليا واذيت نفسك
فهد :- انا عمرى كله فداكى يا مليكه لو كان تمن خروجك موتى مكنتش هتأخر عن كده
مليكه :- قعدت تبوس فى صدره وقالت انشالله انا يا قلبى يجعل يومى قبل يومك يارب
فهد :- مليكه انتى حب عمرى كله والحياه من غيرك متسواش ونفسى نفضل كده طول عمرنا منفرقش حضن بعض ابدآ
مليكه :- مفيش روح بتفارق جسد الا ساعة الموت وانا روح داخل جسدك مش هنفارق بعض الا ساعة الموت
فهد :- بحبك اوى يا مليكه
مليكه :- وانا بعشقك يا فهد
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عند باسم
كان نايم على السرير ودراعه ملفوف بالشاش
دخلت عليه مى وجومانه واسر
باسم :- اول ما سمع الباب اتفتح وشاف التلاته داخلين ليه قام قعد
اسر :- حمدالله على السلامه يا بطل كده يا ابنى مفكرك سوبر مان طلعت محصلتش حتى سلاحف النينجا
باسم :- ايوه يا عم ما انت خلعت بالبت وماصدقت تخلع من الليله
اسر :- اسكت يا ابنى خساره البت دى فى الحبس دى طلقه بنت الايه
مى :- ايه يا زرافه تحب اقول لمها
اسر :- ها لا طبعآ ده اختك الخير والبركه يا اوزعتى
مى :- ايوه كده اتظبط
باسم :- كان قاعد وغيران من هزار مى مع اسر
جومانه:- بس تصدقو بحب انا جو الاكشن ده ياريت كنت هناك كنت صورتكم بالفون واو كانت هتجيب اعلى نسبة مشاهده
باسم :- بت انتى عبيطه تصورى ايه ده كانت مطحنه هناك
جومانه :- هههههه اه ما هو باين عليك انضربت وجيت
مى واسر :- هههههههههههههههه
باسم :- مش احسن منك كنتى هتفضلى تقولى الحقنى يا بابا الحقونى يا لههههههههوى حد يلحقنى هيموتنى
جومانه :- مين ده الكلام ده للعيال السيكى ميكى اللى زيك لكن أنا كنت اديتوه بالنفوخ جبته الارض
باسم :- ههههههههه عندك حق ما هقول ايه على رأى فارس برعى
جومانه :- سمعت اسم فارس قلبها وجعها وقالت الف سلامه عليك يا باسم عن اذنكم
باسم :- انب نفسه أن قال ليها كده وبص لأسر وقال معلش يا اسر ممكن توصل جومانه للفيلا عندهم
اسر :- اه طبعآ عن اذنكم وخرج وساب مى مع باسم فى الاوضه
مى :- على فكره انت جرحتها بكلامك اوى
باسم :- عارف بس مكنتش اقصد والله كنت قصدى اهزر بس مش ازعلها
مى :- جومانه طيبه مش هتزعل منك بس هى اصلا سيرة فارس قدمها بتوجعها
باسم :- لما اقوم من اللى انا فيه ده هبقى اقعد معاها واكلمها
مى :- ربنا يصلح الحال عن اذنك
باسم :- مسكها من ايديها وقال استنى رايحه فين
مى :- بصت على ايد باسم
باسم :- بعد أيده وقال انا اسف مش قصدى
مى :- تمام بس ياريت كل واحد يلزم حدوده
باسم :- ماشى بس خليكى قعده معايه شويه
مى :- عايزه اطمن على فهد
باسم :- سبيه قاعد مع مليكه شويه اكيد واحشين بعض
مى :- احم عندك حق
باسم :- مى
مى :- قعدت على الكرسى وقالت نعم
باسم :- هو انتى يوم ما جيتى المستشفى لنورهان الله يرحمها وطلبت منى أن اسيبكم مع بعض كانت بتقولك ايه
مى :- ها ب.ب بعدين ابقه اقولك
باسم :- مش هضغط عليكى وقت ما تحبى تقولى قولى
مى :- شكرآ ليك بس فين بنتك
باسم :- فرحه سيبها مع جدتها ام نورهان تنسيها شويه الحزن على بنتها
مى :- عجبها موقف باسم وقالت جزاك الله خير هى فعلا محتاجه حد من ريحت بنتها تحسسها بوجودها جنبها
باسم :- مى كنت عايز أسألك سؤال
مى :- أسأل
باسم :- احم بالنسبه لأسر
مى :- ماله
باسم :- يعنى هزارك معاه وكده
مى :- فهمت قصده وقالت اسر بالنسبه ليا اكتر من آخ وليه غلاوه خاصه جدآ عندى غير كده انا واسر اكتر اتنين واخدين على بعض وكنا علطول بنحب نضحك ونهزر مع بعض قبل ما اقابل مازن ويكسر ضحكتى وهنفضل كده علطول وبعدين اسر ابن عمى وفى نفس الوقت جوز اختى
باسم :- احم انا فاهم كلامك ومش قصدى حاجه والله انا بثق فيكى على فكره
مى :- على فكره الكلام اللى انا قولته ليك ده مش ملزومه أقوله ليك بس حبيت اوضح ليك علاقتى بأسر ايه علشان مش بحب حد يفهمنى غلط مش اكتر من كده
باسم :- احم تمام وحاول يتعدل بس دراعه وجعه وحط أيده على دراعه وقال اااااه
مى :- باسم فيك حاجه
باسم :- لاء بس دراعى وجعنى وانا بتعدل
مى :- احم م.م.ماشى تحب اساعدك
باسم :- لاء شكرآ انا هحاول مع نفسى مش عايز اتعبك
مى :- وقفت وقالت مفيش تعب ولا حاجه وراحت مسكت المخده وشدت باسم لقدام وحطت المخده وراه ورجعته تانى وبصت ليه واتوترت من قربها ليه وقالت م.م.مرتاح كده
باسم :- وهو بيبص فى عينيها قال عمرى ما كنت مرتاح زى دلوقتى
مى :- بعدت عنه ورجعت قعدت على الكرسى وبصت على الأرض وهى متوتره
باسم :- على فكره بتبقى حلوه اوى وانتى مكسوفه
مى :- ب.ب.باسم ل.ل.لو سمحت ب.ب بلاش طريقة الكلام دى معايه
باسم :- هههههه حاضر يا ستى
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عند جومانه
خرجت من عند باسم وهى دموعها فى عينيها
وشافت فارس واقف قصادها حاولت تدارى دموعها وقالت
جومانه :- عن اذنك لو سمحت
فارس :- جومانه بصى هنا فى عيونى وقولى ليا انك مش عايزانى
جومانه :- من غير ما تبصله قالت ابعد عن سكتى يا فارس
فارس :- ليه كل ده يا جومانه
جومانه :- ليه علشان انت واحد ظالم ظلمت مليكه من غير لا رحمه ولا شفقه ولا حساب للعشره والعمر اللى عاشتهم معاك ايه منظرك دلوقتى لما ظهرت برأتها هتقدر تبص فى وشها تانى ازاى انت واحد متسرع يا فارس ومتهور وانا اخاف على نفسى منك انت واحد مش بتعمل حساب للعشره ازاى اقدر اعيش معاك وانا خايفه من انك ممكن تشك فيا فى اى لحظه وابقى متهدده أن فى اى لحظه ممكن تبيع العشره وترمينى فى الشارع
فارس :- لاء يا جومانه انا عمرى ما اقدر ابيعك ولا استغنا عنك علشان انتى بقيتى كل دنيتى انا بعشقك يا جومانه انتى روحى وعمرى وكل حاجه ليا ولو على مليكه مليكه طيبه وهتسامحنى
جومانه :- هى طيبه وهتسامحك لكن أنا لاء يا فارس
فارس :- جومانه وفى الوقت ده جه اسر وقال
اسر :- مدام جومانه تعالى اوصلك
جومانه :- ماشى يلا بينا وبصت لفارس وقالت انا لسه عند كلامى يا فارس طلقنى
ومشت مع اسر
فارس :- بص على جومانه وهى ماشيه وقال ياريت اقدر اعيش من غيرك يا جومانه انا من غيرك اضيع
وفى الوقت ده جت سهير وناديه
سهير :- لفارس ابنى حبيبى حصل ليه ايه تانى
فارس :- كويس يا ماما بس الجرح اللى اتفتح شويه
ناديه :- عندى قولت ليه بلاش بس هو مسمعش الكلام
سهير :- دخلونى ليه اطمن عليه
فارس :- اصبرى شويه مليكه معاه جوه
سهير :- مليكه هى خرجت
فارس :- ايوه مسكو اللى عمل كده فى فهد والست اللى معاه
ناديه :- شوفتوا قولتلكم متظلمهاش شكلكم ايه دلوقتى قدامها
سهير :- اذا كان الحكومه كانت مصدقه انها هى اللى عملت كده
ناديه :- الحكومه متعرفهاش معشرتهاش متعرفش معدنها الطيب انتى نسيتى عملتى فيها ايه زمان ومع طيبت قلبها سامحتك وبقت بتخدمك برموش عينيها لا عمرها اشتكت ولا عمرها ملت لكن هنقول ايه الطبع غلاب واللى فيكى فيكى يا سهير الله اعلم بقى اذا كان هتسمحك المرادى ولا لاء وابنك هيسامح فى حق مراته ولا لاء عن اذنكم وسابتهم ودخلت عند فهد
سهير :- بصت لفارس وقالت يعنى كنا عملنا ايه يعنى ما اللى حصل مننا ده رد فعل طبيعى ابننا كان هيروح مننا وكنا زعلانين عليه
فارس :- بس احنا زودنها مع مليكه يا ماما واحنا عمرنا مشوفناش حاجه وحشه منها
سهير :- هى لازم تقدر برضه أن انا ام وغصب عنى اللى حصل منى هى ام واكيد هتقدر ده
فارس :- والله يا ماما مش عارف ايه رد فعلها تعالى ندخل ونشوف
سهير :- يلا بينا
ودخلو الاتنين عند فهد
مليكه :- اول ما شفتهم قالت ...............
