رواية عشقت كبريائي فهد ومليكة الجزء الثاني (عناد الحب والكبرياء) الفصل السادس والعشرون 26 بقلم دودو محمد

فى المستشفى فى اوضت فهد 

دخلت سهير وفارس عند فهد 

مليكه :- اول ما شافت فارس وسهير بصت لفهد وقالت فهد انا هستناك بره 

فهد :- خليكى معايه هتخرجى ليه من الاوضه 

مليكه :- معلش يا قلبى شويه وهدخلك ولسه هتخرج

سهير :- مسكت مليكه من ايديها وقالت مليكه استنى 

مليكه :- بصت على ايد سهير اللى مسكها وشدت ايديها من ايد سهير ومردتش عليها 

سهير :- مليكه انا عارفه انك زعلانه مننا علشان اللى حصل بس غصب عننا كنا هنتجن على فهد 

فهد :- هو ايه اللى حصل 

مليكه :- مفيش حاجه حصلت يا قلبى ريح انت علشان تعبان 

فهد :- بص لناديه وقال نانا قولى انتى ايه حصل منهم 

ناديه :- معلش يا ابنى كانت امك هتتجن عليك هى وفارس ولما شافو مليكه قالو ليها أن هى اللى عملت فيك كده 

فهد :- بص بصدمه لامه وقال تانى يا ماما انتى ايه مش بتحرمى يعنى بعد اللى عملتيه فيها زمان سمحتك وعملتك زى امها واكتر ازاى تصدقى أن هى تعمل فيا كده لو مكنتيش عايشه معانا فى مكان واحد وشايفه الحب اللى بينى وبين مليكه كنتى عملتى ايه ها وبص لفارس وقال وانت ازاى تصدق فى مليكه الكلام ده عمرها ما زعلتك ولا قالت كلمه تجرحك كانت بتعملك زى اخوها وكانت بتفرح لفرحك وبتزعل لزعلك انتو ايه مش بتتغيرو ابدآ هتفضلو طول عمركم كده 

سهير :- انا ام وكنت هموت عليك ومليكه ام وعارفه احساسى ايه وانت فى الحاله اللى كنت فيها يعنى لازم تقدر ظروفى 

مليكه :- اقدر اللى انتى كنتى فيه ماشى على عينى وعلى راسى لكن لو انتى زى ما كنتى بتقوليلى أن انا بنتك كنتى هتقفى جنبى انا كمان زى ما كنتى واقفه جنب ابنك وبعدين يا ماما احنا مش عشرة يوم ولا يومين ولا سنه ولا اتنين احنا بقالنا سنين طويله واحنا عايشين مع بعض عمركم شوفته منى حاجه وحشه ولا شوفته منى اساءه ليكم لاء بلعكس مشفتوش منى غير كل خير ومعروف كان اقل واجب حتى تقدرو السنين اللى عشتها معاكم لكن انتو زى ما صدقتو تلاقو حاجه علشان تكرهونى بيها وتصدقو أن انا انسانه وحشه لكن ربنا الحق ظهر برأتى ورجعلى جوزى تانى ليا بخير وسلامه 

فارس :- انتى معاكى كل الحق يا مليكه وبجد مش عارف اقولك ايه بجد انا مستصغر نفسى اوى على اللى عملته معاكى طول عمرى بعتبرك اختى وبحترمك اوى بس كنت فى حاله مش عارف كنت بقول ايه ولا بعمل ايه بجد يا مليكه انا اسف ومهما اعتذرك مش هقدر اسامح نفسى ابدآ

مليكه :- تصدق يا فارس انت اكبر صدمه اخدها فى الموضوع ده بجد مكنتش قادره اصدق نفسى انت فارس اللى كنت بضحك وأتكلم معاه وبعتبره زى اخويه بالظبط انت أكد ليا قد ايه انا ساذجه اوى فى الحياه مش بعرف احكم على الشخص ده ايه وبجد انا ندمانه على كل لحظه اتكلمت وضحكت وهزرت معاك فيها ده يا شيخ مراتك اللى معرفهاش وتعرفنى غير من ايام صدقت أن انا مظلومه ووقفت جنبى كمان لكن انت ايه انت واحد خساره فيه حتى السلام وبكل سهوله جاى تتأسف ليا لاء يا فارس انا مش بسذاجه دى انا من هنا ورايح مش عايزه اعرفك تانى عايز تيجى لاخوك تعال لكن أنا انسانى خالص 

فارس :- مليكه معاكى حق فى كل اللى قولتيه بس حطى نفسك مكانى بجد الموقف كان صعب عليا 

مليكه :- ههههه وبرضه وضعك صعب بالنسبالى دلوقتى يا فارس انا ممكن احط نفسى مكان امك كأم وبرضه مش معنى كده أن بدى الحق ليها فى اللى حصل بس بقول ام لكن انت ايه ها انت راجل وعندك عقل وتقدر تميز بي مين وحش ومن كويس لكن لاء ازاى انت قولت اوجعها وبكلمتين هتنسا و هتسامحنى لكن غلطان يا فارس انا مستحيل انسا اللى حصل منك ولا عمرى هسامحك 

سهير :- يعنى معنى كلامك ده ايه 

مليكه :- والله كلامى مفهوم ابنكم عندكم وموجود لكن انا انسونى خالص وسابتهم وخرجت 

سهير :- سامع مراتك يا فهد 

فهد :- مالها مراتى انتو اللى غلطانين فيها ومعاها كل الحق فى كل كلمه قالتها 

سهير :- يعنى ايه هتمشى وراه كلام مراتك وتنسانا احنا عملنا كده ليه يعنى ما هو كله علشان كنا زعلانين عليك 

فهد :- على فكره مراتى مقالتش انساكم ولا هنساكم بس لحد كده كفايه بجد مليكه شافت منك انتى بالذات كتير وكانت بتنسا وبتسامح علشان خاطر هى بنت اصول وبتراعى ربنا فيكى وعلشان خاطر انها بتحبنى لكن من دلوقتى انا اللى مش هسمح بحد يجرحها ويهنها واللى هيفكر يدوس ليها على طرف انا اللى هقف ليه حتى لو مين البنأدم ده 

سهير :- كده يا فهد ماشى براحتك ومن هنا ورايح مش هقعد عندك فى الفيلا هروح اقعد عند فارس ابنى انت طول عمرك قاسى عليا اخس عليك وعلى البطن اللى شالتك يلا يا فارس 

فارس :- استنى بس يا ماما فهد ميقصدش حاجه ومن حقه يزعل على مراته 

سهير :- بدموع لاء يقصد وهى عملت كده علشان زهقت منى وعايزانى امشى واسيب ليهم الفيلا 

ناديه :- يا وليه اتقى ربنا وقولى كلام غير ده مليكه طيبه وعمرها ما زهقت منك بس هى واخده على خاطرها منك شويه وعندها حق 

سهير :- على العموم انا سايبه ليهم الفيلا خالص 

فهد :- والله براحتك عايزه تقعدى عندى ولا عند فارس مش هتفرق 

سهير :- اخس عليك اخس بقى تبيع امك علشان مراتك تبيع امك اللى حملت وولادة وربة وسهرت علشان واحده جت واخدتك على الجاهز 

فهد :- حملتى وولادتى اه لكن ربيتى وسهرتى ده محصلش اللى ربت وسهرت الليالى الست دى وشاور على ناديه وبعدين قال ولا نسيتى الندوات والسهرات يا سيدة المجتمع 

سهير :- يااااااه قلبك اسود اوى يا ابن بطنى 

فهد :- من اللى عملتيه يا امى طول عمرك قاسيه علينا وبابا الله يرحمه كان هو اللى يطبطب علينا بلاش نتكلم على اللى فات ونفتح فى دفاتر الماضى يا ماما 

سهير :- فعلا ربى يا خيبه للغايبه ومليكه قدرت تغيرك علينا يا فهد 

فهد :- بلعكس يا ماما لولا وجود مليكه فى حياتى وكلامها ليا علشانكم كان حصلت حاجات كتير من زمان 

سهير :- يلا يا فارس وجودنا هنا مش مستحب 

فارس :- فهد 

فهد :- قطعه وقال روح يا فارس مع امك 

فارس :- بصله بندم ومسك كرسى أمه وخرج من الاوضه 

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

عند مليكه 

خرجت وهى دموعها حبسها فى عينيها دخلت الحمام وقعدت تعيط وشويه وغسلت وشها وخرجت دخلت الاوضه عند باسم 

مليكه :- الف سلامه عليك يا باسم 

باسم :- الله يسلمك والحمدالله على البرأه 

مليكه :- الحمدالله البركه فيك انت وفهد 

مى :- مالك يا مليكه 

مليكه :- مفيش حاجه 

مى :- انتى شكلك معيطه 

مليكه :- لاء مش معيطه ولا حاجه 

باسم :- انتى شوفتى فارس وحماتك 

مليكه :- هزت راسها بمعنى ايوه 

باسم :- معلش يا مليكه هما برضه معذورين كانو زعلانين على فهد 

مليكه :- وانا محدش فيهم زعل علشانى ليه انا عمرى ما أساءت لحد فيهم يا باسم رغم اللى شوفته منهم اول الجواز وكنت بعملهم بما يرضى الله ليه يعملو معايه كده 

مى :- متزعليش نفسك يا مليكه وملكيش دعوه بيهم المهم عندك جوزك وفهد بيحبك وهيفضل علطول جنبك وحميكى 

مليكه :- عارفه يا مى بس بتصعب على الواحد نفسه لما يكون بيعامل الناس بطيبة القلب وفى المقابل بياخد اساءه واهانه من نفس الأشخاص اللى كنتى مفكراهم بيحبوكى 

باسم :- معلش يا مليكه علشان خاطر فهد انسى 

مليكه :- مش قادره يا باسم قلبى مجروح اوى منهم 

مى :- أهدى بس وشليهم من دماغك وخليكى جنب جوزك هو دلوقتى محتاجك جنبه 

مليكه :- فهد ده هو الحاجه الحلوه اللى فى حياتى الفرحه اللى بتنسينى اى حزن بشوفه ضمة الحضن اللى بعدها بحس بأمان الدنيا دى بحالها فهد حاجه كده عامل زى جهاز انعاش القلب اللى بيقف بيرجع الواحد للحياه بلمسه واحده منه

فهد :- وانتى فرحة عمرى كله انتى البسمه اللى بتملا دنيتى انتى حاجه كده شبه الملايكه انتى حورية حياتى يا مليكه عيونك بحر حنان 

مليكه :- فهد ايه قومك وانت تعبان وراحت مسكت ايديه وقعدته على الكرسى 

فهد :- واحشتينى وقولت اكيد هلاقيكى فى الاوضه عند باسم جيت اشوفك وسمعت كلامك عنى 

مليكه :- كلام الدنيا دى بحالها مش هيوصف حبى ليك يا قلبى

فهد :- ربنا يخليكى ليا 

مليكه :- وميحرمنيش منك ابدآ

باسم :- بص لمى 

مى :- اتكسفت وقالت بتوتر ا.ا ايه يا عم انت وهى ما براحه علينا شويه 

مليكه :- بصت لمى وقالت ليه فى ايه 

مى :- لاء ولا حاجه قعدين مع واحد مراته ميته وواحده مطلقه وعملين تحبو فى بعض قصادنا ارحمونا شويه 

فهد :- بأستغراب مين اللى مراته ميته 

مى :- باسم 

فهد :- بصدمه نورهان ماتت امته ده 

باسم :- بزعل يوم اللى حصلك فى الشقه 

فهد :- لاإله إلا الله البقاءلله يا باسم معلش والله مكنتش اعرف 

باسم :- لاء عادى ولا يهمك اللى انتى كنت فيه مش سهل برضه 

مليكه :- معلش يا باسم محدش فينا عرف يقف جنبك انت شوفت اللى كنا فيه بس بجد زعالنا عليها نورهان كانت غاليه علينا 

باسم :- عارف يا مليكه وانا نفسى خلصت العزا وجيت ليكى النيابه وبقيت ما بين فهد وبينك ومروحتش الفيلا من يوم ما ماتت 

مليكه :- طيب وبنتك فين 

باسم :- مع جدتها ام امها 

فهد :- صح اللى انت عملته ده هى هتقدر تخلى بالها منها اكتر منك وفى نفس الوقت هتكون من ريحت بنتها هتصبرها شويه عن فراقها 

باسم :- ربنا يرحمها 

الكل :- يارب 

مليكه :- وانتى يا مى لسه برضه مش ناويه ترجعى لمازن ماما كلمتنى قبل اللى حصلنا انا وفهد وحكت ليا اللى مازن عمله وشايفه أن هو حس بقمتك وعرف غلطه

باسم :- بعصبيه لاء مى مش هترجع للبنأدم الحقير ده تانى ده معرفش قيمتها وهى معاه وظلمها ولما احتاجها دلوقتى عايزها ترجعله 

مليكه :- بصت لفهد ورجعت بصت بأستغراب لباسم وقالت انت مالك متعصب كده يا باسم انا اول مره اشوفك متعصب كده ده مى صحبة الشأن متعصبتش كده 

باسم :- اخد باله وقال احم ا.ا اصل يعنى مش بحب الظلم وهو كان ظلمها معاه 

فهد :- فهم باسم وحاول يغير الموضوع وقال دراعك عامل ايه دلوقتى 

باسم :- احم ك.ك.كويس

مليكه :- بصت ليهم بأستغراب ورجعت بصت لمى وقالت مردتيش عليا يعنى 

مى :- احم م.م.مش وقته الكلام ده يا مليكه 

مليكه :- مى مازن كل يوم بيكلم ماما علشان عايز يرجعلك

مى :- لاء يا مليكه مش هرجع ليه تانى انا بكرهو وبكره وجودى فى نفس المكان اللى بيبقى موجود فيه 

مليكه :- علشان خاطر تيلا واختها 

مى :- مقدرتش تمسك دموعها اكتر من كده وقالت بناتى انا هربيهم بيعد عنه كفايه بقى اللى شوفنا انا وبناته من وراه ده مش بنأدم ده حيوان وظلمت كمان الحيوان لما شبهته بيه انا مهما اقول واحكى اللى شوفته معاه مش هقدر اقول ليكى قد ايه أنه بنأدم حقير انا معا كنت بتمنا الموت مليون مره فى اليوم اسكتى يا مليكه بالله عليكى ومتجبيش سيرته قدامى 

مليكه :- صعبت عليها اختها قامت وقفت وراحت عندها واخدتها فى حضنها وقالت شششش خلاص أهدى حقك عليا انا عايزه مصلحتك والله 

باسم :- كان نفسه يقوم ياخد مى فى حضنه ويمسح ليها دموعها 

مى :- بدموع مصلحتى فى بعده عنى مش فى قربه يا مليكه 

فهد :- مى احنا كلنا معاكى ولو مش عايزه ترجعي ليه مترجعيش ولو هو اتعرضلك انا اللى هقف ليه واحميكى منه 

مى :- ربنا يخليك يا فهد 

مليكه :- خلاص بقى يا اوزعه ده فهودى بنفسه هيحميكى 

مى :- هههههههه الله يسهلو حب ودلع قلب الصغير مش هيقدر على كده 

مليكه :- ضربتها على راسها بخفه وقالت يا بت اتلمى انتى هتحسدى ولا ايه 

مى :- لا يا اختى ربنا يحميكم ويحرسكم من كل شر يارب 

مليكه :- بستها فى راسها وقالت ويريح قلبك ويسعدك يارب يا مى 

باسم :- حلو اوى الجو الأسرى ده هههههههههههه

فهد :- قام وقف وحط أيده على كتف مليكه وقال لاء يا عم انا هاخد مراتى وامشى من الاوضه دى يلا يا ملوكتى 

مليكه :- هههههه يلا يا فهودى 

باسم :- اااااااااه يا مررتى اللى اتفقعت منكم انتو الاتنين 

فهد :- راح وعمل نفسه بيعدل باسم وقال فى ودنه الحق عليا يا جزمه أن عايز اسيبك مع المزه لوحدكم 

باسم :- ها ق.ق.قصدك ايه

فهد :- مش على بابا يلا ده انا بفهمك من عينك سلام يا عم الحبيب وراح اخد مليكه وخرج من الاوضه 

مى :- انتو كنتو بتقولو ايه 

باسم :- وهو بيبص على الباب بصدمه ها و.و ولا حاجه 

مى :- بشك ماشى 

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

فى فيلا اسر ومها 

كانت مها فرحانه وقالت 

مها :- بجد يا اسو يعنى مليكه خلاص خرجت من الحبس 

اسر :- اه والله وراحت المستشفى عند جوزها كمان 

مها :- يااااااه كنت هموت علشانها الحمدالله يارب انها خرجت وظهرت الحقيقه منهم الله اللى بيأذو الناس 

اسر :- بحنيه بعدالشر عليكى من الموت يا قلبى 

مها :- قربت ليه ومشت ايديها على صدره وقالت بدلع انت خايف عليا يا عمرى

اسر :- طبعآ يا قلبى ولو مكنتش هخاف على حب عمرى هخاف على ايه بس 

مها :- قربت ليه وقالت ربنا يخليك ليا يارب 

اسر :- ويخليكى ليا وبعدين بسها فى راسها وقال تصبحى على خير يا حبى 

مها :- بغيظ تصبحى على خير ايه 

اسر :- ايوه تصبحى على خير وهنا كمان ونام واداها ضهرو وهو بيكتم فى ضحكته 

مها :- والله العظيم انت غلس يا اسر 

اسر :- ليه يا ميزو بس 

مها :- بلاش استعباط انت فاهم  

اسر :- فاهم ايه 

مها :- عااااااا بارد نام يا اسر خلاص 

اسر :- ماشى يا حبى واداها ضهرو تانى وحط أيده على بؤقه علشان يكتم ضحكته 

مها :- بارد بارد بارد وضربته بالمخده 

اسر :- مقدرش يمسك نفسه اكتر من كده وقعد يضحك عليها ولف ليها وحضنها وقال أهدى يا مجنونه 

مها :- يعنى انت عارف اهو 

اسر :- وهو بيضحك الصراحه اه بس كنت بستفزك 

مها :- كده ماشى يا اسر 

اسر :- يابت بحبك وانا هتجن عليكى اكتر منك بس الدكتور منبه علينا 

مها :- الدكتور الدكتور الدكتور ده دكتور بهايم ده 

اسر :- هههههههههههه والله العظيم بموت فيكى وعلشان كده بخاف عليكى مش علشان اللى فى بطنك لاء علشان خاطرك انتى يا ميزو صدقينى مقدرش اعيش يوم واحد بعيد عن عنيكى 

مها :- حضنته وقالت وانا بعشقك يا اسو وبفرح اوى وانا جنبك وفى حضنك بنسى كل حاجه واجعانى 

اسر :- انتى نور حياتى يا بت وبسها فى خدها برقه وقال اوعدك بعد ما تولدى هطلع كل ده على عنيكى 

مها :- بكسوف بجد 

اسر :- بغمزه عندك شك فى كده 

مها :- لاء طبعآ 

اسر :- حبيبت قلبى والله يا مها يلا يا عمرى ننام تعالى فى حضن حبيبك

مها :- نامت فى حضن اسر وبسته فى رقبته وقالت تصبح على خير يا قلبى 

اسر :- وانتى من أهل السعاده والهنا يا حبى وبسها فى راسها وضمها اكتر ليه وغمض عيونه ونامو للصبح 

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

فى فيلا عز 

كانت جومانه نايمه على السرير وبتفكر فى فارس وحست أن قلبها وجعها وهى بعيده عنه 

غمضت عينيها وحطت ايديها على وشها ودموعها نزلت منها وفى الوقت ده الباب خبط مسحت دموعها وقامت تفتح الباب وقالت 

جومانه :- بابا تعال يا بابا ادخل 

عز :- دخل وقال بتعملى ايه يا حبيبتى 

جومانه :- ولا حاجه كنت لسه هنام 

عز :- مسكها من ايديها وقعد على السرير وقعد جومانه جنبه وقال قوليلى بقى يا حبيبتى سايبه بيت جوزك وجايه قعده هنا ليه انا سبتك براحتك ومرضتش أسألك السؤال ده من يوم ما جيتى وقولت اسيبك انتى لما تيجى وتحكى بس المده طولت ومجتيش قولت اجى انا وخلاص 

جومانه :- م.م.مفيش بس انت واحشتينى قولت اجى اقعد معاك يومين 

عز :- ولو قولنا كلامك ده صح فين جوزك مش بيجى يبص عليكى ليه

جومانه :- بصت فى الارض وسكتت 

عز :- رفع وشها وقال جومانه انتى زعلانه مع جوزك 

جومانه :- دموعها نزلت منها واترمت فى حضنه وقالت ايوه يا بابا انا تعبانه اوى ومش قادره استحمل غيابه عنى ولا قادره ارجع ليه تانى انا خلاص يا بابا بقيت مدمره من جوايا مش عارفه افكر ولا عارفه اتصرف 

عز :- ضمها ليه وقال يااااااااه يا جومانه اول مره اشوفك فى الحاله دى لدرجاتى بتحبيه 

جومانه :- كلمة بحبه دى قليله عليه انا بعشقه الثانيه جنبه حياه هو النفس اللى بتنفسه ضحكته كلامه حركاته كلها بعشقها حتى عصبيته بعشقها 

عز :- ولما انتى بتحبيه الحب ده كله بعدى ليه عنه 

جومانه :- علشان المفروض ده اللي يحصل يا بابا لازم يعرف قيمة الحاجه اللى فى ايديه علشان يحافظ عليها 

عز :- ليه بتقولى كده يا بنتى 

جومانه:- علشان قدر بكل سهوله يظلم مرات اخوه ويجرحها رغم أن هو عارفها ومتأكد من اخلاقها وهى عمرها ما اساءت ليه فى حاجه ورغم كده جرحها وظلمها وده خوفنى منه اوى يا بابا خلانى معنديش ثقه فيه مش حاسه بالامان هبقى عايشه معاه وانا خايفه يبعنى فى اى لحظه أو يشك فيا وانا لو ده حصل معايه يا بابا هموت لان حياتى من غير فارس مش حياه انا اتعود على وجوده جنبى 

عز :- وانتى بالبعد عنه دلوقتى قدره تعيشى 

جومانه :- للاسف لاء بموت من غيره يا بابا بس لازم استحمل 

عز :- وبعد كده ناويه على ايه معاه 

جومانه :- مش عارفه بس هحاول اغيره ولو هو بيحبنى بجد هيتغير علشانى 

عز :- :- ربنا يسعدك ويريح بالك يا حبيبتى 

جومانه :- ويخليك ليا يارب 

عز :- بسها فى راسها وقال تصبحى على خير يا حبيبتى 

جومانه :- وانت من أهله يا بابا 

وقام عز وخرج من الاوضه وقفل الباب وراه 

جومانه :- نامت على السرير وقالت ربنا يقوينى على بعادك عنى يا فارس وغمضت عينيها ونامت 

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

فى المستشفى 

دخل فهد الاوضه اللى قاعد فيها ومعاه مليكه 

مليكه :- بصت حواليها وقالت امال فين 

فهد :- قطعها وقال مشيو 

مليكه :- فهد اوعى تكون زعلتهم بسببى مهما يكون دول أهلك ملكش دعوه انت بيا

فهد :- ازاى مليش دعوه بيكى انتى مراتى يا مليكه يعنى انا وانتى واحد وكرامتك من كرامتى ومش هقبل أن اى حد يجرحك ولو بكلمه واحده حتى لو امى 

مليكه :- علشان خاطرى بلاش تزعل منها هى عملت كده من قلقها وخوفها عليك وربنا أمرنا أن احنا نطعيهم لو مهما عملوا فينا ومنقلوش ليهم كلمه تجرحهم نقول ليهم كلمه طيبه تفرحهم ومهما اكون بحبك مش هقدر احبك واخاف عليك زيها لان حب الام عمر حد ما يعرف يعوضه وانا لو عليا مسمحاهم علشان خاطرك يا فهد بس لازم احسسهم بغلطهم الاول 

فهد :- انا مش عارف اقولك ايه يا مليكه بجد انا اسعد راجل فى الدنيا دى علشان ربنا كرمنى بواحده زيك قلبها ابيض وطيب زيك مهما اوصفلك حبى ليكى مش هقدر اوصفلك بحبك قد ايه 

مليكه :- اترمت فى حضنه وقالت ده انا اللى بحمد ربنا فى كل صلاتى أن بعت ليا راجل زيك 

فهد :- ربنا يخلينا لبعض ويبعد عنا اى حاجه وحشه يارب 

مليكه :- يارب يا قلبى 

فهد :- تعالى 

مليكه :- فين 

فهد :- نام على السرير وقال تعالى نامى فى حضنى واحشنى اوى انام على ريحة شعرك 

مليكه :- بكسوف هنا يا فهد حد يدخل علينا من الدكاتره ولا الممرضين 

فهد :- وفيها ايه انتى مراتى يا هبله وبعدين انا بقول ننام فى حضن بعض بس مش حاجه تانيه التقيل لما نروح الفيلا وغمز ليها 

مليكه :- بكسوف والله انت قليل الادب 

فهد :- ودى حاجه وحشه 

مليكه :- فهد اتلم 

فهد :- هههههههههه خلاص ماشى تعالى بقى 

مليكه :- راحت ونامت فى حضنه وقالت ياااااا يا فهد حضنك واحشنى اوى اوى 

فهد :- بسها فى راسها وقال وانتى يا مليكه كلك على بعضك كده واحشانى 

مليكه :- انا محتاجه اناااااام اوى 

فهد :- نامى يا حبى براحتك وملس بأيده على شعرها وبعد وقت قصير كانت مليكه راحت فى نوم عميق فهد بصلها شويه وقال تصبحى على هنا وسعاده يا عمرى وتبقى تملى فى حضنى وبسها وحط راسه على راسها ونام هو كمان 

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

فى اوضت باسم 

مى :- نامت وهى قعده على الكرسى 

باسم :- قعد يبص عليها وهى نايمه شويه وقام من على السرير وقرب من مى ومشى أيده على وشها وقال قد ايه انتى جميله وانتى نايمه كده شبه الملايكه يا عمرى اه كان نفسى اقدر اشيلك وانيمك فى حضنى للصبح بس اعمل ايه عنادك بعدك عنى يا مى نفسى تحبينى لو ربع الحب اللى بحبه ليكى مش محتاج اكتر من كده والله نفسى تكونى مراتى حلالى وفى الوقت ده مى فتحت عينيها واتوترت من قرب باسم ليها 

مى :- بتوتر ب ب باسم خ.خ.خير فى حاجه 

باسم :- وهو بيبص فى عينيها قال تعرفى يا مى بتبقى شبه الملايكه وانتى نايمه 

مى :- بلعت ريقها بالعافيه وقالت ش.ش.شكرآ

باسم :- مى حرام عليكى اللى بتعمليه فيا ده خلاص مبقتش مستحمل بعدك عنى اكتر من كده انا محتاجك زى ما انتى محتجانى انا محتاجك جنبى كأم لبنتى وانتى محتجانى جنبك علشان اقدر احميكى من مازن وافقى بالله عليكى على جوازنا 

مى :- باسم ياريت بلاش تفتح معايه الكلام ده تانى بدل ما ارجع اتعامل معاك زى الاول وسبنى الم اللى اتبقى من قلبى وكرامتى 

باسم :- ادينى فرصه واحده بس اثبت ليكى ان انا غيره أن انا بحبك بجد من قلبى 

مى :- باسم اللى انا عشته على ايد مازن خلانى اكون معنديش ثقه فى اى راجل خلانى اكون فقده الثقه حتى فى نفسى 

باسم :- عارف ومقدر ده وانا مش هضغط عليكى انا هساعدك بس تخرجى من اللى انتى فيه 

مى :- وقفت وقالت عن اذنك 

باسم :- مردتيش عليا يا مى 

مى :- سبها بظروفها يا باسم عن اذنك وخرجت وسابته 

باسم :- ربنا يقدرنى يا مى واخرجك من اللى انتى فيه ده واخليكى تثقى فيا وتحبينى ورجع على سريره ونام 

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

فى فيلا فارس المنشاوى 

وصل فارس الفيلا ومعاه امه دخلو وقعد فارس على الكنبه

سهير :- امال فين مراتك يا فارس

فارس :- مراتى عند ابوها قعده يومين كده 

سهير :- هى لحقت يا اخويه انتو لسه متجوزين 

فارس :- بكدب ابوها تعبان شويه 

سهير :- ماشى هنام فى اى اوضه 

فارس :- نامى فى الاوضه دى يا ماما على ما اتصل بالشغالين بكره يجو ينضفوه الاوضه ليكى 

سهير :- ماشى تصبح على خير 

فارس :- وانتى من أهله ودخلت سهير الاوضه وطلع فارس فوق وبص على اوضت جومانه وراح عندها وفتحها ودخل وقفل الباب وراه وبص على السرير وراح نام عليه ومسك المخده وقعد يشم فيها ريحة جومانه وقال

فارس :- واحشتينى اوى يا جومانه عارف ان عندك حق تزعلى منى وتخافى بس انا والله العظيم بحبك ومقدرش فى يوم من الايام استغنا عنك لأنك روحى ومش هرتاح غير لما ارجعك تانى لحضنى واخد المخده فى حضنه ونام للصبح على سرير جومانه 

،،،،،،،،،،،،،،،،،،،،،،،،،،،،،،،،