 |
رواية امتلكني بالاجبار الجزء الثاني الفصل السادس والعشرون والاخير بقلم ملك عبد المنعم
تاني يوم .
ادهم سحب مريم من وسطها لحضنه بحب ./صباح الخير يا حبيبتي .
مريم ابتسمت بهدوء. /صباح النور .
ادهم حرك أيده علي شعرها بهدوء ./ايه رايك لو خطفتك انهارده من دوشة العيال .
مريم ضيقت عينيها بتفكير ./هتوديني فين .
ادهم ابتسم بخبث ./عندك شك في اختيار جوزك .
مريم هزت راسها برفض . ادهم باس خدها و بعد بسرعه ./يبقي جهزي نفسك يا حبيبتي .
مريم ضحكت عليه بهدوء و طلعت تجهز .
________________________________________
ادهم كان قاعد بيتفرج علي مريم بحب . و مريم كل شويه تبصله بطرف عينيها . مريم قعدت قدامه بهدوء ./ادهم .
ادهم اتعدل بهدوء ./عايزه تقولي حاجه .
مريم هزت راسها بتوتر . ادهم ابتسم بهدوء ./قولي .
مريم اتنهدت بهدوء ./ليه معملتش الكلام اللي قالهولك نصار . ليه مدورتش علي اختك .
ادهم اتنهد بتعب ./عرفتي منين .
مريم مسكت ايده بهدوء ./يوم ما طلعت و شوفتك بالحالة الغريبه دي و اللاب توب قدامك . فتحته و عرفت .
ادهم ابتسم بتعب ./ سيبي الموضوع لـ وقت تاني يا مريم .
مريم هزت راسها بهدوء . و محبتش تتكلم في الموضوع لما حست انه اضايق .
ادهم سحب تليفونه اللي رن بهدوء ./ايوه . حصل حاجه . و هي فين دلوقتي . طب انا جاي دلوقتي خليكم وره الباب لو حصل حاجه .
ادهم سحب مفاتيحه و هو بيتكلم ./معلش يا مريم هنأجل ميعادنا انهارده .
مريم وقفت بتوتر ./هو في حاجه .
ادهم مشي بسرعه و هو بيتكلم ./لما اجي .
و سبها و مشي .
_________________________________________
ادهم ركب عربيته بسرعه . و هو بيتكلم في التليفون ./خليك عندك و حاول تدخل الشقه و لو سمعت صوت اي حاجه كلمني بسرعه .
ادهم قفل و اتحرك بسرعه .
في شقة اماني .
اماني كانت حاطه ايديها علي وشها بدموع ./علي سيب الولد و نتكلم .
علي هز رأسه برفض و هو ماسك فريد و حاطط السلاح علي دماغه ./نتكلم في ايه يا اماني . بقي حتة عيل زي ده يضيع عليا كل حاجه . عملت كل اللي اقدر عليه عشان اخلص من ادهم و في الاخر انتي و ابنك تدمره كل ده في لحظه .
اماني دموعها نزلت بخوف ./يا علي ده ابنك هتقتل ابنك يا علي . حرام عليك الولد بيعيط سيبه .
علي بص بسخريه علي فريد اللي كان بيترعش بخوف . و هز رأسه برفض ./ابني زمان مكنتش عايزه ييجي تفتكري دلوقتي هحن عليه . انا خسران كل حاجه يا اماني كل حاجه و دي اخر الطريق يا تتنازلي عن الورق بـ اسم ليلي يا اما هقتله و تخرب علينا كلنا يا اماني .
اماني هزت راسها بسرعه و عياط ./حاضر والله حاضر بس سيب الولد .
علي بصلها بتحذير ./فين الورق .
اماني بلعت ريقها بتوتر ./مش هنا مش هنا والله الورق كله مع ادهم .
علي ضحك بسخرية ./يبقي لما تجيبي الورق من ادهم اجيبلك ابنك .
اماني مسكت فريد برفض ./لا يا علي لا ابني مش هيبعد عني ثانيه واحده .
علي سحب فريد اللي كان بيعيط . و بصلها بغضب ./شوفتي أنه لو مكنتش اتولد كان هيبقي رحمه ليكي و ليه ازاي .
اماني دموعها نزلت بقهره ./انت مريض يا علي مريض . ده ابنك يا علي ابنك ازاي هاين عليك تشوفه كده .
علي نزله علي الارض بهدوء مخيف . و بص عليها لما حضنته بحنان و خوف . و رفع المسدس عليه ./اوريكي ازاي هيهون عليا اقتله قدام عينك يا اماني .
اماني شالت فريد بخوف ./حرام عليك يا علي . انا مليش غيره سيبهولي حرام عليك اللي بتعمله في نفسك و فينا .
علي سحب منها فريد بغضب . و زقها علي الارض ./الواد ده هو اللي هيخرجني من هنا . لما الورق يبقي جاهز كلميني.
اماني مسكته بغضب و رفض ./لا يا علي لا مش هسيبه معاك لحظه واحده.
علي خبطها على الباب بغضب و زقها . و شال فريد و فتح الباب بسرعه . علي ابتسم بخبث لما لقي ادهم طالع . علي بسخرية. /وفرت عليا مجهود كتير يا ادهم .
ادهم بص علي فريد و بصله بهدوء. /سيب الولد و هعملك اللي انت عايزه .
علي هز رأسه بسخريه ./هتضحك عليا زي ما عملت زمان يا ادهم . خلي رجالتك يبعده احسن والله هقتله و انت عارف اني اقدر اعمل كده .
ادهم بص علي رجالته بهدوء . و اتكلم بهدوء مخيف ./ محدش هيقربلك سيب الولد و امشي . و احنا مش هنقول اي حاجه.
علي بتوتر. /و حقي .
ادهم ./هديهولك كله بس سيب الولد . لو قتلته مش هتستفاد حاجه . بس لو سبته علي الاقل هتضمن الامان .
علي بص علي فريد اللي بيعيط بتوتر . و رفع المسدس علي ادهم بخوف . ادهم قرب منه بهدوء مخيف ./هات الولد يا علي هاته .
علي بص علي الرجاله و علي ادهم بتوتر . و ساب فريد . ادهم شال فريد بهدوء ./لو عايز تمشي امشي و انا هجبلك حقك .
علي بص علي ادهم باستغراب و مشي بسرعه .
واحد من الرجاله ./ادهم بيه ده..
ادهم قاطعهم بهدوء مخيف ./مش هيلحق يخرج من باب العماره .
ادهم دخل بسرعه الشقه و شاف اماني واقعه علي الارض و دماغها بتنزف . ادهم قرب منها بتوتر ./اماني اماني .
ادهم شال فريد بسرعه . /اطلبو الإسعاف بسرعه .
تحت عند علي ...
علي نزل و هو مش مصدق أن ادهم فعلا سابه . بس وقف بصدمه لما لقي الرجاله بيمسكوه . علي بص عليهم بتوتر و خوف .
الضابط ابتسمله بسخرية ./ليلي هانم معانا في القسم . و دلوقتي بنفذ القبض علي واحد هربان .
علي بص وراه بغضب و سحب السلاح من العسكري بسرعه ./لو حد قرب مني هضربه والله هضربه .
الضابط بهدوء ./سيبه و سلم نفسك انت كده كده عليك حكم غيابي ده غير القواضي اللي عليك .
علي بسخرية ./مش هيفرق معايا قواضي جديده لو حد قرب مني هقتله .
علي فضل يرجع لوره بخوف . الضابط رفع السلاح بتاعه بغضب ./ارمي اللي في ايدك و سلم نفسك انت كده كده محكوم عليك سيبه يمكن الحكم يتخفف شويه .
علي هز رأسه برفض . و ضرب بالمسدس . (وائل بص علي الدم اللي خرج من العسكري بصدمه ) . /علي كفايه تهور لحد كده و سيبه .
علي فضل يرجع لوره بخوف و هو موجه المسدس عليه . وائل اتنهد بغضب و ضرب المسدس . علي وقع علي الأرض بتعب بعد ما الرصاصه جت فيه . وائل اتنهد بغضب ./هاتو إسعاف بسرعه .
___________________________________________
بعد يومين .
ادهم و مريم كانو عند اماني في المستشفى .
اماني اتنهدت بهدوء ./شكرا يا ادهم علي اللي عملته معايا . انا تعبتكم كتير انت و مريم .
ادهم ابتسم بهدوء./ مفيش شكر و لا حاجه احنا عيله واحده و لا ايه . و كويس أننا اطمنا عليكي .
مريم ابتسمت بهدوء ./فريد مكنتش راضي ينام من غيرك طول الليل .
اماني ابتسمت بهدوء و شددت علي حضنها ليه ./ربنا يسامحه علي كان هاين عليه ابنه .
قطع كلامهم وائل لما دخل عليهم . وائل ابتسم بهدوء ./حمدالله علي سلامتك .
اماني هزت راسها باستغراب ./الله يسلمك .
ادهم ابتسم بهدوء ./وائل هو اللي كان مسئول علي حراستك طول الفترة اللي فاتت .
اماني ابتسمت بهدوء ./شكرا لحضرتك .
وائل ابتسم بهدوء و بص لـ ادهم ./محتاجين نخلص كام حاجه في القسم .
ادهم بعدم فهم ./ليه ايه حصل .
وائل بهدوء ./علي بعد ما مات لقيناه مسجل حاجات كتير تخص نوران و ليلي . و قبضنا علي ليلي بعد ما لقيناه مسجلها و هما ببتفقو علي قتل نوران . و في ورق يخصك اكيد عندك علم بيه .لأن ليلي قالت إن نوران خدته من عندك .
مريم بصت لـ ادهم باستغراب أن علي اللي قتل نوران .
ادهم هز رأسه بهدوء ./حاضر هعدي عليك بس بليل.
وائل ابتسم بهدوء ./ماشي عن اذنكم .
و مشي.
ادهم ابتسم بهدوء لـ مريم و همس ./كفايه استغراب لما نروح احكيلك .
اماني بهدوء ./انا حاسه اني بقيت احسن و عايزه اروح .
ادهم بهدوء ./حاضر هروح اشوف الدكتور و اجيلكم .
______________________________________
في اوضة مريم و ادهم . بعد ما كانو روحه .
مريم بهدوء./ مكنتش عايزه اسيبها لوحدها .
ادهم ./معلش يا حبيبتي ما هي اللي صممت و قالت عايزه تفضل لوحدها . روحيلها بكره الصبح .
مريم قربت منه بهدوء. /ادهم .
ادهم ابتسم بهدوء و هو عارف سؤالها ./ نعم يا حبيبتي .
مريم اتنهدت بضيق ./ ليه قولتلي انك قتلت نوران رغم أن صاحبك قال إن علي اللي قتلها.
ادهم اتنهد بتعب ./عشان انا كان نفسي اقتلها فعلا . كان نفسي انا اللي اعمل كده مش هو . نوران لما وقعت علي الارض بعد ما زقتها كان فيها نفس . خدتها و حبستها في الاوضه و حطيت فيها كاميرات و وديت كل حاجه للشرطه و اتوقعت أن علي هروح لـ اماني و ده اللي حصل .
مريم اتنهدت براحه و دخلت في حضنه بهدوء ./كان كابوس و خلص يا ادهم .
ادهم حضنها و غمض عينه بتعب .
________________________________________
فات شهرين من غير احداث جديده . غير أن مريم مستمره علي جلساتها النفسيه .
في العربيه . ادهم ابتسم بهدوء ./المشوار ده مكنتش ينفع يحصل غير و انتي معايا .
مريم ابتسمت بهدوء ./طب يلا اتحرك بسرعه .
بعد شويه كانو واقفين قدام الشقه بعد ما رنو الجرس .
فتحت الباب بنت صغيره و ابتسمت ببراءة ./بابا في المكتب بتاعه تحت.
مريم و ادهم ابتسمو بهدوء .ادهم بهدوء ./طب ممكن تنادي بابا من تحت و تناديلنا ماما.
ياسمين طلعت علي صوتهم ./مين اللي خبط يا مي .
ياسمين وقفت قدام الباب بهدوء ./في حاجه .
ادهم بهدوء ./ممكن بس ادخل اتكلم مع حضرتك .
ياسمين هزت راسها بهدوء ./اتفضلو . انزلي يا مي نادي بابا من تحت .
ياسمين قعدت قصادهم بهدوء . ادهم ابتسم بهدوء ./تحبي اتكلم دلوقتي و لا لما استاذ محمد يطلع .
ياسمين بتوتر ./لا لما يطلع .
محمد دخل عليهم باستغراب ./سلام عليكم .
ادهم ابتسم بهدوء ./و عليكم السلام .
محمد قعد قصادهم./خير يا استاذ .
ادهم اتنهد بهدوء ./انا هبتدي علي طول عشان الموضوع مش محتاج مقدمات .
ادهم اتنهد بهدوء و بص لـ مريم . و ابتدي يحكيلهم كل حاجه .
ياسمين مسحت دموعها بصدمه ./يعني ايه يعني ماما كانت متجوزه من ورانا و انت اخويا .
ادهم ابتسم بتعب ./ايوه والله ده كل اللي حصل . و انا معرفتش أن ليا اخت غير من فترة و تعبت كتير علي بال ما قدرت اوصلك و عرفت انك متجوزه و هناك قالولي مكان بيتك .
محمد بضيق ./ ايوه بس الموضوع ده مش سهل . و مش اي حد يقول أنا اخوكي يبقي تصدقيه و لا ايه يا ياسمين .
ياسمين هزت راسها بتعب .
ادهم بهدوء ./خلاص بكره نروح نعمل تحاليل في المعمل اللي تختاروه و نتأكد بس انا واثق و متأكد أن انتي اختي بس جوزك عنده حق .
محمد هز رأسه بهدوء ./ماشي .
ادهم هز راسه بهدوء و سحب مريم من ايديها و مشيو .
في العربيه .
ادهم ابتسم بهدوء . مريم بصتله بشك ./انت مش زعلان .
ادهم هز رأسه برفض ./جوزها باين عليه كويس و ده حقهم .
مريم ابتسمت بهدوء و مسكت ايده ./و بكره مش بعيد .
ادهم هز رأسه بهدوء . /انهارده ميعاد الدكتور خلينا نروح في طريقنا و بعدها نروح .
مريم ابتسمت بضيق ./عشان يفضل يغيرلي في الدواء كل شويه .
ادهم ابتسم بحب ./معلش يا حبيبتي و بعدين ما هو قالك اخر مره أن الدواء ده فترة و هيعدي و لا اي .
مريم هزت راسها بهدوء و رجعت دماغها لوره بتعب .
________________________________________
مريم نزلت من على السرير بعد ما الدكتور كشف عليها .
ادهم ابتسم بهدوء ./اكيد مش هنحتاج لعمليات صح .
الدكتور ابتسملهم بهدوء ./مدام مريم حامل .
ادهم و مريم بصو لبعض بصدمه .
ادهم بعدم فهم ./حامل ازاي يا دكتور هو مش حضرتك قولت أن يعني...
الدكتور قاطعه بهدوء ./انا قولت أن الرحم عندها ضعيف و أن صعب يحصل حمل خصوصا بعد الادويه اللي عملتلها انقسام في الرحم بس بعد العلاج مفيش حاجه صعبه .
مريم ابتسمت بدموع . ادهم مسك ايديها بحب . /بس كده مفيش خطر عليها صح .
الدكتور هز رأسه برفض ./مدام مريم صحتها كويسه جدا هنحتاج بس شويه ادويه عشان الحمل و خلاص .
ادهم ابتسم بهدوء .
______________________________________
مريم دخلت اوضتهم بفرحه . ادهم ضحك عليها بهدوء ./اللي يشوفك كده يقول عليكي اول مره تبقي حامل .
مريم ابتسمت بهدوء ./ حاسه ان ده اول بيبي ليا عايزه احافظ عليه بعيني و قلبي يا ادهم . انا كنت فقدت الامل اني اجيب بيبي تاني .
ادهم سحبها من ايديها بحب ./فاكره لما سألتيني هزعل لو جبتي بيبي تاني . وقتها كنت مضايق و انا شايفك نفسك في حاجه هتضيعك من ايدي . و بعدها لما عرفت اني كنت بضيعك بايدي كرهت نفسي و كنت حاسس اني حرمتك من اجمل حاجه .
مريم دخلت في حضنه بهدوء ./خلاص يا ادهم اللي حصل حصل و انا معاك و انت معايا . و الدكتور بنفسه قالك أن مفيش حاجه كانت مستحيله . بس كل حاجه ليها وقتها .
ادهم حضنها بحب ./بحبك اوي يا مريم .
مريم ابتسمت بحب و دخلت في حضنه اكتر ./و انا كمان يا ادهم .
