 |
رواية عشقت كبريائي فهد ومليكة الجزء الثاني (عناد الحب والكبرياء) الفصل السابع والعشرون بقلم دودو محمد
💗عناد الحب والكبرياء💗
الفصل السابع وعشرون
اشرقت شمس صباح يوم جديد بنورها الساطع فى سماء الاسكندريه لتبدء مليكه بفتح عيونها على أصوات همس فى الاوضه
مليكه :- فتحت عينيها وبتبص لاقت الممرضين واقفين بيتفرجو عليهم وهما نايمين وبيضحكوه قامت قعدت بسرعه وقالت ا ا.ايه فى ايه واقفين كده ليه
الممرضه :- ربنا يسعدكم يارب ويواعدنا بأبن الحلال اللى يخدنا فى حضنه كده
مليكه :- ابتسمت ليها وقالت ربنا يخليكى ويسعدكم ويهنيكم يارب
فهد :- فتح عينه وقال صباح الخير يا حبى
مليكه :- اتكسفت وقالت احم ق ق.قوم يلا علشان الممرضه جايه تغيرك على الجرح
فهد:- بص لاقه الممرضه بتبص ليه وبتضحك
مليكه:- اتغاظت وضربته على كتفه وقالت قوم اخلص ولا فرحان بنفسك وانت عريان كده
فهد:- اااااه يا مجنونه براحه عليا الجرح بيوجعنى
الممرضه :- هههههههه شكلها بتحبك اوى وبتغير عليك
فهد :- وانا بموت فيها وفى غيرتها
مليكه :- اتكسفت وقالت فهد
فهد :- عيون وقلب فهد من جوه
مليكه :- يا فهد اخلص بقى
فهد :- ههههههههه ماشى وقام قعد والممرضه بدأت تغير ليه على الجرح
مليكه:- كانت قعده ومتغاظه أن الممرضه بتلمس جسم فهد وقالت خلاص ولا لسه
الممرضه :- ضحكت وقالت خلاص بس على فكره ده شغلنا يعنى مش قصدنا حاجه وحشه
مليكه :- م.م.ماشى وهو المفروض نمشى من هنا امته
الممرضه :- اول ما الدكتور يشوفه ويطمن عليه هيكتب ليه على خروج
فهد :- ماشى شكرآ ليكى
الممرضه :- العفو عن اذنكم وخرجو الممرضات من الاوضه
مليكه :- بغيظ كان عجبك الوضع اوى صح
فهد :- هههههههه يا مجنونه دول كانو بيغيرو على الجرح مش اكتر وبعدين انا لو عليا مش عايز اى واحده تلمسنى غيرك انتى
مليكه :- اعمل ايه يعنى يا فهد ما انا بموت لما بشوف واحده تلمسك ببقى عايزه اكلها بأسنانى كده
فهد :- عارف وكلها النهارده ونروح الفيلا واخليكى انتى وبس اللى تغيرى على الجرح وتلمسينى بأيدك الناعمين دول ومسك ايديها وبسها
مليكه :- عارف يا فهد الأولاد واحشنى اوى اوى هتجن عليهم
فهد :- وانا كمان واحشنى خفة دم عدى وغيرة وطولت لسان البت جاكلين وضحكة المفعوص فريد
مليكه :- ربنا يخليهم لينا يارب ونفرح بيهم ونشوفهم فى أعلى المراتب
فهد :- يارب يا لوكه ويخليكى لينا ياقلبى
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا اسر ومها
فتحت مها عينيها وهى نايمه فى حضن اسر وجت تقوم
اسر :- شدها لحضنه وقال ريحه فين
مها :- هقوم اصحى يوسف علشان يروح المدرسه
اسر :- نامى يا حبيبتى ربنا يهديكى النهارده يوسف مش هيروح المدرسه
مها :- اخ ده انا ناسيه خالص أن النهارده يوسف تعبان ومش رايح المدرسه
اسر :- اللى واخد عقلك يا قلبى
مها :- انت يا حبى
اسر :- بجد
مها :- ومش عقلى بس واخد قلبى وروحى ودنيتى كلها معاك
اسر :- عارفه يا مها ساعات كتير بحس انك مش بس مراتى لاء بحس انك بنتى امى اختى كل حاجه حلوه فى حياتى
مها :- علشان انا بحبك بجد من قلبى بحب هزارك معايه وجنانك بحب غيرتك عليا حتى عصبيتك بحبها يعنى الخلاصه بحبك كلك على بعضك
اسر :- عمرى ما كنت أتخيل أن حلم عمرى هيتحقق كده وهعيش السعاده دى كلها معاكى انتى بالنسبه ليا كنتى نجمه بعيده وصعب اوصلها رغم انك كنتى بنت عمى بس كنت بخاف اكلمك تفهمينى غلط انتى اكبر نعمه فى حياتى يا مها
مها :- بحبك اوى يا اسو
اسر :- بموت فيكى يا روح قلب وعمر اسو من جوه
وفى الوقت ده الباب خبط
مها :- مين اللى صاحى دلوقتى فى الفيلا
اسر :- مش عارف وقام فتح الباب وقال هو انت ايه اللى صحاك دلوقتى
يوسف :- انت مش قولت وعد الحر دين عليه
اسر :- ايوه فعلا انا قولت كده
يوسف :- فين وعدك بقى ليا انك هتنقل تيلا معايه المدرسه
اسر :- احم اه صح انا نسيت وبعدين يعنى يا يوسف ما انت كنت شايف الظروف اليومين اللى فاتو متلغبطه ازاى بس وعد بجد المرادى هنقلها معاك فى أقرب وقت
يوسف :- لما نشوف المرادى وسابه ومشى
اسر :- قفل الباب وبص لمها وقال ايه الولا ده مش معقوله يكون طفل ابدآ
مها :- ههههههههههههههه
اسر :- بتضحكى والله شللى على ايدك انتى وابنك
مها :- بدلع بعد الشر عليك يا اسو انشالله عدوينك يارب
اسر :- الله يحرق اسو واللى جابو اسو وسبها ودخل الحمام
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى المستشفى
فى اوضت باسم
باسم :- صحى من نومه وبص فى الاوضه ملاقاش مى قال دى راحت فين من امبارح من ساعة ما خرجت ما رجعتش الاوضه تكون روحت البيت عندهم وقام من على السرير وراح عند باب الاوضه ولسه بيفتحه وخارج فى نفس الوقت كانت مى داخله والاتنين خبطو فى بعض وباسم مسكها قبل ما تقع على الأرض بس كانت ماسكه فى ايديها عصير وقع عليها وعلى باسم
مى :- اااااه ا.ا انا اسفه مأخدش بالى انك خارج والله
باسم :- وهو فرحان بقربها منه وهى فى حضنه بص فى عينيها وقال مفيش مشكله محصلش حاجه بلعكس انا مبسوط اوى باللى حصل علشان وقعك فى حضنى
مى :- اتكسفت من الوضع وبعدت عنه وقالت احم ش.ش.شكرآ
باسم :- مش قادر اوصفلك الفرحه اللى كنت فيها وانتى فى حضنى
مى :- احم ب.ب.باسم لو سمحت بلاش طريقة كلامك دى
باسم :- حاضر يا تعبانى
مى :- انت كنت رايح فين كده
باسم :- كنت خارج ابص عليكى
مى :- احم كنت بجيب ليك عصير علشان لما تصحه تشربه انت محتاج سوايل كتير تعوض بيها الدم اللى نزل منك
باسم :- فرح وقال انا مبسوط بأهتمامك بيا يا مى ربنا يخليكى ليا
مى :- احم طيب ادخل نام انت على السرير وهنزل انا اجيب ليك عصير بدل اللى وقع ده
باسم :- تنزلى ازاى كده وشاور على هدومها
مى :- ايوه فيها ايه
باسم :- لاء طبعآ العصير خلى الهدوم تلزق على جسمك وانا مش هسمح حد يبص على جسمك
مى :- طيب والعمل دلوقتى
باسم :- ادخلى الحمام نضفيها بالميه واصبرى هنا فى الاوضه لحد ما تنشف عليكى
مى :- ح.ح.حاضر
باسم :- فرح انا مى سمعت كلامه ومعترضتش
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا عز
صحيت جومانه من نومها وهى ناويه ترجع جومانه بتاعة زمان قامت دخلت الحمام اخدت شاور واتوضت وخرجت لبست هدومها وأدت فرضها وخرجت من الاوضه نزلت وكان عز قاعد بيفطر
جومانه :- بسته فى خده وقالت صباح الخير يا حجيجه
عز :- بأستغراب صباح النور يا حبيبتى لبسه كده ورايحه فين
جومانه :- نزله الشغل معاك
عز :- ايه اللى انتى بتقوليه ده يا بنتى بلاش تعندى مع جوزك العناد اخرته وحشه
جومانه :- انا مش بعانده ولا حاجه يا بابا بس كل الحكايه مش واخده على قعدت البيت دى
عز :- انا عارف دماغك جزمه
جومانه :- شكرآ والله يا حاج مش عارفه اقولك ايه الصراحه انا كده هتغر بجد
عز :- يابت بطلى لماضه
جومانه :- هههههههه وربنا عسل انا عارفه ايه خلانى اتجن واتجوز وابعد عن القمر ده
عز :- ههههههههه بلافه
جومانه :- يلا بينا بقى هنتأخر ورانا حاجات كتير
عز :- يلا يا مغلبانى معاكى
ومشيو الاتنين ركبو العربيه وراحو على الشركه
جومانه:- بعد ما دخلت والكل رحب بيها قعدت على مكاتبها وافتكرت كل لحظه حصلت ما بينها وبين فارس فى المكتب قبل الجواز وافتكرت طريقته معاها وقعدت تضحك كل ما تفتكر حاجه ومره واحده دموعها نزلت مسحتهم بأيديها بسرعه وقالت ايه يا جومانه بتعيطى عليه ليه مش قولتى هتنزلى الشغل وتنسيه ايه جرارك عمرك ما كنتى ضعيفه كده فوقى يا جومانه وارجعى زى الاول مفيش راجل يستاهل دمعه منك
وطلبت من السكرتيره تجيب ليها ورق الشغل علشان تبدء تشتغل فيه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا فارس المنشاوى
صحى فارس من نومه وبص حواليه وافتكر أن هو نايم فى اوضت جومانه بص على المخده اللى فى حضنه وشمها وقال
فارس :- قريب اوى اوى يا جومانه هتكونى انتى اللى نايمه فى حضنى مش المخده وقام من على السرير ودخل الحمام واخد شاور واتوضه وخرج لبس هدومه وافتكر لما دخلت جومانه عليه وهو لسه خارج من الحمام وابتسم وقال
فارس :- كل ايامك حلوه يا جومانه كلها ضحك وفرح بجد الحياه من غيرك مش حياه يارب يحنن قلبك عليا يا جومانه وترجعى لحضنى بقى وكمل لبسه واداه فرضه ونزل كانت أمه قعده ومستنيا
فارس :- صباح الخير يا ماما
سهير :- صباح النور
فارس :- صاحيه من بدرى
سهير :- من شويه
فارس :- معلش يا ماما انا اسف هرجع الشغالين النهارده وهوصيهم يخدو بالهم منك
سهير :- ومراتك مش ناوى ترجعها
فارس :- ها ا.ا.اه طبعآ دى هتفرح اوى لما تعرف انك هتعيشى معانا
سهير :- معتقدش مفيش واحده بترحب بحماتها وخصوصآ لما تكون عجزا زى
فارس :- بسها فى راسها وقال متقوليش كده يا ماما احنا نخدمك برموش عنينا وبعدين مليكه عمرها ما اشتكت من خدمتك الصراحه تتقال
سهير :- اممم بأمارة ما عملت كل ده علشان امشى واسيب ليهم الفيلا
فارس :- يا ماما حرام احنا اللى غلطانين مش هى
سهير :- يعنى كنا عملنا ايه كنا زعلانين على فهد وفى الاخر مشى وراها
فارس :- مليكه طيبه وانا متأكد انها هتسامحنا قريب المهم احضرك الفطار
سهير :- وانت
فارس :- لاء مش هقدر يدوب احضر الفطار واروح الشركه بقالنا فتره اهمالنها
سهير :- لاء خلاص روح انت انا كده كده مليش نفس
فارس :- معلش يا ماما الوضع ده هيتغير النهارده سلام
سهير :- عادى مش فارقه سلام
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى المستشفى
كشف الدكتور على فهد وباسم وكتب ليهم على خروج
مليكه :- ركبت مع فهد العربيه وراحو على الفيلا واول ما شفوهم عدى وجاكلين طلعو يجرو عليهم
عدى :- بابا ماما واحشتونا اوى حمدالله على سلامتك يا بابا
فهد :- الله يسلمك يا حبيبى بس مهنش عليك تيجى تبص عليا فى المستشفى يا معفن
عدى :- جت مرتين وانت فى الغيبوبه وبابا فارس قلى انتبه انا على اختى ومدرستى وهيطمنى عليك كل يوم بالتليفون وده اللى كان بيحصل
فهد :- ماشى المرادى سماح وبعدين بص لجاكلين وقال وانتى يا زئرده بابا مش واحشك
جاكلين :- عيب عليك يا فهودى دى الفيلا مكنش ليها طعم من غيرك واترمت فى حضنه
فهد :- حضنها وقال واحشتنى لمضك يا زئرده
مليكه :- لاء اروح امشى انا بقى مليش لازمه معاكم شيفاكم مرحبين بي هو وانا لاء
عدى :- اخس عليكى يا مزتى طب والله كنتى وحشانى اوى
فهد :- وحش لما يركبك اتلم يالا لفتح دماغك
مليكه :- اياك ده ابنى حبيبى وحضنته
فهد:- براحتك كل ده هيطلع عليكى فوق
مليكه :- فهمت قصده واتكسفت وبصت لجاكلين وقالت وانتى يا ام لسان طويل مش هتيجى تسلمى عليا
جاكلين :- يااااااه يا ملوكه ده انتى واحشانى اوى ده انا حتى كنت لسه بفكر اجيب ليكى عيش وكباب
مليكه :- بصت لفهد وقالت بص لماضت بنتك وبعدين اسمها عيش وحلاوه مش عيش وكباب
جاكلين :- انتى قديمه اوى يا ماما دلوقتى عيش وكباب بيتزا كنتاكى السجن تطور يا حاجه
فهد :- ههههههههه البت دى مشكله طالعه لاختك مى زمان
مليكه :- اه والله واخده طريقتها بالظبط وبعدين بصت لعدى وقالت دى كانت عامله معاك ايه دى
عدى :- يا لههههههوى على الأدب والرقه اللى بنتكم فيها حمل وضيع
مليكه :- هههههههه ده انت شكلك على اخرك منها
عدى :- لاء خالص دى كانت بتسمع الكلام علطول ولا كانت بتلك بسعات وتصدعنى نهائى
جاكلين :- انت اللى بتتخنق علطول مفروض تطول بالك اكتر من كده وسعها يا ابنى خليها 2xl
عدى :- منك له يا بعيده
فهد :- هههههههههه واحشنى يا ولاد ايه ربنا ميحرمنيش منكم ابدآ
مليكه :- يارب
فهد :- بغمزه طب يلا على الاوضه
مليكه :- ل.ل.ليه
فهد :- فى جرح عايز يتغير عليه ايه انتى ناسيه
مليكه :- م.م.ماشى
عدى :- بغمزه الله يسهلو يا عم
فهد :- ضربه على راسه وقال بلاش قر
مليكه :- هههههه الولا ده طالع فاشل
عدى :- هههههههه تربيتك يا لوكه
فهد :- هههههههه يلا احنا مش هنخلص منهم واخد مليكه وطلع على الاوضه وقفل الباب وراه وشد مليكه فى حضنه وقال واحشتينى
مليكه :- و.و.وانت كمان
فهد :- بص فى عينيها وقال بقى بدلعى عدى وبتقولى عليه حبيبك انا بس اللى حبيبك وانا بس اللى تدلعينى فاهمه
مليكه :- هزت راسها بمعنى ايوه
فهد :- بص على شفايفها ولسه هيبوسها
مليكه :- بعدت عنه وقالت ل.ل.لا مش دلوقتى هاخد شاور الاول
فهد :- يا ستى انتى عجبانى كده تعالى يا مليكه بقولك واحشانى
مليكه :- لاء انا قرفانه من نفسى وسابته ودخلت الحمام
فهد :- قعد بغيظ على السرير وقال اهو الواحد مستنى
وبعد شويه خرجت مليكه من الحمام وهى لبسه البورنس ولسه هتروح تسرح شعرها
فهد :- شدها وقال رايحه فين
مليكه :- اوعى يا فهد هسرح شعرى
فهد :- على جثتى ومد أيده وشد حزام البورنص و(سكتت شهرزاد عن الكلام الغير مباح 😉😉)
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عند باسم ومى
ركبو العربيه مع بعض
مى :- على فكره مكنش ليه لزوم توصلنى بالعربيه كنت ركبت اى تاكسى
باسم :- وتركبى مع راجل غريب ليه وانا موجود
مى :- ع.ع.عادى هو كان هيوصلنى وياخد أجرته مش هتعرف عليه
باسم :- لاء برضه ومن هنا ورايح هاجى اخدك الصبح بالعربيه واوصلك تانى لما تخلصى شغل
مى :- لاء طبعآ انا هركب تاكسى
باسم :- مى بلاش عند
مى :- انا مش بعاند يا باسم بس الاصول بتقول كده انا واحده مطلقه ومجرد ما الناس هتشوفك كل يوم هطلع عليا كلام
باسم :- فى ايدينا نقطع الكلام ده كله ونتجوز ونبقى براحتنا
مى :- تانى يا باسم
باسم :- تانى وتالت يا مى لحد ما توافقى
مى :- باسم
باسم :- قطعها وقال مى ادينى اى امل انك ممكن تحبينى وتقبلى تتجوزينى وانا والله مش هطلب منك الجواز تانى غير لما اشوفك جاهزه للخطوه دى
مى :- سكتت
باسم :- مدام سكتى ومرفضيش يبقى موافقه على كلامى صح
مى :- طيب امشى بدل الواقفه دى
باسم :- فرح اوى وشغل العربيه ومشها وكل شويه يبص على مى ويرجع يبص تانى على الطريق
وبعد وقت وصل باسم ومى عند البيت بس اتفاجئت بوجود مازن
مى :- باسم ممكن اطلب منك طلب
باسم :- وهو بيبص لمازن بغيظ قولى
مى :- علشان خاطرى امشى وانا هتصرف معاه
باسم :- مستحيل يا مى اسيبك مع البنأدم ده
مى :- مسكت أيده وقالت ارجوك يا باسم امشى
باسم :- بص على ايد مى اللى ماسكه ورجع بص عليها تانى
مى :- علشان خاطرى
باسم :- اخد نفس وطلعه وقال ماشى يا مى بس لو عملك حاجه تقوليلى علطول
مى :- حاضر ونزلت من العربيه
باسم :- بص بغيظ لمازن وشغل العربيه ومشى
مازن :- اهلا اهلا بالست المطلقه ومقضيها
مى :- لو سمحت اتكلم معايه بأدبك انا مش مى بتاعة زمان
مازن :- ههه اكيد مش بتاعة زمان بتاعة زمان كانت واحده شريفه بتحافظ على نفسها مش مقضيها مع راجل غريب
مى :- انت واحد زباله انا اشرف من عشره زيك يا واطى والراجل ده قريب اوى هيبقى جوزى
مازن :- بصدمه جوزك
مى :- ايوه ايه الغريب فى كده من حقى اتجوز واعيش حياتى بدل اللى راحت معاك على الفاضى
مازن :- بغيظ مش هتتجوزيه يا مى
مى :- لاء هتجوزه يا مازن
مازن :- لو حصل متلميش غير نفسك يا مى وبناتى انا أحق بيهم منك والقانون هيبقى فى صفى سلام يا مدام ومشى وسبها
مى :- وقفت مكانها مصدومه من كلام مازن ودموعها نزلت منها وقالت بدموع بناتى ياربى مقدرش اعيش من غيرهم وبصت حواليها ومسحت دموعها وطلعت على الشقه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عند فارس وصل بعربيته
عند شركة عز وطلع الشركه
واتفاجئ بوجود جومانه
جومانه :- كانت قعده شغاله وفاجئه شمت برفان فارس كدبة نفسها وكملت شغل
فارس :- راح عندها وقال جومانه بتعملى ايه هنا
جومانه :- اتفاجئت بصوت فارس ورفعت راسها وبصت بأستغراب وقالت فارس انت اللى بتعمل ايه هنا
فارس :- جاى اقابل ابوكى معرفش انك هنا
جومانه :- وقفت وقال بتكبر ليه متوقعتش أن اكون هنا مفكرنى هقعد فى البيت واحط ايدى على خدى و اشتكى لليالى شوقى ليك وعذاب بعدك عنى لاء فوق انا جومانه عز اللى عمر ما حد قدر يقف قصادها ولا يتحداها
فارس :- والله انتى عايزه تثبتى ليا انك عايشه ولا همك بعدى عنك ههههه معتقدش عينك فضحاكى يا جومانه وباين اوى عليهم ارهقهم من كتر العياط
جومانه :- لاء متعشمش نفسك كتير عيونى مرهقه من ايام ما كنت ببقى سهرانه طول الليل عند مليكه فى القسم لكن انت ولا حاجه انت اقل من افكر فيك أن يدوب كنت مجرد لعبه دخلت فيها بس بصراحه اللعبه معجبتنيش ومش حابه اكمل فيها ياريت تطلقنى وتنسانى
فارس :- مقدرش انساكى يا جومانه ولا ابعد عنك
جومانه :- لاء هتقدر يا فارس زى ما انا قدرت
فارس :- وليه كل ده
جومانه :- لازم اسيبك قبل ما تسبنى
فارس :- عمرى ما افكر اسيبك
جومانه :- وانا معنديش ثقه فى كلامك يا فارس وعن اذنك علشان ورايا شغل كتير
فارس :- يعنى ده اخر كلام عندك
جومانه :- ايوه
فارس :- طيب اعملى حسابك طلاق مش هطلق وهترجعى الفيلا يا جومانه
جومانه :- لاء يا فارس هطلقنى ولو معملتش كده هرفع عليك قضية خلع
فارس :- هههههههه طيب اعمليها وانا هحبس ابوكى من بكره بسبب الشيكات اللى مضيها عليه فى الشركه ومأخر الشغل ومسلمهوش لحد دلوقتى
جومانه :- بصدمه ايه اللى انت بتقوله ده
فارس :- اللى انتى سمعتيه يا جومانه ارجع من الشركه الاقيكى فى الفيلا عندى وفى اوضى كمان يا اما ابوكى هينام فى الحبس سلام يا قلبى ومشى وسبها
جومانه :- وقفت مصدومه من كلام فارس وقعدت على الكرسى ودموعها نزلت منها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
