 |
رواية عشقت كبريائي فهد ومليكة الجزشء الثاني (عناد الحب والكبرياء) الفصل الثامن والعشرون بقلم دودو محمد
فى بيت عبدالرحمن
دخلت مى الشقه واترمت فى حضن امها وقعدت تعيط
فايزه :- مالك يا بنتى
مى :- بدموع مازن بيهددنى ياخد منى البنات
فايزه :- يا عبيطه ده تهديد بس علشان هيموت وترجعيلو
مى :- مازن ده كل يوم يثبت ليا أن هو احقر بنأدم على الأرض
فايزه :- يمكن بيعمل كده من حبه فيكى ونفسه انك ترجعى ليه بس استخدم أسلوبه الغلط
مى :- ماما مازن من يوم ما عرفته وهو أسلوبه معايه غلط مفيش حاجه جديده عليه حتى وهو عايز يرجعنى بيستخدم معايه العنف والاهانه والتهديد انا بكرهو اوى يا ماما واترمت تانى فى حضنها
فايزه :- طبطبت عليها وقالت طيب أهدى يا حبيبتى علشان بنتك زمانها على وصول من المدرسه بلاش تشوفيك كده كفايه اللى فيها
مى :- مسحت دموعها وقالت هدخل اغير هدومى على ما تيجى فين اختها
فايزه :- جوه فى الاوضه مع فريد ابن خالتها مليكه بيلعبوه
مى :- ماشى يا ماما وسبتها ودخلت الاوضه وفى الوقت ده تليفونها رن بتبص لاقته باسم فتحت وقالت ايوه يا باسم
باسم :- ايوه يا مى الحيوان ده عملك حاجه
مى :- بكدب لاء
باسم :- بلاش تكدبى عليا يا مى كان عايز منك ايه
مى :- كان عايزنى ارجع ليه تانى
باسم :- بغيظ ابن ال ياريت كنت نزلت عرفته مقامه
مى :- باسم ياريت متدخلش انت فى الموضوع ده
باسم :- ازاى يا مى مدخلش لازم حد يدخل يوقفه عند حده
مى :- انا اقدر أوقفه عند حده
باسم :- انا عايز يكون ليا دور فى حياتك يا مى علشان اقدر اثبت ليكى أن اقدر احميكى وان انا مش زيه
مى :- باسم وقت ما احس نفسى محتاجه مساعده من حد هاجى اطلبها منك انت اول واحد بس بالله عليك بلاش تدخل من غير ما اطلبها منك
باسم :- حاضر يا مى انا منتظر الوقت ده بفارغ الصبر
مى :- شكرآ ليك أنك فهمتنى ومضغتطش عليا
باسم :- انا اهم حاجه عندى راحتك يا مى ومستعد اعمل اى حاجه علشان اشوف ابتسامتك ترجع ليكى من تانى
مى :- شكرآ ليك يا باسم
باسم :- العفو يا مى اكلتى
مى :- لاء لسه مستنيه تيلا بنتى
باسم :- ماشى يا مى تيجى بالسلامه عايزه حاجه
مى :- لاء شكرآ مع السلامه
باسم :- مع السلامه
وقفلت مى التليفون مع باسم وحطته على السرير وقامت غيرت هدومها وخرجت من اوضتها كانت تيلا وصلت
تيلا :- اول ما شفتها طلعت تجرى عليها وقالت ماما حبيبتى واحشتينى
مى :- ضمتها اكتر ليها وقالت وانتى اكتر يا حبيبت ماما عامله ايه فى المدرسه
تيلا :- زفت
مى :- ليه كده
تيلا :- يا ماما فيها بنات مش كويسه بيحاولو يضيقونى وياخدوه الاكل بتاعى منى
مى :- معلش يا حبيبتى استحملى شويه وانا هحاول انقلك فى أقرب وقت
تيلا :- ربنا يسهل بقى
مى :- عارفه أن وعدك كذا مره بس غصب عنى والله
تيلا :- ولا يهمك يا ماما
مى :- يلا يا حبيبتى ادخلى غيرى هدومك واغسلى ايدك ويلا علشان ناكل
تيلا :- حاضر وراحت غيرت هدومها وغسلت ايديها وخرجت من اوضتها وقعدت على السفره علشان تاكل
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا فارس المنشاوى
وصلت جومانه الفيلا واتفاجئت بوجود سهير اول ما شفتها قالت
جومانه :- ماما اذيك يا ماما
سهير :- كويسه اخيرآ افتكرتى بيت جوزك انتى متجوزه علشان تقعدى عند ابوكى
جومانه :- لنفسها حلو اوى شغل الحموات بدأ يعنى مش كفايه ابنها لاء وهى جايه تكمل كمان
سهير :- سكته يعنى مش عجبك كلامى ولا مش عجبك وجودى اصلا
جومانه :- ده بيتك يا ماما عن اذنك
سهير :- من الذوق والأدب لما اكون بكلمك توقفى تردى عليا مش تسبينى وتمشى
جومانه :- وهى بدوس على ضروسها انا اسفه يا ماما حضرتك عايزانى ارد عليكى فى ايه وانا ارد
سهير :- مالك بتتكلمى كده وانتى مش طايقه نفسك
جومانه :- انا كده مش بطيق نفسى علطول اصلى وشى ده من زمان وعايزه اغيره قدم بقى اعمل ايه
سهير :- ما تردى عليا شبه الناس
جومانه :- بنفاذ صبر طيب ما انا برد عليكى من بؤقى شبه الناس ولا الناس بترد من مكان تانى وانا معرفش
سهير :- انتى مستفزه
جومانه :- شكرآ يا ماما عايزه حاجه تانى
سهير :- لاء يا اختى بنات اخر زمن
جومانه :- مشت وقعدت تبرطم وتقول الله يكون فى عونك يا مليكه استحملتيها ازاى دى ودخلت الاوضه بتاعتها ورزعت الباب
سهير :- اقفلى الباب زى الناس يا اختى
جومانه :- يا بنت ال وبعدين فتحت الباب وقالت بصوت عالى حاضر يا ماما وابقى عرفينى على الناس اللى بتقولى عليهم علطول دول علشان ابقى اتعلم منهم ودخلت وقفلت الباب براحه
وقعدت على السرير تهز فى رجليها بعصبيه لحد ما عينيها راحت فى النوم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا فهد المنشاوى
كانت مليكه نايمه فى حضن فهد
مليكه :- فهد
فهد :- امم
مليكه :- انت هتسيب ماما قعده عند فارس علطول
فهد :- زى ما هى عايزه لو حابه تقعد عند فارس تقعد عايزه ترجع الفيلا ترجع مش هقولها لاء
مليكه :- بس هى اكيد زعلانه منك
فهد :- هى اللى زعلانه منى
مليكه :- يا فهد هى امك مهما تعمل متزعلش منها علشان خاطرى انا كلمها واجبر بخاطرها بكلمتين ولو حابه تقعد يومين عند فارس وترجع هنا تانى براحتها
فهد :- وانتى
مليكه :- مالى
فهد :- هتعملى معاها ايه
مليكه :- انا قولتلك مسمحها علشان خاطرك بس لازم بس احسسها بغلطتها
فهد :- ماشى يا مليكه الصبح هبقى اتصل بيها
مليكه :- ربنا يخليك ليا يارب
فهد :- ضمها ليه وقال وميحرمنيش منك يا عمرى
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا فارس المنشاوى
وصل فارس وهو متوتر وخاف ليكون جومانه عندت معاه ومجتش دخل يجرى وكانت أمه قاعده
فارس :- وهو بيبص حواليه قال السلام عليكم
سهير :- وعليكم السلام مالك كده داخل مش على بعضك وعمال تبص حوالين نفسك
فارس :- احم ولا حاجه وبعدين سكت شويه وقال هى جومانه جت
سهير :- اه يا اخويه جت و طلعت فوق
فارس :- بفرحه بجد
سهير :- ايوه دارى فرحتك شويه مش كده هتخليها تركبك ومتعرفش تمشى كلمتك عليها
فارس :- احم لاء عادى على فكره مش فرحان ولا حاجه
سهير :- والله طيب يا اخويه اطلعلها
فارس :- ع.ع.عن اذنك وطلع يجرى على السلالم ودخل اوضه ملاقهاش قفل بابه تانى وراح على اوضت جومانه لاقها نايمه على السرير دخل وقفل الباب وراه وراح عندها وقعد على ركبه فى الارض قصادها ومشى أيده على وشها وقال ياااااه يا جومانه واحشتينى اوى نورتى مكانك يا عمرى ولسه هيقرب ليها ويبوسها فى خدها
جومانه:- فتحت عينيها واتفاجئت بوجود فارس وبعدت عنه بسرعه وقالت انت ايه دخلك هنا وكنت بتعمل ايه
فارس :- انتى ايه اللى جابك الاوضه هنا مش قايلك تقعدى فى اوضى
جومانه :- لاء متحلمش كتير انا رجعت الفيلا اه ومش علشان خاطر سواد عيونك انا رجعت علشان خاطر بابا وبس لكن اقعد فى اوضك ده مستحيل فاهم انا بكرهك يا فارس على قد ما حبيتك على قد ما كرهتك وندمة على كل لحظه فكرت فيك فيها
فارس :- كلامك ده ولا يهمنى فى حاجه لان عارف أن كلامك ده من وراه قلبك وعينك بتقول غير كده
جومانه :- والله انت حر فى تخيلك خليك بتحلم كده كتير
فارس :- حتى لو بحلم مش هسكت غير لما احقق حلمى
جومانه :- بصت الاتجاه التانى ومردتش عليه
فارس :- واعملى حسابك هتنامى فى اوضى
جومانه:- مش هتحرك من هنا
فارس :- لاء هتيجى الاوضه علشان امى ناويه تعيش معانا هنا والشغالين راجعو وهيقولو ايه لما يشوفه كل واحد مننا نايم فى اوضه ها
جومانه :- والله دى مش مشكلتى
فارس :- جومانه بلاش عند
جومانه :- انا حره يا فارس ونوم عندك فى الاوضه مش هنام
فارس :- انا طولت بالى عليكى كتير مش عايز أفقد اعصابى
جومانه :- لا والله خوفت انا منك كده
فارس :- انتى اللى جبتيه لنفسك وقرب منها وشالها
جومانه :- بتعمل ايه اوعى كده نزلنى
فارس :- نزول مش هنزلك وهخرج بيكى من هنا اياكى تعملى صوت فاهمه
جومانه :- على جثتى اخرج من هنا وانام معاك فى اوضه واحده
فارس :- مشى بيها وفتح الباب وأتاكد أن مفيش حد موجود من الشغالين وخرج بيها من الاوضه
جومانه :- وهى بترفس برجليها نزلنى يا بارد يا غلس معندكش ريحة الدم
فارس :- ششششش مسمعش صوتك ودخل بيها الاوضه بتاعته وقفل الباب بالمفتاح ونزلها
جومانه :- افتح الباب
فارس :- لاء
جومانه :- بقولك افتح الباب
فارس :- وانا بقولك لاء وراح قعد على السرير وبدء يفتح زارير قميصه
جومانه :- ا.ا.انت هتعمل ايه
فارس :- زى ما انتى شايفه بقلع هدومى
جومانه :- نعمممممم بتقلع ايه
فارس :- هدومى
جومانه :- انت واحد قليل الادب ومعندكش ريحت الاخلاق
فارس :- ما انا عارف وقام وقف
جومانه :- خبطت على الباب وقعدت تصوت وتقول الحقونى اى حد يفتح الباب
فارس :- قال يا مجنونه هتفضحينا وراح عندها حط أيده على بؤقها وشالها وحطها على السرير
جومانه :- اممممممم اممممممم
فارس :- ششششش اسكتى شويه ومن حركتها الكتير وقع فوقيها على السرير
جومانه :- اممممممم
فارس :- هشيل ايدى اياكى تطلعى صوت
جومانه :- هزت راسها بمعنى ماشى
فارس :- شال أيده وبص فى عيون جومانه وقال فيها ايه لما تكونى هاديه كده
جومانه :- وهى متوتره ا.ا ابعد لو سمحت
فارس :- وهو بيبص فى عينيها قال ياريت اقدر ابعد بس بعدك عنى معناها موتى
جومانه:- ف.ف.فارس لو سمحت مينفعش كده
فارس :- وهو بيبص على شفايفها جومانه تعالى ننسا اللى فات ونبدأ صفحه جديده كلها سعاده وحب ونجيب طفل حته منى ومنك يملا علينا الفيلا وقرب على شفايفها علشان يبوسها
جومانه :- بعدت وشها عنه وزقته جامد من عليها وبعدته عنها وقالت لاء يا فارس مش هيحصل اللى انت عايزه انت النهارده اثبت ليا انك واحد ندل وجبان وأكد ليا انك واحد ملكش امان لاء يا فارس مش هرجع ليك تانى جومانه بتاعة زمان انت عارف على ايدك رجعتنى لواره مش لقدام خلتنى واحده ضعيفه واحده ثقتها فى نفسها منعدمه واحده الدموع متفارقش عينيها انت عارف انا لما عرفت حكايتك مع مراتك الأولى اتعطفت معاك لكن لما عرفتك كويس اتعطفت معاها هى أن هى قدرت تعاشرك وتستحملك
فارس :- ياااااااه يا جومانه شيفانى وحش اوى كده ليه كل ده علشان شكيت فى مليكه فى لحظة ضعف منى وخوف على اخويه ايه يعنى مأذنبتش متحسسنيش انك ملاك وعمرك ما غلطى ولا ظلمتى حد ولو عن طريق الغلط احنا بشر مش ملايكه يا جومانه ومفيش بشر مابيغلطش وعمومآ اللى انتى عايزاه هعمله ليكى
جومانه :- انا مقولتش أن انا ملاك ومش بغلط كلنا بنغلط بس غلط عن غلط بيفرق انت حتى محسستنيش انك ندمان على اللى حصل شايف نفسك أن اللى عملته ده غلط وايه يعنى عادى بس مفكرتش تحس بأحساس المظلوم ده ايه صدقنى الظلم ده وحش اوى اوى وكمان كل ده وجاى تمسكنى من دراعى اللى بيوجعنى وتهددنى بأبويه وتخيرنى يا ارجع اعيش معاك فى الفيلا يا تحبس بابا صح وعايزنى احبك تانى بعد كده انا بجد مصدومه فيك يا فارس والمشكله أن قلبى واجعنى اوى من اللى عملته ونزلت دموعها وقالت انا كنت مفكره أن خلاص حبيت والدنيا هتضحك ليا لكن للاسف من يوم ما حبيتك وانا مش شايفه غير دنيا مطلمه قصاد عينى الدموع عرفت طريق عينى عن طريقك وعمال تدوس على قلبى برجليك وترجع تقولى بحبك ونبدء صفحه جديده عمر الجديد ما ينفع يتفتح غير لو قدرنا نمحى كويس الوجع القديم
فارس :- اللى انتى عايزاه هنفذه ليكى حالا
جومانه :- بدموع اللى عايزاه انك تطلقنى وتبعد عنى وتسبنى فى حالى
فارس :- هنفذ ليكى طلبك بس مش دلوقتى علشان امى تحت ومش عايز تقول إن اللى حصل ده بسببها هى
جومانه :- بدموع ماشى
فارس :- ومعلش طلب اخير نامى هنا فى الاوضه معايه نامى انتى على السرير وانا هنام على الكنبه
جومانه :- والوضع ده هيطول
فارس :- لاء اسبوع بالكتير لحد ما علاقة امى تتصلح مع فهد وترجع تانى عنده الفيلا
جومانه :- ماشى بس هنزل اشتغل
فارس :- معنديش مانع بس انزلى الشركه معايه علشان محدش يحس بحاجه
جومانه :- ماشى يا فارس لما نشوف اخرتها ايه
فارس :- معلش تعالى على نفسك واستحملينى اسبوع واحد بس
جومانه :- ماشى وراحت على السرير ونامت وادته ضهرها ودموعها نزلت منها
فارس :- بص عليها شويه وبعدين راح نام على الكنبه وقعد يبص عليها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
انتهى اليوم بأحداثه والكل نام ليستعدو لبدء يوم جديد
اشرقت شمس صباح يوم جديد بنورها الساطع فى سماء عروس البحر
لتبدء جومانه بفتح عيونها بتقل شديد بعد ليله طويله قضتها فى حزن شديد ودموع
قامت قعدت على السرير وبصت فى الاوضه ملقتش فارس فيها قامت من على السرير دخلت الحمام اخدت شاور واتوضت وخرجت وافتكرت أن هدومها فى الاوضه التانيه قالت بعصبيه
جومانه :- ده ايه اليوم اللى باين من أوله ده هجيب هدوم ازاى انا من الاوضه التانيه وانا كده وقعدت على السرير وهزت رجليها بعصبيه وقعدت تاكل فى ضوافرها وبعد شويه دخل فارس لاقه جومانه قعده بالبورنص على السرير ومتعصبه مكلمهاش ودخل اخد محفظته ولسه هيخرج
جومانه :- فارس
فارس :- بصلها وقال نعم
جومانه :- ممكن لو سمحت تجيب ليا الهدوم اللى فى الاوضه التانيه
فارس :- فهم عصبيتها بسبب ايه وقال ماشى هدخل اجبهم ليكى
جومانه :- شكرآ
فارس :- سبها وخرج من الاوضه من غير ما يرد عليها راح الاوضه اللى كانت بتنام فيها جومانه ومسك الشنطه وحطها على السرير وفتحها وفتح الدولاب وحط هدوم جومانه كلها فى الشنطه واخدها وراح على اوضه تانى خبط على الباب وفتحه وحط الشنطه وسبها وخرج
جومانه :- راحت اخدت الشنطه وفتحتها وطلعت ليها هدوم ولبستها وأدت فرضها وخرجت من الاوضه ونزلت كان فارس قاعد بيفطر مع أمه اول ما شافت سهير قالت فى سرها اصتبحنا واصتبح الملك لله وضحكت ضحكه صغيره وقالت صباح الخير
سهير :- من غير نفس صباح النور
فارس :- تعالى يا حبيبتى اقعدى جنبى وافطرى
جومانه :- فهمت فارس انها تمثل زيه راحت قعدت جنب فارس على الكرسى وقالت ربنا يخليك ليا يارب
فارس :- ويخليكى ليا وباس ايديها
جومانه :- اتوترت بس حاولت تكون طبيعيه وضحكت
فارس :- عمل سندوتش لجومانه وقال خدى يا قلبى كلى السندوتش ده
جومانه :- اخدته منه وقطمت منه حته
سهير :- ياريت بعد كده تراعو أن فى واحده عايشه معاكم فى الفيلا بلاش المسخره والصوت العالى ده بتاع امبارح
جومانه :- شرقت واللقمه وقفت فى زورها وقعدت تكح
فارس :- مسك الميه وادها الكوبايه تشرب
جومانه :- وهى وشها احمر من الكسوف ش.ش.شكرآ
فارس :- حاول يكتم ضحكته على منظر جومانه وقال احم العفو
سهير :- ده الواحده مننا زمان مكنتش بالمحن ده بتوع بنات اليومين دول
جومان :- بغيظ وبقرف معلش يا ماما ده موضت العصر بقى هنعمل ايه
سهير :- ما هو الرك مش على الواحده الرك على الرجاله اللى بتعمل ليهم قيمه
جومانه :- امممم الله يرحمه عمو فريد اكيد كان عامل ليكى قيمه برضه
سهير :- قصدك ايه
جومانه :- بقرف ولا حاجه وبصت لفارس وقالت شبعت هستناك فى العربيه
فارس :- ماشى وانا جاى وراكى
جومانه :- بصت بغيظ لسهير ومشت
سهير :- شوفت مراتك بتبصلى ازاى
فارس :- ما انتى يا ماما كسفتيها واحرجتيها
سهير :- يعنى هى جت عليك ما انت طالع لاخوك الكبير بتريل عليها
فارس :- مااسمهاش بتريل اسمها حب وخوف على اللى بيحبه
سهير :- ماشى يا اخويه روحوليها بسرعه
فارس :- ماشى يا ماما عن اذنك وسبها ومشى
سهير :- كل واحد واخد صف مراته وانا بقيت الحما الشريره يلا كله فى ميزان حساناتى وكملت اكلها
فارس :- ركب العربيه ومشى بيها من غير ما ينطق ولا كلمه
جومانه :- قعدت طول الطريق ساكته وبتبص على الطريق
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى بيت عبدالرحمن
صحيت مى على صوت تليفونها فتحت التليفون من غير ما تبص فيه وقالت
مى :- وهى مغمضه عينيها الو
مازن :- صباح الخير يا قلبى
مى :- انتبهت للصوت وبصت على الشاشه لاقته رقم مازن قالت بصدمه انت متصل ليه
مازن :- قولت أصبح على الجميل
مى :- بغيظ مازن ابعد عن طريقى وسكتى بقى انت ايه يا اخى حالف ما تبعد عنى الا وانا ميته
مازن :- بعد الشر عليكى أنشالله الواد الملزق ده اللي اسمه باسم
مى :- عايز ايه خلصنى
مازن :- هما كلمتين يا تيجى النهارده معايه عند المأذون وارجعك ليا يا اما هرفع عليكى دعوه بضم البنات لحضانتى
مى :- بصدمه ايه اللى انت بتقوله ده
مازن :- هو ده اخر كلام عندى وعايز الرد حالا
مى :- قعدت ودموعها نزلت منها وقالت ..............
