رواية بنت ابليس الفصل الثامن و العشرون بقلم حياة محمد
زينب: لابس كده ومتشيك.ده كله عشان الشغل.
يوسف: ده العادى بتاعى وبعدين أنا هروح أزور أهلى.
زينب: غريبه بقالنا اكتر من ست شهور متجوزين وتقريبا بتروح لأهلك مرتين في الأسبوع ومفيش مره واحده قلت لى تعالى معايا نزورهم سوا ولا مره واحده قلت لى احنا معزومين على الغدا ولا العشا.
يوسف: انتى عارفه إن وضعنا حساس.
زينب: انا شايفه ان وضعى انا إللى حساس بدليل انت بتزور أهلك كتير.
يوسف: ماما واخواتى عادى بس بابا هو إللى مقاطعنى بسبب جوازنا.
زينب: انا مش عارفه باباك معقدها كده ليه انا كنت عملت ايه لده كله.
&&&&&&&&&&&&&&&&&
في الحاره
رباب:أزيك يا يوسف عامل إيه ؟
يوسف: إزيك يا رباب بنتك عامله ايه
رباب:بنتى كويسه وعجبتها العروسه اللى اشترتها لها اوى وبتنيمها في حضنها
يوسف ‘: بنتك بنوته طعمه اوى إلا هيا فين
رباب،: كانت مستنياك بس انت اتأخرت أوى فنامت
يوسف: على ما خلصت الشغل.
رباب:طيب انت عملت ايه في موضوعى.
يوسف: بصراحه الموضوع صعب شويه.
رباب: إيه الصعب إللى فيها انك تشغلنى معاك في الشركه ولا إنك تشغلنى أنا من أساسه.
يوسف : الموضوع انى
رباب: انك إيه خلاص شكرا عرفت انك دلوقتي بقيت الكل في الكل وانا مش فارقه معاك في حاجه عشان كده انت بتذلنى على الشغل صح
يوسف: مش كده انا بس
رباب ‘ : خلاص انت مش محتاج لى دلوقتي عشان وصلت ونسيت كل أحلامنا سوا أيام ماكنا بنرسم ونخطط لمستقبلنا سوا.
يوسف: وانتى اتخليتى عن ده كله
رباب: وندمت ورجعت لك أهو اعترفت بغلطى وأعتذرت لك وانت سامحتنى فليه مش عايزنى اشتغل معاك ولا خايف على شعور المدام.
يوسف: انتى مش فهمانى انا مجرد مهندس في الشركه يعنى مقدرش اشغلك هناك
ضحكت رباب بصوت عالى وقالت: أهى دى أسخف نكته سمعتها انك مجرد مهندس عادى في شركة مراتك بدل ماتكون الكل في الكل حقيقى نكته سخيفة.
يوسف: انتى شايفه كلامى ده نكته
رباب: اكيد نكته يعنى انا لو من مراتك المفروض احط شركتى كلها تحت رجليك.واقولك احلامك أوامر مش اذلك بالطريقه دى.
&&&&&&&&&&&&-&&&&&&&
في الحاره عند بيت عبد الكريم
رجاء: كنت فين يا يوسف انا شايفه عربيتك هنا من بدرى
يوسف: كنت في مشوار يا ماما
رجاء: مشوار إيه إللى ياخد الوقت ده كله كنت فين يا يوسف.أوعى يا يوسف أوعى.
يوسف اوعى إيه يا ماما
رجاء: اوعى تكون إللى في بالى
يوسف: إللى هو إيه يا ماما ٠
رجاء: انك بتقابل رباب يا يوسف.
يوسف: وفيها إيه يعنى دى بنت حتتى
رجاء وهيا طالعه السلم ويوسف وراها:
سيبك من الحجج الفارغة دى انا مش باكل منها قال بنت حتتى قال يا يوسف انت هتضحك على مين بس أنا عارفه ان بنت الك…ب دى بتلعب عليك بعد ما طلقها جوزها الاول وانت زى الأهبل ماشى وراها.
يوسف: ماما إيه كلامك ده.
رجاء وهيا بتفتح باب الشقه: كلام ايه يا اخرت صبرى عينى عليك يا يوسف مكتوب عليك تلم فضلة غيرك.
وقبل ما تخش لقت زينب في وشها وعيونها كلها غضب وحقد وقالت لها: تقصدى مين بفضلة غيره.
اترعبت رجاء من شكل زينب واتلجلجت واتلخبطت وبقت مش عارفه ترد
يوسف: زينب انتى هنا من امتى وبتعملى هنا إيه
زينب ببرود: ده إيه الإستقبال الزباله ده
علاء (( اخو يوسف)) هو مايقصدش يا زينب هما بس مستغربين وجودك هنا
زينب: واضح أوى يا علاء إلا انت كنت فين يا يوسف ده انا خرجت بعدك وجيت هنا قبلك كنت فين ده كله
هبت رجاء بفزع: كان معايا انا قلت له عايزاه في مشوار وكان معايا ولسه جايين لارحنا كده ولا كده
زينب: والله.طب مش هترحبى بيا يا حماتى ولا انا ضيفه تقيله على قلبك
يوسف: انتى هنا ليه
زينب: حبيت اشرفك وقلت أجى اشوف اهلك واقعد معاهم يعنى بما انى مراتك بس واضح ان خالتى مش حابه وجودى
رجاء بصوت مهزوز: لا لا لا انا حابه حابه أوى
زينب: مش باين ده انا حتى من ساعة ما جيت محدش جاب لى كوبايه عصير ولا فنجان قهوه ولا حتى كوباية ميه.لأ طلعتوا كرمه أوى.
علاء: معلش مانتى شفتى اخواتى البنات اتهبلوا من الهدايا إللى جيبتيها لهم.على العموم هعملك انا فنجان قهوه بإيدى
زينب: تسلم لى يا علاء بس خلاص خالتى جت هيا إللى هتضايفنى.صح يا خالتى ولا اعتبر البيت بيتى واخش اقلب في مطبخك.
رجاء: لأ لأ لأ خلاص ماشي انا هعملك..
دخل عبد الكريم البيت واتفاجأ بيوسف وزينب فقال: بتعملى إيه هنا
زينب بسخرية: كملت
يوسف: يا بابا احنا
عبد الكريم: انتوا إيه من سمح لكم تيجوا هنا في بيتى.
زينب ببرود شديد: منوره بيك ياعمى اهلا وسهلا
عبد الكريم: انا مش عيل صغير عشان تيجى بت زيك وتلقح عليا بالكلام.
زينب: يوووووه ماكانتش كوبايه شاى إللى هتزلونى عليها
يوسف: يابابا احنا جايين نزوركم
عبد الكريم: مش عايزكم لأنت ولا مراتك
زينب: ليه يا استاذ يا مربى يافاضل عملت لك إيه. عشان تكرهنى بالشكل ده وأوعى تقول الحركه بتاعت زمان لأنك بتكرهنى من قبلها من اول مادخلت مدرستك وانت بتكرهنى ليه ها قولى ليه.ولا تحب اقولك انا عشان بابا صح طب انت متشاكل معاه انا ذنبى إيه؟
عبد الكريم: ذنبك انك بنته يالا اطلعى بره مش عايز اشوف وشك هنا تانى فى بيتى
يوسف: بابا
عبد الكريم: ولا اشوف وشك انت كمان طول مانت متجوزها يالا اطلعوا بره.
علاء: يا بابا ميصحش
عبد الكريم: اخرس انت ومتدخلش في حاجه
يوسف: يا بابا انا عا….
زينب: ماشى انا هخرج بس ياريت ماتنساش حاجه واحده بس….إنك انت ومراتك وأولادك عايشين في بيتى.
وخرجت وقفلت الباب
علاء: ليه كده يا بابا دى مرات اخويا وفي بيتا
عبد الكريم: أنا عارف مصلحتى ومصلحتكم وسابهم وخرج
علاء: يعنى جايه بتنا وجايبه هدايا غاليه اوى لينا وللكل وانتوا تعاملوها كده
رجاء: غصب عني والله يا علاء بخاف منها من بعد كلام ابوك عنها زمان وانا بخاف منها بالرغم من انها كلها أمها الله يرحمها إلا ان عنيها تخوف والله غصب عني
علاء: تخوف إيه يا ماما الحمد لله انها طيبه وقلبها أبيض وإلا كانت حاسبتك على كلمتك إللى قلتها.
رجاء بقلق: الحمد لله بجد انها فهمت انى بقول عليها لأنها لو عرفت انى كنت اقصد رباب كانت دفنت اخوك حى.
&&&&&&&&&&&&&&&&&&
في الڤيلا
يوسف: ليه يا زينب ليه بوظتى كل حاجه.
……انتى بتعيطى يا زينب
زينب: ليه الناس كلها بتكرهنى؟ أنا ذنبى إيه ليه ؟الكل بيحاسبنى على ذنب أبويا ليه.؟ليه؟
فسحبها يوسف في حضنه وضمها له أوى.
&&&&&&&&&&&&&&&&&-
في الشركه
أمانى: بصى يا زينب انا عملت كل الحسابات الخاصه بالخمس شهور إللى فاتوا. وحسبت المكسب وهامش الربح والخسارة اهو بصى كده معايا
زينب: ماشى بس خلصتى اوراق الضرايب
أمانى: شغالين عليها حاليا وبعد ما اخلصها هبقى اجيبها.
زينب: ماشى طب تعالى نشوف كده حساباتك.
دخل عليهم يوسف وقال: زينب انا عايزك في حاجه مهمه.
زينب بصوت واطي جدا:(( يا فتاح يا عليم يا رزاق يا كريم اللهم اسكنهم مساكنهم)).بعدها ابتسمت وقالت : خير يا يوسف تحت أمرك يا حبيبي.
أمانى: طب انا هستأذن وهبقى أجى بعدين
وبعد ما خرجت امانى
زينب: حصل إيه يا يوسف ؟
يوسف: انا مش قادر أتحمل المعامله دى كل الشركه بتبص ليا نظرات وحشه كأنى عاله عليهم انا مش صغير ولا قليل عشان أتعامل المعامله دى.
زينب: معاملة إيه دى
يوسف: معامله فوتوا له اصله جوز صاحبه الشركه دى مش معامله انا مش صغير انا مهندس دخلت الشركه دى وانا مهندس ليا وضعى وانى اتهان أو يبصوا ليا بإحتقار لأنك مراتى وانا بشتغل عندك ده شئ جارح جدا ليا ولكرامتى.
زينب: ماأنا قلت لك رأيي
يوسف: سيبك من أحلامك دى انا مش هقعد هنا لحد ما يعترفوا بقدراتى ومش هوقف طموحاتى وأحلامى عشان حد عشان كده انا قررت افتح مكتب هندسي .
زينب: لا لسه بدري اوى اوى على الخطوه دى
يوسف: لأ مش بدري وبعدين أنا عارف مصلحتى كويس
زينب: يا حبيبي المفروض تصبر شويه لحد ما تقوم بمشروعات مهمه بنفسك تعمل لك بها اسم تتعرف بيه بين رجال الأعمال.
يوسف: قلت لك انا ادرى بمصلحتى كويس
زينب: خلاص مفيش مشكله هدور لك على مكان مناسب عشان تفتح فيه مكتبك
يوسف: مش مستنى انا لقيت مكان هايل يكون مكتبى
زينب: فين؟
يوسف: في.عماره رقم ٦ فى شارع (…)
زينب:ماينفعش المكان ده بالذات ماينفعش
يوسف ‘ ليه ولا تحكمات وبس
زينب: مش موضوع تحكمات بس ماينفعش في المكان ده اتنين من اكبر المكاتب الهندسية في القاهره وواحد منهم موجود في العماره دى.
يوسف: أنا عارف
زينب: يبقى العقل بيقول لك ماتفتحش مكتبك هناك لأن المكاتب دى مشهوره اوى وهتبلع مكتبك ومش هيجيلك اى زبون
يوسف: وليه مش هيجوا لى ان شاءالله ده مكتبى هيقدم خدمات هندسيه زيى زيهم وهاكون ارخص كمان
زينب: يا يوسف يا حبيبي افهمنى كويس فيه مقوله مهمه بتقول رأس المال جبان ومفيش حد هيجازف بمشروعه وفلوسه ويديه لمكتب مش معروف عشان ارخص شويه.لا ده يدفع زيادة عشره وعشرين الف في مكتب مشهور أضمن.
يوسف: يوووه شوفى يا زينب انتى مش مطلوب منك إلا انك تساعدينى لحد ما افتح مكتبى وبس ممكن
فكرت زينب شويه وبعدها قالت: ممكن عايز كام يا يوسف.
يوسف: ١٥٠ الف جنيه
زينب: سهلة ثانيه واحده وفتحت دفتر الشيكات وكتبت له شيك بالمبلغ المطلوب
زينب: اتفضل يا يوسف
ابتسم يوسف بسعاده وباسها من خدها وقال: ميرسى اوى يا زينب اعتبرى المبلغ ده دين عليا وهردوا لما يشتغل المكتب.
وبعدها خرج من المكتب وهو طاير من الفرحه
&&&&&&ــ&&&&&٥٥٥&&&&
دخلوا المكتب سوا بعد ما انتهوا من فرشه وتجديد ديكوراته.
رباب: أنا فرحانه اوي يا يوسف مش مصدقه ان حلمنا إللى قعدنا نحلم بيه من سنين بقى حقيقه
يوسف: وانا سعيد اكتر منك بس سعادتى الحقيقة لما يشتغل المكتب ويبقى من اهم المكاتب الهندسية في مصر كلها واثبت لزينب إنى عندى حق.
رباب بغيره: هو ده وقت تجيب سيرت زينب.
يوسف: اصلك ماتعرفيش هيا اد ايه مستفزه وأنا مصر أوريها انى على حق.
في نفس الوقت دخلت زينب عليهم المكتب ومعاها بوكيه ورد.(( صباح الخير ))
اتلجلج يوسف واتوتر وقال: زينب اهلا اهلا إيه النور ده
زينب: جيت أبارك لك على مكتبك الجديد .الف مبروك.،(( وقدمت له البوكيه))
سحبها يوسف وحضنها وباسها من خدها مع استغراب زينب وضيقة رباب
يوسف: شفتى يا زينب مكتبى حلو إزاى
بصت زينب للمكتب وقالت: فعلا شيك وراقى.وبعدها بصت لرباب
يوسف بتلجلج: دى الباشمهندسه رباب هتشتغل معايا في المكتب.
بصت لها زينب بغموض وقالت: أهلا وسهلا يا باشمهندسه.
رباب: اهلا بيكى يا زينب منوره المكان
وبعدها بصت ليوسف وقالت: غريبه انك عينت مهندسه معاك قبل ما تعين حتى سكرتيره.
بص يوسف لرباب بتوتر وبعدها قال لزينب: سكرتيره أه اه انا هاعين واحده قريب.
زينب بابتسامة حلوه: طيب بالمناسبة الحلوه دى مش هتعزمنى على الغدا
يوسف: بس كده من عينيا ده انا هعزمك على احلى غدا النهارده يالا.
زينب: ماشى يالا
يوسف: انا هاخرج مع المدام خدى بالك من المكتب يا رباب
رباب بضيق: ماشى مع السلامه يا يوسف نورنينا يا زينب
قربت منها زينب وقالت: انا اسمى زينب هانم وأوعى تشيلى التكليف مابنا انا مش عيله بتلعب فى الحاره يا باشمهندسه.وخرجت
رباب في سرها:يا خبر ابيض دى عرفتنى
&&&&&&&&&&&&&&&&
في أفخم مطعم على النيل
يوسف: الباشمهندسه رباب دى متفوقه جدا ومتميزة ونشيطه جدا…..
زينب.:
يوسف: دى حتى متحمسه اوى للشغل واكيد هتساعدنى في شغلى.
زينب:
يوسف وبدأ يتوتر من سكوت زينب: انتى زعلانه من وجودها في المكتب
زينب: اطلاقا وبعدين ده مكتبك وانت حر فيه
((عايزه بيكاتا وخضار سوتيه والحلو ببلوڤا)
) يوسف: نعم قلتى إيه
زينب: أكل يا يوسف طلبت أكل جعانه
يوسف: أه ماشى.
&&&&&&&&&&&&&&&&&
دخلت امانى المكتب لقت زينب مشغوله بالملفات والعقودات
أمانى: إيه يا بنتى الساعه عدت تلاته مش هتروحى
زينب هراجع على الملف ده وبعدها هامشى.
وبعدها رن تلفون زينب
أمانى: تليفونك عمال ينور انتى عملاه صامت
زينب: أيوه
أمانى: طب شوفى ليكون حد مهم.
زينب: ده يوسف
امانى: ومش هتردى عليه
زينب: لأ اصلى عارفه هو عاوز إيه؟ عايز يعتذر انه مش هييجى على الغدا النهارده
أمانى: وانتى عرفتى منين؟
زينب: ماهو هو ده حاله من بعد ما فتح مكتبه تقريبا بيتغدى كل يوم بره
أمانى: يا برودك يا شيخه بقى عارفه انه مشغل خطيبته الأولى معاه وسيباهم سوا كده عادى.
زينب: لأ مش عادى بس الممنوع مرغوب ولو اعترض على وجودها معاه هفتح له المجال انه يزود في علاقته معاها.
أمانى: على أساس انه كده مش هيزود مالك يا زينب انتى ماكنتيش بالضعف ده.
اتنهدت بصوت واضح وقالت: عارفه يمكن لأنى بحبه بجد فمش عارفه أخد اى قرار لحد دلوقتي.
أمانى: يابنتى ماتردى ده رن اكتر من تلات مرات.
زينب: مش هرد سببك منه
أمانى: للدرجه دى
زينب: هتصدقينى انه من ساعة ما فتح مكتبه وهو مغرقنى كلام حب في حب.
أمانى: ومش عاجبك يا مفتريه
زينب بابتسامة سخريه: مفتريه تصدقى انى في يوم عديت كام مره قالى فيها بحبك انتى عارفه كام مره حوالي ٣٢ مره
أمانى: ومش عاجبك
زينب: انتى عارفه الموظف إللى بيبقى مشغول ولازم يختم ١٠٠ورقه قبل مايمر المدير عليه
أمانى: أيوه
زينب: اهى بيقولى بحبك بنفس طريقه الموظف وهو بيختم الورقه
أمانى: يع ده انتى غلبانه أوى وانا إللى كنت بظن انك غرقانه في العسل والرومانسيه
زينب: الله يخرب بيت الجواز على إللى عايز يتجوز
ضحكت امانى وقالت: اميين الله يخرب بيت الرجاله كلهم
ضحكت زينب وقالت: ألف مره.
وبمناسبة الحالة الحلوه اللى احنا فيها دى ايه رأيك نعمل مدينة خاصه بالستات وبس ونقول ممنوع دخول الرجاله
أمانى: لا لأ هنقول ممنوع دخول كل مذكر
زينب: أه فكره حلوه اوي ونقول ممنوع دخول التوك توك والمتوسيكل عشان مذكر
أمانى: فعلا وحرام اكل الموز والعنب والتفاح عشان مذكر بس الفراوله والمانجه حلال
زينب: ياسلام على افكارك الحلوه ونلبس ابو الهول حجاب ونسميه أم الهول.ونرمى الاهرام عشان مذكر.
وبعدها انفجروا الإتنين في الضحك.
امانى: قومى قومى اصل لو قعدنا مع بعض كمان شويه هندمر البلد
زينب: ليه بس ده حتى أفكارنا حلوه ومبتكره
امانى: يا مفتريه ده انتى لبستى ابو الهول الحجاب وانتى لسه.قومى قومى اصل اتأخرت على انس
زينب: طب يالا عشان انا هاجى معاكى وايه رايك نروح نتغدى سوا ونفسح انوسه شويه.
وعند باب الحضانه وقفت العربيه ونزلوا
أمانى: هتيجى معايا نجيب انس من جوه.
كانت زينب بتبص على الناحية التانيه بتركيز وقالت لها: روحى انتى جيبيه من جوه وأنا هستناكى هنا
أمانى بقلق: فيه حاجه يا زينب قلقتينى
زينب: لا متقلقيش أصلى شفت حاجه هتأكد منها الاول.فروحى انتى وانا هستناكى هنا.
راحت أمانى اما زينب فمشيت بسرعه الناحية التانيه وبدات تلف حولين الحضانه.
&&&&&&&&&&&&&&&ـــ&&&
كانت في مكتبها لما دخل عليها يوسف من غير استئذان
زينب: يوسف ايه المفاجأة الحلوه دى
يوسف: هو الكلام إللى سمعته صحيح
زينب: سمعت ايه يا ترى
يوسف: انك بدأتى في مشروع الضبعة.
زينب: بالرغم إن ده اسرار الشغل بس أه
يوسف: إزاى مش المفروض نقوملك بكل الإجراءات الهندسه الازمه لمشروعك ده
زينب بهدوء: انتوا مين
يوسف: مكتبى.
زينب: مين إللى قالك وبعدين أنا عندى في شركتى مهندسين كتير بياخدوا في الشهر مبلغ كبير اوى فعشان فلازم اطلع عنيهم في الشغل.ولو حبيت اتعاون مع مكتب هندسي فأكيد هاختار مكتب هندسي كبير مش زى مكتبك محدش يعرفه ولا سمع عنه
يوسف بغضب: يعنى ايه يعنى تروحى للغريب وانا قاعد من غير شغل من اول ما فتحت المكتب.
زينب: غريبه ده أنا بحسب الدنيا شغاله معاك بدليل انك مبقتش تروح البيت إلا متأخر كل يوم.
يوسف بتوتر: لأ بس أنا بحاول بس انا كده بخرب أنا على وشك الإفلاس
زينب: انت قلت لى افتحى لى المكتب وما يخصكيش الشغل فأنا ماليش دعوه بشغلك.
يوسف: طيب أنا هاعمل إيه دلوقتى انا الفلوس إللى اخدتها منك بتخلص ومجاش ليا ولا زبون واحد.
زينب: انا قلت لك جنبك اتنين من أكبر مكاتب الهندسه.وهيبلعوك
يوسف: طب وانا هاعمل إيه دلوقتى.
واتغيرت نظرة عيون زينب للمكر وقالت: عندى لك حل
يوسف: قولى
زينب: انا عندى مشروع صغير تقدر تقول عماره عشر أدوار مع اقدر اوكل مكتبك بيه ويبقى بدايه حلوه له
يوسف: ماشى موافق
زينب: مش لما تعرف فين الأول
يوسف: فين
زينب: في الحاره
يوسف: فين في الحاره
زينب: هتكون مكان المخبز والخمس بيوت إللى جنبه.
يوسف: انتى اتجننتى عايزانى اهد بيت اهلى إللى عايشين فيه.
