 |
رواية حور الفصل التاسع والعشرون بقلم يارا البرعي
عمر بخبث / الو .. داليا معايا !
داليا / أيوة انا مين !.
عمر بخبث/ انا عمر ابن خالة حور وجوزها واكيد عارفاني.
داليا باستغراب / اه عرفتك بس خير بترن عليا لية ؟
عمر / لا مش هينفع ف التلفون محتاجين نتقابل واقولك ع الموضوع كله وصدقيني كلامي هيعجبك وهتشتري مني .
داليا بغضب / انت عبيط ولا اي اقابل مين ! انتـ..
عمر بهدوء/ اهدي بس اعصابك اللي عاوزك فيه هيريحك من ناس كتيرة اوي مضايقينك واولهم مستر مروان اللي انتي وصحابك بتدوروا وراه .. فكري كدة وانا مستني رأيك هبعتلك عنوان الكافيه والمعاد وردي عليا .
*ثم اغلق الخط دون سماع اي حرف منها .*
*رجع عمر الي المنزل مرة أخري ووجد حور تجلس كما هي*
حور بانتباه / اية دة جيت بسرعة يعني !
عمر ببرود/ عندك مانع ولا اية .
حور باستغراب / هيبقي عندي مانع لية أن شاء الله ما هو بيتك .
عمر بهدوء / اعملي حسابك عاوزين نعدي ع ماما وخالتي عشان من اول ما اتجوزنا مشوفناهمش .
حور / تمام .. صحيح يا عمر ، مش كنا متفقين انا وانت أننا ننزل نتغدي برة ف يوم ؟
عمر ببرود / امتي دة ؟
حور / اليوم اللي كانوا زياد ونرمين هنا مش اتفقنا يومها!
عمر ببرود/ اه صح .. لا والله مش فاضي الفترة دي لما افضي نبقي ننزل سوا .
حور ببعض الغضب / لما تفضي! لا انا مش بقولك عشان لما تفضي انا بقولك عشان الغي من دماغك الفكرة دي خالص هي اصلا كلها كام اسبوع ونتطلق ونخلص من الهم دة .
*نظر لها عمر بغضب وخرج من الغرفة دون أن ينطق اي كلمة وجلس في شرفة المنزل وهو يتنفس بغضب ويلعن ذلك اليوم الذي تعرفت فيه حور علي مروان .*
*' ' ' ' ' ' ' ' ' '*
_في أحدي المستشفيات '._
*كانت تركض أحدي الممرضات الي غرفة الطبيب .*
الممرضة / دكتور نبيل ! محتاجين حضرتك ف اوضة العمليات بسرعة .
د نبيل / حصل أية ؟
الممرضة / المريض اتقلب بالموتوسيكل من علي طريق سريع وجابوه علي المستشفي .
د نبيل بسرعة / اعرفوا هو مين وبلغوا اهلوا .
*اتجه الطبيب الي غرفة العمليات أما الممرضة فذهبت لتبحث في أغراضه التي أحضرها من جاء به الي المستشفي لتبحث عن هويته أو اي شئ يعرفها عن حاله .*
*لم تجد معه سوي بطاقته الشخصية وورقة في محفظته بها رقم هاتف وذلك الرجل ويدعي ' محمد يوسف ' !*
*' '*
- عند داليا .
*كانت تجلس ف غرفتها وتفكر هل تذهب لتقابل عمر أم لا ! ف هي حقا تريد أن تخفي مروان ذلك من حياتها وخصوصا بعد أن طردها اخر مرة وبعد أن عرفت مشاعره تجاه حور تريده أن يختفي تماماً ، لأنها لا تحب من يحب حور نهائيا وتريد أن تخفيه من حياتها .*
داليا في داخلها / وأفرضي عمر دة عاملك كمين وعاوز يوقعك ! انا هروح اقابله بس هاخد بالي كويس عشان لو فكر يغدر بيا مقعش لوحدي .
*ارسلت له داليا رسالة نصية تقول " تمام هقابلك بس ياريت تكون عاوزني ف حاجة مفيدة ومجيش ع الفاضي "*
*" " " " " " " "*
*في المستشفي بعد ساعة ونصف*
خرج الطبيب من غرفة العمليات وهو يقول
- كلمتوا حد من أهله !
الممرضة / يـ دكتور الرقم اللي لقيناه معاه محدش بيرد عليه ومش عارفين نوصل لحد من أهله منعرفش غير اسمه وعنوانه اللي ف البطاقة .
د نبيل / خليكو ورا الرقم لحد ما حد يرد .. انا عملت اللي اقدر عليه ووقفنا النزيف بس شكله هيخش ف غيبوبة ف حاولوا توصلوا لاهلو بدل ما يفضل مرمي ف المستشفي .
*اخرجوا ' محمد ' من غرفة العمليات وكان مازال تحت تأثير البنج ولا يعرفون هل عندما ينتهي تأثير البنج س يستيقظ ام س يدخل ف غيبوبة مثل ما قال الطبيب !.*
*' ' ' ' ' '*
استقبل عمر رسالة داليا بابتسامة خبيثة ظهرت علي وجهه
- هانت يا اللي اسمك مروان .. قريب اوي هتخرج من حياتنا .
*اتجه عمر ناحيه الغرفة مرة أخري وقال بصوت غاضب*
- انا نازل .
حور باستغراب / هو في اية يا عمر ! دي تالت مرة تنزل انهاردة هو انت لحقت ! دة انت لسة جاي مكملتش ساعتين !
عمر / يخصك ف اية يا حور انزل ولا منزلش محدش فينا لية علاقة ب تصرفات التاني نهائى مش انتي قولتي كلها كام اسبوع ونطلق يبقي ملكيش دعوة بيا اروح فين اجي منين بنزل لية ملكيش دعوة بيا .
حور بغضب / هو في اي يا عمر انت مش مظبوط معايا ! ما احنا طول عمرنا بنتدخل ف حياه بعض حتي قبل ما نتجوز انت متغير كدة لية معايا .
عمر بغضب/ انا مش متغير يا حور انتي اللي بعيدة وع طول سرحانه ف لما تبقي تفوقي لنفسك وتاخدي بالك أن أنا الشخص الوحيد اللي معاكي الفترة دي وتعرفي قد اية انا ضحيت عشانك ابقي ارجع معاكي زي الاول لكن انتي مش مقدرة اي حاجة وكل اللي يفرق معاكي حوارات مروان وداليا و الاء وفلان وعلان مش واخدة بالك من البني ادم اللي طول الوقت معاكي وواقف جمبك ومش واخدة بالك ان انتي اغلي حد ف حياتي ومش واخدة بالك من كل حاجة عملتها ليكي وكل اللي فارق معاكي مروان مروان مروان ! حتي وانتي سرحانه انا متاكد أن مفيش ف دماغك غير مروان دة ! ما تفوقي بقي يا حور لأن انا وانتي من الاول عارفين حوار مروان دة فاكس اصلا ومش هيكمل رايحة تعجبي ب واحد قد ابوكي ! انتي بجد مدركة للهبل اللي بتفكري فيه ! انتي عارفة كويس أن دة لو كان متجوز ومخلف كان جابت قدك وعارفة أنه عمره ما هيبصلك لانك بالنسبة له مجرد طفلة حتي لو تصرفاته بتقول كدة ف اعرفي ان دة قريب اوي هينتهي وابقي افتكري كلامي دة كويس .
*خرج عمر من الغرفة وهو غاضب بل خرج من المنزل بأكمله واتجه الي الكافيه الذي سيقابل به داليا .*
*أما حور ف جلست مكانها وتجمعت الدموع ف عينيها وظلت تبكي وتفكر ف حديث عمر لها وهي تعرف أن حديثه صحيح ولكنه جرحها بكلامه ولم يراعي مشاعرها وقلبها الذي تتصارع معه يوميا حتي تخرج منه ذلك الذي يدعي ' مروان ' .*
