رواية احببتها متمرده الفصل الثاني بقلم جمانه السعيدي
شركة قديمه واله سمعه طيبه
صار خمس سنوات اشتغل بهاي الشركه
صاحب الشركه صديق والدي الله يرحمه
اشتغلت بلشركه بسبب واسطه من ابوي
صاحب الشركه انسان محترم بشكل موطبيعي
وكل الي يشتغلون وياااا يحبونه
وعنده مصداقيه بلعمل
احنا نبني بيوت وشركات وفنادق
بسبب مصداقيتنا بلعمل عدنا هواي زبائن
جمانه السعيدي
صاحب الشركه ابو سدن عمرا تقريبا ٥٠ سنه وماعندا بس ابنيه وحده الي هي سدن
حتى اسم الشركه على اسمه
شركتنا اسمه سدن للمقاولات
بلاضافه عدنا شركة حديد تصنيع حديد
الشغل ماشي وخير من الله
اني جان عليه الشغل خارج الشركه
يعني اني اي صفقه تجينا اروح أعين المكان واتفق ويه الزبون
اشرف على العمل
يعني الي يريد يبني فندق اروح اشوف الارض واخذ القياسات واعرض على خريطة البناء
واتفق ويااا على كلشي
اما ابو سدن عليه الشغل داخل الشركه
بلنسبه اليه قليل اتواجد بلشركه
واني وأبو سدن اكثر الاتفاقات نخلصه بلتليفون
ابو سدن يثق بيه ثقه عمياء يعني مسلمني كلشي
واني والحمد لله عند هاي الثقه
اني لو عندي شركه ما اهتم بيها مثل شركة ابو سدن
الشغل ماخذ كل وقتي وماعندي سوالف موزينه
من الشغل للبيت ومن البيت للشغل
الوالده تلح عليه بموضوع الزواج
تريد تشوف اطفالي
بس اني دائما ااجل اريد الكه الانسانه المناسبه للزواج
يعني عندي مواصفات خاصه
جمانه السعيدي
اريده مثقفه وحلووه تفهمني وافهمه وأهم شي تحبني واحبه
وتقدر وضعي يعني اني مستحيل اعوف اهلي لاي سبب من الاسباب
بيوم من الايام ماحسيت اله ابو سدن دز عليه وطلب مني احضر للشركه بنهاية الدوووام
اني هم كملت شغلي ورجعت للشركه
جان نهاية الدوام
احنا دوامنا يخلص العصر بس عدنا موضفين يبقون يردون على التليفون خاف اكو حجوزات
ابو سدن واني اليوم جايك بموضوع كلش مهم
اقصد مهم بلنسبه اليه
رائد تفضل اني بلخدمه
ابو سدن تعرف اني ماطلعت من هاي الدنيا بس بسدن
بعد ولادة سدن
اني تمرضت وبقيت سنه كامله اعالج
وبعدها اكدلي الدكتور اني مايصير عندي اطفال
اني ماعندي اعتراض الحمد لله
اكو ناس غيري تتحسر على طفل واحد
بس اني هلكد ما احبه ومتعلق بيه
دللته دلال موطبيعي وهذا الدلال انعكس على شخصيتها
خلاها متمرده وعنيده
وصعبه كلش
ماعدها احساس بلمسؤليه ابد
وماتحس بقيمة الاشياء الي تملكها لان بسهوله تحصل عليها
رائد الله يحفضك ودللها اكثر وماتحرمها من شي ابد
ابو سدن هاي ثالث سنه ترسب بلسادس رغم اني وفرت الها كلشي حتى دروس خصوصيه
بس ماتحس بلمسوليه اتجاه الاشياء ولاجاي تقدر التعب
اني ما اكدر اضغط عليها لان احبه
مجرد ما احجي وياها واباوع بعيونها اسحب كل قراراتي
ومآ اكدر افرض عليها اي عقوبه
اني اليوم جاي اطلبك طلب اكو مثل يكول اخطب البنتك ولاتخطب الابنك
بنتي عصبيه وعنيده ومحد راح يكدر يتحمله
اله انسان واعي ومثقف ويكدر يصبر عليه
اني احس انت الإنسان المناسب الهاي المهمه
اعرف راح تستغرب من طلبي
اني كل يوم يجوني خطابه عليها بس كل الي يجون يجون طمعانيين بالاملاك والورث الي راح تحصل علي سدن
واني اعرف بنتي اذا ازوجت اي احد
اقصد انسان عادي مراح يتحمله ويصبر عليه ابد
سدن طيبه وحبابه
بس اعترف اني الي خربتها بدلالي
جمانه السعيدي
رائد انت فاجئتني بهذا الطلب تعرف اني مامقرر ماازوج اله اطمن على اخواتي لان هنه امانة ابوي
ابو سدن اني ما اريد منك موافقه هسه فكر زين
واذا وافقت صدك راح يكون اسعد يوم بحياتي
اني احس انت انسب انسان يكدر يحافظ على بنتي ويحميه من نفسه
رائد هاي ثقه اعتز بيها ....
ابو سدن اني الله رازقني والحمد لله هذا الخير كله
اذا سلمته السدن خلال كم شهر اضيعه
لان ماعدها خبره ابد
ومآ اكدر اثق باي انسان غيرك اامنه على بنتي وحلالي
واذا صار وافقت على طلبي اريدك تسكن انت وياها بيت وحدكم
اريدك تعلمه بدون ماتنقص من كرامته
ما اريد يكون أحد موجود بينكم او احد يشوفك شلون تعامله وبعدين تحس بلنقص
لان اني اريدك تكون شديد وياها
اريدك تضبطه اريدك تعلمها الصح من الغلط
اني راح اوفرلكم سكن مناسب
وراح اضاعف راتبك
صحيح المفروض اني الي اعلمها الطريق الصيح
بس ولله هلكد ما احبها ما اكدر افرض عليها اي شي
رائد تعجبت من طلبه وبقيت ساكت
ابو سدن تكدر تتفضل ......اني خلص كلامي وانت تكدر تفكر وترجعلي خبر
رائد طلعت واني افكر بطلب ابو سدن الصراحه فاجئني حيل ابد مامفكر انو راح يطلب هيج طلب
ولا متوقع اني راح ازوج بهذا الشكل ابد
شلون هاي ورطه واني حتى ماشايفه ابد
والسكن وحدنا شلون واهلي وامي وخواتي
هذا العرض كله ماعاجبني ابد
ولامقتنع بي بعدين يكول عنيده وعصبيه
اني ازوج وحده تريحني لو ارجع اعلم بيه
صحيح ابو سدن خوش انسان بس ما اكدر انفذله طلبه
اني اذا ارتبطت لازم اختار صح
اذا ماكدرت اتحمله
مراح اكدر انفصل عنه
ياربي هاي شلون ورطه هسه فوك الضيم تطلع موحلوه
وتصير صدك ورطه حقيقيه
جمانه السعيدي
راح اتهرب منه منا لمن الكه مكان ثاني اشتغل بي
وصلت للبيت وتلكني البنات وامي
وحضرلي الاكل
امي شبيك رائد موعلى بعضك شصاير
رائد اليوم نعرض عليه عرض غريب لا علبال ولا على الخاطر
امي ياستار شكوووو قلقتني
رائد ابو سدن عرض عليه عرض عجيب
امي شنوو
رائد عرض عليه ازوج بنته الوحيده
امي صدك تحجي
رائد اني هم مثلج استغربت
امي ولله ابو سدن انسان محترم وطيب وسمعته طيبه
رائد بس بنته وكحه وعنيده ومدلله يعني راح اتعبني
امي شعجب اختارك انت ....رجال مثله وعندا هذا الخير كله ميت واحد يتمنى يزوج بنته
رائد يكول انت اكثر واحد اكدر اامن بنتي ويااااا
ناس هواي تجيهم عليها بس هوووو
يريد هو يختار الرجل المناسب البنته
ويشوف اني انسب واحد الهاي الزواجه
امي وليش ماتوافق
رائد اني مامستعد للزواج واخواتي بعدهن يدرسن
والانسانه الي ارتبط بيها اريد اني اختارها واحبه
ما اريد احد يفرضها عليه
امي بكيفك وليدي هاي حياتك وانت اعرف بيها
بس خاف ترفض وتخسر شغلك
رائد الرزق على رب العالمين
اذا تركت الشغل راح ادور غيره
اني ماهمني الشغل بكد ابو سدن ما اريد اخسرا ابد
اني طلبت اخذ وقت كافي افكر بي
وبعدين ارجعلهم الخبر
للحكاية ......بقيه
تفاعل حلو مثلكم
#البارت الثاني
احببتها متمرده
جمانه السعيدي
هسه صار دوري اعرفكم على نفسي
اني سدن عمري واحد وعشرين سنه اني الوحيده بعائلتي
لأعدهم ولد ولا بنيه غيري
اني من زغيره مدلله كلشي اطلبه يتنفذ وحتى الأشياء الي ما اطلبه الكها موجوده
احساسي بحب ماما وبابا اليه خلاني انسانه دلوعه
هاي ثالث سنه اعيد السادس مو لان اني كسلانه
او ما افتهم
بس ماليه خلك اقرا
وموضوع الدراسه مايهمني ابد
كلشي احتاجه موجود بعد شلي بالدراسه ودوخة الراس
بعدين اني حتى الوظيفه ما احتاجه
جمانه السعيدي
ويمكن المثل صحيح
المثل يكول من أمن العقاب ساء الادب
واني اسئت الادب بكل شي
ابد ماعندي احساس بلمسؤليه اتجاه اي شي
اني عندي عم واحد وعمه وحده
عمتي صار أكثر من عشر سنوات طلعت من العراق عايشه بامريكا هي وزوجه وعدها بنات اثنيين
عمي موضف حكومي وعنده ولد اثنيين الجبير اكبر مني ب١٢ سنه والثاني اكبر مني بخمس سنوات
الجبير موزج وعنده جهال والثاني مريض نفسيا ياخذ علاج من زمان
تمرض بسبب حادث صديقه اندعم ومات بحضنه واثر الحادث صارت عندا اضطرابات نفسيه
ماينام ولايكعد ولايتحرك اله بلعلاج
جمانه السعيدي
عمي دائما يجي ياخذ فلوس من بابا
ياخذ هن على اساس يتقرض بس مايرجعهن ابد
بابا يكول ميخالف هذا اخوي وموعيب اسد عازته احسن مايروح يتقرض من الناس الغريبه
اني الله رازقني والحمد لله اساعد كد ما اكدر
اني حالي حال البنات مريت بكذا علاقه بس بسرعه امل منهم واعوفهم
احسهم يلزكون بيه ما احس وياهم بحب حقيقي
واكثر شي يستغلوني ويطلبون مني فلوس
مواصفاتي بيضه كلوش بحيث شرايين ايدي امبينات من كد البياض طولي ١٦٦ عيوني حلوات لونهن عسلي
شعري اشقر غامق بس اني لاعبه بي طوبه
كل يوم كاصته وكل يوم صبغته لون
جمانه السعيدي
نرجع الرائد
رائد رحت ثاني يوم للعمل بس مارحت للشركه ابد
ومآ اتصلت بس اتصال واحد يخص العمل
لان اني بصراحه ماعاجبتني الفكره ابد
واني عندي قناعه موطبيعيه
عندي قناعه اني مراح اخذ اكثر من رزقي
يجوز رزقي مو هواي بس مستور ولله رازقني غير رزق رازقني الستر والصحه والامان
رازقني عائله تحبني واحبه
رازقني ناس تحبني وتقدرني
اني كلش مقتنع بلي عندي ولله الحمد
مر اسبوع واني مامرجع خبر الابو سدن والصراحه احاول ابتعد عنه ومآ التقي بي قدر الامكان
بيوم عطلة الشركه يوم الجمعه عزمني ابو سدن على غده بيتهم
حاولت اتهرب من الموضوع بس بدون فايده
قررت اروح واذا فتح الموضوع مره ثانيه ارفض وخلي يصير الي يصير
الزواج قرار صعب وعشرة عمر اني شسوي بلفلوس اذا ما ارتاح ويه الانسانه الي ارتبط بيها
الساعه بلوحده الضهر وصلت بيتهم رحب بيه ابو سدن
وأم سدن اجت سلمت عليه
طبعا هاي اول مره ادخل بيتهم بيت جبير وحلوووو
اصلا قصر موبيت
احنا دائما اني وابوسدن نعزم العملاء بلمطعم ونروح نتغده وياهم
بس بيتهم هاي اول مره ادخل بي
كعدنا نسولف اني وياااا وكال على عينك البارحه صفقة المدينه السكينه رست علينا احنا مقدمين احسن عرض
رائد الحمد لله سمعة شركتنا هي الي وصلتنا الهذا المستوا والفضل اولا الرب العالمين وثاني شي الجهودك
ابو سدن اكثر شي عجبهم التصميم الي قدمته
فاز بين خمسين تصميم
رائد وراح يعجبهم شغلنا اكثر
ابو سدن يله الغده جاهز
ام سدن تفضلو كلشي جاهز
كعدنا على السفره وكعدت ام سدن ويانه
ابو سدن لعد وين سدن ليش ماتجي تتغده ويانه
ام سدن بعدها نايمه
ابو سدن ليش ماكعدتيه تتغده ويانه
ام سدن ماتكعد اله ساعه ٣ العصر
جمانه السعيدي
رائد فهمت ساعته ان ابو سدن راد هذا الغده حتى نتعرف اني وسدن والحمد لله فشلت الخطه لا راح اشوفه ولاتشوفني
كملنا غده وابوسدن ترخص كال شويه وارجع
ابو سدن روحي كعدي بنتج بسرعه خلي تجي تسلم على الولد
ام سدن ليش تسلم على شكووووو
ابو سدن روحي نفذي الي اكول على بدون نقاش فهمتي
من يروح الولد اني افهمج
ام سدن صعدت اكعدها وماتقبل تكعد بلكوه شلعته من الفراش
ام سدن اكعدي بابا يريدج ضروري
.....اريد انام نعسانه
....طبعا نعسانه اذا تبقين كاعده للصبح
...شيريد بابا
...ايريدج وخلص بسرعه انزلي
....اف ياربي واحد ماينام بهذا البيت
....انتي ماتشبعين نوم
...نازله يله
...بدلي وانزلي يمنا خطار
...منوووو
.....المهندس رائد
...واني شلي علاقه بلمهندس رائد
...اووو تعبتيني انزلي وخلص
....ولله اله انزل بهذا حالي حتى بابا بعد مايعرفني على ناس ما اريد اتعرف عليهم
رائد كاعدين نسولف بتفاصيل العمل الجديد
ومآ اسمع غير صوت ناعم على نعسان يكووول هلووووو
رفعت راسي جان اشوف وحده لابسه تراك ضيك اصفر
وشعرها سبعين لون واكفه تفرك بعيونها
ابو سدن بابا هاي شنوووو شلون نازله هيج
سدن ولله بعدني نعسانه وانتو جبرتوني انزل بعدين لويش ابدل صاير شي جاينا الوزير مثلا
ابو سدن بابا عيب عدنا ضيوف روحي بدلي وتعاي
سدن ولله ولا ابدل عاجبكم اهلا وسهلا ما عاجبكم
ارجع انام
جمانه السعيدي
ابو سدن ليش تعاندين
سدن طيرتو احلى نومه
رائد اباوع عليه ومستغرب من كمية العناد
بس الصراحه كلش حلوووه رغم لامبدله ولا امشطه شعرها
بس ماحبيت تصرفاتها ابد
تقدمت وكعدت على الكرسي ورفعت رجليها وربعتهن على الكرسي
سدن يله تفضلووو شرايدين مني
ابو سدن اعذرني رائد بعدها نعسانه وماتعرف شكاعد تحجي
رائد لا عادي اصلا ليش كعدتوها من النوم
سدن اهاااا هو الولد ماريد يشوفني اصلا
رائد اترخص اني اريد اروح وباجر نكمل كلامنا
حسيت ابو سدن انحرج كلش بسبب هذا الموقف
اهم شي بلموضوع ابو سدن مافتح الموضوع وياي
طلعت من بيتهم وأبو سدن وصلني للباب واعتذر من تصرف سدن
ابو سدن شبيج بابا تخبلتي موعيب هيج تتصرفين كدام الولد
سدن وشنو يعني اني شسويت بعدين ليش عيب هو ابن خالتي ابن عمي كرايبي اعرفه يعرفني
ابو سدن لا اني انطيتج مجال هواي
هذا الولد الي ماعاجبج احسن مهندس بلشركه
شايل الشركه فوك راسه شيل
حريص على حلالنا انسان محترم
سدن بابا انت ليش تعددلي مواصفاته قابل هو خطيبي
ابو سدن ياريت يصير خطيبج ياريت وين ذاك البخت
سدن شنو شنو شنوووو هذا خطيبي اوووع
ما اريد هيج شكولات
الي ازوجه لازم اني اختاره
ابو سدن اكيد تختارينه تافه مثلج
سدن تافه واحبه احسن من محترم ومآ احبه ابد
ابو سدن باعي سدن اني اريدج تتزوجين رائد
هو هذا الانسان الي يقدرج ويحافظ عليج
سدن ما ازوج اله انسان يعجبني
ام سدن انت تحجي صدك
ابو سدن غير كون يقبل بيه بس اكيد بعد هاي المقابله
راح يشرد حتى من الشركه كله
ام سدن شبيه بنتك ودورله على رجل
ابو سدن عديمة المسوليه موحريصه باجر هذا الخير كله تضيعه برمشة عين
اني مادايم الكم افتهمو اريد انسان يحافظ على هاي الامانه
سدن لاتكول هيج بابا عمرك طويل انشاء الله
ابو سدن اذا تحبيني صدك واني ابوج توافقين تتزوجين رائد
سدن ماعجبني الكلام صعدت الغرفتي فوك
شني ازوج هذا رائد اكبر مني ومبين جدي بكلامه كلش
وجاي على الغده لابس قاط
ياربي اريد واحد فرفوش يلبس كجول يضحكني
يفر بيه العالم ويونسني
هذا المعقد منيين طلعلي
بس هم ما ازوجه لو يبقى بس هو بلدنيا
باجر اروح للشركه وارزله حتى يبتعد عني
امبين جاي طمعان واله اكو واحد يزوج وحده مايعرفه ولاشايفه ابد
جمانه السعيدي
رائد ثاني يوم رحت للشركه اريد اسحب اوراق المشروع
ونتناقش اني وعماد بلتصاميم الي مقدمينه
راح اعرفكم على عماد عماد صديقي جنا ندرس سوا
ومن تعينت بهاي الشركه سحبته وراي
وسحبت زوجته لان هي هم مهندسه
هسه ثنيينهم يشتغلون وياي
واني حيل اعتمد عليهم بكل شي
وصلت للشركه
نزلت من السياره وقفلته واريد امشي جان اسمع صوت وراي يصيح اوكف دقيقه احجي وياك
التفتت جان اشوف سدن واكفه وراي لابسه بنطرون جينز
وقميص بصلي ضيك ورافعه شعرها ولابسه تراجي كبار
والعطر ترس المكان
طالعه تخبل
قررت اخبث عليه واكسر خشمه الي رافعته
سدن اريد احجي وياك
رائد اولا يكولون صباح الخير من فضلك اريد احجي وياك
ثانيا منو حضرتج انتي تشتغلين ويانه بلشركه
سدن ههههه ضحكتني اسمع ابتعد عن طريقي احسن الك
رائد ابتعدت شويه وكتلها تفضلي الطريق كدامج
سدن بطل هاي خفت الدم ولاتسوي نفسك ماتعرفني
اني الي مشغلتك بهاي الشركه واكدر بكلمه وحده اطردك واخليك اجدي
رائد اني اشتغل بشهادتي بمجهودي وانتي الي محتاجه واحد خبره مثلي يمشيلج الشغل مو اني محتاجج
بعدين ليش اجدي الف شركه تتمنى اشتغل بيه
بس الناس التافه الي ترسب بنفس الصف
وماتعرف تتقدم
ولاتعرف تكون انسانه ناحجه هي هاي الخطيه
لان حاله حال المجاديه باقيه ماده ايدها وعايشه على خير ابوها
الي هي بدونه ماتسوه شي
جمانه السعيدي
سدن ممنوع تحجي وياي بهل شكل
وهاي سالفة الخطوبه شيله من راسك اني مستحيل ارتبط بواحد مثلك فهمت
رائد اولا اني ماخاطبج ابد
ثانيا انتي تحلمين واحد مثلي يرتبط بيج
انتي انسانه فاشله
واني اذا ارتبط اريد انسانه ناجحه
درت وجهي ومشيت بعدين التفتت عليها وكلتله لوتبقين اخر وحده بلدنيا ما ارتبط بيج فهمتي
مشيت واني اضحك عليه صدك تافهه وعديمة المسؤليه
سدن تركني ومشه واكفه مثل الجلب اني اللك اذا ما اخلي بابا يطردك ما اكون سدن
دخلت للشركه ورا
رحت المكتب بابا اول ماشافني بابا اتفاجى
....سدن شكووو خير شصاير
....صباح الخير
...صباح النور
....بابا انت تحبني
...اكيد ليش تسئلين
....بابا اطرد رائد من الشركه
...ليش شصار
...بابا ولله يستهزئ بيه وهان كرامتي
...ليش انتي وين شفتي
....هسه شفته باب الشركه
...اكيد طولتي السانج علي
...لا ولامحاجيته حجايه بس انت منطي حجم اكبر منه
ترا المهندسين مالين الدنيا ويكيفون يشتغلون
واكو منهم كفائات وكاعدين من غير شغل
بابا....بس ما كو واحد حريص على شغلنا مثله
صار يشتغل خمس سنوات ويانه وشايل كلشي على راسه شيل
...ولوووو اطرده وخلي يدور شغل ومايلكه
...بس اطرده الف واحد يشغله عنداه بس اني مراح الكه واحد مثله ابد
....بابا شني انت هلكد متمسك بي شني ساحر عليك
...اي ساحر عليه بمصداقيته وامانته شدي حيللج
وادرسي وانجحي واشتغلي بهاي الشركه وديريها مثله واني اطرده
وهسه يله ارجعي للبيت اريد اشتغل ولاتعيدين هذا الكلام ابد
شكرا لزيارتكم عالم روايات سكيرهوم
