رواية جراح قلبي الفصل الثاني بقلم جوهرة
لينا /
فكيت حلكي شبيه هذا عابت يذب قهره بية على أساس ميته عليه عفتهم ورجعت واسمعه يمشي وراي ويدردم بالحجي ركع الجدر عالكاشي / سوون غدا زين
ردتله علا ادلل عيني بس شوي خف من العصبية
ماحجى عافنا وطلع واستلمنا اللحم غسلناه اني وشهد الي بقت تصنف علية لأن كاشخة واشتغل وياهن / هنيالة ايهم شلون مرة معدلة اجته
لينا / اووي شهد لا تجيبين طاريه عابتله شكد مكروه وشايف حالة
سكتت شهد بس بعدها مبتسمه
الغدا تقريبا راح يكمل ماشاء الله ام ملاك كولش معدلة وأم بيت تفر البيت فر وعمة ام حذيفة عايفتلها القيادة بس بالضرورة تدخل وين لاكية هيج جنة صفنت وية روحي اني هم راح اصير جنة عدهم يبووو على حظي ماريده ماريده صح بيت عمي يحبوني واني هم وكولش احترم ولدهم الا ايهم لأن اعرفه يضوج مني من قبل يتعمد يضوجني
الظهر البيت انترس اويلي كلها انجمعت الزلم بالمضيف والنسوان بالبيت صارت تجمعات كلمن وجماعتها بالغرف اني ماحب اختلط هواي مرات اندمج وياهن بقيت بالمطبخ اجت صفا كعدت وعينها عالباب المطبخ والكراج كاشخه اقوى شي مدري شتحس عبالك رايحه حفله طبعا اني اعرفها ذابحه نفسها على صعب وهو ممعبرها خرب حظي حظي هسة حبي ايهم جان خلصتني منه والله مالكيتي غير صعب شكد مأخذ من اسمه يمكن عمو عبدالله ظلمه يوم السماه صعب حيل متعب مايعجبه العجب
وبيت عمو نهائي ممفكرين يزوجون صفا لصعب يمكن يخافون ردة فعله ميقبل أحد يحجي وياه بطاري الزواج اصلا بيت الناصر كلهم يعرفون طبعه بس هاي عوبة مدري شتحس معذبة نفسها ومحد معبرها
بس والله حلوة وكشاخه يلة يجوز ماعدها حظ هاي بالحب
كامت طلعت بالباب وعيني عليها شيطانه لمحت صعب دخل للبيت لاكاها بالباب سلم عليها جان لابس بنطرون اسود وقميص لونه كريمي والعطر والساعه بيده والله صعب فد شي بس لو يفك عكدة هالحاجب
صعب / شلونج صفا
صفا / هلو صعب هلو عيني عيدك مبارك
صعب / عيدج مبارك
عافها ودخل وردت وراه / يوم النشوفك عريس
وكف والتفت عليها اني خنست بمكاني عزا شكد صايرة جريئة ..
وبصوت نبرته حاده رد عليها / تحلمين
عافه ودخل صعب لغرفته
رجعت وكعدت عالقنفة وعينها عالصالة مبينه ضاجت لأن ما اهتملها
شوي وطلع بيده موبايل يخابر وبيده الثانية دشداشة لون جوكليتي سده والتفت علية ..
صعب / ليونة حبابة تعاي اكوي دشداشتي
كمت اخذتها / ادلل هسة اعدلها
صفا / جيبها اني اكويها لينا يجوز متعرف تكوي زين
صعب /؛ لينا وردة كولشي تعرف
عيونها رادت تطلع من خزرها صعب وطلع برا
رحت لغرفة عمو عبدالله اخذت الاوتي وعلكتها بتعلاكه عالباب الكنتور وبديت اكويها
حلو هذا الاوتي سهل وعالبخار يكوي بسهولة
اجت وراية وبعصبية / شدعوه شايل خشمه فوك ما اريد اساعده
لينا / هذا طبعه وانتي تعرفيه
صفا / اكولج لينا هم سمعتي شي منا مناك
لينا / شنو مافهمت
صفا /؛قصدت خبر عن صعب هو دوم يمكم أبيت عمة ايمان يعني عمتي ماتحجي وياه بموضوع الزواج
لينا / يمعودة قافل عالسالفة ولا على باله حتى عمة ايمان متحجي وياه بهيج شي
اخذت الدشداشه اريد اطلع صار صعب بوجهي اخذها ودخل لغرفة أهله / مشكورة خيتي تعبتج
لينا / ادلل
عفته ورحت يم النسوان بالاستقبال كاعدات
صعب /
دخلت اريد البس دشداشتي لينا كوتها والله حبابة وردة وهادئة مدري ايهم ليش يضوج منها
هاي ثالث مرة أبدل اليوم الصبح توصخت من قسمت اللحم وغيرتها ابنطرون وقميص ضجت منهن كلت أبدل دشداشة دخلت البيت لاكتني صفا سلمت علية عايدتني ادري بيها تفتر وراي عبالها بهيج شي راح التفت عليها صح حلوة وشهادة وبنت عمي واخت اعز صديق الي معتصم الي علاقتي بي غير شكل صداقه قوية يمكن اكثر واحد من ولد عمامي احبه واريد خاطره بس مو على بالي افكر بصفا واني اصلا ماحب طاري زواج ونسوان الكل يعرفون هالشي بس هي مدري شبيها تتصرف مرات بدون وعي عوبة واني ماحب المرة ألعوبة اصلا ماحب شي منهن بطلت من النسوان
لينا / ادلل
عفته ورحت يم النسوان بالاستقبال كاعدات
من دخلت شفتها كبالي عينها علية مبتسمه رأسا حجت / حلو طالع والله ليش تريد تغير
عضيت شفتي بقوة / اكول امشي اطلعي من الغرفة لا أبتلي بيج
من دخلت شفتها كبالي عينها علية مبتسمه رأسا حجت / حلو طالع والله ليش تريد تغير
تقربت علية / شبيك عصبي مجرد انطيت رأيي
خزرتها واني احس ناوية على شي / اطلعي بسرعه
بقت واكفه عينها بعيني ماتحملت وجودها وحدنا بالغرفة والبيت مليان هاي شتريد تسوي صدك ماكو عقل سحبتها من جتفها ودفعتها برا وقفلت الباب
راحت صفا كعدت يم النسوان ضايجه علا شاورتها / ترى عيني عليج من دخلتي غرفة عمي يمعودة اثكلي والله صعب ممفكر بالزواج ولج قافل من الرئيسي
صفا / علا احبه اموت عليه انوب من أشوفه هيج رزانة وثكل اتعلق بي أكثر
كرصتها علا بزندها / خرب حظي اكلها اثكلي اتكول اتعلق أكثر
صفا / اييي عابت زرفتي أيدي
سكتت علا لأن العين عليهن اختها وتعرفها صارلها سنين تحبه وهو ميفكر بيها حتى اضطرت تحجي وية حذيفة حتى يقنعه يتزوجها انوب رزلها وحذرها تفتح الموضوع وكال هي وين رايحه عنه قابل ميشوفها
وهو ميريد يتزوج
ورى الغدا الجان خيرات الله حجي عبدالله فتح موضوع زواج ايهم ولينا
حجي عبدالله ياجماعه الخير احنا اهل وعمام بيناتنا والكل عدكم علم اريد ازوج بنيتنا بنت المرحوم علي لابني ايهم خل نقرا الفاتحه مادام مجتمعين على خير وعلى بركة الله والخميس نعقدلهم أن شاء الله
قروا الفاتحه والكل تبارك لأيهم الي بقى على كعدته أبوه فاجئه
بالبيت الهلاهل والكل تهني الوحيدة لينا مافرحانه
جنت كاعدة بصف عمة ايمان وجاي اخابر خالو عمر دك علية يعايدني وما اسمع الا صوت الهلاهل سألني شكو كتله بعدين اخابرك سديته واني عقلي طار عرفت هاي هلاهل خطبتي يباركلي ويبوسن بية واني جامده بمكاني ودكات گلبي زادت دخلو عمامي يباركولي بس ولدهم بالمضيف ما دخلو
وكفت اسلم على عمو عبدالله وجهي لونه مخطوف باسني من راسي / بالمبارك بنيتي
رديت بصوت كوة ينسمع عمو صالح حظني
/ بنيتنا كبرت وصارت عروس مبارك يابة
لينا / لله يباركلك عمو
عافونا وطلعو واني شاورت عمة ايمان حتى نروح
صفا / خرب حظي هاي لينا اصغر مني وقرو فاتحتها
علا / شبيج حاسدتها يتيمة ترى مو برضاتها هالزواج هذا
صفا / من هيج عمو عبدالله حجايته متوكع بالكاع لعد ميقنع صعب عالزواج لو هذا حظي يسد الحلوك !!!!
علا /
اروح اشوف وليداتي انتي ادوخيني بسوالفج
كامت علا وبقت صفا كاعدة حاطة رجل على رجل وعيونها على لينا تشوفهم شلون فرحانين بيها اخر شي كامت باركتلها واشرت لأمها حتى يرحون
صفا / يمه خل نروح
ام معتصم / بعد وكت شعندج بالبيت
صفا / لعد خل واحد من الولد يوصلني
صفا / يمه خل نروح
ام معتصم / محد فارغ اكعدي واسكتي
طلعت من الاستقبال رحت للمطبخ جانو اياد وزوجته وصعب واكف يم البراد يشرب مي
صفا / عفية اريد واحد يوصلني للبيت لأن تعبانة شوية
عيني على صعب واحجي مارد علية طلع راح للمضيف اااخ مدري ليش الحظ ميكعد وياي
انتبهت لصوت شهد / خل اياد يوصلج لأن راح يطلع بشغلة ويرجع
اياد / يلة خيتي تحضري ترحين وحدج لو عمتي ام معتصم وياج
صفا / هااا اي اروح اصيحها
صعب /
رجعت للمضيف افكر بتصرفات صفا تريدني اوصلها للبيت بنت عمي متفوت فرصة إذا ما تستغلها
كعدت واني صافن دغني معتصم برجله جان منتجي عالقنفه بسدي / شبيك وين وصلت
صفا / هااا اي اروح اصيحها
صعب / هههه يمك هنا
معتصم / خوش لعد صدك خل نسوي طلعة للصيد عكب باجر
صعب / اي والله محتاج اطلع
معتصم / حضر امورك نروح بسيارتي امر عليك الفجر
صعب / اي وأبو ملاك هم يروح وشوف بعد منو حاب يجي ويانة
معتصم /
هااا شتكولون عكبة نطلع صيد
رفع صوته بالمضيف وكلهم ايدو وقبلوا يرحون واتفقوا يطلعون ثلث سيارات
ـــــــــــــــــــ
لينا /
فتحت الكنتور ضميت فلوس العيدية لحد الآن عمامي يذكروني بالعيد حالي حال الجهال رغم اعترض شنو اني كبرت بس عمو عبدالله ميقبل هو وعمو صالح حتى معتصم وحذيفة وصعب ينطوني
بدلت لبست تراك برمودا لأن بس اني وعمة ايمان بالبيت فأخذ راحتي ومن يجي صعب البس دشداشة استحي يشوفني بالبرمودا لو تراك بس مرة وحدة لمحني هاي العام بداية الصيف ورزلني شكد استحيت بوكتها بقيت اسبوعين ما اطلع من يجينا
نزلت من غرفتي اريد اطلع عصير بارد اندكت الباب وعمة ايمان صاحت تعال عيني ليش تعبت نفسك واجيت
دخل للمطبخ واني صرت بموقف محرج عينه علية حسيته جردني من كولشي عزا بعينك اي والله شلون جريء رغم عمة واكفه بصفه
انتبهت عمتي / لينا روحي جيبي حجابي من الغرفة
ركضت لغرفتي ميته خجل اول مرة ايهم يشوفني بهيج لبس رغم صعب شكد استحي منه بوكتها ماصار بية مثل هسة ما ادري احس نظراته غير شكل
ايهم /
ذبيت علاكه اللحم عالميز حصتهم من الاضحية جانت عمتي مماخذتها وامي دزتها طلعت عمتي صاحت وراية ارجع كاتلها عندي شغل
ركضت لغرفتي ميته خجل اول مرة ايهم يشوفني بهيج لبس رغم صعب شكد استحي منه بوكتها ماصار بية مثل هسة ما ادري احس نظراته غير شكل
جذب ماريد ابقى ماريد اشوف لينا لخاطر الله شلون عليها جسم وبياض وانوب تفتر براحتها بالبيت لو اكضها الا اكفخها على هذا اللبس
عكدت حاجبي من تذكرت صعب دوم يمرلهم للبيت بس لا هيج تطلع جدامة بالقرآن اذبحها
رجعت من وصلت لباب الحوش رجعت صحت عمتي
ايهم / عمة ايمان عمممة
ايمان / هاي عيوني ليش تصيح
اشرتلها بيدي / هاي من يجي صعب هيج تلبس جدامه
ايمان / لا عيوني اصلا تستحي البنية دومها دشداشة بس هسة لأن وحدنا تدري محد راح يمرلنا
بعدين شدعوه هيج تغار قبل ساعات انقرت فاتحتكم
ايهم طبك حاجبه /؛مو قصة غيرة شعندي وياها لا احبها ولا اطيقها بس تبقى عرضي هاي
ايمان / اييي صدكتك
ايهم / يلة فيمالله
ايهم طبك حاجبه /؛مو قصة غيرة شعندي وياها لا احبها ولا اطيقها بس تبقى عرضي هاي
ايمان / الله وياك وليدي
