رواية مريم الفصل الثاني بقلم جمانه السعيدي
كانت الايام تمر متشابه حيل وماكو اي جديد
الان اجا يوم اجت صديقة سميه زوجت بابا البيتنا
هاي صديقتها دائما تجينا
تفرح بيها سميه وتحير شتقدملها
كعدن تقريبا ساعه ونص او اكثر
من طلعت صديقتها اني بلمطبخ كاعده اعجن كباب للعشى
جان تكووول بعد شتريدين اجا عريس زنكين حيل
اني مادرت بال بيقت بشغلي
اجا بابا وكعدنا نتعشى بس خلصنا شرب جاي
اخذته سميه ودخلت للغرفه
اني نضفت المطبخ وكعدت اباوع تلفزيون
جمانه السعيدي
سميه اليوم خوش اجت قسمه المريم
...يالله منووووو
...واحد دلال مال بيوت وشبعان حيل وزنكين
....اي منو ابن منوووو
...هو شويه اكبر منها
...ميخالف الرجال ما يعيبه عمرا ابد
....لا طبعا الرجال مو بعمره اصلا الرجال ما يكبر ابد
المره تكبر بسرعه
...منوووو احجي
...حجي حسن
...شنو حجي حسن
...حجي حسن دلال البيوت
...حجي حسن عليوي الدلال
...اي
...وللج هذا اكبر مني شلون انطي مريم
...شبي فلوس واملاك قابل مريم شتريد تاخذ شاب فكر
وضل حسره عليها الفلس
....بس هذا رجال جبير ومزوج وولده اكبر من مريم
....لا شدعوه موهيج القصه
بعدين زوجته ميته وهسه بس يشوف مريم اكيد راح
يسجل كلشي باسمها
مريم حلوه وزغيره
....لا والف لا مريم ما تزوج هذا وللج اكبر مني
هذا جدها يصير
....شدعوه هلكد كبرته رجال بلخمسين بعدين هو الجبير
الزين يدللها ويراعيها
احسن ماتاخذ زعطوط يومين وحبلت وشمرها علينا
هي الشباب وينها
كله هجت برا العراق جمانه السعيدي
ضلو بس التعبانيين لا اضيع هاي الفرصه ابد
...لا يعني لا شني شامرها على رجال جبير ومضيع عمرها قابل بيتي مابي خبز
بابا ساعته قفل ما قبل ابد بهاي الزواجه
ثاني يوم خابرت صديقتها
اني ما سمعت بس كلمة ابوها ماقبل ابد
وبعد التهيت انضف ومآ ركزت حيل بلكلام
للعصر اجت صديقتها مره ثانيه
هي مو من عوايدها تجينا يوم على يوم تجينا بلاسبوع مره
اي دخلن للصاله وبدن يحجن اثنيينهن
اني رحت خدرت جاي وجبت ماي
من دخلت صديقتها انطته شي بايدها وهي ضمته بسرعه
اني ماشفته ابد بس جان جيس زغير
اني كملت طبخ الغدا واكفه على التمن اريد اكمله
سمعت صديقتها طلعت وتكله مثل ما وصيتج
وصلت صديقتها للباب ورجعت
كالت شكاعده تسوين كتله اريد اكمل التمن
عافتني وراحت للغرفه
بابا يجي من الشغل بلثنين مرات بلثنتين وربع ونص
حسب عمله يوميه هي اجهز الحمام واني اجهز الغدا
هلمره اجت وكالت روحي انتي جهزي الحمام واني احضر الاكل
رحت للحمام خليت تراك بابا والخاولي ورجعت اجيب صابونه لان مالكيت صابونه بلحمام
جان اشوف بيدها شي وخلت منه على الاكل
اني ما انتبهت كلت ايجوز زودت ملح او شي ثاني
كملت ولكيتها تصب بلاكل
راحت واني اجيت اخلي القوري على النار
شفت جيس زغير واكع بلكاع
شلته بي ريحه موطيبه راسا شمرته بلحاويه
اكل بابا واني جبتله الجاي
ونام واني رحت كعدت على التلفزيون شويه وبعدين اروح احضر العشى
للمغرب كعد بابا وجان باين علي كلش ضايج حتى ما قبل يتعشى
هي راحت كعدت يمه وكامت تحجي ويااا
وصاحت مريم عشي خوانج اني هسه اجي
كعدنا نتعشى اني وياهم وشلت حصتها وحصت بابا
شلت الصينيه وكمت جان يطلع بابا من الغرفه
وصاح مريم تعاي اريدج بموضوع مهم
خليت الصينيه بلمطبخ ورحت لكيته كاعد على الجربايه وهي كاعده بصفه جمانه السعيدي
مريم نعم بابا
...بابا اجا عريس واني قبلت بي حضري نفسج باجر
يجي يشوفج
...اني دنكت وطلعت لان مافاهمه القصه شنوووو
يعني لا بابا ولا سميه أنطوني معلومات عنه
عريس وكبل
العصر خابرت صديقتها واتفقن بليل يجي يشوفني
بليل لبست فستان ماروني مخصر وربطت شعري ذيل حصان
وخليت شويه معطر وهاي هي
الجهال صاحووو اجا اجا
هي لبست عبايته وكالت يله تعاي شيلي صينية العصير خل ندخل اني وياج
هي دخلت كبلي واني دخلت وراها بدون ما ارفع غيني خليت العصير وكعدت
بدووو يحجون هو وبابا عن البيوت واسعارهن
وشلون البناء غالي الي يشتري بيت جاهز احسن اله وارخص
كل هذا واني ركبتي انكسرت لان مدنكه
ومآ اسمع بس فر السبحه مالته
بعدين كال
...حجي حسن اني ممنون منكم وإنشاء الله ما اخلي عليها قصور ابد اخليها بعيوني
سميه كرصتني وكامت واني كمت وراها
بدون ما اشوفه ابد بس صوته مبين مو صوت شاب صوت رجال جبير
ثاني يوم اجت صديقة سميه من الصبح
باستني وكالت مبروك
ودخلن للصاله اثنيينهن هلمره قررت اسمعها شيكولن
كان الفضول يدفعني اسمعهن
اريد اعرف تفاصيل أكثر عن خطيبي
شغلت التلفزيون وخليت اللعاب للجهال وجيت وكفت ورا الباب
سميه وللج هذا شنو من عمل مفعوله سحري نام وكعد
وكال احجيلي عن حجي حسن شكال
وكبل كال موافق حتى البنيه ساكته وماحجت اي شي
...اي عيوني لعد شنو اني اللعب
سميه انتي كلتي ينطيني مليون اذا وافقت علي مريم
...اي ولله ينطيج يمعوده شنو مليون انتي شايفه الخير الي عندا
عود وصي مريم تسحب فلوسه واجيب الكم مو تصير فاهيه
سميه على طاري مريم همزين راح اخلص منها وللج كل الي يجينا وكال هاي حلوه على امها
وبناتج مو حلوات شبيهن بناتي جنهن ورد
بس هي الدنيا حضوظ
همزين راح اخلص منها ولو فايدتني شايله البيت كله
واني كلشي ما اسوي
اني جنت دائما اكول خاف تزوج شاب حلوووو
وبناتي ينقهرن محد يخطبهن
خليها تأخذ الشايب وتشبع ضيم
هو يريدها خدامه وممرضه اله
تستاهل مريم خلي عمرها يخلص ويه هذا الشايب
اكلج صدك هو شكد عمره
جمانه السعيدي
...ستين سنه
سميه اني زغرته وكلت الابوها خمسين
بس هو البارحه صابغ شعره وشواربه ومعدل روحه
انتي ما شفتي شلون يباوع عليها اكلها اكل بعيونه
وهي عود لامكياج ولاحفافه
...الله يتمم بخير
...بس موتنسين فلوسي يوصلني قبل العقد ترا ولله اخربها
...اكيد اليوم العصر اجيبهن
سميه وانتي شكد عمولتج
...لا ما اكول تحسديني يولي
اني وكفت مثل الصنم من الي سمعته
مسويات سحر البابا حتى يقبل و يردن يذبني للشايب
علمود الفلوس الله يلعنجن
قررت بس يجي بابا احجيله كلشي
شني ازوج واحد عمره ستين سنه
شمالني مخبله
رحت كعدت يم الجهال وسويت نفسي كلشي ما اعرف
بقيت انتضر بابا لمن اجا جان كلش عصبي
وهي لازكتله وماتقبل تعوفه
دخلت عليهم للغرفه لكيته تفرج برجليه
مريم باب اريد احجي وياك
...كولي شكووو
...اني ما اريد ازوج
...شنو ماتردين تتزوجين هو لعب
...بابا ولله جبير عمره ستين سنه واني هسه ١٧
شنو ذنبي ازوج واحد بكد عمري ٣ مرات ونص
عدل كعدته وكال
وهسه انتي شنو مذكره بعد اني انطيت للرجال كلمه
ومآ ارجع بيها ابد
...بس اني ما اريد ازوج
...انتي بكيفج ما تتزوجين هو لعب روحي بابا روحي
وحضري نفسج باجر بليل العقد
...بابا ترا سميه خلتلك سحر بلاكل حتى توافق لان
انطوها مليون حتى تقنعك
سميه روحي لابارك الله بيج هي هاي مجازاتي
لان صرتلج ام واحبج واخاف عليج تالي هيج تتهميني اتهام
ليش يمه ليش هيج تكولين
التفتت على ابوي وكالت تقبل بنتك هيج تكول عليه
راسا بابا وكف وضربني راشدي وكال هاي لان اني ما عرفت اربيج ابد
شلون تكولين هيج على ام شهد
ولي يله من كدامي وباجر العقد ومآ اريد اي كلام زايد
جمانه السعيدي
رحت للغرفه ابجي انهزمت لان بابا ضربني ولان كام مايشوفني بعينه
الله لايوفقج سميه
الله ياخذ حوبتي منج
تمددت ودموعي تنزل
ليش هيج ليش يمه عفتيني محد اليه ومحد يسمعني
بعدج صرت خدامه
وهسه يردون يزوجوني واحد شايب اني بعدني زغيره ليش عفتيني يمه فدوه تعاي وشوفي حالي بعدج حتى بابا تغير عليه
وين اروح والمن انطي وجهي
