رواية مريم الفصل الثالث بقلم جمانه السعيدي
هلكد ما بجيت نمت وما ادري بروحي الصبح كعدتني سميه الصبح اكعدي مريم اكعدي
اليوم عدنا شغل هواي وانتي لهسه نايمه فتحت عيون وباوعت للساعه بلسبعه و٤٥ دقيقه كمت على حيلي
سميه يلله تريكي بسرعه وخل انظف لكيته مخدره الجاي صبيت جاي وسويت لفة جبن اكلت وهي كالت يلاه بسرعه
بدينا نغسل بلبيت ونلمع بغراض
ونرتب بعدين اني رحت سبحت وهي حضرت الغدا
بس تغدينا اخذتني للصالون طبعا لكينا صديقتها منتضرتنا هناك
#جمانه السعيدي
ام الصالون بلشت حفتلي وكصت شعري ورتبته
ومكياج واتفقن قبل العرس الصبغ والميش
جابولي فستان اوف وايت قصير وبي شغل كلش حلوووو
كاعده تمكيج بيه ام الصالون وشفت بلمرايه صديقت سميه طلعت فلوس وانطتها لان هن كاعدات وراي
رجعنا للبيت لكينا بابا مخبوص خبص
كال ليش اتاخرتو الجماعه علة وصول
كعدنا عشر دقايق وراها اجو الزلم
وياهم نسوان ثنيين كبار بلعمر عرفت ذني اخته وزوجت اخووووو
بدا يعقدلي الشيخ واني احس بلموت معقوله اني راح اصير زوجت واحد شايب
شلون راح اعيش وياااا
شلون حياتي راح تكون خايفه ومآ اعرف مصيري شنووو
ماحسيت غير سميه تندس بيه
انتبهت الشيخ جاي يكررر
قولي نعم وانت وكيلي
كلت وطلع صوتي مبحوح وموواضح ابد
كال الشيخ عيدي
عدت مره ثانيه واني احس الكلمه تطلع من حلكي مره حيل
#جمانه السعيدي
هلهلت سميه والنسوان باركلي واني راسا دموعي نزل
حسيت نفسي مهضومه
واريد امي اي اريد امي بهاي اللحظه هي بس الي تفهمني
كعدن شويه وكالو عقدو للحجي
بعدين اخته طلعت مبلغ فلوس من جوه العبايه وانطته
السميه كالت جهزيها واشتريلها ذهب
بقن كاعدات شويه وبعدين كلهم طلعوووو
اني رحت بدلت وتمددت وتغطيت
سميه ليش نايمه عيوني منو يسوي عشى
اني بقيت ساكته
عافتني وطلعت سوت عشى وكعدو كلهم اتعشوا
واني الف حسبه ابالي خايفه اي حيل خايفه
ما اعرف شلون راح اعيش ويه هذا الرجال
وشنو تفاصيل حياتي الجديده
قصصmyhopes
ثاني يوم سميه الصبح كعدتني وكالت اكعدي نضفي وسوي غدا واني رايحه اشتري الذهب والنيشان
اني هم كعدت نضفت وخليت الجدر على النار
الساعه ١٢ الضهر يله رجعت
انطتني علاليك ٣ مالات ملابس وعلبه ذهب
الذهب عباره عن حلقه وتراجي وكلاده وكلهن خفيفات
والملابس من كلشي اثنيين
اثنيين ملابس داخليه اثنيين ستيان اثنيين دشاديش
اثنيين نفانيف اثنيين شال ومعطر ومكياج
وشحاطه وحذاء
كل هاي الحسبه ويه الذهب ماتوصل ٣مليون
وهم عرفت بعدين منطينها عشره ملايين مهر
الباقي طبعا كوشت علي ست سميه
#جمانه السعيدي
اني ما جنت اعرف بالذهب لو الفلوس وابوي عليك يالله
ومسلمين كلشي بايدها
حددو موعد العرس قبل يومين دز حجي حسن اخته خوما محتاجين شي
سميه اي عيوني خل يدز فلوس الصالون ترا الفلوس خلصن
الصالون كان بوكتها ويه البدله ٣٠٠ هي طلبت ٥٠٠
وراحت تتعامل ويه ابو البدله والصالون وصلتهم ٢٥٠
والباقي بجيبها
رحت للصالون صبغن شعري وميشت
سميه ما قبلت نسوي حنه كالت كبل عرس بيتنا زغيروننخبص خبص
بيوم العرس كعدتني من الصبح كال خل انضف بلاول وبعدين نروح للصالون بلشت بالتنظيف من السبعه الصبح للعشره ماخلت شي ماكالت اغسلي بلعشره دخلت سبحت ورحت للصالون
بدت ام الصالون تتفن بالمكياج والتسريحه ولون شعري طلع يخبل ولايك حيل على بشرتي
كملت ام الصالون والكاعدات ضلن صافنات عليه
وحده تكول للثاني يمته يجي زوجها ونشوفه حلو مثلها
بقيت كاعده وأم الصالون اخذتلي كم صوره كالت دعايه للصالون حتى الزباين يشوفوهن
كعدنا تقريبا نص ساعه واجن اخته وزوجت اخو كالن يلله
ام الصالون لعد وين زوجها غير يجي هو باخذها
...زوجها مشغول يلله عيوني كومي
حجي حسن جان خايف يجي ويسمع كلمه على فارق العمر بينا
كمت وهنا يجرن بيه طلعني برا جان اكو سياره واكفه
صعدنا
اني متوقعه يرجعوني البيت اهلي وبعدين تجي الزفه حالي حال البنات
بس همه لا طلعوني كبل البيت حجي حسن
تخيلو سياره وحده بيها اني وسميه واخته وزوجت اخووو
وصلنا جان اكو محلات وبصفهن باب
طبكن السياره قريب الباب ونزلني واني الكب فوك راسي وكلشي ما اشوف
طلع هذا بيت حجي حسن بيت جبير على الشارع
بي اربع محلات بلوجه وكلهن اماجرهن
وبي مشتمل اماجره
المحلات اول محل بصف الباب مضمد والثاني حلاق
والثالث صيانة موبايل والرابع حلويات
واجهة البيت كشخه حيل
على العموم دخلنا جوه البيت جان كلش حلوووو
مطبخ حديث والصاله تخبل
وغرفت النوم اوف وايت تركيه
كعدني بغرفة النوم وكامن يسولفن يمي
شويه صاحو اجا حجي حسن
اني الهاي اللحضه ما شايفه وجه ابد
جمانه السعيدي
دخل وسلم وهنا كامن سلمن علي وباركله
طلعن وصاح حضرن العشى
سلم عليه واني رجليه كامن يطكن وحده بوحده
والعرك يصب امسح بي ويرجع
وبطني كامت ترجف
ابد ما اعرف كلشي عن العرس
ولا احد علمني ابد
واني خايفه منه لان جبير يعني مو شاب واتفاهم ويااا
باسني براسي وكال اكعدي اخذي راحتج
جان لابس قاط اسود وقميص ابيض
من راح يبدل يم الكنتور باوعت بلمرايه مال الميز جانت عاكسه صورته كدامي
رجال جبير صحيح صابغ بس مبين على الكبر
طوله تقرببا ١٧٠ جسمه تارس عندا كرش
يتنفس بصوت عالي اعتقد يدخن
لبس الدشداشه البيضه واجاني كال
...تبديلن
...اني سكتت
...لاتستحين مني والو اني ما اعرف مالاعيب الشباب
ولا اعرف شلون يفتحون البدله
راح اطلع وانتي اخذي راحتج بدلي على كيفج
طلع برا راسا دخلت سميه
سميه هاااا وللج معزايه شو بعدج بلبدله ليش ما نزعتي
مريم ما اكدر افتحها وحدي
....غير تخلينه هو يفتح السحابه وتنزعين
...استحي
...منيين تستحين غير رجلج
...حتلو رجلي هاي اول مره اشوفه
...دكومي اني ابدلج جمانه السعيدي
كمت وهي فتحت السحابه ونزعتني وطلعت سيت ابيض ولبستني جنت كلش مستحيه
السيت شفاف لبست الروب وكعدت
مريم هذا اللبس حليل خفيف يصير اتغطى
سميه شلون تتغطين ما يصير
بقت سميه كاعده يمي وترتب بلكنتور وتسولف عليه
سميه شيكول الحجي كولي صار وتدلل وأخذي بلسانج
ترا هو محروم ومكيف بيج
اي شي راح تطلبينه تلكينه كدامج
حاولي ترخين نفسج ولاتتشنجين من يقرب عليج
بعد هو هذا زوجج وحلاللج
الساعه ١١ بليل دخل الحجي للغرفه وصاح ام علي على اخته جيبي العشى
اجت اخته خلت الصينيه بلكاع وطلعت هي وسميه
سميه مبروك حجي بلخيرررر اني رابحه للبيت وباجر اجيكم
ام علي اني هم رايحه الاهلي وباجر اجيكم
راح وراهن للباب وصلهن وسد الباب ورجع
اسمعه يسد بلبيان ويقفل بيهن
خفت حسيت نفسي بسجن ومراح اكدر اطلع
ويه صوت كل باب ينسد كلبي ينعصر عصر
رجع للغرفه
حجي حسن يله بويه خل نتعشى
مريم ما اشتهي ما اريد
الحجي شلون ما تردين تعاي اكلي وياي ترا اني كلش جوعان
مريم ما اريد
الحجي لا مايصير اكلي وياي حتى تسويلي واهس
مريم كمت كعدت كباله
وهو كام ياكل ياكل بشراهه عبالك صار قرن ما ماكل
ومن ياكل يطلع صوت بلاكل
وصوت النفس عالي حيل
كام يجيب ويخلي كدامي كباب ودجاج ومقبلات
اخذت شويه كباب وخليت بحلكي
وهو ياكل بسرعه وصوت الاكل خبلني
كمت اغسل كال وياج جاي كون ثخين
رحت للمطبخ لكيت القوري خليت بي ماي وخليته على النار
صاح بصوت عالي تعاي شيلي الاكل
رجعت وشلت الصينيه من كدامه وهو كام يغسل
خليت باقي الاكل بلثلاجه
وكملت الجاي
رجعت لكيته يدخن والغرفه متروسه ريحة جكاير
كمت اكح وهو ولا يمه
طلعت معطر ورشيت
رجعت جبت الجاي وصبيتله
بدا يشرب جاي بصوت ومن يرجع الاستكان يضربه حيل بلصحن ويطلع صوت
ومن يخوط الجاي بصوت عالي
حسيت نفسي اريد اشرد
شنو هاي التصرفات المزعجه ياربي
الصبر منك يا الاهي
شكرا لزيارتكم عالم روايات سكيرهوم
