رواية قتل عروس الفصل الثاني بقلم جمانه السعيدي
ليلى...من انتقلنا اني جنت مخلصه خامس ابتدائي
طبعا بس وصلنا للولايه اني لبست عبايه وبوشيه
ونمنعت من الطلعه
حتى مدرسه ماكوووو
هلمره ابوي كان هو صاحب هاي الفكره
يكول اخاف عليج من الناس قبل هناك بلريف نعرف الناس كلها
بس هنا شنعرف من هاي الناس
مو بيت حجيم طول النهار بلبيت
احاول اشغل نفسي بكلشي بس بدون فايده
الحد ماامي تعرفت على وحده من الجيران اجيب قماش
قصاصات بعدين تكصه على شكل اشرطه
ويحوكونه بسط بساط قبل الناس تكعد كله على بساط
يسمونه بساط خرك يعني بساط قماش
مثل المدات الي حاليا يفرشونها بلبيوت
بس كانت البسط اغلب العوائل يشتغلوها بلبيت
لان شغلها بسيط
المصرين استغلو ضروف العراق وبدو يجون يشتغلون بلعراق هذا ا لحجي بأيام حرب ايران
من اجو للعراق جابو وياهم مكينة حياكه تنصب داخل البيوت اسمها (جومه)
عباره عن عمد تثبت بلكاع ويخلون ببها خيوط ضعيفه
ويحوكون البسط
اكو بسط من خيوط واكو من قصاصات القماش
جيرانه كانت اجيب قماش كميات جبيره
حتى يحوكونه بلبيت بسط ويبيعو
هذا كان مصدر المعيشه بلنسبه الهم
كانت محتاجه احد يحول هذا القماش إلى شرايط سهله بلحياكه
طبعا هي حجت كدام امي
...اني محتاجه احد يقصص القماش
امي...اي بنتي كاعده تساعدج
...اي انطيها القماش والفلوس على الوزن الكيلو بربع
امي اجت عرضت عليه الفكره
اني راسا وافقت اني مايهمني للفلوس اريد شي اشغل بي وقتي جمانه السعيدي
ليلى.... اني حتى التهي امي اجيبلي قماش للبيت اقصصه
شرايط بعدين احوله إلى كور حتى يصير سهل
بلحياكه
طبعا هذا شغلي على الوزن يعني بعد ماقصص القماش على شكل شرايط
هي تاخذه توزنه وتنطيني أجره على الوزن
كنت اتسلى واحصل فلوس
لان اني ممنوعه من الطلعه نهائيا
اذا احتاج اي شي امي تروح اجيبلي اني حتى الشارع ما شايفته
حميد بهاي الفتره طلب زواج
ابوي خطب بت عمي من الريف
طبعا بيت عمي ماطلبو منا اي شي جهزوها واخذوها
جانت ضروف حصار وكلشي غالي والفلوس قليله
بس اشترينا غرفة نوم مستعمله وكم مندر ومخده
وانطيناها الف دينار تشتري ملابس وذهب
طبعا بهذا الوقت الحكومه كامت تطبع فلوس
بسبب الحصار القيمه الماليه للفلوس نزلت حيل
المهم هذا العرس جان تلزيك الصراحه بيت عمي
ما صدكو يخلصون من بتهم
هذا وضع اغلب الناس بذاك الوقت
اول واحد يتقدم للبنيه تزوج حتلو زغيره
بس يردون يخلصون منها
اني من ازوج حميد فرحت راح تجي وحده وياي بلبيت
نسولف اني وياها ابدال مامكابله الحياطين كل الوقت
بس بت عمي مو مثلي لا دارسه ولا ذكيه
الصراحه احسها غبيه ما تفهم عليه بسرعه
طريقتها بالحجي وتصرفاته ثكيله
اعيد الكلام اكثر من مره يله تفهم عليه
يله اني شعليه المهم حميد مقتنع بيها
حميد عصبي ما ينحمل يمكن لو وحده شويه السان
جان طردها من ثاني يوم
المهم هو وياها متوالمين
سنه ٩٥ مات ابوي فجئه الصبح كعد تعبان كلش
للعشره وكع أخذا حميد للمستشفى بس بدون فايده
خلاص مات ابوي
مات الحنيبن كنت احس نفسي مسنوده على جبل
محد يكدر يقرب عليه
انهاريت فد مره ليل نهار ابجي ابد ما متوقعه ابوي يموت بيوم من الايام ويتركني وحدي
تغيرت ضعفت حيل ومالي خلك الاي شي
هاي الفاتحه فتحت عليه باب الخطاب
اني طول سنتين بلولايه ماطالعه ومحد شايفني ابد
بس الجوارين من اجن للفاتحه وشافني
الكل يسئل هاي منو النوب لبست اسود
واللطم صرت حمره
النسوان تخبلن عليه وخاصه من شافن خواتي
وبنات عمي اني شكلي يختلف عنهن
مجرد خلصت الأربعين بدن الجوارين يجن يحجن ويااا امي
الولايه طريقتهم تختلف عنا
احنا بلريف حزنا ثكيل حيل
امي تصير عصبيه خاله وينا وين العرس
بعدها فاتحة السيد منصوبه
مايمر اسبوع اذا ماتجي وحده تخطبني
امي راسا ترفض
قبل الي عنده ميت يحزن سبع سنوات
يلبس اسود وخاصه النسوان
سبع سنوات يلبسن اسود ماكو طلعه وماكو عرس
وماكو اي مضهر من مضاهر الفرح
جمانه السعيدي
رجعت اشتغل حتى التهي وانسى الحبسه
وحزني على ابوي
ابوي اكثر انسان حبيته وتعلقت بي
جواربنا اجيبلي قماش واكعد اكصصه شرايط وبعدين
نحوله إلى مجموعه كواره كل لون كور
الكور يعني نطوي القماش لمن يتحول إلى دائره
سهله الحمل والشغل بيها سهل
بس شرط كل لون وحده
تجي المره تاخذهن توزنهن وتنطيني فلوس
بس شي قليل يعني يكاد لا يذكر
يعني ربع على الكيلو
كنت اجمعهن وادزهن بيد الجواربن اشتري ملابس او
شغلات احتاجهن
المهم اني كنت اخلص وقتي حتى لا احس بلملل
حميد صار عنده ولد ثنيبن بس شنو نازلين علي من السما
ما يقبل يبجون ولا يقبل احد يزعلهم
اني احبهم ومتعلقه بيهم لان لا اطلع ولا ادخل
حميد من شال مسؤليه البيت بعد وفاة ابوي صار عصبي
واي شي مايعجبه وعلى كلشي يغلط
وما يعجبه العجب
اذا دخل للبيت اني كبل اعوف كلشي بايدي بس حتى احضرله اي شي يطلبه
لان زوجته فاهيه وشغلها بطئ كلش
مو مثلي اني اخلص شغلي بسرعه
واعرف هو شنو يريد قبل لا يطلب اي شي
اني احضره
بس اريد اخلص من هوسته وعصبيته
من يطلع من البيت ارتاح اخلص منه ما ينجرع ابد
مو تكول يشتغل ومعيشنه استغفر الله عبالك هو الي خالقنا
يحاسب على الزغيره والجبيره
المشكله اذا ما يعجبني الوضع اركع راسي بلحايط
لا عندي احد اشتكيله امي كله واكفه بصفه
ولا عندي مكان اروح علي
ولا اكدر اطلع اشوف بشر واغير جو
كلهن ماكوووو
لازم اقبل بهذا الوضع واسكت
اكعد اكصص قماش حتى اشغل وقتي
واسلي نفسي
اكعد افكر لو مكمله دراستي وهسه اني اطلع وعندي صديقات
بس شسوي حكم القوي على الضعيف
من دارت سنة ابوي رحنا للنجف هاي كانت ثاني مره اطلع من البيت
الاولى بلاربعين مالت ابوي
وهاي المره الثانيه
بس شنو كون البوشيه مارفعها عن وجهي ابد
حتى من أكل اكل واني لابسته
ارفعه شويه واخلي الاكل بحلكي
شكد عاتبت ابوي ليش عافني حميد عصبي
ماعنده من محنة ابوي ابد
من دارت سنة ابوي شكد اجوني خطابه
بس حميد ماعنده غير كلمه وحده
العلويه ماتزوج غير سيد اي واحد يجي يطرده
بوقتها كل اقاربي الي بلريف مزوجين
يعني لو اكو واحد مامزوج جان حميد زفني من الصبح اله
حتى يخلص مني
شكد اجت عليه ناس بس كلها رفضها حميد
لو سيد لو ماكو عرس
شكرا لزيارتكم عالم روايات سكيرهوم
