رواية عشك أل فراس الفصل الثاني بقلم زينب نور
_اجهه وراي وهوَ صاير نار
محمد:لك انا تفشلني كدام خالك اذا ما اطيح حظك
فتحت الباب دخلت وسديت الباب بوجهه يايابه شصار بيَ انجلط الا شوية
نور:شكوو شكوو شبيكم
محمد:هذا العار يفشلني كدام اخوج وهسه يسد الباب بوجهي
نور:اكيد مو قصدة
علي:لا متقصددد ،عمررري ما تعرفة شتعرف عني ؟ دمرتني بسوالفك كرهتني حتى بالدنيا شنو السويتة وهيج تفرقني عن اخواني انطيني سبب حتى افهم تحملت منك هواي شغلات واسكت بلكت بيوم من الايام تنعدل كلمة بابا المزيفه الحجيتها كدام خالي اول مره اسمعها منك تريد تخلص مني اشمرني بالشارع او اقتلنيي خلاص ليش معيشني بعذاب انا مالي ذنب شسويت ؟
محمد :انتَ عار
علي:ههههه لحد يلومني اذا اسوي شي بعد ومن اكبر لحد يكولي ليش ماعندك رحمة ومن اقسى لحد يكولي عليمن طالع يجي يوم وخشمك العالي ينكسر وانا اشهد على هذا اليوم
ازل:بس كمل كلامه لزمة موتة كتل بس علي كان لا يبجي ولا يصرخ ولا شي بس ساكت وسكوتة يخلي ابوي يزيد بالضرب لحد ما دخلوا اسد وصهُيب
صهُيب:يايابههه مانخلص من هل السالفة
وخروا ابوي عن علي
اسد:شجاك يابه عوف الولد بحالة مو دمرتة
محمد:وخروا عني خل اطيح حظه
فهد:وتالييي يعني ما نخلص احنه لشوكت تبقى بهل السوالف ادك على الولد عبالك مو بشر ابنك لو عدوك هوَ
محمد:محد طيح حظه غيركم
فهد:محد طيح حظه غيرك شوفوا شمسوي بيَ
التفت على علي كان واكف ويستمع
ليش مدافع عن نفسك انتَ ؟
علي:اضربة؟
محمد:اكسر ايدك
فهد: اليضربك اضربة واليجاوز عليك كص اللسانة وابن امة اليوصلك وراسي يشم الهواء روح دخل جوا غسل
انتَ ابوي وعلى عيني وراسي لكن اذا كنت على باطل هنا لو مهمها كنت اسمحلي اكلك ما احترمك ! ابنك ما مسوي شي غلط بس فؤاد وابو تارسين راسك بالكلام وانتَ بسرعة تصدك بيهم ابنك على مودك تحمل هواي شغلات وانتَ ولا كأنوا مو انخطف من وراك مو تعرض للضرب بأبشع الطرق طفل عمرة ميجاوز ال10 سنوات يشوف كدامة اغتصاب وقتل وتمثيل بالجثثث وحرق انسان عايش ماهزنك ذني ماوكفن بعينك ؟
محمد :انتَ شنو جاي تعيرنيي
اسد:بويه شو حجيك صاير مدري شنو جاي يحجيلك مو يعيرك
صهُيب:عوفوا غسلوا عقله كلش من يصحى ذيج الساعه ما تلكي واحد يكلك الله بالخير
(نرجع بالأحداث لورا )
واكفة يم الدرج واسمع صوتة شلون يسب ويغلط ويضرب بيَ واني بس ابجي ماتحملت صحت
نور:كافي عوفة حرام عليك
محمد:انتِ ماعليج محد طلع عينه غيرج
نور:شنو طلعت عينة فهمني شمسوي ابنك وهيج اسوي بيَ مو كان مخطوف ليش تعذب بيَ
محمد:انتِ ماعليج كتلج لا تخليني اسحلج فوك ابنج حيوان اني الك ارجعلك
نور:ما اكول غير حسبي الله ونعم الوكيل على الكان السببب
دخلت الغرفة لكيتة نايم بالكاع وكله دم ركضت عليَ
نور:علي يمه تسمعني بيك شي
رفع راسةرباوع عليه ورجع نام وكال
علي:مابيه شي عايش
نور:ليش ضربك
علي:روحي اسئلي اخوج
نور:منو
علي:روحي اسئلي ابو فؤاد كوليله شتارس راس رجلي حتى هيج يسوي
نور:لا تحجي على ابوك وخالك
علي:لا ادكولينن خالي أنا خالي واحد ابو ادم وبس هذا مو خالي وابوي مااات من زمان ماعندي اب
نور:كوم غسل وارتاح يلا
علي:ارتاح؟. ليش يخليني ارتاح سود عيشتي
نور:ويكسر راسك ابوك هذا شما سوا يبقى ابوك وتحترمة غصبًا على راسك اصبر يمة اصبر اعرف هواي تعذبت انا ربيتك اريدك تطلع زلمة مثل اخوانك ادري هواي تعذبت وانتَ بهذا العمر اصبر على مر الحياة يبعد امك
علي وهوَ يكوم :رجلج الشفية يعرف أنا وين واصل بالدراسة
نور:لا تحجي هيج كتلك ابوك يحبك بس هوَ عصبي
علي:يا ابوي فهميني من صرت لليوم فد يوم سئلني شلونك فد يوم سئلني عن دراستي فد يوم كال شمحتاج شتريد اريد يوم واحد يحسسني انُ هوَ ابوي رجلج دمرني شفت الويل من ورا واذا بعد كلتي ابوك اعوفلكم البيت واطلع
نور:بلا خبال اكعد واسكتت
علي:عفتها وصعدت لغرفة فهد كان بالدوام كلية عسكرية سبحت ونمت فزيت على واحد ضربني على راسي
محمد:كوم لك شعندك نايم
علي:خير يابه
محمد:اليشوف وجهك يشوف الخير ياعار يلا كوم شوفلك شغلة اشتغلها
علي:شنو الشغلة
محمد:امشي روح احرث الكاع
علي:ليش من شوكت احنه نحرث الكاع لو هسه لان علي نايم تعال احرث الكاع
بس خلصت كلامي جابني براشدي صوفر وجهي بيَ
محمد:ولك ترادد الضاهر ماعرفت اربيك
علي:طلع وقفل الباب رجعت تمددت عبالي ما راح يرجع بعد شوية ورجع بيدة صوندة
محمد:ترادد مو اني الك
علي:كالعادة نزل عليه ضرب بدون رحمة ولا بجيت ولا صيحت يزيد بالضرب حتى ابجي او اصرخ وثنينهن ما سويتهن لحد ما تعب كلش تركني وتفل عليه وطلع
طلع هوَ ودخلت امي رادت تحجي اشرتلها تسكت
علي:لا تحجين عادي تعلمت
نزلت جوا لكيت ازل واكفة تبجي وغزل وعسل شافتني ازل اجت تركض شبكتني
ازل:سودة عليه شسوا بيك
ابتسمت الها
علي:مابيه شي عادي اليسوي غلط لازم يتحاسب
ازل :اي بس انتَ ممسوي شي غلط يضرب بيك بدون سبب
علي:ازل انتِ بعدج صغيره تكبرين وتعرفين
ازل:اني اكره ابوي لان يضربك
صدمتني بكلامها خزرتها وكتلها
علي:هل الكلمة بعد ماتنعاد اذا نعادت يصير غير حجي هذا ابونا ويحبنه ومايصير تكرهينه هوَ عصبي واني دوم اضوجة لهيج يضربني بس لا تكرهي لان يحبج هواي ماشي يحلوة
ازل :ماشي اسفه
علي:بستها التفت وراي لكيت امي واكفة وتبجي ابتسمتلها وهيَ ردت الابتسامة رحت لغرفتي جوا امر من سيادة الوالد سبحت وطلعت كد ما اسبح حتى شعري ميلحك ينشف طلعت لبيت جدي لكيتهم كلهم موجودين حتى محمد
علي:السلام عليكم
الكل:وعليكم السلام
فراس: هلا بـ حفيدي هلا بالغالي شلونك بويه ليش مختفي
دنكت بست راسة
علي:هلا بيك عندي امتحانات
احمد :شلونها دراستك عمي نريدك ضابط
علي:ان شاء الله
فؤاد:انتَ مو انخطفت عشر ايام شلون خلوك ترجع شعجب ما طردوك
خزرتة وسكتت صدمني ابوي من جاوبة بكلام من يمة أصلًا ماصار لا بواقع ولا بحلم
محمد: همَ رادوا يطردونة بس كوة رجعنا شنسوي
ابو فؤاد :ما خليته يبطل
محمد:خل ياخذ شهادة الثالث والله كريم
فراس:لا مايبطل يكبر ويصير احسن ضابط بحيل الله
جميل :فهد شوكت ينزل
محمد:بعد هواي
ابؤ فؤاد :المعرض منو بيَ
محمد:انا بيَ
ابو فؤاد:بطل علي خلي يكعد بيَ
محمد:والله هم هيج مفكر اني
علي:مو بكيفك ما ابطل
فؤاد:من تحجي الكبار تسكت الصغار
علي:اذن سد حلكك وانجب واسكتت
محمد:ولك حيوان شلون هيج تحجي
تقدم عليه ضربني راشدي كدامهم كلهم بهاي اللحظة من صدك كرهتة باوعت لفؤاد وابو ابتسامة الخبث على وجهم
علي:الله ياخدك
الجد :شلون ولك تمد ايدك عليَ واحنه كاعدين
محمد:اللسانة طويل
راد جدي يحجي
علي: عوفة ميفيد ويا شي وتعلمت اترخص منكم
طلعت من يمهم صاروا بوجهي راهب ونمر سلمت عليهم لزمني راهب
راهب:شبيك ليش ضايج منو ضربك
علي:مابيه شي
قبل لا يحجون شي تركتهم ورجعت للبيت شكد انهضمت شكد كرهت روحي وكرهت الدنيا شبعد يادنيا شعندج وياي لهنا وينتهي المطاف بيه لو بعد اكو شغلات ضامتها الي ينتهي صبري لو اكمل ويا وصلت البيت دخلت بغرفتي كبل امي جانت كاعدة بالصالة
نور:شبيك يمه
ما رديت عليها دخلت للغرفة اجت وراي
نور:احجي شبيك
علي:يمه عوفيني بحالي مالي خلك
نور :منو وياك
اجيت احجي سمعت صوت جدي وعمي جميل اجوا حجوا وياي وضلوا يمنه للمغرب وراحوا ورا شوية اجوا محمد وفؤاد وابو فؤاد تركتهم ودخلت بغرفتي صليت وكعدت اقرا شوية وانفتح الباب
محمد :بعد مدرسة ماكو ولك اني تراددني كبال اهلي اذا ما اربيك من جديد
علي:مو بكيفك تبطلني لا انتَ ولا اكبر راس يبعدني عن المدرسة مو بنيه أنا حتى تبطلني!
محمد:ولك عار تعلي صوتك
دخلوا فؤاد وابو
ابؤ فؤاد :ابنك مو محترم رَبي عدل
محمد:هوَ هيج اني الك
علي :طلعوا كلهم شوية ورجع محمد سحلني من ايدي للمخزن ونزل علية دك ضرب لدرجة صرت ما احس بالالم طلع وشوية ورجع بيدة شيش بلعن ريكي اجذب اذا أكول ماخفت لا خفت شكلة جان يخوف وحامي حيل هيج شكل بنسبة للعمري حيل مخيف ! يباوعلهم ويضحك اجة ابو فؤاد دارني ولزمني حيل كان ضخم وانا كنت مو ذاك الكبر حتى اكدر اقاوم
حط الشيش على كتفي الايسر حسيت روحي شاغت روحي طلعت ورجعت الالم كان ماينحمل صرخت صوت هز اركان الدنيا نزلن دموعي بعد سنوات وهنه ما نازلات بجيت من الالم بجيت من سمعت صوت ضحكهم عالي
محمد:تستاهل تف عليك ياعار
طلعوا كعدت وخليت راسي بين رجلية ونزلت دموعي والوجع موتني
علي :عاين لعبدك يارب
دخلت امي وخواتي واكفات بالباب يبجن هنا كانن صغار
نور :سودة عليه يبعد امك ريت الوجع بيه ولا بيك الله يكسر ايدهم الله ياخذ حقك منهم يابعد امك
كافي لاتبجي كوم انتَ مو صغير زلمة يلا كوم قوي نفسك لا تخليهم يضحكون عليك كوم كافي
علي:تعبت يمه وعلي تعبت
نور:اكو رب مينساك وياخذ حقك منهم كوم
كمت غسلت حتى وجهي بيَ دم ورجعت اقرا لـ1بليل كملت اجتني امي خلت راسي بحظنها
نور :دللول الولد يبني دللول
يمه عدوك عليل وساكن الچول
يمه نام نومات العوافي
يمه نوم الغزيل بالحراثي
يمه نام نومات الهنية
نوم الغزيل بالثنية
غفيت واني بحضنها كعدت الصبح ماتريكت لان كان موجود طلعت لكيت راهب ونمر منتظريني الجو كان بارد ضل الجرح يوجعني
صبحت عليهم وطلعنا للمدرسة
نمر:علي شبيك ضايج
علي:مابيه شي يلا امشوا
وصلنا المدرسة وامتحنا وخلص الدوام وطلعنا للبيت والوجع ماخف عني اخذ ثلثين حيلي لدرجه ردت ابجي من الوجع
اول مادخلت صار بوجهي
محمد:وين جنت لهذا الوكت
علي:وين جنت يعني بالمدرسة
محمد:فؤاد كال طلع مدري وين راح
علي:بالاساس نعال اليوم ما مداوم شوكت بعد شافني
محمد: تاج راسك هذا احجي عنه عدل لا اطيح حظك
تركتة اريد اروح لغرفتي ضربني على راسي بمدري شنو وكعت بمكاني حسيت دم نزل على وجهي وضربني على كتفي انتهت الدنيا بعيني اخر صوت سمعته صوت امي من صرخت عليه
فزيت على مي وشي بارد على وجهي
نور:الف الحمدالله ،سودة عليه يايمه حسبي الله ونعم الوكيل عليك لو صاير بيَ شي ارتاحيت هسه
محمد:عار كلشي مابيَ
باوعت عليه بحقد وكره
علي:بس الله يدري شكد كرهتك
اجيت اكوم ما كدرت راسي دايخ والوجع يأثر عليه شوية وكمت للغرفة بدلت ونمت اليل يلا فزيت على صوت اسد وصهُيب طلعت وكفت بالباب اسمع نقاشهم
اسد:ابنك هذا مايصير هيج اسوي بيَ حرام عليك
محمد:انتم ماعليك اني اريد اربي
صهُيب:شمسوي شنو الذنب الي سوا
محمد:بعدين تعرفون
اسد :لا هسه نريد نعرف ليش هيج تتعامل ويا
محمد:كتلكم بعدين
صهُيب:يابه شنو البعدين ابنك ليش اسوي بيَ هيج اخوانا ومن حقنا نعرف ليش هيج اسوي بيَ ليش جاي تفرقة عنة ليش انطينا سبب حتى ننجب ونسكت
محمد:ماعليكم
اسد :هم كال ماعليكم شنو الما علينا ابنك ضحى بنفسه على مودك واكع بالتعذيب بيد الما يرحمون بسبب منو مو بسببك مو ادمرت حياته من وراك يابه والله حرام عليك تضرب بيَ من الصبح لليل ضايج ضربته ،واحد ضوجك طلعت حركت كلبك بيَ،صار شي تضربه المعرض انهجم ضربته تروح يم ابو فؤاد يترس راسك واجيت تشبعه كتل
محمد:ما كاتلكم غير ابو فؤاد وفؤاد عبنهم خوش ناس بس انتم الله مطيح حظكم تغارون منهم
صهُيب:ياابه انتَ مقتنع بكلامك ابنك هذا ابنك تعرف شنو ابنك
محمد:واطيح حظه ماعليكم واحد مستهتر
علي:راد يحجي اسد كتله
_لا تحجي شي لان مايفيد عوفوا شتحجون انتم عادي تعودت مايفيد لاتحجون شي يجي يوم وتفرج
صهُيب:يجي فهد ويصير خير
محمد:تخوفني بفهد انتَ شني والله اطيح حظكم واحد واحد
صهُيب:ماتصريلك چاره
صعد صهُيب لغرفته واسد طلع وهوَ راح للاستقبال وانا رجعت للغرفة عندي انكليزي كعدت اقرا لـ2بليل خلصت ثاني يوم هم ماتريكت لان هم موجود
راهب:صباح الخير يوجهه الخير
ابتسمتلهه
علي:ياصباح الورد
نمر :صباحكم حلو مثل وجهي
علي:لا ربحنا
نمر :ابوك شلونه وياك
علي:هه نفسه ماتغير
راهب:الله يهدي
هزيت راسي وسكتت وصلنا للمدرسة كان الامتحان اول درس خلص الوكت اجاني المعاون رابع درس كال
المعاون :اجه والدك يريدك
انصدمت شعندة جاي وشعجب ومن شوكت هوَ يجيني باوعت لراهب ونمر احسهم مصدومين مثلي باوعت لفؤاد شفته مبتسم ما ارتاحيت بهاي الجية
طلعت ورا المعاون دخلت للادارة
المدير :هذا ابنك
محمد:اي ابني امس كان موجود
المدير:لا امس علي ما موجود
انصدمت من كلامة باوعت لابوي من نضراته يكلي اليوم انعل والديك
علي:استاذ امس انا موجود بس يمكن ما شفتني وبالاساس محد اجه سجل الغياب
المدير :تجذبني شنو ؟
علي:لا ما اجذبك بس انا موجود
محمد :خلص اريدة يطلع وياي
المدير :اي عادي اخذة
كال روح جيب كتبك رجعت لصف فؤاد موجود ولو شترجة من المدير اذا كرايب ام فؤاد شيطلع مثلًا نبي
راهب :ها شيريد
علي:بعدين نحجي راح اطلع
نمر :بس فهمنه شكو
علي:اجه على مود يتأكد امس موجود لو لا وهذا المدير القندرة ابن القندرة يكوله امس ما موجود غايب ولكم مو امس انا وياكم
فؤاد :روح روح لا تنكتل ويجويك بكتفك الايمن
علي:وحق الخلقني والخلقك يافؤاد اذا ما اندمك انا الك
تركتهم وطلعت اول ماصعدت بالسيارة كال
محمد :اجذب عليه انا الك اليوم اخليك تشوف الموت بعينك بعدك بطول اصبعي وتجذب ياعار بسيطة يعلي عار من شفتك ماشفت الخير
علي:چا كتلني موت واخلص حتى يجيك الخبر من اموت
محمد:انا الك اصبر عليه
باوعلتة وسكتت حتى استحي اكول انتَ ابوي وصلنا البيت دخلت لجوا شافتني امي لطمت على خدها وكالت
نور:يمه صخام الصخم وجهي ولك يمه شطلعك لا يشوفك ابوك ويضربك فدوة اروحلك شعندك طالع من هسه
ابتسمت ورديت عليها
علي:يمه ابوي هوَ الطلعني من الدوام وراح يجيب القايش ويضربني بيَ لان اخوج وابن واخوج والمدير اتفقوا على نفس الجذبة وطلعت انا الجذاب عود امس مامداوم
نور:يمه صخام الصخم وجهه اخوي
اجه كال يلا كدامي اجيت امشي كدامة سحبتني امي من ايدي لحظنها وحضنتني
نور: عوفة لاتضربة حرام عليك والله حرام
محمد:وخري حرام خلي اربيي هذا الحيوان يجذب عليه اليوم اطيح حظه
سحلني من ايدي صار عندي عادي دخلني المخزن وكال انزع قميصك
علي:اي صار انطيته ضهري وشبعني ضرب بس حلفت لا اصرخ ولا ابجي تعب وكال
محمد:تف عليك ياعار يافكر الله ياخذك واخلص منك
شكد كسرني هذا الكلام رحت للغرفة بدلت ونمت العصر ...
شكرا لزيارتكم عالم روايات سكيرهوم
