رواية عشك أل فراس الفصل الثالث بقلم زينب نور
علي:للعصر فزيت على صوت امي
نور:علي يلا كوم اكعد صار الغروب
علي:اريد انام عوفيني
نور:كوم صلي يلا كوم بدون صوت
علي:هوَ أذن ؟
نور:شويه ويأذن
علي:عود من يأذن تعالي كعديني عوفيني تعبان
نور:منين تعبان
علي:من كتل رجلج
نور:كوم يلا
علي:استغفر الله كمت متنرفز لان صدك نعسان غسلت وتوضيت وكعدت بالحديقة يقرا قران
ترا بعدة ما مأذن المن مكعدتني
نور:يا طلابة الماتخلص هسه يأذن
علي:رجعت كعدت بالحديقة اجه محمد
محمد:شعندك كاعد هنا
علي:كلشي ماعندي هيج كاعد حرام؟
محمد:كوم اغسل السيارة
علي:اريد اصلي دنيا الغروب
محمد:صاير مؤمن
علي:اي طالع على ابوي مؤمن
محمد:شقصدك ولك عار
علي:ماقصدي شي
امي واكفة بالباب مال المطبخ وتأشرلي اسكت
محمد:لو ما الدنيا غروب وجاي يأذن چا علمتك شلون تحجي هيج
علي:تعال علمني مادام دنيا الغروب بلكت طكة من الطكات واخلص
خزرني ودخل لجوا
نور:ولك يمه اسكت لا تراددد ابوك
علي:انا مو كتلج لا ادكولين ابوي
نور:علي بلا خبال مو سكتتلك عاد
علي:اي هم اضربي هيَ بقت عليج تعالي يابه اضربي
تركتني ودخلت لجوا شوية ودخلت لكيتة يصلي وكفت بالباب وكتلة
علي :ابوي يخاف ربه وملتهي بربه
بس مايدري ابنه شصاير بكلبه
لو كايلي بويه شبيك ما مرتاح ؟
جا ما سولفت مالتي للغربة !
رحت لغرفتي صليت وكتلهم عشاء ماريد كملت وكعدت وصلتني رسالة من راهب
راهب :كُل عام وانتَ بخير ضلعي العمر المديد يارب وان شاء الله نشوفك احلى واحسن واجمل ضابط
علي:ليش شكو اليوم
راهب:عيد ميلادك وين بالك
علي:وانتَ بألف خير حبيبي والك بالمثل ، ناسيَ
شمرت التيلفون وكعدت عيد ميلادي اول مره واحد يعايدني اصلاً ما اذكره
ازل:بابا يريدك
علي:شيريد
ازل :مدري بس لتروح حباب
علي :ليش ؟
ازل :لانُ عصبي كُلش واخاف يضربك اقفل الباب ولا تروح خلي وحدة
علي:ههههه اروح فدوة لهل العيون لا تعالي ميسوي شي
طلعت من الغرفة لكيتة كاعد بالصاله
ها يابه
محمد:مو كتلك اغسل السيارة انتَ ليش طايح حضك ما تمشي الا بالدك والرزايل من اكلكم عار وطايح حضه مثل المطي امشي ولي اغسل السيارة يلا
انتجيت على الباب وكتفت ايدية
علي:والله لو ما ابوي الا اردك لبطن امك بس خليها بالك يا والدي العزيز يجي يوم وتندم على كل هذا الي جاي اسوي بيه والايام بينا وتثبت صحة كلامي ربك ما ينسى احد ادور الدنيا وانتَ وهذا صاحبك تركعون جوا رجلي !
طلعت عنه ضل يصيح ويغلط ويسب شغلت الماطور وسحبت الصوندة حتى اغسل سيارة سيادة الوالد بلشت اغسل وادندن
_بحبه خل نموت ويفجرونه حاولوا من شوفته يمنعونا
_ النواصب خلهم يسمعوني افتخر لو رافضي يسموني
_حسين قائد وبشرف نأل القيادة
_ضد طواغيت العصر أعلن جهاده
النواصب خلهم يسمعوني وافتخر لو رافضي يسموني
_وأنا ما اختار بس درب الشهادة
قاطعني دخول عائلة ابو فؤاد لا هلا ولا مرحبا
ابو فؤاد:وين ابوك
علي:وعليكم السلام
فؤاد :وين ابوك يلا احجي
علي:شلت الصوندة ورشيت عليَ
ابن الكلب خادم عندك وحك دينك اخلي دمك بطولك
صرخت امه صوت ادكول ميت واحد
ام فؤاد :يمااا كتل ابني
علي:وسرطان لهل الصوت
دخلوا همَ وانا شمرت الصوندة وطلعت من البيت بدت الامتحانات نصف السنه وانا وزاري خلصت الامتحانات وانطوا النتائج كلنا بيوم واحد خواتي وامير وانا اسد وصهُيب وفهد كلية عسكرية !
من دخلنا للبيت دخلوا قبلي كان ابوي واكف كلهم استقبلهم بالحضن والعفيه بابا والحنيه والضحكه ويشوف شهادتهم
الا انا الوحيد الي حتى ما باوعلي ابتسمت ودخلت جوا بهاي الساعة صدك احتاجيت ابجي يا ناس صعبة ردت بس يكولي مبروك ناجح راسب بس هاي الكلمة بس ما شفتها شمرت الشهادة على الميز وبدلت وطلعت حتى امي مدري وين
رحت للبستان تعبت يارب الكون تعبت ليش يفرقني عنهم
راهب:عرفتك هنا
علي:شجابك
كعد يمي وكال
راهب :كليبي كلي صويحبك تعبان
علي: اي بالله تعبان
راهب : حاجاك
علي: ولا كانوا موجود ولا باوعلي اصلاً
سكت ماحجه شي شويه ورجع كال
راهب:ميخالف تهون
علي: يلا كوم نروح الجو بارد وانتَ مريض
تقرب يمي حضن وجهي بأديَ
راهب: اصيرلك اب واخ وصديق وكلشي تريد اصيرلك عكازة اذا مال ضهرك بس لا تضوج وتضم بكلبك لا تخلي شي يأثر بيك احنه وياك ابوك يجي يوم ويصحى على زمانة ويرجع الاب الحنون لا تكره ولا تحقد ، خليك قوي علي وياك للموت أنا
أبتسمتلة وحضنتهة صاحب والنعم منك رجعنا للبيت راح لبيتهم ونا رجعت للبيت لكيت امي بالحديقة
نور:يمه هلا بطولك هلا بأرفعة راسي
ابتسمتلها باركتلي ودخلت جوا خلصت عطلة نصف السنة ورجعنا للدوام بيوم من الايام رجعت للبيت
علي:جوعان جوعان
نور:كواك الله يالجوعان
علي:كوه حيلج شنو هاي الريحة
نور:مسموطه
علي:حشى نعمة الله منو ياكلها
نور:بيبيتك اليوم عدنا وتريدها
علي:زهرة ؟
نور:لا امي
علي:شعدها جاية
نور:فدوة اروحلك بدون خبال سلم عليها واكعد بغرفتك اذا متريد تشوفها
علي: والله فلا اسلم
تركتها ودخلت صارت بوجهي
سميره :شلونك حبوبة
باوعت عليها وسكتت
سميرة :تعال احبك (ابوسك)
علي:مايشرفني وحدها مثلج تلمسني
ازل: سلمنا عليها كلنا الا علي بيبي سميرة كانت دائماً ويَ ابو فؤاد وفؤاد عدها فؤاد بس هوَ وبس من كان علي ينضرب هيَ تأيد اي حيل خيولي من تشوفة ينضرب تضحك لان عدها اهم شي انُ فؤاد يرتاح ويفرح ما يهمها احد احنه ما مأذيتنا بشيء بس علي ! لهيج يكرها وميطيقها ولا يحجي وياها
بس كمل كلامة دخل ابوي لزمة من ركبتة خنكة
محمد:احجي عدل وسلم عليها لا اشك حلكك
سميره :لا يمه عوفة فدوة اروحلك عوفة لا تحاجي
ابتعد ابوي عن علي
محمد:حجية مايحترم
سميره :ميخالف يكبر ويعقل
علي:اعقل منج ومن ابنج أنا
تركنا وراح لـ غرفتة بدل وطلع خلينا الغداء وعلي ماكو
نور:يمه علي وين راح
سميرة:صارت من وراي
نور:لا يمه بس هوَ دوم هيج وقت يطلع ويتأخر يمه امير روح شوفة
محمد:اكعد واسكت يجوع ويجي ياكل اكعد اكل
نور:لا خلي يروح روح يمه فدوة
امير :اي هوَ أنا بالاساس مو جوعان
رحت لبيت جدي دخلت لديوان لكيتة نايم ومحد يمة
امير :علي علي علي
علي:وجع حتى وجع شتريد
امير :كوم كوم كوم
علي:امير مالي خلك شتريد
امير :كوم اكل
علي:مااريد
تركتة ودخلت لجوا سلمت وكتلهم انُ علي بالديوان نايم ورجعت للبيت لكيت امي منتظرتني بالباب
نور:ها يمه بشر
امير :لكيتة نايم بالديوان ومحد يدري بيَ انطيت خبر لجدي واجيت
نور:يبعد امك فدوة اروح لطولك ادخل اكل يلا
اجه امير خلصنا اكل وعلي ما اجهه لليل اجوا بيت ابو فؤاد وخالتي اجت وبيت خالي ابو ادم كاعدين بالحديقة بس احنه البنات دخل علي حسيتة انصدم عباله رايحة
علي:منو عدنا
ازل:خوالي ثنينهم وعوائلهم وخالتي
عقد حواجبة ابين معجبة الوضع ودخل لجوا
عسل:راح تعلك
غزل:انتِ بس سدي حلكج
دخلنا ورا دخل ماسلم
محمد:مااسلم بحلكك عظم
علي:اليستاهلون مسلم عليهم والباقي ما يستاهلون واحد يباوع عليهم لان مو بشر
دخل لجوا بدون مايسمع الجواب ابوي اذا يلزمة بذيج الساعه يموتة
غزل:راح لغرفتة رحت ورا لكيتة كاعد ومخلي راسة بين رجلي
علي؟
علي:ها
غزل:تريد عشاء
علي: تو متعشي اريد كهوة تعرفين تسوين
غزل:اي اعرف هسه راح اسويلك
ابتسم وهز راسة رحت للمطبخ اسوي بالكهوة اجاني اخوي فهد
فهد:المن هاي الكهوة
غزل:للعلي
فهد:هوَ كلج ؟
غزل:اي كال ماريد عشاء متعشي سويلي كهوة
هز راسه وكال
فهد:روحي أنا اسوي
غزل:انتَ!
فهد:اي انا روحي يم البنات
رجعت واني بصدمتي شويه وشفت بيدة صينية اكل مو كهوة
ازل:شبيج اصفنين
غزل: ازل انجبي عني
لـ11 كُل واحد راح لهلها بس بيبي ضلت عدنا هيَ ساكنة عند بيت ابو فؤاد ومقبلت تروح وياهم ضلت عدنا
علي: دخل عليه فهد بيدة صينية أكل
فهد:كوم اكل يلا
علي:متعشي
فهد:اعرفك ما تجذب
سكتت حط الاكل كدامي وجبرني اكل
مرت الايام ودخلت وزاري وانتهت ايام الوزاري وطلعت من الثالث بمعدل 95 خلصت من اصعب مرحلة مرت عليه بسبب ضروفي كل هذا وكنت ما خلصان من الكتل والغلط
بيوم من الايام السودة نمت وكعدت المغرب مالكيت احد بالبيت
افتريت بالبيت محد! عرفتهم راحوا لبيت جدي وما مكعديني رحت للمطبخ وكفت على الطباخ اسوي كهوة سمعت باب البيت انفتح ونسد حيل باوعت محد والضوء مال الاستقبال اشتغل كان طافي ؟ طفيت الطباخ وطلعت دخلت للاستقبال لكيت ابوي كاعد ويخابر وعصبي تركتهة ورجعت كملت الكهوة ودخلت لغرفتي طلعت دفتري اكتب بيَ دائماً شكو شي يصير بحياتي اكتبة بهذا الدفتر. شوية وطلعت لكيتة كاعد بالصالة
محمد:فلوسي وين؟
علي: فلوسك ؟ مادري
محمد:فلوسي ماكو ومحد بالبيت غيرك وينهن طارن
علي:والقران مو عندي شمدريني بيهن ؟
محمد:محد بالبيت غيرك يعني منو اخذهن
علي:يابه مو عندي غرفتك أصلًا ما داخلها ولا ادري شنو بيها
محمد :ماشي بس اذا الفلوس ما لكيتهن بالبيت ما اضل
علي:اها هيج الحجي والله لكيتهن ما لكيتهن أنا بيتك ما اضل
محمد:اذا تطلع من البيت بعد مالك رجعه
علي:ومنو كلك راح ارجع ؟
تركته والله انعل ابوكم لابو فلوسكم لابو خيركم اخذت المستمسكات كلهن والجنسيه والهوية وعندي جواز سفر طلعت وكم فلس طلعتهن وصعدت لغرفة فهد اخذت من عندة فلوس ونزلت كل هذا كان كاعد ومخلي ايدة على راسة
بدلت ملابسي والجنطة كانت مو جبيرة المهمات فقط اغلب ملابسي وغراضي بالبيت
علي:طالع أنا وتحلم بعد تشوف وجهي لو اسمع بيك على فراش الموت تحملت منك الضرب والاهانة والغلط والسب وماخليتلي حتى شخصية بين اخواني واصدقائي من الصغر وأنا تحت رحمتك كلشي شفت منك وتحملت وسكتت وبعمري ما مديت ايدي وبكت من احد تريد ابَوك منك ؟ لهنا وكافي البيت كلها راح اتركها الك لا مو بس البيت البصرة بكبرها مع السلامة
تركته وطلعت كان الشارع فارغ والجو ثلج فـ محد طالع حتى سيارات قليلة طلعت لشارع العام وكفت تكسي للكراج وطلعت صعدت سيارات بغداد أنا اخر نفر بس صعدت قبطت السيارة وطلعنا دزيت رسالة لفهد
فهد خويه اخذت منك فلوس اعذرني
هذا الحجي تقريباً بالعشرة ونص بليل صافن بالطريق وكان يمي ولد قاطع صفنتي من كال
_انتَ جاي وحدك لو العائلة وياك
علي:لا عيني وحدي
سكت ورجع كال
_بس ليش وحدك
علي: رايح لزيارة
_بسلامة ان شاء الله
رديت عليَ وسكتت قفلت تيلفوني وصلنا بغداد بالخمسة الفجر البرد يكص كص ومطر خفيف وكلشي ما اندل يايابه وين انطي وجهي شسويت بيه يمحمد ضليت امشي لحد ما وصلت لـ شقق وبنايات عالية وكان حارس كاعد بالباب
علي:السلام عليكم
الحارس:وعليكم السلام تفضل
علي:زاد فضلك اكو شقة فارغة
الحارس:اي اكو هواي بس انتَ تأجر لو تشتري
علي:أيجار
الحارس:تمام انتَ وحدك
علي:نعم
الحارس:تعال وياي
علي:بس شكد الايجار
الحارس: 300
صفنت بيَ بس ماعندي غير مكان والجو بارد واقرب مكان هذا صعدت ويا انطاني الشقة كانت غرفة ومطبخ وصالة وحمامات سلمني مفتاح الغرفة ونزل كان الطابق الثالث شمرت غراضي وكعدت التعب داكني دك
وهسه وين تاليتي وين تصفى بيه الدنيا بعد من التعب لفيت راسي ونمت ......
......................................................
غزل :ورا كم يوم بيبي راحت وصادف يوم جمعة من عادات وتقاليد عائلتنا كُل جمعة كُل العائلة ننجمع بيت جدو هاي الجمعة علي مقبل يروح كان نايم كعدنا بيَ هواي ميقبل
ماما ميقبل يكعد يكول تعبان خلوني نايم عود اجي وراكم
نور: خلي براحتة يلا امشوا
رحنا لبيت جدو لكينا الكُل هناك سلمنا وكعدنا
فراس:چا علي وين ؟
نور:نايم وماقبل يجي كال اجي وراكم
الولد طلعوا برا وعمامي وجدو وابوي كعدوا بالديوان واحنه البنات صعدنا فوك وامي وعماتي وبيبي كعدوا بالصالة صار اليل وعلي ماكو
وابوي قفل كال خلوا وحدة هوَ يجي ماقبل احد يروحلة شوية وطلع ابوي من الديوان راح لبيتنا وكذلك علي ماكو احنه مقررين انُ نبات ببيت جدو
رسل:لازمه الشباك جنج وحدها عاشكة شبيج
غزل:اسكتين لا اجي ادفرج
شويه وسمعنا صوت جوا نريد نكوم كامت وحدها توكع بالثانية
ازل:علكت والحمزه علكت
نزلنا كلنا وكفنا على الدرج كل ثنين على باية ونستمع الهم
_____________
فهد: كاعد يم الولد وصلت رسالة فتحتها انصدمت بالمكتوب اتصلت على علي مغلق وين راح هذا
شاهين:خيرك شيخ
علي دازلي رساله واتصل عليَ تيلفونه مغلق مكتوب
_فهد خويه اخذت منك فلوس اعذرني
اسد:شنوو وين راح
تركتهم ودخلت لجوا لكيتهم موجودين
فهد :وين ابوي
فراس:راح لبيتكم ليش؟
فهد بعصبية:شلون تخلونه يروح للبيت وعلي هناك وتعرفون هوَ شكد شاد ويَ عليي ابنكم هججج راح
طلعت من بيت جدي ورحت لبيتنا لكيتة كاعد يشرب جكاير بكل برود دخلوا وراي كلهم
فهد:عليي وين ؟
ابو فهد :راح
فهد بصياح :وين راح
ابو فهد :صوتك لا يعلى ولك
الجد :احجيي ابنك وين وين هججت الولد
ابو فهد :ما سويتلة شي هوَ واحد حرامي باك فلوسي وشرد
الجد :حدككك ولك علي تربيتي أنا تربة على ايدي بعمرة ما مد ايدة على شي مو اله بس انتَ المصدك بيهم ماكو غيرهم همَ ترسوا راسك
الشيخ فهد : همَ مو خوش طفح الكيل ، هسه الساعه بـ12:45 وانا بــ7 باجر التحق بهاي الساعات عاين وشوف شراح اسوي ،
اول شغله : اسد وصهُيب غراضنا تاخذوها لبيت جدي هنا بعد مالنا كعدة نفذذووا بدون نقاش
ثاني شغله : طلعت تيلفوني خابرت ولد صديقي
الشيخ :السلام عليكم
حسام :وعليكم السلام اهلًا شيخ
الشيخ :اهلًا بيك اريدك بشغلة ولو الوقت متأخر
حسام: خادم الك اني شيخ كول
الشيخ :خادم ربك ،اول شي انتَ بالبيت لو بالدوام
حسام :لا والله بالدوام
الشيخ :حلو ، اريدك تطلع بواجب رسمي لهذا البيت راح ادزلك عنوانة وتسحل الاب والابن ولا اسويلهم شي اجي انا واتصرف
حسام :صار
الشيخ :ممنون منك
غلقت الاتصال
وهاي ثاني شغله انتهت حكنا وحك اخونا راح يرجعن شيلوا غراضكم واغراض علي وانتَ بويه خلي ابو فؤاد يفيدك
نرجع للماضي:
الشيخ : بيوم من الايام علي كان كُلش مريض نايم بالفراش سويتلة كمادات انصدمت بجسمة كد الضرب والاثار حسيت نار اشتعلت بين ضلوعي تركتة وطلعت وانا احلف واتوعد انُ ارجع حقة رحت للمعرض مالتنا
دخلت انصدمت بوجود فؤاد
الشيخ :انتَ شعندك هنا ؟
فؤاد:انتَ اللي شعندك هنا ؟ هذا المعرض مالنا؟
الشيخ :مالكمم ؟؟ شنو مالكم شسربت انتَ
فؤاد:مثل ما سمعت يااا سيادة الضابط ابوك سجلة بأسمي يعني صار النا
ضربتهة تلاث راشدياات واحد ورا الثاني انسمط سمط
خوش تونسوا بيَ كم يوم وانا الكم
فؤاد:بسيطة
رجعت عليّّ حمستة حمس خليت دمة بطولة دفرتة وكتلة
انا الك انتَ وابوك صبركم عليه والمعرض يرجع النا
تركته اريد اطلع صاح وراي
فؤاد :هههههه وحتى بساتينكم بأسمنا وبستانك التعبت عليَ صار بأسمي
الشيخ: عيش بخيري هاي الكم يوم
تركتة وطلعت وانا مشتعل نار بسيطهه جايك يمحمد بستاني اشتغل بيَ ليل ونهار وتالي بسهولة يصير لهذا الجلب اقرا واشتغل بيَ والمعرض التعبت عليَ يلا كدرت اوصلة لهنا تالي بسهولة كلشي تنطي وياريت بتعبك!
وصلت لبيت جدي بدون سلام دخلت عليهم
الشيخ :هاي انتَ شمصخم شنو من بشر انتَ
ابو فهد :احجي عدل لك
الجد :شبيك بويه
الشيخ بعصبيه :ابنكك مسجل المعرض وكل البساتين بأسم فؤاد وابو هذا تصرف واحد عاقل ؟
الكُل انصدم من الكلام
الجد :ولك انتَ تخبلت شجاك
ابو فهد :احسن حل على الاقل يشوفونهن مو مثل ولدي كل واحد ملتهي مدري وين
الشيخ :ولدكك وين ملتهينن ؟ بالملاهي ملتهين وين ولدك مو جاي تاكل خرا نشتغلك شوف من الاخير وحق كُل حرف بالقران باجر التحق اذا نزلت والمعرض والبساتين ما رجعن بأسمنا اندمك انتَ وابو فؤاد وفؤاد واصيفك على الحديدة وانسى انتَ ابوي
ابو اسيد :بويه اهداء ابوك هذا احترمة هذا انتَ الجبير العاقل
الشيخ :ليش هوَ يخلي الواحد يحترمة عمي دشوف تصرفاتة يفضل الغريب علينا كتلك الك باجر اذا التحق وارجع ونفس الوضع اتصرف غير تصرف ،وعلي دير بالك تمد ايدك عليَ وتهينه كدام احد بعد لان صدك مصختها واندمك
الحاضر :
اسد :وعلي شلون نعرف وين راح ؟
الشيخ :علي سبع ما ينخاف عليَ خل اكمل هل الشغلتين وعلي نعرف مكانة سهلة
اجوا الولد كلهم اخذوا الغراض غيرت ملابسي وطلعت للمركز
وصلت المركز لكيت حسام ضرب التحية وكال
حسام :تمت المهمة
الشيخ :عاشت ايدك
دخلت الهم لكيت وجوههم صفر والخوف مسيطر عليهم
ابو فؤاد :خالي فهد ساعدنا
فؤاد:فدوة فهد ساعدنا والله ما مسوين شي
الشيخ :ههه خالي وفدوه وساعدنا ، اول شي لا ادكلي خالي لان ما تشرفني ثاني شي اسمي الشيخ فهد مو فهد ثالث شغله شالكم الله، شوفوا انا راح احترمكم كم دقيقه واتفاهم وياكم تمشون عدل خير على خير ما تمشون الي غير تصرف وياكم
فؤاد:كول شنو والله نحجي
الشيخ :انتَ شبيك تريد تبجي ؟ نبدي اول شغلة المعرض والبساتين يرجعن كلهن خوش
ابو فؤاد ،فؤاد :صارر
الشيخ :ثاني شغلة فلوس ابوي البكوتوهن وشمرتوا السالفه براس علي اششششش لا اسويلي دراما ومادري ومدري ماتمشي عليه سوالفكم ،وتحجون سبب كرهكم لعلي
سكتوا ثنينهم ضربت الميز وصحت عليهم
يلااا بسرعة
فؤاد بخوف: ش شنحجي
الشيخ بعصبيه :شوفوا وحك دين محمد اذا ما تحجون تنسحلون سحل واحطكم بتهمة اربعة ارهاب يلا
ابو فؤاد :لالالا نحجي .....
شكرا لزيارتكم عالم روايات سكيرهوم
