رواية رهينة لضباط الفصل الثاني بقلم مرج البحر
يمشي برها وه اليل مايدري بينه
هموم شكثر بالروح تجبل علينه
..............
كاعدة بالمطبخ وصفنات العمر تاخذني معقوله لأن تعافيت عن حياة ابوي ويوميه ادعي بصلاتي الله يخلصني من هاي الحياة والله بتلاني... لا لا ماصدك بعدني جاي اخمن القدر ليش لعب وياي لعبته الغذره و رماني هنا.. انجرريت قوي وكعت من الكرسي حسيت ضهر نخلع
.... ااااخ
... ومرض الج عيين تحجين لو تفكييين حللكج بنتتتتي رااااحت من وراااااكم انتي واهللج
نور...والله خاله مالي دخل ولا اعرف عن شنو جاي تحجون وليش جبتوني هنا
... بنتيييي رااااحت وانتي الحجج عين بعد تحجين والله لو ماااا ابوج رجع بنتي احرركج
كامت تضرب بيه وأنه صافنه ما احس بضرباته كاتمه صوتي ودموعي بس هيه تحجي وجعي صارت الضربات تجيني اقووه رفعت راسي وشوف بنيه تضرب وياها عرفتها نفسها الشفتها اول ما أجيت شفت قليلها بيه وهيه تسب وتلعن بيه وبابوي عافني وطلعن جريت نفسي وانتهيت ع الحايط خايفه حيل اول مرة اشوفهم ناس غريبين عليه وماعرف اتعامل وياهم... مديت ايدي ع خشمي اشوف الدم ترس ايدي وأنه اتخبل من الدم ركضت اغسل بي..
... ماكو داعي تبجي حسبي حسابج منا وجاي تصبحين بضرب وتمسين بضرب محد يخلصج من عدوه غير ابوج
سكتت ما جاوبته بس جسمي يرجف من عنده مو حجي يحجي وياي عبالك عركه عنده.. شمر كطف الجكاير بصفي وفر وجهه وطلع.. دنكت شلت الكطف وذبيته بالزبل..
خشمي وكف نزيف الدم ورتاحيت بقيت كاعدة ماعرف شنو اسوي ومرت ساعتين متواصله وأنه كاعدة طبت عليه نفس البنيه وهيه تتثاوب..
... ليش حضرتج مغاسله اماعين الغده تحبين نسويلج دعوه حتئ تجين تشيليهن
نور... بس انه مادري
... اهووو وهسه دريتي كومي شيليهن ونظفي البيت وريده يلمع لو اروح اصيح سند عليج
عفتها ورحت لميت الإماعين ماعون ماعون وبلشت اغسل ورجع اشطفهن وسطرهن.. خلصتهن ودورات ع غراض المسح ما اندليتهن.. طلعت افتر بالصاله وصفن ع أثاث بيتهم.. رغم ابوي هم غني بس حيل بخيل بالفلوس حتئ الصابون مسوي علينه يجيب صابون وقسم الصابون شهر وكل صابونه لازم عشر ايام تكفين هيه الغسل وللسبح وذا خلصت وكلنه خلصت كلنه ننكتل ماعده مجتبئ ومروان
بقيت اتمشه داخل الصاله وتلمس الحايط والصور ومندهشه بشكل كلش جبير.. إلي يشوف شكلي وأنه فاتحه عيوني وحلكي ع الصور المعلكه والسراميك والأثاث يكول ما شايفه....صدك انه مشايفه
هواي أشياء محرومين منها أحنه البنات.. ابوي دائما يكول اشوكت اخلص منجن انتن تعاسه بحياتي وأنه وخواتي ننقهر ونسكت... وامي الوحيده التصبرنه وكل مرة تردد بعد الصبر الفرج ويجينه الفرح..
بقيت اروح يسره ورجع يمنه وعيوني تتلفت ع أرجاء المكان بالكامل كعدت ع القنفه وكلبي ضرباته صارت غير منتضمه عرفت نفسي أجتني نوبات الضعف بسبب ضرباتنهن...
مريضه قلب وراثي ورثته من بيبيتي ام ابوي وهيه ورثته من أهلها ولدها هم بيهم... ما نورث منهم بس الأمراض... جنت أكدر اسوي عمليه من جان عمري 18 بس ابوي تحجج ماعنده فلوس ومايكدر ع العمليه وماسويت...
كل ما كلبي يوجعني واتخربط كال الأعمار بيد الله هو يشفيها حتئ الدكتور ما خذاني الله يسلم خالي هو جابلي دكتورة يعرفها وتكفل بعلاجي شهرين وكل لبوي بس يخلص جيبلها... وراحت أشهر واجت أشهر وابوي حبايه ما ذكرني وعايفني اتخربط وصحه وحدي بس الله يعرف معاناته...
بعدني كاعدة والأفكار ما عافتني وحدي ملاصقتني مثل ظلي تذكرت تحسن مجتبئ حتئ مالحكت عليه.. بتسمت بحزن لازم كل وجع ورا ابوي...
... جاي تسوين هناااا
نور....جفلت من صوته وكفت... ما سوي شي
.... روحي صبييلي جاي
رحت صبيت وانطيته ورحت للمطبخ افكر شنو اسويلهم عشه معلمه العشه عليه والاماعين ع فاطمه.. طلعت سلك تارس المجمدة ورق عنب فكرت اسوي دولمه بس ترردت رجعتهن فكرت اسويلهم محاشي ع طريقة بيبيتي... نكعت تمن وبديت اسوي حشوه كملتها وخلطتها ويه التمن ورشيت ملح رشه خفيفه... طلعت بتيته وسلكتها وطلعت بيذينجان وكشرته وطماطه خلطتها وحطيتها ع الحشو بديت البتيته من الماي بعد ما فارت... ستوت الحشو والتمن وبديت اترس البيذينجان والبتيته وبعدها كليتهن وخليتهن داخل الطاوة حتئ تبقه حارة..
رفعت راسي باوعت من الشباك الدينيه مضلمه وأنه لا من صلاة الظهر والعصر وهسه هم إذن استغفرت ربي.. بقيت داخل المطبخ جنت متمنيه احد يحن عليه بس هيهات محد مهتم إلي...
...حضري العشه هسه يجون الولد تعبانين
نور... تمام ثواني وجهزه
وحنه نحجي دخلو وسولفون بسالفة ابوي وبتهم.. بديت اخلي كل صحن بي بيذينجانه وبتيته وليمومونه وياهم... حطيت الزلاطه بكم صحن ونقلوهن وأنه بقيت بالمطبخ خلصو كلهم كمت انه أكف المواعين..... مرت هاي اليله عليه أسوه ليله بحياتي... نايمه بالمطبخ وضهري كام يوجعني بس تحملته وسكتت..
مرن يومين وبيتهم داخل بنذار بتهم فص ملح وذاب وابوي هم ماله حس ولا خبر.. اخواني وأخ يا اخواني أجو يردون ياخذوني بس صارت عركه وصلت للدم بس الله ستر وتدخلت ناس فكتهم.. وسند يريد اخته مقابل يرجعني الهم...
مضايقات مروة مرت سند تذيني هواي بالبدايه حجي يسم البدن وأوامر بس بدت تتماده كامت تذيني روحيا وجسديا بدت روحي تلوب وكلبي صار يوجعني حيل وساكت ع ساعه انفجر
عمتي تحرض مروة عليه ومرات تتهجم عليه ومروة وياها يومين جحيم صارن عليه ودي اكتب نفسي وارتاح... وغير النومه التكسر الضهر ع الكرسي
كعدت الصبح حضرت الريوك... ودكات كلبي المتسارعه توجعني اشكي المن حالي.. كملت الريوك وكعدت خليت ايدي ع الطبله والثانيه ع وجهي وبيت ثكلي ع ايدي وغمضت عيوني وحس كلبي ينعصر قوي
... إذا نعسانه نامي
فتحت عيوني كوه عليه وباوعتله جان واكف باب المطبخ ولابس تراك اسود وشعر متعفس وبيده جكارته..
نور... شوك ارجع اهلي.. اجه سحب الكرسي وكعد مقابيلي
سند... شوكت ما ابوج يرجع عرضي
نور...تريد ريوك
سند... ستعجلي
صبيتله كوه مستحملها وجع كلبي.. تريك وطلع وبدت الناس تجر واحد ورا الثاني يريد ريوك.. مايكعدون كلهم سوه وخلصوني.. اجت مروة تتمخطر وفاتحه شالها وكفت يمي تراويني ركبتها مافهمت شيئ بس شفت ركبتها زركه
نور... مروة ركبتج كارصتها حشر روحي للطبيب
مروة... حشرة ما غيرج قليلة ادب
شو هاي دفعتني حيل ع الكاونتر وطلعت صارت الضربه ع ضهري نغزني كلبي قوي... استمريت اشتغل وضاغطه ع نفسي فجئه دخل سند يرعد واجه عليه جرااني....
سند.... ابوووج وبين رااح وخذه حميده وياااه جاوبييني
نور... مااعرف والله ماعرف شي عنه
سند... مااسمعتيي يريد يساافرر لمكان
نور... هو ما يجي شي والله يطب ويطلع يصرخ علينه
سند... جذااابه احجيييلي عدكممم كراييب بالمحافظااااات احجييي
نور....مادريي عن احد ما شايفه كراييبي من أنه وعمري 3 سنوات وما اسمع عنهم
سند.... لااااااا تحاااولي تضحكييين علييه كتلللج تذكر ي ابوووج صخااام ويبين خذااهااا وراحو
نور...مااادرري
اخذني يجر بيه صعدني ع السطح وسد الباب وجاب حبل طبكه كبكتين كمزت مخترعه من شكله
نور... بيمن تريد احلفلك مااعرف شيي عنهم
سند.... اسئل وتجاوبين ع كد السؤال إذا تجاوبين ما اضربج تحاولين تستغبيني وتسكتين تنجلدين... ابوج شنو يشتغل
نور....شيخ معمم يقرأ بالمجالس الحسينيه
سند... بستهزاء.. واضح شيخ بعمامته.. شلون تعامله وياكم داخل البيت
نور... من سيئ إلى اسوء
سند... بهدوء وشمر الحبل.. شلون يعني
نور... عنده البنات حشاك هنا ونعال سوه يدوس علينه شوكت مايريد
سند.... بويه وضحي أكثر فهمي بطيء وكعدي شبيج ترجفين الحبل وشمرته كعدي
كعدت بس بعيد عنه هو كال كملي حسيته أنطاني الضوه الأخضر حتئ أفرغ إلي بداخلي
نور... ابوي رجال متسلط بين قوسين ضالم يكره المرأة عنده المرة مجرد تلبيت طلبات وطبخ وتضيف... أمي من أنولدت وأنه اشوفها تنكتل لو الاكل بي ملح زايد حبه
سند...شلون عايشين عنده هيج
نور... ابونه وين نروح مضطرين نبلع القصه ونسكت
سند....سولفيلي عليه أكثر من ناحيته الفلوس يصرف مبذر
نور... قصدك بخيل عص ابوي يعبد الفلوس هسه إذا خبرته وكتله أنطيني وبناتك اذبهم غربان لخاطر دفتر فلوس يسويها وينطيك امي هديه فوكانه
سند... لهل درجه ابوج ميت بالفلوس
نور... خليها سكته.. صدك نسيت اكلك ترا انه سمعت امي تكول ابوي جان مقرر يطلع للناصريه
سند... وصار الج سااعه سااكتتته
كام وعافني أنتجيت ع حايط وجريت نفس ورفعت ايديه للسمه...عسى ربي يخلي سند يلكه ابوي ورجع يم امي واختي حتى ارتاح...
ما ادري يمته غفيت كعدت ع ايد تلعب بشعري صدت عيوني بعيونه سند كبالي كمت بسرعه مبعده ايده عني...
سند... باجر ابوج يمي تحضري ترجعين منين ما أجيتي رغم راح نشتاق لطبخج بس شنسوي نرجع ع المطاعم احسن
ما جاوبته وباوعت للسمه وهو بقه كاعد ونضراته عليه التفتت عليه يباوعلي تلبكت
نور... سند
سند... هممم
نور.... صالي ثلاث ايام يمكم ومروة ما تخليني اصلي من دخلت لبيتكم وبعتوني عن ربي عادي اصلي هنا والله ما ازعج احد
سند... تحبين تعبدين اللله
نور... اكو احلئ من العبادة ليش انته ما تصلي
سند... اصلي يوم وعشرة لا مالي مزاج
بقيت صافنه ع حجيه ضربني إلهو ع وجهي بنسمه بارده وجاوبته..
نور... هذا الشي بينك وبين ربك بس الله يخليك لا تمنعني من ربي والله احس نفسي منبوثه من ربي بهاي الثلاث الايام جنت حتئ صلاة اليل إصليها
سند....مروة هم مثلي كاطعه الصلاة من اصلي تصلي لذالك تلكيها ما اهتمت الج من طلبتي منها تصلين
سكتت عجيب أمرهم هسه تطلع العائله كلها ما تصلي بقيت كاعده منتظره سند يجيبلي مصلايه وجادر صلاة نص ساعه واجه فرشت المصلايه وركضت توضيت وجيت بديت اصلي صلاتي الغضه وصليت صلاة اضافيه لقضاء الذنوب وبقيت اسبح.. درت وجهي سند ماكو يمكن نزل بعد احسن...
...........
مرن يومين مرور الكرام وماخليت واحد ما حطيته يراقبلي الوضع...اريد بس ألكه خيط يوصلني الهم.. كلفت ضباط يطلعون للمحافظات يسئلون عنهم ورجع وكالو ما الهم إثر.. جنت حالف لو الكاهم اكتلهم وما يرفلي جفن.. أمي من جهي ومن جهه نور إلي جبتها وماعرف شنو اسوي بيها من جهه شغلي وضغوطات عليه وغير حجي عمامي وخوالي بسبب حميده العااررر خلت سمعتنه بالطين حتئ راسي استحي ارفعه لو اخلي عيني بعين احد.. مروة شالعه كلبي بنكها وتلح بالزلاطه راسي صار طبل من وراها بس ساكت ماريد أذيها وسمع منا وطلع منا...
سند... صباح الخير
ام سند ومروة....صباح النور
مروة... حبيبي طالع
سند... أي طالع لا تنتضروني ع الغده اتأخر
ام سند... يمه اروحلك فدوة طمني ع اختك كلبي طاك عليها
سند... خلي الكاها هاي العار وشوفي شسوي بيها
طلعت من عدهم ورحت للمركز وبديت اشتغل ع شردت اختي وع كم قضيه ع راسي.. خابرت ع جندي مخلي يراقبلي بيت الشيخ حيدر خاف رجع وحنه ما ندري.. كال ما اكو اي شي محد يدخلهم ومحد يطلع بس ولدهم يرحون لجامعاتهم هذول هم حاط ناس تراقبهم
فتحت خانت الملفات وطلعت كم ملف وبديت اشتغل وروحي طالعه... خابرني الشخص الي مخلي يدورلي بالناصريه.. جاوبته
جندي... الو سيدي
سند... هلا بشرني شنو صار وياك
جندي... حاوطنه المكان المطلوب بس البيت شبه مهجور وما بي صوت
سند... اقتحموا المكان وديرو بالكم يصير شي بيهم أريدهم عدلين
جندي... صار سيدي
سديته منه وخذت سويج السيارة وتلفوني وطلعت مريت ع سيطره استطلاع الأخبار عدنه مهم جاي يروجون مخدرات من قبل السيطرات واكون كم مندس من الضباط جاي يساعدهم... الكل مشكوك بي عندي طبع ما اعترف بصديق ولا اخ إذا جان متهم يتعاقب حاله حال الناس ما عندي لا هزازيه ولا تفرقه باوعت ع الضباط يشتغلون.. فريت سيارتي ورجعت
مر اليوم وأنه ع فرد كعده الراقب الوضع وراسي صدع من تركيز ومنايم عدل واشرب كهوه رجعت للبيت متأخر شفت نور تمسح بالمطبخ..
سند... مساء الخير
نور... مساء النور
سند... شعندج كاعد والوقت متأخر
نور... ما جايني نوم شنو صار لكيتهم
سند... ماكو حتى بالناصريه ماكو راسي راح ينفجر
من ورا المصايب العله راسي
نور... الله يساعدك
عبرتها ودخلت لغرفتي شغلت الضوة ومروة نايمه هزيت راسي بتعب أخذت ملابسي ودخلت للحمام سبحت ونشفت شعري وطلعت ترجهت الفراش بسرعه غفيت من التعب.. فزيت ع مروة تحجي بالتلفون من شافتني اشرتلها تسده.. ترخصت من اختها وكالت
مروة... البارحه وين جنت وبيش الساعه أجيت
سند... جنت بالملاهي ويه أبوج ما كلج
مروة... احترم ابوي سندد لا تتجاوز
سند... تشوفيني متجاوز يعني أبوج ما يروح للملاهي
مروة... حتى لو لا تحجي عليه كدامي
سند... فتهمنه لا تضوجين وكومي سويلي ريوك خل اولي
هيه كامت وأنه رحت سبحت وبدلت ونزلت جانت نور ومروة يتعاركن عطت بيهن سكتن بس مروة تسد حلكها لا ضلت تدردم ما جاوبتها عفتها تحجي وتسكت ما الي خلك اكو اكتلها...تريكت واجيت اطلع اجت وراي مروة..
سند... خير مو عوايدج توصليني للباب
مروة... أريد اروح يم امي وتدري عمتي ما تقبل ف راح أكلها رايحه لاختي وروح لأمي
سند... ماكو روحه كعدي وسكتي
مروة... فدوة سند مشتاقتلها هواي صلي سنه ونص ما رايحه ع الاقل ساعه ورجع والله
سند... استغفر الله ساعه غيرها ماكو قسم بالله وتدرين بيه ما احلف جذب تروحين بال9 ترجعين بال10 إذا خابت امي وكالت مراجعه رجليج احشهن حش الج فتهمتيي
مروة... والله ارجع قبل العشر والله
سند... روحي وخابري حمزة ياخذج لختج ومنك رحيلها ورجعي لختج وخابري ع حمزة يرجعج
مروة... تمام فدووة الكلبك ياعمري انته
هزيت ايدي وطلعت النسوان ما تصير عمري وحياتي عدهن بس من يردن شي منك.. وصلت للمركز وانتجيت ع الكرسي وبالي مو شوش وماعرف شلون تصفه... الناصريه وضاع الدليل بيها.. رفعت راسي الجندي صافن بوجهي
سند... شبيك
جندي... سيدي صالي ساعه احجيلك ع تطور القضيه وانته مو وياي
سند... خل الملف وروح الشغلك انه اشوفه
طلع ورجعت راسي ع الكرسي وعيوني ع السكف تنفست بتعب ورجعت فتحت الملف وبديت اشوف تطور هاي القضيه المندس.. اجاني اتصال باوعت مستغرب امي جاوبتها اجاانيي صوووت صدمني..
شكرا لزيارتكم عالم روايات سكيرهوم
