رواية رهينة لضباط الفصل الثالث بقلم مرج البحر
يكولون الي# يمشي هواي
لازم يكعد ويرتاح...
اشو فريت# الدنيه كلهه
وما كعد حضي...
.........
سند.... نورر ع كيفج احجي ولا تبجييين وحده وحده خلي افهم عدل كلشي ما فهمت من صريخج وبجيج حاولي تهدين وترجعين تحجين من جديد
نور... أمك ومروه تعاركن ومروه علت صوتها وصار بينهن معايرر بالحجي وهسه امك تخربطت وماعرف شنو اسوي تعال بسرررعه
سديته منها وطلعت مستعجل يا طلابت الجنه والعمه الما تخلص... وصلت وسمع حس مروة يلعلع دخلت صحت بصوت وشوف امي تحجي وما بيها شي
سند... شكوووو شبييييجن صووتجن واصل للستاااار وتاااالي وياااجن
مروه... اللله جابك تعال شوووف امك شنو تسووي من ورااااك وما تحت السواهي دواهي وتشوفك تعبان وحال الضيم حالك وسااكته
سند.... مرررروه صووتج ماااا ترفعينه ع بووجهي ولا بوجه امي كم مرررره اكلللج هل شي
مروه... تقبلها امك تحجي ويه حميده من وراك وهسه سمعته متفقه وياها تروح تشوفها وتنطيها فلوس
انصدمت وخلي نضراتي بسس ع امي وهيه دنكت رأسها هناا عقل ما ضل براسي تشووفني مشلوع كلبي وتعبان ونوم ما نام وسااكته بقيت اروح ورجع ماريد اصيح ع امي ووكدااام مروه
سند... وين هيه احجي وصاك ع سنوني
ام سند... لا رد
سند... يمممه رحمه لبوي جاااوبيني خلي أفض السالفه وطلع نار كلبي بيهاااا
ام سند... اختيك حامل منه ما تكدر تسوي شي
اريد استووعب... شنو جاي تحجي... أريد اركز ما كدر ما حسيت اله ع غواشش ع عيوني....
فتحت عيوني واخواني يمي وامي تبجي ع راسي وراسي احسه يفتر بيه وصداع قوي
سند... مروه جيبي حبوب الضغط
جابت مروه حبوب الضغط وشربت وأخذت امي من ايدها ودخلت للغرفه وقفلت الباب...
سند... يلا يمه لا تعبيني احجيلي كلشي
ام سند... اخاف ع اختك منكم خافن تاذوها
سند... انطيح عهد محد يطخها وتوصلج سالمه مسلمه بس انطيني العنوان وحجيلي شلون وصلتلج
ام سند... اتصلت عليه رابع يوم من روحتها... وكالت تعبانه وتريدني اجيها اليوم واخذها بس شوفت عينك مرتك تتنصت ع أمك وانته ساكت
سند... بعدين اتفرقلها بس هسه مو موضوعنه.. احجيلي شنو كالتلج بعد
ام سند... عاجبها وتكول رايدته وكاطعين مهر شيخ
هزيت راسي بتعب وأخذت منها العنوان وطلعت وحلفتها ما تخابرها ولا تكلها انه جاي... طلعت من البيت روحي مهدوده ماعرف لو شفتها شلون راح ألزم نفسي عنها.....
وصلت العنوان ومكان مهجور وكم بيت موجودات ما طالعين من المحافظه...دكيت الباب بدكات خفيفه.. طلعتلي حميده الوجه متروس مكياج والشعر مفتوح والملابس مفضوحات وصوت الاغاني مسموعه من جوه....
حميده... سند
أجيت اجيبها راجدي بس صبقتني تركض داخل البيت دخلت وراها وروحي شايطه... شفت رجال جبير بالعمر كاعد وكدامه بطاله كزاز يشرب عر...ويتمايل بجسمه... اوحتلي مخيلتي اختي جانت تركصله ما ظل عقل براسي... هجممممت عليه وبديت اضرررب بي....
اجت حميده ساترة نفسها وصارت كدامي تمنعني اضرب بي... درت وجهي ع هااا كرهه وجهه..
سند....لسيااااره كدااامي وأنه اعلمممج انتي وهذااا العااااار مالتجججج كدااامي
راحت تركض كدامي وهو كومته بوكسياات وشمرته بصفها بسياااره ورا وصعدت وسقت بجنوون... وصلت البيتنه نزلتهمم سحل
شمرت العااااار بالحديقة ودرت عليهاا اخذتلهااا راجدييي خرب تقاسيم وجهههه... بديت اضرررب بيها بوحشييه وصوت صياحي عليها يعله شيء فشيء وفشاير والسب أنجريت عنها ولازميني اخواني
سند...اذاا ماااربيتج من جده وجديد مالا اتسسسمه سند عااااار تشررردين ومن ورااان حسباالج نسسكتلج لو نصفكلج ع سرايتج
حميده.... انتم مااالكم دخللل بيه حبيبته وتزووجنه لا عيببب ولا حرام وعنااااد بيكم هسه انه حامل وراح اعيشش وياه وعيونكم تشوف
جن جنوني فوك شينها كوات عينها.. هجمت عليها وخذت كم ضربه تسوه عمرها واخذتها امي ودخلتها الغرفته وسدت الباب... التفتت شفت نور واكفه جررريتهاا بكللل قوتي وشمررتها ع ابوووها...
سند...هذاااا الكوووواد ابوووج خل يصحهاااا لا اجننننزه وهووو سكرااان كعددددد إلي اليووم ادممي هووو وذيييج العااار اصبررررلي
عفتهم وطلعت اريد اتنفس ما أكدر... تعال يأبه شو بنك شلون جاي تجازينه... اوووف ربي شسوي بيها هم ما يشفه غليلي بيهم....
بقيت برا أكثر من أربع ساعات وبعدها رجعت شفته مصحص واخواني دايرين عليه وجاي يكتلون بس بعدتهم ولزمته واضرب بي بحركت كلب.. اجن حميده تصيح وخذتلها راجدين يسووون عمررها...
سند.... هسسه ترررروح تجييب عشيييرتك وتجي تسسسسمع تجيييبها وتجي وحمززه روووح وياااه خاف إله نيه النذرررر يشررررد تروح وياه وتنزل وتكل لعشيرته يجرون وترررجعه ويه بالكعده احنه نطلعه....
دخلت للغرفه وباكيت الجكاير اخلص واحد وراجع افتح واحد جديد... اريد اعصابي تهداء ماكو..
مروه.... ليش حارك دمك تولي تروح وياه ونارهم تاكل حطبهم وهم نخلص من عدها خلي هو يتحمل دلعها وسوالفها الماتخللص
سند.... انتيييي ما تعرررفين تسكتيييين مورو كااايلج من تشوووفيني مااالي خلك لا تحجيييين حلكج سدد ي كرررميني بسسسسكووتج فووك الدوووخه البرااااسي انتيييي ع راااسي
عفسست وجهه وبقت تلوي بحلكها معاجبها... انتجيت ع الجربايه وجكاره تجر جكاره والتفكير اكلني اكل وريد افكر بشي يريح بالي ماكو طلعت مروه وأنه غمضضت عيوني اريد انام....
شفت الباب انفتح ع كيف ورجع انسد ع كيف بقيت ع وضعيتي اريد اشوف منوو اجه... مروه متعلمه كله جفي واول ما تدخل تدردم ...
فتحت عيوني صاارت نور كبالي وتفرك بايديها... ما تحركت ولا حسستها كاعد ضلت هيه تروح للباب بعدها ترجع تريد تحجي بس تشوفني نايم... كعدت ونتجيت ع تاج الجربايه وصار وجهي مقابيل وجهه
نور.... سند شنو راح تسوي بالكعده
سند... شي ما يخصج وشعندج جايه الغرفتي تفضلي طلعي براا بدون مطررود وديري باالج تفكرين تتتعتبين باب الغرفه رجليج احشهن الج حشش
نور.... ما ميته ع الغرفه بس أجيت اكلك شغلتين الأول اختك وابوي هما الي غلطانين وشنو كان غلطهم انه ما مستعده اتحمله.. ثانيا دير بالك من مروه مبينه وراها شي
سند... ماكو داعي توصيني ع ناسي انه اعرف ناسي شنو هما وحافظهم
نور... حتى لو جنت حافظهم ما يمنع الحرص واجب وأنه اسئتذن
طلعت وأنه ضرربت الميزز قووووي وجريت جكاره.. رفعت راسي باوعت ع السكف ما ضل شي وراح يرجع كلشي بسس الوووجع يبقه وجعع ماااا يتغير..
........
ايام تجر ايام وأنه باقيه يمهم شنو محلي من الاعراب ما اعرف.. اليوم من شفت ابووي كدامي ستبششرت بخيرر وكلت وخيررا راح اخلص ورجع الحياتي الطبيعيه...
مروه... وأم سند... من يوم يومهن شادات عليه رغم ام سند تدري بتها تحب ابوي وشردت وياه بس كدام ولدها تسوي روحه كلشي ما تعرف...
وكت الي كشفت مروه كلشي انصدمت ومروه جبرتني اخابر سند وسويلي مسرحيه حتى يجي.. اجه وصار إلي صار....
ام سند ما نكرت شي وجانت ثقتها عاليه بنفسها من كل الجوانب... ماعرف شنو سوه سند وخذه المعلومات منها... اجت حميده تلعلع وتتوعد وسوي هيج وسوي هيج...
مرت الساعات عليه بفرحه.. واجه وكت الكعده وابوي كارهته شسوه بينه وشسوه بنفسه... ذلو... هانو... كتلو... دمو... كل هذاا وسكران ويحجي حجي ما يلبس...
قبل لا يجي سند ويكتله بعد ما كال صحو بقيت يم ابوي وذب عليه ماي بارد ما حسسيت غيرر ايده لزمتت صدري كمرررت كمزززه وكام يحجي
حيدر.... شهل جسسم كبرران تعاي يمي خلي اشووفج عدل
لعبت روحي بده يحجي كلام بالخط العريض.. ابوس.. اعضج... امصج كرهته وكرهت روحي صرت بنته... شردت من يمه وكل جسسمي يرجف من الي سمعته حاولت اتناسه بس شنسه وهو الحجي صار يرن بأذني رن...
وأنه امشي وصدمتي بالبوي محتله تفكيري شفت مروه تخابر وتحجي بهمسس... ما فهمت غير كلمتين... اجيك... ونتفاهم... ما اسمع بسسب صوت حجيها...
كلت ما الي دخل... بس بعدين كلت لازم سند يدري حتى لا ينصدم بيها مثل اخته... بس من شفته هيج يحجي بس نبهته ما حجيتله شي...
التمت الوادم علمود الكعده... وصار كلبي يدك وخايفه من الراح يجي....صبينه جاي واخوان سند ياخذون.. مر الوكت وكلبي أريده يوكف من الخفقان ماكو.. كلش خفت خاف اتخربط صح صالي هو ما متتخربطه بس كلشي ويصير...
سمعت صوت اصياح بطابق الفوك صعدت وعمتي صعدت وياي جان اشوف مروه... وحميده...
مروه.... هذا يسمونه طياح حظ وانتي مفتاخر لأن مسويته لا والله عفيه عليج شلون تروحين تتزوجينه بدون علم خوانج
حميده... ليش انتي ما سوويتيها أجيتي شاارده من أهلج علمود سند قررر يتزوج بقيتي تبوسين برجله حتى يتزوجج وهذا شنو يسمونه قلت مسستحه
مروه... انه شي وانتي شي ثاني انتي شردتي بس انه حجيت إلي بكلبي وفهمته موقفي لا تخبطين المواضيع بعضها
حميده... هاي الدررروب مو عليه لعبتي براسسس امي حتى تقنع سنددد يتزوجج هو جان مييت ع ميسم بس انتي وامي لعبتن بعقله لعب
سند... ع الاقل انه علمود امج وعلموده بس انتي علمود شنوو رحتي تزووجتي
حميده... تزوجته ع نفسج إلي انتي تزوجتي عليه فاهمتني مو
جنت مثل الأطرش بزفه كلشي ما فاهمه وأم سند بس تباوع وبعدها من كالت مروه هيه هدت عليها..
مروه.... عيوني امج توسلت بيه اتزوج ابنها حتى لا تأخذه ميسم وامها من عدها وتصفه ع الحديده
ام سند... خلصن بنات خواتي وكلج تاخذينه لو ما انتي وامج الحيه لعبتن براسي وشرربتني وخليتني خاتم بيديجن ما جان هسه انتي واكفه كدامي
مروه... طلع لساانج يعجوز وصايره خوش مره إذا ما فضحتج انتي وبنتج بالمنطقه وخلي كلها تحجي بسيررتكم
حميده... واضح اخوي رجولته بسس عليه ما يعرف يطلع الرجوله عليج بس هو شترجع من واحد ماخذ وحده ابوها صاحب نسوان وامج صاحبه زلم شلون عائله الله منزل عليهم الشرف من حيث لا تحتسب
مروه... لا تحجيين بشررف وانتي ما وزنتي ولا تنسين اصلج ابوج جان يحلف برأسه لا تخليني اطلع خياسجن انتي وامج الشريفه
ام سند....والله وسند عرف يرربج بس خلي اشووفه شنووو يكوول ع سوولفج هااي يقبل بيها
ضليت فاكه حلكي وصافنه هذان شنو يحجن وحده تعير بالثانيه... نزلت بهدوء تاركتهن يحجن براحتهن الي سمعته كفايه ع عقلي ومخيلتي.... كعدت بالمطبخ وصافنه بتعجب معقوله الي سمعته.. دخل حمززه صاااح ع أمه نزلن ثلاثتهن....
حمززه.... حضررري نفسسسج حميده راح تولييين ويه رجللج وانتي يمه حضرري نورررر راح يعقد عليهاا سند
انه ومروه صرخنه بنفس الوكت..... شنوووووو
شكرا لزيارتكم عالم روايات سكيرهوم
