رواية اللعنة مازالت مستمرة الفصل الثانى بقلم ميدو هيرو
علي اخر اليوم كل واحد دخل اوضته عشان ينام لكن اليوم ده معداش عليا سهل ولمده اربع ايام بالعدد كنت بحلم بكوابيس ان كل واحد فينا بيموت مره مدبوح ومره محروق وكنت بحكيلهم عن الكوابيس دي القيهم بيحلموا بنفس الكوابيس دي بالظبط ده بقا معناه ايه ؟؟ الله اعلم
لحد ما جه اليوم الخامس ودخلت انام المره دي محلمتش باي كابوس الحمد لله صحيت لكني لما طلعت برا الاوضه لقيت عمر وعبدالله واقفين برا وبيبصولي بترقب اوي وعلي وشهم ابشع ملامح الرعب اللي ممكن اي حد يشوفها انا قولتلهم انتوا ملكوا انتوا الاتنين واقفين كدا ليه ؟ لقيت عبدالله بيطلع قماشه لونها ابيض وبيقولي ممكن سعدتك تفهمني ايه ده انا لما شوفت القماشه دي انا صرخت لان القماشه دي كانت كلها دم ومش بس كدا القماشه دي جزء من هدوم احمد اللي كان لبسها قولت لعبدالله انت بتسالني انا وانا مالي !! لقيت عمر بيقولي لا والله ... كان بيقولها بسخريه شديده جدا قولتله انت بتتكلم كدا ليه ؟ مردش عليه ومشيوا هما الاتنين ونظراتهم هما الاتنين ليا كانت مستفزه وكلها سخريه واحتقار وانا مش فاهم فيه ايه بس الواضح كدا ان الكوابيس بدات تتحقق
وعدا اليوم وبالليل قومت من النوم اروح اشرب بوق ميه وارجع انام ولما خرجت شوفت واحد واقف قدام الاوضه المقفوله كان واقف بظهره راجل عجوز ظهره محني واقف بيتأمل ادام باب الاوضه وبدون سابق انذار باب الاوضه اتفتح لوحده لكن لما اتفتح شوفت ايد هي اللي كانت بتفتح الباب ايد سوده محروقه وزي ما تكون متحلله ودخل الراجل وقبل ما يقفل الباب التفت وبصلي اول لما بصلي انا برقت وحسيت بشلل في كل جسمي الراجل كان وشه احمر من كتر الدم اللي مغرق وشه ومش باين من وشه غير عينيه الواسعه المبرقه كان يرعب اكتر من انك تشوف واحد ميت قدامك ودخل الاوضه وقفل الباب .....ساعتها جريت علي اوضه عبدالله وصحيته قالي في ايه حد يصحي حد كدا قولتله تعالي معايا بسرعه قالي في ايه قولتله تعالي بس ولما طلعنا ولسه بنتحرك ناحيه الاوضه سمعنا صوت حاجه بتدحرج من علي السلم اللي بيودي علي الدور التالت كان مشوه وجسمه كله غرقان في الدم وعمال يخرج من بوقه شللات دم غير طبيعيه هو مين هو عمر انا وعبدالله صرخنا ومش عارفين نعمل ايه وكل واحد اتجمد مكانه ومش عارف يعمل اي حاجه وفي اللحظه دي حاجه وقعت علي دماغي وقعتني علي الارض وسمعت صوت عبدالله بيصرخ وانا فقدت الوعي .....
فوقت لقيت نفسي مرمي علي الارض لا فيه دم حواليا ولا فيه جثه عمر ولا حتي عبدالله مرمي جنبي لكن باب الاوضه كان مفتوح لكن كان مضلم قوي قولت لنفسي انا لازم اخوش الاوضه دي واشوف فيها ايه ودخلت بكشاف لقيته مرمي علي جنب في الصاله ... الاوضه فاضيه تماما مفيهاش غير صندوق كبير في نص الاوضه واللي ادركته ان دا قبر !!!! اه قبر مقفول وشكله قديم اوي ومتهالك وفي اللحظه وانا ببص علي القبر باب الاوضه اتقفل عليا والكشاف نوره طفي لوحده !!!!! حاولت اشغل الكشاف مبيشتغلش نهائي لكن انا بدات احس بحركه جوه الاوضه ونفس ....هوا سخن دافي جاي علي وشي انا لساني اتعقد مش عارف اكلم ولا اصرخ ولا اعمل اي حاجه لكني بدات اتكلم وقولت انت مين ؟؟ بعد ما سمعت ابشع صرخه ممكن اسمعها في حياتي فقدت الوعي فوقت لقيت نفسي علي سرير وعرفت اني في المستشفي سالتهم ايه اللي حصل قالولي فيه ناس لقوك مرمي في الشارع وجسمك كله بينزف كنت واقع قدام فيلا بتولع وبتتحرق والناس بيقولوا انهم سمعوا صوت ناس بتصرخ من جوا الفيلا لكنهم مقدروش ينقذوا اي حد وجابوك علي هنا ......
