رواية اغفري لي الفصل الثاني بقلم أوتار حزينة
هل كنت أحلم،
وهل ما عشته معك
كان وهماً جميلاً
أم سراباً خداعاً
مر بي كنسمة، ثم اختفى؟
همست لي بالحب ،،،،،
ثم سكت،
تركتني في منتصف الطريق
أجمع ما تبقى من الحنين،
وألملم شتاتي كل مساء.
أكنتَ صادقاً؟
أم كنت تمثّل دور العاشق،
وترحل قبل أن يسدل الستار؟
قائد
رجعت سنين ليوره لذيج الايام الجنت عايشها
وي اهلي قبل لا اعرف الحب وينكسر
گلبي من وراه
شفت روحي راجع من الشغل امشي بشارعنا
والهموم تارس عقلي وگلبي وشي
واحد مصيطر على تفكيري
وهو الهجرة لمحت اخويه كاعد هو وشباب
المنطقه سلمت
«،،،،شلونكم شباب
«،،،،هلا قائد تعال اكعد ويانا اشربلك جكاره
« تسلم مااريد
احمد كام فتحلي الباب دخلت الماطور رحت للمطبخ جان ماكو احد بي شربت مي من البراد اني واكف سمعت صوت امي
«،،،هاي شوكت اجيت
«،،،هسه
جاوبت مختصر
«،،،اليوم تعرف منو جان يمنا
مارديت كملت مبتسمه
«،،،مرة خالك جاسم وسرى
«،،،اي وشتريدين اسوي افرح مثلا
جاوبتني بعصبيه
«،،،،يول تالي وياك يعني شنو راح تظل بهل الراس اليابس وتعاندنا اني وابوك
قربت ليمي كملت
«،،، كلي انت راح تلكي احسن من بنت خالك شوفها حسن وجمال وام بيت
جاوبت باستهزاء
«،،،،اووه حجيه اشوفج شكثر عندي
معجبات ووحدتهن گمر واحلى
من بنت اخوج النادرة
مشيت من يمها لحكتني تردد
«،،،قائد لاتعاند تره اني غير بنت اخويه ماراح
اخذلك
وكفت يم الدرج وجاوبت بروده
«،،،يمه من الاخير حتى يرتاح گلبج وتعوفيني بحالي اكلج اني ماراح ازوج لا هي ولا غيرها هذا
اشرت لراسي وكملت
«،،،هذا قافل على العزوبيه واعيد للمره المليون اني ماراح اظل هنا اهاجر اهاجر اذا مو هالسنة
سنة اللخ
صعدت الدرج سهام جانت نازله وكفت بنصه
وظلت ادحك عليه حجيت بضوجه
«،،،ماتنزلين شكو وكفتي مثل الصنم
«،،،ووولك لااتحجي وياها هيج
دحكت لامي من صاحت بيه جاوبت
مستهزء
«،،،،عيني ست الحسن ملكه سبأ ممكن تنزلين حتى
اصعد واروح لغرفتي وانخمد
مقداد اجه من فوك وسمع الكلام بس حجه
بهدؤ
«،،،يووولي شعندج واكفه ماتنزلين
«،،،سمعت اخوك شلون يحجي وياي
خزرها ورد
«،،،لا ماسمعت وطولتيها كلش لو تصعدين لو تنزلين
«،،،تعالي يمه وعوفيهم واحدهم صاير بارود
ومايتحمل حجايه
امي حجت واشرت الها نزلت وهي كالبه الخلقه
صعدت لفوك وكفت يم مقداد وكتله
«،،اسف ماجان اقصدي احجي وياها هيج بس
والله امك اطلع الواحد من طوره بعد ماطبيت بدت
تلحن على سرى
اخويه سكت بعدين كال
«،،،،لاتغلط غلطتي وتسمع كلامها
صفنت علي من حجه هيج كمل من راح لغرفته
«،،،روح ارتاح
مشيت لغرفتي اني واحمد
اخذت هدوم سبحت بالحمام الفوك طلعت انشف
شعري وكفت بالصاله من سمعت صوته
هو مرته عرفتها تعاركت ويا من ورايه امي صعدت
من شافتني صاحت بيه
«،،هاي الردتها ياوجه البومه
شوف علكت بين اخوك ومرته
وكله من وراك بعد ماطبيت علكتها بينهم
«،،،ااستغفر الله ياربي شااحجي وياج جبتي
البلوه وخليتها براسه وهي لا خلقه ولا اخلاق
اخويه وين وبنت اخوج وين تراب هي
وهو الماس
«،،،اانجب ولك تاج راسك بنت اخويه
جاوبتني وطبت تعلعل بصوتها على مقداد
رحت لغرفتي شمرت،،،،، الخاولي
على الحايط وكلت بعصبيه
«،،،ولك بس اريد اافتهم مو جنت مااارايدها ورافضها شجاك وگلبت
احمد طب وسال
«،،،هاي شكو عبالك هم علكت بين بين اخوك ومرته
«،،،،اي وامك يمهم وكالعاده راح ترزله اله وتعوف بنت اخوها واخلاقها السسز
هز راسه باي كملت بضوجه
«،،،سد الباب تره جاي تعبان ومالي خلك لهل لعبان
نفس
سد الباب واجه كعد على جربايته كال
«،،،ادري هذا خالك وبناته مسوين سحر لامك مااتريد غير رضاهن هن وابوهن لو على حسابنا
تمددت بفراشي وجاوبته
«،،،،ياربي شوكت اخلص من هالبيت ومشاكله
«اكلك انت بعدها سالفه الهجرة براسك
هزيت راسي اجه ليمي كعد وكمل
«،،،يمعود شيل هالسالفه من راسك وشوفلك
عقد باي مكان وتوظف
«،،،يول ماتسكت على اساس الوظيفه هيانها بالباب ادكلي تعال توظف ماشفتني حفيت واني
اريد بس واحد گواد يوظفني وكلها
جذابه تريد كومه دفاتر
يله توظفني وبعقد لو
يثبت لو لاا
احمد سكت كملت
«،،،خليني بقهري وكوم طفي الضوه حتى
انخمد
«،،،ماتتعشه
«،،،تعشيت خوش عشه من امك وتزهورت سم
افتهم عليه وكام لحيله طفى الضوه وطلع
من يمي سد الباب ،،،، غمضت عيوني
وخليت ايدي عليهن ذبيت
حسره وكلت
«،،والله مااظل هنا اهج اهج واروح لغير مكان
لان اذا اظل هنا معناها موت بطيء اليه
اني قائد عامر عمري 25 سنه متخرج كليه هندسه ميكانيك ومثل كل واحد تخرج بالعراق اخذنا
الشهاده وخلينها برواز معلك بالحايط
تاخذنا الصفنه علي ونسأل روحنا وين تعب هالسنين الي درسنها واخذت
من عمرنا عمر غير نحصل نتيجه هالتعب بوظيفه
تسد حاجتنا ونكدر نبني مستقبلنا بيها
هالشي ماصار رغم شكد حاولت وي ناس واصله
تنطي وعود وكله كذب وناس طلبت شدات حتى توظفني واني ماعندي هالشي
الجنت اشتغله بوكت الدراسه اصرفه على روحي
لان ابويه ماجان يساعدني ولا جان
يحب الدراسه واصلا جان
يستهزء بينا اني ومقداد من يشوفنا ندرس
وكاتلين روحنا على المعدل
عشنا بمشاكل ويا لا هو فهم شنو نريده ولا امي
شجعتنا ولا فهمت احنا نختلف عنهم وعن طريقه
تفكيرهم
هم بعالم واحنا بعالم ثاني بس رغم حربهم ويانا
مقداد كدر يكمل بتعبه وصار مدرس وتعين قبل سنتين بس اكبر خطأ سواه بحياته هو استسلامه لامي وابويه وبعد الحاح منهم وضغط اخذ
بنت خالي وهي اصلا ماتلوك اله وهالشي
كمت اشوفه واشوف شلون كام
يدفع ثمن موافقته عليها
بعد مااايأست من الوظيفه بديت اشتغل بالصناعه
بس مااظليت هناك لان جنت مااتحمل حجايه
من احد وااكثر من مشكله صارت
اليه
بطلت مناك واشتغلت بمحل ملابس وهم ماطولت
لان مو جوي ولا كدرت اتحمل الي يسأل
جثير
اخر شي اشتغلت عامل بمصطر وظليت هيج
لان اليومي زينه صح تعب وكسران ظهر
بس اكدر اجمع منها جم فلس
حتى اهج من العراق
ولد صديقي من ايام الكليه اسمه حسين
خله براسي فكره الهجره كلي سنه زمان ارتب
وضعي ونطلع اني وياك بالقارب على اليونان مناك
عمي يسهل النا امر ويسحبنا لالمانيا
خليت هالفكره براسي واشتغلت عليها وهم جنت
مااكدر اضم غير القليل من ورة
ابويه الي جان يريد،،، مصرف
للبيت بالاضافه لاسبوعيه
امي واذا ماانطي معناها احترك البيت
على راسي
هاي حياتي باختصار شاب ماشاف من الدنيا بس
التعب حتى ايام الكليه ماافتهمت منها شي
لان گضيتها ركض بركض اني بالمحاضره
افكر لازم اطلع بهيج ساعه
حتى الحك على الشغل
ارجع للبيت تعبان وطايح حتى حظي اشوف
الوجه مگلوبه واسمع من ابويه وامي
العيشه صعبه والمصرف صاير هوايه حسو
بينا منين انجيب الكم نبوك نمد ايدينا للعالم
وجثير كلام يسم البدن جنت انطي من راتبي النص
واخلي النص اليه وهم مايكفيني
لا لبست مثل غيري ولا طلعت لمطاعم مثل باقي الشباب وظليت السنه كلها هيج اشتغل
حتى اكفي روحي وانطي لاهلي
وياريت راضين
بس وي الوكت من شفت ظلمهم النا وتعاملهم ويانا
گلبي قسى وكمت ماادير بال لكلامهم وارد الكلمه
بعشره وحلفت امشي الي براسي والي
هو الهجره
حسيت من راح اطلع من العراق راح الدنيا
تضحك اليه وحالي يتغير للاحسن
اي مكان هو احسن من
العيشه العايشها ماجنت احس اني عندي اهل اسند عليهم جنت اشوفهم اعداء اليه
جنت أگول اني رجال،،،، وأتحمل
بس بيني وبين روحي،،،، جنت محطم
ما أحد حاس بيه
أبتسم وهمي للركب
أطلع وأضحك، وأرجع أموت
كلشي ما بيه حقيقي
حتى اسمي كرهته لان هم سموني بي
البيت؟ مو بيت، سجن بارد
أبوي چنه جلاد، مو سند
وأمي بس همها اخوها مو احنا
صرت أحچي ويا روحي، أفضفض لنفسي
قائد سافر ولك راح تموت هنا وانت ماشايف من
الدنيا شي ما بقى بيه شي،،،، غير حلم أفلت
أحجز تذكرة،،،، أركب أول طيارة
وأهج منهم
أريد مكان،،،،، بعيد كلش
يخليني أتنفس براحتي
أصيح، أضحك، أحچي وما أنداس
أريد أكون اني... مو نسخة هم صنعوها بايدهم
النوم اجاني ورحمني من هالافكار السوده
صبحت نهار جمعه جنت اتريك وي اهلي كالعاده الوجوه مگلوبه والنفسيه صفر مقداد
بصفحه ومرته يم امي كاعده
ابويه سال
«،،،،اختج وصلت مو
«،،،،،اي اجوي وهسه اكيد بيتهم
«،،،،ماعرفتي سبب شيلتهم من بغداد
«،،،،لا ماحجت ولا كالت اي شي وماادري شنو فلمهم ذوله حتى بيوم وليله يعوفون بيتهم
ويجون هنا
«،،،،رباب ماحجت شي
«،،،لااا حلفتها بولدها ورجلها ادكول على اساس
ندى ضاجت مناك لان وحدها ورادت لمتنا
«،،،على اساس احنا رايدها لو حابين شوفتها
مقداد دحك لامي بضوجه من حجت هيج
وكال
«،،،يابه راح اخذ اخوتي واروح افزع لعم فاروق
عيب علينا نعوفه وحده وهو وحيد وماعنده
احد
«،،،،عليش رايحين هم يدبرون روحهم
امي جاوبته ،،،،مارد عليها سهام
كملت
«،،،قليله فلوسه حتى مايجيب عمال يساعدوه
بالغراض
اخويه ردها بنتره
«،،،لا مو قليله بس من الاصول نوكف وياهم ونرتب
امورهم والمفروض كلجن تروحن لخالتي ندى وتساعدهن بترتيب البيت
«،،،عشتو هي هاي البقت نروح نخدمها هي وبنتها
مقداد سأل
«،،،،يمه راح تظلين هيج وي اختج
«،،،اي اظل هيج مادام رجلها باك معمل ابويه وفلوسه تكدر ادكلي هالخير مالته منين جابه وهو جان فكر ابن فكر
اني رديت
«،،،جابه من ورث اهله مااتذكرين كلام جدتي الله
يرحمها وشلون برئته من هالشي وكالت
لوما هو جان جدي انحبس وصارت
الكم فضيحه جبيره
«،،،،جذب ولك هالحجي ماصار
«،،،لا صار يمه واني اذكر كلام جدتي وتره كافي
عيب تحجين على الرجال وهو صاحب فضل عليكم
امي صاحت
«،،،،سمعت صالح سمعت ولدك شلون يحجون وياي
ويدافعون على فاروق
«،،،،انتو ماتعرفون شصار
جاوبت ابويه
«،،،لا يابه نذكر مو صغار احنا من ماتت جدتي وسمعنها اكثر من مرة تحجي على امي
وخالتي غزوه وخالي لان تسمعهم
يحجون عليهم ماتذكريني بعيد الجبير من زعلتو
خالتي ندى وخليتوها تبجي شلون انهدت
بيكم وكالت كافي عاد تدرون وين راحت فلوس
ابوكم بس الطمع كتلكم وتريدون تاخذون
تعب الرجال بالحرام
«،،،مووو ولد بطني انتو عبالك ولد ندى ولكم
هالخير جان صار الكم كلكم ليش احنا
عايشين بالفگر وهم بالخير
«،،،،مانريده اذا جان حرام
مقداد جاوبها وكام اشر النا كمت وكلت
«،،،يمه و لو اعرف عم فاروق مااخذ فلوسكم غصب وبالحرام وحگ هو الله اروح اااخذهن من
عيونه واجيبهن الج بس كلنا نعرف
شصار واذا عندج كلام روحي
كولي لجدي الي ضيع فلوسه
بالقمار
«،،،،صالح ماتحجيلك كلمه وياهم شوفهم شلون
يفزعون اله
«،،،،عوفيهم يمعوده مالي خلك هالسوالف
«،،،،هاهيه مالك خلك موو
مقداد طلع واحنا وراه نسمع صياح امي ودعواتها
على عم فاروق وخاله ندى
كمنا ويا بدلنا وطلعنا لبيته ماجنا نندله اخويه اخذ رقمه من خاله رباب وخابره
اندل المكان وعرفنا هو كاعد
بارقى منطقه بعقوبه
وصلنا شفت لوري وعمال ينزلون بالغراض،البيت
جان حلو كلش،،،، ومبين بنائه جديد
من شافنا وجهه فرح واجه علينا
كال
«،،،،هلا يابه كل الهلا
جنت مو شايفه من زمان لا هو ولا خالتي اجت
مره وغثوها بكلام وحلفت بعد ماتجي
جانت بس خاله رباب تروح
الها
ابتسمت بوجهه لان جنت احبه واشوفه من اهل الله سلمنا علي وهو باسنا واحد وره اللخ مقداد كال
«،،،،اجينا نفزع الك
«،،،ياهلا بيكم وبجيتكم ماشاء الله كبرانين وصايرين زلم خشنه
«،،،لعد شلون نظل صغار لازم نكبر
مقداد رده مبتسم هز راسه وجاوبه
«،،،اي والله لازم نكبر تعرف بعد عمك صارلي سنين
مو شايفكم ولا انتو تجونه
«،،،،حقك عم بس هم اعذرنا التهينا بدراستنا وبهل
الدنيا
«،،،ماصار عندك شي
«،،،،لا بعد
احمد كمل بضحك
«،،،،احنا نعتب عليك عم لان مااجيت بعرسه
عم فاروق سكت للحظه بعدين رد
«،،،محد عزمني يابه
مقداد دحك عليه وملامح وجهه تغيرت رد
«،،،بس عم كالو انت اعتذرت وخالتي هم
ابتسم ورد علي
«،،،،لا يابه محد كال النا
سكتنا كلنا وحسينا بفشله هو غير الموضوع وكال
«،،،،،اني جبت عمال
وهم استلمو تنزيل الغراض انتو بس اوكفو وياهم
وشوفو خالتكم وين تريد تخلي الاثاث
«،،،تمام راح انطب جوه
«،،،فوتو يابه البيت بيتكم
جاوب اخويه الي فات جدامنا وصاح
«،،،خاله وينج
طلعت من باب المطبخ من شافتنا هم الوجه ضحك
واجت علينا تهلي
«،،،هلا بعد خالتكم كل الهلا
بوستنا وكالت
«،،،،وين امكم مااجتي وياكم
«،،،،ماكدرت تجي كالت غير يوم تجي وتشوفج
حسيت بيها انقهرت جاوبت
«،،،ها براحتها غزوه هم ماكدرت تجي بس رباب
كالت جايه بالطريق
اثنين من العمال اجوي شايلين الثلاجه
كالت
«،،،خلوها بالمطبخ
مشت جدامهم فتحت الباب مقداد كال
«،،،راح اروح يم عم فاروق انت واحمد فوتو لجوه
شوف خاله شتحتاج سوه الها
«،،،تمام
احمد طب قبلي وصاحني
«،،،تعال قائد
طبيت العمال طلعو من يمي جان المطبخ هوسه
بس بي كاونتر مشدود ومبين جديد
«،،،احمد خلي الطباخ هناك
«،،،،اي خاله
شلته اني ويا وخلينا بالمكان الي الاشرت علي
سالت
«،،،خاله وين المنظم
«،،،يم عمك بسيارته
«،،،تمام هسه اروح اجيبه
طلعت من يمها ورحت ليمه كتله
«،،،،عم انطيني المنظم حتى اسوي الكم
«،،،،اي هاك السويج وطلعه من الجنطه
«،،،،تمام
اخذته منه ورحت جبته
ورجعت السويج اله مشيت للبيت ،،، وكفت من شفت ليلى طلعت من المطبخ تحجي
«،،،،هسه اسأله واشوف وين خلاه
جنت مو شايفها من سنين
لان ماتجي علينا ولا اني اروح عليهم
صفنت عليها وكلت
«،،،هاي شبسرعه كبرت وصارت مرة
شافتني الخجل ترس ملامحها اجت تمشي
بهداوه سلمت بدون ماادحك عليه
«،،،،شلونك قائد
مشت من يمي
جانت مفرعه ولابسه تراك رياضي بسرعه صرت
اگبالها وكلت
«،،،،،ااوكفي وين رايحه
دحكت عليه بنظرات مستغربه بعدين
ردت
«،،،،،ها اريد بابا
«،،،طبي هسه اصيحه الج
ماتحركت ظلت صافنه عليه سمعت صوت
العمال يريدون يطبون صحت بيها
«،،،،ماااالل الثول شبيج وكفتي مثل الصنم مااطبين
فزت وكالت
«،،،هااي شبيك ليش تصيح عليه
«،،،،ليلى بنتي طبي جوه
سمعت صوت عم فاروق انداريت علي هي
كالت
«،،،،بابا ماادري شبي وياي بس يصيح عليه
«،،،،مابي شي بنتي ابن خالتج وخايف عليج
ماحجت شي بس وجهها صار دم مشت من يمنا ردت احجي شي بس ماعرفت شاحجي مقداد الي اجه ويا كال
«،،،،اعذره عم ولاتزعل منه تره هو دمه حامي ومايقبل حتى امي توكف بالباب
عم فاروق ابتسم ورد
«،،،،حقه يابه ومحد زعلان منه
واحد من العمال اجه وسال
«،،،،حجي هذا التخم وين نخلي
«،،،،بالاستقبال تعالو ورايه
مشى جدامهم مقداد اجه ليمي وكال
بعصبيه
«،،،،شبيك وي البنيه وشلون ترزلها وابوها واكف وراك
«،،،ماشفتها شلابسه وطالعه بيه جدام العمال
«،،،،ولك مو هيج تره فشلتنا جدامه هسه
شيكول عليك بعد مااجيت لهنا بده
يريد يتحكم بنتي ويغلط
عليها واني موجود
سكتت هو كمل
«،،،اعتذر منه ومنها تره السويته عيب بحقه
وحقها
«،،،،بعدين خلي نفض الشغل واعتذر منه
رديت علي ومشيت للمطبخ من طبيت سمعت
احمد يحجي
«،،،حقج بس تره قائد ماحجه هيج الا شاف شي
من العمال
«،،،مايخصه هو بيه عندي اب هو يحجي وياي
طبيت هي سكتت وباوعت عليه بغضب خالتي
حجت مبتسمه
«،،،،هاي شمسوي قائد
جاوبت وعيوني بعيون ليلى
«،،،اسف ماجان قصدي اصيح عليج
دارت وجهها مني كملت وي خالتي
«،،،،ياريت ماتخليها تطلع الما يرحون العمال
«،،،انت باي حق تتحكم بيه بابا اني عندي اب
بس هو الي اله كلمه عليه غيره لاااا
ردت احجي بس خالتي ردت عليها
«،،،،ليلى كافي وعيب هالحجي ابن خالتج يخاف
عليج واكيد شاف شي خلاه هيج
يحجي
ماردت
طلعت من يمنا ادردم احمد كال بضحك
«،،،خاله عبالك بنتج صايره بارود اذكرها من جانت صغيره هادئه حتى حجي ماتعرف تحجي
خالتي ابتسمت دحكت عليه وردت
«،،،،اي غير طالعه لاخوك سحبت منه
اخويه ضحك ورد
«،،،اي والله ناقصهم جدحه نار وتكب النار بنصنا
«،،،اي هي العايزه ولك خلي افرح بيتي
تره توني دشنته
«،،،،خاله انتي عاقله
خزرت اخويه لان راح زايد بالشقى سالته
«،،،ليش ولك شايفني مخبله
«،،،لا حشاج بس اسالج اكو واحد يعوف بغداد
ويجي يسكن هنا
سكتت للحظه وملامح وجهها تغيرت بس
ردت
«،،،،مليت بعد خالتك من الوحده اهلي كلهم هنا واني وحدي هناك محد يطبلي ولا اروح لاحد
كلت اجي هنا اجيكم وتجون
عليه
بگلبي كلت
من حنيه امي عليج هي والبقيه
اجيتي وكعدتي يمهم
خالتي رباب اجت هي وبنتها وابنها جانو صغار
البنيه عشر سنوات والولد سبعه كعدو
بالمطبخ وهي التهت تشتغل
وياهن
صار وكت الغده والعمال خلصو وماقبلو يتغدون
عم فاروق انطاهم كروتهم وفوكاها مال
الغده
جنت بالاستقبال اني واخوتي نشد البردات طب وكال
«،،،،يله ياولد تعالو تغدو
«،،،،اي جاين
احمد راح كدامنا اني ومقداد كملنا الي بأيدنا
ورحنا غسلنا مشينا للمطبخ هو كاعد
يحجي وي احمد وخالتي
ترتب بالاكل هي
وخالتي رباب
كعدت اكبال عم فاروق الي سأل
«،،،،وين ليلى
،،،،،بغرفتنا
خالتي جاوبته وكملت
«،،،هسه اصيحها
«،،،لا عوفيها اني كايم اصيحها
طلع من يمنا وره مشوار اجه وهي ويا
يضحك وياها ويكول
«،،،تعالي يابه جبت شلون مشاوي تلوك لهل الحلك
اكعدي يم ابوج وخلينا نفرح بهل اللمه الحلوه
كعدت تجنب النظر لاي احد من عدنا مبين
عليها زعلانه وضايجه من السويته بيها
«،،،،ياولد اكلو تره الگلب خرط من التعب بس عاد مااعرف شلونه هذا المطعم زين لا لان
تعرفون اني تركت بعقوبه
من زمان وكلشي تغير بيها
«،،،منين جبته عم
مقداد ساله جاوب
«،،،،واحد براس شارعنا اسمه مطعم العافيه
«،،،مااعرفه والله بس احسن واحد يبيع مشاوي
هو ابو حسن بسوك المخضر يسوي
لحم غنم درجه اولى
«،،،،اعرفه هذا بعده مفتح
«،،،اي بس هو مات الله يرحمه ولده استلمو شغله
«،،،الله يرحمه برحمته جان خوش رجال
دحك عليه وسالني
«،،،،ها يابه قائد اشو ماتاكل سمي اسم الله
ومد ايدك واكل
«،،،انطاني خبز اليه ولاحمد سالني
«،،،هسه انت وين تشتغل
خالتي رباب جاوبت
«،،،يشتغل عامل بمصطر
صفن عليه ورد
«،،،،يعني ماتعينت لحد هسه
«،،،،لا وينه هو التعين الا واسطه وفلوس يله
الواحد يتعين بوظيفه
جاوبته وهو رد
«،،،بسيطه يابه اشوفلك جماعتي احجي وياهم
بلكي يكدرون يعينوك بمكان
«،،،ماتقصر عم
سأل احمد
«،،،وانت يابه ماناوي تقدم على الكليه
سمعت بيك اجلتها سنتين
«،،،هالسنه اقدم ان شاء الله على كليه التربيه
بس ارتب وضعي
«،،،روح ابني قدم واي شي تحتاجه اني موجود
صفنت علي من رد علي بحنيه كمل
«،،،الشهاده حلوه وتخلي الك قيمه بين الناس شوف
اخوك مقداد استاذ يعلم اجيال والك مكانه
بين الناس والمجتمع وقائد مهندس
صح ماتعين لحد هسه بس
يجي يوم وبحيل الله
راح يتعين ويشوف نتيجه تعبه الي تعبه
بذيج السنين
القهر ترس صدري وخلاني اذب حسرة
لان كلامه ابدا مو سامعه
من ابويه رفعت راسي عيوني صارت بعيونها
بسرعه دارت وجهها مني ابوها انطاها
لفه وكال
«،،،ست الكل هاج اكلي هاي اللفه تعبتي اليوم
الملامح تغيرت من حجه وياها ابتسمت
وردت
«،،شكرا بابا
خالتي رباب سالت
«،،،اكلج ندى بيتكم ذاك اجرتو
«،،،لا مااجرته تعرفين اليكعد بيت يخربه وهو
جديد وتعبنا علينا من بنينا وبعدين
احنا مو محتاجين لفلوسه
خلي مسدود احسن
«،،،ها زين نقلتو ليلى لو بعدكم
«،،،لاااا فاروق راح ياخذ منا ورقه قبول ويروح
يجيب وثيقتها
شفت ملامح بنتها تغيرت وبين عليها مو رايده هالشي خالتي رباب كملت
«،،،شدي حيلج هالسنة ليلو لان سادس
ويرادله جهد وتركيز يله الواحد يطلع منه
«،،،،لاتخافين عليها هي شاطره وراح اطلع معدل زين
عم فاروق جاوبها وكمل وياها
«،،،مو الا صيدله يبعد ابوج
هزت راسها والملامح تغيرت للفرح ردت
«،،،اي بابا الا صيدله
هم جنت مثلها احلم اصير مهندس واتخيل نفسي
بوظيفه وعندي راتب الواقع
جان غير شي اني الي
اسمي مهندس صرت عامل بمصطر روحي
اختنكت وردت بس اطلع لبره
كمت وكلت
«،،،الحمد لله
«،،،هاي وين ابني
«،،،،عم فاروق سال جاوبته
شبعت الله يديم النعمه عليكم
«،،،امين بس انت مااكلت شي
خالتي ندى حجت احمد رد
«،،،هو اكله قليل ماتشوفي عود بس الدمرات مبينه
«،،،بس گوي ويلويك بلحظه
مقداد جاوبه مبتسم
«،،،اي غير يشيل ثكل ويصعده لفوك
احمد رد عم فاروق كال
«،،،بس والله مو زين بعدين تره يبين بيك
من تكبر
«،،،ماراح اظل بهل الشغل عم يجي يوم
واعوفه واطلع حالي حال غيري
جاوبته وطلعت من يمهم سمعته سال
«،،،وين يريد يروح
«،،،يريد يهاجر
رحت غسلت ايدي بره
باوعت بالمرايه الوجه اسود من الشمس
وصاير يابس من الحراره
ورثت جكاره دحكت للحديقه جانت جبيره واكو ممر جانبي مشيت اله
جانت اكو حديقه جانبيه حلوه ومرتبه
تمشيت بي اسحب دخان واذبه
البيت كله جان حلو واثاثهم فخم وغالي تذكرت
كلام امي الجانت ادكول هذا كله من خير
جدكم هو باكه وضحك علي
واخذ المعمل اله
جنت مااصدك بكلامهم لان سمعت من اني صغير
بس واعي وافتهم جدتي تحجي بهاي السالفه
وبرئت عم فاروق من
هالشي وكالت
لو ما هو جان جدي نحبس وصارت فضيحه
النا لان خسر كلشي بالقمار مال
الريسس ،، بس امي والبقيه ماعدى خاله رباب
ظلو يلحون بهل السالفه ويحجون علي
ماجنت متوقع هو راح يرجع لهنا بعد مااستقر
بغداد وسواله شغل هناك يعني شنو
الي يخلي يتحول يمنا وهو
يعرف الكلام الجان
ينحجي علي
«،،،ها يابه عجبتك الحديقه
من سمعت صوته ذبيت الجكاره من ايدي ودستها برجلي
«،،،اي عم حلوة ومرتبه
اجه وكف بصفي وخله ايده وره ظهره
ترددت للحظه بعدين سالته
«،،،عم اسالك سؤال
«،،،تفضل اسمعك
«،،،يعني هو انت ليش عفت بغداد واجيت لهنا
سكت وطول حسيت صاير شي رد
«،،،ظروف ابني خلتني ارجع لهنا واول وتالي
اني اصلي منا وكرايبي كلهم ساكنين بهل الديره
وهم خالتك كل اهلها هنا
كلت وي روحي
«،،شنو هالظروف الي تخلي بيوم وليله يجي
لهنا ويعوف كلشي وراه
سالت
«،،زين عم وشغلك شلون راح تكدر تابعه وانت
هنا
«،،،شغلي من زمان بايد ناس ثقه ومأمن بيهم وجنت اتابعهم كل اسبوع وهالشي هم اكدر اسوي
اروح لبغداد كل اسبوع اجيك
الوضع وارجع وهم تره اني
ماراح اكعد هنا افتح نفس المصلحه يعني
تعرف عمك مو مال كعده
«،،،عمو تعال اشرب جاي
ابن خالتي رباب اجه وصاحنا رد
«،،،جايين يابه
مشيت ويا يحجي عن المدينة وشلون متغيره
كملنا كلشي الهم وظلت كم شغله
بسيطه
ترخصنا منهم وجلبو بينا على العشه اني ماقبلت
لان جنت تعبان واريد بس اروح اغسل
وانام
بليل نزلت اريد اشرب مي سمعت امي تحجي
بالديوانيه
«،،اي ومنين هالعز الي هم بي ياخايبه غير من ابوج
جان صوتها عالي وينسمع كملت
«،،،اسكتي رباب لادافعين الها رجل اختج باكنا
وحلف باطل
كلت وي روحي بضوجه
«،،،هم نفس السالفه ربابه خما ربابه ولزكتي بيها
«،،،رباب شكد انطتج ندى احجي اكيد دهنت زردومج بجم فلس حتى ادافعين عنها هي ورجلها
الحرامي ااسمعيني اني
ماردتها تجي ولا غزوة وجاسم هي اجت من ذاتها
ماشفتي محد اجه عليها بس انتي ركضتي
الها اي انتي من يومج انتي وياها حزب
علينا وماتريدين غير الها رووحي من طيح الله حظج انتي وياها
امي سدت الخط وكامت تغلط
«،،،لگامه ام الفضلات اعرفج رحتي عليها حتى
تنطيج شكو زايد من غراضها
«،،،عمه والله ابويه مارادها تجي لهنا يكول
شكو جتي وجابت رجلها الحرامي وياها
سمعت صوت سهام من حجت فريت ايدي
ومشيت للمطبخ اخذت بطل مي رجعت
شفتهن طلعن من الديوانيه امي
سالت
«،،،قائد بيت خالتك حلو
«،،،مدري
صعدت الدرج صاحت
«،،،شنو مااتدري وانت جنت من الصبح يمهم ومااجيت لوره العشه
سندت ايدي على المحجل ورديت باستهزاء
«،،،ماكالت الج خاله رباب حلو لا لااا
سكتت ودحكت لبنت اخوها بعدين ردت
«،،،جنت تصنط علينا ولك
«،،،لا بس صوتج جان عالي وسمعت الحجي يعني
اذا تريدين الواحد مايسمعج نصي،،،،حسج
يمه وخليج رقيقه بالكلام
كاعد تستهزء بي ولك
«،،،لا حشاج كاعد اعلمج حجيه
«،،،اامشي ولي من جدامي مو ولد عدو صاير اليه
ابتسمت ورديت
«،،حجيه خلي ارضى فضولج بيت خالتي ندى
يخبل حلو وجبير وبكد بيتج هذا بمرتين
بس الحديقه البي ترد الروح واثاثه
بس بالافلام تشوفيها بس ملون
مو ابيض واسود
«،،ولك انت شنو الله مصلطك عليه تريد تحرك
دمي مااكفاني رباب اجيت انت حتى
تزيد ناري
«،،،هاي شكو
ابويه طلع من غرفته يدحك علينا امي انهدت بصوت عالي
«،،،تعال شوف ابنك كاعد ويحرك بدمي من ورة
بيت ندى
ابويه دحك عليه كلت
«،،،اني شعليه هي كاعده تسال بي بيتها حلو
جاوبت اي،،،،حلو ويخبل اشو هي
صارت عصبيه وكامت تصيح
«،،هو هيج الحجي قااائد
صاحت بي وشهدت سهام الصفره
«،،،ااحجي انتي شلون حجه وياي
«،،،عمو هو ماا
«،،،سهام اصعدي لفوك
مقداد نزل اشر الها وكمل
«،،،انتي ماعليج باي شي يصير هنا
«،،،ليش اني،،،،غريبه عنكم حتى ماعليه باي شي
يصير هنا
ردت علي بعصبيه وكملت
«،،،اخوك مااحترم عمه وكاعد يحجي وياها باستهزاء
سمعت ابو مقداد هاي كالت سهام
كاعد يستهزء بيه ،،،
«،،،ها ولك شلون كلت ماحجيت شي وي امك
ابويه صاح بيه جاوبته بنفاذ صبر
«،،اروح انخمد لان اذا اظل وياكم للصبح ماراح
تفض مشاكلكم
صعدت ابويه يصيح ورايه
«،،،اوكف ولك مووو جاي احجي وياك
راد يصعد ورايه مقداد وكف جدامه وكله
«،،كافي يابه تره الصار مايسوه يطلع صوتنا من وراه
«،،شلون مايسوه وهو جان يحجي وي عمه بدون
احترام
،«،،،،كااافي ولج
سمعت اخويه صاح بمرته وكمل باعصاب
«،،،كتلج اااانتي معليج ااسكتي ليش تجين
وتذبين حطب فوك النار
«،،،امي استلمته وابويه ويا وذيج تعلعل بصوت
سمعت عيطتها نزلت اركض ورايه احمد
جان لاازمها ويكتل
بيها هاي اول مره اشوفه
هيج امي تفك بيها وتضرب بي وابويه وياها جتفته وجريته منها يصيح
«،،انعل ابوج لابو الجابج عليه ياقذره ياام
المشاكل
«،،،والله مااظل هنا الا اروح لابويه واكله عليك
انت وقائد
«،،،ذاااك االدرب من انعل ابوج لا ابو الساعه
السوده الشفتج بيها
«،،كافي مقداد
صحت بي واخذته للهول اسمع امي تغلط عليه
وعلي وابويه اجه ليمنا تفل علينا وصاح
«،،،من انعل ابوكم لا بو الجابكم ياولد القندره
راح تسودون وجهي جدام خالكم
«،،،ومنووو هو حتى تسويله هالحساب
صحت بي هد عليه احمد گضبه
«،،،ولك وخر خليني اربي لهذا الكام يطلع صوته علينا
«،،يابه كافي تره صوتنا طلع ووانفضحنا
بالمنطقه
سمعت باب الحوش انسد بقوه امي اجت وره
لحظه وصاحت
«،،ولك كوم الحك مرتك طلعت زعلانه
مقداد فز وصاح
«،،،طبها الف طوب من اجعلها ماترجع كله منج
كتلج مااريدها ماااريدها
فقد وكام يصيح كمل
«،،،خرب ساعه السوده من كلت اااي وقبلت بيها
كله منج اانت ماجزتي مني الاا خليتها
براااسي
اخويه دفر الطبله وطلع من يمنا امي صاحت بيه
«،،،كله من وراك انت من الله لاينيطك ماتشوف
الله مجاي يوفقك بوظيفه كله من سمك
علينا وعلى بيت خالك
صفنت عليها من حجت هيج حسيتها مو ام
عدو الواكف جدامي احمد اجه ليمي
وكال
«،،اصعد لفوك لاتظل جدامهم
هجمت بيت اخوك من الله لايوفقك وسودت
«،،،وجهي جدام خالك شراح اكله وبنته
طلعت زعلانه ومكتوله
من ابني
«،،انتو شنو لازم عليكم شي احجو كولو ليش هيج
مسوي شي جبير وهو لاشي
صحت بيهم ابويه كام لحيله وكام يغلط عليه هو
وامي احمد دفعني للدرج صعدت اريد
اكسر كلشي جدامي بس طبيت
غرفتي ضربت الجربايه
جلاق وكسرت الرجل
مالتها صحت
«،،،شنووو من بشر انتو واحدكم باطل وماعنده مخافه الله بينا
كمت افتر مثل الطير المذبوح واردد
«،،،شمسويلكم هو اشو گضينا عمرنا نشوفكم
تمجدون بي وهو مامسويلنا شي ياخذ ماينطي
ومسوي شي جبير وهو لاشي
احمد طب يحجي
«،،،ااستغفر الله ياربي ماصارت عيشه بهل البيت
الواحد حتى بيته كام مايرتاح
شاف الجربايه وصفن عليه ماحجه شي كمل
«،،،جنا بامك وهسه صرنا بنت خالك نفس،الطينه
ونفس الطبع
«،،،من خرب بيها وبهل القسمه الخره كتله ولك مقداد لاتاخذها راح اتعبك وجان مايريد شجاه
بين ليل ويوم غير رأيه
رد
«،،،، اخوك مسحور
شكرا لزيارتكم عالم روايات سكيرهوم
