رواية بنت الهدي والمجنون الفصل الثاني بقلم مرج البحر
بنت الهدى ركضت على خواتها عبالها ابويها صار بي شي من دخلت للحوش شافت ليث المخبل
يريد يضرب خواتها الي محتميات ورا ضهر ابوهن الشايب الهزيل كل جسمة يرجف ويحجي ويا ليث
بنت الهدى: دخلت وصرخت ليث ليش تريد تضرب البنات
ليث: هم يصيحون علية مخبل واني مو مخبل
بنت الهدى: ليش انت داخل عليهم بالبيت
ليث الجهال ضربوني ودخلو هنا واني اريد اضربهم
بنت الهدى وين الجهال
خوات بنت الهدى انهزمو وطلعو وهذا الخبل مايصدك يكول انتو خبيتوهم يلا طلعوهم لو اضربكم
بنت الهدى: ليث امشي اطلع برا ماكو جهال اهنا عيب داخل على بيتنا
ليث طلعيهم لو اضربج والله واتقرب على بنت الهدى حتى يضربها
بنت الهدى بقت بمكانها وعينها بعينه وتضاهر انها ماتخاف منو عكس مابدخلها ميتة خوف كالتله
اني مااخاف منك و اعرفك انت ماتضربني لان انت عاقل وحباب وانت مو مجنون والي يضرب المرا مجنون
ليث بس هم يصيحون علية مخبل بس انتي
حبابة عفية اني تعبان واريد انام وهم ميخلوني انام وتقرب على بنت الهدى عفية خليني انا على رجلج
بنت الهدى بتردد ودحك على ابوها وعلى خواتها الي ميتات خوف بنت الهدى عفية طردي اخاف يأذيج
بنت الهدى: لا ماياذيني خلوني اني اتصرف معاه
مايصير تنام هنا ليث عيب احنا بس بنات
وماعدنا احد روح لبيتكم نام تندل بيتكم
ليث اي اندل بيتنا بس انتي وصليني حتى مايعاركوني الجهال واضربهم
بنت الهدى: يالا تعال نروح على بيتكم
ليث اي بس باجر اجي يمج انتي حبابة
وابقى لحد الليل واروح يم اهلي حتى
ماتخلين الجهال يكولون علية مخبل
بنت الهدى ميخالف يلا امشي نروح على اهلك
مشت بنت الهدى ولاحضت انو بيت ليث بنفس فرعهم يبعد عنهم بكم بيت دكت الباب وطلعت ام ليث
صرخت ليث شمسويلي مصبية هالمرا
بنت الهدى: السلام عليكم خالة
ام ليث هلا بيج بنتي اعذريني اذا ليث سوالكم شي والله يابنتي تعبنا هالولد يومية مشكلة ويومية مصيبة
بنت الهدى: لا خالة ليث خوش ولد وحباب
تحجي وتدحك على ليث بس اني اجيت وياه حتى الجهال مايتحارشون بيه وهو تعبان خليه ينام
يالا ليث تصبح على خير روح اتعشى ونام حتى اني وياك نصير اصدقاء وماازعل عليك
ليث اي اصدقاء اسمع كلامج بس الصبح اجي
يمج حتى ادافع عنج مااخلي واحد يتحارش
بيج
بنت الهدى: يلا مع السلامة
دخل للبيت ليث
وبنت الهدى سألت ام ليث خالة شبي ليث شنو قصتة احسو يعاني من شغلة نفسية ومو مجنون
ام ليث والله يابنتي قصة ليث قصة
هو اكبر اخوانه و ماكان مخبل ولد مثل الورد كان صف سادس اعدادي وامتحن ومانجح وقت اعلان النتائج كان برا كاعد مع أصدقائه وابو سحب النتيجة وطلع راسب ٣ دروس ابو شال الصوندة وطلع ضرب مهند لحد ماغمى عليه بالشارع كدام أصدقائه والجيران كان الوقت مغرب وبعدها صار هيج حالته شكد وديناه سادة وماصار الو جارة بعدها قطعنا الامل وبقى هذا حاله
بنت الهدى: خالة ماجربتو تاخذونا لدكتور نفسي
ام ليث لا لان بصراحة قطعنا الامل هم السادة ماتشافى على اديهم
بنت الهدى : على العموم خالة اتشرفت بمعرفتج وربي يشفيه ويرجع احسن من قبل بس انتي امو كثري بالدعاء الو
ام ليث امين يابنتي بس اني ماعرفتج انتي بنت منو ماشايفتج قبل
بنت الهدى : خالة احنا جيرانكم الجدد صار يومين من سكنا هنا
ام ليث انتي ام البسطية
بنت الهدى: اي خالة
ام ليث والله يابنتي الله يرضى عليج صار يومين من اجيتي بس كل المحلة تحجي بادبج واخلاقج
ثاني يوم من الصبح اجا ليث يم بنت الهدى وكعد يمها
وهي متخلي احد من الجهال يصيحة مخبل وهو مايخلي احد يتحارش بيها ويساعدها ومشت
الايام والله فتحها على بنت الهدى وتوسع رزقها وصار عدها معاميل يطلبون المسواك على حسابها وهي دزة مع ليث اذا كانو قريبين واذا بعيد دزو توصيل
خوات نور يدرسن وحدة ثالث متوسط والثانية سادس اعدادي دخلتها بنت الهدى معهد دروس خصوصية حتى اختها طلع معدل
تسنيم اخت بنت الهدى اكلج نور اتعرفت على بنت معاي بالمعهد اسمها رتاج ابوها دكتور نفسي مشهور اجا بالي ليث ليش متكولين لاهلة ياخذو عليه
بنت الهدى : اول شي احجي لصديقتج قصة ليث وخليها تحجي لابوها واذا اكو امل ناخذة عليه حتى لو اهلة مايقبلون
تسنيم اوك
ليث اتعلق بنت الهدى وبعد مايفاركها من الصبح لليل يالا يروح لاهلة واهلة مكيفين ومرتاحين من مشاكلو بالإضافة بنت الهدى كانت تنطي ليث فلوس اخر النهار اجر تعبو وياها لان يشتغل وياها ويرتب الخظرة ويوصل الطلبات
تسنيم اخت بنت الهدى بعد كم يوم واجت على اختها
اكلج بنت الهدى حجيت وية صديقتي بخصوص ليث وهية حاجية وية ابوها وكال خلي يجبونة أتصور هذا عندو مشكلة نفسية وان شاء الله خير
بنت الهدى راحت على ام ليث وحجتلها عن الدكتور وشكايل انو اكو امل ليث يتعالج ويرجع مثل قبل
ام ليث الله يسمع من حلكج يابنتي انتي على اسمج هدى من اجيتي لهالمطقة كلها شافت الخير على جيتج ونورتي حينا انتي هدية من رب العالمين من اجيتي ليث اتغير وبدا يتفاهم ماعرف عبالك بيج سحر
يخلي الواحد غصبن عنة يحبج ويرتاحلج
ثاني يوم اخذو ليث للدكتور وشافة الدكتور وحجو قصتة للدكتور وشنو السبب الي وصلة لهالحالة
كللهم الدكتور ابنكم يعاني من صدمة سببتلة مشكلة نفسية وهي خروجة من الواقع ودخل عالمة الخاص وشاف انو الجنون هو حل لمشكلتة اول شي رفع عنو المسؤلية وعندم محاسبته على اي عمل يقوم بي على انو مجنون وماعليه عاتب اضافة الى الكل بدئت تخاف منة لان اتخذ الضرب دفاع عن نفسة بدون ان احد يلومة لانو مجنون وبقى بهذا عالمة لاكن اكو شي فوي خلا يسترجع حياتة القديمةوان شاء الله بكم جلسة والتعاون معاكم راح يرجع مثل قبل واحسن بس لازم انتو تتعاملون معا على انو شخص عاقل
والتفت الدكتور ل بنتالهدى وكللها انتي اول دافع ليث حتى يشافى لان حسب ماحجيتولي انو انتي اول شخص اتعامل مع ليث على انو شخص عاقل
وتعلقو بيج راح يخليه يتشافى بس اذا ل سامح الله ابتعدتي عنة بهذه الفترة راح يرجع ينتكس
فلازم دائما تكونين معاه وتبقين تتعاملين معاه بنفس التعامل الي خلتيه يسترجع حياتة السابقة
على مااعتقد ليث يحبج حب عظيم جدا فلا تفرطين بهذا الحب
بنت الهدى: بقت بس ساكتة ماتعرف شتحجي بس كانت فرحانة انو ليث اكو امل يرجع مثل قبل واحسن
واهل ليث يباشرون بالخير وفرحو انو ابنهم راح يرجع على عقله
وهم حبو بنت الهدى كثير وكلولها الله بعثج رحمة وهدى ألنا وليث
ومرت الايام وكل اسبوع ليث يروح وية بنت الهدى وامو وابو للدكتور يحضر جلسة وبد ا شوية شوية يتحسن لحد ما الدكتور كاللهم بعد لاتجون ابنكم اعقل مني ومنكم وليث اتشافى نهائيا وصار ذاك الولد الوسيم الانيق
لهنا وكعدت من الحلم وكل هذا الي شفتو
طلع حلم
استيقظت بنت الهدى على واقعها المر
واستيقظت على ما ينتظرها
بس ياترى هل الحلم سيتحقق؟؟؟
