رواية بنت الهدي والمجنون الفصل الثالث 3 بقلم مرج البحر

بنت الهدى : استيقظت وانقهرت ما عرفت 

نهاية الحلم ضليت افكر ب ليث مجرد حلم 

شفته بس بقه عالق في بالي اتعوذت من الشيطان

وتوكلت على رب العالمين رحت كعدت واخواتي 

حتى يرحون دوامهم رحت على ابويه كعدته 

سويتلهم ريوك اتريكو اخواتي طلعو اني طلعت 

على شغلي ابويه رجال عاجز ابقي بالبيت وكل وقت اروح اطمئن عليه او اطلعه بالعربانه يمي

بشغل اني قايمه بواجب ابوية ومتكفله با اخواتي

كنت رافضه زواج علمودهم ابويه دائما يحجي 

وياي يكلي لازم تزوجين حتى امن عليج 

اني ارفض اكله انت واخواتي منو الكم 

هو كان كلامه اتزوجي وراهه اخواتج اذا اجت

قسمتهم انطيهم حتى اذا اموت اني مرتاح 

صح اختي تسنيم سباعيه وشاطره بس 

ميخالف مااكدر اعوفهم لحد ما امن على مستقبلهم ويخلصن دراستهم 

مشت الايام

تسنيم نجحت وطلعت طب اسنان وانخطبت لزميل ألها بالجامعة وسلسبيل صارت بصف سادس 

العلمي

 وبيوم من الايام رجعت من الشغل 

  بابا وصاحني رحت قلت نعم بابا جان يكلي اجوج خطابه والولد ابن خالي اليوم

اجه عليه اخو وطلبج مني 

بنت الهدى: بابا انت تعرف جوابي بهذا الموضوع

بس بنتي انتي ماقصرتي اختج ما شاءلله دخلت 

جامعة وانخطبت واختج الثانيه كلهه كم شهر 

وتدخل هم الجامعة 

بنت الهدى: بابا وانت منو لك شلون تريدني 

اعوفك وحدك مستحيل بابا

بنتي انتي مو زغير بدا العمر يمشي واني باجر عكبه الله ياخذ امانته واختج الثانيه تزوج انتي 

منو الج بنتي الله يرضه عليج وافقي وخليني 

اطمئن عليكم انتي واخواتج قبل ما اموت 

ثاني شي اختج هيه وخطيبها وعدوني راح 

يبقون قريبين عليه واختج هم يمي واني صحتي 

تحسنت اكدر اكعد بال اشتغل على عربانه المخضر واسترزق 

الهي نفسي الى متى اني ابقى عاجز على هذا 

الكرسي والي خطبج هم قريبي اكيد هم ما راح

يدير باله علينه وهمه يعرفون بحالتنه 

بنت الهدى: للعلم ذولا بعيدين عنا كلش صح نعرفهم بس قليل يجون علينه او نروحلهم

 ف اني شفت بابا فرحان ويكلي انو ما نلقا مثلهم واقربائنا كلت بابا اللي تريد سوي اني موافقه

 ف اتصل عليهم وثالث يوم اجو تخيلو اجا اخوه وزوجته يخطبون اله حتا امه ما اجت ولا ابوه اني تعجبت بس كلت عادي يجوز مشغولين وهيج كمل كلشي وسلمو المهر وراحو ف اني قمت اجهز 

وكل التجهيز كان وحدي لان هاي حال الي ماعدها

ام خطيه اخواتي ملتهيات بدراستهن 

اني الصراحه فرحت لانو كل بنت اكيد تفرح بهيج يوم لانو تتغير حياتها ويصير، شي، جديد بحياتها 

واني عشت بحصره وتعب كلت عسى والعل الله يعوضني خير ويصير عندي اولاد وبيت وعائله

المهم خلصت تجهيز وعنايه عدت الايام وصار وكت ياخذوني هم اجو اخوه وزوجته اخذوني وودعت ابويه واخواتي ومتت بجي نغزني قلبي وخفت من طلعت من بيت بابا تعوذت الشيطان ودعيت ادعيه ومشينا وصلنا لبيت اخوه لانو راح تصير زفتي من عدهم ف ثاني يوم اخذوني للصالون لبست احلا فستان وتمكيجت احلا مكياج حتا ما عرفت نفسي 

 وبجيت لانو ما عندي لا ماما ولا خواتي يمي

 سكتت نفسي بل قوه. واجت الزفه واخذوني والعريس ما شفته لهسا تكدرون تكولون مغصوب ع العرس بس اني ما افتهم ولا ابويه وهما استغلو طيبتنا 💔

ايي مشت الزفه وطبيت لبيتهم كلش حلوو والكل فرحان دارو العشا الناس تعشت وبدئت الناس تروح شوي وسمعت هوسات عرفت اجا عريس الغفله 😂 خفت كلش والنسوان كلهن وطلعن دخل عليا يضحك عاد هوا كلش حلوو باس راسي وقال ان شاء الله اسعدج وصار يوصيني على امه وابوه واخته المهم بقينا نحجي وتم كل شي على خير والولد جان كلش حلو تعامله وياي كعدت الصبح غسلت وتجهزت ونزلت 

امه عاوجه حلكها كالت هلابيج يمه قلت هلا عمه كالت سامر لهسا نايم 

بنت الهدى: ايي كالت 

روحي خليه يقعد هسا يجون زلم يباركون 

بنت الهدى : رحت وصحيته ودخل يسبح واني طلعت عدهن المهم عدا اليوم

 على خير وماكو شي مهم عشت احلا ايام وياه يهتم كلش بيا ولا مقصر ويا اهله 

صار ليا شهرين عدهم جان اخته الصغيره تصير، 

 تتحارش وياي تخيلو تبجي وتجي عليه تكله هدى غلطت عليا او ضربتني والله مو مجذبه بشي المهم عاد هوا يصدقها ويجي يضربني ويغلط عليا اكله شبيك قسم بالله ما حجيت شي وياها يكول جذابه اختي ما تجذب جان يلتفت عليها كال هاه صح غلطت عليج جان تصير تبجي وتكول اي والله يا ربي اني متت هسا لو احلف منا ليوم القيامه هم ما يصدقني صارت تمشي الايام ومعاناتي نفسها ويا اخته وامه حيه من تحت التبن. بس اني ما اتدخل بيهن ولا اجي يمهن بس مع هذا كله هم ما اسلم من ايديهن. اخابر اخواتي وبابا بس ما اكللهم ع شي يكلون شلونج شلون حياتج اكلهم كلش فرحانه و سامر مو مقصر بشي وياي واخواتي وبابا فرحانين الي واني اجذب 💔عليهم وعلى نفسي ، صار ليا اربع شهور الولد صار يقضي الليل كله برا البيت تخيلو اضل انتضره لساعه 1 ونص بليل وماكو وبعض مرات لساعه 3 يالله يرجع مره اجا الساعه 2 ودخل للغرفه 

سامر... احم 

بنت الهدى.. اهلن استاذ واخيرا شرفت 

سامر... وشكو ضايجه عيني اخاف ما عاجبج

بنت... لا ما عاجبني ليش تتاخر هيج ووين جاي تروح 

سامر... شبيج انطلقتي فرد مرهه ترا جنت عند جيرانا نلعب دومينه وورقه وياخذني الوقت وانسى نفسي 

بنتالهدى... اهاا تمام على الخير ان شاء الله ضل اتاخر هيج اريد اشوف وين توصل بل اخير 

سامر.. هوب هوب بابا شبيج انتي ليش ترديني اكسر راسج هسا بنص الليل شنو وين اريد اوصل تشككين بيا مثلن 

بنت الهدى.. لا لا اني ما شككت حشاك انتا ماكو منك ودرت وجهي من عنده ونمت 

سامر... اعوذ بالله من الشيطان هسا اذا كمت شنو رايح اسوي 

بنت الهدى... اسمعه يحجي وما رديت عليه اجا يتحارش بيه واني زعلانه 

سامر ... هداوي عمري شبيج صدك جذب ولج تزعلين مني اعرف جاي اتاخر بس والله اندمج بل لعبه وانسى 

بنت الهدى.. اذا توعدني بعد ما تعيدها اسامحك 

سامر.. لا شوفي اروح العب بس ما اتاخر بعد 

بنت الهدى.. تمام خلي نشوف 

سامر.. مشتاقلج 

بنت_الهدى.. اي واضح عليك كلش مشتاق 

سامر... اهوو انتي تخربين المزاج شو اسكتي 

بنت الهدى صرت اضحك كلت اهاا سكتت 

سامر... يابه فديت الضحكه 

بنت الهدى.. حضني ونمنا....... 

شكرا لزيارتكم عالم روايات سكيرهوم