رواية بنت العم الفصل الثاني
دياب بصلها من فوق لتحت بزهول من لبسها وكلامها وبيبص لقى الرجاله كلها متجمعه وبيبصولها وحاول يهدى وقلع عبايتو وحطها عليها بسرعه وشدها على البيت بالعافيه
اول ما دخلو البيت دلال زقتو وقالت بزعيق..ما توعى ياعم فيه ايه.. ورمتلو عبايتو في وشو وقالت....وخد البتاعه المعرقه دي كمان
دياب بصلها بغضب ولسه هيتكلم ابوه قال بفرحه..يا أهلا بالغاليه بت الغالي..تعالي يا قلب عمك وفتح اديه ليها بمحبه
دلال بعدت خطوه وقالت بسرعه..لا معلش..من بعيد..انا لسه مش متأكده من حوار عمي ده
جمال نزل اديه ولسه هيرد.دياب قال بسخريه ..هيه جات عليه..خشي هو اولي من الغريب
جمال غمزو وقال... دياب وبعدين
دلال بصتلو من فوق لتحت بقرف وقالت
..بعيدا عن الي قالو الحلو ده ...خلينا في المهم شوف يا حج.. انت جيت وقعدت تتحايل وعلى شويه هتبكي وانا قولت اجي واشوف... انما انت عمي ازاي وايه الي يثبت.. شوف بقى لو عليكم قرشين عايزين تدبسو حد فيهم فأنا يا مولايا كما خلقتني ميييييح
دياب ضحك جامد وقعد وشاور لابوه وقال...اتفضل...رد عليها ..لنكون مديونين ومستنين الست الرقاصه تفكلنا زنقتنا
دلال بصتلو بقرف وقالت..لا زنقتكم دي تفكوها في اقرب حمام اسهل يا حليوه..وبعدين انت بتتكلم ليه اصلا اما بجح وخرتيت صحيح...وبعدين فين ابو قرون الي قولتولي هتجوزهولي يجي يحوش عني الرجاله الي بتتحدف عليا دي وشاورت على ناصر بغضب وقالت...اوعو يكون الهفأ ده
روحيه قالت بسرعه...لا مش الهفأ..الخرتيت ابو قرون
دياب بصلها بزهول وهيه قالت بسرعع وارتباك ...قصدي دياب ولدي ده
دلال اتسعت عنيها بزهول وبصتلو وكان بيبصلها بنظرات هتحرقها مكانها واتنهدت وقربت منو وصرخت في وشو فجأه وقالت....ياخرابااااااااااااااااااااي...بس
ديابا اتخض لما صرخت في وشو ولسه هييزعق لها قعدت على الكرسي وقالت لارتياح..معلش يا جماعه .انا كده لما اتفاجأ بصوت ..ولما اتخض بصوت...ولما ازعل احب اصوت..واما افرح ارتاح لما اصوت....و
دياب قاطعها بغضب وقال..لا ما احنا مش هنقلبوه ميتم...وصوتك ده ميعلاش... فيه رجاله بره
دلال ولا كأنها سمعاه بصتلو باحتقار وقلعت الجاكت الي لبساه وقالت ..اوووف الدنيا حر...هاتو مروحه ولا زفت ولا اي حاجع
دياب وقف بغضب وقال..ما تتغطي يا وليه وتستري نفسك مش كفايه رجليكي الي حالفه على الهدوم دي
دلال بصتلو بسخريه وحطت رجل على رجل وقالت...سيباهملك يطرو عليك ..اصلي شايفه عينك هتطلع عليهم من ساعة ما جيت
دياب اتحرج جدا زنزل عنيه في الأرض وقال بضيق..انا هطلع اوضتي يا ابوي مش هقدر اقعد هنا اكتر من كده
لسه هيمشي دلال قالت..على العموم انا موافقه عليك...شكلك مش بطال
دياب مبصش عليها وقال بضيق....وانا الصراحه قاتل نفسي علشان توافقي...قال كده وطلع على اوضتو بغضب
اما دلال فبصت لعمها وقالت بجديه..مش ناوي تحكيلي ايه حكاية عمي دي
جمال ابتسم وقال...شوفي يا بتي ابوكي الله يرحمو كان تاجر كبير وشغلو كان مسمع في كل حتة وفي مره وقع مع واحد تاجر سلاح وكان عايز يشغلو معاه..ابوكي رفض ومش بس كده راح بلغ عنو..الراجل كان واصل قوي وابوكي مقدرش يثبت عليه حاجه ومن بعدها الراجل ده استقصدو واول حاجه عملها انو خطفك كان عمرك وقتها ٥ سنين ومن وقتها وانا وابوكي بندور عليكي...لحد ما عمل حادث هو وامك وهما راجعين من العمره...وعمري ما انسى ان اخر حاجه قلهالي اني احاول الاقيكي ووصاني عليكي يا دلال
دلال اتنهدت وقالت...قصه جميله قوي بس انتو ايه الي اثبتلكم اني انا هيه البنت الي بتدورو عليها بقى
جمال قال بسرعه..امك
دلال قالت بسرعه..ما تحترم نغسك انت راجل كبير
جمال ضحك وقال..انا بتكلم بجد..الست الي اخدتك من الراجل الي خطفك وحكالها كل حاجه اخدتك لجل توديكي ملجأ وبعدين صعبتي عليها وربتك مع ولادها بس جوزها كان راجل مش ولا بد وشغلك في الكبريهات من غير رضاها واول ماعرفت انها تعبانه ويمكن تموت جات وحكتلي كل حاجه وادتني الاسوره الي كان جايبهالك ابوكي وخاتم عليها اسمك وطلبت مني اسيبك معاها الكام يوم الي فاضلينلها في حياتها وده الي حصل
دلال قالت ببكا ..يا حببتي يا اما كانت ست مفيش منها...والله يا عم الحج انا حبيتها اكتر بعد الكلام الي انت قولتو..اااااه يا اما ...المهم انا ليه ورث ولا ايه النظام
جمال ضحك وقال...مفيش ورث ولا اي حاجه غير لما تتجوزي ولد عمك وده كلام نهائي
دالا وقفت واتنهدت وقالت...حيث كده بقى...هاتو المأذون
بقلم...زهرة الربيع
في الليل كان تم كتب كتاب دلال على دياب وكان الفرح جميل جدا ورقص ومزمار وطبل بلدي وكان كل حاجه في قمه الجمال
استمر الفرح لحد الفجر وابتدت الناس تروح والفرح خلص والعريس طلع على اوضتو
دياب قبل ما يدخل الاوضه ابوه نادالو وقال ..دياب...تعالى يا ولدي
دياب راحلو بضيق وقال..نعم يا ابوي
جمال قال..عايزك تشد حيلك وترفع راسي وتجبلي حفيد قوام قوام
دياب رما العبايه بتاعتو على الارض وقال بغضب انسى يا ابوي..انا طاوعتك وكتبت عليها غير كده لا..والف لا..مش انا الي اقبل بواحده زي الي جوه دي تمام
قال كده ومشي وروحيه قالت بحزن...طب وبعدين
جمال ضحك وقال..ولا قبلين شوحيلنا حتتين لحم وسيبك منو ده ولدي وانا عارفه اخره كلام
عند دياب دخل وهو متعصب بس اتصدم بشده لما شاف دلال لابسه لبس نوم جميل جدا وشكلها كان يبهر بلع ريقه بالعافيه وقال في سره..يا نهار مش فايت
دلال رفعت حاجبها وقالت...ايه واقف كده ليه...هتبات عندك
دياب حاول يجمع كلامو وحاول كتير ميبصلهاش وقال..احم...انا...انا ..هيه..هيه الدنيا حر قوي في الاوضه ليه
دلال ضحكت برقه ودلع وقربت منو وحطت اديها على كتافو وقالت..تؤ ..هيه مش حر...انت حران ولا ايه
دياب قال بتوهان..قوي ..على الاخر
دلال ضحكت بخفه وقربت اكتر ..بس دياب بعد بسرعه وقال بتوتر..لا..لا مش هينفع..انا انا مش عايز..احم...جوازنا ده ورقه وبس..تمام..يعني انا مش معترف بيه اصلا
دلال شهقت بردح وقال..ومش معترف بيه ليه ان شاء الله...المأذون يهودي...ده ايه النصيبه دي رجالة اخر زمن
دياب قال بسرعه..لا...انا مش مش قادر..انا مش عايز..يعني مش قابل بيكي انتي بزات..لا..مستحيل انسى انك واحده رقاصه..واكيد انا مش اول واحد يقربلك..وانا مرضاش على نفسي كده
