رواية حور الفصل الثاني والثلاثون
*بعد أن خرجت حور من غرفة والدها بالمستشفي ، وجدت عمر ينظر لها
بتعجب كبير و في عينيه الكثير من التساؤلات هي فقط تفهمها .*
عمر بهدوء/ حور نتطلع برة شوية ف الهوا و ابعدي عن جو المستشفي دة .
حور / لا يا عمر مش قادرة انا هفضل قاعدة هنا .. فين ماما وخالتو رباب ؟.
عمر / نزلوا يشوفوا المصاريف و الحسابات اللي مطلوبة ، انا هروح اجيبلك
عصير تشربيه عشان انتي زمانك تعبانه .
*خرج عمر من المستشفي دون أن يسمع ردها ، كان يشعر عمر بالحزن كثيراً
بسبب وضع حور ف هو لأول مرة يراها تبكي بتلك الطريقة حزناً علي والدها ،
حتي وعندما كانت تشتكي له من والدها لم تبكي بتلك الغزارة التي بكت بها
عندما علمت بوجوده في المستشفي .*
عمر ببعض الغضب في داخله/ كل اللي بعملوا عشانك دة وأنتِ برضة مش
شايفاني ولا بتحبيني ،مش عارف ازعل عليكي ولا ازعل منك مش عارف
هفضل لحد امتي احبك كدة !.
```'
```' في المستشفي
كانت تجلس حور علي المقعد الذي بجانب غرفة والدها وتدعي أن لا يصيبه
مكروه وأن يخرج من ذلك المكان دون أي أضرار .
*قطع شرودها صوت هاتفها باتصال من رقم مجهول .*
حور بهدوء / الوو ..؟
- الو يا حور ، انا داليا.
حور باستغراب/ داليا ؟!
داليا بخبث / اه داليا ، لو سمحتي عاوزة اتكلم معاكي شوية .
حور ببرود / انا مليش كلام معاكي ، روحي حلي عني وملكيش دعوة بيا .
داليا بخبث وتمثيل الحزن / لو سمحتي يا حور لازم اشوفك واتكلم معاكي
ارجوكي !.
حور بضيق / اوف .. مش هينفع انهاردة ، بابا ف المستشفي وانا معاه اجليها
لبكرة ف الكافيه اللي جمب السنتر .
داليا / ماشي موافقة والف سلامة علي باباكي ربنا يشفيه يارب ، مع السلامة .
*أغلقت داليا الخط ونظرت حور لهاتفها باستغراب وقالت ..*
ربنا
يستر منك انا عارفة انك دايما وراكي مصيبة .. كنت ناقصاكي انا اصلك .
*' ' ' ' ' ' ' ' ' '*
في منزل مروان .
*كان يجلس هو و صديقه في شرفه المنزل*
مروان /بفكر اسيب السنتر هنا .
عالء باستغراب /تسيب السنتر ؟ لية يا مروان دة انت بقالك سنين فيه .
مروان / كدة احسن والله يا علاء مبقتش مرتاح وحاسس اني طول م انا هنا
بتحصل مشاكل اكتر وكفاية بقي صورتي اللي اتهزت قدام الناس بعد موضوع
حور دة و الكلام مش هيخلص .
علاء / يبني هو أية اللي حصل ؟ دي هي حور بس اللي عرفت ب مشاعرك
وهي اصلا متجنبه الموضوع .. كمل شغلك وانت لو عاوز تنساها هتنساها .
مروان / انت ناسي البت اللي اسمها داليا دي اللي بعتتلي عنوان حور .. اهي
دي لوحدها رويتر اصلا استني يومين كمان وهتلاقي الدنيا كلها عرفت ..
وبصراحة بقي أنا اكتشفت أن أنا مشاعري دي كانت فراغ مش اكتر ، اعجبت
بالبنت لفترة صغيرة و لقيت فيها اللي مكنش لاقيه مع اسيل بس ف نفس
الوقت انا مظلمتش اسيل طلعوا هما الاتنين مينفعونيش ، اه اعجبت ب حور و
اتعلقت بيها و منكرش أن كان في مراهقة متأخرة مني ف الموضوع دة بس
طلع عندك حق يا علاء ، الموضوع كله بايظ من أوله .
عالء بابتسامة/ والله انا فخور بيك انك أخيراً اعترفت ب دة و فهمت فعلا أن
الموضوع مش نافع ، وصدقني انت هتلاقي اللي تفهمك صح و تقدرك واللي
تكون شخصيتها وروحها اجمل بكتير من شكلها .
مروان / هو نصيب والله يا علاء ، الجواز دة نصيب ، انا قررت اخلص السنة
دي و اسيب السنتر هكمل في باقي الاماكن اللي شغال فيها و الحمد لله علي كدة
.
علاء / اللي فيه الخير ربنا هيدمهولك والله انت تستاهل كل خير .
مروان بتتويه / احنا مالنا قلبناها دراما كدة لية ، انا هقوم اعمل حاجة نشربها
وانت شوفلنا فيلم نتفرج عليه بدل الاقعدة اللي انت قاعدها دي
علاء بضحك / ماشي .
' ' ' ' ' ' ' ' ' ' '
*انتهي ذلك اليوم ع الجميع .*
ظلوا الجميع في المستشفي تلك الليلة ولم يذهب أحدهم الي البيت وكان كل
منهم لديه مشاعر مختلفة عن الآخر و احاسيس غريبة يشعر بها ، كانت حور
تتمني الشفاء لوالدها وكانت أيضا تتعجب من نفسها كثيراً وبسبب حبها
المفاجئ الذي ظهر لوالدها ، أما والدتها ف كانت لا تتكلم ولا تظهر أي شئ ولا
احد يعلم ما بداخلها ولكن هي كانت تتمني أن يبعد عنها الله الشر وعن ابنتها ،
أما رباب 《والدة عمر》 و عمر فكانوا لا يتكلمون فقط يتعجبون من أمر حور و
من خوفها علي والدها .
' '
*أما مروان ف اخيرا قرر أن ينتهي ذلك الإعجاب الذي حطم حياته و جعله
يدخل ف الكثير من المتاهات و قرر أن يبتعد تماماً عن حور ، و فهم اخيراً أنه
لم يحب حور بل هو كان معجب بها فقط وكان يريد أحد يملأ عليه فراغ حياته*
' '
*كان سيف يشعر بالخوف الشديد بعد أن سلم المعلومات الخاطئة للشركة التي
تجعله جاسوساً لها في شركة الجارحي لأنه يعلم أن أي خطأ اخر سوف يذهب
به إلى الهلاك .*
' '
ِ ```ف اليوم التالي .```
استيقظت حور وجدت نفسها نائمة علي كتف والدتها علي أحدي مقاعد
المستشفي .
حور بقلق/ الدكتور مقالش حاجة جديدة ؟
هدي / مقالش حاجة لسة أبوكي لسة ف الغيبوبة .
حور / انتي منمتيش ولا اية
هدي/ لا يحببتي مجاليش نوم .
حور باستغراب / اومال فين خالتو رباب و عمر ؟
هدي / خالتك راحت ع البيت عشان اخواتك اللي لوحدهم دول و عمر نزل من
شوية يجيب فطار .
*بعد لحظات وصل عمر .*
عمر/ معلش لو اتاخرت عليكو .
هدي / لا يبني متاخرتش .. قومي يا حور يالا افطري وروحي ع البيت عشان
تشوفي دروسك.
حور / لا يا ماما انا مش هسيبك وامشي ، هفضل قاعدة معاكي .
اتت الممرضة في تلك اللحظة وقالت ..
- انا اسفة بس انتوا مينفعش تقعدوا بالعدد دة ف المستشفي مسموح مع
المريض فرد واحد بس مرافق ، و الزيارة ليها معاد ابقوا تعالوا فيه ، الدكتور
سمح ب بياتكو ف المستشفي عشان قلقكوا ع المريض لكن احنا اسفين اكتر
من كدة احنا اللي هنتضر .
هدي بايماء / طب المرافق دة لية تذكرة ادفعها منين ؟
الممرضة/ تحت يفندم ف الاستقبال .. عن اذنك.
هدي / خد حور يا عمر و روحوا ع البيت وانا هفضل قاعدة هنا مع محمد
ووقت الزيارة ابقوا تعالوا .
حور / هتفضلي قاعدة كل دة يماما ؟
هدي / لا طبعا همشي ع بليل عشان مينفعش برضة ابات برة و الصبح هبقي
اجي تاني ، يالا خدي عمر و روحي .
عمر / لو احتاجتي حاجة يخالتي اتصلي بيا .
هدي / حاضر والله، يالا روحوا انتوا .
*خرج عمر و حور من المستشفي.*
*تذكرت حور أنها ستقابل داليا ف أوقفت عمر .*
حور / معلش يا عمر روح انت انا هروح اقابل واحدة صحبتي و هاجي وراك .
عمر باستغراب/ صحبتك ؟ دي الساعة ١١ يحور هتقابلي مين دلوقتي .
حور بكذب / نرمين .. هقابل نرمين عشان عاوزة تطمن عليا وكدة .
عمر / تمام ماشي ، تحبي اوصلك .
حور برفض / لالا روح انت زمانك تعبان ، انا مش هغيب ساعة زمان واروح .
عمر / تمام خدي بالك من نفسك .
*ذهبت حور واتجهت ناحية الكافية التي واعدت داليا أنها ستقابلها هناك و
اتصلت بها.*
حور / الوو .. انا ف السكة للكافيه دلوقتي انتي ف السنتر صح ؟
داليا / أيوة هناك هطلعلك دلوقتي اهوو .
حور / تمام ، يالا سلام .
*وصلت حور الي الكافيه بعد دقائق ووجدت داليا تجلس ب انتظارها .*
حور / خير يا تري أية الموضوع المهم اللي عاوزاني فيه ؟.
داليا / بصي يا حور ، انا مبحبكيش وانتي عارفة كدة وانا مش جايباكي عشان
اعتذرلك و اقولك انا اسفة و الكلام دة ، انا ممكن اكون عملت حاجات كتير
وحشة ليكي و حاجات اكتر و خليتك تكرهيني بس أنا بقي المرة دي مش جاية
اخليكي تكرهيني ، انا جاية أوضح عينك ع حاجات كتير ف حياتك هتخليكي
تكتشفي خيانه حد قريب ليكي.
حور بملل / بقولك اي ، انا مش عاوزة اسمع منك حاجة وواضح كدة انك
بتحوري ولو انتي فعلا بتكرهيني اوي كدة فارق معاكي لية اكتشف خيانه اقرب
الناس ليا ؟ كنت عارفة اني مش هستفاد منك حاجة ، انا ماشية ..
داليا بخبث/ اهدي بس شوية في اي مالك ، حتي لو قولتلك أن الحد دة عمر ..
حور / انتي مجنونة ولا اية هو انا المفروض اصدقك ، عمر دة انضف من
عشرة زيك دة اخر واحد ممكن يفكر يأذيني أو يعمل حاجة تزعلني .
*اخرجت داليا هاتفها وارسلت شئ لحور علي الواتساب ..*
داليا بخبث/ افتحي الواتساب بتاعك كدة ، و اسمعي الفويس اللي بعتهولك
وخلينا نشوف عمر الملاك البريء دة هيفضل ف نظرك زي م هو ولا لأ..
*فتحت حور الواتساب وهي تنظر ل داليا بسخرية شديدة لأنها تعرف أن عمر*
*لا يفعل شئ يجعلها تحزن أو يكسرها ،*
*فتحت حور تلك الرسالة الصوتية وهي تسمع كل كلمة تقال فيها اتسعت
عينيها من صدمتها وفجأه ....*
