رواية حور الفصل الثالث والثلاثون
*روايـة حـور 🦋'*
*الفصل الثالث والثلاثون✨🦋`*
*فتحت حور تلك الرسالة الصوتية وهي تسمع كل كلمة تقال فيها اتسعت عينيها من صدمتها وفجأة أغلقت الهاتف وقالت ..*
حور بصدمة / انتي كدابة .. اكيد الفويس دة متفبرك مستحيل عمر يتفق معاكي انتي علي حاجة زي دي .
داليا بخبث / والله يحببتي اهو الفويس عندك عاوزة تصدقي صدقي مش عاوزة خلاص ، انا قولت اعمل اللي عليا واجي اقولك اللي بيحصل من ورا ضهرك عشان اكيد يعني مش هروح ارمي بلايا علي الراجل كدة و اقول إنه اتحـ رش بيا انا برضة ليا سمعتي .. مع السلامة يقلبي بقي عشان عندي درس .
*نظرت لها حور بصدمة و ذهبت داليا من أمامها بكل غرور وسعادة لأنها تري حور منكسرة و الدموع بدأت أن تتجمع في عينيها*
*كانت حور لا تستوعب اي شئ ، كانت تتمني أن يصبح ذلك كابوس ، شعرت وان أحد سكب عليها دلو ماء بارد .. فتحت هاتفها و سمعت الرسالة الصوتية مرة أخري ودموعها بدأت تهبط علي وجهها .*
كانت فقط ترن في أذنها كلمات عمر لداليا عندما كان يقول *''عاوزك تنفذي ف الوقت اللي حور هتكون موجودة فيه ف السنتر ، وزي ما اتفقنا عاوزها فضيحة ."* اخذت حور حقيبتها و خرجت من الكافية وهي لا تتوقف عن البكاء ، قررت أن تذهب الي البيت و تنهي زواجها اليوم ..
*" " "*
*كانت داليا تترقب حور من بعيد و تنظر لها بشماته و سعادة كبيرة ف هي و أخيراً حطمت الاجزء المتبقي منها ولم تستطيع الثقة ب أحد*
داليا بخبث في داخلها/ معلش بقي يا عمر ، بس انا مشكلتي مش مع مستر مروان ، مشكلتي مع مراتك و اديني حليتها ..
*" " " "*
*في المستشفي*
كانت أحدي الممرضات في غرفة محمد و كانت تضع لها المحلول و ترتب بعض الاشياء في الغرفة ولاحظت أن المريض حرك أحدي اصابع يده ، ندهت الي الطبيب سريعاً و عندما سمعت هدي ذلك كانت خائفة جداً تخاف من عودة زوجها للحياه لانه سيدمرهم مرة أخري ..
*" " " "*
*بعد حوالي ربع ساعة ، وصلت حور الي المنزل ، دلفت بكل هدوء وكل شئ يظهر علي وجهها .*
*_خرج عمر من الغرفة ووجدها أمامه ، نظر لها بتعجب و خوف شديد عليها ف لأول مرة لا يفهم تعابير وجهها ، لم يستطيع تفسير حالتها هل هي غضب ام حزن ولكنها كانت تنظر له بمشاعر كثيرة مختلطة_*
عمر بخوف وهو يمسك ذراعيها/ حور.. انتي كويسة !.
حور وهي تبتعد عنه / فارق معاك اوي إذا كنت كويسة ولا لأ ؟ لية .. بيفرق معاك زعلي اوي .
عمر / أية الهبل اللي انتي بتقوليه دة انتي مش عارفة انتي غالية عندي ازاي ، انتي م...
حور بغضب / انا عاوزة أطلق ، عاوزاك تسيبني ف حالي و تطلقني عشان انا مش هقعد معاك يوم واحد تاني .
عمر بغضب / انتي عبيطة ولا اية يا حور مالك ! ما أنا سايبك كويسة ، أية اللي جاب سيرة الطلاق ؟
حور بغضب / انا هقولك أية اللي جاب سيرة الطلاق ... اسمع كدة وانت تعرف .
*اخرجت حور هاتفها و وقامت بتشغيل ذلك التسجيل الذي بينه و بين " داليا "*
*نظر لها عمر بصدمة كبيرة و اتسعت عيناه من صدمته لا يعرف ماذا يقول ولا يعرف كيف وصل لها ذلك التسجيل .*
عمر بتوتر / انتي جبتي الفويس دة ازاي ؟..
حور بغضب / هو دة كل اللي فارق معاك ! جبت الفويس دة ازاي ، لية كنت عاوز تعمل فيا كدة يا عمر لييييه ، دة انت اكتر واحد انا بثق فيه ، واول واحد باجي احكيله علي كل حاجة ، دة انت اول حد عرفت ب موضوع مروان ، لية عاوز تضرني و توجعني لية ؟ هو طب ذنبه أية .. لية عاوز تضره بالطريقة دي !! انت عارف لو كان اللي انت عاوزه دة حصل كانت حياته و سمعته هيدمروا ازاااي !! صدمتي فيك كانت أكبر من صدمتي ف ابويا لما قرر يرميني و يجوزني وانا ف السن دة ! اديني مبرر واحد يخليك تعمل كدة .. عملتلك أية يا اخي عشان توجعني و تصدمني فيك كدة ! انا عارفه انك مش بتحب مرواان بس ليهه ليهه يوصل بيك الكره للدرجة دي يا عمرر ! انت اخر واحد انا أتوقع منه يئذيني و يوجعني ف يوم من الايام !! اديني مبرر واحد يخليك تعمل كدة .. انت از...
قاطعها عمر بصوت مرتفع / عشان بحبك .. عشان انتي مش فارق معاكي حد غير مروان .. عشان انتي مش شايفاني ولا فارق معاكي مشاعري !! عشان انتي اول حد انا حبيته واكتر حد اخد مني مشاعر و اهتمام و حب و مخدتش منك حاجة !! قولت يمكن لما نتجوز تحبيني وبرضة عقلك معاااه !! لييه! رايحة تحبي واحد قد أبوكي ؟ كنت غيران عليكي منه يا حور وهو كمان بدأ يحبك و مشاعره تظهر و كان لازم اعمل حاجة عشان انهيه بيها و لو رجع بيا الزمن هتفق مع داليا تاني وهعمل اكتر من كدة كمان عشان اخلص منه ويخرج من حياتنا بقي .. حور انا .. حور انا عملت كل دة عشان بحبك ارجوكي افهميني انا بس كنت عاوز اهز صورته ف عينك عشان تكرهيه و تحبيني زي م بحبك .
حور بزعيق / حبك برص .. حبك برص يا عمر .. احبك !!! انت بجد متخيل اني كدة هحبك .. طب اطمن بقي عشان حتي الاول لو كانت مشاعري ناحيتك مشاعر صداقة بس ف احب اقولك انك دلوقتي قضيت علي اي مشاعر من ناحيتي ليك لا بقي في مشاعر لا قرابه ولا صداقة و لا تتخيل اني ممكن يوم افكر فيك ولا ابصلك بعد الطريقة اللي انت بتفكر بيهاا ديي .. وبعدين انت عاوز تهز صورته ف عينيا !! انت مفكرتش لحظة انك حرفيا كنت هتدمره هو قبل ما تدمر صورته ف عينيا !! انت اية يا اخي شيطان ! ازاي تفكيرك المريض وصل بيك لكدة بجد .. اسمع يا عمر انا عاوزة أطلق ومش عاوزة اشوف وشك تاني .
*كانت ستذهب حور ولكن امسكها عمر بقوة من ذراعها وهو يحاول يسحبها الي الغرفة بكل غضب في عينيه وهي تقاوم وتحاول أن تبتعد عنه ف هي لأول مرة تصبح خائفة منه لتلك الدرجة ..*
عمر بغضب وهو يسحبها / مش بمزاجك يا حور ، مش بمزاجك انا عيشت عمري كله مستنيكي و هتفضلي معايا بمزاجك أو غصبن عنك .. انتي ملكييي ساامعهه ، ملكييي .
*بعد أن سحبها عمر الي الغرفة اغلق خلفة الباب بالمفتاح و القي المفتاح بعيدا وهي تحاول تبتعد عنه ولكنه كان اقوي منها بكثير ..*
حور بخوف / عمر .. عمر بالله عليك ابعد عني .. ابعد عني ونبي وانا هعملك اللي انت عاوزه و ...
*قطع حديثها هجوم عمر علي شفتيها وهو يقبلها وهي تحاول أن تبتعد عنه وتبكي بغزارة وهو تحول الي حيوان مفترس الذي امتلك فريسته ، كانت تحاول المقاومة بكل قوتها وفجأه ....*
