 |
رواية عشقت كبريائي فهد ومليكة الجزء الثالث (لقاء الاحبة) الفصل الثالث والثلاثون بقلم دودو محمد
اشرقت شمس صباح يوم جديد بنورها الساطع فى سماء عروس البحر لتبدء تيلا بفتح عيونها بصت على السقف وحطت ايديها على وشها وعيطت وفى الوقت ده الباب بتاعها خبط ودخلت مى
تيلا :- مسحت الدموع وقالت تعالى يا ماما
مى :- قعدت جنبها على السرير وقالت صباح الخير يا حبيبتى
تيلا :- بكسره صباح النور يا ماما
مى :- عامله ايه دلوقتى
تيلا :- انتى شايفه ايه واحده من غير روح يا ماما
مى :- لسه بتحبيه يا تيلا بعد اللى عملو فيكى
تيلا :- بدموع للاسف يا ماما بحبه ومش قادره اكرهو ده حب عمرى وفى نفس الوقت مش قادره انسا اللى عملو فيا ولا قادره اغفر ليه اللى حصل علشان كده انا بتعذب يا ماما مابين نار حبى ليه وبين تعذيبى من اللى حصل
مى :- شدتها فى حضنها وقالت يا قلب امك يا بنتى ربنا يريح قلبك يا قادر يا كريم
تيلا :- بدموع ايوه يا ماما اكتر دعوه محتاجها دلوقتى كترى منها
مى :- خرجتها من حضنها وبصت فى عينيها وقالت عايزاكى تكونى قويه يا تيلا ومتديش فرصه للحزن يكسرك خليه هو مصدر قوتك انا بعد اللى حصل من مازن فيا حسيت نفسى مكسوره قولت لاء مش هسمح شوية حزن يكسرونى نزلت الشغل مع عمك فهد واشتغلت وقولت لازم تكون عندى شخصيه واقدر اقف على رجلى من تانى واعمل لنفسى كيان انزلى اشتغلى وعيشى حياتك متخلهاش وقفه على حد خلى ليكى شخصيه مستقله بنفسك علشان تقدرى تخرجى من اللى انتى فيه فاهمه يا حبيبتى
تيلا :- بدموع هعمل كده بس قبل اى حاجه فى مشوار لازم الاول اعمله
مى :- اى كان اللى هتعمليه انا واثقه فى بنتى انها هتقف على رجليها وهتبقى اقوى من الاول
تيلا :- إن شاءالله يا ماما
مى :- بستها فى راسها وخرجت من الاوضه
تيلا :- مسحت دموعها وقامت من على سريرها دخلت الحمام اخدت شاور واتوضت وخرجت لبست هدومها وادت فرضها وخرجت من الاوضه ونزلت تحت وقالت صباح الخير
الكل :- صباح النور
تيلا :- فين فرحه
مى :- لسه مطمنه عليها نايمه مرضتش اصحيها سبتها براحتها
تيلا :- ماشى لما اجى تكون صحيت
باسم :- انتى رايحه فين يا حبيبتى كده
تيلا :- هروح اطمن على جاكلين وبعدين هروح مشوار كده وهاجى علطول
مى :- ماشى يا حبيبتى خلى بالك من نفسك
تيلا :- حاضر يا ماما عن اذنكم
مى :- طيب افطرى الاول
تيلا :- معلش يا ماما مليش نفس وخرجت من الفيلا ركبت عربيتها وراحت عند فيلا فهد المنشاوى
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا فهد المنشاوى
فى اوضت عدى
كان عدى نايم وواخد مى فى حضنه وبدأت مى تفتح عيونها وبصت على نفسها لاقت نفسها نايمه فى حضن عدى وبهدومها الداخليه لبست قميص عدى كان واقع فى الارض وهى مصدومه وبعدين قالت
مى :- نهارك اسود ومنيل انت عملت فيا ايه انت يا بنأدم قوم وضربته على صدره العريان
عدى :- قام مفزوع وقال ايه فى ايه
مى :- ا.ا.انا ايه نيمنى على السرير جنبك بالشكل ده ا.ا انت عملت فيا ايه يا ندل يا جبان
عدى :- بصدمه انتى بتتكلمى بجد لاء اوعى تقولى بجد
مى :- امال بهزر انطق عملت فيا ايه
عدى :- انتى مراتى يا متخلفه واللى حصل امبارح بمزاجك اقسم بالله
مى :- ايوه اللى هو ايه بقى
عدى :- يا بنتى ارجعى لعقلك هقولها ازاى دى
مى :- انا لازم اعرف انت عملت فيا ايه يا واطى
عدى :- حط أيده على وشه وقال يا بنتى انتى جالك زهايمر ولا ايه مش فكره اى حاجه خالص
مى :- هزت راسها بمعنى لاء
عدى :- المساج واللى حصل بعد المساج ها افتكرتى
مى :- هزت راسها بمعنى لاء
عدى :- يا دين النبى ابوس ايدك افتكرى
مى :- طيب قولى انت ايه حصل
عدى :- ا.ا.اللى حصل ا.ا.ان انتى بقيتى مراتى رسمى فهمتى
مى:- هزت راسها لاء وقالت مش فاهمه ايه حصل
عدى :- ا.ا.انتى عملتى ليا مساج وانا سحبتك على السرير و.و.و ب.ب.بعد ك.ك.كده ح.ح.حصل
مى :- هههههههههههههههههه
عدى :- بأستغراب بتضحكى
مى :- شكلك مسخره اقسم بالله وانت مكسوف كده ولعبت فى وشه وقالت بتتكسفى يا بيضه
عدى :- بغيظ يعنى ده مقلب فيا
مى :- وهى بتضحك ههههههههه اه
عدى :- طيب وربنا ما انا سيبك
مى :- قامت من جنبه وطلعت تجرى وقالت وعملى فيها سبع البرومبه وانت مكسوف تقول اللى حصل امبارح
عدى :- طلع يجرى وراها وقال مبحبش اتكلم بحب العملى علطول
مى :- ههههههههههه بعينك
عدى :- بلاش تتحدينى
مى :- انا قدامك اهو لو تعرف تمسكنى
عدى :- طلع يجرى وراها
مى :- هههههههههه مش هتعرف
عدى :- راح يجرى عليها ومسكها مره واحده وشالها
مى :- لالالا يا عدى نزلنى
عدى :- انتى اللى بدأتى استحملى بقى وحطها على السرير
مى :- ههههههههه خلاص يا دكش احنا اسفين
عدى :- دكش
مى :- هههههههه اه دكش لايق عليك الاسم ده عدى الدكش يا سلااااااااام اسم كله اجرام اقسم بالله ههههههههههههه
عدى :- كده انا هوريكى الدكش هيعمل ايه وقرب منها
مى :- وهى بتحاول تبعده لالالا يا عدى مش دلوقتى
عدى :- مش دلوقتى ايه ده انا هعوض كل اللى فات منى وبسها فى رقبتها
مى :- خلاص يا عدى بجد انا جعانه وعايزه افطر
عدى :- قرب من ودنها وقال برومانسيه سيبى نفسك وانا هنسيكى الجوع
مى :- بلعت ريقها وبصت لعدى فى عينه
عدى :- غمض عينه وقرب من شفايف مى وبسها بوسه طويله وشد الغطا عليهم و(زيطه معاكم يا ولاد المحظوظه 😂😂😂)
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى اوضت جاكلين
صحيت من نومها وفتحت عينيها بالعافيه من كتر عيطها طول الليل وقامت بصعوبه من على السرير دخلت الحمام اخدت شاور واتوضت وخرجت لبست هدومها وأدت فرضها وبصت على مكتبها شافت كتب الروايات بتاعتها وافتكرت الكلام اللى كانت بتقولو والعيشه اللى كانت بتتمنا تعيشها وافتكرت معاذ والكلام اللى كان بيحصل ما بنهم ودموعها نزلت منها ومسكت كتب الروايات وقطعتها ورمتها فى الارض واترمت على السرير وقعدت تعيط وفى الوقت ده مليكه خبطت ودخلت وشافت منظر الورق وهو متقطع ومرمى فى الارض وشافت جاكلين نايمه على السرير وعماله تعيط راحت عندها وقعدت على السرير واخدت جاكلين فى حضنها وطبطبت عليها
جاكلين :- بدموع انا بتعذب اوى يا ماما مش قادره اصدق كل اللى حصلى ده مصدومه فى معاذ ومصدومه من الدنيا كلها ليه يا ماما الشر والحقد اللى فى نفوس الناس دى ازاى بيقدرو يعيشو مع بعض ويضحكو فى وش بعض ونفوسهم كلها شر انا عمرى ما كنت أتخيل أن الدنيا كده
مليكه:- يا حبيبتى الدنيا لازم يبقى فيها خير وشر علشان فى الاخر يبقى فى جنه ونار
جاكلين :- وليه الشر من اساسه
مليكه :- لأنها نفوس ضعيفه وبيقدر الشيطان يتحكم فيها
جاكلين :- واحنا قلوبنا ذنبها ايه تتعذب بالشكل ده انا كرهت نفسى وكرهت ضعفى وكرهت قلبى اللى حب شخص ما يستهلش
مليكه :- مشت ايديها على شعرها وقالت يا حبيبتى مفيش بنأدم مش بيغلط وده مش عيب بس الغلط الأكبر اننا منتعلمش من غلطنا ونستفيد علشان منقعش فى نفس الغلط ده تانى والضربه اللى متموتش تقوى يعنى خلى التجربه دى تقويكى مش تكسرك يا جاكى وخليكى واثقه أن طول ما ربنا معاكى محدش يقدر يأذيكى ولا يجى عليكى وابوكى يا حبيبتى هيفضل فى ضهرك وحميكى واخواتك الرجاله هيفضلو هما سندك وقت وقعتك خليكى واثقه انك مش لوحدك علشان كده بقولك اقفى على رجلك من تانى وارجعى اقوى من الاول
جاكلين :- مهما بحاول اكون قويه قدام الناس ببقى ضعيفه اوى اوى يا ماما من جوايا وبحس أن اى عاصفه هتيجى عليا هتوقعنى الارض
مليكه :- طول عمرك يا حبيبتى سند لكل بنات العيله العقل المدبر ليه رغم ضحكك وهزارك الا انتى عقلك كبير وده اللى بحبه فيكى يا جاكى بتقفى جنب الكل علشان كده ربنا بيقويكى
جاكلين :- بدموع بس للاسف يا ماما مش قادره اقف جنب نفسى حاسه ان انا تايهه فى صحرا كبيره ومش عارفه الاقى الطريق وعماله الف حوالين نفس النقطه لما الشمس هتاكل دماغى وهموت من العطش هو ده احساسى دلوقتى يا ماما
مليكه :- تملى خلى املك فى الله كبير وهو هيجعل ليكى مخرجآ من كل مشاكلك
جاكلين :- ونعمه بالله يا ماما
مليكه :- يلا يا حبيبتى اغسلى وشك وانزلى عمك فارس ومرات عمك وعياله جاين يسألو عليكى
جاكلين :- حاضر يا ماما
مليكه :- بستها فى راسها وخرجت وسابتها
جاكلين :- دخلت غسلت وشها ونزلت وقالت صباح الخير وراحت سلمت على فارس وجومانه وكريم وبسمله وقعدت جنب ابوها
فارس :- عامله ايه دلوقتى يا حبيبتى
جاكلين :- الحمدالله يا عمو
جومانه :- منهم لله ربنا ينتقم منهم على اللى عملو فيكم ده
فارس :- بس ارجع واجيب الغلط على فهد أن استعجل على الجواز انا كنت رافض موضوع الاستعجال ده من الاول بس هو كان واثق فيه زياده عن اللزوم
فهد :- يا ابنى افهم كان شغال مع اسر واسر كان بيشكر فيه وعدى سأل عنه والكل شكر فيه عمرى ما كنت أتخيل أن هو عايز ينتقم
فارس :- شكلك كبرت يا فهد بقى انت فهد المنشاوى اللى كان يبص فى عين البنأدم يعرف بيفكر فى ايه
مليكه :- يا فارس ده مقدر ومكتوب وربنا عمل كده لان كان ليها نصيب تعيش كده بس الحمدالله ربنا مطولهاش عليها وعلينا
جومانه :- وهتعرفو تطلقوها منه ازاى انت وصلت ليه
فهد :- لسه موصلناش ليه بس قريب اوى هوصل ليه وهطلقها منه وهعرفه مقامه وهعرفه ايه اخرت اللعب مع فهد المنشاوى
كريم :- بهزار انا قولتلك من الاول فكرى فيا واد حليوه وامور ومدوخ بنات الجامعه انتى اللى اتبطرتى على النعمه
جاكلين :- بضحكة حزن قالت ونسيت تقول كمان عبيط واهبل
كريم :- يا كسفتك السوده يا كيمو دى قصف جبهه ايه دمار
الكل :- هههههههههههههه
فهد:- خلص كليتك بقى علشان تيجى تمسك مكان ابوك زى العدى
كريم :- والله يا عمى انت لو مستغنى عن شركتك شغلنى فيها بص هبهرك مش قادر اقولك الضياع اللى هتشوفه الشركه على أيدى وبعدين هز بؤقه يمين وشمال وقال تشغل مين يا عمى ده انا فاشل فى الدراسه ولحد دلوقتى مش حافظ جدول الضرب تقولى شغل
فهد :- هههههههههههه ابنك مش طالع ليك خالص يا فارس ده انت طول عمرك ماسك شغل بره وكنت ممشيه عشره على عشره
جومانه :- بتريقه على يدى
كريم :- ههههههههههههه مش بتستر عليك الحاجه خالص هههههههههههه اصيله يا ام رحاب
الكل :- هههههههههههههههههه
وفى الوقت ده دخل اسر ومها ويوسف
ودخلو وسلمو على الكل
اسر :- عامله ايه دلوقتى يا جاكى
جاكلين :- كويسه يا عمو
مها :- الواحد لحد دلوقتى مصدوم فى معاذ مش قادره اصدق أن هو ده الشاب المحترم اللى كان بيدخل ويخرج من الفيلا مش بيرفع عينه فى حد من الموجودين
جومانه :- فى مثل بيقول تعرفه، اه اعرفه ،عشرته، لا معشرتهوش، يبقى متعرفهوش، مش معنا اننا نشوف بنأدم محترم يبقى هو فعلا كده لازم العشره علشان يبان اذا كان تمثيل ولا حقيقى
مليكه :- عندك حق يا جومانه
فهد :- عامل ايه يا يوسف
يوسف :- الحمدالله
فهد :- يارب تكون دلوقتى اهدا شويه
يوسف:- بعد اذنك يا عمى مش عايز اتكلم فى الموضوع ده
فهد :- انا اصلا مش هتكلم معاك دلوقتى لا ده وقته ولا مكانه بعدين يا يوسف بعدين
اسر :- ياريت يا فهد احسن تعبنى ووجع قلب أمه عليه
يوسف :- بعصبيه ممكن نقفل بقى انا مكنتش عايز اجى علشان كده
مليكه :- خلاص يا يوسف اهدا
جاكلين :- امال فين تيلا يا يوسف
الكل :- بص لبعض
يوسف :- معرفش يا جاكى ومش عايز اعرف حاجه عنها وفى الوقت ده دخلت تيلا واتفاجئت بوجود يوسف
فهد :- تعالى يا توته
يوسف :- اتصدم لما شاف تيلا
تيلا :- دخلت سلمت على الكل الا يوسف
مها :- تعالى يا توته جنبى
تيلا :- راحت قعدت جنب مها
مليكه :- عامله ايه يا حبيبتى
تيلا :- ا.ا الحمدالله يا خالتو
اسر :- يارب دايمآ يا حبيبتى
تيلا :- ربنا يخليك يا عمو وبصت لجاكلين وقالت عامله ايه دلوقتي يا جاكى
جاكلين :- الحمدالله فرحه عامله ايه دلوقتى
تيلا :- حالتها صعبه اوى حاولت اقويها بس شكله كسرها جامد
فارس :- اصعب حاجه كسرت القلوب يا توته بيبقى وجعه اصعب مليون مره من الوجع الجسدى
تيلا :- مسكت دموعها بالعافيه وقالت عندك حق يا عمو بيخلى الواحد يموت مليون مره فى الثانيه
يوسف :- بص على تيلا لاقها حابسه دموعها فى عينيها وكان لسه هيوقف ويمشى
اسر :- مسكه وقرب منه وقال على الله تقوم من مكانك
يوسف :- اتعصب واخد نفس وطلعه علشان يهدى نفسه
جاكلين :- حاولى تخرجى فرحه من الحاله اللى هى فيها وانا بقول انها ممكن تحتاج دكتور نفسى تتابع معاه
تيلا :- فرحه ميتخفش عليها هتتكسر شويه بس فى الاخر هترجع اقوى من الاول
فهد :- تبقى جدعه لو عملت كده وتتعلم من غلطها انها تفكر الف مره قبل ما تحب بنأدم ميستهلش حبها
تيلا :- كلنا عايشين بنتعلم يا عمو انا وجاكى وفرحه محدش بيتعلم ببلاش
يوسف :- كان قاعد ومش عجبه كلام تيلا وبياخد نفس ويخرجه كل شويه علشان يهدى نفسه
اسر :- توته
تيلا :- نعم يا عمو
اسر :- معلش يا بنتى هتعبك عايزك تنزلى الشركه تخلى بالك منها انتى عارفه أن كنت بعتمد على معاذ ومفيش حد بيتابع الشغل وانتى اصلا ليكى الشركه بتاعتك الشريكه لينا يعنى برضه ده مالك قبل ما يكون مالى ولازم تحفظى عليه
تيلا :- بس انا مش عايزه شركات من حد يا عمو انا هرجعها ليكم تانى ولو على شركة حضرتك انا هنزل اخلى بالى منها علشان خاطرك
اسر:- يا حبيبتى ده حقك
تيلا :- لاء مش من حقى
يوسف :- بغيظ خلاص يا بابا انت هتذلل ليها سبها تعمل اللى تعملو يكون احسن لو رجعتها
تيلا :- بعصبيه انا اصلا مش عايزه اى حاجه تفكرنى بيك
يوسف :- لاء انا اللى هموت عليكى يعنى
تيلا :- انت معندكش دم
يوسف :- لمى نفسك علشان متهورش عليكى
تيلا :- عادى مش غريب عليك تمد ايدك ما هو انت مش راجل اصلا ناسى عملت ايه فيا
يوسف :- رفع أيده ولسه هيضربها
فهد :- مسك أيده وقال اهدا يا يوسف عيب فى حقنا كلنا لما تمد ايدك عليها واحنا قاعدين
يوسف :- مش شايفين طولت لسانها
اسر :- يوسف اقعد ومسمعش نفسك كفايه بقى قلة قيمه لينا
يوسف :- انا ماشى اصلا
اسر :- مسكه من دراعه وقال انا قولت تتنيل تقعد
مليكه :- يا جماعه وحدو الله اقعدى يا تيلا
تيلا :- لاء انا ماشيه
مها :- يا حبيبتى اقعدى
تيلا :- وهى حابسه دموعها معلش يا خالتو عن اذنكم وخرجت من الفيلا
وفى الوقت ده نزل عدى ومى وسمر وفريد على الصوت
عدى :- فى ايه
فارس :- انت لسه فاكر
فريد :- احنا سمعنا صوت زعيق جامد
فهد :- ده يوسف وتيلا
مى وسمر سلمو على الكل وراحو قعدو جنب مها
مى :- قربت من سمر وقالت عجبك اللى بيحصل بسببك
سمر :- وانا ايه عرفنى أن كل ده هيحصل من فيديو
مى :- مستهتره
سمر :- انا لو عليا عايزه اقول الحقيقه بس خايفه من ردت فعل فريد ويوسف
مى :- طيب اسكتى يا اختى بدل ما حد يسمعنا
اسر :- بعصبيه هتفضل لحد امته كده متهور وعصبى
يوسف :- انا قولتلك امشى انت اللى قعدنى بالعافيه وهى بتقول كلام مستفز
فهد :- بس مش لدرجة انك عايز تمد ايدك عليها واحنا قاعدين
يوسف :- وهى لما غلطت فيا قدامكم عادى مش قلة ادب برضه
مليكه :- يا حبيبى بلاش تعتبرها انها كانت مراتك بس خليك فاكر انها برضه بنت خالتك وخالتك مى هتزعل منك اكتر واحنا طول عمرنا بنحاول نخلى الرابط ما بين العيله اقوى علشان منتفرقش مش هتيجو انتو على اخر الزمن تفرقونا وتزعلونا من بعض
اسر :- ومى تبقى برضه بنت عمى وزى اختى بالظبط ومعنديش استعداد ازعلها منى ولا اخسرها لمجرد علاقه فاشله ما بينكم
فارس :- يا جماعه الاهم من كل ده الحب والترابط والتماسك ببعض كل ما تكون الحزمه اكتر واكبر كل ما تكون أقوى ومحدش يقدر يكسرها وانتو المفروض تتجمعو مش تتفرقو عن بعض علشان تقوى الحزمه دى ومحدش يقدر عليكم وبص ليوسف وقال انتو الجيل الجديد كله مستهتر ومتسرع فى كل حاجه وعايز يمشى اللى فى دماغه حتى لو غلط وده اكبر غلط الحياه ماشوره مش عيب انك تسمع للكبير وتصلح غلطك احنا زمان الاخ الكبير كانت كلمته بتمشى على الصغير زى الأب بالظبط إنما دلوقتى الابن لا بيسمع للاب ولا بيسمع للاخ
اسر :- عندك حق يا فارس احسنت فى كلامك والله
يوسف :- وقف وقال عن اذنكم انا ماشى وسابهم وخرج ركب عربيته ومشى
فهد :- ربنا يهديه ويبطل عصبيته الزياده عن اللزوم دى
اسر :- يارب
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عند تيلا خرجت وهى دموعها على خدها وركبت العربيه ومشت بيها بسرعه جنونيه وراحت الكليه عند محمد ودخلت ليه مكتبه
محمد :- اتخض وقال تيلا هنا فيها حاجه
تيلا :- بدموع انا عايزه عنوان المستشفى اللى فيها خالك
محمد :- بأستغراب خالى مازن
تيلا:- بعصبيه عندك خال غيره
محمد :- اهدى يا تيلا انا لولا شايف الحاله اللى انتى فيها كان هيبقى ليا معاكى تصرف تانى
تيلا:- اخلص
محمد :- تعالى اوصلك مستحيل اسيبك تمشى لوحدك بالمنظر ده
تيلا :- مشيت قدامه من غير ولا كلمه وركبت معاه العربيه ووصلها المستشفى وقال
محمد :- هى دى تحبى انزل معاكى
تيلا :- لاء شكرآ انا هعرفه لوحدى اتفضل انت
محمد :- لاء انا مستنيكى هنا علشان اوصلك
تيلا :- متعطلش نفسك انا هاخد اى تاكسى
محمد :- مستحيل انا مستنيكى انزلى انتى
تيلا :- فتحت باب العربيه ونزلت منها وراحت دخلت المستشفى وبصت فى وشوش المرضه كلهم لحد ما شافت مازن قاعد وسرحان عرفت أن هو ابوها راحت عنده ووقفت قصاده
مازن :- بصلها بأستغراب
تيلا :- بدموع ايه مش عارفنى لاء حلو اللقاء ده بس ده مش لقاء الاحبه ده لقاء الأعداء ايوه الأعداء عارف ليه علشان انت اكبر عدو ليا انت اكتر واحد بكرهو وكرهتك اكتر لما شوفتك كده كان نفسى تتعذب عذاب اقوى من ده الف مره علشان تحس بالوجع اللى حسيته قاعد ومستريح هنا وانا كنت ماشيه فى الدنيا لوحدى بتخبط فيها بسببك الدنيا تدين قلم وقبل ما افوق ترد عليا بواحد تانى انت عارف انا نفسى اعمل فيك ايه نفسى اخنقك بأيدى واطلع ظلم الدنيا كله اللى شوفته بسببك فيك انت عارف انا غلط لما واثقت فيه وقولت لاء ده مختلف عنك وعن بقيت الرجاله بس طلع اوسخ منكم الف مره كلكم عايزين الحرق كلكم مهمتكم فى الدنيا كسر الواحده ووجعها انا بيتعمل فيا نفس اللى انت عملته فى امى علشان انا طلعت غبيه ووثقت فى راجل بعد اللى شوفته منك انا بكرهك وبكرهو وبكره اى راجل على وجه الارض سامع انا بكرهك بكرهك بس فى الوقت ده الدنيا لفت بيها واغمى عليها
مازن :- كان بيسمعها ودموعه نازله منه واول ما شاف تيلا وقعت فى الأرض قال ت.ت.تيلا بنتى وقام يجرى وشالها وراح بيها عند الدكتور المختص بيه وقال الحق يا دكتور بنتى اغمى عليها
الدكتور :- فرح لما شاف مازن بيتكلم وقال حطها على السرير هنا بسرعه
مازن :- حطها على السرير ومسك ايديها وقعد يبوس فيها ويعيط ويقول حقك عليا يا بنتى حقك عليا
الدكتور :- اهدا يا مازن إن شاءالله خير وبدأ يكشف عليها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى شقة ايمن ومليكه
مليكه :- كانت نايمه فى حضن أيمن وفتحت عينيها وبصت على أيمن وهو نايم وقربت منه وبسته فى خده وقعدت تبص عليه وهو نايم وسرحت فيه
أيمن :- حس بحركة مليكه فتح عينه لاقه مليكه بتبص عليه وسرحانه فيه ضحك وقال هههههههه هو انا حلو اوى كده
مليكه :- اتكسفت وقالت احم صباح الخير
أيمن :- بسها فى حرف مناخيرها وقال احلى صباح على احلى واجمل عيون فى الدنيا دى كلها
مليكه :- اتكسفت اكتر وقالت احم هقوم اخد شاور بسرعه وبعد كده احضر الفطار
أيمن :- خدى شاور براحتك على ما اعمل مكلمة تليفون اطمن على امى واختى
مليكه :- الله هتكلم ولاء الجزمه انا هستنا اكلمها معاك
أيمن :- هههههههههههههههههه
مليكه :- بتضحك على ايه
أيمن :- على كلمة ولاء الجزمه وهى تملى كانت بتقول عليكى جاموسه مهزقين بعض اخر حاجه
مليكه:- الواطيه انا جاموسه ماشى اتصل بيها
أيمن :- هههههه احبك يا شرانى
مليكه :- غلس
أيمن :- هههههههههه ومسك تليفونه واتصل على تليفون ولاء واستنا الرد
ولاء :- بفرحه أبيه أيمن واحشتنى والله هى الجاموسه اللى عندك هتاخدك مننا ولا ايه يا أبيه
أيمن :- هههههههه ايه يا بنتى بلعه راديو عامله ايه
ولاء :- البيت وحش اوى من غيرك يا ابيه اقتل البت اللى معاك دى وارجع تانى معانا
أيمن :- ههههههههههه على فكره هى جنبى وسمعاكى
ولاء :- ولا يهمنى دى واطيه مفكرتش تسأل عليا اه ما خلصت حاجتى من جارتى اخدتك منى وخلاص
مليكه :- اخدت التليفون من أيمن وقالت اتلمى ياجزمه يا حماره
ولاء :- انا ملمومه يا جاموسه يا بقره
مليكه :- اه يا عرة البنات والله لما اشوفك
ولاء :- والله وطلع ليكى لسان من يوم ما اتجوزتى أبيه ايمن عملنا فيكى جميل يا بيره
مليكه :- والله واحشتينى اوى يا لولو
ولاء :- وانتى اكتر يا لوكا
أيمن :- بص ليهم بأستغراب والله العظيم انتو الاتنين مجانين ده اسمو ايه ده تهزقو بعض وبعد كده تحبو فى بعض
ولاء :- ههههههههههه اديلو التليفون يا لوكا
مليكه :- هههههههههه خد
أيمن :- اخد التليفون وقال انتو طبيعين كده باللى بتعملو ده
ولاء :- يا أبيه احنا لو مكناش نهزأ بعض ونمسح بكرامة بعضينه الارض منبقاش بيست فريند بحق وحقيقى هههههههههههههه بس فى الاخر لوكا دى حبيبتى حبيبتى حبيبت قلبى من جوه
مليكه :- اموووووواه يا قلبى
أيمن :- يعوض عليا عوض الصابرين هاتى يا بنتى امك
ولاء :- نايمه يا أبيه لما تصحه ابقى اخليها تكلمك
أيمن :- ماشى يا اخرت صبرى
ولاء :- بوس ليا الجاموسه اللى جنبك دى سلام
أيمن :- قفل مع ولاء وبص لمليكه وقال انتو علطول كده
مليكه:- هههههههههه ايوه بس بجد بحبها اوى ومش علشان اختك بس من اول يوم اتقابلنا واحنا كملنا بعض فى كل حاجه فى الطبع وفى الهزار وفى الجد وكل حاجه
أيمن :- لاء انا اغير كده انتى شكلك بتحبيها اكتر منى
مليكه :- بأندفاع لاء والله
أيمن :- غمز ليها وقال ده انتى وقعه بقى
مليكه:- اتكسفت من اندفعها وقالت احم ه.ه.هى بحبها علشان اختى
أيمن :- وانا
مليكه :- احم ا ا.انا هقوم اخد شاور ولسه هتقوم
أيمن :- شدها وقال انا ايه يا مليكه
مليكه:- بكسوف ا.ا.ايمن بس بقى علشان بتكسف
أيمن :- انا ايه يا مليكه انطقى
مليكه :- احم ح.ح.حبيبى ولسه هتقوم تجرى
أيمن :- شدها وقال ههههههههه وانتى قلبى وعمرى ودنيتى وكل ما ليا
مليكه :- احم ه.ه.هقوم بقى
أيمن :- نسيت اقولك
مليكه:- ايه
أيمن :- شدها وقال ولاء بعته ليكى بوسه وقالت ليا اتوصى بيكى
مليكه :- ل.ل.لاء يا أيمن
أيمن :- اصل انا مطيع واحب اوصل الامانه لأصحابها وقرب منها و(سكتت شهرزاد عن الكلام الغير مباح 😉😉)
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا باسم
راح باسم عند اوضت فرحه وخبط على الباب ودخل
فرحه :- كانت قعده على سريرها وضمه رجليها لصدرها وعماله تعيط
باسم :- راح عندها وشدها فى حضنه وطبطب عليها ودموعه نزلت منه وقال أهدى يا حبيبت بابا انتى خلاص بقيتى فى بيت ابوكى وفى حضنه ومستحيل حد يأذيكى
فرحه :- مسكت فيه اكتر ودفست راسها فى حضن ابوها اكتر وقعدت تعيط
باسم :- شششششش أهدى يا فرحه يا حبيبتى علشان خاطرى
فرحه :- قلبى وجعنى اوى اوى يا بابا انا اتصدمت فى اكتر بنأدم حبيته واتكسرت على أيده
باسم :- ده يعلمك يا حبيبتى أنك متحكميش قلبك فى حاجه حكمى تملى عقلك لأنه هو اللى بياخد القرار الصحيح والمنبه لينا وقت ضعفنا
فرحه :- بس محدش ليه فى قلبه حاجه يا بابا
باسم :- اوقات القلب يا حبيبتى بيختار غلط بيكون سبب ضعفنا بيخلينا نتنازل كتير عن كرامتنا وبيوجعنا من كتر الظلم اللى بنشوفه بسببه بيخلينا نختار الشخص الغلط فى الوقت الغلط بيدارى علينا عيوبه مش بيخليكى تشوفي غير مميزاته وبس بيخليكى تخدى القرار الغلط تملى علشان كده بقولك فكرى بعقلك مش بقلبك
فرحه :- بدموع عندك حق يا بابا انا لما حبيت بقلبى مشوفتش كرهو ليا مشوفتش الغدر اللى فى عينيه ضعفنى وخلانى شخصيه سلبيه كل همى ارضيه ازاى مشوفتش كل ده الا لما فؤقت متأخر اوى بعد ما خسرت كل حاجه حلوه فى حياتى
باسم :- مرحله وهتعدى منها وهطلقك منه وانزلى كملى تعليمك وحققى ذاتك وخلى عندك هدف فى الحياة أسعى وراه لحد ما توصلى ليه فاهمه يا حبيبتى وبسها فى راسها وخرج وسابها فى الاوضه بتاعتها ورجعت قعدت تانى ضمت رجليها لصدرها وقعدت تعيط
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى شقة معاذ ووحيد
كانو قاعدين فى الشقه والباب خبط قام وحيد علشان يفتح الباب واول ما فتح الباب اتفاجئ بحد ضربه فى وشه وكتفه ودخل واحد تانى ضرب معاذ وكتفه ونزلو بيهم وحطوهم فى العربيه ومشيو بيهم وراحو فى مكان مهجور وربطوهم وقفلو المكان وسابوهم ومشيو
وحيد :- فاق وبص حواليه لاقه نفسه مربوط ومتكتف بص على معاذ لاقه لسه مغمى عليه وبرضه مربوط ومتكتف نده وقال معاذ يا معاذ
معاذ :- فتح عينه بصعوبه وبص حواليه وقال احنا فين
وحيد :- شكل فهد المنشاوى هو اللى عمل فينا كده
معاذ :- طيب وايه العمل
وحيد :- هنضرب شويه وهنطلق البنات وخلاص على كده
معاذ :- مستحيل أطلق جاكى انا عندى يموتونى ولا أن انطق كلمة طلاق على لسانى
وحيد :- ورينى هتقدر تقول ليه لاء ازاى
وفى الوقت ده باب المخزن اتفتح ودخل فهد بكل كبرياء وشد كرسى وقعد قصاد الاتنين وقعد يبص ليهم من غير ولا كلمه
الاتنين :- كانو بيبصو لفهد وهما خايفين من نظرت فهد ليهم
فهد :- وقف ومسك معاذ من هدومه بأيد ومسك وحيد من هدومه بأيده التانيه وقال بقو انتو عيلين معفنين مفكرين نفسكم تقدرو تضحكو على فهد المنشاوى ده انتو وقعتو فى عرين الاسد يا روح امك منك ليه ودينى وما اعبد لاندمكم على كل دقيقه وجعتو فيها البنات
وحيد :- واللى انت عملتو فى ابويه وامى ده مش وجع لما تحرمنا منهم واحنا اطفال مش وجع لما تستخدم قوتك ونفوذك علشان تطلع منها انت واعوانك مش وجع ولا الوجع للى زينا وبس
فهد :- انتو اغبيه مفكرتوش تدوره على الحقيقه فى يوم من الايام ايه هيخلينى ابص لامكم وانا متجوز ومعايا مراتى ولو عايز واحده اعمل معاها كده ليه هروح ابص لوحده هتسبب ليا مشاكل وزى ما انت قولت أن انا بخاف على سمعتى انتو اه اتربيتو على الكره والحقد لكن مفكرتوش تفتحو عينيكم ومشيتو وراه كلام واحده كل همها تنتقم لنفسها هى وبس والراجل الصح اللى عايز ينتقم ميروحش ينتقم من واحده ست ينتقم راجل للراجل انما انتو متعرفوش حاجه عن الرجوله اصلا طالعين شبه ابوكم اللى انتو كنتو مفكرين أن يعرف حاجه عن الرجوله ابوكم كان مشغل امكم فى الدعاره ايوه كان بيبيع جسم امكم للرجاله وهى كانت مغلوبه على أمرها كان بيستنا كل يوم لما امكم تيجى وياخد الفلوس منها وفى يوم من الايام امكم طلبت منه أن هو يسيبها تربيكم و تتوب
انما ابوكم علشان ميعرفش حاجه عن الرجوله رفض وضربها واهانها وبقى ينزلها كل يوم وجت ليا تطلب مساعدتى انها تتوب واحميها من ابوكم اخدها وقعدها واكرمتها وربنا يعلم أن مفكرتش حتى ابص ليها بصه تانيه غير أنها ست ومحتاجه المساعده وقعد فتره على كده لحد ما ابوكم وصل لمكان امكم راح ليها وطلب منها تنزل تانى اتصلت بيا وبلغتنى وجبته واتحط مكانكم هنا واضرب فيه لحد ما رضا يطلقها وسبته إنما هو كان ناوى على الشر ومشغل عندى دعاء اللى ربتكم على الشر والحقد بتنقل اخبارى ليه وكان متجوزها عرفى وفى يوم بعت ليا رجاله ضربونى واخدونى على الشقه وكان واخد مسدسى ضرب امكم وضربنى بالرصاص وكان ناوى يخلى القضيه ان انا اللى قتلتها وبعدين موت نفسى بس مراتى كانت جايبه اكل الشهر لامكم فى الوقت ده ودخلت مسكت المسدس واتهمت هى فيها وانا دخلت فى غيبوبه وبعد مده فؤقت وعرفت اللى حصل وجبنا عنوان دعاء دى وراحنا عندها واعترفت بكل حاجه وطلعت مراتى من القسم برأه فين الانتقام بقى فى الموضوع ده
وحيد :- وهى امى كانت تعرفك منين علشان تلجأ ليك
فهد :- قبل ما اتجوز كانت بتيجى ليا الشقه تقضى معايا ليله بالفلوس بعلم ابوك بس من يوم ما قابلت مليكه مراتى عمرى ما فكرت اخونها
معاذ :- انا كنت حاسس أن الموضوع فيه حاجه غلط من الاول
وحيد :- انت عبيط يلا هتصدق كلامه بالسهوله دى ايه يثبت حقيقة كلامه
فهد :- انا مش هخاف منك يا روح امك علشان اكدب عليك
وحيد :- وانت عايز ايه وجايبنا هنا ليه
فهد :- ضربه فى وشه وقال علشان اخد منكم حق البنات اللى كسرتوهم دول واطلقهم من شوية خ***** ميعرفوش حاجه عن الرجوله
معاذ :- هز راسه بمعنى لاء وقال بدموع انا مستحيل أطلق جاكى انا بحبها ومقدرتش اكسرها ح.ح.حتى اسألها انا كنت بحميها حتى من نفسى اقسم بالله
فهد :- ضربه فى وشه وقال هطلقها ياروح انت هتعملهم عليا
معاذ :- بدموع والله مقدرش اعيش من غيرها اضربنى انشالله حتى تموتنى لكن مستحيل هسمح ببعد جاكى عنى ح.ح.حتى هى كمان بتحبنى وكانت موافقه تدينى فرصه اثبت ليها صدق حبى وك.ك.كنت ناوى اخدها وابعد بيها بعيد عن كل المشاكل دى ونعيش حياتنا بصفحه بيضه
فهد :- مسكه من هدومه وقرب من وشه وقال بتحلم انك تعيش يوم واحد تانى مع بنتى هطلقها بالذوق بالعافيه هطلقها فاهم
وحيد :- ورينا هتقدر تعمل ايه طلاق مش هنطلق والقانون فى صفنا مراتى وانا حر فيها
فهد:- وانا بقى هعرفك مين فهد المنشاوى يا روح امك
وفى الوقت ده دخل باسم وهو الشرار بينط من عينه ودخل علطول على وحيد ومسكه وقعد يضرب فيه لحد ما وشه كله نزل دم
فهد :- حس أن وحيد هيموت فى ايديه ادخل وبعد باسم عن وحيد وقال اهدا يا باسم هيموت فى ايدك
باسم :- بعصبيه سبنى اموته يا فهد علشان ارتاح من النار اللى حاسس بيها بسبب اللى عملو فى فرح
فهد :- احنا هنطلق منهم البنات وهنسبهم مرمين هنا رميت الكلاب والرجاله هيوضبوهم زى ابوهم زمان
باسم:- وهو بيحاول يروح على وحيد تانى لاء يا فهد انا عايز روحه ومش كفايه
وحيد :- ههههههههههه مفكرنى كده هخاف منك وهطلق يبقى بتحلم
باسم :- عرف يهرب من فهد ومسك وحيد تانى وقعد يضرب فيه لحد ما اغمى عليه
فهد :- شد باسم وخرج بيه بره وقال ايه اللى انت بتعملو ده يا ابنى انت كده هتقتلو وهتروح فى داهيه على واحد ميستهلش سيب ليا انت بس الموضوع وانا هطلق فرحه وجاكى منهم
باسم :- الندل الجبان كسر بنتى اوى يا فهد ووجعها حالة فرحه صعبه اوى اوى ومش قادر ابص فى عينيها علشان انا السبب فى اللى هى حاسه بيه
فهد :- كلنا حاسين بالوجع اللى هما حاسين بيه وضميرنا بيأنبنا علشانهم بس كله بالهداوه مش زى ما انت بتعمل كده
باسم :- والطلاق هيحصل امته
فهد :- بكره نجيب المأذون والبنات ونطلقهم منهم
باسم :- ماشى يا فهد وراح ركب عربيته ومشى بيها
فهد :- بص للحارس وقال خلى بالك من الاتنين اللى جوه دول وخلى الرجاله يقومو بالواجب معاهم ومحدش يديهم ولا اكل ولا شرب فاهم
الحارس :- حاضر يا باشا
فهد :- راح ركب عربيته وراحت على الفيلا
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى مستشفى الامراض العقليه
وصل جاسر المستشفى ودخل مكان ما بيقعد مازن بس ملقهوش وفى الوقت ده كان محمد داخل يبص على تيلا ومازن بس ملقهومش وكان فى الوقت ده معدى الممرض
محمد :- لو سمحت فين المريض اللى بيبقى قاعد هنا
الممرض :- قصدك مين
محمد :- مازن محمد إبراهيم
الممرض :- اه عند الدكتور جوه
جاسر :- اتفاجئ بالاسم وراح عند محمد وقال لو سمحت
محمد :- بصله وقال انت
جاسر :- انت
محمد :- خير كنت عايز ايه
جاسر :- سمعك بتسأل على واحد اسمه مازن محمد إبراهيم ا.ا.انت تعرفه
محمد :- ايوه ده خالى بس انت بتسأل عليه ليه
جاسر :- ط.ط.طيب ممكن اشوفه
محمد :- بأستغراب ليه
جاسر :- معلش اشوفه بس
محمد :- تعال معايه وراح عند الدكتور وخبط على الباب ودخلو الاتنين وهو الدكتور بيقول لمازن بعد ما كشف على تيلا
الدكتور :- ..............
