رواية عشقت كبريائي فهد ومليكة الجزء الثالث (لقاء الاحبة) الفصل الرابع والثلاثون 34 بقلم دودو محمد

فى شقة أيمن ومليكه 

كانت مليكه بتحضر الاكل فى المطبخ وأيمن بيتفرج على التلفزيون وتليفونه رن مسكه ورد وقال 

أيمن :- السلام عليكم 

المتصل :- وعليكم السلام 

أيمن :- خير 

المتصل :- احم فى خبر لازم أقوله لحضرتك

أيمن :- قول

المتصل :- المتهم شهاب خرج النهارده من القضيه بضمان محل إقامته 

أيمن :- بعصبيه ازاى وقضية الخطف لتيلا واتفاقه مع ابو انس 

المتصل :- احم قال إن هو بالفعل كان يعرفها وان هى كانت رايحه بمزجها تقضى معاه وقت وانكر معرفته بأنس وأبوه والنيابه معرفتش تمسك عليه ادله خرجته لعدم وجود ادله كافيه 

أيمن :- بعصبيه يا ابن ال ومتعرفوش راح فين 

المتصل :- اترفع من عليه المراقبه ومنعرفش راح فين

أيمن :- ماشى خلاص وقفل وهو متعصب ودخلت مليكه عليه وقالت 

مليكه :- مالك يا أيمن 

أيمن :- مفيش يا مليكه 

مليكه :- بس صوتك كنت بتزعق وشكلك متعصب فى حاجه حصلت 

أيمن :- بعصبيه ما قولتلك مفيش يا مليكه روحى شوفى بتعملى ايه 

مليكه :- صعبة عليها نفسها إن أيمن زعقلها دخلت تكمل الاكل ودموعها على خدها 

أيمن :- انب نفسه أن زعق لمليكه وصعبت عليه قام دخل المطبخ لاقها بتعيط حضنها من ضهرها وبسها فى رقبتها وقال انا اسف 

مليكه :- بدموع لو سمحت ابعد عنى 

أيمن :- لفها ليه ومسح دموعها وقال حقك عليا غصب عنى والله بلغونى خبر فى الشغل عصبنى اوى متزعليش منى يا ملوكه 

مليكه :- بدموع انت اول مره تكلمنى كده يا أيمن 

أيمن :- واخر مره والله 

مليكه :- ماشى اوعى بقى علشان اكمل الاكل 

أيمن :- لاء هاتى بوسه علشان اعرف انك مش زعلانه منى 

مليكه :- خلاص بقى يا أيمن مش زعلانه والله 

أيمن :- هز راسه بمعنى لاء وشاور على خده 

مليكه :- قربت منه وادته بوسه سريعه على خده 

أيمن :- شدها ليه وقرب من شفايفها واداها بوسه طويله وبعد وقت بعد عنها وقال اسف يا لوكا انا بحبك ومش بحب ازعلك منى 

مليكه :- كانت مكسوفه وبصه فى الارض 

أيمن :- هههههههههه هتفضلى تتكسفى منى لحد امته انا جوزك وربنا وإلا ابوكى مكنش هيسيبك معايا فى الشقه ولا ايه 

مليكه :- هزت راسها بمعنى ايوه

أيمن :- طيب خلاص قولى ليا اساعدك فى ايه 

مليكه :- احم ولا حاجه انا قربت اخلص وهعمل السلاطه وبس 

أيمن :- انا هعمل السلاطه 

مليكه :- ماشى 

وبدأ أيمن يساعد مليكه فى الاكل 

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،  

فى مستشفى الامراض العقليه

عند الدكتور 

دخل محمد ومعاه جاسر عند الدكتور وهو بيقول بعد ما كشف على تيلا 

الدكتور :- متخفش يا مازن المدام حامل بس ضعيفه جدآ 

مازن :- حامل 

محمد :- خالو ا.ا.انت بتتكلم 

مازن :- ايوه يا محمد 

محمد :- بفرحه طلع يجرى على مازن وحضنه وقال الحمدالله يا خالو دى ماما هتفرح اوى لما تعرف 

مازن :- طبطب عليه وقال ربنا يبارك فيك يا حبيبى وبعدين بص على جاسر وقال تعال يا صديقى اللدود مش كان نفسك تسمع صوتى 

جاسر :- بصدمه ا.ا.انت مازن ي.ي.يعنى البنأدم اللى كنت بقعد معاه وأتكلم يبقى ا.ا.ابويه 

الكل :- بص ليه بصدمه 

جاسر :- بدموع مالكم مستغربين كده ليه ايه يا استاذ مازن نسيت سعاد اللى سبتها فى عز شبابها وهى حامل ومشيت ومسألتش فيها ولا حتى على اللى فى بطنها عاملين ايه 

تيلا :- فى الوقت ده فاقت وسمعت كلام جاسر قامت وقفت وقالت بدموع وده كمان ضحيه من ضحياك يا مازن قولى على حسنه واحده عملتها فى حياتك غير انك كنت عايش تعذب فينا وتظلمنا 

محمد :- تيلا بلاش تضغطى على ابوكى لسه تعبان 

تيلا :- بعصبيه متقولش ابوكى 

مازن :- سبها يا محمد 

تيلا :- ما انت بتتكلم اهو امال كانو بيقولو انك رافض الكلام وساكت ولا كمان كانت دى كدبه من تأليفك 

جاسر :- بدموع انا قعد عمرى كله ادور عليك علشان أسألك سؤال واحد بس انت ليه تعمل فينا كده ليه ظلمت امى ورمتها رميت الكلاب وهى حامل فيا مفكرتش فى يوم تسأل عليها ولا على اللى كان فى بطنها عاملين ايه عايشين ولا ميتين ولا كنت عايز تقضى ليالى فى الحلال من غير مسؤوليه 

تيلا :- رد ولا هتسكت زى ما طول عمرك ساكت عملت فينا كده ليه رد متسكتش 

محمد :- كفايه يا جماعه والله خالى مريض وعاش عمره كله فى المستشفى والسبب انتى يا تيلا 

تيلا :- لا والله السبب انا واللى هو عملو فيا ده ايه لما رمانى فى البحر وسبنى اغرق واموت ده ايه لما كنت طفله وهغتصب من راجل كبير بسبب أن مش عارفه اوصل لامى ده ايه ولما عشت بسببه فى ملجأ ده ايه ولا لما عشت عمرى كله مع ناس اغراب ده ايه ولا لما واحد بسبب الفلوس كان عايز يقتلنى ده ايه هو مشفش ربع اللى انا شوفته وكان هو السبب فى كل ده وتقول تعبان انا كنت اتمنى اشوفه متعذب اكتر من كده مليون مره علشان ارتاح شويه 

جاسر :- شكلى مش انا وامى بس اللى اتعذبنا بسببك واضح كتير اوى اتعذبو بسببك انت ايه يا اخى عشت شيطان فى وسط بنأدمين قلبك ده ايه كنت شايله وحاطط مكانه حجر انا حبيتك لما شوفتك هنا وكان نفسى اعرف حكايتك وأساعدك لكن لما عرفت انك الراجل اللى كان سبب فى عذابى انا وامى كراهتك ولو بأيدى كنت زود عليك العذاب مليون مره علشان تشوف وتحس بالوجع اللى عشنا 

مازن :- خلصتو كلامكم 

تيلا :- ايه الجبروت اللى فيك ده يا اخى احنا بنتكلم على العذاب اللى شوفنا منك وبسببك وانت ولا همك بس هقول ايه ما انت متعرفش حاجه عن الرحمه 

مازن :- انا مهما كان اب وعمرى ما كنت هأذى ولادى بأيديه انا منكرش إن كنت السبب بأهمالى لعلاجى اللى بسببه وصلت الحاله بتاعة زمان وضيعت حب عمرى وبيتى وبناتى من بين ايديا بس لا حرج على المريض اسألى امك انا كنت معاها ايه عيشتها اجمل ايام حياتها بس للاسف اتحولت وبقيت بنأدم تانى وده غصب عنى مش بقول كده علشان اشيل الذنب من عليا لاء انا مذنب ومش بلوم عليكم فى الكلام اللى قولتوه بس برضه انا عشت حياتى ما بين أربع حيطان بتعذب زيكم واكتر كمان وجع القلب والحسره اللى كنت بحسهم صعبه اوى عشت عمرى كله وحيد بتمنا الموت فى اليوم مليون مره ده غير محاولاتى فعلا علشان اخلص من حياتى كلها ارتحت شويه لما عرفت انك عايشه واتجوزتى كمان وارتحت اكتر لما اختك بقت تيجى تزرنى وتقعد معايه بس كنت عايش برضه بتأنيب الضمير علشانك وبعد ما شوفتك فى الحاله بتاعة النهارده عرفت واتأكد انك مش كويسه وعقدة الرجاله زادت عندك لاى سبب كان بس حسيت ان ربنا عمل كده علشان يرجعك ليا ويدينى فرصه أن اصلح اللى فات واقف جنبك واعوض جزء ولو بسيط من دورى كأب وبعدين بص لجاسر وقال اما انت اكيد اتظلمت بس امك الواضح مقالتش ليك انا اتجوزتها ليه وحكت ليك الحكايه امك كانت معندهاش حد وكانت شغاله خدامه فى بيت باللقمه بتاعتها ونومتها وفى يوم قابلتها وهى قاعده فى الشارع جنب البنك اللى كنت شغال فيه وعماله تعيط وكانت مراتى لسه حامل فى تيلا بنتى جديد وكنت لسه باخد العلاج روحت عندها وسألتها بتعيط ليه قالت ليا أن هى كانت شغاله عند ناس وجوز الست حاول يتحرش بيها ولما راحت تقول لمراته طردتها من الشغل ورمتها فى الشارع ومعندهاش بيت تقعد فيه ولا فلوس ولما سألتها عن اهلها قالت معندهاش حد ابوها وامها ماتو وهى كانت وحيده واهلها مرضوش يعيشوها معاهم صعبت عليا اجرة ليها شقه بس كانت فى منطقه شعبيه قعدت فيها وكنت بروح ازورها واجيب ليها الطلبات وفى يوم أهل الحاره اتكلمو علينا بسبب وجودى معها فى الشقه اتجوزتها وشرط عليها أن جوازنا هيبقى على ورق وبس علشان انا بحب مراتى ومستحيل اخونها حتى لو بالجواز وفقت على كده وبدأت اهمل فى علاجى واسلوبى يتغير وسكت شويه واتنهد وقال روحت عندها وطلبت منها حقى الشرعى رفضت ضربتها واخده منها بالعافيه وادتها حبوب منع الحمل وقولتلها تخده علشان مش عايز منها اولاد وبقيت اروح عندها فى الاجازه اقضى معاها الوقت ده وبدأت اتغير تمامآ وبقيت بنأدم تانى وكانت مى متعرفش حاجه عن الجوازه دى وبدأت حياتى مع مى تنتهى وفى يوم جت قالت ليا انها حامل ضربتها وقولتلها تنزله بس هى رفضت طلقتها واخد هدومى وبص لتيلا وقال واخد تيلا وهربت هتقولى أن انا ازاى فاكر كل ده وانا مريض هقولك انا مش مريض زهايمر انا مريض نفسى يعنى ببقى فاكر كل حاجه وده كان سبب سكوتى متوقعتش أن بعد السنين دى كلها انك تظهر فكرتها انها نزلتك يا ابنى 

تيلا :- بدموع يااااااه على ذكرياتك الوسخه كل حكايه اوسخ من التانيه بجد أن بكره نفسى علشان اسمى على اسمك 

مازن :- يا بنتى اسمعينى 

تيلا :- متقولش بنتى فاهم 

محمد :- أهدى يا تيلا ده مهما كان ابوكى برضه 

تيلا :- انا غلطانه أن جيت اصلا جيت اشمت فيك علشان ارتاح بس العكس تعبت اكتر لما شوفت تاريخك المشرف الصراحه وبصت لجاسر وقالت فرصه سعيده يا اخويه وانتظر يمكن يطلع لينا اخوات تانى ما تاريخ ابوك مشرف الصراحه ولسه هتمشى داخت وكانت هتقع بس جاسر سندها قبل ما تقع على الأرض 

جاسر :- خلى بالك 

تيلا :- وقفت بصعوبه وضحكت وقالت هههههه الاخ سند وانت سندنى شكرآ 

جاسر :- بتتريقى شكرآ يا ستى يمكن مكنش قد المقام ولا اخ يشرفك بس على الاقل فى اسم مشترك ما بنا ومسك ايديها وشاور على عروقها وقال ودمك اللى ماشى هنا هو هو دمى اللى ماشى هنا وشاور على عروقه

تيلا :- بصت ليه بدموع ولسه هتمشى 

الدكتور :- مدام تيلا خلى بالك على نفسك علشان اللى فى بطنك واتغذى كويس لأنك ضعيفه جدآ

تيلا :- حطت ايديها على بطنها وقالت بصدمه حامل 

الدكتور :- ايوه فى ايامك الاولى ولازم تتابعى مع دكتور نساء 

تيلا :- بصت ليه وقالت بدموع شكرآ يا دكتور وبصت على مازن بدموع وخرجت من الاوضه 

مازن :- بص لمحمد وقال روح وصلها 

محمد :- حاضر يا خالو وراح وراه تيلا يوصلها 

جاسر :- لسه هيخرج 

مازن :- جاسر استنا 

جاسر :- بص ليه وقال بيتهيألى وجودى هنا مبقاش ليه لازمه وخرج وهو الدموع فى عينه 

مازن :- راح وراه ومسكه من دراعه وحضنه وقال بدموع حقك عليا يا ابنى والله مكنتش اقصد كل اللى حصل حقك عليا انا اسف 

جاسر :- مسك فى ابوه اكتر وعيط وقال بدموع يااااااه يا بابا عشت سنين طويله بتمنا اناديك بالكلمه دى عشت سنين طويله نفسى اترمى فى حضنك واعيط واقولك على اللى وجعنى كان نفسى وانا طفل امسك ايد ابويه واروح المدرسه زى كل اصحابى وتحضنى وتشاور ليا بأيدك وعينك كلها حب ودفه وحنان كان نفسى اعيش معاك حاجات كتير اوى يا بابا اوى 

مازن :- حضنه جامد وقعد يعيط ويقول كلمتين حقك عليا انا اسف مكنش بيقول غيرهم وبعد وقت بعد عنه وقال هحاول اعوضك جزء من حياتك واعوض امك اللى عاشته بسببى 

جاسر :- مسح دموعه وقال المهم دلوقتى كمل علاجك وانا هعرف ماما مكانك وهخليها تزورك 

مازن :- اخواتك البنات يا جاسر اقف جنبهم انت الراجل دلوقتى 

جاسر :- مش لما هما يتقبلو وجودى فى حياتهم الاول 

مازن :- هنا طيبه وهتفرح كمان هى اللى هتبقى صعبه شويه تيلا وشكلها فى مشكله وتعباها ومش بتحكى لحد 

جاسر :- هز راسه بمعنى موافق وقال تعرف ان انا حضرت فرح تيلا وكنت حاسس أنهم منى اعرفهم كان عندى شعور غريب ليهم ومكنتش عارف السبب بس دلوقتى عرفته أنهم اخواتى 

مازن :- ربنا يحميك ويحرسك يا ابنى

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

فى فيلا باسم 

وصلت تيلا وهى دموعها على خدها ودخلت تجرى على اوضتها واترمت على سريرها وقعدت تعيط وفى الوقت ده دخلت مى عليها واخدتها فى حضنها وطبطبت عليها وقالت 

مى :- مالك يا حبيبتى حصل حاجه ولا شوفتى يوسف وجرحك 

تيلا :- بدموع الدنيا كلها جرحانى يا ماما مش عارفه بتكرهنى ليه بتعمل فيا كده ليه اشمعنا انا اللى جايه عليا كل ما افرح شويه واقف على رجلي تدينى كف يوقعنى على الأرض تانى انا تعبت اقسم بالله تعبت 

مى :- طبطبت عليها وقالت طيب ايه حصل لكل ده 

تيلا :- بعدت عن امها وحطت ايديها على بطنها وبصت لأمها وقالت بدموع انا حامل يا ماما 

مى :- بصت على بطن تيلا ورجعت بصت ليها وقالت بدموع م.م.مش عارفه اعمل ايه افرح لانك حامل ولا ازعل علشان اللى انتى فيه ده أكرهو ولا احبه أرفضه ولا اتقبلو 

تيلا :- بدموع وضحكة انكسار حسست على بطنها وقالت انا مش عارفه اكرهو علشان من يوسف ولا احبه علشان حته منى بس عندى شعور غريب وإحساس اغرب لما عرفت أن انا حامل وهبقى ام 

مى :- ده احساس الامومه يا حبيبتى بتحسى بيه اول ما تعرفى انك حامل وفى حته منك بتكبر جوه منك نفس الاحساس ده حسيته لما عرفت أن انا حامل فيكى 

تيلا :- بصت على بطنها وقالت بدموع بس خايفه مصيرها أو مصيره يبقى نفس مصيرى يتعذب فى الدنيا زى ما انا اتعذبت وبتعذب خايفه لكون بظلمه بوجوده فى الدنيا دى 

مى :- يا حبيبتى ربنا كبير واكيد ربنا بعته ليكى علشان يفرح قلبك بيه 

تيلا :- ويتعذب هو فى الدنيا 

مى :- المهم انتى ناويه تعملى ايه وهتقولى ليوسف ازاى 

تيلا :- لالالا ياماما اوعى يوسف يعرف أن انا حامل 

مى :- بصدمه ازاى ده ربنا قايل بسم الله الرحمن الرحيم {وَٱلْمُطَلَّقَٰتُ يَتَرَبَّصْنَ بِأَنفُسِهِنَّ ثَلَٰثَةَ قُرُوٓءٍۢ ۚ وَلَا يَحِلُّ لَهُنَّ أَن يَكْتُمْنَ مَا خَلَقَ ٱللَّهُ فِىٓ أَرْحَامِهِنَّ إِن كُنَّ يُؤْمِنَّ بِٱللَّهِ وَٱلْيَوْمِ ٱلْءَاخِرِ ۚ وَبُعُولَتُهُنَّ أَحَقُّ بِرَدِّهِنَّ فِى ذَٰلِكَ إِنْ أَرَادُوٓاْ إِصْلَٰحًا ۚ وَلَهُنَّ مِثْلُ ٱلَّذِى عَلَيْهِنَّ بِٱلْمَعْرُوفِ ۚ وَلِلرِّجَالِ عَلَيْهِنَّ دَرَجَةٌ ۗ وَٱللَّهُ عَزِيزٌ حَكِيمٌ} صدق الله العظيم 

تيلا :- بدموع عارفه يا ماما بس ازاى هضمن أن هو مينكرش علاقته بيه ويتهمنى فى شرفى ده واحد شكاك يا ماما وصعب امن ليه طيب قوليلى انتى يا ماما لو عرف أن انا حامل وصدق ورجع ليا هنعيش حياة سعيده مع بعض هنرجع زى الاول هقدر انسا اللى هو عمله فيا هقدر اسامحه على جرحه ليا هعيش معاه وانا متأكده أن رجوعه ليا علشان خاطر اللى فى بطنى وبس مش علشانى الحياه بقت مستحيله معاه يا ماما 

مى :- يعنى ناويه تعملى ايه 

تيلا :- مش هقوله هربيه لوحدى ده من حقى انا وبس ربنا بعته مكافأه ليا انا على اللى شوفته فى حياتى 

مى :- ازاى يا حبيبتى ده الحمل الحاجه الوحيده اللى مش بتستخبه وكلها كام شهر وبطنك تكبر وتبان 

تيلا :- من هنا لحد ما تكبر يبقى يحلها ربنا ابقى سعتها اروح اقعد فى البيت اللى اتربيت فيه الشهرين دول لحد ما اولد 

مى :- طيب لما تولدى وترجعى بيه مش هيسألو مين ده احنا عيله واحده يا حبيبتى ومفيش حاجه بتستخبى 

تيلا :- سعتها نبقى نقول اى حاجه يا ماما وبعدين هما هيشوفه فين لو حكمت اعيش بى فى المنصوره بقيت حياتى بعيد عن الكل هعمل كده بس مستحيل هرضا أن يوسف ياخده منى

مى :- يا حبيبتى غلط اللى انتى هتعمليه ده طيب سيبك منك ومنه لما يكبر مش هيسأل عن ابوه وهيكون عايز يفهم ايه الأسباب للبعد ده مش هيصعب عليكى لما يعيش يتيم وهو ابوه عايش 

تيلا :- سعتها ابقى احكى ليه ظلم ابوه ليا وان هو يتربى من غير اب مش اول ولا اخر واحد يتربى كده فى كتير متربين من غير اب وعايشين احسن عيشه 

مى :- مش موافقه على اللى انتى بتعمليه ده ولو يوسف عرف فى اى وقت مش هيحصل كويس 

تيلا :- مش هيحصل اكتر ما حصل يا ماما 

مى :- حياتك وانتى حره فيها والنتيجه فى الاخر هتكون انتى السبب فى الاخر تصبحى على خير وقامت ولسه هتخرج 

تيلا :- ماما 

مى :- بصت ليها وقالت نعم 

تيلا :- اياكى يوسف ولا حد يعرف بموضوع الحمل ده 

مى :- متخفيش يا تيلا لو حد لازم يقول الخبر يبقى انتى مش انا وخرجت وسابتها 

تيلا :- نامت على السرير وحطت ايديها على بطنها وقالت بدموع حقك عليا بس اللى عملو فيا ابوك مش سهل انساه والوجع اللى حاسه بيه صعب يتوصف بحبه اه منكرش بس جرحه ليا اكبر وغمضت عينيها ونامت 

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

فى اوضت فرحه 

عرفت بخبر حبس وحيد فى المخزن وأنها هتطلق منه قعدت على السرير ودموعها على خدها وقالت 

فرحه :- بدموع يااااارب انا قلبى وجعنى اوى مش قادره استحمل كل اللى بيحصلى بتحاسب على ذنب مليش يد فيه كل ذنبى أن حبيته من قلبى واخلصت ليه وهو مشوفتش منه غير الغدر والخيانه والكسره ووجع القلب مكنتش طالبه حاجه كبيره كان نفسى اعيش معاه فى بيت صغير ويحبنى زى ما بحبه ويعيشنى سعيده هى دى كل امالى صحيت على كابوس يارب ريح قلبى من الوجع اللى حاسه بيه علشان بجد مش قادره استحملو بجد كتير عليا والله وحطت ايديها على وشها وقعدت تعيط 

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

فى فيلا فهد المنشاوى

فى اوضت جاكلين 

عرفت خبر حبس معاذ وطلقها منه وكانت قاعده بتعيط ودموعها على خدها وفى الوقت ده الباب بتاعها خبط ودخلت مى 

مى :- لسه صاحيه

جاكلين :- مسحت دموعها وقالت ايوه تعالى يا مى 

مى :- قعدت جنبها على السرير وقالت انتى بتعيطى علشان هتطلقى منه ولا بتعيطى علشان مش عايزاه 

جاكلين :- بدموع علشان الاتنين يا مى 

مى :- ازاى مش فاهمه 

جاكلين :- علشان مصدومه فيه يا مى هو اه مقدرش يجرحنى حبه ليا منعه محاولش يكسرنى زى ما وحيد عمل مع فرحه وحاول يحمينى على قد ما يقدر حتى من نفسه بس فى الاول وفى الاخر كان واخدنى وسيلة انتقام يا مى 

مى :- طيب ما انتى قولتى حبه ليكى منعه يعنى حبك كان ناوى ينتقم منك بس قلبه حبك حماكى زى ما انتى بتقولى يبقى ليه مش عايزه تديه فرصه تانيه هو معذور برضه اتربى على حقد وكره لابوكى لمجرد فكره غلط كانو حطنها فى دماغه بس فى الاخر حبك وحبك كان اقوى من اى انتقام 

جاكلين :- وقفت وقالت ايوه يا مى بس مش هقدر انسا ليه أن كان بيكره بابا واخدنى وسيلة انتقام ليه مش هقدر اثق فى كلامه بعد كده المشاعر الجميله اللى عشتها معاه قبل الجواز والوجع اللى شوفته منه بعد الجواز صعب يتجمعو مع بعض تملى هتكون فى حاجه ناقصه ما بنا 

مى :- انتى لسه بتحبيه ولا كراهتيه

جاكلين :- ابقى كدابه لو قلت كراهتو وبرضه مش قادره انسا وارجع احبه زى الاول 

مى :- بس عينك بتقول غير كده دموعك بتقول غير كده الاتنين بيقولو انك لسه بتحبيه وصعبان عليكى ومش عايزه تطلقى منه بس كرامتك هى اللى رافضه تعترف بالكلام ده بس عايزه اقولك فوقى بدرى يا جاكى قبل فوات الاوان قبل ما تندمى انك بعدى عنه وتتعذبى سامحيه واديلو فرصه انا كنت رافضه اسامح عدى لاخر لحظه بس تملى كلامك كان دافع ليا وكان بيشجعنى ان اديلو فرصه واسامحه وعملت بكلامك يا جاكى وعايشه اسعد ايام عمرى مع عدى والفضل يرجع لكلامك ليا وموضوع حمل روان بحاول انساه على قد ما اقدر زى ما قولتيلى 

جاكلين :- بدموع ياريت الكلام يبقى بالسهوله دى يا مى انا لما نصحتك فى موضوع عدى علشان هو معملش حاجه غلط وروان راحت ولا جت كانت مراته وحملها ده شئ طبيعى إنما أنا ومعاذ موضوعنا يختلف انا حبيته من قلبى وكنت رسمه حياه معاه كلها سعاده وفرح واتفاجئت بكسرته ليا فى يوم اى بنت بتتمناه رفض الراجل للست فى ليله زى دى بتقل ثقة الواحده فى نفسها بتكسرها اوى يا مى

مى :- اخدتها فى حضنها وقالت يا جاكى يا حبيبتى يعنى لو كان قرب ليكى ولمسك وبعد كده عرفتى الحقيقه كنتى هتسامحيه ولا كنتى هتقولى أن هو ضحك عليكى واخد منك اعز ما تملكى وبعدين ظهر على حقيقته انا مش بدافع عنه بس احترمته جدآ لما عرفت أن هو مقربش ليكى وده يثبت ليكى أن هو بيحبك جدآ وجه على نفسه علشانك انتى وفعلا يا جاكى حماكى حتى من نفسه وهو فعلا أجبرته الظروف على أن يعمل كده وده يدل أن هو بنأدم كويس ويستاهل فرصه تانيه 

جاكلين :- بدموع مش قادره اخد قرار يا مى مش عارفه اعمل ايه 

مى :- تخدى النصيحه من اختك الصغيره

جاكلين :- قولى 

مى :- بلاش حكاية الطلاق دى وخليه يجى يعيش هنا معاكى وطلعى عينه وهو علشان بيحبك هيستحمل علشان يعرف انك برضه مش سهله ويفكر الف مره قبل ما يجرحك ويبقى كده حفظتى على حبك وفى نفس الوقت اخدى بتارك منه ها ايه رأيك فى الشر موصفتش الصراحه 

جاكلين :- ههههههههه الله يكون فى عون عدى منك مش سهله فعلا 

مى :- وقفت وقال نهار اسوح نسيت اخوكى زمانه حمض من قعدته لوحده وراحت عند الباب وقالت جاكى 

جاكلين :- اممم

مى :- سامحيه المرادى بس 

جاكلين :- ربنا يسهل 

مى :- تصبحى على خير 

جاكلين :- وانتى من أهله 

مى :- بعتت ليها بوسه فى الجو وفتحت الباب ومشيت 

جاكلين :- نامت على السرير وسرحت فى كلام مى 

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

فى اوضت عدى 

دخلت مى لاقت عدى نايم على السرير راحت عنده وقالت

مى :- بتعمل ايه 

عدى :- هكون بعمل ايه متزفت لحد ما حضرتك تحنى عليا وتيجى 

مى :- لالالا الدكش شكله زعلان منى يا ناس 

عدى :- والله وده اسميه ايه أن شاءالله 

مى :- اممممم بدلع على جوزى حبيبى وعمرى ودنيتى وكل حاجه حلوه فى حياتى وبسته فى خده 

عدى :- شدها وبص فى عينيها وقال مشكلتك بتعرفى تضعفينى ازاى من نحيتك وانا مش بعرف ازعل منك مهما حصل 

مى :- مشيت ايديها على صدر عدى وقالت بدلع بجد يا دودى 

عدى :- بجد يا روح دودى 

مى :- امممم طيب ايه 

عدى :- بلؤم ايه 

مى :- وهى بتفتح زارير قميص عدى قالت بدلع ايه مش هنام 

عدى :- ههههههههه ده انتى طلعتى منحرفه كبيره 

مى :- غلس 

عدى :- هههههههههه احبك يا احمر وقرب منها و(سكتت شهرزاد عن الكلام الغير مباح 😉😉)

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

فى اوضت فريد 

كانت سمر نايمه فى حضن فريد وهى سرحانه

فريد :- سمسمه مالك يا قلبى 

سمر :- ها م.م.مفيش يا قلبى

فريد :- شكلك بتفكرى فى حاجه وسرحانه ومش معايه ايه شاغل بالك

سمر :- احم م.م.مفيش بس بفكر فى الحال اللى وصل ليه يوسف وتيلا 

فريد :- بصى هما الاتنين غلطانين تيلا فى انها تخبى عليه وتمحيه من حياتها وتتصرف من دماغها اهم حاجه فى الحياه الزوجيه الصراحه والمشاركة فى كل حاجه وده معملتهوش تيلا 

سمر :- سمعت كده اتوترت اكتر وبلعت ريقها بالعافيه 

فريد :- كمل كلامه وقال ويوسف أن هو نزلها بالمنظر ده صعبه اوى على تيلا وعلى يوسف انا مش عارفه كان عقله فين لما عمل كده والثقه ما بنهم ضعيفه جدآ علشان كده جوازهم انهار مع اول مشكله قابلتهم 

سمر :- بتوتر قالت احم ع.ع.عندك حق 

فريد :- وربنا يصلح ليهم الحال ويرجعو لبعض بعد ما الأمور تهدا شويه 

سمر :- ي.ي.يارب تصبح على الخير 

فريد :- هتعملى ايه 

سمر :- ه.ه.هنام علشان نعرف نقوم للكليه الصبح بدرى

فريد :- لاء نوم ايه انا عايزك فى موضوع مهم 

سمر :- لاء يا فريد انا تعبانه ومش قادره 

فريد :- شدها ليه وقال تعالى بس هنسيكى تعبك 

سمر :- زقته وبعدت عنه وقالت ابعد يا فريد بقى بقولك تعبانه 

فريد :- انتى تعبانه بجد يا سمر 

سمر :- يعنى بهزر يا فريد 

فريد :- بخوف طيب حاسه بأيه بالظبط 

سمر :- بطنى وجعانى شكل البريوت هتيجى ليا 

فريد :- اه ماشى الف سلامه عليكى يا قلبى ونام على السرير وفتح دراعه وقال تعالى طيب فى حضنى 

سمر :- نامت فى حضنه ومسكت جامد فى التيشرت بتاعه ودفست راسها فى حضنه 

فريد :- بص ليها بأستغراب وبسها فى راسها ونام 

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

فى فيلا اسر 

فى اوضت يوسف 

كان قاعد على حرف السرير وحاطت راسه ما بين ايديه ودخل اسر ليه قعد جنبه على السرير وحط أيده على كتف يوسف وقال 

أسر :- ولما انت لسه بتحبها اوى كده ليه بتعمل فى نفسك وفيها كده 

يوسف :- علشان مينفعش اعمل غير كده يا بابا 

أسر :- ليه يا ابنى هو لازم تكون قاسى ومتهور علشان تبقى راجل لاء يا حبيبى الرجوله عمرها ما كانت بالقسوه ولا بالزعيق والعصبيه الراجل بجد اللى يحتوى مراته حتى لو غلطانه ويخدها فى حضنه ويفهمها غلطها براحه مش يزعق ويهين زى ما انت عملت مع تيلا مهما هى غلطت غلطك انت كان اكبر منها لما نزلتها بالقميص وظهرت جسمها قصاد كل الناس 

يوسف :- واحد دخل وشاف مراته حب عمره فى حضن راجل بقميص النوم عايزينى اكون ازاى ولا يكون عندى عقل افكر بيه ازاى ده الموت اهون مليون مره من انى كنت شوفت المنظر ده يا بابا ودموعه نزلت منه وقال صدقنى يا بابا انا بموت فى الثانيه مية مره كل ما صورت تيلا تيجى قصادى وهى بقميص النوم فى حضن الراجل حتى لو مش بمزجها بس هى اللى سمحت بكده لما راحت تقبله من ورايا وسمحت ليه أن هو يعمل معها كده انا تعبان اوى يا بابا 

اسر :- وهى اكيد تعبانه زيك واكتر كمان متنساش أن تيلا عاشت حياتها كلها متعذبه وشافت كتير فى حياتها وصدمة اللى انت عملته فيها مش سهله برضه فى حب عمرها واللى افتكرته مختلف عن رجالة الدنيا بحالها ينزلها بالقميص بالمنظر ده زى ما انت مجروح هى مجروحه برضه انت وجعتها اوى لما عيرتها انها دخلت الملجأ وانت عارف الموضوع ده حساس بالنسبه ليها قد ايه وهى اتعودت تعتمد على نفسها فى كل حاجه بحكم انها عاشت لوحدها سنين طويله ومكنش عندها حد تعتمد عليه غير نفسها مش هتيجى تطلب منها أنها تتغير ما بين يوم وليله لازم تاخد وقت على ما تتعود على الدنيا الجديده اللى دخلتها وفى الاول والاخر التسرع فى الجواز يعمل اكتر من كده لانكم اعتمدو على انكم يوسف وتوته الاطفال مأخدوش بالكم انكم كبرتو واتغير فيكم حاجات كتير حتى لو حبكم زى ما هو كان لازم تتعرفو على بعض اكتر من كده 

يوسف :- ياريت يا بابا فضلنا يوسف وتوته الاطفال اللى كان اهم حاجه عنده أن يراضيها بباكو شيكولاته ويمسح دمعتها بأيده وهى تضحك وتحضنه وخلاص

اسر :- ياريت فى حاجه بتفضل على حالها يا حبيبى لا الصغير بيفضل صغير ولا البرأه بتفضل زى ما هى 

يوسف :- عندك حق يا بابا 

أسر :- خبط على رجل يوسف وقال فكر يا حبيبى بقلبك وبعقلك صدقنى هتندم كتير لو سبت تيلا تعيش بعيده عنك اكتر من كده البعد بيزود المشاكل قربها ليك واكسبها وحاولو تبدأو حياتكم من اول وجديد بحياة كلها حب وثقه   

يوسف :- ياريت ينفع يا بابا بس للاسف عمر اللى انكسر ينفع يتصلح 

اسر :- بس ينفع نجيب واحد جديد ونبدأ معاه من اول وجديد بصفحه بيضه ده اللى بطلبه منك ارمى اللى اتكسر ما بينك وبين تيلا وأبدأ بواحد جديد معاها وصفحه بيضه

يوسف :- هيفضل برضه الشرخ فى علاقتنا ما بينا العمر كله هى حياتنا انتهت مع بعض لحد هنا يا بابا 

أسر :- وقف وقال هتندم فى وقت مينفعش فيه الندم يا يوسف تصبح على خير وسابه وخرج 

يوسف :- بص على ابوه لحد ما خرج وبعدين رجع حط راسه ما بين أيده

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، 

اشرقت شمس صباح يوم جديد بنورها الساطع فى سماء الاسكندريه لتبدأ تيلا بفتح عيونها وقامت بهما وبنشاط على غير العاده دخلت حمامها اخدت شاور واتوضت وخرجت لبست هدومها وأدت فرضها ونزلت وكان الكل متجمع على الفطار قالت 

تيلا :- صباح الخير 

الكل :- صباح النور 

تيلا :- بصت لفرحه وقالت عامله ايه النهارده 

فرحه :- كويسه أو بحاول اكون كويسه 

تيلا :- لازم تكونى كويسه يا فرحه ولازم تقوى بلاش تكونى ضعيفه وتسمحى لظروف تكسرك وانا شايفه أن طلاقك النهارده بدايه جديده ليكى انزلى كملى تعليمك وبكره ربنا هيعوضك بالاحسن منه 

فرحه :- هههههههه تانى عمرى ما هفكر فى راجل تانى يا توته جربت حظى وطلع مش حلوه هعيش حياتى بعيد عنهم احسن واسلم بكتير 

تيلا :- تبقى عبيطه ومن رأى انتى محتاجه دكتور نفسانى تتعالجى عنده وانا هروح معاكى

فرحه :- ربنا يسهل اخلص بس النهارده 

باسم :- أن شاءالله كل حاجه هتخلص النهارده 

مى :- يارب 

هنا :- ماما 

مى :- نعم 

هنا :- مش ناويه تسمحى ليا انزل الكليه بقى 

مى :- مبقاش عندى ثقه فى كلامك 

تيلا :- ليه يا ماما 

مى :- اقولها ولا تقوليلها انتى 

هنا :- انا معملتش حاجه غلط يا ماما انا بقوم بواجب عليا 

تيلا :- ما تقولو ايه اللى حصل 

مى :- الهانم كانت بتزور ابو وقطعت كلامها وقالت مازن فى المستشفى كل يوم ولما كنت اسألها كانت تقولى أن محاضرات زياده عندها لحد ما اخوكى عمار شفها هى ومحمد طالعين من عنده فى المستشفى 

تيلا :- فعلا انا سمعت اسمك امبارح لما قلى انك بتروحى تزورى كل يوم وتقعدى معاه 

مى :- بأستغراب انتى روحتى ليه 

تيلا :- ايوه روحت ليه علشان اشمت فيه واطلع فيه كل الوجع اللى حاسه بيه بس للاسف قؤقت على صدمه اكبر 

مى :- ايه هى 

تيلا :- البيه كان متجوز عليكى من وانتى كنتى حامل فيا وسابها وطلقها لما عرف انها حامل منه 

باسم :- فعلا انا فاكر لما روحنى نسأل عليه لما خطفك واحده ست طلعت لينا وقالت الكلام ده أنه كان متجوزها ورافض الخلفه منها ولما حملت طلقها وسابها 

تيلا :- ايوه اللى كان فى بطنها كبر وبالصدفه عرف أن مازن ابوه يعنى احنا لينا اخ منه شوفتو الوكسه والغلب اللى احنا فيه من وراه هنعيش طول عمرنا تحت اخطاء البنأدم ده وبصت لهنا وقالت لو مكنتيش موجوعه علشان خاطر اللى امك واختك شافوه على أيده افتكرى أن رماكى ومسألش فيكى وعشتى يتيمة الأب وهو عايش فى الدنيا 

هنا :- بس هو كان غصب عنه واحد مريض وبيستهيألى انتى امبارح شوفتى حالته عامله ازاى ده ربنا بيسامح واحنا يا بشر لاء ليه ده مهما كان اب وليه حقوق علينا 

مى :- تانى هتقولى الكلام ده يا هنا قولتلك ابوكى باسم فاهمه 

باسم :- انا ابوها يا مى وهو كمان ابوها ودى الحقيقه منقدرش ننكرها هى اسمها فى البطاقه وشهادة الميلاد هنا مازن محمد إبراهيم وتيلا مازن محمد إبراهيم وزى ما هنا قالت ده واحد مريض ولا حرج على المريض ومهما عمل هيفضل اب ومن واجب بناتك تبره وتكسب رضاه انتى مش عايزه تسامحيه انتى حره لكن هما لازم يسامحوه غصب عنهم ده ابوهم 

تيلا :- يا بابا متقولش عليه ابويا انت ابويا وهتفضل طول عمرك كده ده واحد العيشه اللى عيشه كتير عليه كان نفسى يتعذب اكتر من كده قد العذاب اللى شوفته فى حياتى بسببه 

باسم :- يا حبيبتى ربنا قال فى كتابه الشريف بسم الله الرحمن الرحيم {” وقضى ربك ألا تعبدوا إلا إياه وبالوالدين إحسانا إما يبلغن عندك الكبر أحدهما أو كلاهما فلا تقل لهما أف ولا تنهرهما وقل لهما قولا كريما} صدق الله العظيم وفى ايه تانيه قال {وَإِن جَاهَدَاكَ عَلَىٰ أَن تُشْرِكَ بِي مَا لَيْسَ لَكَ بِهِ عِلْمٌ فَلَا تُطِعْهُمَا ۖ وَصَاحِبْهُمَا فِي الدُّنْيَا مَعْرُوفًا ۖ وَاتَّبِعْ سَبِيلَ مَنْ أَنَابَ إِلَيَّ ۚ ثُمَّ إِلَيَّ مَرْجِعُكُمْ فَأُنَبِّئُكُم بِمَا كُنتُمْ تَعْمَلُونَ } صدق الله العظيم 

يعنى ربنا عز وجل قال لو طلب منكم انكم تشركو بيه ارفضو بس برضه تصاحبوهم فى الدنيا معروفه يعنى يا حبيبتى لازم تبرى ابوكى غصب عنك علشان ربنا امرك بكده 

تيلا :- مش قادره اسامحوه يا بابا بكرهو وده حاجه غصب عنى 

باسم :- يا حبيبتى عمرك ما هتلاقى حب وحنان زى حب وحنان الاب دول البنأدم بيبقى مخلوق بيهم بالفطره الاب الوحيد اللى عنده استعداد يضحى بعمره كله علشان عيل من عياله ميقولش الاه الأم اه بتتعب فيكم فى الحمل والولاده وربنا مكرمها علشان كده بس برضه الاب بيشقى وبيطلع عينه علشان يجيب ليكم الهدوم اللى هتستر جسمكم واللقمه اللى هتاكلوها الاب الوحيد اللى بيبقى نازل وهو تعبان وبيموت علشان ميضيعش يوم من قبضه علشان يكفى يدفع مصاريف مدرسة ابنه أو بنته الاب اللى تملى بيبقى هيموت لو عيل من عيله قال الاه بس لازم يبان قوى علشان هو مصدر قوة للبيت كله الاب الوحيد اللى لو وقع البيت كله هيوقع وراه الاب سند وعمود البيت كله 

تيلا :- اهو انت قولت مستعد يضحى بعمره علشان عيل من عياله مش يرمى بنته البحر وميحاولش ينقذها من الموت وينكر علاقته بيها 

باسم :- معا عذره مريض نفسى وحاول يموت نفسه يبقى مش غريبه لو حاول يموت بنته لا حرج على المريض

تيلا :- وقفت وقالت عن اذنكم انا ماشيه 

باسم :- سامحى يا حبيبتى ده ربنا اسمه الغفور الرحيم واحنا بشر مش ملايكه مفيش حد مش بيغلط 

تيلا :- ربنا يسهل يا بابا عن اذنكم ومشيت وسابتهم

مى :- على فكره بقى انا مش عجبنى كلامك بس مرضتش ادخل فى الكلام 

باسم :- ده كلام ربنا اللى أمرنا بيه يا مى واسمعى كلامى وسيبى بنتك هنا تنزل الكليه بتاعتها وتزور ابوها زى ما تحب  

مى :- حاضر يا باسم خلينى ماشيه وراه كلامك مع أن مش موافقه عليه وبصت لهنا وقالت اطلعى البسى وروحى كليتك 

هنا :- بفرحه بجد شكرآ يا ماما شكرآ يا بابا وطلعت تجرى على اوضتها علشان تلبس هدومها 

باسم :- وقف وباس دماغ مى وقال ربنا يهديكى ويصلح حالك وبص لفرحه وقال الساعه اربعه هعدى عليكى بالعربيه تكونى جاهزه 

فرحه :- حاضر 

باسم :- راح بسها من راسها ومشى ركب عربيته وراح الشركه 

مى :- انت ساكت ليه يا عمار مش عوايدك 

عمار :- بزعل هقول ايه مليش انا فى الكلام ده 

فرحه :- كانت قاعده جنب عمار شدته واخدته فى حضنها وقالت انت فرحة البيت ده ولو اتكسرت كده كلنا هنتكسر علشانك يا عمار 

عمار :- بدموع مقدرش اضحك واخواتى بيتعذبو اذا كان انتى ولا تيلا انا اه بحب الضحك والهزار لكن بحبكم انتو اكتر من الدنيا دى بحالها ووجعكم وجعى 

فرحه :- بسته فى راسه وقالت امال مين هيناكف فيا زى الاول 

عمار :- نفسى اروح للى اسمه وحيد ده وأكله بسنانى على اللى عمله فيكى والوجع اللى وجعه ليكى 

فرحه :- فى ربنا اقوى منه واقوى من الكل هو حسبى وهو وكيلى 

عمار :- بدموع قلبى وجعنى اوى علشانكم يا فرحه اوى 

فرحه :- شششش لو بتحبنا بجد بلاش نشوف دموعك دى وخلى ضحكتك تملى منوره وشك فاهم 

عمار :- هز راسه بمعنى ايوه 

مى :- ربنا يخليكم لبعض وميحرمكمش من بعض ابدآ

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

فى فيلا فهد المنشاوى 

الكل صحى وكانو قاعدين على سفرة الاكل 

فهد:- جاكى يا حبيبتى الساعه اربعه هاجى اخدك علشان تروحى معايه اطلقك من الزباله ده

جاكلين :- متتعبش نفسك يا بابا انا الساعه اربعه هكون عندك 

مى :- بيستهيألى انتى كنتى عايزه تقولى حاجه يا جاكى 

جاكلين :- لاء يا مى انا فكرة وهطلق منه صعب ارجع اعيش معاه تانى 

مليكه :- ليه هو انتى كنتى بتفكرى ترجعى ليه تانى 

جاكلين :- ده كلام حصل امبارح ما بينى وبين مى

فهد :- جاكى انتى بتحبيه 

جاكلين :- اكدب عليك لو قلت ليك بكرهو يا بابا بس برضه مش قادره انسا أن هو كان سبب وجعى 

مى :- بس متنكريش أن هو مأذكيش وحافظ عليكى وملمسكيش 

جاكلين :- ايوه يا مى ملمسنيش بس اذيت الروح اصعب من أذيت الجسم 

مليكه :- احنا عمرنا ما هنغصب عليكى يا جاكى فى حاجه لو عايزه تطلقى منه اطلقى عايزه تفضلى معاه افضلى بس لما ابوكى يعرفه أن الله حق علشان يعرف هو واخد مين 

جاكلين :- لاء يا ماما هطلق منه 

فهد :- هى دى بنت فهد المنشاوى اللى تدوس على قلبها لو هيجى على حساب كرامتها 

عدى :- بس انا رغم اللى هو عملو مش جايب اللوم عليه معاذ مظلوم زى جاكى بالظبط انضحك عليه من وهو طفل وشايف أن هو بيحبها بجد مش بيمثل 

فريد :- بس يكفى أن اده فرصه لواحده زى دعاء دى تعمل معها زى اللى عملتو ولو

موصلتوش فى الوقت المناسب كان الله اعلم ايه حصل ليها  

فهد :- ايوه يا فريد صح ساب جاكى مع الحيه وكانت هتأذيها والحمدالله وصلنا فى الوقت المناسب 

سمر :- النفوس شالت من بعض ورجوعهم لبعض صعب 

فهد :- وقف وقال هستناكى يا جاكى وبص لعدى وقال كفايه كده قعده وانزل الشغل 

عدى :- بزعل حاضر 

مليكه :- ما تسيبه يفرح شويه هو ومراته 

فهد :- مليكه بلاش دلعك فيه ده والنبى هو لو عليه عايز يلزق فى السرير اربعه وعشرين ساعه 

مى :- اتكسفت وبصت فى الارض 

فهد :- هسيبك النهارده ومن بكره تنزل الشغل ومشى وسابهم 

فريد :- يلا يا سمر 

مليكه :- هتنزلو الكليه 

فريد :- ايوه يا ماما 

مليكه :- ربنا معاكم 

فريد :- مسك ايد سمر وخرجو ركبو العربيه وراحو الكليه 

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

فى كلية هنا 

راحت هنا الكليه ودخلت بصت على محمد ملقتهوش راحت ليه المكتب خبطت على الباب ودخلت 

محمد :- اول ما شفها راح يجرى عليها ومسك ايديها وقال واحشتنى فينك كل ده كنت هموت عليكى ومش عارف اوصلك حتى التليفون مش بتردى عليه 

هنا :- بكسوف احم وانت كمان بس كان غصب عنى ماما عرفت أن انا بروح لبابا المستشفى ومنعت نزولى الكليه وحصلت مشاكل عندنا فى البيت كتيره ومكنتش عارفه اكلمها 

محمد :- مش مهم المهم انك خلاص رجعتى الكليه من تانى واطمنت عليكى انك كويسه 

هنا :- هى صحيح تيلا راحت لبابا المستشفى 

محمد :- ايوه ووجعته اوى بالكلام واغمى عليها وطلعت حامل 

هنا :- بصدمه تيلا حامل طيب مقالتش ليه 

محمد :- معرفش 

هنا :- وبتقول أن لينا اخ من ام تانيه صحيح الكلام ده 

محمد :- عارفه مين 

هنا :- مين 

محمد :- الشاب اللى خبطك وانا زعلت علشان خبطك 

هنا :- ايوه ايوه صح انا سعتها حسيت بأحساس غريب من ناحيته بس مكنتش فاهمه ايه هو 

محمد :- لحظت كده فعلا اهو ده طلع اخوكى 

هنا :- طيب انا نفسى اشوفه واتعرف عليه كويس 

محمد :- اكيد هيكون عند ابوكى بعد الكليه نطلع على المستشفى وشوفيه هناك 

هنا :- بفرحه ماشى

محمد :- بصلها شويه فى عينيها وقرب منها وبعد كده بعد عنها تانى وقال احم هنا يلا ننزل من هنا 

هنا :- ليه 

محمد :- ك.ك.كده وبعدين هبدأ المحاضره 

هنا :- ماشى ومشيت قدامه 

محمد :- اخد نفس ومسح العرق ونزل وراها

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

فى فيلا فارس المنشاوى

صحى كريم من نومه وهو مفجوع وقال بعصبيه 

كريم :- ايه يا ماما فى حد يعمل كده 

جومانه :- هههههههههه احسن من اللى بتعملوا فيا وبعدين بقالى ساعه بصحى فيك ومش عايز تصحه ملاقتش قدامى غير أن احدف الميه فى وشك علشان تصحه هههههههههه

كريم :- بغيظ بتضحكى شكل فارس مظبطك وربنا 

جومانه :- ولد قليل الادب مش متربى بجد 

كريم :- ويعنى العيب فى مين ما فيكم يا حاجه نسيتو تربونى اعملكم ايه 

جومانه :- طيب قوم يا حيلة امك علشان الكليه بتاعتك 

كريم :- ليه الزعل ده يا حاجه ما الواحد كان نايم وبيحلم والحياة زى الفل لازم يعنى الاصتباحه دى 

جومانه :- قوم يلا قامة قيامتك 

كريم :- ولا تزعلى نفسك يا نبع الحنان صباح الخير يا مصر روحى انتى بس وهتلاقينى فى ديلك علطول 

جومانه :- اقول ايه ما انا اللى غلطانه لو اعرف انك هتطلع كده كنت قعد عليك فطستك وانت لسه مولود 

كريم :- ده كتير عليا والله روحى يا حاجه روحى بدل ما اشق خلقاتى منك 

جومانه :- ماشى يا كيمو احنا مستنينك تحت وخرجت من الاوضه 

كريم :- لاء والله بعد التهزيق ده كله تقولى يا كيمو وربنا العيله دى مش طبيعيه وقام دخل الحمام اخد شاور واتوضه وخرج لبس هدومه واداه فرضه ونزل وكان الكل قاعد 

كريم :- صباح الخير 

الكل :- صباح النور 

فارس :- مفيش مره تنزل اول واحد فينا لازم تملى نستنا حضرتك 

كريم :- ده على اساس انكم مأكلتوش حاجه خالص انتو اصلا مخلتوش ليا حاجه اكلها 

بسمله :- اللى سبق اكل النبأ

كريم :- حتى انتى يا بسله طلع ليكى لسان وبتردى عجبت ليك يا زمن 

بسمله :- هههه خفه 

جومانه :- امال الولا جاسر مش بنشوفه ليه 

كريم :- الولا ده انتى اخدى عليه اوى يا ست الحبايب 

فارس :- صح بقاله يومين مش بيجى 

بسمله :- علشان اليومين دول مشغول فى زيارة مستشفيات الأمراض العقليه تبع الجمعيه بتاعته 

كريم :- ما شاءالله يا بسله انتى عارفه خط سير صحبى اكتر منى وانتى عرفتى ازاى بقى يا هانم 

بسمله :- بتوتر ا.ا اصل انا بشوفه ه.ه.هناك وانا تبع المدرسه بتاعتى بعمل زياره ليهم 

كريم :- اممممم ماشى يا اختى ووقف اخد مفاتيحه وتليفونه وقال سلام عايزين حاجه 

جومانه :- سلامتك خلى بالك وانت سايق

كريم :- حاضر وبص لبسمله وقال خفى شويه وملكيش دعوه بجاسر فاهمه 

بسمله :- م.م.ماشى 

وخرج كريم ركب عربيته وراح على الكليه بتاعته ونزل من عربيته ولسه هيدخل الكليه شاف ولاء بتعدى العربيات وفى عربيه جايه بسرعه عليها راح يجرى عليها وشدها بعيد عن العربيه واخدها فى حضنه 

ولاء :- اتصدمت من اللى حصل ومسكت فى تيشرت كريم وغمضت عينيها 

كريم :- احم انتى كويسه 

ولاء :- وهى فى حضنه ومغمضه عينيها هزت راسها بمعنى ايوه 

كريم :- احم ط.ط.طيب ك.ك.كويس

ولاء :- مسكه فيه ومش عايزه تسيبه 

كريم :- ط.ط.طيب ايه 

ولاء :- وهى فى حضنه ايه 

كريم :- احم الناس والشكل العام احنا كده هنتكلبش فى الاداب 

ولاء :- اخدت بالها من الوضع وبعدت عنه وقالت احم ا.ا انا اسفه م.م.مأخدش بالى ب.ب.بس من الخضه 

كريم :- انا لو عليا كنت مرتاح فى الوضع ده اوى بس الناس ممكن تولع فينا وتلفنا فى ملايات وتبلغ الاداب علينا 

ولاء :- ا.ا.ايه اللى انت بتقوله ده انت واحد قليل الادب ومتربتش 

كريم :- لا والله هى دى كلمة شكرآ علشان انقذتك من الموت تصدقى انا غلطان ياريت كنت سبتها فرمتك تحت العجل بتاعها 

ولاء :- ب.ب.بعد الشر عليا انشالله انت يارب 

كريم :- انا اللى استاهل والله اكتر من كده ولسه هيمشى 

ولاء :- ا.ا.انت يا بنأدم سيبنى ورايح فين 

كريم :- سيبك ورايح فين هو انا كنت خلفتك ونسيتك 

ولاء :- ايوه مش المفروض متسبنيش الا لما تطمن عليا الاول صحيح انت بأف ودهول

كريم:- بصدمه بأف ودهول تصدقى انك عايزه حش رقبتك يا برعى 

ولاء :- بغيظ متقولش برعى يا عرة الرجاله 

كريم :- بت انتى مش عايز اتغابه عليكى لمى لسانك 

ولاء :- براحتى وورينى هتعمل ايه 

كريم :- شدها من درعها وقال بت انتى ووقعت فى حضنه

ولاء :- اتوترت من قربها منه وبصت فى عينه وسرحت فيهم 

كريم :- بص فى عينيها وسرح فيهم 

وقعدو الاتنين يبصو فى عيون بعض فتره 

ولاء :- اخدت بالها من الوضع وزقته وقالت ا.ا.انت ازاى تعمل كده وتمسك دراعى وتقربنى ليك كده 

كريم :- وهو سرحان فيها قال ها 

ولاء :- بلعت ريقها وقالت ا.ا.انا غلطانه أن ضيعت من وقتى فى وقفتى معاك وسابته ومشيت 

كريم :- قعد يبص عليها لحد ما اختفت ومشى دخل الكليه بتاعته 

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

فى كلية فريد وسمر 

دخل الاتنين الكليه والطلاب كانو بيبصو عليهم بطريقه غريبه 

سمر :- مسكت فى دراع فريد وقالت ه.ه.هما مالهم بيبصو علينا كده ليه 

فريد :- بأستغراب مش عارف ونده على واحد زميله وقاله هو فى ايه بس فى الوقت ده ظهر شهاب وقال واحشتونى وربنا

فريد :- انت انت خرجت امته من الحبس 

شهاب :- قرب من ودنه وقال هو انت متعرفش أن بنت خالتك على علاقه بيا والحكومه مش بتحاسب الراجل على نوع العلاقات دى ولا ايه وبعد عنده وضحك بأستفزاز 

فريد :- مسكه من هدومه بعصبيه وقال اه يا واطى يا زباله شكلك عايز تتربى من اول وجديد 

شهاب :- بس بس قبل ما تعمل اى حاجه خد اتفرج على الفيديو ده ده انتو النهارده نجوم سينما فى الكليه 

فريد :- اخد الفيديو من ايد شهاب واتفاجئ لما شاف الفيديو اللى سمر صورته ليهم 

سمر :- شافت كده وحطت ايديها على بؤقها وقعدت تعيط وتهز راسها يمين وشمال رافضه اللى بيحصل 

شهاب :- اهو الفيديو ده على كل جهاز فى الكليه يعنى الكل اتفرج عليك وعلى الكتكوته مراتك ههههههههههه

فريد :- بص بغيظ لسمر وبعدين بص لشهاب وقرب منه وقعد يضرب فيه لحد ما وشه كله جاب دم وادخل أمن الجامعه وبعدوهم عن بعض بصعوبه واتفصلو الاتنين من الكليه شهرين 

خرج فريد وهو بيبص لشهاب بغيظ وكانت سمر قعده بره منهاره من العياط راح فريد عندها وشدها من دراعها وخرج بيها من الكليه تحت نظرات كل اللى فى الكليه ومشى بيها عند العربيه وحدفها فى العربيه وقفل الباب وركب هو كمان وراح على الفيلا ودخل بيها 

مليكه :- اتخضت من منظر سمر وفريد وقالت ايه ده فى ايه 

فريد :- مفيش يا ماما عن اذنك وسحب سمر من دراعها 

مليكه :- استنا هنا يا فريد براحه على سمر ايه حصل ما بنكم 

فريد :- ماما لو سمحتى سبينى اطلع اوضى دلوقتى 

مليكه :- اهدا يا فريد انت مش شايف منظرك عامل ازاى 

فريد :- ابوس ايدك يا أمى سبينى اطلع اوضى دلوقتى بدل ما اخدها وامشى دلوقتى حالا وشد سمر من دراعها وطلع اوضه 

عدى ومى نزلو على صوت فريد 

عدى :- فى ايه يا ماما  

مليكه :- مش عارفه يا ولاد اخوك جاى وشكله,مضايق