 |
رواية عشقت كبريائي فهد ومليكة الجزء الثالث (لقاء الاحبة) الفصل الخامس والثلاثون بقلم دودو محمد
مستشفى الامراض العقليه
كان مازن قاعد فى المستشفى
وشاف جاسر ومع مامته داخلين عليه قام وقف وراح عندهم وقال
مازن :- ازيك يا ابنى
جاسر :- الحمدالله يا بابا
مازن :- وهو فرحان قال قد ايه فرحان اوى بالكلمه دى منك
جاسر :- مش اكتر منى والله
مازن :- ازيك يا سعاد
سعاد :- احم الحمدالله حمدالله على سلامتك
مازن :- الله يسلمك تعالو اقعدو
وراحو التلاته قعدو على الكرسى
جاسر :- بفرحه مش قادر اصدق أن قاعد مع ابويه وامى فى وقت واحد حاسس نفسى بحلم
مازن :- اخده فى حضنه وقال اسف يا ابنى متزعلش منى وبص لسعاد وقال اسف يا سعاد اكيد ابنك حكا ليكى ظروف مرضى واللى حصل زمان كان غصب عنى والله
سعاد :- عرفت يا مازن ومش زعلانه يكفى انك كنت السبب فى نومتى فى شقه بدل الشارع اللى كنت هنام فيه وانك كنت متكفل بمصاريف اكلى وشربى من قبل ما يبقى فى بينا حاجه وإذا كان على تغيرك اللى مكانش ليه تفسير سعتها اهو دلوقتى عرفنا السبب ولا حرج على المريض
مازن :- ليه متجوزتيش يا سعاد من بعد ما طلقتك وانتى كنتى محتاجه راجل علشان يربى ابنك
سعاد:- انا مكنتش حاطه موضوع الجواز ده فى دماغى حتى لما قابلتك ولو مكانش الناس اتكلمت على وجودك عندى من غير اى صفه انا مكنتش هتجوزك ولا اتجوز غيرك عمرى بس بحمد ربنا أن ده حصل وربنا كرمنى بأكبر نعمه من عنده جاسر عشت العمر كله ليه هو وبس واتمنيت اشوفه قدامى شاب وافرح بي والحمدلله هو دلوقتى رجلى وكل حاجه ليا فى الدنيا
مازن :- ربنا يبارك فيه يارب
سعاد :- يارب
وفى الوقت ده دخلت بسمله وراحت بسمله عند مازن وجاسر وقالت
بسمله :- السلام عليكم
كلهم :- وعليكم السلام
جاسر :- بفرحه تعالى يا بسمله اقعدى
بسمله:- لالالا شكلك مش فاضى هبقى اجى ليكم وقت تانى
مازن :- لاء يا حبيبتى تعالى خليكى
بسمله :- بصدمه ايه ده حضرتك بتتكلم
مازن :- هههههههه مش انتى قولتى بحب اتكلم مع البنات اهو اتكلمت اهو وغمز ليها
بسمله :- اتكسفت وقالت ا.ا انا فرحانه أن حضرتك اتكلمت ده جاسر متعلق بحضرتك اوى
مازن :- وانا كمان متعلق بيه اوى اوى
جاسر :- كان عمال يبص لبسمله وسرحان فيها
سعاد :- شافت الحب فى عيون جاسر قربت منه وقالت مش تعرفنى على الاموره
جاسر :- ها ا.ا.اه د.د.دى بسمله ا.ا اخت كريم صاحبى وبص لبسمله وقال دى ماما يا بسمله
سعاد :- قولتلى بسمله اخت كريم مش دى اللى انت بت
جاسر :- قطعها وقال احم اه هى يا ماما اللى بتعمل احسن كوباية شاى وبصلها انها تسكت
سعاد :- شدتها ليها واخدتها فى حضنها وسلمت عليها وقالت بسم الله ماشاءالله قمر
بسمله :- بكسوف ش.ش.شكرآ يا طنط
مازن :- قرب من ودن جاسر وقال حلو اوى على فكره وشكلك واقع فيها
جاسر :- ها ل.ل.لا م.م.مش ك.ك.كده
مازن :- ههههههههه خلاص خلاص يا ابنى ده انت هتروح فيها
بسمله:- احم انا همشى بقى
جاسر :- بلهفه ليه خليكى قاعده شويه انتى معرفتيش الاخبار الجديده
بسمله :- اخبار ايه
مازن :- جاسر خد بسمله واتمشو شويه على ما نتكلم انا وامك شويه
جاسر :- ماشى يا بابا
بسمله :- بأستغراب بابا
جاسر :- امشى وافهمك
بسمله :- ماشى ومشيت مع جاسر وقعدو على كرسى بعيد عن مازن وسعاد
جاسر :- مالك مصدومه كده
بسمله :- ازاى ابوك مش فاهمه
جاسر :- هقولك يا ستى بابا طلق ماما وهى حامل فيا ومشى وسابها ومسألش فينا وانا كبرت وقعد ادور عليه ومعرفش أن هو هنا مريض لحد ما عرفت الاسم وعرفت أن هو ابويه وكان مريض من زمان اوى هنا فى المستشفى
بس يا ستى
بسمله :- علشان كده كنت متعلق بيه ومكنتش عارف السبب
جاسر :- بالظبط كده وعارفه كمان مين اخواتى
بسمله :- مين
جاسر :- تيلا وهنا
بسمله :- تيلا وهنا مين اللى تبعنا
جاسر :- بفرحه هز راسه
جاسر :- يعنى انت طلعت قربنا بقى انا فرحانه اوى يا جاسر
جاسر :- وهو بيبص فى عينيها بجد
بسمله :- اتوترت واتكسفت وقالت احم م.م.ماما وبابا كانو بيسألو عليك كريم النهارده تبقى تيجى
جاسر :- اكيد هاجى ده انا بحب اجى دلوقتى عندكم علشان اشوفك واشرب احلى كوباية شاى من ايدك
بسمله :- اتكسفت اكتر ووقفت وقالت ا.ا.انا همشى بقى النهارده اخر يوم فى النشاط المدرسى ومش هقدر اجى تانى هنا
جاسر :- بزعل ليه كده ده انا كنت بصدق اشوفك هنا وأتكلم معاكى براحتى
بسمله :- وهى بصه فى الارض غ.غ.غصب عنى والله
جاسر :- مسك ايد بسمله وقال بسمله انا خلاص مبقتش قادر يعدى عليا يوم واحد من غير ما اشوفك فيه ا.ا.انا بحبك يا بسله
بسمله :- سحبت ايديها من ايد جاسر وقالت بكسوف ب.ب.بس انا مش بفكر فى الكلام ده دلوقتى انا اهم حاجه عندى اكمل دراستي وادخل الكليه اللى بحلم بيها
جاسر :- عارف وده اكتر حاجه عجبانى فيكى انك مش من البنات اللى بتجرى وراه الحب ومش بتهتم بالمستقبل بتاعها ولا دراستها وانا مستعد استناكى العمر كله بس انا قولتلك كده علشان اعرف اذا كان عندك مشاعر ليا ولا لاء يا بسمله
بسمله :- خدودها احمرت من الكسوف وبصت على الأرض وقالت احم لو عندك استعداد تستنا استنا
جاسر :- بفرحه يعنى افهم من كلامك انك بتحبينى
بسمله :- بكسوف هزت راسها بأيوه وطلعت تجرى
جاسر :- فرح وقعد يبص عليها لحد ما اختفت وراح تانى عند مازن
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا اسر
فى اوضت يوسف
صحى يوسف من نومه على صوت المنبه قام من على سريره ودخل الحمام اخد شاور واتوضه وخرج لبس هدومه واداه فرضه ونزل وقال
يوسف :- صباح الخير
اسر ومها :- صباح النور
اسر :- رايح الشغل
يوسف :- ايوه
مها :- طيب اقعد افطر
يوسف :- لاء مليش نفس عن اذنكم وخرج ركب عربيته وراح على الجريده
مها :- بدموع يوسف رجع تانى لشخصيته القديمه اللى قبل ما ترجع توته
اسر :- ابنك اللى تاعب نفسه وبيكابر فى حبه ومش عايز يتنازل عن شويه من كرامته ويعتذر من توته ويرجعها ليه
مها :- انا مش عارفه ايه حصل ليهم وحصل لحبهم عاشو بيحلمو باليوم اللى يجمعهم ببعض ولما حصل كده اتفرقو تانى وبكل سهوله
اسر :- ربنا يهديهم
مها :- يارب
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى الجريده عند يوسف
دخل يوسف بشخصيته القديمه الجريده وقعد على مكتبه بس بلغوه أن المدير عايزه قام تانى وراح عند مكتب المدير وخبط على الباب ودخل وقال
يوسف :- حضرتك عايزنى
المدير :- ايوه يا يوسف تعال
يوسف :- قعد على المكتب وقال خير يا فندم
المدير :- يوسف انت عارف غلاوتك عندى قد ايه وانك من اشطر الصحفيين اللى عندى بس ده شغل وانت بتقعد فى البيت اكتر ما تنزل الشغل ومكانك تملى فاضى واحنا عندنا نقص فى الصحفيين فى الجريدة انا نزلت منشور اطلب فيه صحفيين حديثى التخرج واتقدم لينا كذا حد كويس ومكانك انشغل للاسف
يوسف :- بعصبيه يعنى ايه مكانى انشغل افهم
المدير :- انا اسف يا يوسف بس ملكش مكان معانا فى الجريده
يوسف :- وقف وقال تصدقو انكم ناس ولاد **** علشان انا كنت شايل ليكم الجريده على كتفى وكبرتها ليكم وكنت قاعد فيها ليل نهار وبعد كل ده تستغنا عنى بالسهوله دى
المدير:- يوسف ياريت بلاش تغلط انا لحد دلوقتى مشترى خاطر فهد باشا
يوسف :- بعصبيه انتو اللى خسرانين لما الجريده تقع من غيرى وبص ليه بقرف ومشى على مكتبه اخد الحاجه بتاعته ورجع الفيلا
المدير:- مسك تليفونه واتصل على تليفون فهد واستنا الرد
فهد :- السلام عليكم
المدير :- وعليكم السلام
فهد :- عملت ايه
المدير :- زى ما حضرتك أمرت مشيتو من الجريده
فهد :- انامتشكر جدآ ليك
المدير :- العفو يا باشا اللى حضرتك تأمر بيه وقفل التليفون معاه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى شركة اسر
دخلت تيلا مكاتبها وقعدت وطلبت السكرتيره وطلبت منها تجيب ليها الورق اللى محتاج امضى وقفلت معاها وشويه والسكرتيره دخلت
السكرتيره :- اتفضلى يا فندم ده الورق اللى عايز أمضى وده ورق بخصوص الشركه بتاعة المنصوره
تيلا :- تمام سبيهم على المكتب واطلبى ليا واحد عصير
السكرتيره :- حاضر بس فى واحد اسمه أياد عايز يقابل حضرتك
تيلا :- بخصوص ايه
السكرتيره :- كان استاذ اسر طلب مننا ننزل أعلان وظيفه علشان نعوض مكان استاذ معاذ
تيلا :- تمام دخليه
السكرتيره :- حاضر وخرجت وشويه ودخل الشاب أياد
تيلا:- اتفضل اقعد
أياد :- شكرآ لحضرتك
تيلا :- معاك السى فى بتاعك
أياد :- ايوه اتفضلى
تيلا :- اخدته منه وبصت فيه وقالت امممم ممتاز الاول على دفعتك بجد ممتاز
أياد :- شكرآ يا فندم
تيلا :- انت عندك كام سنه
أياد :- تسعه وعشرين
تيلا :- تمام انا شايفه السى فى بتاعك ممتاز وشهادتك كلها روعه مبروك الوظيفه
أياد :- الله يبارك فى حضرتك
تيلا :- انت كنت شغال فى شركه قبل كده
أياد :- سبع سنين فى شركة (.........) للديكور قعد منهم سنتين ورشه وبعد كده اتعينت فى الشركه
تيلا :- يعنى عندك خبره قبل كده
أياد :- اكيد طبعآ
تيلا :- بس سؤال معلش ليه سبتها بعد المده دى كلها
أياد :- لاء انا مسبتهاش بس صاحب الشركه قفلها وسافر بره
تيلا :- اه تمام عمومآ هنستناك بكره تبدأ معانا فى مواعيد العمل الرسميه والسكرتيره هتفهمك اكتر
أياد :- وقف وقال تمام شكرآ جدآ لحضرتك بعد اذنك
تيلا :- اه طبعآ اتفضل
وخرج أياد من المكتب وتيلا بدأت تشوف شغلها وفى الوقت ده دخل اسر عليها
تيلا :- عمو اسر اتفضل تعال وقامت من على الكرسى وشاورت ليه على كرسيها
أسر :- لالالا خليكى قاعده مكانك انا هقعد هنا وقعد على كرسى المكتب اللى قصادها
تيلا :- قعدت وقالت ايه الطله الجميله دى يا عمو الشركه نورت
أسر :- يا حبيبتى الشركه منوره بيكى
تيلا :- بس ايه نزل حضرتك وانت لسه تعبان
أسر :- لاء انا جيت اعمل المقابله مع الشاب للى مقدم للوظيفه مكان معاذ بس عرفت انك عملتى انتى المقابله
تيلا :- انا اسفه يا عمو بس زى ما حضرتك عارف ان مفيش غيرى ومعرفش أن حضرتك جاى
أسر :- لالالا يا حبيبتى ولا يهمك دى شركتك واعملى فيها زى ما انتى عايزه
تيلا :- شكرآ يا عمو
أسر :- والله يا بنتى لو كنت اقدر انزل وأساعدك فى الشغل كنت نزلت بس انتى عارفه أن الدكاتره منعانى من الشغل والمجهود
تيلا :- لالالا يا عمو انا كده ازعل منك يعنى انا مش زى سمر ومى ومليكه ومن وجبى أن اقف جنبك فى اى وقت
أسر :- ربنا يبارك فيكى يا حبيبتى ويصلح حالك يارب ووقف وقال همشى انا بقى
تيلا :- ما تخليك قاعد معايه شويه يا عمو
أسر :- معلش يا بنتى علشان معطلكيش عن الشغل
تيلا :- لاء خالص يا عمو انت منورنى والله
أسر :- بنورك يا حبيبتى يلا سلام
تيلا :- مع السلامه
وخرج أسر من المكتب وبصت عليه تيلا بزعل واتمنت لو كانت تقدر تقوله على حملها من يوسف وتفرحو ان هيبقى جد ورجعت بصت تانى على الورق اللى على المكتب وبدأت تشتغل
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى المستشفى عند فرحه
دخل باسم المستشفى وهو شايل فرحه وخايف عليها ودخلها اوضت الكشف وشويه والدكتور جه ودخل عندها وطلب من باسم يخرج من الاوضه وكشف على فرحه وشويه وخرج الدكتور وهو متعصب وطلب من الممرضه انها تجيب دكتور نسا حالا راح باسم عنده وهو قلقان وقال
باسم :- خير يا دكتور
الدكتور :- بعصبيه اللى جوه دى تقربلك ايه
باسم :- بنتى خير يا دكتور
الدكتور :- بنتك مغتصبه يا استاذ
باسم :- لاء بنتى كانت متجوزه على سنة الله ورسوله
الدكتور :- يبقى جوزها ده مش بنأدم اكيد حيوان علشان يعمل فيها كده
باسم :- بقلق يعنى هى دلوقتى عامله ايه
الدكتور :- بنتك اغتصبت على ايد جوزها وللأسف هى حامل دلوقتى بس حالتها الصحية متسمحش بأنها تكمل الحمل ده هيكون فى خطوره على صحتها جدآ اولا لان الجهاز التناسلي عندها متهتك جدآ من الاغتصاب والرحم عندها هيكون صعب جدآ يستحمل طفل وهو فى الحاله دى ده طبعآ غير الحاله النفسيه عندها دى عندها انهيار عصبى حاد وانا بعت لدكتور النسا علشان يشوف ايه اللى مفروض يحصل
باسم :- وهو عينه كلها دموع قال ابوس ايدك يا دكتور انقذ بنتى من اللى هى فيه ورجعها ليا زى الاول
الدكتور :- ربنا يسهل بس عايز اقول ليك كلمه مفروض كنت قبل ما تدى بنتك لاى راجل سألت عليه كويس علشان مكنش حصل ليها كل ده البنأدم اللى انت جوزته بنتك ده حيوان على اللى عملو فيها ده مدمرها جسديآ ونفسيآ الغلط غلطكم انتو وذنبها فى رقبتكم انتم عن اذنك وسابه ودخل هو ودكتور النسا عند فرحه
باسم :- قعد فى الارض ودموعه نزلت منه وضرب نفسه وقال انا السبب انا اللى عملت فى بنتى كده انا اللى مفروض يتعاقب مش هى
وفى الوقت ده جه فهد وجاكلين وطلعو يجرو على باسم
فهد :- فرحه كويسه
باسم :- بدموع هز راسه بمعنى لاء وقال بنتى بتروح منى يا فهد وانا السبب انا اللى سلمتها للموت بأيدى
جاكلين :- ليه يا عمو كده هو الدكتور قالك ايه
باسم :- الندل الجبان اغتصبها ودمرها جسديآ ونفسيآ فرحه حامل والحمل خطر عليها علشان اللى هو عملو فيها
جاكلين :- حطت أيديها على بؤقها ودموعها نزلت منها ومقدرتش تنطق ولا كلمه
فهد :- صعب عليه باسم شده واخده فى حضنه وطبطب عليه وقال اهدا يا باسم إن شاءالله هتكون كويسه وهترجع احسن من الاول
باسم :- مفيش حاجه بترجع زى الاول يا فهد
فهد :- فرحه قويه وهترجع احسن صدقنى وفى الوقت ده خرجو الدكاتره
باسم :- طلع يجرى عليهم وقال بنتى عامله ايه
دكتور النسا :- انت ابوها
باسم :- هز راسه بمعنى ايوه
دكتور النسا :- تمام هى حالة بنتك صعبه طبعآ زى الدكتور ما بلغك بس للاسف برضه مش هنقدر ننزل البيبى لانها ضعيفه جدآ ومش هتستحمل فقدان دم الإجهاض لانها ضعيفه جدآ فده هسبب خطوره على حياتها لكن احنا هنحاول نحتفظ بالبيبى فى بطنها مع نظام علاج مخصوص ليها طبعآ زى عدم الحركه نهائى الغذاء الصحي مع نظام دواء ليها هتمشى عليه ومتابعه وان شاءالله كل شئ هيكون تمام واه طبعآ ممنوع نهائى اى علاقه زوجيه لان لا نفسيتها تسمح بده ولا جسديآ يسمح بده
فهد :- هى اصلا مطلقه
الدكتور :- تمام وياريت لو تخلو دكتور امراض نفسيه يتابع معها خلال الفتره ده هيحسن من صحتها ونفسيتها لأنها عندها انهيار عصبى حاد وده برضه فى خطوره على نفسها وعلى اللى حواليها وكتير فكرة التخلص من حياتها هتيجى فى بالها وهتحاول تنفذ الكلام ده كتير لان كمان هرمون الحمل بيبقى سبب فى تغير النفسيه للاسوأ
جاكلين :- طيب هى عامله ايه دلوقتى
الدكتور :- فاقت بس طبعآ منهاره من العياط
فهد :- شكرآ يا دكتور
الدكتور :- العفو عن اذنكم وسابهم ومشى
فهد :- خبط على كتف باسم وقال اجمد يا باسم لأنك دلوقتى مصدر قوتها
باسم :- بص لفهد ومسح دموعه ودخلو عند فرحه الاوضه وكانت منهاره من العياط
جاكلين :- قعدت جنبها واخدتها فى حضنها وقالت ششششش أهدى يا فرحه
فرحه :- مسكت اكتر فى جاكلين وقعدت تعيط
باسم :- قعد الجنب التانى وشدها فى حضنه وقعد يطبطب عليها ودموعه نزله منه وبعدين قال علشان خاطر ابوكى اللى بيحبك وقلبه وجعه عليكى بلاش تعملى كده علشان خاطرى يا فرحه بلاش دموعك اللى بتموتنى دى
فرحه :- ا.ا.انا حامل يا بابا ط.ط.طيب هعمل بيه أيه وهو هيفكرنى بأسوأ أيام عمرى هيفكرنى بوجعى اللى شوفته على ايد ابوه ط.ط.طيب لما يجى ويسألنى على ابوه هقوله أيه ها هقوله ابوك وجعنى وكسرنى ولا هقوله ابوك موت فيا كل حاجه حلوه حتى فرحتى بيه زى اى ام لما بتعرف انها حامل فى حته منها
فهد :- ربنا ليه اراده فى كده يمكن بعته ليكى علشان يكون سندك فى الدنيا هيكون هو فرحة زمانك هيكون سبب البسمه على شفايفك اه ابوه واحد ندل وجبان وواطى كمان بس يمكن دى الحسنه الوحيده اللى عملها ليكى خلاكى تكونى ام وده اعظم دور على وجه الارض انتبهى انتى لنفسك لحد ما يجى الدنيا بالسلامه وعيشى حياتك وكملى دراستك واعملى لنفسك كيان وفكرى تملى فى بكره علشان خاطر اللى فى بطنك اذا كان انتى ولا جاكى بنتى لازم تكونو اتعلمتو الدرس انكم بلاش الثقه الزائده فى الناس محدش يعلم اللى فى القلوب غير اللى خلقها تملى خليكم قوة نفسكم ومتخلوش حد يكسركم مهما حصل واللى معاه ربنا عمره ما يخاف وما أعظم الخالق لما يكون هو قوة عبيده
جاكلين :- عندك حق يا بابا احنا لازم نكون اقوى من كده وعلى رأى ماما الضربه اللى متموتش تقوى واحنا اتعلمنا الدرس كويس قوى وان شاءالله عمرنا ما هنقع فى الغلط ده تانى
فرحه :- بس انتى يا جاكى مخسرتيش حاجه لكن أنا خسرت كل حاجه
جاكلين :- بدموع لاء خسرت يا فرحه خسرت قلبى وكسرة نفسى اتوجعت زيك بالظبط يمكن اه ملمسنيش بس خيبت الامل والخذلان فى البنأدم اللى حبتيه كفيله تكسر اى واحده انا حبيت معاذ زى زيك بالظبط وكنت برسم معاه حياة ورديه وكنت بحلم باليوم اللى هكون فيه مراته وصحيت فى الاخر على كابوس على واحد كان وخدنى وسيلة انتقام من ابويه فى وجع اصعب من كده انك تطلعى بالنسبه ليه ولا حاجه دى كفيله تكسر روح اى واحده على وجه الارض وسكتت شويه وبعدين قالت ورغم كل ده مش قادره اكرهو وبحبه وبعدين مسحت دموعها وقالت بس لازم ادوس على قلبى لان عمرى ما هقبل كرامتى تنجرح من أى حد حتى لو روحى فيه
فهد :- راح عندها وشدها فى حضنه وقال وانا متأكد انك هتكونى قويه وهترجعى احسن من الاول كمان
باسم :- بص لفرحه ومسح دموعها وقال من هنا ورايح مش عايز اشوف دموع فى عينك فاهمه
فرحه :- هزت راسها بمعنى ماشى
فهد :- يلا بقى علشان نروح
فرحه :- ايوه عايزه أخرج من هنا
جاكلين :- راحت عند فرحه علشان تساعدها
باسم :- لاء يا جاكى انا هشلها وميل على فرحه شالها واخدها فى حضنه ونزل بيها على العربيه وحطها على الكرسى وراح ركب جنبها ورجع على الفيلا
فهد :- دفع حساب المستشفى ونزل هو وجاكلين ركبو العربيه وراحو على الفيلا
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى مستشفى الامراض العقليه
كان لسه جاسر قاعد مع مازن ودخل محمد ومعاه هنا
هنا :- اول ما شافت ابوها طلعت تجرى عليه وحضنته وقال واحشتنى اوى اوى يا بابا
مازن :- ضمها ليه اكتر وقال وانتى اكتر يا حبيبت بابا
هنا :- بفرحه الله يا بابا صوتك حلو اوى انا فرحانه انك اتكلمت تانى
محمد :- ياسلام يا اختى سبينى اسلم الاول على خالو
مازن :- هههههههه قرب منه واخده فى حضنه وقال بجد مش عارف اقولك ايه على اللى عملتو معايا
محمد :- ايه الكلام ده بس يا خالو انت فى مقام بابا الله يرحمه وتملى كنت بتمنى اشوفك واقبلك ولما قابلتك وشوفت حالتك زعلت اوى واخد عهد على نفسى مش هسيبك غير لما تخف وترجع لينا كويس
مازن :- ربنا يحميك ويحرسك يا ابنى صح فين امك بقالها يومين مش بتيجى ليا تعبانه ولا ايه
محمد :- لاء يا خالو بس فى اوراق مش كامله بره من بتوع شركات بابا سافرت تخلصهم وكمان يومين راجعه دى فرحة اوى لما عرفت انك اتكلمت
مازن :- تيجى بالسلامه يارب
وبعدين بص لجاسر وحط أيده على كتف هنا وقال دى بقى اختك هنا وبص لهنا وقال ده اخوكى جاسر
جاسر :- مد أيده علشان يسلم عليها
هنا :- اترمت فى حضن جاسر وقالت بدموع انا فرحانه اوى أن عندى اخ من بابا
جاسر :- بص لهنا بأستغراب وهى فى حضنه وقرب أيده ببطئ وضم هنا فى حضنه وبسها من راسها وقال انا اكتر منك انا مكنتش اتوقع عمرى أن يبقى ليا اخوات حاسس أن انا بحلم
مازن :- هههههههه مش قولتلك أن هنا هتفرح اوى بيك
هنا :- خرجت من حضن جاسر وقالت انا حاسه ان بحلم بابا رجع لينا وكمان عندى اخ من بابا
محمد :- كان فرحان على فرحة هنا وبيبص ليها بحب
مازن :- اخد باله من نظرات محمد لهنا قرب جنب ودنه وقال بتحبها
محمد :- اتفاجئ بالسؤال وقال احم ح.ح.حضرتك بتقول ايه
مازن :- مش انا اللى بقول عينيك هى اللى بتقول كده
محمد :- احم ايوه يا خالو ومستنى بس المشاكل اللى ما بين العيلتين تتصلح وهطلب ايديها علطول
مازن :- ربنا يسعدكم يارب وبص على هنا وجاسر وهما بيتكلمو مع بعض وبيضحكو
ضحك وقال عقبال ما ربنا يهدى تيلا وتقدر اللى كنت فيه وتسامحنى
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا اسر
وصل اسر الفيلا ودخل قعد على الكنبه
مها :- بقلق مالك يا قلبى تعبان ولا حاجه
أسر :- متخفيش يا حبى انا كويس
مها :- طيب عملت ايه
أسر :- كله ماشى تمام
مها :- ربنا يهديهم ويرجعو لبعض
أسر :- يارب
وفى الوقت ده دخل يوسف وهو على آخره
مها :- يوسف مالك يا ابنى على اخرك كده ليه
يوسف :- مفيش يا ماما
أسر :- هو ايه اللى مفيش يا ماما مش شايف شكلك ولا ايه
يوسف :- بعصبيه ولاد ال***** استغنو عنى فى الجريده
مها :- وهما ليه عملو كده
يوسف :- قال ايه علشان بغيب كتير عن الشغل مش بيبصو أيام ما كنت بنام هناك علشان اخلص الشغل واكبرهم الجريده
اسر :- بفرحه احسن انا محتاجك اكتر
يوسف :- محتاجنى فى ايه يا بابا
أسر :- فى الشركه يا ابنى انا لسه جاى منها تيلا الشركه كبيره عليها ومش عارفه تدرها لوحدها نزلت بس مقدرتش تعبت ورجعت تانى
يوسف :- وانا ايه دخلنى فى الهندسه يا بابا هى اختصاصها الهندسه لكن أنا صحافه
أسر :- يا ابنى يا حبيبى مش انت مسكتها فتره ومعاذ علمك كل حاجه
يوسف :- ايوه يا بابا بس كنت ببقى مطمن أن معاذ معايا لو غلط هو فاهم هيصلح ورايا لكن دلوقتى صعب
أسر :- متقلقش امسك انت الاداره وتيلا تمسك الشغل نفسه لكن الاداره والشغل كتير اوى على تيلا لوحدها
يوسف :- بس انا مش عايز يكون ليا علاقه بيها ولا عايز يجمعنا مكان واحد
مها :- ليه يا حبيبى كده راحت ولا جت دى برضه بنت خالتك
يوسف :- سكت ومردش عليها
أسر :- وبعدين انت هتكون فى مكتب وهى فى مكتب ومش هتتجمعو غير ساعة الاجتماعات بس
يوسف :- لا يا بابا معلش مش هينفع انا هنزل ادور على جريده تانيه واخلينى فى اختصاصي
مها :- يا ابنى حرام عليك انت بتعذبنا معاك ليه ابوك كبر وتعبان ومعندوش حد يعتمد عليه غيرك انت ابنه الوحيد
أسر :- انت مفكرها سهله عليا لما بنت اخت مراتى مسكه ليا الشغل علشان تعبان وابنى اللى من صلبى مكبر دماغه انا بتعذب وبحس بالعجز يا ابنى ده مالك انت واخواتك البنات وملزوم منك انت تحافظ عليه وتحافظ على تعبى اللى قعد عمرى كله اعملو ليكم علشان اامن ليكم مستقبلكم
يوسف :- سكت شويه وبعدين قال ماشى يا بابا هنزل الشركه من بكره بس اقسم بالله العظيم لو اللى انت مشغلها دى اتكلمت معايا نص حرف لكون قتلها ودفنها مكانها وسابهم وطلع على اوضه
مها :- بصت لأسر وقالت ربنا يستر شكلنا داخلين على مجزره اليومين اللى جاين
أسر :- لاء إن شاءالله هتمشى زى ما احنا عايزين
مها :- يارب
وفى الوقت ده دخل فريد وقال
فريد :- السلام عليكم
اسر ومها :- وعليكم السلام
أسر :- تعال يا ابنى
فريد :- انا اسف يا عمى أن جيت ليكم من غير معاد
مها :- انت عبيط يا ابنى ده بيت خالتك تيجى فيه فى اى وقت
فريد :- ربنا يخليكى يا خالتى يوسف موجود
أسر :- ايوه لسه طالع اوضه
فريد :- طيب بعد اذنك يا عمى انا طالع ليه
اسر :- براحتك يا حبيبى
فريد :- طلع عند اوضت يوسف وخبط على الباب
يوسف :- فتح الباب وقال فريد تعال
فريد :- معلش يا يوسف عايزك فى كلمتين
يوسف :- ادخل يا ابنى فى ايه
فريد :- دخل وقعد على الكنبه
يوسف :- قعد وقال خير يا فريد
فريد :- انا جيت اقولك الحقيقه اللى خلت تيلا تروح تقابل الراجل ده
يوسف :- بعصبيه فريد مش عايز اسمع اسمها ولا عايز اتكلم فى الموضوع ده
فريد :- وقف وقال لاء يا يوسف لازم تسمع هقولك ايه تيلا مظلومه وعملت كده علشان تنق
يوسف :- قطعه وقال فريد قولتلك مش عايز اعرف حاجه
فريد :- لازم تعرف قبل فوات الاوان علشان لو عرفت بعد كده من بره هتندم فى وقت مينفعش فيه الندم
يوسف :- هتقولى أن تيلا مظلومه ومحصلش حاجه ما بينها وبين الشاب ده هقولك عارف ومتأكد من كده لكن خانت ثقتى فيها لما اتصرفت من دماغها وخبت عليا موضوع التليفونات اللى بتيجى ليها لو كانت جت وقالت كنت قدرت احميها من الدنيا بحالها لكن هى كانت شيفانى واحد ضعيف علشان كده اتصرفت من نفسها صحيح محصلش حاجه ما بنهم بس قولى ازاى هنسا منظرها بقميص النوم فى حضن الراجل ده هنسا أن لمس جسمها وهو بيقلعها ازاى هى دى الخيانه بجد يا فريد
فريد :- بس هى مكنتش عايزه كل ده يحصل هى كانت رايحه تعمل خير كانت رايحه ليه علشان هددتها بفيد
يوسف :- قطعه وقال مهما كان السبب خلاص يا فريد تيلا صفحه قديمه وانتهت من حياتى وياريت يا فريد بالله عليك ما تفتح الموضوع ده تانى
فريد :- انت حلفتنى وبحلفانك ده سكتنى عن الحق
يوسف :- مش فارقه يا فريد القلب اتكسر ومينفعش يتصلح
فريد :- بصله وقال براحتك يا ابن خالتى وخبط على كتفه وسابه ونزل ركب عربيته وراح على الفيلا
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا فهد المنشاوى
وصل فريد الفيلا وطلع على اوضه وفتح الباب لاقه سمر قاعده على السرير وبتعيط دخل وقفل الباب بعصبيه
سمر :- اول ما شافت فريد قامت تجرى وراحت عليه تحضنه
فريد :- بعدها عنه وقعد على الكنبه من غير ولا كلمه
سمر :- راحت عنده وقعدت قصاده على ركابها ومسكت أيده وقالت بدموع حقك عليا انا اسفه والله مش هعمل كده تانى بس بالله عليك بلاش تزعل منى وتبعد عنى
فريد :- قام من قدامها وسابها ووقف
سمر :- قامت راحت عنده ووقفت قصاده وقالت ط.ط.طيب اعمل فيا اللى انت عايزه اضربنى اشتمنى اى حاجه تتطلع بيها الزعل اللى جواك بس متقعدش ساكت كده ومخاصمنى
فريد :- لسه هيمشى من قدمها
سمر :- بدموع فريد انا حامل
فريد :- اتصدم من اللى سمعه وبص ليها وقال حامل
سمر :- بدموع ا.ا.ايوه مى خلت عدى جاب ليا اختبار حمل وعملته وطلعت حامل
فريد :- وقف مكانه ومبقاش عارف يعمل ايه وبعدين مشى قعد على الكنبه وقال انتى تعرفى أن كنت بتمنا اليوم ده بس النهارده لما عرفت الخبر معرفتش افرح علشان الوقت اللى احنا عايشين سعده فيه فى بيت تانى اتخرب بسبب تهورك واستهتارك حاولت اصلح الأمور لكن للاسف معرفتش ده طبعآ غير جسم مراتى اللى الناس كلها شافته والسبب لحظة تهور منك واستهتار بجد انا متلغبط ومش عارف اتصرف ازاى ولا اعمل ايه
سمر :- ا.ا.انا عارفه أن غلطانه ومكنش مفروض اصور نفسى وانا كده بس هعرف منين أن هيحصل كل ده من وراه فيديو زى ده وفى الاخر يا فريد ده مقدر ومكتوب وربنا رايد كده
فريد :- ربنا قال تجنبو الشبهات وانتى روحتى رميتى نفسك فيها ده جهاز اى حد بسهوله ممكن يدخل عليه وياخد كل اللى عليه بأقل مجهود مفكرتيش أبدآ بعقلك
سمر :- قعدت قصاده وقالت بدموع انا اسفه وحيات اغلى حاجه عندك سامحنى وحياة ده ومسكت ايد فريد وحطتها على بطنها
فريد :- سحب أيده وقال قومى يا سمر نامى قومى
سمر :- مش هعرف انام طول ما انت زعلان منى
فريد :- وهو بينام على الكنبه روحى يا سمر
سمر :- لالالا ا.ا.انت هتنام هنا وتسبنى ط.ط.طيب ازاى وانا مش بعرف انام غير فى حضنك
فريد :- وهو بيغمض عينيه اسمعى الكلام وأمشى يا سمر على السرير
سمر :- بدموع والله مش هعرف
فريد :- اقسم بالله لو مروحتيش تنامى على السرير وسكتى هسيب ليكى الاوضه وهمشى
سمر :- بصت ليه بدموع وقامت راحت على السرير وقعدت تعيط
فريد :- أداها ضهره وقلبه كان بيتقطع على سمر وهو سمعها بتعيط بس حاول يستحمل علشان يقدر يعاقبها
سمر :- قعدت تبص على فريد وتعيط ومعرفتش تنام
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى اوضت عدى
عدى كان نايم على السرير ومى وقفه بتسرح شعرها بالبورنص قدام المرايا
مى :- انا فرحانه اوى أن سمر حامل بس زعلانه على اللى هى فيه مع فريد
عدى :- بس هى غلطانه يعنى بسبب فيديو مكنش ليه لازمه انها تصوره خربت بيت اخوكى ودارت على فريد ومقالتش الحقيقه ولا حاولت تبرأ تيلا بجد انا مستغرب افعال اختك دى
مى :- سمر تلقائيه وكانت مصوره الفيديو على سبيل الذكره وكده ولما فريد يغيب تشوفه فى الفيديو ده أصلها بتحبه لدرجة الجنون ومكنتش مصدقه نفسها انها فعلا اتجوزت هى وفريد
عدى :- بس اللى مطمنى شويه أن فريد اه عصبى بس حكيم فى تصرفاته ومش متهور زى يوسف يعنى ممكن يعاقب سمر بأى طريقه بس مستحيل يهنها ولا يطلقها لان هو كمان بيحبها وميقدرش يعيش من غيرها
مى :- جاكلين وسمر وفرحه وتيلا الاربعه دول زعلانه اوى اوى علشانهم الدنيا جايه عليهم اوى
عدى :- جاكى اختى حبته وهو كمان حبها بجد بس المشكله فى الطريقه اللى اتجوزها بيها معاذ
أما سمر فهى اكيد غلطانه وسببت هدم بيت تانى بتهورها
اما فرحه فدى بجد اللى صعبانه عليا حبت واحد ميستهلهاش وتعبها جامد بس هى السبب اختارت البنأدم الغلط وادته قلبها من غير ما تفكر
أما تيلا ويوسف الاتنين غلطانين والاتنين عندهم العند والكبرياء ومحدش فيهم عنده استعداد يتنازل عن العند والكبرياء دول ويعتذرو لبعض وهيندمه جامد على فكره بس بعد فوات الاوان
مى :- ربنا يصلح حالهم يارب
عدى :- متعرفيش بابا وجاكلين اتأخرو ليه كده
مى :- خالتو اتصلت بيه وقالها عمو فهد أن فرحه تعبت بعد ما اطلقو الاتنين واخدوها المستشفى وزمانهم جين دلوقتى
عدى :- انا الصراحه مش قادر انزل اشوف جاكى واشوف الكسره والحزن اللى هيكونو فى عينيها لأنها لسه بتحب معاذ
مى :- خلاص لما تيجى هنزل انا اطمن عليها
عدى :- قام وراح عند مى وحضنها من ضهرها وقال ما تيجى ده انا خلاص من بكره هنزل الشغل وهبعد عنك كام ساعه
مى :- والنبى انت فايق ورايق بص احنا فى ايه وانت بتفكر فى ايه
عدى :- يا قلبى كلنا زعلانين على اللى بيحصل ده بس برضه الواحد لازم يشحن طاقته علشان يقدر يصد على المشاكل دى
مى :- لاء منطق برضه اقنتعتنى الصراحه
عدى :- لفها ليه وقال طول عمرى بقنعك ووقعتك فى حبى ولا ايه وغمز ليها
مى :- فى دى عندك حق اقنعتنى بيك ازاى مش عارفه الصراحه
عدى :- علشان حبيتك بصدق ومن قلبى
مى :- وانا بعشقك يا أجمل واحلى حاجه فى حياتى
عدى :- عارفه نفسى فى ايه
مى :- لفت دراعها حوالين رقبت عدى وقالت ايه
عدى :- نفسى يكون عندى طفل منك حته منى ومنك ياخد جنانى وجنانك وفى نفس الوقت ياخد حلاوتك وخفة دمك
مى :- إن شاءالله يا حبيبى
عدى :- بسها فى حرف مناخيرها وقال بحبك
مى :- وانا بعشقك
عدى :- قرب من شفايفها وبسها بوسه طويله وبعد وقت بعد عنها وميل عليها وشالها وحطها على السرير ومد أيده فتح الحزام بتاع البورنص وقرب منها وبسها فى رقبتها بس فى الوقت ده مى سمعت صوت عربية فهد زقت عدى من عليها وقالت عمو فهد جه وقامت لبست هدومها
عدى :- بصلها بغيظ وقال والله وده اسميه ايه ده
مى :- معلش بقى يا دودى لازم انزل علشان اطمن على جاكى
عدى :- بغيظ حبكت دلوقتى
مى :- بسته فى خده وقالت مش هغيب عليك وفتحت الباب ونزلت تجرى
عدى :- حط أيده تحت راسها وبص لسقف ونفخ
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا باسم
وصل باسم وفرحه وسندها ودخل بيها قعدها على الكنبه
مى راحت تجرى عليهم
مى :- بلهفه وخوف ايه يا باسم كل ده كنتو فين وبطلبك مش بترد عليا ليه
باسم :- بتعب كنا فى المستشفى
مى :- نهار اسود مستشفى ليه
باسم :- فرحه اغمى عليها بعد الطلاق واخدها المستشفى و.و.و
مى :- وايه قول
باسم :- وطلعت حامل
مى :- بصدمه حامل
باسم :- للاسف وكمان الحمل خطر عليها
مى :- قعدت جنب فرحه واخدتها فى حضنها وقالت يا قلب امك يا بنتى
باسم :- اهم حاجه يا مى الراحه يعنى تنام على السرير ومتتحركش وهشوف دكتور كويس تتابع معاه
مى :- بدموع حاضر
وفى الوقت ده دخلت تيلا ووراها هنا
تيلا :- عملتو ايه يا بابا بتصل بيك ومش بترد
باسم :- أطلقت منه خلاص
هنا :- الحمدالله انك خلصتى منه يا فرحه ربنا يعوض عليكى بأحسن منه
فرحه :- كانت دموعها نزله منها ومش بترد على حد
تيلا :- لاء يا فرحه خليكى اقوى من كده يا حبيبتى ميستهلش دمعه واحده من عينيكى
مى :- بدموع كسرها ووجعها ربنا ينتقم منه
تيلا :- تعالى اطلعك اوضك يا حبيبتى
مى :- خديها يا توته وبراحه عليها علشان حامل
تيلا :- بصدمه حامل وحطت ايديها بتلقائيه على بطنها ودموعها نزلت منها
هنا :- ط.ط.طيب هتعملو ايه فى المشكله دى
باسم :- ولا حاجه دى أرادت ربنا يجى واحنا هنربوه احسن تربيه
تيلا :- راحت عند فرحه وسندتها وطلعتها اوضتها غيرت ليها هدومها ونيمتها على سريرها وغطتها وخرجت
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
انتهى اليوم مابين اوجاع وحزن البعض وفرح ورومانسية البعض
اشرقت شمس صباح يوم جديد بنورها الساطع فى سماء الاسكندريه ليبدأ ابطالنا بالاستيقاظ
فى فيلا باسم
كان الكل متجمع على سفرة الاكل معادا فرحه وباسم
تيلا :- فرحه عامله النهارده
مى :- فطرتها بالعافيه وادتها العلاج بتاعها ونامت تانى
هنا :- صعبانه عليا اوى
تيلا :- وانا كمان حاسه انها اتظلمت جامد مع البنأدم ده واصعب عقاب ليها انها تطلع حامل منه
مى :- ربنا ينتقم منه
هنا :- امال فين بابا
مى :- معرفش نزل من بدرى وقال رايح مشوار
تيلا :- وقفت وقالت انا ماشيه
مى :- يا بنتى كلى كويس
تيلا :- شبعت والله يا ماما
هنا :- تيلا انتى بجد حامل
تيلا :- بصت لمى وبعدين بصت ليها وقالت انتى عرفتى منين
هنا :- من محمد قال انك اغمى عليكى عند بابا والدكتور كشف عليكى وطلعتى حامل
تيلا :- ايوه يا هنا حامل بس حسك عينك حد يعرف حاجه بالموضوع ده
هنا :- ليه طيب ما انتى كده كده بطنك هتبان وهتتعرف انك حامل
تيلا :- لاء يا هنا لما احس ان بطنى بدأت تبان هقعد فى المنصوره لحد ما اولد
هنا :- انتى حره وانا كده كده مش بشوف حد من العيله
تيلا :- سلام وسابتهم ومشيت
مى :- انتى برضه روحتى عند مازن فى المستشفى
هنا :- ايوه يا ماما روحت ليه امبارح وهطلع النهارده من الكليه هروح ليه
مى :- بغيظ براحتك يا هنا وقامت وسابتها
هنا :- وانت كمان مش عايز تقول حاجه بدل ما انت ساكت كده
عمار :- لاء وقام من على السفره ومشى
هنا :- اتنهدت وقامت هى كمان راحت على الكليه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا فهد المنشاوى
فى اوضت فريد
صحى فريد من نومه وقام دخل الحمام اخد شاور واتوضه وخرج لبس هدومه واده فرضه وفى الوقت ده صحيت سمر وكانت تعبانه ونفسها بتغم عليها قامت جريت على الحمام وقعدت ترجع
فريد :- اتخض على سمر لما شفها كده ومبقاش عارف يعمل ايه خرج من الاوضه وراح خبط على اوضت امه
مليكه :- بخضه فريد فى ايه يا ابنى
فريد :- بقلق ماما سمر عماله ترجع ومش عارف اعمل ايه
مليكه :- متقلقش يا حبيبى ده طبيعى فى أول شهور الحمل وسعات كمان بتقعد كده التسع شهور
فريد :- طيب مفيش اى حاجه تخدها تريحها شويه
مليكه :- مش عارفه اتصل بالدكتور وهو لو فيه يقولك عليها واحنا نجبها ليها علطول
فريد :- ح.ح.حاضر
مليكه :- استنا هاجى معاك وطلعت مليكه مع فريد ودخلت الاوضه وكانت سمر لسه بترجع دخلت عندها وسندتها لحد ما خلصت وبعدين دخلتها نيمتها على السرير ومسحت ليها العرق وقالت
مليكه :- ريحى يا حبيبتى معلش هو الحمل كده مش بالساهل ربنا يكمل حملك على خير يارب
سمر :- تعبانه اوى يا خالتو ومش طايقه ريحت اى حاجه
مليكه :- عارفه يا حبيبتى ده الوحم
فريد :- كان قاعد على الكنبه بيبص عليهم
مليكه :- روح انت الكليه بتاعتك يا فريد وانا ومى هنخلى بالنا منها
فريد :- احم انا مفصول من الكليه شهرين
مليكه :- بصدمه ايه طيب ليه
فريد :- بص بغيظ لسمر وقال شديت انا وواحد فى الكليه
مليكه :- مشكلتك عصبيتك وبصت لسمر وقالت خليكى انتى مرتاحه وانا هبعت ليكى الفطار هنا
سمر :- لالالا مش هقدر يا خالتو
مليكه :- لاء يا حبيبتى انتى دلوقتى بتاكلى لاتنين لازم تتغذى كويس
سمر :- هرجع مش هقدر
مليكه :- معلش اغصبى على نفسك يا حبيبتى وبصت لفريد وقالت تعال انت يا فريد هى بتسمع كلامك
فريد :- هاتى الاكل يا ماما وانا هتصرف معاها
مليكه :- ماشى يا حبيبى ونزلت عملت الفطار وطلعته لفريد ونزلت تحضر الاكل ليهم تحت
فريد :- اخد الاكل من امه ودخل قعد على السرير جنب سمر وقال خدى كلى
سمر :- م.م.مش عايزه
فريد :- اخد اللقمه وقربها من بؤقها وقال افتحى بؤق
سمر :- امممم لاء مش عايزه هرجع والله
فريد :- بزعيق افتحى
سمر :- خافت وفتحت بؤقها
فريد :- حط ليها اللقمه وقال ابلعى
سمر :- اول ما جت تبلع نفسها غمت عليها وطلعت تجرى على الحمام وقعدت ترجع
فريد :- صعبت عليه دخل الحمام وحط أيده حاولين وسطها ورفع ليها شعرها ومسح ليها العرق وهى بترجع وبعد وقت سندها ورجعها تانى على السرير ونيمها وغطاها ولسه هيقوم
سمر :- مسكت أيده وقالت خليك جنبى يا فريد
فريد :- غمض عينه وقعد على حرف السرير
سمر :- قامت ونامت فى حضنه
فريد :- كان لسه هيضمها ليه افتكر اللى حصل بعد أيده عنها تانى
سمر :- وهى نايمه فى حضنه مسكت فى هدومه وعيطت وقالت انا اسفه بالله عليك سامحنى
فريد :- مش وقته يا سمر نامى ريحى شويه
سمر :- عمرى ما هشوف الراحه طول ما انت زعلان منى
فريد :- سمر بلاش كلام كتير قولتلك نامى ولا اقوم
سمر :- لالالا خلاص هنام اهو وغمضت عينيها والدموع نازله منها
فريد :- صعبت عليه سمر وعينه دمعت عليها بس حاول يجى على نفسه وعليها علشان يعاقبها على غلطتها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا اسر
نزل يوسف من اوضه وقال
يوسف :- صباح الخير
مها واسر :- صباح النور
يوسف :- انا رايح الشركه عايزين حاجه
مها :- طيب يا ابنى اقعد افطر الاول
يوسف :- لاء مليش نفس
أسر :- يوسف ملكش دعوه بتوته وبلاش تشد معاها
يوسف :- مليش دعوه بحد انا هقعد فى المكتب بتاعى واشوف شغلى سلام وسابهم ومشى ركب عربيته وراح على الشركه وبعد وقت وصل الشركه وركب الاسانسير ولسه هيقفل جت تيلا بسرعه علشان تركب فيه ولسه هتدخل اتفاجئت بوجود يوسف رجعت لوراه وبصت فى الارض
يوسف :- هتركبى ولا لاء
تيلا :- اطلع انت
يوسف :- قفل الاسانسير وطلع بيه
تيلا :- كانت مش عارفه تعمل ايه تمشى ولا تطلع تكمل وحطت ايديها على بطنها وغمضت عينيها وقالت أهدى أهدى هيعرف منين أنك حامل أهدى كده مفيش داعى للقلق ده وفى الوقت ده جه أياد وقال
أياد :- احم خير حضرتك واقفه بتكلمى نفسك فى حاجه
تيلا :- ها ل.ل.لا م.م.مفيش
أياد :- طيب حضرتك هتركبى ولا ايه الاسانسير مفتوح من بدرى
تيلا :- ا.ا.اه وركبت الاسانسير وركب معاها اياد وطلعو فوق عند المكتب وكان فى الوقت ده يوسف لسه واقف مع السكرتيره بيعرف منها اخر اخبار الشغل وشاف تيلا طالعه مع شاب غريب وبتتكلم معاه
تيلا :- راحت عند السكرتيره هى وأياد وقالت خلى الباش مهندس يمضى العقد عند المحامى ودخليه مكتب معاذ من هنا ورايح هيكون مكتبه
السكرتيره :- حاضر يا فندم
تيلا :- بصت لاياد وقالت مبروك الوظيفه يا أستاذ أياد
أياد :- الله يبارك فى حضرتك
تيلا :- عن اذنك وسابته ودخلت المكتب بتاعها
يوسف :- كان واقف متغاظ من كلام تيلا مع أياد
السكرتيره :- استاذ يوسف اتفضل حضرتك على المكتب وانا هجيب لحضرتك كل الورق بتاع الصفقات اللى فاتت
يوسف :- ها ماشى وبص على أياد من فوق لتحت ودخل على مكتبه
أياد :- مين ده
السكرتيره :- ده أستاذ يوسف ابن أستاذ أسر صاحب الشركه بس شكله كده هيمسك هنا علطول
أياد :- امممم ماشى يلا علشان أمضى العقد
السكرتيره :- دقيقه واحده ادخل لأستاذ يوسف الورق ده واجى ليك اتفضل اقعد
أياد :- ماشى براحتك انا مستنيكى
السكرتيره :- اخدت الورق ودخلت بيه مكتب يوسف وحطته ليه على المكتب وقالت اتفضل يا فندم
يوسف :- هو مين البنأدم اللى كان بره ده
السكرتيره :- ده الباش مهندس أياد اتقدم امبارح على الوظيفه ومدام تيلا قعدت معاه امبارح ووفقت عليه ونزلته النهارده مكان استاذ معاذ
يوسف :- امممم ماشى اتفضلى على مكتبك
السكرتيره :- خرجت من المكتب ويوسف مسك الورق وبدأ يبص فيه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا فهد المنشاوى
كان الكل قاعد على السفره معاده فريد وسمر
فهد :- سمر وفريد منزلوش ليه
مليكه :- ماانت عارف الحمل وتعبه يا فهد طلعت ليهم الفطار فوق فى الاوضه
مى :- انا فرحانه اوى ان هكون خاله
عدى :- وانا كمان فرحان ان هكون عمى ههههههههه
مليكه :- عقبال ما ربنا يكرمك انت ومى يارب
مى :- وانتى يا جاكى مش فرحانه انك هتكونى عمه
جاكلين :- كانت سرحانه وقالت ها ا.ا اه طبعا
فهد :- مش ناويه تنزلى شغلك يا حبيبتى بقالك كتير اوى منزلتيش
جاكلين :- ايوه يا بابا هنزل الشغل النهارده
مليكه :- احسن حاجه عملتيها علشان تسلى نفسك
جاكلين :- وقفت وقالت عن اذنكم
مليكه :- ما تقعدى كملى اكلك
جاكلين :- شبعت الحمدالله
فهد :- استنى اوصلك معايه فى سكتى
جاكلين :- متتعبش نفسك يا بابا انا هركب عربيتى
فهد :- اللى يريحك يا حبيبتى
جاكلين :- ركبت العربيه بتاعتها وراحت على الجريده
فهد :- وقف وقال انا ماشى عايزين حاجه
مليكه :- لاء يا حبيبى خلى بالك على نفسك
فهد :- بسها فى راسها وبص لعدى وقال خلص نفسك وتعال على الشركه متتأخرش
عدى:- هوصل مى الكليه وجاى علطول على الشركه
فهد :- ماشى سلام وخرج ركب عربيته وراح على الشركه
عدى :- وقف وقال يلا يا ميوش
مى :- يلا
عدى :- مسك ايد مى وبص لمليكه وقال عايزه حاجه يا ماما
مليكه :- لاء يا حبيب قلبى ربنا معاكم خلى بالكم من بعض
عدى :- باس راس مليكه وخرج هو ومى وركبو العربيه وراح عند الكليه
مى :- لسه هتنزل من العربيه
عدى :- رايحه فين
مى :- هنزل
عدى :- كده علطول من غير ما تسلمى عليا
مى :- عدى احنا فى الشارع
عدى :- محدش ليه حاجه عندنا وشاور على خده
مى :- قربت من خده علشان تبوسه
عدى :- لف وشه وبسها من شفايفها بوسه طويله وبعد وقت بعد عنها
مى :- ايه اللى انت عملته ده يا عدى
عدى :- اعمل ايه واحشتينى من قبل ما تنزلى من العربيه هستحمل بعدك عنى كل ده ازاى
مى :- بدلع معلش بقى يا دودى اكل عيشك وانا مستقبلى
عدى :- يا دين النبى حرام عليكى بتعذبينى اكتر بدلعك ده انا مجنون وربنا اشغل العربيه وارجع بيكى الفيلا تانى
مى :- فتحت الباب ونزلت وهى بتضحك وقالت ههههههههههه خلاص خلاص مجنون وتعملها ومشيت وشاورت ليه وقالت سلام
عدى :- بعت ليها بوسه فى الهوا وقال مع السلامه يا عمرى واطمن على دخول مى الكليه وشغل العربيه وراح على الشركه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا فارس المنشاوى
كان الكل قاعد بيفطر وجرس الباب رن
كريم :- بص لبسمله وقال بسله قومى شوفى مين
بسمله :- ما تقوم انت ولا اتشليت
جومانه :- اقعدو اتعزمو على بعض واللى على الباب يتفلق
كريم :- اخلصى قومى
بسمله :- وقفت وقالت والله العظيم انت غلس ومشيت تفتح الباب
كريم :- هههههههه يا سلام عليا وانا مسيطر كده
فارس :- بلا وكسه يا عرة الرجاله المفروض انت اللى تفتح الباب مش اختك البنت
كريم :- احم ايه حكاية الكلمه دى معايا كله يقولى يا عرة الرجاله هو انا باين عليا اوى كده
جومانه :- ايوآ انت عرة الرجاله واللى قالك كده بنأدم بيفهم بجد
كريم :- افتكر ولاء لما قالتها ليه وضحك
جومانه :- شكله غالى اوى عندك وغمزت ليه
كريم :- احم ب.ب.بسله مين جه
عند بسمله راحت تفتح الباب وهى متغاظه واتفاجئت بجاسر وقالت
بسمله :- جاسر
جاسر :- مقدرش يعدى عليا يوم من غير ما اشوفك فيه وانتى مش هتيجى المستشفى النهارده قولت اجى الحق اشوفك قبل ما تنزلى المدرسه
بسمله :- احم ا.ا.اتفضل
وفى الوقت ده سمعت صوت كريم وهو بينده عليها ردت عليه وقالت د.د.ده جاسر صاحبك
جاسر :- قرب منها وقال اسمى حلو اوى من شفايفك
بسمله :- ا.ا.اتفضل ادخل
جاسر :- ضحك على كسوفها ودخل معاها عند كريم وقال السلام عليكم
الكل :- وعليكم السلام
جومانه :- ليك واحشه والله يا ابنى
جاسر :- وحضرتك اكتر والله يا طنط
فارس :- اخدنا عليك كأنك واحد مننا
بسمله :- ما هو طلع مننا يا بابا مش غريب
كريم :- بصلها بأستغراب وقال ازاى يا ام العريف
بسمله :- اتوترت ومعرفتش ترد عليه
جاسر :- ادخل وقال اصل بسمله كانت هناك فى المستشفى اللى تبع الجمعيه بتاعتنا وبالصدفه عرفت أن انا لاقيت ابويه وطلع قريبكم
فارس :- ازاى مش فاهم
جاسر :- ابويه كنت بدور عليه ومش عارف اوصله من يوم ما اتولد وبالصدفه عرفت انه فى المستشفى مريض ومحجوز من زمان اوى
كريم :- طيب قربنا ازاى
جاسر :- ابويه مازن ابو تيلا وهنا
فارس :- بص لجومانه وبعدين بص ليه وقال انت ابن مازن
جاسر :- ايوه وعرفته من المستشفى
كريم :- انا دلوقتى فهمت كلامك بعد الفرح بتاع تيلا لما قولت انك حاسس بحاجه غريبه مش عارف ايه هى
جاسر :- طلعت تيلا وهنا اخواتى البنات
فارس :- بس ازاى دخل المستشفى وأمته اللى انا اعرفه ان اخد تيلا وهرب بيها واتقطعت أخباره بعد كده انا فاكر فى اليوم ده عرفنا أن مازن كان متجوز على مى وطلقها لما كانت حامل
جاسر :- بابا مريض نفسى ومحجوز فى المستشفى من يوم موضوع تيلا أما الست الحامل دى تبقى امى وكانت حامل فيا
جومانه :- ربنا يفرح قلبك يا ابنى انت طيب وتستاهل كل خير
كريم :- علشان كده مكنش حد بيشوف وشك اليومين اللى فاتو
جاسر :- بالظبط كده كنت بروح ليه المستشفى واروح على النوم قولت النهارده اروح الكليه اشوف ايه الاخبار
كريم :- خير ما عملت يلا يا اخويه يلا واخد جاسر وركب عربيته ومشى بيها
جاسر :- انا ليه حاسس انك عندك حاجه جواك وعايز تقولها
كريم :- الصراحه ايوه
جاسر :- قول علطول مالك
كريم :- وقف العربيه وقال شكلى وقعت ومحدش سما عليا يا جاسر
جاسر :- ليه هههههههههه
كريم :- عارف البت اللى تملى كل ما نتقابل نشد مع بعض
جاسر :- ايوه بتاعت السندوتشات
كريم :- ايوه هى من ساعة اخر موقف حصل ما بنا وانا علطول بفكر فيها وقلبى بيدق جامد كل ما افتكرها وهموت واشوفها واحشانى عينيها اوى اوى يا جاسر
جاسر :- صلاة النبى احسن انا قولت هيبقى فى حاجه ما بنكم فى يوم من الايام وبالذات البت شخصيتها قويه وهى اللى هتقدر عليك
كريم :- اعمل ايه طب
جاسر :- سيب نفسك وحبها ده احلى احساس فى الدنيا هو الحب وبالذات لما يكون فيه مشدات وحركات مجنونه ما بنكم
كريم :- ما انت عارف يا جاسر انا مليش فى الحب ووجع القلب ده
جاسر :- انت بالفعل وقعت يا كيمو غصب عنك مش برضاك
كريم :- طيب انا عايز أشوفها اعمل ايه
جاسر :- روح قدام الكليه بتاعتها واعمل نفسك معدى بالصدفه وشوفها وسلم عليها
كريم :- ده ايه الجو القديم ده
جاسر:- والله ده اللى عندى شوف لو عندك طريقه تانيه اعملها
كريم :- للاسف معنديش
جاسر :- يبقى نفذ وانت ساكت النهارده بعد الكليه
كريم :- لما نشوف اخرت نصيحك السوده دى وشغل العربيه ومشى بيها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى شركة فهد المنشاوى
وصل فهد الشركه ونزل من عربيته وطلع على مكتبه
وشويه ووصل عدى ودخل المكتب عند ابوه وقعد
فهد :- كفايه دلع لحد كده وشوف شغلك بقى فى مصالح كتير وقفه عليك
عدى :- حاضر بس كنت عايز أسألك سؤال
فهد :- أسأل
عدى :- ايه اخر اخبار روان
فهد :- انت عارف ان اليومين اللى فاتو كنت مشغول بموضوع اختك ومكنتش متابع بس انا مخلى ناس تراقبها وهعرف منهم النهارده اخر اخبارها
عدى :- اصل بقالها فتره مختفيه وخايف لتكون بتخطط لمصيبه
فهد :- انا قولتلك خليك انت مع مراتك ومتشغلش بالك بروان المهم عملت ايه مع مراتك
عدى :- لاء الحمدالله ربنا هداها عليا ونسيت موضوع روان ده نهائى
فهد:- ربنا يسعدكم ويهنيكم
وفى الوقت ده تليفون فهد رن رد وقال خير فى ايه
واحد من رجالة فهد :- الحق يا باشا تعال المخزن دلوقتى حالا
فهد :- وقف وقال انا جاى حالا ونزل هو وعدى المخزن واتصدم وقال .................
