 |
رواية عشقت كبريائي فهد ومليكة الجزء الثالث (لقاء الاحبة) الفصل السادس والثلاثون بقلم دودو محمد
فى شركة أسر
فى مكتب تيلا
كانت قعده متوتره من وجود يوسف معاها فى الشركه
ودخلت السكرتيره وقالت
السكرتيره :- مدام تيلا فى اجتماع بعد نص ساعه
تيلا :- بتاع ايه ده
السكرتيره :- الاداره استاذ اسر عملو ليكم
تيلا :- لينا اللى هو مين
السكرتيره :- حضرتك واستاذ يوسف وأستاذ أياد واتنين من الإداريين والمحامى بتاع الشركه
تيلا :- تمام هكون جاهزه فى الميعاد بس ياريت تبعتى ليا كوباية حليب
السكرتيره :- بأستغراب حاضر يا فندم وخرجت وقفلت الباب وراها وطلبت اللى تيلا عايزاه ودخلت مكتب يوسف وبلغته نفس الكلام وخرجت قعدت على مكتابها
وبعد مرور نص ساعه بدأ الاجتماع ووصل أسر الشركه وقعد على الكرسى وقال
أسر :- طبعآ انتو مستغرابين الاجتماع ليه بس كان لازم منه علشان كل واحد يعرف دوره فى الشركه
يوسف :- كان فيك تقول لكل واحد فى مكتبه مكنش لازم تعمل الاجتماع ده
أسر :- لاء كان لازم علشان الكلام ده هيتسجل فى شؤون العاملين وهيتمضى عليه
تيلا :- اللى حضرتك شايفه صح اعمله وانا معاك فيه
أسر :- ربنا يبارك فيكى يا بنتى وبص للمحامى وقال وزع الورق عليهم
المحامى :- حط الورق قدامهم وقعد تانى
أسر :- اولا يوسف هيكون مسؤول عن الاداره للشركه وده لأنه ملهوش فى شغل الهندسه والديكور
ثانيآ تيلا هتكون المسؤوله عن تنفيذ المشاريع ومتابعتها وده لأنه من اختصاصها الهندسه
ثالثآ اياد هيكون مساعد مشترك فى الاداره وفى تنفيذ المشاريع نظرآ لخبرته فى المجال الهندسى وإدارة الشركات
رابعآ الشغل هيكون مشترك ما بين الاداره وتنفيذ المشاريع
يوسف :- ليه بقى أن شاءالله
أسر :- علشان لازم العمل المشترك للشركه علشان تفضل مكانتها زى ما هى وسط الشركات التانيه
تيلا :- بس يا عمو قصدى يا استاذ اسر لا هو بيفهم فى شغلى ولا انا ليا علاقه بشغله
أسر :- لاء ازاى بقى وبعدين وجود أياد كعامل مشترك ما بنكم هيقدر يقرب وجهة النظر ما بين الاتنين
يوسف :- بص بقرف لأياد وبص على تيلا وبعدين قال ماشى
أسر :- فى اى حد عنده أسأله
الكل :- لاء يا فندم كله تمام
أسر :- امضوه على العقود اللى قصادكم واللى متأيد فيه الكلام اللى انا قولته
الكل مضى على الورق
المحامى :- اخد الورق تانى والكل خرج واتبقى اسر ويوسف وتيلا وأياد
أسر :- يارب بس تشتغلو مع بعض من غير مشاكل لان المشاكل بتأثر على مستوى الشغل
أياد :- إن شاءالله يا فندم مفيش مشاكل ولا حاجه
أسر :- بأذن الله ووقف وقال انا همشى بقى علشان تعبت النهارده
يوسف :- اجى اوصلك
أسر :- لاء خليك انت فى شغلك انا هروح لوحدى وسابهم ومشى
تيلا :- وقفت وبصت لاياد وقالت أستاذ أياد لما تخلص الشغل مع استاذ يوسف ابقى تعال مكتبى عايزاك
أياد :- حاضر يا فندم
يوسف :- بغيظ اللى عايزاه منه قولى هنا احنا التلاته شغالين مع بعض ولازم اعرف عايزاه فى ايه
تيلا :- والله ده شغلى ملكش فيه
يوسف :- والله انتى لسه سامعه الاجتماع كان بيقول ايه
أياد :- احم يا جماعه استاذ اسر قال من غير مشاكل
تيلا :- بصت ليوسف بغيظ وقالت لاياد مستنياك فى مكتبى ولسه هتمشى
يوسف :- أياد مش هيروح مكاتب حد
تيلا :- لاء بقى استاذ اسر قال هيبقى شغال معايا ومعاك وملكش اى حق تمنعه من الشغل معايا
يوسف :- وانا قولت كلمه واحده عايزاه فى حاجه قوليها هنا غير كده مفيش
تيلا :- بصت ليه بغيظ وبعدين بصت لاياد وقالت ماشى يا أياد تعال على الطرابيزه اللى هناك لان فى تصاميم لبرج ومش عارفه حاسه ان فيهم حاجه ناقصه
أياد :- تمام يا فندم اتفضلى
تيلا :- راحت مع أياد على الطربيزه وبدأت تشتغل معاه
يوسف :- كان قاعد بيبص عليهم ومتغاظ أن تيلا بتتكلم مع أياد وقريبه منه وفى نفس الوقت كان فرحان وهو شايفها بتشتغل
تيلا :- وهى شغاله حست بدوخه ونفسها غمت عليها بس حاولت تتمسك اكتر علشان يوسف ميحسش بحاجه
يوسف :- حس ملامح تيلا بتتغير كأنها بتتألم
أياد :- استاذه تيلا حضرتك كويسه
تيلا :- بتعب احم ا.ا.ايوه وجت تكمل الشغل داخت واغمى عليها وكانت هتقع على الأرض بس يوسف قام جرى ومسكها قبل ما تقع على الأرض وشالها وحطها على الكنبه وخبط على وشها علشان تفوق
أياد :- على ما اعتقد محتاجه دكتور يكشف عليها
يوسف :- بقرف لاء بس أخرج هات ازازة برفان من السكرتيره او اى حد بسرعه
أياد :- حاضر وخرج أياد من الاوضه وساب يوسف مع تيلا
يوسف :- قعد يبص على تيلا وهى نايمه على الكنبه وقرب أيده من وشها وحسس على خدها وفى الوقت ده دخل أياد بأزازة البرفان واداها ليوسف
يوسف :- اخدها منه وفوق بيها تيلا
تيلا :- بدأت تفتح عينيها وحطت ايديها على دماغها وقالت اممممم انا فين
أياد :- استاذه تيلا سمعانى
تيلا :- بصت على أياد وبعدين بصت على يوسف اللى كان جنبها وقريب منها جدآ وحطت ايديها على بطنها بقلق وقالت ا.ا.ايه اللى حصل
أياد :- حضرتك كنا شغالين وأغمى عليكى واستاذ يوسف فوقك
تيلا :- قامت بسرعه وقالت ش.ش.شكرآ
يوسف :- والله شايفه نفسك تعبانه متنزليش الشغل وتقرفينا خليكى قاعده فى البيت احسن
تيلا :- بغيظ والله حاجه متخصكش وبعد كده لما تلاقينى تعبانه متبقاش تتعب نفسك معايا وخرجت وسابتهم ودخلت مكتبها وقعدت على الكرسى بتوتر وقالت انا لازم اخد بالى اكتر من كده المرادى عديت منها المره الجايه ممكن يعرف وحست بصداعه اتصلت على السكرتيره وطلبت منها حباية صداع وكوباية عصير
وبعد وقت السكرتيره جابتهم لتيلا وخرجت من المكتب واخدتهم تيلا وبدأت تشتغل
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى شركة فهد المنشاوى
فى المخزن
نزل فهد وعدى بسرعه بعد اتصال من رجالة فهد واتصدمو لما شافوا وحيد وشه كله بيجيب دم وباسم ماسك مسدس وموجهه لوحيد
فهد :- باسم ايه اللى انت بتعملو ده
باسم :- لازم اقتله على اللى عملو فى بنتى لازم ادفعه تمن يوم ما فكر يوجعها ويكسرها ده واحد واطى وميستحقش يعيش فى الدنيا دى
عدى :- اهدا يا عمى انت كده هتودى نفسك فى داهيه على واحد ميستهلش
باسم :- لاء انا لازم اقتله واخلص الناس من شره بس فى الوقت ده فهد راح على باسم وكتفه واخد من أيده السلاح
فهد :- هات يا باسم مش علشان كلب زى ده تضيع نفسك
باسم :- اوعى يا فهد سبنى
فهد :- اهدا يا باسم انا حاسس بيك وبوجعك بس بلاش تتهور وتخسر نفسك على واحد ميستهلش هو اخد نصيبه من الرجاله وانت جيت كملت عليه كفايه كده وبص لعدى وقال خد عمك باسم وطلعه فوق
عدى :- اخد باسم وخرج من المخزن
فهد :- طلب ميه علشان يفوقهم وشويه وجت الميه وحدفها فى وشهم هما الاتنين
وحيد ومعاذ :- فاقو من الميه وبصو على فهد بتعب
فهد :- قرب منهم ومسكهم من شعرهم وقال دى اخرت اللعب مع فهد المنشاوى دى كانت قرصة ودن ليكم وحظكم الاسود لو وقعتو تانى فى سكتى لو حتى بالصدفه ولا فكرتو تقربو من البنات تانى وبص للرجاله بتاعته وقال فكوهم وارموهم رمية الكلاب بره المخزن وبصلهم بقرف وخرج من المخزن طلع على مكتبه وقال
فهد :- ايه اللى انت بتعملو ده يا ابنى انت كنت هضيع نفسك على شوية كلاب
باسم :- بدموع نار جوايا يا فهد على بنتى
فهد :- عارف يا باسم انها صعبه عليك بس برضه هى محتاجك جنبها وانت بالشكل ده كنت هتودى نفسك فى داهيه وتسبها لوحدها
باسم :- انا حاسس أن انا متكتف ومش عارف اعمل ليها ايه وجعانى اوى وكسرت ضهرى عليها وحاسس أن انا ضعيف اوى يا فهد أن مقدرتش انقذ بنتى منه
فهد:- قل لا يصيبنا إلا ما كتب الله لنا معلش يا باسم فى الاول والاخر أرادت ربنا
باسم :- بدموع ونعمه بالله
عدى :- حاول يا عمى تخرجو فرحه من الحاله دى اشغلو وقتها بأى حاجه تخليها متفكرش فى اللى حصلها هيكون احسن وافضل لو نزلت الكليه بتاعتها هتشغل وقتها
باسم :- الدكتور قال لازم ترتاح فى السرير ومتتحركش
عدى :- انا ممكن اجى كل يوم اخدها اوصلها الكليه مع مى مراتى وانا راجع اجبها ومى هتقدر تاخد بالها منها فى الكليه
فهد :- انا شايف عدى بيتكلم صح قعدت فرحه فى البيت هتتعبها اكتر ونفسيتها هتسوء اكتر
باسم :- بس نبه على مى تاخد بالها عليها يا عدى
عدى :- حاضر يا عمى
وفى الوقت ده دخل فارس
فارس :- متجمعين عند النبى أن شاءالله خير فى حاجه ولا ايه
عدى :- عليه افضل الصلاة والسلام مفيش يا بابا فارس بس كان عمى باسم متعصب شويه ونزل ضرب وحيد فى المخزن وكان هيموته لولا بابا عرف ياخد من أيده السلاح
فارس :- والله انتو اللى بتتعبو البنات اكتر انسوه بقى علشان تقدرو تنسو البنات اللى هما شافوه
باسم :- انسا ايه ولا هى هتنسا ازاى لما هى حامل منه يا فارس
فارس :- بصدمه حامل
باسم :- ايوه يا فارس حامل وكمان الحمل خطر على صحتها
فارس :- احم ربنا يقومها بالسلامه يارب وهى فتره وهتعدى وده أختبار من ربنا بيشوف قوة أيمانكم وصبركم قد ايه
باسم :- ادينى صابر على وجع بنتى وكسرتها معنديش حاجه غيره وقام وقال انا هروح مكتبى
فهد :- روق كده وكل حاجه هتكون كويسه أن شاءالله
باسم :- ماشى وسابهم وخرج
عدى :- انا كمان هروح مكتبى اشوف شغلى
فهد :- ماشى
وخرج عدى راح على مكتبه
فارس :- عرفت اخر الاخبار
فهد :- ايه تانى
فارس :- عارف مازن طليق مى ابو تيلا وهنا
فهد :- اه مالو
فارس :- مش ظهر وطلع كان محجوز فى مستشفى الامراض العقليه
فهد :- طيب ما انا عارف
فارس :- عارف ازاى
فهد :- أخته ظهرت من فتره وجت لمى وتيلا وطلبت منهم أنهم يسامحوه علشان مريض ومحجوز فى مستشفى الامراض العقليه ومى وتيلا رافضو يسامحوه
فارس :- الجديد بقى فاكر لما روحنا نسأل عليه فى الشقه وظهرت لينا ست بتعيط وقالت إنها مراته وطلقها لما عرف انها حامل
فهد :- ايوه
فارس :- اهو الولد ده ظهر وعرف ابوه وكمان طلع صاحب كريم ابنى
فهد :- يعنى مازن عنده ولد دلوقتى
فارس :- ايوه جاسر يبقى اخو تيلا وهنا
فهد :- اهو ده اللي كان ناقص فى العيله كمان انا حاسس أن العيله دى بقت نحس كل ما نطلع من مشكله نقع فى مشكله اكبر منها بقى الحزن فيها علطول ومشاكل كتير مش بتتلم والواحد بجد تعب
فارس :- معلش كل لما العيله تكبر كل ما مشاكلها تكبر اكتر
يلا لما اروح اشوف شغلى وخرج وسابه
فهد :- رجع لواره وقال ايوه كل ما تكبر العيله كل ما المشاكل تكون اكتر عندك حق يا فارس
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عند كلية ولاء
وصل كريم بعربيته ينتظر خروج ولاء من جوه وبعد وقت خرجت ولاء بس كان معها مى
كريم :- بخيبت امل شكلى مش مكتوب ليا اكلمها اهو يكفى انا شوفتها وشغل العربيه ومشى بيها وراح وقف على البحر شويه
مى خرجت هى وولاء مع بعض بس فى الوقت ده وصل عدى بالعربيه ونزل وراح عند مى
عدى :- باس مى من خدها وقال واحشتينى
مى :- وانت اكتر وشاورت على ولاء وقالت دى ولاء صحبتى وصحبت مليكه واخت أيمن وبصت لولاء وقالت ده عدى جوزى
ولاء :- اه طبعآ عارفه ازيك يا استاذ عدى
عدى :- الحمدالله يا انسه ولاء اتشرفت بمعرفتك
ولاء :- ميرسى ليك
مى :- ما تيجى نوصلك على سكتنا
ولاء :- لاء شكرآ يا ميوش انا كده كده مخنوقه ومش عايزه اروح البيت دلوقتى هروح اقعد على البحر شويه
مى :- ماشى يا لوئه باى
عدى :- ركب العربيه ومى ركبت جانبه ومشى بيها وولاء اتمشت راحت عند البحر وقعدت على الكرسى اللى قصاد البحر وسرحت فيه وشويه وجه اتنين يعاكسو ولاء
الشاب 1:- ايه يا مزه قاعده لوحدك ليه لو مش لاقيه حد يقعد معاكى انا فى الخدمه
ولاء :- بصت ليه وقالت بتكلمنى انا
الشاب 2:- فى غيرك قمر وقاعد لوحده
ولاء :- اممم طيب بس يا حيلة امك انت وهو هتاخدو بعض كده وهتمشو من سكات بدل ما امسح بكرامتكم الارض واخلى اللى ما يشترى يتفرج عليكم
الشاب1:- الللله دى قطه شرسه وانا بحب النوع ده بصراحه
ولاء :- لاء الخربشه دى قديمه اوى لكن دلوقتى فى عض فى ضرب الشباشب وانتو وحظكم معايا بقى
الشاب2 :- قرب منها ومسك ايديها وقال تعالى بس ده احنا هنظبطك والله
ولاء :- مسكت ايديه ولوحتها وضربته بالرجل فى بطنه ووقع على الأرض ومسكت التانى ونطت على ضهره وعضته فى كتفه وفى الوقت ده الناس اتجمعت ومسكو الشباب وقعدو يضربو فيهم
كريم :- سمع صوت دوشه راح بيبص لاقى ولاء وبتضرب اتنين شباب هى والناس راح عندها وقال
كريم :- فى ايه يا انسه
ولاء :- بعصبيه مش نقصاك انت كمان غور من وشى
كريم :- بصدمه ايه
ولاء :- ايه انت لسه هتنح اوعى من وشى كده وسابته ومشيت
كريم :- طلع يجرى وراها ومسكها من دراعها وقال بعصبيه انتى مجنونه اكيد مجنونه ومش طبيعيه اقسم بالله
ولاء :- اه انا كده خلاص وشدت ايديها ومشيت
كريم :- انتى يا بنتى
ولاء :- وقفت وقالت يادى اليوم الاسود ده عايز ايه مش نقصاك انا لسه ضربه اتنين ومستعده اضرب التالت
كريم :- لييييييييه كل ده علشان بطمن عليكى
ولاء :- وتطمن عليا بصفتك ايه ابويه اخويه حبيبى خطيبى جوزى
كريم :- نهاااار اسود ومنيل ايه إذاعة راديو مفتوحه مش بتفصل
ولاء :- وحياة أهلك ابعد عن وشى احسن عفاريت الدنيا كلها بتتنطت قصاد عيني
كريم :- شدها من دراعها وقال تعالى معايا بس اشربك اى حاجه تهدي اعصابك
ولاء :- شدة دراعها وقالت اوعى كده انت هتصاحبنى ازاى تسمح لنفسك تلمس دراعى
كريم :- مش قصدى والله انا عايز اهديكى مش اكتر
ولاء :- شكرآ عن اذنك ومشيت وسابته
كريم :- راح وراها وشدها اخدها فى حضنه من غير ولا كلمه
ولاء :- هدت شويه فى حضنه وبعد كده اخدت بالها من الوضع زقته وقالت ا.ا ايه اللى انت عملتو ده ازاى تحضنى كده ا.ا.انت مش محترم على فكره
كريم :- بصلها وضحك
ولاء :- بنرفزه عااااااا انت مستفز على فكره
كريم :- بضحك بس وسيم وامور
ولاء :- يا سلااااااااام على الغرور ومين الغبى اللى مفهمك كده
كريم :- البنات كلها هتموت عليا بس انا قلبى رفضهم كلهم للاسف
ولاء :- ليه محسسنى انك احمد عز ولا كريم عبدالعزيز
كريم :- بغمزه احلى منهم تنكرى
ولاء :- اتوترت وقالت ا.ا.انا غلطانه أن واقفه اتكلم مع بنأدم مغرور شبهك
كريم :- ده شرف ليكى على فكره وبنات كتير لو شافتك دلوقتى هتحسدك عليا
ولاء :- لاء خلى الشرف ده لحد تانى عن اذنك وسابته ومشيت
كريم :- بص عليها وهى ماشيه وضحك وقال وقعت بس بتأوح ولبس نضرته وراح ركب عربيته ومشى بيها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى شقة أيمن
كانت مليكه قعده فى حضن أيمن وبيتفرجو على التلفزيون
مليكه :- أيمن
أيمن :- نعم يا قلبى
مليكه :- ماما وبابا واحشونى
أيمن :- امممم خلاص نروح ليهم بكره
مليكه :- قعدت وقالت بفرحه بجد
أيمن :- هههههههههههه ايوه يا قلبى
مليكه :- حضنته وقالت بفرحه بحبك اوى اوى يا أيمن
أيمن :- ضمها ليه أكتر وقال وانا بعشقك يا روح يا أيمن
مليكه :- بعدت عنه وهى مكسوفه وقالت احم هقوم أحضر الاكل
أيمن :- شدها ليه وقال استنى هنا انا ماصدقت قولتى ليا كلمه حلوه من غير كسوف
مليكه :- احم خ.خ.خلاص يا أيمن بقى
أيمن :- بقولك ايه خلى الاكل بعدين تعالى عايزك فى كلمتين
مليكه :- لالالا اوعى يا أيمن
أيمن :- قرب من شفايفها وبسها بوسه طويله وبعد وقت بعد عنها وشالها ولسه هيدخل الاوضه جرس الباب رن
مليكه :- ا.ا.الباب
أيمن :- بغيظ ده وقته ده مين الغلس اللى هيجى لينا ده
مليكه :- احم نزلنى وروح شوف مين
أيمن :- نزل مليكه وراح يفتح الباب لاقها ولاء اخته
ولاء :- بدموع اترمت فى حضنه وقالت ابيه أيمن واحشتنى اوى اوى والله
أيمن :- ضمها ليه وقال لوئه واحشتينى وربنا تعالى ادخلى
مليكه :- اول ما شافت ولاء طلعت تجرى عليها وحضنتها وقالت ولاء ايه المفاجئه الحلوه دى والله العظيم فرحانه اوى أن شوفتك
ولاء :- ده على اساس انك بتسألى اوى الكليه ملهاش طعم من غيرك يا لوكا
مليكه :- هانت خلاص كلها كام يوم وراجعه تانى الكليه ولا تزعلى
أيمن :- طيب ادخلو اقعدو
مليكه :- ادخلى اقعدى على ما احضرك حاجه تشربيها وشويه ونتغدا كلنا مع بعض
ولاء :- لالالا غدا ايه انا جيت اشوفكم علشان واحشتونى وماشيه علطول
أيمن :- مش هتمشى دلوقتى قضى معانا اليوم وانا بليل هروحك
ولاء :- بس ماما متعرفش هتقلق عليا
أيمن :- انا هكلمها وهقولها
ولاء :- ماشى
مليكه :- تعالى معايا المطبخ نحضر الاكل بقى
ولاء :- ماشى ودخلو الاتنين المطبخ
أيمن :- راح يكلم أمه
مليكه :- واحشانى يا كلبه والله
ولاء :- وانتى اكتر يا جزمه بقى نستينى بأبيه أيمن واطيه
مليكه :- ايمن ده نسانى الدنيا كلها بحبه وحنانه عليا
ولاء :- وهى بتاكل حتة خياره زيدى يا زيدى شكل الحب ولع فى الدره يا سعديه
مليكه :- ههههههههه اشوف فيكى يوم يا ولاء وانتى كمان بتولعى فى الدره من كتر الحب
ولاء :- ضحكة وسكتت
مليكه :- بصت ليها بأستغراب وقالت ايه ده بتضحكى وسكتى الحكايه فيها أن ده انا لما كنت اقولك كده كنتى تردى وتقولى بعد الشر عليا انا عمرى ما هفكر فى الحب أبدآ قولى قولى واشجينى
ولاء :- احم م.م.مفيش حاجه يا بنتى انتى عبيطه
مليكه :- ولاء قولى انا عارفه شكلك لما يكون عندك حاجه ومش عايزه تقولى عليها
ولاء :- م.م.مفيش ب.ب.بس فى حاجات كده غريبه بتحصلى
مليكه :- شدتها و قعدتها على الكرسى وقعدت قصادها وقالت قولى كلى اذان صاغية
ولاء :- ع.ع.عارفه الولا قريبكم ده اللى كل ما بشوفه تنخانق مع بعض
مليكه :- قربنا قصدك مين
ولاء :- يا بنتى اللى اتخنقت معاه فى فرح مى لما خبط فيا ده
مليكه :- اااااه قصدك كريم مالو بقى
ولاء :- احم فى الأواخر حصلت ما بنا مواقف كتير قربتنا من بعض اكتر والصدف كترت ما بنا المشكله مش هنا
مليكه:- امال فين
ولاء :- كانت عربيه هتخبطنى مره وهو شافنى وجه انقذنى وشدنى وحضنى لما حضنى حسيت بشعور غريب اوى فى حضنه حسيت بالامان اللى لما أبيه أيمن بيخدنى فى حضنه بحس بيه ومكنتش عايزه ابعد عنه
مليكه :- طيب حلو يبقى انتى كده حبتيه واول مراحل الحب هو الشعور بالأمان مع الشخص ده فين المشكله بقى
ولاء :- وبقيت بحس أن انا مشتاقه ليه وعايزه اشوفه بأى طريقه زى النهارده طول النهار مكنتش مركزه فى اى حاجه غير فى التفكير فيه وبقيت بدعى ربنا اشوفه ولو صدفه وخرجت من الكليه على أمل أن اشوفه بس محصلش ومشفتهوش اتخنقت ومشيت اقعد على البحر شويه اتنين شباب عاكسونى انتى عارفه انا بقى قمت بالواجب معاهم ومشيت بس اتفاجئت بوجوده وكان لطيف معايا غير العاده وملهوف عليا وعايز يطمن عليا ويهدينى بس متعرفيش ام العرق الصعيدى اللى عندى خرج وقفشت عليه كالعاده مع أنه كان لطيف جدآ معايا بس لما شدنى تانى فى حضنه حسيت ان اعصابى هديت وان انا مفصوله عن العالم ده كله وفى عالم تانى خالص مخصوص بيا انا وان نفسى أقوله كان واحشنى قد ايه بس عم برعى اللى جوايا على رأيه خرج فاجئه وزقته وكلمته بأسلوب وحش جدآ وسبته ومشيت
مليكه :- طيب ليه يا بنتى انتى بتحبيه وهو كده شكله بيحبك يبقى ليه عملتى كده
ولاء :- عايزه الصراحه
مليكه :- ايوه
ولاء :- طول عمرى بقول على الحب ده ضعف للواحده وبيدى للراجل فرصه يتحكم فى الواحده ويذلها عن طريق الحب وده اللى حسيته مع كريم بحس نفسى ضعيفه اوى اوى معاه وبالذات لما بكون قريبه منه مش بقدر اتحكم فى مشاعرى علشان كده بحاول اعامله كده كل ما بشوفه وفى سبب كمان
مليكه :- ايه هو
ولاء :- انا اكبر منه يا مليكه وعندنا هنا فى مجتمعنا مينفعش الراجل ياخد واحده اكبر منه
مليكه :- لاء طبعآ اولا كريم اصغر منك بشهور يعنى مش بكتير وطبعآ فرق الجسم اللى بينك وبينه مش مبين فرق السن ده اللى يشوفك ويشوفه يقول إن هو أكبر منك بأربع خمس سنين انتى اوزعه اوى ورفيعه وهو بسم الله ماشاءالله عليه طول بعرض يعنى دى اخر حاجه تفكرى فيها السن اما بقى حكاية الضعف ده عايزه اقولك انا بعشق ضعفى مع اخوكى لما بحس أن انا ضعيفه وهو بيضمنى ويحتاوينى بحس نفسى أن انا بنته الصغيره اللى بتبقى حاسه بالامان وهى فى حضن ابوها يعنى حاجه حلوه لما تكونى ضعيفه مع حبيبك بس طبعآ ضعف عن ضعف يختلف يعنى فى راجل يحس انك ضعيفه معاه فيمدك بالقوه منه وده الحب الحقيقى أن الراجل يقوى مراته مش يضعفها وفى راجل يحس مراته ضعيفه فيستقوى عليها برجولته وده غلبآ ميكنش حب قد ما هو مرض بنقص رجولته فبيحاول يقنع نفسه برجولته لما يستقوى عليها وده مينفعش تضعفى معاه ولا تضيعى ساعه واحده فى العيشه جنبه
ولاء :- بجد مش عارفه اعمل ايه يا مليكه خايفه ومتوتره وعندى دوشه جامده اوى جوايا
مليكه :- سيبى نفسك وحبيه كريم مش وحش انا بقولك كده علشان عمرى ما هتمنى ليكى حاجه وحشه كريم شاب طيب اوى وخلوق وعلى قد دمه الخفيف وهزاره ومقالبه المستمره الا أنه راجل حكيم جدآ تقدرى تعتمدى عليه فى اى وقت وطبعآ وسيم جدآ ورغم وسامته دى إلا أنه ملهوش اى علاقات مع البنات وعلى فكره هو زيك بيخاف على قلبه اوى وطول عمره بيبعد عن سكت البنات دى نهائى رغم أن فى بنات كتير كانت هتموت وتكلمه الا أن هو كان بيرفض حتى انا استغربت وانتى بتحكى ليا عليه وأن هو بيقرب ليكى معنى كده أن هو قلبه اختارك ودق ليكى انتى وبس والمفروض تفرحى مش تزعلى وعمرى ما هتمنى واحد ليكى اقل من كريم ولا هتمنى اقل منك لكريم انتو الاتنين لايقين جدآ على بعض
وفى الوقت ده دخل أيمن
أيمن :- نهاركم اسوح انتو عاملين تتكلمو ومحضرتوش الاكل
مليكه :- احم لاء الكلام اخدنا ونسينا الاكل خالص
أيمن :- طيب قومى يا اختى منك ليها حضرو الاكل اهى دى اخرت قعدت مراتى واختى مع بعض
مليكه و ولاء :- هههههههههههه
أيمن :- انتو لسه هتضحكو اخلصو هموت من الجوع وبعدين بص لولاء وقال انا كلمت ماما وقولتلها وسابهم وخرج
مليكه :- بصت عليه لحد ما خرج وقالت بموت فيه اوووووى بعشقه
ولاء :- ربنا يسعدكم ويهنيكم يارب
مليكه :- ويسعدك مع اللى قلبك بيتمنى وقامو الاتنين يحضرو الاكل
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى شركة اسر
فى مكتب تيلا خلصت شغل واخدت شنتطها وخرجت من المكتب فى نفس الوقت اللى خرج فيه يوسف
تيلا :- اتجاهلته وراحت عند السكرتيره وقالت انا خلصت وماشيه وتقدرى انتى كمان تمشى لو خلصتى اللى وراكى
السكرتيره :- تمام يا فندم انا كمان خلصت
وفى الوقت ده ظهر أياد وقال
أياد :- مدام تيلا انا خلصت محتاجه منى حاجه تانى
تيلا :- لا شكرآ يااستاذ أياد تقدر تمشى
أياد :- حضرتك كمان ماشيه
تيلا :- ايوه
أياد :- طيب اتفضلى حضرتك اركبى الاسانسير معايا
تيلا :- راحت مع أياد تحت نظرات يوسف وركبت الاسانسير
يوسف :- راح وراهم وركب معاهم الاسانسير وبقى يبص للاتنين بغيظ ونزل بيهم الاسانسير تحت وخرجت تيلا هى وأياد الاول ووراهم يوسف
أياد :- تحبى اوصلك معايا بالعربيه لو تعبانه يعنى
تيلا :- شكرآ ليك انا كويسه وركبت العربيه وجت تشغل العربيه ما اشتغلتش حاولت مره واتنين وتلاته بس برضه مش عايزه تشتغل
أياد :- نزل من عربيته وراح عند تيلا وقال خير يا مدام تيلا فى حاجه
تيلا :- وهى بتحاول تشغل العربيه قالت مش عارفه العربيه مش عايزه تشتغل ليه
أياد :- طيب حضرتك انزلى كده انا اجربها ليكى
تيلا :- نزلت من العربيه وقالت معلش يا أستاذ أياد هتعبك معايا
أياد :- وهو بيحاول يشغل العربيه قال مفيش تعب ولا حاجه
يوسف :- كان راكب العربيه بتاعته وعمال يبص عليهم بغيظ
تيلا :- مش مشكله بقى يا استاذ أياد متتعبش نفسك اكتر من كده انا هسبها هنا وهبقى ابعت الميكانيكى يشوفها وهركب اى تاكسى
أياد :- اتفضلى حضرتك اوصلك
تيلا :- لالالا شكرآ اتفضل انت وانا هتصرف
أياد :- مينفعش يا فندم اسيبك كده فى الشارع اتفضلى معايا
تيلا :- خايفه اعطلك
أياد :- مفيش عطله ولا حاجه يا فندم اتفضلى
تيلا :- مشيت معاه ولسه هتفتح الباب علشان تركب
يوسف :- مسك دراعها وشدها وقال بعصبيه امشى قدامى
تيلا :- شدت دراعها وقالت سيب دراعى لو سمحت وبعدين انا حره اركب مع اى حد ملكش فيه
أياد :- استاذ يوسف ميصحش كده حضرتك احنا فى الشارع والناس بتبص علينا
يوسف :- بعصبيه اخرس خالص واتفضل خد عربيتك وامشى
أياد :- بس انا مستنى مدام تيلا
يوسف :- وانا قولتلك امشى من هنا حالا بدل ما تزعل من اللى هعملو فيك
تيلا :- بعصبيه انت بأى حق تمنعنى اركب معاه ها
يوسف :- متنسيش انك بنت خالتى يا هانم واى حاجه غلط بتعمليها هتسوء سمعة العيله كلها
تيلا :- بعصبيه وانا مش صغيره وعارفه بعمل ايه كويس اوى ومش انا البنت اللى تسوء سمعة العيله
أياد :- بأستغراب هو انتو ولاد خاله
تيلا :- للاسف
يوسف :- عند حضرتك مانع ياريت تتفضل تمشى
أياد :- احم ماشى عن أذنكم وركب عربيته ومشى بيها
يوسف :- اتفضلى امشى
تيلا :- لاء انا هركب تاكسى مستحيل اركب معاك
يوسف :- مسكها من دراعها وشدها وراه وفتح باب العربيه وزقها فيها ورزع الباب وراح ركب وشغل العربيه ومشى بيها
تيلا :- بعصبيه انت ايه يا اخى بارد معندكش دم بقولك مش طايقه اركب معاك
يوسف :- حطى لسانك جوه بؤقك علشان مندمكيش انك مسمعتيش الكلام
تيلا :- اه ما هو مش غريبه عليك تستقوى على واحده ست ما هو من هوايتك كده
يوسف :- فرمل العربيه مره واحده وقال بعصبيه كفايه بقى تعيشى دور المظلومه اللى انا جيت عليها انتى واحده مستهتره ومعندكيش اى إحساس بالمسؤولية
تيلا :- بعصبيه انا مستهتره يا يوسف انا لو مستهتره كنت عملت حاجات كتير اوى وانا عايشه لوحده زمان انا عشت عمرى كله محافظه على نفسى من الدنيا بحالها علشانك انت عشت بنت بس بمية راجل عمرى ما سمحت لاى حد يتعدى حدوده معايا رغم إن كنت لوحدى ومحدش كان ليه عندى حاجه انا واحده بخاف ربنا وعمرى لا فكرت ولا هفكر أغضبه ولو على الظلم وانك جيت عليا ايوه يا يوسف انت ظلمتنى وجيت عليا كسرتنى قدام نفسى كسرت جوايا حاجات حلوه ليك صورتك اتهزت قصاد عينى بعد اللى عملتو فيا
يوسف :- لاء برافو عليكى فى التمثيل ملكيش مثيل وظلمتك فى ايه يا ست الكونتيسه جيبك من جامع انا ولا من حضن راجل بقميص النوم ها اه عارف ومتأكد انك معملتيش حاجه بس احساسى انا كراجل وانا شيفك بالمنظر ده مفكرتيش فيه طيب لو الموضوع كان العكس وانتى دخلتى وشوفتى واحده معايا على السرير وجيت حلفت ليكى أن محصلش حاجه ما بنا كنتى هتسامحينى ولا كنتى هتقيمى عليا الحد كفايه والنبى تمثيل
تيلا :- بدموع انا مش بمثل يا يوسف علشان انا مش محتاجه اعمل كده وعمومآ انا اللى غلطانه ولا انت مش هتفرق كتير لان فى الاخر كده كده الحياه ما بنا بقت مستحيله
يوسف :- بص ليها كتير ومن غير ولا كلمه شغل العربيه ومشى بيها على فيلا باسم
تيلا :- طول الطريق حطه ايديها على بطنها ودموعها نازله منها اول ما يوسف وصل الفيلا فتحت الباب ونزلت من غير ولا كلمه ودخلت تجرى على الفيلا
يوسف :- بص عليها لحد ما دخلت وشغل عربيته وراح على الفيلا بتاعتهم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عند الجريده بتاعة جاكلين
خلصت شغل ونزلت منها ولسه هتركب العربيه بتاعتها ايد اتحطت على أيديها
جاكلين :- اتخضت وبصت على الايد وبعدين بصت على وشه واتصدمت وقالت انت
معاذ :- بتعب جاكى انا مقدرتش اروح على البيت الا لما اجى وأشوفك
جاكلين :- سحبت ايديها وقالت لو سمحت ملكش دعوه بيا احسن ما اقول لبابا وانت مش فيك حته سليمه
معاذ :- انا مستعد ارمى نفسى فى النار لو ده هيخليكى تسامحينى
جاكلين :- انا عمرى ما هسمحك يا معاذ انت صفحه قديمه وقطعتها خلاص من حياتى انت دلوقتى بالنسبه ليا ولا حاجه
معاذ :- بدموع متقوليش كده بالله عليكى انا عندى الموت اهون مليون مره من نظرة كره منك ليا انا مأذتكيش يا جاكى انا حافظة عليكى حتى من نفسى خلى عندى امل لو بسيط انك هتسامحينى فى يوم من الايام
جاكلين :- هزت راسها بمعنى لاء وقالت عمرى ما هسامحك يا معاذ ولسه هتركب عربيتها
معاذ :- اغمى عليه
جاكلين :- بخوف ولهفه معاااااااااذ وقعدت قصاده فى الارض وخبطت على وشه وقالت بدموع لالالا معاذ ف.ف.فوق بالله عليك انا اموت لو حصلك حاجه معاذ انا والله العظيم بحبك ب.ب بس واخده على خاطرى منك من اللى حصل معاذ وحياتى عندك فوق وبعدين قالت يا ناس حد يلحقنى بسرعه
الناس اتلمت وحطت معاذ فى عربية جاكلين وساقت جاكلين عربيتها بسرعه وراحت على المستشفى ونزلت تجرى ودخلت المستشفى وطلبت المساعده وشويه وجم اخدوه من العربيه على السرير النقال ودخلو بيه اوضت الكشف وشويه ودخل الدكتور الاوضه وكشف عليه وخرج
جاكلين :- راحت تجرى الدكتور وقالت بخوف ولهفه خير يا دكتور
الدكتور :- عنده ضعف شديد لان شكله بقالو فتره مأكلش حاجه خالص وغير أن عنده انهيار عصبى وطبعآ غير الخدوش اللى فى وشه وجسمه دى شكله حد ضربه
جاكلين :- اتوترت وقالت بكدب احم اه ف.ف.فى بلطجيه طلعو عليه ضربوه وسرقو اللى معاه
الدكتور :- انتى تقربى ليه ايه
جاكلين :- م.م.مراته
الدكتور :- تمام ياريت تهتمى بيه الفتره دى واهتمى بأكله كويس وحاولى تغيرى ليه جو يغير من نفسيته شويه ويحسنها
جاكلين :- طيب وهو دلوقتى عامل ايه
الدكتور :- ركبت ليه محلول وشويه وهيفوق
جاكلين :- شكرآ يا دكتور وسابته وخرجت من المستشفى اشتريت ليه اكل ورجعت تانى دخلت لمعاذ الاوضه وكان لسه ما فقش قعدت جنبه ومشيت ايديها على الجروح اللى فى وشه ودموعها نزلت منها
معاذ :- وهو نايم جاكلين متسبنيش انا بحبك جاكلين انتى الحياه ولو بعدى عنى اموت ودموعه كانت نازله منه
جاكلين :- مدت ايديها ومسحت دموعه وقالت ياريت كان ينفع يا معاذ بس صعب بعد اللى حصل صعب
معاذ :- امممم جاكى انتى فين
جاكلين :- مسكت أيده وبستها وقالت انا هنا يا معاذ جنبك ومسكه ايدك كمان
معاذ :- فتح عينه بصعوبه وقال بتعب جاكى
جاكلين :- سابت أيده ووقفت وقالت احم حمدالله على سلامتك
معاذ :- بعدى ليه عنى خليكى قعده جنبى يا جاكلين
جاكلين :- انا بس استنيت انك تفوق واطمن عليك علشان امشى ولسه هتمشى
معاذ :- مسك ايديها وقال بدموع خليكى جنبى شويه
جاكلين :- دموعها نزلت منها وغمضت عينيها وقالت معلش انا اتأخرت وسحبت ايديها منه ومشت لحد الباب وبصت لمعاذ وقالت انا جبت ليك اكل جنبك اهو ياريت تاكل كويس علشان شكلك بقالك كتير مأكلتش وده اللى عملك الاغماء ومصاريف المستشفى انا دفعتها وفتحت الباب ولسه هتخرج
معاذ :- خدى اكلك معاكى انا لو عايزك جنبى يبقى علشان بحبك انتى مش بحب فلوسك ولا عايزك تصرفى عليا والفلوس اللى دافعتيها هردها ليكى اول ما اقف على رجلى واشتغل
جاكلين :- اعتبرهم مكافأه على حمايتك ليا الفتره اللي فاتت وسابته ومشيت
معاذ :- بص عليها لحد ما خرجت ودموعه نزلت منه وحدف الاكل فى الارض
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا فهد المنشاوى
فى اوضت فريد
كانت سمر نايمه على السرير
وفريد قاعد على الكنبه بيبص عليها لاقها بتعرق جامد وهى نايمه قام حط أيده على وشها لاقها حرارتها مرتفعه جدآ اتخض عليها وخبط على وشها وقال
فريد :- بلهفه سمر سمر انتى كويسه
سمر :- وهى نايمه بدموع انا اسفه يا فريد سامحنى وحياة اغلى حاجه عندك انا اسفه بجد
فريد :- قعد على السرير وضمها جامد فى حضنه وقال سمر فوقى يا سمر لاقها مش بترد شالها ودخل بيها الحمام وحطها فى البانيو وفتح عليها الميه السقعه
سمر :- فتحت عينيها وضمت جسمها بأيديها وقعدت تترعش
فريد :- صعبت عليه سمر دخل تحت الميه معاها واخدها فى حضنه يدفيها
سمر :- مسكت فيه اكتر ودموعها كانت نازله منها
فريد :- مسك وشها بأيده وقال ششششش خلاص يا سمر أهدى انا جنبك ومعاكى
سمر :- بدموع انا اسفه بجد سامحنى يا فريد
فريد :- ضمها فى حضنه وقال خلاص يا سمر مفيش حاجه وبسها فى راسها
سمر :- مسكت فيه اكتر وكانت بتترعش وقالت ا.ا انا سقعانه اوى يا فريد
فريد :- معلش يا قلبى علشان تنزل الحراره عندك شويه
سمر :- بخوف ب.ب.بس انت كده هتعيه من الهدوم اللى عليك مبلوله
فريد :- متخفيش يا قلبى انا عمرى كله فداكى وقرب منها ولسه هيبوسها
سمر :- زقته وقامت تجرى ورجعت
فريد :- وقف وقفل الميه وراح عند سمر وسندها لحد ما خلصت ترجيع وغسل ليها وشها ومسك هدومها ولسه هيقلعها
سمر :- بكسوف ه.ه.هتعمل ايه
فريد :- هقعلك الهدوم المبلوله دى
سمر :- ل.ل.لا ا.ا انا هقلعها
فريد :- اسمعى الكلام انا جوزك مش واحد غريب وقرب منها قلعها هدومها ولبسها البورنص ولف شعرها بالفوطه ودخل الاوضه قعدها على السرير وراح طلع ليها هدوم وقلعها البورنص ولبسها هدومها وشال الفوطه وسرح ليها شعرها وقال استريحه بقى شويه على ما اغير هدومى
سمر :- حاضر ورجعت لواره ونامت على السرير ودخل فريد غير هدومه وجه نام على السرير واخد سمر فى حضنه وبسها فى راسها وقال نامى شويه بقى الحمدالله الحراره نزلت
سمر :- بصت فى عيون فريد وقالت فريد انا بحبك اوى اوى وفرحانه أن ربنا ادانى حته منك جوايا
فريد :- بسها فى خدها وقال انا بعشقك يا سمر ومهما بحاول اقسى عليكى مش بقدر لأنك كل حياتى
سمر :- نامت فى حضن فريد ومسكت فيه جامد وقالت انا عايزه عمرى كله كده أعيشه وانا نايمه فى حضنك مش عايزه اى حاجه تانيه
فريد :- نامى يا قلبى هيفضل حضنى تملى مفتوح ليكى فى اى وقت حتى فى عز زعلانه وبسها فى راسها وضمها ليه جامد
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا اسر
وصل يوسف وهو متعصب وحدف المفاتيح على الطربيزه وقعد على الكنبه وقال
يوسف :- السلام عليكم
مها واسر :- وعليكم السلام
مها :- مالك يا حبيبى
يوسف :- مفيش يا ماما
اسر :- عملت ايه فى الشغل النهارده
يوسف :- تمام يا بابا الشغل ماشى تمام
أسر :- احم طيب وتيلا
يوسف :- مالها
اسر :- عملت ايه فى الشغل
يوسف:- وانا ايه عرفنى يا بابا فى شغلها ابقى كلمها وأسألها ووقف ولسه هيطلع اوضه
مها :- ابقى اتصل بأختك سمر بارك ليها هى وجوزها طلعت حامل
يوسف :- أن شاءالله عن اذنكم وسابهم وطلع على اوضه
مها :- كان نفسى افرح بيه هو وتيلا واشوف ليهم عيل
أسر :- ربنا يهديهم ويبطلو عناد قريب
مها :- يارب يا اسر يارب
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى مستشفى الامراض العقليه
كان جاسر وهنا ومحمد قاعدين مع مازن
هنا :- متزعلش من تيلا يا بابا تيلا عصبيه بس طيبه اوى وحنينه بس مشكلتها لما تكون زعلانه من حد مش بتبقى عارفه بتعمل ايه
مازن :- انا مش زعلان منها ومديها العذر كمان فى اللى هى عامله وعلى أمل انها تنسى وتسامحنى فى يوم من الايام
هنا :- انت عارف يا بابا تيلا مخبيه موضوع حملها على يوسف مفكره كده انها بتعقبه بس لو عرف يوسف بالموضوع ده وأنها مخبيه عليه الدنيا هتخرب
مازن :- ازاى مخبيه الحمل على جوزها المفروض تقولو وهو أوله بردها ليه علشان يربى ابنه بنفسه
هنا :- رافضه ومنبه على كل اللى فى البيت محدش يقول خبر الحمل ده لاى حد
محمد :- شكل تيلا دى صعب اوى مهما يكون الزعل ما بنهم اللى فى بطنها ده ملوش ذنب يتحرم من ابوه علشان أنانية الام
جاسر :- محدش يعرف برضه هى مجروحه من جواها ازاى ربنا اعلم بس باللى جواها ممكن تكون مكسوره ومجروحه منه علشان كده استخدمة الأسلوب ده معاه اوقات الواحد بيكون مدبوح من جواه وبيبقى السكينه سرقاه وبيقعد يفرفر ويعافر مفكر باللى بيعملو ده هيقدر يرجع الدنيا تانى ويعيشها
محمد :- بس برضه ميدهاش الحق تعمل كده انا لو مكان يوسف ده وعرفت أن مراتى حامل ومخبيه عليا استنا لما تولد واخده منها واحرمها منه زى ما هى كانت عايزه تحرمنى منه
هنا :- بأستغراب غريبه يعنى يا محمد انك بدافع على يوسف مع أن اول مقابله ما بنكم كانت مش كويسه وانتو الاتنين حلفين لبعض
محمد :- ممكن اه اتعصبت عليه بس تهديدى ليه وقت عصبيه مش اكتر أما أن انا بدافع عليه علشان انا راجل وحطيت نفسى مكانه صعبه على اى واحد
مازن :- انا لازم أخرج من هنا فى أقرب وقت
جاسر :- بس الدكتور هو اللى هيقول امته تخرج من هنا علشان ميحصلش معاك اى مضاعفات
مازن :- لاء انا لازم أخرج من هنا محمد خرجنى من هنا بأى طريقه
محمد :- حاضر يا خالو
مازن :- جه دورى انا اقف جنب بنتى حتى لو هى مش عايزه
