رواية حور الفصل الخامس والثلاثون
*بعد أن خرج عمر من الغرفة بكل غضب كان يشعر وأنه يريد أن يكسر كل شئ حوله*
عمر بغضب / وحياه امي يا حور ما هسيبك انتي اللي طلعتي الوحش اللي جوايا ومش هسيبك غير أما تكوني ليا .
*قطع غضبه وحبل أفكاره صوت هاتفه وكان الاتصال من (هدي )*
عمر بمحاولة السيطرة علي أعصابه / الو يخالتو ..
هدي / أية يا عمر يحبيبي معلش رنيت عليك بس برن علي حور مش بترد ف قلقت عليها هي كويسة !
عمر بكدب / اه يخالتو كويسة متقلقيش هي بس تلاقيها مش سامعة التلفون و كمان دخلت تنام شوية .
هدي بتصديق / تمام يحبيبي لما تصحي خليها تكلمني .
عمر / تمام.. طمنيني في اخبار جديدة عن عمو محمد ؟
هدي بخوف / الدكتور قال إن في مؤشرات أنه هيفوق بس لسة متابعين حالته .
عمر/ ربنا يستر أن شاء الله .
هدي / أن شاء الله يبني ، يالا مع السلامة عشان معطلكش .
عمر / ماشي يخالتي مع السلامة .
*اغلق عمر الخط وهو ينظر باتجاه الغرفة التي توجد بها حور بغضب وهو يفكر كيف سيتحدث معها وكيف سترجع معه المنزل بعد ما حدث ..*
*" " " " " "*
بعد مرور ساعة ، استيقظت حور من نومها وللمرة الثانية تذكرت ما حدث وتجمعت الدموع في عينيها مرة أخري وجهت نظرها الي يسارها لكي تري كم تبقي من المحلول لتخرج ولكن تفاجأت به ينظر لها بكل برود و لا تستطيع أن تفسر تلك النظرة التي بعيونه ..
حور بغضب وصراخ / انت بتعمل اية هنا اطلععع بر...
*قاطعها عمر ووضع يده علي فمها بقوة لكي يكتم صوتها .*
عمر بغضب / مسمعش صوتك لحد ما اخلص كلامي سامعة ولا لأ .
*هزت حور رأسها بالموافقة ودموعها تنزل بغزارة وظلت ترجع للخلف وضمت قدمها إليها وهي تنظر له بخوف و كأنها أول مرة تتعامل معه وتري منه ذلك الجانب المخيف به ..*
عمر بمحاولة السيطرة على أعصابه / اسمعيني ، انا كنت كويس معاكي لحد اخر نفس .. فضلت احاول معاكي واعملك كل اللي انتي عايزاه و كنت بسمعك واحل ليكي مشاكلك علي امل انك ف يوم تحبيني و تحسي بيا و ف الأخر جيتي قولتيلي انك بتحبي مروان ! ومع ذلك قررت اني افضل جمبك ومش هسيبك لاني كنت عارف ان مشاعرك دي مزيفة ومش حقيقة لكن انتي برضة كنتي مصممة تخرجي الوحش اللي جوايا ! .. من يوم ما اتجوزنا وانا قولتها كلمة بيني وبين نفسي اني مش هطلق لا بعد شهرين ولا اسبوعين انا مكنتش ناوي اطلقك علي امل انك تحبيني كنت فاكر اني لما اتجوزك واقرب منك اكتر هتحبيني و هيحصل اللي انا عايزه لكن انتي كنتي كل ما اعمل حاجة تخليني اقرب منك تبعدي نفسك عني ! ليييه عملتلك أية ؟ شوفتي مني أية وحش !
حور وهي تحاول أن تتكلم رغم بكائها / واديك اهو فشلت انك تخليني احبك و بالعكس خلتني اكرهك اكتر من الحب اللي انت كنت عاوز تاخده ، اتفضل بقي طلقني .. اكيد مش هتقبل تعيش مع واحدة مش عايزاك صح انت برضة راجل وليك كرامتك .. طلقني يا عمر و صدقني محدش هيعرف حاجة عن اللي حصل بينا ولا اللي انت عملته ، سيبني ف حالي و كمل كليتك و انا اكمل دراستي وابعد عني بقي .
عمر بسخرية / ابعد عنك ! لا يحببتي مش هبعد عنك انا لسة بعد كل دة و للاسف بحبك بعد ما جرحتيني و روحتي حبيتي واحد و كمان كنتي بتحكيلي عنه انا لسة بحبك ، حتي بعد ما قولتيلي كلامك دة انا لسة بحبك *ثم تابع كلامه بحزن شديد ظهر في عيونه* حور اديني فرصة تانية ، انا طول الوقت كنت مستني اليوم اللي هعترفلك ب مشاعري فيه مكنتش اتخيل انه هيبقي بالطريقة المقرفة دي ، لو سمحتي سامحيني وانا والله هعوضك عن كل حاجة وهخليكي تنسي كل الوحش اللي عملته بس ارجوكي سامحيني .
حور ببعض الغضب / عمر .. انا صدمتي فيك كانت أكبر من اي حاجة ! انت خذلتني .. عارف يعني اي خذلتني ! انت اكتر واحد انا كنت بثق فيه و مستعدة اسمع كلامه ف اي حاجة ! انا كنت باجي احكيلك علي حاجات بتحصل معايا مكنتش بحكيها حتي ل نرمين اقرب صاحبة ليا ! انت حتي لو كنت بتحبني دة مش مبرر يخليك تئذيني و تتآمر من ورايا مع اكتر واحدة انت عارف انها بتكرهني و بتتمني تشوفني مكسورة و تروح تبوظ سمعة واحد ملوش ذنب ف اي حاجة ! .. دة غير انك حاولت تعتدي عليا !! طبعا مش هتقولي اعتداء انتي مراتي و دة من حقي !! اه من حقك بس ف حاله لو كان دة جواز حقيقي اصلا !! انت حاولت انك تعتدي علياا بس عشان ابقي ملكك بالقول والفعل وانت فاهمني كويس .. الله اعلم لو مكنش أغمي عليا من صدمتي فيك كان زمانك عامل فيا اية دلوقتي ؟ ف لو سمحت يا عمر طلقني و انهي الموضوع دة بقي و كفاية اوي لحد هنا و خلينا قرايب من بعيد لبعيد احسن .
تحول حزن عمر لغضب مرة أخري/ قولت مش هطلق يا حور وهتفضلي مراتي و علي ذمتي لحد ما اموت ودة اخر كلام عندي .. انتي مش هتبقي لغيري سامععههه .
حور بغضب شديد / عمر انت مريض والله مريض اللي انت فيه دة مش حب دا مرض ، انت اكيد واحد مجنون .
*دخلت الممرضة في تلك اللحظة وقالت ..*
- حضرتك دخلت هنا امتي ..اتفضل أخرج ممنوع تدخل كدة بدون إذن .
عمر بغضب / دة اللي ناقص كمان تيجي تعلميني اعمل اية .
الممرضة بهدوء/ من فضلك اخرك الآنسة لسة تعبانه ياريت حضرتك تنزل تحت عشان حسابات المستشفي .
*نظر لها عمر بغضب و نظر لحور بتوعد وخرج من الغرفة واتجة الي الطابق السفلي .*
مسحت حور دموعها بسرعة / لو سمحتي انا عاوزة امشي من هنا قبل ما يطلع .
الممرضة باستغراب / تخرجي فين يا آنسة مينفعش ليكي محلول تاني .
حور / ابوس ايدك خرجيني انا لو فضلت معاه ممكن يجرالي حاجة .
الممرضة بقلق / طب نطلبله البوليس !
حور ببكاء / لا لا مش للدرجة دي احنا بس في بينا مشاكل وانا عاوزة امشي اروح ل اهلي .. ارجوكي ساعديني وهديكي اللي انتي عايزاه .. بس اول ما اخد حاجتي من البيت .
نظرت لها الممرضة بشفقة / انا هساعدك بس انتي لو مكانتش حالتك الصحية تسمع مكنتيش هتعرفي تخرجي .. انتي اطلعي من الممر دة علي طول و انزلي السلم و خشي شمال .. هتلاقي الباب الخلفي اخرجي منه .. ومش بساعدك عشان فلوس والله انا مش عاوزة منك حاجة بس انا لاحظت أنه كل ما يكلمك تسوء حالتك ف عشان كدة هساعدك مش اكتر .
حور / انا متشكرة اوي بجد ، ممكن بس تشوفيه برة ولا لسة تحت عشان خايفة يشوفني
الممرضة / تمام انا هشوفه ولو مش موجود همشي علي طول عشان الكاميرات وانتي عارفة أن لو حد عرف اني ساعدتك هتأذي و لو لقيته موجود هرجعلك تاني .. لو نزلت تحت لقيته هحاول اعطله لحد م تمشي بس بسرعة .
*أزالت الممرضة المحلول من يدها و نهضت حور سريعا وبعد أن خرجت الممرضة من الغرفة لم ترجع مرة أخري ف عرفت حور أن عمر ليس بالخارج ف خرجت سريعا كمان قالت لها الممرضة و بعد لحظات أصبحت خارج المستشفي .*
حور وهي تاخذ نفس/ اوف .. انا مش هروح ل ماما عشان اكيد هيجبني .. انا مفيش قدامي غير المكان دة .
*قررت حور أن تذهب ل مكان ما مشياً علي قدمها لأنها كانت ليس معاها حقيبتها أو اي شئ*
" "
*بعد عشر دقائق من انتهاء عمر من دفع حساب المستشفي و تلهيه الممرضة له في أمور اخري تخص حور صعد عمر الي الطابق العلوي وعندما لم يري أحد في الطابق قرر أن يدخل ليكمل حديثه مع حور ولكنه عندما دلف الي الغرفة تفاجأ بأن الفراش فارغ ...*
" " "
وصلت حور الي المكان المقصود وعندما دخلت من الباب وجدت ذلك الشخص الذي تريده أمامها ويقف مبتعدا عن الجميع..
حور / مستر مروان .. انا لازم اتكلم معاك ضروري .
مروان / ......
