 |
رواية حور الفصل السابع والثلاثون بقلم يارا البرعي
*بعد مرور ساعتين من بحث عمر عن حور و التوتر الذي انتشر بين الجميع ، حكي عمر لـ هدي و نرمين ما حدث ولكنه لم يحكي ما كان سيفعله مع مروان ف قال فقط أنه تشاجر معها و تعرضت للاغماء*
هدي بغضب / لو بنتي حصلها حاجة يا عمر هتبقي انت السبب انا امنتك عليها و ف الأخر تخليهالي تهرب دة ابوها موصلهاش للمرحلة دي .
عمر / يخالتي والله حور هترجع انا متاكد ، احنا بس حصل بينا مشكلة بسيطة و لما روحنا المستشفي دخلت اتكلم معاها و طردتني من الاوضة و بعدها خرجت و رجعت ملقتهاش .
نرمين بشك/ انتوا اتخانقتوا لية يا عمر؟
عمر بتوتر / عش..عشان اا
قاطعته هدي بغضب / مش مهم اتخانقتوا ليه المهم انك ترجع حور زي م كنت السبب ف أنها تهرب .
*تركتهم هدي دلفت الي المستشفي مرة أخري ..*
نرمين بقلق/ انا كلمت كل حد نعرفه و ممكن تكون عنده بس مش موجودة عند حد .
عمر / انا في مكان عاوز اسأل فيه بس خايف نضيع وقت .
نرمين / مكان أية ؟
عمر / السنتر ..
نرمين باستغراب/ و أية اللي هيودي حور السنتر هتهرب ف السنتر ازاي يعني !!
عمر ببعض الغضب / لا هي م هتهرب ف السنتر هي هتروح ل .. لـ مروان .
نرمين / أية اللي انت بتقوله دة هتروح ل مستر مروان ازاي يعني انت واعي للي انت بتقوله !
عمر ببعض الغضب/ اه واعي وعشان واعي لازم نسأل هناك ، دة آخر مكان نسأل فيه ولو ميعرفوش عنها حاجة هنروح نبلغ .
*نظرت له نرمين بشك ولكنها هزت رأسها بالموافقة و اتجهوا معاً الي السنتر ..*
*" " " "*
```في منزل السيدة زينب .```
حور بحزن / بس كدة دة كل اللي حصل معايا و كتر خيره مستر مروان هو اللي مشاني من هناك .
زينب بابتسامة / مستر أية بقي حد يقول لـ حد بيحبه مستر !
حور بحرج / انا كنت مترددة اقول لحضرتك عن مشاعري دي ولا لأ بس كفاية ان حضرتك ساعدتيني ف لازم اصارحك واقولك كل حاجة .. ارجوكي مش عاوزة مستر مروان يعرف حاجة عن الكلام دة .
زينب / متقلقيش يحببتي مروان اه جاري لكن احنا كلامنا قليل جدا بس اتعاملت معاه كذة مرة و للامانه هو حد محترم ، ف متقلقيش انا مش هقوله حاجة .
حور بابتسامة/ انا متشكرة جدا ليكي بجد علي كل حاجة .
زينب / متقوليش كدة يحببتي ، ربنا يعلم حبيتك ازاي و دخلتي قلبي علي طول و بجد انتي صعبانه عليا بعد كل اللي حصلك دة .
حور بحزن / اهي دي حياتي من يوم م اتولدت محدش وثقت فيه و طلع قد الثقة دي أبدا .
زينب / متضايقيش نفسك اهي كلها دروس بتتعلميها ، انا عاوزاكي تقومي تاخدي شاور كدة و انا هطلعلك حاجة من عندي تلبسيها هي ممكن تكون واسعة حبة بس اهي تقضي الغرض .
حور بابتسامة/ تمام ، مش عارفة اقولك أية والله انا ارتحت لحضرتك جدا كنت خايفة ف الأول بس دلوقتي انا مطمنة جدا .
*ابتسمت لها زينب بحب و اخذتها لتعرفها علي مكان المرحاض ، وذهبت زينب لكي تخرج لـ حور ملابس من ملابسها ..*
*" " " " "*
```في بيت مروان```
*كان قد وصل علاء الي المنزل قبل ربع ساعة وتعجب من وجود مروان باكراً في المنزل وبعد ما تحدث معه قليلا قرر أن يقص عليه مروان ما حدث ..*
علاء بدهشة / لا ثواني ثواني عشان توهت منك ، يعني حور .. حور عند مادام زينب جارتك دلوقتي ؟
مروان / أيوة .
علاء / انت بتهزر يا مروان صح ازاي يبني تجيبها هنا ، دة لو أهلها عرفوا أن انت اللي مخبيها هيتهموك بالخطف !
مروان ببرود / مش فارق معايا حاجة مادام هي كويسة و محدش فيهم هيعرف يلاقيها و قبل م اخليها تتطلق من عمر ال*** دة مش هتمشي من هنا .
علاء / انت يا مروان مش لسة قايلي قريب انك نسيتها و خلاص الموضوع كان هبل ولعب عيال !.
مروان / وانا لسة عند كلامي انا بساعدها من باب الإنسانية وبعدين متنساش أن اللي حصلها دة بسببي لأنها حاولت تمنع من مصيبة تحصلي وواحدة ترمي بلاها عليا .
علاء بنفاذ صبر /والله ما عارف اقولك أية انا خلاص كل حلولي قولتها قبل كدة .
مروان ببرود / متقولش حاجة ويالا عشان ناكل .
*نظر له علاء بغيظ شديد ثم جلس أمام التلفاز و هو يفكر في نهاية ما يحدث لصديقه ..*
*" " " " " "*
*وصل نرمين و عمر الي السنتر ..*
نرمين / سلام عليكم ورحمه الله ، ريماس هي حور جت انهاردة ؟
ريماس ' أحدي السكرتارية '/ اه شوفناها من ساعتين تقريبا .
عمر بسرعة / وراحت فين و مشت مع مين !!
ريماس / هي جت و دخلت علي طول ل مستر مروان اتكلمت معاه حوالي دقيقتين وطلعوا علي طول .
عمر بغضب لـ نرمين/ شوفتي !! انا قولتلك زمانها راحتله .
نرمين / ممكن تهدي شوية عشان دة مش مكان نزعق فيه ..طب عاوزين عنوان مستر مروان لو معاكي .
ريماس/ مش معايا بس ثواني اكلملك يوسف اسأله .
*اتصلت ريماس بـ زميلها الأخر يوسف وبالفعل كان يعرف العنوان و أعطاه لها و أعطته ريماس لـ نرمين .*
نرمين / انا متشكرة جدا بجد .
*خرجت نرمين وعمر سريعا أوقفها عمر .*
عمر بغضب / هاتي الورقة اللي فيها العنوان وانتي روحي لخالتو هدي وانا هروح اجيبها من ابن ال*** دة
نرمين بغضب / بقولك أية انا ساكتالك من بدري أنا متأكدة أنك عملت حاجة ل حور عشان توصلها للمرحلة دي ، الورقة مش هتاخدها و رجلي علي رجلك لحد ما نلاقي حور و ياريت لما نروح ل مروان مش عاوزين مشاكل بدل ما تبات ف القسم انهاردة .
*نظر لها عمر بغضب شديد و لكنه لم ينطق بحرف ف سارت نرمين أمامه وهو اتجه خلفها ليذهبوا الي عنوان مروان ..*
*" " "*
*بعد أن خرجت حور من المرحاض و ارتدت الملابس التي أعطتها ايها السيدة زينب والتي كانت تتكون من بنطال بيتي لونه ابيض مزين بالزهور الوردية و تيشرت نصف كم من اللون الابيض السادة ورفعت حور شعرها ذيل حصان مما جعلها أكثر جاذبية ، كانت الملابس واسعة عليها قليلا ولكن ذلك لم يغير من جمال حور شئ .*
حور بابتسامة/ شكرا ليكي والله م عارفة اقولك أية وان شاء مش هتقل عليكي اكتر من كدة .
زينب /متقوليش كدة يحببتي انتي تشرفي ف اي وقت ، بصي انا نازلة عندي مشوار بسرعة لحد اخر الشارع وجاية .. البيت بيتك هه .
حور / هو انتي ازاي مأمنالي كدة ؟
زينب بهدوء / ببساطة لاني طول عمري عايشة لوحدي معنديش حاجة اخسرها و كمان عشان حسيت أن انتي قد اية طيبة وفعلا محتاجة مساعدة ، متفتكريش أن أنا طيبة وعلي نياتي ، انا لو كان عندي شك فيكي انك مش كويسة ولو 1% مكنتش دخلتك بيتي ولا قعدتك معايا لحظة واحدة و زي م قولتلك ف الأول خالص كفاية انك من طرف مروان هو محترم وانا عارفة أنه مش هيجي من وراه اذي .. يالا مع السلامة بقي عشان متاخرش .
*ابتسمت لها حور وهي متعجبة كثيراً ف كيف أن يكون أحد يمتلك ذلك الجمال الداخلي و مازال يوجد بشر يساعدون غيرهم .. خرجت زينب من بيتها ولكنها اطرقت الباب علي شقة مروان .*
فتح لها مروان الباب /مادام زينب ! اتفضلي .
زينب بهدوء / لا يبني انا مش جاية اتفضل بس عاوزة اسألك علي حاجة .
مروان باستغراب/ اتفضلي .. هي حور كويسة ؟
زينب / كويسة متقلقش .. المهم انا عاوزة افهم حور هتفضل هربانه كدة من جوزها و اهلها لحد امتي .. عشان متفهمنيش غلط انا مش مضايقة من قعدتها معايا هي بس صعبانه عليا و خايفة لاقدر الله يحصل حاجة وحشة ليك أو ليها .
مروان/ متقلقيش يا مدام زينب ، حور كدة كدة مش هتفضل هربانه كتير انا بس جيبتها هنا عشان احميها من جوزها مش اكتر وهي هتلاقيها انهاردة بالكتير وترجع ف كلامها وتقرر ترجع ل مامتها .
زينب / انت بتحبها يا مروان ؟
نظر لها مروان بارتباك / ااا.. لا طبعا أية اللي حضرتك بتقوليه دة انا بس بساعدها عشان .. عشان هي اللي حذرتني من كذة مشكلة كانت هتحصلي بس كدة .
زينب بابتسامة/ ماشي يا مروان هصدقك علي العموم متقلقش علي حور هي كويسة وصدقني مش هخليها محتاجة حاجة .. يالا عن اذنك عشان نازلة .
*نزلت زينب ودلف مروان الي بيته مرة أخري ...*
*بعد مرور حوالي ثلث ساعة كانت تجلس حور في بيت السيدة زينب لا تتحرك ولكن فقط تجلس علي أحدي المقاعد و تنظر إلي سقف البيت و تفكر ماذا ستفعل .. أما مروان ف كان كل دقيقة يخرج الي شرفه المنزل علي أمل أن تكون حور تقف هي الأخري في شرفة المنزل وبمرور ذلك الوقت لم تكن زينب رجعت بعد ..*
*كان علاء في غرفته و كان مروان يجلس في الخارج بجانب شرفة المنزل حتي سمع صوت الباب ونهض ليفتح الباب سريعا ف توقع أنها حور وتريد شيئاً .. ولكنه وجد عمر أمامه لم يتفاجأ كثيرا لأنه كان متوقع زيارته ..*
مروان بتمثيل / انت بتعمل اية هنا !!
عمر بغضب / فين حور يا مروان .
مروان بكدب / حور!! وآية اللي هيجيب حور عندي انت عبيط ولا اية ؟
نرمين ببعض الغضب / مستر مروان احنا لسة جايين من السنتر و عرفنا أن حور كانت هناك و طلعت معاها ف احنا عارفين انها معاك .
مروان / اه انا فعلا شوفتها وجت السنتر و قالتلي اوصلها لحد مستشفي كدة مش فاكر اسمها ومشيت .
عمر بغضب وهو يضربه في وجهه / وحياه امك !!
*لكمه مروان لكمة قوية علي وجهه جعلت عمر ينزف ، أمسك عمر مروان من أعلي قميصه وظلوا الاثنان في شجار وكل منهم يضرب الأخر حتي خرج علاء وحاول أن يفصل بينهم وكانت نرمين تحاول أن تشد عمر ولكن فشلوا الاثنان ، امسك مروان ذراع عمر و لفه حول ظهره وكاد أن يكسره ولكن قاطعه ...*
