رواية حور الفصل الثامن والثلاثون
.
*امسك مروان ذراع عمر و لفه حول ظهره وكاد أن يكسره ولكن قاطعه صوت يعرفه جيدا ..*
- مستر مروان ارجوك سيبه .
*نظر مروان بصدمة لذلك الصوت ووجد أنها حور .. ترك مروان ذراع عمر من الصدمة ف هو نبه عليها جيداً بعدم الخروج عند سماع صوت عمر !!*
عمر وهو يتألم / كنت متأكد انك هنا .. يالا يا حور يالا نرجع .
مروان بصدمة / انتي أية اللي طلعت يا حور انا مش نبهت عليكي ..
*ضمت نرمين صديقتها بشده ف هي كانت خائفة كثيرا أن يحدث لها شئ .. قاطعها صوت عمر بغضب ..*
- بعدين يا نرمين ابقي احضني صحبتك عشان احنا هنمشي دلوقتي ..
حور بغضب / وبعد ما نمشي !! هتعمل فيا يا عمر هه ؟ هتضربني المرة دي ولا هتتهجم عليا تاني !!
عمر / يالا نمشي يا حور ووالله م هأذيكي ف حاجة تاني !! نمشي و هعملك اللي انتي عايزاه .
حور / يبقي طلقني .. مادام عاوز تعملي اللي أنا عاوزاه طلقني يا عمر ..
عمر بغضب / اطلقك !! وبعد م اطلقك تيجي للحيوان دة ؟؟
*انفعل مروان في تلك اللحظة وكان سيضربه مرة أخري ولكن امسكه علاء جيداً وحاول تهدئته ..*
مروان بغضب / اسمع يالا انت .. انت لو محترمتش نفسك انا هطلبك البوليس وهما بقي يتصرفوا مع امثالك عشان انت لو وقعت تحت ايديا قسما بالله م هخلي فيك حته سليمة .
*نظر له عمر بغضب ولم يتكلم ونظر ل حور ..*
عمر / حور ارجوكي ارجعي وانا اوعدك اني مش هزعلك تاني بس ارجوكي سيبي المكان دة و ارجعي معايا ..
حور / ارجوك يا عمر .. طلقني .. انا والله مستعدة ارجع بس طلقني الاول .. انت لية مش مدرك أن أنا مش عاوزاك ومش بحبك !! انت كنت بالنسبة لي زي اخويا وانا وانت عارفين احنا اتجوزنا لية .. وخلاص التمثيليه خلصت .. روح شوف حياتك مع حد تاني !! انا مش بحبك ولا هعرف أثق فيك تاني بعد اللي حصل دة مهما عملت .. لو بتحبني فعلا طلقني عشان مفيش فايدة من محاولاتك دي معايا .
*شعر عمر بأن قلبه يتحطم بعد تلك الكلمات منها .. وشعر أن كرامته لم يتبقي منها شئ وخصوصا بعد م قالت ذلك أمام كل الحاضرين ..*
عمر / انا مغلطش لما قولت أن انتي قلبك حجر بجد !! معرفش انا ازاي غلطت الغلطة دي و حبيتك و افتكرت ف يوم اني هخليكي تحبيني .. بس انتي واحدة مريضة يا حور .. والله مريضة و غبية .. عشان بغبائك دة ضيعتي ناس كتير اوي من ايديكي بتحبك وبتجري ورا الناس اللي مش شايفاكي .. بس تصدقي كلامك دة فوقني اوي .. رغم اني سمعته منك قبل كدة بس المرة دي كان غير .. انا مش هضيع وقتي معاكي اكتر من كدة يا حور كفاية اللي ضاع من وقتي وانا بحاول اخليكي تحبيني .
*نظر لها عمر بحزن و ضيق للحظات ثم قال ..*
- انتي طالق يا حور .. طالق واول م ترجعي هتلاقي ورقتك عندك ..
*قال تلك الجملة و خرج سريعاً من البيت بأكمله ..*
*كانت حور تقف جامدة مكانها و بدأت الدموع تتجمع في عينيها ! .*
مروان / حور .. انتي كويسة !
حور بحزن / كويسة جدا كمان .. يالا يا نرمين نمشي .
مروان/ تمشي فين وانتي كدة استني طيب اوصلك حتي .
حور / لالا مفيش داعي انا هدخل البس هدومي ونمشي علي طول وابقي اشكرلي مدام زينب علي كل اللي عملته ..
*دلفت حور الي البيت بسرعة و قامت بتبديل ملابسها و ارتدت الملابس التي أتت بها .. وخرجت سريعاً هي و نرمين من المنزل وحاول مروان أن يتحدث معها ولكن لم تنطق بكلمة واحدة له و اتجهت هي و صديقتها الي منزلها ..*
" " "
في منزل مروان ..
علاء / هتعمل أية دلوقتي ؟
مروان / ف أية !
علاء/ حور اهي أطلقت انت ناوي تعمل اية بقي .
مروان بهدوء / مش عارف!! بس مفيش ف ايدي حاجة اعملها هي أطلقت و انا هبعد عنها .
علاء باستغراب/ انا مبقتش فاهمك بجد انت عاوز أية يا مروان .
مروان بحيرة / مش عارف يا علاء .. مش عارف بس اللي اعرفوا أن حتي لو في مشاعر من ناحيتي للبنت دي ف برضة الموضوع مينفعش .. وحتي لو هي بتحبني زي م عمر دة قال برضة مينفعش .. الحب مش هو مقياس العلاقة في حاجات كتير اوي هتكون ناقصة لو قررت اني اكمل مع حور .. اولها التفاهم .. اكيد هيجي وقت و نختلف بسبب فرق السن اللي بينا هتكون هي ب دماغ و انا ب دماغ تانية وانا مش مستعد اخش ف حرب انا عارف اني هطلع خسران منها .. ف كدة خلاص خلصت و مشاعري دي اكيد هيجي الوقت اللي تنتهي فيه .
علاء / اتمني المرة دي تكون الأخيرة ف اني اسمع الكلام دة و نخلص بقي من موضوع حور دة .
مروان / إن شاء الله يا علاء .. إن شاء الله .
*" " " " "*
*بعد مرور ساعة الا ربع .. وصلت حور الي منزلها مع نرمين ووجدت خالتها و اخواتها فقط في المنزل*
رباب بقلق / حور حببتي حمدالله على سلامتك .. كنتي فين!!
حور / الله يسلمك يا خالتو .. معلش مش قادرة اتكلم دلوقتي انا هخش ارتاح شوية ..
رباب / ماشي يحببتي بس فين عمر هو مش كان رايح مع نرمين! مامتك قالتلي كدة .
حور باستغراب/ هو متصلش بيكي ولا جه هنا !!
رباب / لأ .. هو كان رايح يدور عليكي مع نرمين .
نرمين / بصراحة عمر و..
*قاطع نرمين صوت طرق الباب بقوة شديدة ولا يتوقف ..*
*ركض حسن ليفتح الباب ( شقيق حور )..*
حسن / دة عمر يا خالتو ..
*دلف عمر الي البيت بغضب وتفاجأ عندما وجد حور أتت بتلك السرعة ..*
رباب بقلق / أية يبني كنت فين .
عمر بغضب / لمي كل هدومك اللي هنا يا ماما هنرجع علي البيت .
رباب باستغراب / حصل أية يبني وبعدين لو انا وانت و حور رجعنا البيت مين هيقعد مع حسن و زينة!!
عمر ببرود / انا وانتي بس اللي هنرجع البيت و متقلقيش نرمين و حور هيقعدوا مع حسن و زينة .
رباب / ازاي حور مش هترجع البيت ، هو حصل أية يبني .
عمر بغضب / يالاا يا ماما قولتلك لمي هدومك اللي هنا ويالا نمشي و ف البيت تبقي نتكلم .
*وافقت رباب و ذهبت لتأخذ اغراضها وكانت حور تقف لا تستطيع التحدث فقط كانت تنظر إلي الأرض بكل برود ونرمين بجانبها تنظر لها بحزن و تنظر لعمر الذي كان غاضب بشدة من كل شئ .. خرجت رباب بعد دقائق وأخذها عمر واتجهوا الي البيت ..*
*دلفت حور سريعاً الي غرفتها ودلفت خلفها نرمين ..*
نرمين / انا مبقتش فاهمة حاجة يا حور انتي شوية تعيطي و شوية و تتعاملي ببرود انتي عاوزة اية!!
حور / انا نفسي مش عارفة والله بس انا مرتاحة اني اطلقت وخلصت من اللي أنا كنت فيه .. انا اكتر حاجة مزعلاني أن هو فاكر أن أنا مش فارق معايا مشاعره و أن أنا قاصدة اكسره !! انا مش ذنبي اني عمري ما شوفته غير صاحبة ليا وبس !! صدقيني ف الوقت اللي كنت بدأت اعجب ب عمر هو بوظ كل حاجة ب اللي كان ناوي يعمله وحور الاعجاب دة لـ كره كبير .. هو السبب ف اللي حصله مش انا .
*في تلك اللحظة رن هاتف نرمين وكانت ' هدي والدة حور '*
نرمين / الوو .. ايوا يا طنط متقلقيش حور معايا و ف البيت احنا اهو .
هدي / ياربي .. الحمدلله هاتي اكلمها يحببتي معلش .
*اعطت نرمين الهاتف لـ حور*
حور / الو يا ماما .. متقلقيش يحببتي انا الحمدلله كويسة .. لالا عمر رجع البيت واخد خالتو رباب معاه .. هبقي احكيلك يا ماما كل حاجة حصلت بس أما ترجعي البيت .. ماشي يا ماما مع السلامة .
*أغلقت حور معها الخط و أكملت الحديث مع نرمين ..*
حور / نرمين معلش ممكن اطلب منك طلب ؟
نرمين / اكيد طبعا يحببتي
حور / ممكن تبقي تروحي البيت عند خالتو و تجبيلي حاجتي و ابقي قوليلي قبلها عشان اكلم خالتو اشوفها ف البيت ولا لأ ..
نرمين / اكيد طبعا بس ابقي تتاكدي أن خالتك ف البيت و انا هروحلك علي طول .
*" ' " " "*
في المستشفي ..
*كانت هدي ف الخارج تشتري زجاجة ماء و عندما رجعت الي الطابق الذي يوجد به غرفة محمد وجدت الدكتور بالداخل عنده و الممرضة تركض سريعا.. اوقفتها هدي بقلق قائلة ..*
- هو في حاجة ولا اية ؟
الممرضة / الحمدلله المريض فاق من الغيبوبة .
