رواية عشقت كبريائي فهد ومليكة الجزء الثالث (لقاء الاحبة) الفصل التاسع والثلاثون
أشرقت شمس صباح يوم جديد بنورها الساطع فى سماء الاسكندريه لتبدأ تيلا بفتح عيونها بصعوبه بعد ليله طويله قضتها بدموع
قامت من على سريرها دخلت الحمام اتوضت وخرجت أدت فرضها وبعدين فتحت باب اوضتها ونزلت بصت فى المكان كله ملاقتش حد موجود راحت عند الباب علشان تخرج لاقته مقفول بالمفتاح راحت عند الشبابيك بس لاقتهم مقفولين بالحديد قعدت على الكنبه وهى متعصبه وقالت
تيلا :- ماشى يا يوسف حبسنى وربنا لاوريك حست نفسها جعانه قامت دخلت المطبخ وفتحت التلاجه لاقت فيها أكل عملت سندوتشات ليها وحطت كوباية لبن وقعدت على الطربيزه وحطت أيديها على بطنها وقالت حقك عليا ابوك السبب خلانى أنام بليل من غير أكل بس هاكل أعوضك جوع أمبارح وقعدت تاكل فى السندوتشات بتاعتها وشربت كوباية اللبن وحست أن فى مفاتيح بتتحط فى الباب قامت تجرى وقفت وراه الباب واول ما يوسف فتح الباب خرجت تجرى منه
يوسف :- طلع يجرى وراها وجه يمسكها وقع ووقعت فوقيه
تيلا :- بصت ليه فى عيون وسرحت فيهم
يوسف :- سرح فيها ولسه بيقربها ليه
تيلا :- فاقت وضربته فى كتفه وقامت
يوسف :- قام مسكها من دراعها ودخلها البيت تانى وقفل الباب بالمفتاح
تيلا :- شدت دراعها من أيده وقالت أبعد عنى سبنى متلمسنيش
يوسف :- عارفه لو فكرتى تعملى كده تانى هعمل فيكى أيه وقرب منها جدآ وقرب من ودنها وقال هفتح ليكى شفتك تانى وبعد عنها وراح قعد على الكنبه
تيلا :- انت واحد حيوان معرفش أزاى حبيتك كنت عاميه ومخدوعه فيك ازاى وطلعت على اوضتها
يوسف :- قام وراح المطبخ وشاف كوبايه مطرحها لبن وطبق فاضى جنبه عرف أن هى اكلت عمل لنفسه سندوتش وعمل كوباية نسكافيه وقعد على الكنبه ياكل ويشرب النسكافيه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا فهد المنشاوى
فى اوضت عدى
صحيت مى من نومها وفتحت عينيها وبصت على عدى وهو نايم وسرحت فيه شويه ومشت أيديها على خده وقربت من شفايفه وبسته
عدى :- حس بحركة مى فتح عينه واول ما بسته شدها فوقيه
مى :- هههههههه اوعى يا عدى هههههههههههه
عدى :- يابت اتهدى انتى كده بتجننينى اكتر بحركتك دى
مى :- طيب اوعى
عدى :- طيب هاتى بوسه تانى
مى :- لاء انت طماع
عدى :- وفيها ايه يا ميوش لما اطمع فيكى مش مراتى حبيبتى
مى :- اممممم حبيبتك وقلبك وعمرك ودنيتك وكل حاجه ليك فى الدنيا
عدى :- يا واد يا واثق فى نفسك انت
مى :- هههههههههههههه
عدى :- عكس الوضع وخلى مى تحت وهو فوق
مى :- عدى
عدى:- عمر عدى
مى :- احم ا.ا.انت ناوى على ايه
عدى :- نكمل موضوع بليل
مى :- لالالا يا عدى هنتأخر بجد
عدى :- مش مهم ومفهاش حاجه لو حتى مروحناش النهارده
مى :- لاء مش هينفع انت ناسى فرحه بناخدوها معانا وعمو فهد ميزعلش علشان بتقعد كتير من الشغل
عدى :- امممم ماشى وقرب منها وقال بس هنكمل موضوع بليل بسرعه وقرب منها و(سكتت شهرزاد عن الكلام الغير مباح 😉😉)
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى اوضت فريد
صحى فريد من نومه وكانت سمر لسه نايمه قام براحه من على السرير ونزل المطبخ مكنش لسه فى حد صحى حضر فطار لسمر وطلع بيه الاوضه ودخل وقفل الباب وراه وقعد على السرير وقال
فريد :- سمر سمسمه اصحى يلا يا قلبى
سمر :- سبنى شويه يا فريد
فريد :- اصحى افطرى علشان اللى فى بطنك محتاج غذا ونامى تانى مفيش مشكله
سمر :- قامت بصعوبه وقعدت وقالت انت بتهتم بيا علشان اللى فى بطنى ولا علشان بتحبنى وبتخاف عليا
فريد :- قعد جنبها وحط الاكل على رجله وقال علشان بعشقك وبموت فيكى وبخاف عليكى واللى فى بطنك بحبه علشان حته منك وبتمنى يجى الدنيا بخير علشان انتى وانا نفرح بيه وعمل ليها سندوتش ومد أيده بيه
سمر :- لالالا نفسى بتغم عليا يا فريد مش هقدر اكل
فريد :- ولو قولتلك علشان خاطرى
سمر :- مدت أيديها وهى قرفانه واخدت السندوتش وأكلت منه قطمه
فريد :- مسك كوباية اللبن وقال خدى أشربى
سمر :- بقرف لالالا كده كتير عليا والله انا مش بحبه فى الأيام العادى هحبه فى أيام الوحم ومش طايقه اكل ولا أشرب أى حاجه حرام بجد
فريد :- لازم اللبن علشان الكالسيوم عندك وعند فهد الصغير
سمر :- وهى بتسد مناخيرها اخدته منه وقربته من شفايفها ولسه هتشرب نفسها غمت عليها وأدت الكوبايه لفريد وطلعت تجرى على الحمام وقعدت ترجع
فريد :- حط الاكل على الطربيزه ودخل سند سمر وهى بترجع وبعد كده غسل ليها وشها وخرجها من الحمام نيمها على السرير وغطها
سمر :- انا عايزه انام يا فريد
فريد :- نامى يا قلبى وقعد جنبها ومشى ايده على شعرها لحد ما نامت وبسها فى خدها واخد صنية الاكل ونزل
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى اوضت جاكلين
صحيت من نومها على صوت تليفونها ردت عليه من غير ماتبص تشوف مين وقالت
جاكلين :- السلام عليكم
معاذ :- وعليكم السلام
جاكلين :- اول ما انتبهت لصوت قامت قعدت وبصت على الشاشه لاقته رقم معاذ غمضت عينيها واخدت نفس وردت عليه وقالت نعم متصل ليه
معاذ :- واحشنى صوتك
جاكلين :- احنا مش انتهينا من ام الموضوع ده متصل بيا تانى ليه
معاذ :- بس انا منتهتش وعمرى ما اقدر أنهى لان انا بحبك وقلبى بيدق كل يوم بأسمك انتى يا جاكى وعلى فكره بقى انتى كمان لسه بتحبينى بس مش عارف ليه بتنكرى
جاكلين :- والله دى مشكلتك مش مشكلتى لكن انت بالنسبه ليا صفحه وانتهت من حياتى
معاذ :- كدابه لو كرهتينى مكنتيش اخدينى المستشفى وقعدى جنبى لحد ما فؤقت واللهفه اللى كانت فى عينيكى عليا اول ما فؤقت و شوفتها كل ده كدب مستحيل يا جاكى
جاكلين :- ا.ا.انا بكرهك وموضوع المستشفى ده حتى لو أى حد غريب كنت هعمل معاه كده برضه كنت هاخده بعربيتى وهوديه المستشفى واستنا لحد ما اطمن عليه يعنى معملتش معاك حاجه زياده وياريت متتصلش تانى عليا لان لو عملتها تانى هقول لبابا وهو يتصرف معاك فاهم وقفلت السكه فى وشه وحضنت التليفون وقعدت تعيط وبعد شويه مسحت دموعها وقالت بلاش دموع يا جاكلين بلاش انسى بقى وقامت وقفت دخلت الحمام اخدت شاور واتوضت وخرجت لبست هدومها وأدت فرضها ونزلت وقالت
جاكلين :- صباح الخير يا عصافير الكنارى
فهد :- صباح النور يا لمضه
جاكلين :- انا ده انا غلبانه وربنا هههههه
مليكه :- ربنا يصلح حالك يا بنتى ويسعدك
جاكلين :- احم امال فين عصافير الكنارى التانين عدى ومى
مليكه :- لسه منزلوش
جاكلين :- وفين سمر يا فريد
فريد :- الحمل تعبها نامت شويه
جاكلين :- ربنا يكمل ليها على خير ويقومها بالسلامه
وفى الوقت ده نزل عدى ومى
جاكلين :- قمر يا اخواتى
عدى :- تقصدى مين فينا انا ولا مى
جاكلين :- مى طبعآ اش جاب الغزال للغراب
عدى :- انا غراب يا اللى تنشكى فى قلبك
جاكلين :- هههههههههه اه
مى :- بعتت ليها بوسه فى الهوا وقالت قلبى من جوه
عدى :- بص لمى وقال والله
مى :- احم وعدى برضه يا جاكى عسل مش كده ولا أيه
جاكلين :- اصيله يا ام السعد
عدى :- كنت مرتاح من غلستك الصراحه
جاكلين :- اخس عليك يا دودى يعنى هزار مى زى العسل على قلبك لكن أنا لاء
عدى :- غلسه وبارده وتنحه بس بموت فيكى وبحبك
جاكلين :- قشطه عليك يا دودى قلبى وربنا
فريد :- لاء ده انا اللى جالى الصداع منكم انتو الاتنين اسكتو شويه
جاكلين :- ايه يا ديدو شكلك زعلان علشان المزه مش قعده معاك
فريد :- مزه فى بنت رقيقه تتكلم كده
جاكلين :- فين البنت الرقيقه دى انا مش شايفه ولا بنت رقيقه قعده على السفره
مى :- ننننننعم يا اختى قصدك ايه بقى
جاكلين :- بذمتك انتى بالطريقه دى رقيقه
مى :- احم الصراحه لاء
جاكلين :- يبقى اتوكسى على خيبتك واسكتى
الكل :- ههههههههههههههه
جاكلين :- وقفت وقالت يلا سلامز عليكم وبعتت لابوها بوسه فى الهوا وقالت خف تعوم يا فهودى الصحه مبقتش زى الاول خف على ملوكه وطلعت تجرى
فهد :- ههههههههههه مشكله ووقف وقال انا كمان ماشى
مليكه :- ماشى يا حبيبى خلى بالك على نفسك
فهد :- بسها فى راسها ومشى
عدى :- اكلتى يا ميوش
مى :- ايوه يا حبيبى يلا بينا
عدى :- يلا يا قلبى وخرجو الاتنين راحو على فيلا باسم
مليكه :- لو عايز تخرج يا حبيبى وتشم شوية هوا أخرج وانا هخلى بالى من سمر بدل قعدتك علطول فى البيت
فريد :- انا فعلا مخنوق هخرج اروح الجامع شويه بقالى كتير مروحتش
مليكه :- ماشى يا حبيبى روح
فريد :- وقف وقال خلى بالك من سمر يا ماما
مليكه :- متخفش يا حبيبى فى عنيه
فريد :- باس أيد مليكه وقال ربنا يخليكى لينا يا ست الكل
مليكه :- باست راسه وقالت ربنا يخليكم ليا وميحرمنيش منكم ابدآ واشوف تملى البسمه على شفايفكم
فريد خرج راح الجامع ومليكه قامت تشوف اللى وراها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا باسم
كانت مى قلقانه على تيلا ومنمتش طول الليل وقعده على سريرها
باسم :- فتح عينه وقال صباح الخير
مى :- بقلق صباح النور
باسم :- منمتيش برضه
مى :- هنام أزاى وانا بنتى بعيده عنى والله أعلم يوسف عمل فيها أيه
باسم :- يا حبيبتى يا قلبى تيلا مش نايمه عند حد غريب ده جوزها حتى لو مطلقها مسموح تقعد فى مكان واحد معاه وده شرع ربنا مدام لسه فى العده
مى :- عارفه يا باسم بس يوسف متهور وعصبى شوفت عمل فيها أيه قبل كده نزلها بالقميص فى الشارع
باسم :- متخفيش على تيلا تيلا قويه وتقدر تقف ليه لو فكر يأذيها وهو لسه بيحبها صدقينى ميقدرش يعمل ليها حاجه ولا يأذيها بس أنا عارف ومتأكد أن توته مش هتسمحه كده علطول هطلع عينه الاول
مى :- بس ايه عرف أسر وهما الاتنين تليفونهم مفيش شبكه وصل ليهم ازاى وعرف
باسم :- معرفش بس هو لما أتصل بيا علشان يطمنى قال إن هما خرجوا مع بعض من الشركه وهو عرف مكانهم فين بالظبط
مى :- ربنا يستر بقى انا من الاول كنت خايفه من موضوع التسرع فى الجواز ده وزى قلبى ما كان حاسس أن الاتنين مش هيتفقو بعد الجواز وهيتعذبو
باسم :- الاتنين مشكلتهم العند والكبرياء ودول أصعب اتنين مابين الراجل ومراته بس لازم حد فيهم يتنازل علشان المركب تمشى
مى :- قامت وقفت وقالت ربنا يطمن قلبى عليها
باسم :- يارب
مى :- دخلت الحمام اخدت شاور واتوضت وخرجت لبست هدومها وأدت فرضها وبصت لباسم وقالت قوم اجهز على ما احضر الفطار وخرجت من الاوضه راحت المطبخ تحضر الفطار وبعد وقت حضرته وحطته على السفره والكل اتجمع
هنا :- بأستغراب امال فين تيلا
مى :- مع يوسف
فرحه :- مع يوسف أزاى هما رجعو لبعض
مى :- بيقولو خرجو أمبارح من الشركه مع بعض وراحو فى مكان مفهوش شبكه ونامو هناك
عمار :- بس أزاى من غير ما يقولو لحد
باسم :- لاء عمك أسر اتصل بيا وقالى وبعدين هما لسه فى العده يعنى ممكن يرجعها فى أى وقت هما حرين ربنا يسعدهم
مى :- بقلق ربنا يستر
هنا :- انتى قلقانه ليه بس
مى :- قلقانه علشان يوسف متهور وخايفه يتهور على اختك ولا حاجه
فرحه :- ميستهيأليش يا ماما مهما حصل يوسف بيحبها وميقدرش يأذيها
مى :- بس قدر قبل كده ونزلها بالقميص فى الشارع
باسم :- يا حبيبتى الوضع يختلف هو لما شاف المنظر اتغيب عقله عنه وعمل كده غصب عنه كراجل
مى :- انت مالك بدافع عنه كده
باسم:- انا مش بدافع عنه بس بحاول اطمنك مش أكتر
عمار :- بس يفكر يأذيها المرادى أنا اللى هقف ليه وهعرفه مقامه
مى :- بفرحه أبنى كبر وبقى راجل وبيخاف على اخواته البنات وعايز يجيب حقهم
عمار :- لا والله ده على اساس ان لسه كنت بعملها على نفسى امبارح يا ماما فوقى انا عندى خمستاشر سنه يعنى راجل وربنا ولا انتى فقدى الذاكره ولا أيه بالظبط
مى :- عقبال ما يكون عندك مية سنه يارب
عمار :- لا إله إلا الله على حنان الام المبالغ فيه ده هو انا بقولك عيد ميلادى النهارده وبعدين بص لباسم وقال ما تشوف مراتك يا عم الحاج
الكل :- هههههههههههههههههه
فرحه :- والله العظيم يا عمار انت العسل بتاع البيت ده
عمار :- طيب خلى بالكم من التلزيق بقى هو أنتو ليه النهارده كلامكم غريب
هنا :- ههههههههه شويه من اللى بتعملوا فينا
عمار :- ظروفو ده أيه الحلاوه دى الخرساء نطقت واتكلمت
هنا :- زى العبيط بالظبط لما يقول كلام معقول ههههه
عمار :- ايه يا بت كل ده من معرفتك بمحمد وغمز ليها وقال محمد ابن عمتك انتى ومش عمتى أنا
هنا :- اتوترت وقالت احم ا.ا انت بنأدم مستفز
عمار :- هههههههه وايه الجديد فى كده
هنا :- عمار بلاش غلاسه أكتر من كده
عمار :- مالك قلبتى كده لما جت سيرة محمد
هنا :- بص يا بابا خلى عمار يتلم
باسم :- اتلم يا ابنى مية مره أقولك خف على أختك هنا
عمار :- أنا غلطان أن بعمل ليها قيمه وبهزر معها
هنا :- بس هزارك تقيل وبايخ شبهك وقالت انا ماشيه
عمار :- هنا
هنا :- بصت ليه
عمار :- بعت ليها بوسه فى الهوا وقال علشان بحبك بحب أغلس عليكى
هنا :- ضحكة وقالت ماشى يا غلس وانا برضه بحبك
عمار :- ابقى سلميلى على محمد بقى
هنا :- بغيظ تانى
عمار :- هههههههههه خلاص خلاص
هنا :- سابتهم وخرجت من الفيلا وراحت عند محمد
وفى الوقت ده وصل عدى وقعد يضرب كلاكسات
باسم :- يلا يا فرحه عدى جه
فرحه :- وقفت وقالت انا ماشيه سلام
مى :- فرحه اخد علاجك
فرحه :- ايوه يا ماما اخده قبل ما انزل من اوضى
مى :- ماشى يا حبيبتى خلى بالك على نفسك
فرحه :- حاضر سلام وخرجت ركبت العربيه وقالت صباح الخير
عدى ومى :- صباح النور
مى :- عامله أيه يا فرحه النهارده
فرحه :- بتعب شويه فى الحمل بس أحسن من الاول
مى :- معلش يا حبيبتى ربنا يكملك على خير يارب
فرحه :- بحزن ربنا يخليكى يا مى
عدى :- شغل العربيه ومشى بيهم على الكليه وصلهم وراح على الشركه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا أسر
كانت مها واسر قاعدين بيفطرو و
كانت مها قلقانه وقالت
مها :- انا خايفه على تيلا من يوسف اوى ابنك متهور وعصبى وممكن يأذيها
أسر :- لاء متخفيش يوسف بيحبها ومش هيقدر يأذيها
مها :- طيب انت عرفت أزاى مكانهم
أسر :- عرفت انهم خرجو من الشركه مع بعض ولما حاولت اوصل ليهم ومعرفتش من الشبكه اتأكد أنهم فى البيت اللى يوسف كان مشتريه علشان يقعد مع نفسه فيه مفهوش شبكه وأكتر مكان هيأمن على تيلا فيه
مها :- وليه وجع القلب ده ماكان رجعها وعاشو مع بعض فى سلام لازم العند والكبرياء اللى فيه ده
أسر :- خليه كده بكره يبقى هيبوس أيديها علشان تسامحو لما يعرف الحقيقه
مها :- طيب ما تقولو ليه مستنين أيه
أسر :- صعب دلوقتى بعدين
مها :- ليه صعب
أسر :- ها ع.ع.علشان يتعلم الادب كويس ولما تبقى توته فى أيده من تانى يتمسك بيها أكتر من كده وميتهورش زى ما عمل فيها
مها :- مش عارفه ليه يا اسر حاسه انك مخبى حاجه عنى
أسر :- كلى يا مها كلى
مها :- بصت ليه وبعدين كملت أكلها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا فارس المنشاوى
فى اوضت فارس وجومانه
صحيت جومانه من النوم ملاقتش فارس جنبها وسمعت صوته فى الحمام عرفت أن هو بياخد شاور وشويه وخرج فارس
فارس :- صباح الخير يا قلبى
جومانه :- صباح النور
فارس :- مالك قالبه البوز كده على الصبح
جومانه :- من اللى بيعملو ابنك واللى غيظنى أكتر أن انت موافق على كلامه الاهبل ده
فارس :- قعد جنبها وقال انتى أيه مزعلك بس هو اللى بيحبها وهو اللى هيعيش معها
جومانه :- يعنى انت ترضاها أن يتجوز واحده أكبر منه
فارس :- انتى ليه محسسانى أنها أكبر منه بعشر سنين دى كلها سنه أو أقل كمان يعنى مش كتير وفرق السن مش باين ما بنهم والمهم أنهم بيحبو بعض والحب ملهوش علاقه بالسن خالص
جومانه :- يعنى من قلة البنات ما البنات على افه من يشيل ولا هو عند وخلاص
فارس :- القلب وما يريد يا جومانه هو قلبه عايز دى وعلى فكره بقى ابنك ولد وممكن مع الضغط المستمر منك ابنك يروح يتجوزها من ورانا وسعتها محدش هيلومه
جومانه :- خبطت على صدرها وقالت نهار أسود يتجوز من ورايا ده أنا اروح فيها
فارس :- هو عمل اللى عليه وعمال يتحايل عليكى بس أخر ما يزهق هيرمى طوبتك ويروح يتجوزها غصب عن الكل
جومانه :- سكتت شويه وقالت ط.ط.طيب والعمل يا فارس
فارس :- من رأى وافقى ويتجوزها برضانا أحسن ما يتجوزها غصب عننا
جومانه :- يعنى مفيش أى طريقه تخليه يرجع فى كلامه ويسيب مقصوفة الرقبه دى
فارس :- للاسف لاء ابنك بيحبها ها موافقه
جومانه :- طيب نضغط عليه شويه يمكن يصرف نظر عنها
فارس :- خلاص انتى حره اعملى اللى فى دماغك وخلى ابنك يخرج من تحت طوعك
وقام علشان يلبس هدومه ويصلى
جومانه :- احم ماشى موافقه
فارس :- رجع تانى ليها وقال قولتى أيه
جومانه :- ماشى موافقه
فارس :- ربنا يكملك بعقلك يارب إنزلى بقى فرحى قلبه وقولى ليه انك موافقه
جومانه :- ماشى هصلى الاول
فارس :- ادخلى اتوضى على ما ألبس هدومى وتعالى اصلى بيكى
جومانه :- ماشى وقامت دخلت الحمام اتوضت وخرجت كان فارس لبس هدومه وصلى بيها فرضهم ونزلو الاتنين من الاوضه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى اوضت كريم
صحى من نومه مسك التليفون بتاعه وقام قعد على سريره وطلب رقم ولاء وانتظر الرد
ولاء :- السلام عليكم
كريم :- وعليكم السلام عامله أيه
ولاء :- الحمدالله خير فى حاجه
كريم :- لاء مفيش بس حبيت اطمن عليكى مش أكتر واسمع صوتك
ولاء :- احم م.م.ميرسى
كريم :- على فكره صوتك حلو اوى اوى فى التليفون وعلى الطبيعه كمان بصى من الاخر كلك على بعضك كده لوزه مقشره وربنا
ولاء :- نعم
كريم :- يعنى طلقه
ولاء :- اللى هو أزاى يعنى
كريم :- يعنى مزه جامده
ولاء :- على فكره دى أول مكلمه مابنا مفيش حد بيتكلم بالطريقه دى فى أول مكلمه خالص
كريم :- لاء خلى البساط أحمدى كده وفكك واقعدى جنبى على النصيه نتكلم بلدى
ولاء :- بصدمه نعم أنت متأكد انك من عيلة المنشاوى
كريم :- هما بيقولو بس مش بعيد يكونو لاقونى قدام باب جامع ولا حاجه
ولاء :- ههههههههههههه على فكره دمك خفيف
كريم :- الله أكبر بركاتك يا شيخنا ضحكه وكلمه حلوه فى حقى مره واحده لاء ده انا كده ابخر نفسى احسن ما اتحسد
ولاء :- ههههههههههههه لاء بجد أنت مشكله
كريم :- طيب ربنا يبعد عنك المشاكل كلها الا مشكله واحده اللى هو أنا طبعآ
ولاء :- احم ممكن أعرف حضرتك انت متصل ليه
كريم :- احم ايه القلبه دى ما كنا مشين حلوين وبعدين انا قولتلك علشان أطمن عليكى انتى عندك زهايمر ولا أيه
ولاء :- وانا الحمدالله كويسه عايز حاجه
كريم :- احم كنت عايز اشوفك النهارده بعد الكليه
ولاء :- لاء يا بابا انت واخدها تسليه ولا أيه انت فكرتنى سهله لما ركبت معاك أمبارح ولا ايه
كريم :- نهار اسوح ايه راديو واتفتح اهدى على نفسك شويه يا بنتى وبعدين انا كنت عايز اقابلك علشان نتعرف على بعض أكتر وتكلمينى عن نفسك وعن أهلك وأكلمك عن نفسى وعن أهلى بس مش أكتر ولو مش موافقه عادى مفيش مشكله
ولاء :- احم ف ف فهمتك غلط
كريم :- ومن امته بتفهمينى صح علطول فاهمنى غلط المهم موافقه
ولاء :- احم م.م.ماشى
كريم :- بفرحه بجد انا هستنا الوقت ده بفارغ الصبر
ولاء :- احم ا.ا.انا لازم أقفل علشان الحق أجهز للكليه
كريم :- ماشى يا قلبى سلام مؤقتآ
ولاء :- اتكسفت وفرحت فى نفس الوقت لما كريم قال ليها قلبى وقفلت التليفون وقامت تجهز
كريم :- بص للتليفون وقال بحبك اوى يا بنت اللذينه كل يوم بتشد ليكى عن اليوم اللى قبله وقام دخل الحمام اخد شاور واتوضه وخرج لبس هدمه واده فرضه ونزل
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى اوضت بسمله
صحيت من نومها على صوت تليفونها بتبص لاقته رقم غريب ردت وقالت
بسمله :- السلام عليكم مين معايا
جاسر :- وعليكم السلام احم انا جاسر
بسمله :- جاسر جاسر مين وبعدين فاقت وقامت نطت وقفت وقالت ج.ج.جاسر
جاسر :- هههههههههههه اهو انتى كده فؤقتى ايوه جاسر
بسمله :- ج.ج.جبت رقمى م.م.منين
جاسر :- جبته بقى بطريقتى الخاصه المهم انتى واحشتينى اوى وكنت هتجن عليكى
بسمله :- ب.ب.بس لو بابا ولا كريم شافو رقمك عندى فى التليفون م.م.ممكن تحصل مشكله كبيره
جاسر :- وايه هيمسكهم تليفونك
بسمله :- كريم علطول بيمسك تليفونى
جاسر :- امسحى رقمى علطول بعد ما أقفل معاكى
بسمله:- م.م.ماشى
جاسر :- عامله ايه فى الدراسه
بسمله :- ك.ك.كويسه الحمدالله
جاسر :- سكت شويه وقال بسمله هو انتى بتجوبى وبس معندكيش أى سؤال عايزه تسأليه ليا
بسمله :- أحم م.م.مش عارفه ا.ا اصل الصراحه أول مره اتكلم مع شاب و.و.ومش عارفه ا.ا.اتكلم
جاسر :- ودى أكتر حاجه عجبانى فيكى انك لسه قطه مغمضه ملكيش أى تجارب قبل منى انا اول واحد فى حياتك وان شاءالله أخر واحد
بسمله :- ط.ط.طيب وانت ملكش تجربه مع واحده قبل كده
جاسر :- اممم بصى علشان أنا بحب الصراحه كان فى واحده بس حب من طرف واحد من عندى طبعآ كانت بنت الجيران وكنت مشدود ليها وكنت بستناها فى البلكونه لحد ما تخرج من الشباك علشان أشوفها ولو ثوانى
بسمله:- اول مره تحس بالغيره وقالت بغيظ وليه مروحتش أعترفت ليها بحبك
جاسر :- حس بنبرة صوت بسمله انها غيرانه قال علشان هى اتخطبت وبعد كده مشيو من عندنا من الشارع وجم مكانهم ناس تانين
بسمله:- ولسه بتحبها لحد دلوقتى
جاسر :- لاء لان بصراحه اكتشفت بعد كده انه مكنش حب ده كان مجرد أعجاب وبس إنما الحب الحقيقه اكتشفته معاكى انتى يا بسمله
بسمله :- يعنى لو يوم شوفتها صدفه قلبك مش هيدق ليها
جاسر :- لاء بس تعرفى أن انا اسعد واحد فى الدنيا
بسمله:- ليه
جاسر :- علشان اول مره احس فى صوتك الغيره عليا وأحس بحبك ليا
بسمله :- اتكسفت وسكتت
جاسر :- انا متأكد دلوقتى انك مكسوفه وخدودك طماطميه حمرا من الكسوف
بسمله :- احم ج.ج.جاسر انا لازم أقفل علشان متأخرش على المدرسه
جاسر :- ماشى يا عمرى واوعى تنسى تمسحى الرقم
بسمله :- ح.ح.حاضر م.م.مع السلامه وقفلت السكه ومسحت الرقم بتاع جاسر من على التليفون وحطته على السرير وقامت وقفت قدام المرايا وبصت على خدوها الحمرا وضحكة على كلام جاسر واتنهدت ودخلت الحمام اخدت شاور واتوضت وخرجت لبست هدومها وأدت فرضها ونزلت تحت وقالت
بسمله:- صباح الخير
الكل :- صباح النور
كريم :- ايه التأخير ده كله يا بسله
بسمله :- احم مسمعتش المنبه وصحيت متأخر
جومانه :- ولا يهمك يا حبيبتى يلا كلى
كريم :- هاتى تليفونك يا بسله
بسمله :- شرقت وقعدت تكح
فارس :- مد أيده بكوباية الميه وقال على مهلك يا حبيبتى
بسمله :- شربت شوية ميه وقالت ا.ا.الحمدالله
كريم :- هاتى تليفونك
بسمله :- ها
كريم :- انتى مالك النهارده يا بنتى فيكى أيه
بسمله :- م.م.مفيش ومدت أيديها بالتليفون وقالت خ.خ.خد انت عايزه ليه
كريم :- هاخد من عندك اغانى عمرو دياب علشان اتمسحت من عندى
بسمله :- ارتاحت وقالت م.م.ماشى
فارس :- طيب كل الاول وبعد كده شوف هتعمل أيه
فى التليفون
كريم :- لاء هبعتهم كده فى السريع علشان أنجز وقت
جومانه :- احم ابقى حدد معاد مع البت دى علشان نروح نطلبها ليك
كريم :- بص حواليه وقال انتى بتكلمينى انا
جومانه :- وهو فى حد هنا عايز يتجوز غيرك
كريم :- اه بابا
فارس :- شرق وقال يخربيت ابوك هتودينى فى داهيه
كريم:- هههههههههههه احبك انا وانت خايف من ست الحبايب
فارس :- اه يا واطى بتسلمنى تسليم أهالى لامك
جومانه :- المهم خلصنى هتروح تتكلم عليها ولا صرفت نظر ويارب تكون صرفت نظر
كريم :- لالالا صرفت نظر ايه ده انا راشق فى امها
جومانه :- بغيظ طيب يا اخويه ابقى حدد معاد مع اهل البرنسيسه
كريم :- قام باس راسها وقال أحبك يا أبيض وانت راضى عنى واخد التليفونات ولسه هيمشى
بسمله :- ااااايه هات التليفون بتاعى
كريم :- اه نسيت خدى واداها التليفون وخرج ركب عربيته وراح على الكليه وهو فرحان
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى شقة أيمن ومليكه
صحيت مليكه من نومها
ملاقتش أيمن جنبها قامت لبست الروب وخرجت تبص عليه لاقته بيتكلم فى التليفون
أيمن :- اول ما شاف مليكه قفل التليفون مع اللى كان بيتكلم معاه وقال صباح الخير يا قلبى
مليكه :- صباح النور كنت بتتكلم مع مين
أيمن :- ها ده تليفون تبع الشغل احم للاسف اتلغت اجازتى
مليكه :- بزعل بس ده كان لسه أسبوع فيها
أيمن :- للاسف شغلنا كده يا حبيبتى مفيش أجازه مضمونه وقت ما يحتاجونه بيلغو الإجازات علطول
مليكه :- يبقى خلاص انا كمان هنزل الكليه هعمل ايه هنا لوحدى
أيمن :- ماشى
مليكه :- وهتنزل امته
أيمن :- حالا هدخل البس وانزل
مليكه :- ماشى وانا هلبس ووصلنى معاك الكليه فى سكتك
أيمن :- ماشى بس فى السريع
مليكه :- حاضر
ودخلت مليكه لبست هدومها وخرجت وأيمن لبس هدومه وخرج ونزلو الاتنين ركبو العربيه وصلها عند الكليه وراح هو شغله
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى مستشفى الامراض العقليه
جهز مازن نفسه بعد التهيأه للخروج من المستشفى واستنا وصول جاسر وفى نفس الوقت وصل محمد وهنا
مازن :- بص لمحمد وهنا وقال انتو ايه جابكم مش وراكم كليه
محمد :- مجتش من يوم يا خالو ده النهارده عيد انك هتطلع معانا
مازن :- ربنا يبارك فيك يا أبنى
هنا :- حضرتك هتقعد فين
محمد :- عندنا طبعآ
جاسر :- لاء بابا هيجى يقعد معانا فى الشقه
محمد :- ده اللى هو أزاى مينفعش طبعآ انت ناسى أن هو طلق امك ومينفعش يقعدو فى مكان واحد
مازن :- محمد عنده حق يا جاسر مينفعش اقعد معاكم أنا أعتبر راجل غريب بالنسبه لامك هروح أقعد عند عمتك لحد ما ترجع من السفر وانت زى ما كنت بتعمل فى المستشفى أعمل لما اروح الفيلا تعال قضى معايا اليوم بعد الكليه واختك هنا كمان
جاسر :- مينفعش يا بابا نزعج الناس
محمد :- انت عبيط يا ابنى ده بيت عمتك يعنى زى بيتك ده لسه لما عمتك تشوفك هتفرح بيك أوى وبص لهنا وقال اما هنا بقى ده أحلى حاجه هتحصل انها هتيجى كل يوم عندنا وغمز ليها
جاسر :- احم ايه يا عم انت خف شويه ده ابوها واخوها واقفين اعمل حساب لينا برضه
هنا :- اتكسفت وبصت على الأرض
محمد :- وفيها أيه دى خطيبتى بس مستنين المشاكل تنتهى وهتجوزها
مازن :- ربنا يسعدكم يارب
جاسر :- يلا
مازن :- يلا وشال جاسر ومحمد الشنط ومازن حط دراعه فى دراع هنا وخرجو من المستشفى واول ما مازن حط رجله بره المستشفى استنشق الهوا بسعاده وقال
مازن :- مش مصدق نفسى أن خرجت للدنيا من تانى واتنهد وقال بس الدنيا الاولانيه مش اللى كنت فيها قبل ما ادخل هنا علطول
محمد :- يلا يا خالو اركب
وركبو كلهم مع محمد وراحو عند الفيلا بتاعت حياة
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى الكليه عند فرحه ومى
وصلت مليكه الكليه واول ما شافت مى وفرحه وولاء راحت تجرى عليهم
التلاته اتفاجئو بمليكه وحضنوها وسلمو عليها
مى :- ايه المفاجئه الحلوه دى
ولاء :- هو أبيه أيمن زهق منك بسرعه أوى كده
مليكه:- لاء يا خفه بس اتلغت إجازته وقولتلو انزل الكليه انا كمان بدل ما اقعد فى البيت وازهق
مى :- احلى حاجه عملتيها
مليكه :- كنت هتجن وانزل والله بس مكنتش عارفه اجبها ازاى لايمن بس جت من عند ربنا وبعدين بصت لفرحه وقالت اذيك يا فرحه عامله أيه
فرحه :- الحمدالله تمام
مليكه :- احلى حاجه اننا بقينا شله واحده
بس فى الوقت ده الكل بص على صوت رجولى وهو بيقول
وحيد :- فرحه
فرحه :- سمعت الصوت اتصدمت ووقفت مكانها متحركتش
وحيد :- فرحه بصيلى ارجوكى
فرحه :- كانت دموعها نازله منها ومش عارفه ترد
وحيد :- راح وقف قصادها وقال فرحه انا عارف انك موجوعه منى ومش من حقى اطلب منك السماح لان اللى عملتو فيكى صعب يتنسا بس عندى امل ولو صغير أن حبك ليا يكون هو شفيعي عندك عارف ان مقدمتش ليكى الحب وكنت باخد منك وبس لكن عندى استعداد والله اديكى الحب كله من غير ما تقدمى ليا أى حاجه انا حبيتك يا فرحه حبيتك بجد بس الانتقام كان عامينى كان مخلينى بنأدم تانى انا اتربيت على الكره والحقد والانتقام وكانت دى النتيجه واحد حيوان كسر أطهر وانضف قلب فى الدنيا دى بحالها انا اسف بجد كلنا ضحية الظروف يا فرحه كلنا
فرحه :- كانت بتسمع الكلام ده ودموعها بتزيد أكتر وأكتر ومره واحده قالت ليه انا يا وحيد ليه انا بالذات عملت ليك ايه كانت امنيتى حاجه واحده بس انك تحبنى زى ما حبيتك وتخدنى فى حضنك وتحتاوينى ليه ادتني الامل ورجعت اخده منى تانى ليه انا كنت اتغيرت علشانك كرهت اللى بحبه انا وحبيت اللى انت بتحبه كنت بايعه الدنيا بحالها ومكتفيه بيك وبس كنت باجى على حساب كرامتى كتير علشان حبك بس بجد كفايه انا تعبت اقسم بالله ابعد عن حياتى بقى وسبنى اتأقلم عليها من غيرك من اول و جديد كفايه بقى وجع وذل وقلة قيمه ابعد عن حياتى بقى حرام عليك كفايه بقى كفايه وطلعت تجرى على حضن مى وقعدت تعيط
ولاء :- لو سمحت انت شايف حالتها ياريت تمشى وتسبها
مى :- احنا ما صدقنا انها كانت خرجت من الحاله اللى كانت فيها ايه رجعك تانى يا اخى منكم لله
وحيد :- بص عليهم وبعدين بص على فرحه اللى بتعيط فى حضن مى ودموعه نزلت منه ومشى وهو مكسور وحزين
مليكه :- طبطبت عليها وقالت أهدى يا فرحه خلاص مشى
فرحه :- قعدت فى الارض وصرخت بأعلى صوت عندها
وقالت عاااااااااااااااا انا تعبت ياااااااااااارب يريحنى من اللى انا فيه يارب خدنى عند أمى علشان استريح بقى انا تعبت والله العظيم تعبت
مى :- شدتها واخدتها فى حضنها وطبطبت عليها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عند يوسف وتيلا
كانت تيلا قعده متغاظه فى الاوضه وسمعت صوت الباب بيخبط قامت فتحت وقالت
تيلا :- افندم
يوسف :- يلا علشان جهزت الاكل
تيلا :- مش عايزه اطفح
يوسف :- اللهم يطولك ياروح اسمعى الكلام وبلاش تعصبينى
تيلا :- والله انا حره مش عايزه أكل الله
يوسف :- لسه هيمسكها من دراعها ويشدها
تيلا :- حاولت تقفل الباب فى وش يوسف
يوسف :- مد أيده ومسك الباب وزقه
تيلا :- رجعت لواره من شدة فتحت الباب
يوسف :- دخل وقال انتى عايزه توصلى لايه بالظبط
تيلا :- طلعت تجرى وقالت أياك تقرب ليا فاهم
يوسف :- طلع يجرى وراها ومسكها
تيلا :- وهى بتحاول تبعده عنها وقعو الاتنين على السرير تيلا من تحت ويوسف من فوق
يوسف :- سرح فى عينيها وقرب منها ولسه هيبوسها
تيلا :- نفسها غمت عليها من ريحت البرفان بتاعة يوسف زقته وطلعت تجرى على الحمام ورجعت
يوسف :- بص عليها بقلق وقال ا.ا انتى كويسه
تيلا :- خافت أن يوسف يكون حس بحاجه قالت انا كويسه بس بقيت بقرف منك لما تقرب منى بقيت بكرهك وبكره قربك ليا ياريت تكون شوفت بعينيك حالتى ايه لما بتكون جنبى ابعد عنى وسبنى فى حالى بقى
يوسف :- اتعصب من كلام تيلا ومسكها من دراعها وقال انتى ايه يا شيخه انتى واحده مستفزه على فكره انتى اللى بتقرفى منى ماشى تيلا وزقها على السرير وحاول أن هو يهدتها أن هو هيلمسها
تيلا :- بدموع ابعد عنى يا حيوان ابعد انا كل يوم بكرهك أكتر من اليوم اللى قبله
يوسف :- قام وقف وقال انا اللي ميشرفنيش أن ألمسك بس حبيت اديكى قرصة ودن أن لو عايز ألمسك هلمسك ومش هتقدرى تعملى حاجه وبصلها بقرف وخرج وسابها
تيلا :- حدفت المخده وراه وقالت بدموع انت بنأدم زباله بكره كل لحظه راحت منى فى التفكير فيك بكرهك بكرهك
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
