رواية مريم الفصل الرابع بقلم جمانه السعيدي
كعدت على الجربايه وهو خلص جكارته وطلع للصحيات ورجع سد باب الغرفه وطفا الضوه بقى بس الكلوب الأحمر مشتعل
اجا تمدد يمي واني كمام جسمي كله يرتعش احس نفسي مصخنه
كلش كلش خايفه ومرعوبه
سحبني على واني انتهيت
ودي ادفعه واشرد
بس وين اشرد وهو قفل كل البيبان عليه
غمضت عيوني واستسلمت
جمانه السعيدي
نفس شعور واحد يردون يذبحونه ولازمينه بكل قوتهم
حاول يتقربلي بس ماكدر
ابتعد شويه ورجع حاول مره ثانيه وماكدر
كعد شرب ماي وشعل جكاره واني لميت ملابسي وتغطيت
من خلص الجكاره رجع حاول مره ثالثه
وماكدر يسوي اي شي
هنا اتنرفز حيل
وكام يصيح كله منج
انتي ما جاي تجاوبين وياي
مع ان اني جنت مثل الطير المذبوح لاحول ولاقوه
لو يجيب سجينه ويكطع لحمي ابقى مستسلمه
ومآ عندي اي ردت فعل
لان اني كلشي ما اعرف
والخوف مسيطر عليه كلش
كام من يمي واني رجعت غطيت نفسي
جمانه السعيدي
شعل الضوه وكعد على كرسي موجود بلغرفه
شعل جكاره وذب حسره جبيرررره
وبدأ يحجي وياي
اني متغطيه وطالع بس راسي وهو كاعد وراي على الكرسي
حجي حسن انتي حيل زغيره ويمكن ماعندج اي تجربه بلحياة
بس اني شايف اشكال والوان والحياة كفخت بيه لمن ملت
كل درس كنت اتعلمه كان يقويني اكثر واكثر
من توفت زوجتي الله يرحمها واني عايش بوحده فضيعه
قبل جنت احسب اني قوي بفلوسي واملاكي
بس كل هاي الأملاك والفلوس
ماكدرت تعوض مكانه ابد
اني عندي اولاد اثلاثه
من ازوجو وكل واحد كال اريد استقل بيت وحدي
الجبير مهندس وزوجته مهندسه
اشتريت الهم بيت من احسن البيوت وسكنو بي
من فلوسي وهمه ما دفعووو ولا ربع
هنا حسيته طف الجكاره وتحسر وشعل وحده ثانيه
اما الثاني مدرس حب مدرسه ويااا وخطبها
مابقت عدنا غير شهرين وكالت اريد بيت وحدي اريد اخذ راحتي
اني ماحبيت اكسر خاطره وهو كل شويه يكول محمود
مو احسن مني
اشتريتله بيت وانطيته اله هديه
واخذ زوجته وعزل ابيتهم
بقا الزغير سجاد هذا مايحب المدرسه خلص متوسطه وترك المدرسه
هذا يحب التجاره وعقليته تجاريه كلش ما يصرف الربع اله يستفاد منه
الحاجه يفكر بيها الف مره كون يستفاد منها إلى أبعد حد يله يشتريها
هسه يبيع ويشتري بلبيوت والسيارت وحالته الماديه كلش زينه
هم ازوج وحده من اقاربنا من بعيد وكالتله ما اريد اهلك
بعد زواجهم بفتره وكفلي وكفه وكال حالي من حال محمود واكرم
اريد تشتريلي بيت وتخلي باسمي
رغم هو حالته الماديه كلش زينه وعندا املاك
رحت واشتريت بيت وسجلته باسمه
جمانه السعيدي
كنت اكووول المن اريده هو أول وتالي الهم
بلبدايه كانو يزورنا كل أسبوع مره
بعدين كل اسبوعين خوب هذا المهندس كل شهرين نتصل علي يله يجينا انشوفه
اني وامهم نتصل عليهم محد يكلف نفسه يشد رصيد ويخابرنا
امهم وكعت مريضه وتحتاج عنايه
كانو يتصلون بلتليفون يطمنون عليها
ولا احد منهم كلف نفسه وجاب زوجته واجا كعد عدنا يوم واحد
حتى الي يجينا يكعد ربع ساعه ويطلع يكول مشغول كلش
اني ما اكدر وحدي اداريها كانت تعاني من سرطان المثانه
ووضعها حيل صعب
بحيث تكوم تصرخ وتضرب بلحايط من يريد يطلع
ادرارها
وتحتاج تشكيل صوندا حتى تنزل ادرارها
كلما ادخلها مستشفى تكول طلعوني اني ما احب المستشفى
طلعتها للبيت
وجبتلها ممرضه تخدمها بلبيت
تجي بالنهار وتروح بليل
اني ابقى اليل كله كاعد
لان خطيه تتألم وماتكدر تنام ابد
اخر فتره كل المهدئات كامت ماتشتغل عليها
جمانه السعيدي
وضعها حيل صعب سنه كامله واني ماخليت مكان ما اخذتها
لمن اخابرهم اكلهم خل يجي واحد وياي يساعدني
كل واحد يكول مشغول
شلت بكلبي عليهم
كام يطفي جكاره ويشعل حده ثانيه
حسيت تحسر ونزلن دموعه
كعدت على حيلي
ونزلت رجليه من الجربايه وصرت كباله ودنكت
حجي حسن الناس كله تكتل نفسها حتى يصير عدها اطفال وتفني أجمل سنيين عمرها إداري وتكبر وتتعب
بس بعدين كلمن يكول يله روحي
عمري ما عيشتهم بعوز ولا خليتهم يحتاجون احد
وامهم جانت تخاف عليهم بشكل مو طبيعي
تبقى لازمه الباب اذا طلعو لمن يرجعون وتطمن عليهم يله
صدموني بردت فعلهم ابد ما متوقع منهم هيج يسوون
ماتت امهم بلبدايه كلهم يمي همه وزوجاتهم واطفتلهم
بس طلعت السبعه مال امهم
كلمن رجع البيته
ماكدرت اكعد وحدي بلبيت
البيت احسه راح ياكلني
اشوف ام محمود بكل ركن بلبيت
حالتي النفسيه صعبه
يعني بعد عشرت ٣٠ سنه تفقد انسان عزيز عليك
تعبت كلش
رحت يم الجبير اسبوع ومرته كلبت الدنيا اني موضفه وتعبانه شني ما أخذ راحتي بيتي
بيتج وينه بيتج هذا البيت اني اشتريته
لميت ملابسي ورحت للثاني
زوجته بس اجيت ابيتهم
جمعت ملابسه وراحت الاهلها
وبقينا بس اني ويااا بلبيت
اني ما اروحلهم محتاج اني عندي خير من الله
بس احساس الوحده كتلني دمرني
رجعت للبيت
ماردت احس باحساس الاهانه مارحت السجاد رجعت البيتي
صعب عليه هذا الوضع كلش
بقيت كاعد بلبيت وحدي اسبوع كامل
بيوم اجاني سجاد ومحمل مسواك وشلونك واني مقصر وياك
تعال اكعد وباي واخليك بعيوني جمانه السعيدي
كلت يالله تعبي ماضاع ابد
عاد طلع منهم واحد زين
رحت يمهم زوجته هم استقبلتني ورحبت بيه
وتغسل ملابسي وتحضر الاكل
بقيت عدهم عشر ايام
وبيوم سجاد فاتحني بموضوع صدمني
سجاد يابه ذاك البيت فارغ يقصد هذا البيت الي احنا هسه كاعدين بي
وانت كاعد عدنا معزز مكرم
ليش ما تسجله باسمي
ولله اخليك فوك راسي طول العمر
اني صفت وعرفت هاي المدارا علمود شنوووو
كمت جمعت ملابسي وطلعت من البيت
اجيت سئلت عرفت هذا البيت واحد منطي بي سعر كلش غالي وهاي جيته عليه والاهتمام كله حتى اسجل البيت باسمه
هااا وبدون مايدرون اخوانه
خاف يطالبون بحصتهم من البيت
يريد ثمن سكني عنده اسجل البيت باسمه
رجعت البيتي وكعت مريض
اسبوع كامل اني بلفراش ولا واحد منهم اجاني
ولاحتى مكالمه وصلتني منهم
اختي ام علي اتصلت عليه وعرفت اني مريض
واجت تعتني بيه
وتطبخلي
وهذا الولد المضمد الي بلباب عبد الله
يوميه يجيني وبنطيني العلاج ويهتم بيه
من ساعته قررت ازوج واعيش حياتي وابد ما ابقى انتضر منهم يسئلون عليه
من سمعو خبر خطوبتي اجو كلهم
اول بلبدايه كالو احنا نهتم بيك وكل اسبوع عد واحد
ونخدمك ونخليك بعيونه
موعبالج حب بيه لا ايخافون ازوج واسجل كلشي باسم زوجتي
جمانه السعيدي
ولمن شافوني مصمم على الزواج تعاركووو وياي وكامووو يهددون
اتخيلي يهددوني ويردون ياخذون حلالي
وتعبي وعمري الي ضاع
وهمه حتى سوال ما يسئلون عليه
اني قررت اعيش حياتي واستمتع بأيامي الباقيه
ومستحيل اعوفهم يتحكمون بحياتي ابد
اتمنى استوعبتي كلامي
وتكدرين تتحمليني
